هل ال المهدي اشراف

كتب الزميل cantona_1

Quote: أولاً يا قمر بوبا بقولوا آل المهدي مش ناس المهدي. 1- الإمام المهدي: مولود في جزيرة لبب وهو من الأشراف حسب ما ورد في نسبه. 2- الإمام عبد الرحمن المهدي: أبوه الإمام المهدي. والدته: السيدة مريم مقبولة بنت السلطان على الفضل أحد سلاطين الفور. 3- الإمام الصديق المهدي: أبوه الإمام عبد الرحمن المهدي. والدته: السيدة بنت السيد الخليفة شريف. 4- الإمام الصادق المهدي: أبوه الإمام الصديق المهدي: والدته: السيدة رحمة بنت الأمير عبد الله ود جاد الله ، عقيد الخيل وكسار قلم ماكمايكل مدير مديرية كردفان.(ينطقها السودانيون: ماكميك) 5- الإمام الهادي المهدي: أبوه الإمام عبد الرحمن المهدي. والدته بنت العمدة مصطفى عمدة الشوال بالنيل الأبيض. الإمام الشهيد الهادي المهدي تولى الإمامة قبل الإمام الصادق المهدي بعد وفاة الإمام الصديق. أوردناه بعد الإمام الصادق للتسلسل فقط. 6- السيد عبد الله الفاضل المهدي: (والد مبارك) أبوه السيد الفاضل المهدي (أخ غير شقيق للإمام عبد الرحمن) وهما الناجيان من حادثة الشكابة المشهورة. وأمه: بنت هباني ناطر عموم الحسانية والحسنات بالنيل الأبيض منطقة نعيمة. وهذا هو سبب إرتباط مبارك بالهبانية في النيل الأبيض وهم ليسوا هبانية دار فور. 7- دكتور الصادق الهادي المهدي: والده الإمام الشهيد الهادي المهدي. والدته: السيدة رقية بنت السيد عبد الله الفاضل المهدي. (يعني مبارك عبد الله خاله أخ لأمه غير شقيق). 8- السيد أحمد المهدي: والده السيد عبد الرحمن المهدي. والدته: السيدة سكينة بنت عبد الله ود جاد الله الوارد ذكره أعلاه. هنا يتضح لكم أن السيد أحمد المهدي عم الإمام الصادق المهدي لأنه أخ غير شقيق للإمام الصديق المهدي والد الإمام الصادق. وفي نفس الوقت هو إبن خالته لآن والدته السيدة سكينة ووالدة السيد الصادق المهدي السيدة رحمة أخوات شقيقات بنات الأمير عبد الله ود جاد الله. 9- السيدة فاطمة عبد الرحمن المهدي: بنت الإمام عبد الرحمن المهدي ووالدتها السيدة سكينة بنت عبد الله ود جاد الله كسار قلم ماكمايكل. وهي الأخت الشقيقة للإمام أحمد المهدي مع شقيقات أخريات، لا يتدخلن في السياسة. هنا أوردت السادة والإئمة ومن لهم ولهن دخل بالسياسة وخاصة الأحياء. مايجي واحد ويقول لي إنت ما من ناس المهدي عرفتهم بالتفصيل كدا كيف؟ لسع عارف كتير من التفاصيل. وطبعاً أعرفهم فهم أهلي لأنني أنصاري وما داير أجنن (الشويعية) وناس قريعتي راحت وأقول ليهم ديل أسيادنا. خلوا أعصابكم في تلاجة. (العوج راي والعديل راي)

حسب علمي ان ال المهدي دناقلة اي سودانين
اما الاشراف فهم ينتهي نسبهم الي بيت النبوة

محمد الأمين محمد

Quote: حسب علمي ان ال المهدي دناقلة اي سودانين اما الاشراف فهم ينتهي نسبهم الي بيت النبوة

بالإشارة لما ورد في مداخلتك أن الأشراف ينتهي نسبهم إلى بيت النبوة، فلو دخلت قبة الأمام المهدي في أم درمان وقرأت نسبه لوجدت أنه يتصل بنسب النبي (ص) مما يعني حسب قولك أنه من الأشراف. والله أعلم.

المعروف أن كل الأشراف في الدنيا يتصل نسبهم بنسب النبي (ص) عن طريق بنته فاطمة الزهراء لأن النبي (ص) ليس ولد حي ترك ذرية فقد مات كل أولاده في حياته. كما أن بنتيه أم كلثوم ورقية زوجتا سيدنا عثمان بن عفان فقد توفيتا تحت زوجهما ولم يخلفا أطفالاً لحكمة يعلمها الله تعالى.


(العوج راي والعديل راي)

Quote: محمد الأمين محمد Quote: حسب علمي ان ال المهدي دناقلة اي سودانين اما الاشراف فهم ينتهي نسبهم الي بيت النبوة بالإشارة لما ورد في مداخلتك أن الأشراف ينتهي نسبهم إلى بيت النبوة، فلو دخلت قبة الأمام المهدي في أم درمان وقرأت نسبه لوجدت أنه يتصل بنسب النبي (ص) مما يعني حسب قولك أنه من الأشراف. والله أعلم. المعروف أن كل الأشراف في الدنيا يتصل نسبهم بنسب النبي (ص) عن طريق بنته فاطمة الزهراء لأن النبي (ص) ليس ولد حي ترك ذرية فقد مات كل أولاده في حياته. كما أن بنتيه أم كلثوم ورقية زوجتا سيدنا عثمان بن عفان فقد توفيتا تحت زوجهما ولم يخلفا أطفالاً لحكمة يعلمها الله تعالى. (العوج راي والعديل راي

يعني غ########ة ساي مفروض يكون ال المهدي والميرغنية وبني حسين اهل
ولا انا غلطان

Quote: حسب علمي ان ال المهدي دناقلة اي سودانين اما الاشراف فهم ينتهي نسبهم الي بيت النبوة

دنقلا مدينة تاريخية كبيرة وكل من يسكنها منذ القدم ينسب اليها حتى لو لم يكن دنقلاوى
وبها خليط من كل الاجناس, اما لو اردت نسب الامام المهدى عليه السلام, استطيع ان اعطيك
نسخة احتفظ بها فى البيت,خلف صورة كبيرة للامام عليه السلام يوجد نسبه الشريف


تحياتى

الاخ محمد الامين
تحية و مودة

جاء فى الاثر: الناس مصدقون فى انسابهم
بل و ينتسب كثير من السودانيين للاشراف, ربما تبركا بنسب نبيهم, و ليس فى هذا ما يضير
كما انه ليس هناك ما يمكن ان ينفى او يثبت صحة هذا الانتساب لبيت النبوة, و الجدل فى مثل هذه الامور لا يوصل لاى شئ, و اخشى ان يفتح كوة لبعض الجهات التى تبغض ال المهدى لاسباب لا علاقة لها بالانساب للنيل منهم بقبيح القول

عوض محمد أحمد

Quote: و اخشى ان يفتح كوة لبعض الجهات التى تبغض ال المهدى لاسباب لا علاقة لها بالانساب للنيل منهم بقبيح القول

كلامك كلام عقل يا عوض محمد أحمد... لكن مين يقنع الديك.
نحن نخلط بين العام والخاص. يعني نلخبط الكيمان دون سبب واضح أو وجيه.


(العوج راي والعديل راي)

كثير من السودانيين يقولون انهم اشراف..ولايمكن لاحد ان يجادلهم
تعودنا ان ننتسب لمن نشاء..
الاهم ان الانتماء الى الاشراف مع احترامنا لهم
لايعنى شيئا..امام الله عز وجل..دعونا نتذكر ان ابولهب عم الرسول
عليه الصلاة والسلام فى الجحيم..
يبقى حبنا للمهدى قائما كـ كل الرموز والابطال فى تاريخ السودان
تحياتى

Quote: يبقى حبنا للمهدى قائما كـ كل الرموز والابطال فى تاريخ السودان حب الجميع ياسيدي

---

Post: #10 Title: Re: هل ال المهدي اشراف Author: مُحَمَّدٍ عِوَضٌ احْمَدُ Date: 08-01-2010, 07:56 AM Parent: #9 Quote: حب الجميع ياسيدي بما فيهم انت ايضا تحية اخرى ومحبة خالصة

---

Post: #11 Title: Re: هل ال المهدي اشراف Author: بدر الدين اسحاق احمد Date: 08-01-2010, 08:10 AM Parent: #10 Quote: جاء فى الاثر: الناس مصدقون فى انسابهم فلينتسب كل انسان الى مـن شاء ... فليس ذلك بعاصمــه امام الله سبحانه وتعالى الا بما عمــل

---

Post: #12 Title: Re: هل ال المهدي اشراف Author: alsngaq Date: 08-01-2010, 08:59 AM Parent: #11 الغرض كان إثبات كون المسيح بشر. هنا الغرض شنو؟؟؟

---

Post: #13 Title: Re: هل ال المهدي اشراف Author: محمد الامين محمد Date: 08-01-2010, 11:02 AM Parent: #12 انت تفتكر شنو

---

Post: #14 Title: Re: هل ال المهدي اشراف Author: عوض مختار Date: 08-01-2010, 02:32 PM Parent: #13 سلامات أريد أن أسال أليس لعمنا أبو جهل ..نسل فى السودان من ينتمى ...لعبد الله بن ابى سلول وأمية بن خلف ولا ديل كانوا عقيمين ... أين ذهب نسل عمر بن الخطاب وقد كان كثير العبال بس طوالى ...ماسكين فوق؟؟؟ طيب أفرض جدهم الرسول (ص) هل هذا يلزمنا ..وبعد 1400 سنة وعملية خلط بكل جينات البشر أن نركع لهم ....ونفدسهم ,,,وكمان ندفع قروش ؟؟؟؟ أنا شايف الكلام دا ما عندو معنى ( إن أكرمكم عند الله أتقاكم ) قال أشراف قال الشيخ محمد شريف نو الدايم قال ( الدنقلاوى شيطان مجلد بى جلد أنسان ) وهنا يعنى المهدى ...الدناقلة ما يزعلوا منى ..دا كلام محمد شريف عوض مختار

---

Post: #16 Title: Re: هل ال المهدي اشراف Author: مُحَمَّدٍ عِوَضٌ احْمَدُ Date: 08-01-2010, 04:45 PM Parent: #14 Quote: ( الدنقلاوى شيطان مجلد بى جلد أنسان ) شيخنا طبيعى يقول كده الامام سحب البساط من تحت الاف شيوخ الطرق الصوفية.. الحوار الغلب شيخو ذاتو دا ياهو الامام المهدى ده

---

Post: #15 Title: Re: هل ال المهدي اشراف Author: cantona_1 Date: 08-01-2010, 03:03 PM Parent: #12 Quote: الغرض كان إثبات كون المسيح بشر. هنا الغرض شنو؟؟؟ الغرض تعرفه كيف ؟ ماك سنجك! فهمتها ولا عايزة شرح؟ كان ما فهمتها تعال بعد الساعة 4 ! كمان دي عايز فهامة يا سنجك؟ (العوج راي والعديل راي)

---

Post: #17 Title: Re: هل ال المهدي اشراف Author: Hololy Date: 08-01-2010, 06:45 PM Parent: #15 ...... ..... Quote: حسب علمي ان ال المهدي..... دناقلة ....اي سودانين ..... .......الصديق محمد الامين ...... .... ..... ....تعرف يا صديق ... لي زي كم يوم كده ....... (قرفـــــــــــــــان) ..... و ديبرسد ... للاّخر ...... .... فتحت البوست بتاعك ده وعيني علي كلمة اشراف المقترنه بالتساؤل دي...... و اعترتني مسحة حزن اعمق و انبل ..... ....لكنها..... فقط ..... تمتزج بكثير......من الفرح .... و الامل ..... و التفاؤل ......في الغد القادم .... و انا أقرأ الكوتيشن الفوق ده .... ....متقاطعا (و لحد محدود )..... مع مداخلة الاخ بدر الدين اسحق..... ..... ..... ما عارف الشعور الممتزج تناقضا ... و الماقادر حقيقة اوصفو بشكل دقيق ... جا من وين .... ربما يكون استدعاء فجائي ..... ..... و احتشاد لونسات و احاديث في زمن مضي مع مسبب ال (قرفه)....ثم .... انزوائه و الي الابد ....في نقيض الحياه ..... ..... .... عموما يا صديق .... ..... .... يبدو اننا اضحينا نتلمّس و نتحسّس خطونا .... نحو الطريق الوريف بالكينونه و السودانويه ....... ......و نميز بين الاصل .......و الفرع ... (الوافد من الخارج)؟؟؟؟؟... ...... ...... الاصل ليس بالضروره فقط الدناقله .... بل ... المحس او الحلفاويين .... الشلك .... البجه .... الدينكا ... النوير...... ....... البني عامر ... الغرّابه ببطونم المختلفه ... ال........ ال....الخ .... باختصار غير مخل كده ..... الرطّانه ..... ....... ...... اليس جدير بالتامل ان يطلق علي كل هذا....(الاصل).....رطّانه ... يعني يتكلموا كلام (خارم بارم ...و غير مفهوم) ...!!!! ....... في دولة..... المركز القمئ.... المجرم .. السجم دي .....في حين..... يضحي الفرع الوافد من الخارج .... هو الاصل .... وهو الكلام المفهوم ....!!! ...... و هل هذا الوصف تلقائي .... عفوي..؟؟؟؟.. ام ان صياغته تمت بخبث و عنصريه .... لازمه و ملازمه للقمع و القتل و الاجرام المركزي؟؟؟؟؟؟ ..... .... تبا له من مركز رماد .... و تبا ... لكل الساسه النخاسه الحكام ...الذين توافدوا عليه.....و كرّسوا لهذا الزيف ... و النفاق ... و الطلم ..... و قمع التاريخ و الحضارات والثقافات وكبح تمدد انسان السودان ... افقا و سماءّ.... من فوق انسانيته ... و ثقافته..... و حضاراته ... ........ ......... ......... ........ ده كووووووووولو ولسه الحكايه ناقصه .... يجوا شوية مثقّفاتيه رمم ..... يتهموا الاصل بالعنصريه .... دي اخرتا!!!!!!! ...... ...... ..... بالله عليكم الله هسع العنصري منوا ....؟؟؟؟؟؟ ...... ...... ...... من يتمسّك بثقافته و حضارته المتجذّره في ارضه من قبل ان تظهر حتي الديانات والانبياء ال25 و المختفين... ...... ..... و الاّ ......الذي يدعو لفرض ثقافة وافده .... اتيه من الخارج ؟؟؟؟؟؟؟ .... .... ..... .....طبعا الساسه ..... النخاسه ..... الحكام .....ديل ..... مرفق معاهم ..... .... ..... ...... ..... ....المثقفاتيه.... ..... ..... ..... ..... .... وتبا لكم .... يا مثقّفاتيه ...... يا..... ..... ..... .... .... يارمم .... .... .... ....و اللهم .... لا تمتني .... مثقفاتي ...... عربي ..... .... .... ....امتني .... عنصري .......عطبراوي .....سوداني..... ..... .... كما امت صديقي ....قرفه .... عنصري .....سناري .....سوداني...... ..... ..... و امت قائدي ...جون قرنق ... عنصري...... دينكاوي ......سوداني.... ...... ......و ... استاذي و قرة عيني ..... محمود محمد طه ..... عنصري..... رفاعي..... سوداني ..... ....... ...... ...... .....ومعلميّ..... ...... ...... ...... .......عيد الخالق .....جوزيف.......... الشفيع..... قاسم .... هاشم .... ....... ........ ...... ........ ......... ............ .......... ...... ......عنصريين سودانيين

---

Post: #18 Title: Re: هل ال المهدي اشراف Author: الرفاعي عبدالعاطي حجر Date: 08-01-2010, 07:26 PM Parent: #17 العزيز محمد الامين محمد تحياتي ,,, ورأي في الامر كتبته كثيراً في عدد من المداخلات نحن في سوداننا الجميل تداخلات وهجرات كثيفة تمت وتتم حالياً ولعل العنصر الاعلى هو الافريقي الزنجي بخصوص الاشراف اعتقد ان ذاك النسب ربما غير متصل ولو قيس آل المهدي من ناحية الاخلاق فهم اشراف اخلاق واعتقد ان الجميع يدعي ذلك ولو رجعت لجدك لربطك بال نسب العربي الشريف وفي الجنوب يوجد من يدعي ذلك والشمال والشرق والغرب والوسط لكن محاولات مستميتة لا تكفي يجب ان نفاخر بالانتماء لسودانوية نكتبها بدمائنا ونرتبط بها ثقافة فهي الباقية والاصل . .......................................................حجر.

---

Post: #19 Title: Re: هل ال المهدي اشراف Author: amir jabir Date: 08-01-2010, 07:53 PM Parent: #18 طيب هسى نعمل شنوا انحنا 1- نمشى نتمى الى حزب الامه 2- نموت من اجل حزب 3- ان يتحول السودان الى المملكة العربية السودانية 4- نسمع ونتبرك فى اتر كل انصارى 5- نعارض الانقاذ ؟؟ 6- تكون ماشى فى الشارع تلاقى زول من اهل المهدى تفسح لية الطريق ؟؟ 7- لازم تصلى الجمعة فى جامع الانصار ؟؟ 8- تجى تقول المهدى علية السلام نعمل شنوا ممكن التوضيح اكثر ؟؟ يعنى هسى جبال النوبة ، قبائل الجنوب كلها النيل الازرق , ما اشراف ؟؟

---

Post: #20 Title: Re: هل ال المهدي اشراف Author: amir jabir Date: 08-01-2010, 08:05 PM Parent: #19 يعنى هسى الاشراف بتاعين السودان ديل ما عندهم حق الاشراف بتاعين السعودية والاردن يعنى الحق فى السلطة الثرروة هناك لازم الناس تطالب بالحق دة علشان ما يضيع نشيل الوثيقة اعلها وفرد الى المملكة العربية السعودية

---

Post: #21 Title: Re: هل ال المهدي اشراف Author: عوض محمد احمد Date: 08-01-2010, 08:34 PM Parent: #20 ؟؟؟؟؟؟؟؟؟؟؟؟؟

---

Post: #23 Title: Re: هل ال المهدي اشراف Author: alsngaq Date: 08-02-2010, 08:14 AM Parent: #21 بالجد ما عرفته الغرض شنو لسه ؟؟؟

---

Post: #25 Title: Re: هل ال المهدي اشراف Author: محمد الامين محمد Date: 08-02-2010, 12:00 PM Parent: #23 Quote: بالجد ما عرفته الغرض شنو لسه ؟؟؟[ حطوووووووووووووووووووووووووول Post: #22 Title: Re: هل ال المهدي اشراف Author: محمد الامين محمد Date: 08-02-2010, 08:03 AM Parent: #20 Quote: يعنى الحق فى السلطة الثرروة هناك لازم الناس تطالب بالحق دة علشان ما يضيع نشيل الوثيقة اعلها وفرد الى المملكة العربية السعودي نديكم عرعر Post: #24 Title: Re: هل ال المهدي اشراف Author: مزمل خيرى Date: 08-02-2010, 09:21 AM Parent: #22 هسع يجيكم محمد عادل يمنطقكم كلكم .! Post: #26 Title: Re: هل ال المهدي اشراف Author: محمد الامين محمد Date: 08-03-2010, 12:37 PM Parent: #24 منتظرين محمد عادل اوناطرين

---