المشير عمر البشير .. ناس الدويم بقولوا ليك ان شاء الله لا تفوفت لا تموت

فقد حققت لهم حلما انتظروه منذ الاستقلال

كوبري الدويم

نعم انه الحلم الذي انتظرناه

فقد صار حقيقة ...

لا يعرف قيمة هذا الكوبري إلا من اكتوى بنار هذا

يا قريش هل ناس الدويم لا يعرفوا إنّ ما سٌرق من أموالهم هو أضعاف أضعاف ما أنفق على هذا الكبري؟
____
قل كيزان الدويم لكي تكون دقيقاً..

Quote: يا قريش هل ناس الدويم لا يعرفوا إنّ ما سٌرق من أموالهم هو أضعاف أضعاف ما أنفق على هذا الكبري؟ ____ قل كيزان الدويم لكي تكون دقيقاً..

سلام يا ود عمي مشتاغون والله

يا أخوي أخير لينا البسرقنا وبعمل لينا
القبالو سرقونا وما عملوا لينا التكتح

يا ياسر لو تعرف كم عانت الدويم من البنطون
لرضيت أن يسرق دمك وينجز لك هذا الكوبري

هههههههههه

لا تتخيلوا كيف تتحول الدويم الى سجن كبير بعد انتهاء ساعات عمل البنطون

تصدقوا لو عندك زول عايز يموت ما تقدر تلحق بيهو الخرطوم

شيخ معتز هل انت جادى فى هذا الكلام و لو بتضحك على نفسك ؟

و بعدين زويلك دا المدعو الاسد النتر كضيضيب شديد قبل كدى قال انا و دعت الكاكى فآذا به ديكا يكاكى

زويلك و حكومته من ناس النار دحين ابعد نفسك من اللعبة دى . يا شيخ المعتز انت انسان كويس

آوعاك تتابع السياسة خلى السياسة لناسها . و بقول ليك ناس الانقاذ ديل من ناس النار و سيوردهم

الاسد النتر النار لانه قتل ناس دار فور . دحين عليك الله كان عائز تكتب اكتب عن الدين

زى ما آخوك السمؤل بكتب عن الدين كلام جميل .

Quote: شيخ معتز هل انت جادى فى هذا الكلام و لو بتضحك على نفسك ؟ و بعدين زويلك دا المدعو الاسد النتر كضيضيب شديد قبل كدى قال انا و دعت الكاكى فآذا به ديكا يكاكى زويلك و حكومته من ناس النار دحين ابعد نفسك من اللعبة دى . يا شيخ المعتز انت انسان كويس آوعاك تتابع السياسة خلى السياسة لناسها . و بقول ليك ناس الانقاذ ديل من ناس النار و سيوردهم الاسد النتر النار لانه قتل ناس دار فور . دحين عليك الله كان عائز تكتب اكتب عن الدين زى ما آخوك السمؤل بكتب عن الدين كلام جميل .

يا صديق يا اخوي وين السياسة في البوست دا
بعدين يا سيدي السموأل زول قائم بذاته

وكل ميسر لما خلق له






ــــــــــــــــــــ
شايفك مباريني من أمس ان شاء الله خير

Quote: ان شاء الله لا تفوت لا تموت

يا زول إنت الكلام ده قدرو؟

إنت ما عارف الـ (لا بيفوت لا بيموت) منو؟

.
.
.
.
.
.
.
.
.
.
منو غير إبليس

شيخ معتز
سلا مات
الكبرى فى الدويم عمل جميل

لكن ماهو سر اهتمام الدولة بالكبارى والسدود اكثر من اهتمامها بالتعليم والصحة والزراعة؟

ثانيا هل هذا المشروع طرح فى عطاء وتم اختيار الشركة المنفذة حسب مواصفات الجودة والمقاييس والسعر المقدم؟
هل هذا المشروع ينفذ تحت ادارة الجهة المختصة ( مؤسسة الطرق والكبارى ) ؟
ثالثا هل تمويل هذا المشروع من مواردنا الداخلية ام بقروض خارجية؟
رابعا ما علاقة ما يسمى بوحدة السدود بالكبارى والطرق؟

Quote: تصدقوا لو عندك زول عايز يموت ما تقدر تلحق بيهو الخرطوم

طيب الافضل يصلحو المستشفي عشان اي زول يلقي علاج ما الناس البتقدر تسافر الخرطوم بس!!!

Quote: يا زول إنت الكلام ده قدرو؟ إنت ما عارف الـ (لا بيفوت لا بيموت) منو؟ . . . . . . . . . . منو غير إبليس

ابو الريش ـ سلامات ياااخ

شوف يا زول ابليس جن أحمر
المهم دا الزول الحقق لينا أمانينا









ــــــــــــ
بالله هو المثل دا طلع في ابليس

Quote: بالله هو المثل دا طلع في ابليس

دا ما مثل ... لكن الخالد من قبل خلق البشر وإلى قيام الساعة هو إبليس (لا بيفوت لا بيموت)

*

ودالقريش
سلام
هنيئاً لأهلنا بالدويم الكبري الذي سيزيح عنهم رهقاً وعناءً كبيراً
ولسه التقيل جايي وراء
لن تتوقف الإنجازات بإذن الله

مؤونة عشرة أعوام من الود

الف مبروك لكل أهالي الدويم ..
وتحياتنا ياعمك .

Quote: المشير عمر البشير .. ناس الدويم بقولوا ليك ان شاء الله لا تفوت لا تموت

يا شقيق الوزير ناس الدويم ديل ما قرو قرآن ولا بفهموا معني الاية التى وردت فيها ايات الحكم
يقول تعالى في سورة آل عمران " قُلِ اللَّهُمَّ مَالِكَ الْمُلْكِ تُؤْتِي الْمُلْكَ مَنْ تَشَاءُ وَتَنْزِعُ الْمُلْكَ مِمَّنْ تَشَاءُ وَتُعِزُّ مَنْ تَشَاءُ وَتُذِلُّ مَنْ تَشَاءُ بِيَدِكَ الْخَيْرُ إِنَّكَ عَلَى كُلِّ شَيْءٍ قَدِيرٌ"
واما الموت الاعمار بيد الله
قوله تعالى (كُلُّ نَفْسٍ ذَآئِقَةُ الْمَوْتِ وَإِنَّمَا تُوَفَّوْنَ أُجُورَكُمْ يَوْمَ الْقِيَامَةِ فَمَن زُحْزِحَ عَنِ النَّارِ وَأُدْخِلَ الْجَنَّةَ فَقَدْ فَازَ وَما الْحَيَاةُ الدُّنْيَا إِلاَّ مَتَاعُ الْغُرُورِ {185}) آل عمران



فنحن جمعيا راجعين الموت

الكبري ده أبتدوا فيهو بعد ما أخوكـ بقي وزير و لا شنو ؟؟




ولا يمكن عايزين يعينوكـ أنت زاتكـ وزير ؟؟
ما هي الحكاية أصلاً بقت فوضي و خلاص يعني بقت عليكـ أنت ؟

Quote: تصدقوا لو عندك زول عايز يموت ما تقدر تلحق بيهو الخرطوم

بلاي انت المرضان بتصلوا بيه لا الخرطوم؟
والله اتاريكم بتحبوا الحياة حب...

نحن المرضان حدنا معاه شندي...مع انو الخرطوم اقرب لينا منكم

يا جماعة الخير ... الحق حق والباطل باطل... صراحة الانقاذ ما قصرت في انشاء الكباري والطرق.... ودا حقو نكون صريحين فيها والنكر الكلام مكابر ساكت...... اما الحديث عن الفساد حتى في انشاء هذه الطرق والكباري فدا موضوع تاني....
ـــــــــــــــــــــــــــ
ود القريش الرد على طريقة الوزير مبارك الفاضل في زمن الصادق المهدي لمن قالوا ليهو انت بتبيع التصاديق قام قاليهم برضو ابوحريرة بتاع الاتحادي باع التصاديق .... دي طريقة فاشلة وإعتراف ضمني بوجود فساد ..... كان مفروض انك تدافع وتنفي وجود الفساد اذا انت مقتنع بعدم وجودو
لك تحياتي

*

Quote: كان مفروض انك تدافع وتنفي وجود الفساد

الشمس ما بغطيها الا الليل
ثلاثة لايمكن اخفاءهم
العطر, الحب والفساد

والكبرى كما فيه مصلحة لاهل الدويم ايضا فيه مصلحة لاهل الفساد

أخى معتز

سلامى

بأذن الله يفوت ويموت....
ويمهل ولا يُهمل.....

"ولا تحسبن الله غافلا عما يعمل الظالمون انما يؤخرهم ليوم تشخص فيه الابصار"
صدق قاهر الظالمين

Quote: والكبرى كما فيه مصلحة لاهل الدويم ايضا فيه مصلحة لاهل الفساد

الاخ محمد النيل تحياتي :
كم من المرات وانا افكر في حكاية الكباري والاسفلت التي اتبعها الانقاذيون وسوقوها كداعمين للتمنية.
ولا اخفيك فقد ابنت لي الكثير من الغائبات ......فهي افضل طريقة وأكثرها امناً للفساد.اذ انه معروف
ولا يخفي علينا ان الشركات الطفيلية التي انشأت لهذا الغرض هي شركات تابعة لارباب السطلة الطفيلية.
فهي تعبث باموال الدولة المستدانة والمتحصلة عن طريق الجبايات .......فالفاسد يود ان ياخذ الاموال
عن طريق عمل فاسد بالضرورة.....فالاسفلت الذي لم يصمد امام رشاش ومقدمات الامطار ، لايمكن ان يعد شارعاً
الا بمنطق الذي يعمل شارع او كبري معطوب احسن من الذي لا يعمل.
كما ان النشاط الطفيلي دائماً مغرم بالشوارع والعمارات والصواني والحدائق......ولكنه يكره الانتاج ويمغته حد الموت.......اذ تعالو لنري ماصرف علي هذه الكباري ، لو صرف علي مشاريع انتاجية مثل الزراعة والصناعة؟
فاموال الدولة بايديهم بلا رقيب ، وهم يلوحون لنا بان يوم القيامة قادم........فقط ستظل هذه الطرق
وهذه الكباري شاهد علي من نفذها وستكون مادة دسمة للمحاسبة القادمة لا محالة.

ومن أنت حتى تتكلم نيابة عن ناس الدويم؟
وأنك تعرف كل شيء عنهم، لكنها الانتهازية.
أما بشيرك فسيفوت. أما يموت هذه فانا غير متأكد منها.
عبد الحي
ناس قرى الدويم

Quote: ومن أنت حتى تتكلم نيابة عن ناس الدويم؟ عبد الحي ناس قرى الدويم

يا أخي ما عندك أحسن من كدا ؟