نكته عمنا الفكى

قبل ما اقوله ارجو ان لا يفهم ذلك بقصد عنصرى او مفهوم تطرفى للبعض كل الموضوع قصة واقعية تجسد الحالة التى وصل اليها المواطن السودانى فى خضم معاناة حرب دارفور وانا بقول نكته لانو هى كنية اقرب لذلك وعلى حسب قول اخوانا المصريون (طالما السودانى بقى ينكت معاناه اتعصروا)
اه بعد المقدمه ده ممكن اقول النكته الواقعية والله بكون براى فتحت لى جبهة والفينا مكفينا؟؟؟؟
مكان النكته فى الطريق من النهود الى غبيش بشمال دارفور وابان فترة دخلو خليل الى امدمان
والله رايكم شنو؟؟؟
تحياتى

النكته بتقول

واحد فكى سافر فى لورى من النهود للابيض وكلما اللورى يمشى شوية يضرب بعصاه طالب مساعد اللورى يوقف علشان يتوضأ ويكون جاهز لزوم السكة والموت البقى فى اى وقت المهم الفكى كتر الحكاية وبعد كم ساعة ظهروا ليهم( تورا بورا) وعلى طول وقفوا اللورى واول شىء شافوه ابريق الفكى وعلى طول سألوا صاحب الابريق ده منو عمك الفكى عمل نايم فى المرة الثلاثه الكمسارى كان زعلان من الفكى ونطه قال
الابريق بتاع الفكى ده على طول الفكى قام قال ليه ايفكفك( استغفر الله) بالله شوفوا لايقة البلف ده
طبعا بين قوسين عرفوتها
بس اتمنى ان لا يفهم قصدى كما اسلفت كلما فى الامر نكته تحكى معناة المواطن السودانى من ويلات الحرب الدارفورية
تحياتى

Quote: بلدي يا حبوب مكان النكته فى الطريق من النهود الى غبيش بشمال دارفور وابان فترة دخلو خليل الى امدمان واحد فكى سافر فى لورى من النهود للابيض

يا زول إنت راسب جغرافيا؟ ولا إنت شهادة عربية؟ ولا تكون قريت في مدارس البعثة التعليمية العربية؟
إنت جغرافية السودان وبالأحرى خريطة السودان ما حافظها ولا عارف أين تقع مدنها كمان تخفف دمك وتحكي نكات بايخة؟؟

شوف لمن تريد تحكي نكتة أبنيها على قاعدة صحيحة من المعلومات بعدين تعال إتفاصح:
1- طريق النهود غبيش يقع في ولاية شمال كردفان. محلية النهود ومحلية غبيش.
2- النهود تقع غرب الأبيض وبالتالي المسافر إلى غبيش من النهود لا يمر على الأبيض لانه تركها خلفه شرقاً.

لم نفهم النكتة لأنها بايخة.

والله ما فهمنا اي حاجه

عمنا cantona_1

يا زول إنت راسب جغرافيا؟ ولا إنت شهادة عربية؟ ولا تكون قريت في مدارس البعثة التعليمية العربية؟
إنت جغرافية السودان وبالأحرى خريطة السودان ما حافظها ولا عارف أين تقع مدنها كمان تخفف دمك وتحكي نكات بايخة؟؟
صدقنى ان قلت انها نكتة بايخة كان افضل على الاقل برضو رأى
ولكن بحروفك المتلهبة التى تحكى عن شخصية احتفظ بالرد احتراما للمنبر العام
فأن اخطأت فى جفرافية المنطقة فأنا اسف واشكرك على التصويب لا على الملاحظات فمن رسب فى الجفرافيا هذا عادى ربما يكون اتجاه علمى اما ان كنت شهادة عربية فلا ذنب للاساءات التى قد تطول البعض لا بسببى ولكن بتطاولك
وعلى فكرة الاسم الصحيح البعثة التعلمية المصرية وليست العربية فايضااعتذر لهم لما كنت فيه سبب للايذاء
ولك ودى
تحياتى

Quote: بلدي يا حبوب فأن اخطأت فى جفرافية المنطقة فأنا اسف واشكرك على التصويب لا على الملاحظات فمن رسب فى الجفرافيا هذا عادى ربما يكون اتجاه علمى اما ان كنت شهادة عربية فلا ذنب للاساءات التى قد تطول البعض لا بسببى ولكن بتطاولك وعلى فكرة الاسم الصحيح البعثة التعلمية المصرية وليست العربية فايضااعتذر لهم لما كنت فيه سبب للايذاء

1- الشهادة العربية ليست إساءة ولكن لأن طلابها لا يدرسون جغرافية السودان في دول المهجر.
2- مساق علمي لا علاقة له بالجغرافيا. خريطة السودان تُدرّس في رابعة وسطى بالقديم (4-4-4 ) وفيها فائدة لمعرفة أين تقع مدن السودان وأنهاره وجباله. يعني ما يجي واحد يقول ليك المجلد جنب أبو جبيهة.
3- أنا لا أتطاول ولكن أصحح بعض المعلومات عن كثيرين يتفسحون فينا بلا معلومات صحيحة.
4- جمال عبد الناصر غيّر حتى اسم مصر إلى الجمهورية العربية المتحدة. وبالتالي صارت البعثة تسمى: البعثة التعليمية العربية. وجاء السادات وأرجع اسم مصر: فصارت جمهورية مصر العربية. وصار اسم البعثة: البعثة التعليمية المصرية.
ما تزعل يا إبني وخلي روحك رياضية. لأنهم قالوا: ميمان لا يتعلمان، مستح ومتكبر. وأربأ بك من الثانية ولا أظنك تستح من التعلُّم.

(العوج راي والعديل راي)

رقم (1) لا جديد فى الرد فما زلت احتفظ بردى لك
رقم(2) ذكرت لك اننى اخطأت فى الحروف لا اكثر ولكننى لم اتطاول ولم يصل مستوى تفكيرى الى هذا الدرك الذى تنشده فاعرف السودان ويكفى ان اقول لك
ولاية شمال كردفان تشمل بارا - وام روابة- والنهود وغبيش - ودبنده وسودرى وغيرها من المدن
اما ولاية جنوب كردفان وانت من ابنائها والتى احفظ لهامن الود الكثير من خلال تجوالى فى بعض مدنها الدلنج-كادوقلى وعبر الردميه الى بليلة والمجلد- بابنوسه- الفولة حتى الوصول الى لقاوة -وابوجبيهة التى وصلناها فى هذا الخريف عبر طريق ام روابة
ارجو ان تتختفظ بما تعلمه عن ولايات كردفان ولا تسغلها فى تجريح خلق الله
وانت ارت المزيد عن مدن ولايات السودان فلا مانع ساذكرها بشمالها الذى يبدأ بالتمتام وينتهى بدنقلا وحلفا مرورا بالعديد من المدن حتى كريمة ومروى وايضا نبدا من الجيلى شمالا لنجد مدن شندى وعطبره وبربر وابوحمد
اما عن الجزيرة يكفى ان اقول جنوب سوبا والكاملين ورفاعة والمناقل وبركات ومدنى وقرى الجزيرة المنتشرة
ولاية سنار مدخلها سنار - سنجه- الدالى -وبقية المدن
ولاية النيل الازرق اكبر مدنها الدمازين والكرمك واصغرها قيسان- دندرو-الخ
ولاية القضارف جنوب كبرى حنتوب ومدنها الفاو - الحواته- قلع النحل -القضارف - القلابات الشرقية (دوكه)
الشواك
ولاية كسلا مدخلها مدن حلفا حلفا القربة- حلفا الجديدة -ود الحليو- كسلا- الخ
ولاية البحر الاحمر تبدأ بمدن سنكات- سواكن- طوكر-بورتسودان-اوسيف الخ
ولاية شمال دارفور تبدا بالفاشر- ام كدادة مليط- كتم شعرية- اللعيت جار النبى -الخ
ولاية غرب دارفور تبدا بنيالا- كأس-الضعين-جبل مرة الخ
ولاية جنوب دارفور تبدأ بالجنينة- الخ
على فكرة كل هذم المدن تشرفت بزيارتها
فى هذا السودان العريض امضيت اكثر من ثلاث شهور متجولا فيه بمسافة امتدت عبر الاسفلت والطرق الوعرة تساوى 20 الف كيلو بالعربة ولا تشمل هذه الرحلة ولايات دارفور الثلاثة وولايات الجنوب
ولكن سبق ان زرت العديد من مدن ولايات دارفور ولايات الجنوب ابان الثلاث ولايات جوبا -واو -ملكال
اتمنى ان اكون قد اجبت على تطاولك فى عرفتى بولايات السودان
رقم(3) لا داعى لهذه المعلومات التى لا اجد فيها غير نصيب المجتهد ان وجد

Quote: ما تزعل يا إبني وخلي روحك رياضية. لأنهم قالوا: ميمان لا يتعلمان، مستح ومتكبر. وأربأ بك من الثانية ولا أظنك تستح من التعلُّم

كنت اتمنى ان اجد ما اتعلمه ولكن انقلب السحر على الساحر فأنت احوج الى الميم الثانية
وامل ان يتسع صدرك
وان عدتم عدنا
تحياتى

بلدي يا حبوب

Quote: ولاية غرب دارفور تبدا بنيالا- كأس-الضعين-جبل مرة الخ ولاية جنوب دارفور تبدأ بالجنينة- الخ

لكن الجغرافيا عندك. يا الماك عارف جنوب دار فور من غرب دار فور. الناس كلها بتقول من بورتسودان للجنينة ومن حلفا إلى نمولي.
أعتبرني متكبر فهي وجهة نظر يمكنني سماعها ولكن لست ملزم بقبولها. ولكن فكل إناء بما فيه ينضح.

(العوج راي والعديل راي)

نُـــكته باااااااااااااااايخه

Quote: ولاية النيل الازرق اكبر مدنها الدمازين والكرمك واصغرها قيسان- دندرو-الخ

سلامات يا حبوب
كلامكـ عديل
ولاية النيل الازرق
اكبر مدنها
الدمازين -- الروصيرص -- باو -- الكرمك -- قيسان
اصغر مدنها
السريو/ بدوس /ام درفه/ هارون المحطه /هارون الحله
بيشان / الجرف /القرى/ ابو شنينه ...... الخ

كلها بتقول من بورتسودان للجنينة ومن حلفا إلى نمولي.
وحتى نستفيد من النقاش دعك من هفوات الحروف احيانا وكلنا خطاوؤن وانت اسير للمثل الذى يقول ...
الجواب يكفيك عنوانه واخيرا اتضح صوابه
ولكن لابد من قراءة ماتحت العنوان فما وقع من خطأ يفقفر حتى فى الامتحانات واراك حكمت على العنوان ولم تستفيد من قراءة ما بداخله لانك اسير الميم الثانية
والدليل اختيارك لما يقول الناس ولا اراك تقول
وان كنت متكبر او عكسها فهذا شأنك ؟؟؟؟؟؟؟؟؟؟؟؟؟؟؟
وللكل اسلوبه وانت اعلم بما اريد

وقع من خطأ يفقفر

صوابه
الخطا اتى عبر لوحة الحروف لا اكثر
والمقصود
عدم صوابه
وخطأ اخر غير مقصود
من خطأ يفقفر
والصحيح
يغفر

الاخ سامى
شكرا على المعلومات الاضافية عن ولاية النيل الازرق وامل ان اتمكن من زيارتها فى القريب العاجل
وعلى فكرة النكته قد تكون مفهومة للبعض واخرون لا يفهمونها وبرضو اشكرك على التعبير
تحياتى

بلدي ياحبوب ...سلام ..

Quote: الابريق بتاع الفكى ده على طول الفكى قام قال ليه ايفكفك( استغفر الله) بالله شوفوا لايقة البلف ده طبعا بين قوسين عرفوتها

النكتة اعتقد كلها فيما بين القوسين ..لكن مابين القوسين مااظن فيها كلام عنصري !!اولا مابين القوسين دي خاصة بناس معينين ..؟!!



تحياتي ..

الاخ فايزو القاضى
شكرا على المرور
مابين القوسين كما اسلفت لا يعنى كلام عنصرى
واقول ليك بين القوسين يعنى انو الفكى خوفا من الموت وذلك باصرار التورا بورا على معرفة صاحب الابريق الراجل قال اتخارج ورد
يفكفك (استغفر الله ) اى قصدت دين الكمسارى
وعلشان ما الناس تمشى لبعيد ارجو ان تفهم الحكاية مجرد نكته تحكى الرهبه والخوف الذى وصل اليه الناس فى حرب دارفور وعندما اشرت الى مابين القوسين قلت امكن فى زول لماح يفهم النكته
والنكته رواها لى احد ابناء كردفان
تحياتى

بعد الشرح لبين القوسين النكته كدا بقت جميله ياعمك
خلق الله دي الواحد لو جا يضحكم يمسكو من رقبتو يندموه علي نكتتو زاتو
يازول والله اناضحكت لمن غلط ومشكور

Quote: بس اتمنى ان لا يفهم قصدى كما اسلفت كلما فى الامر نكته

بلدى يا حبوب، سلامات..

ياخى أول خلينا نفهم الكلام.. القصـد دا ملحوق. تورا بورا دى شنو..

رجاء أعد اصياغـة بالصورة التى تكون مفهومة أكثر ولك جزيل الشكـر.

سلام للجميع

أولاً يا عم كانتونا والله مشتاقين وويييييييييييين الحي بيك (معاك سيد مرارة من البالتوك، أمسك المايك لوول)


ثانياً: يا بلدي يا حبوب النكتة دي أنا سامعها لكن ما بالصورة دي وفهم قصدك إنك ما عايز تسب الدين في المنبر، وللضرورة أن ح أكتبها بصورتها الصحيحة ثم لاحقاً سأقوم بمسح سب الدين علشان الناس تفهم الحاصل شنو.

النكتة الأصلية بتقول:
قالوا ناس النهب المسلح هرشوا ليك كل البصات اللي بتسافر في مناطقهم
المهم، الجماعة إتضايقوا جداً وفكروا قالوا نمشي لي فكي ويقرأ لينا في البص تعاويذ علشان ناس النهب المسلح ما يقبضوهم، المهم الفكي شال منهم قروش كتيرة جداً، قاموا الجماعة لأن الحكاية لو جلت بكون فيها موت، قالوا لازم الفكي يسافر معانا. المهم الفكي راجل خواف، وبحب القروش، قام إتوكل على الله وسافر معاهم، واول ما دخلوا مناطق النهب المسلح، ثبتوهم ناس النهب المسلح،
وقالوا للسواق: إنت عامل فيها أبو عرام موش؟! وطااااااااااااااخ شاتوهو طلقة
عمك الفكي ركبوا وسنونو بقو يكجكجو من الخوف
الكمساري حريف قبل ما يشوتوهو طلقة
قال ليهم: يا جماعة نحن ماعندنا ذنب دا الفكي دا قال ما بتجيكوم عوجة.
ناس النهب المسلح بغضب: فكي؟؟؟؟؟؟؟؟؟؟؟؟ وينو الفكي دا
الكمساري (مؤشراً بأصبعه تجاه الفكي): أهو دا الفكي
الفكي (غاضباً): فكي منو يفكفك ####*

----------------
* الفكي سب الدين علشان يخلوهو ويتأكدوا إنو ما فكي لأنو الفكي ما بسب دين، ويطلع من الورطة

الاخ عثمان
ينصر دينك اهو ديل الناس البفهموها
شكرا على التوضيح
تحياتى

ابوريش يا دفعة سلامات

Quote: ياخى أول خلينا نفهم الكلام.. القصـد دا ملحوق. تورا بورا دى شنو

التورا بوردا مجموعات مسلحة تتمركز فى عدة مناطق بولايات دارفور وتتحكم حتى الان فى حركة العربات السفرية والتجارية بين نيالا وجبل مرة اصل هذه المجموعة عبارة عن مرافيد القوات المسلحة والقوات النظامية من ابناء دارفور اللذين شردوا وفصلوا من الخدمة دون اسباب معروفة يمكن اعتبارهم ضحايا للحرب ونسبة للغل والشعور بالظلم وانتهاك كرامتهم كونوا قوات عرفت من قبل اهل دارفور بالتورا بورا وطبعا معنى الاسم لا اعرفه .
التورا بورا ما زالوا متمسكين برتبهم العسكرية واحترام الجندية يعنى بالعربى عساكر ويعتمدون على الجباية من العربات التجارية ويتصيدون بالقوات الحكومية
هذا قليل عرفته حين زرت مدينة الفاشر
اما ترتيب النكته
اهو حبينا النذير ما مقصر
تحياتى

Quote: النكتة الأصلية بتقول: قالوا ناس النهب المسلح هرشوا ليك كل البصات اللي بتسافر في مناطقهم المهم، الجماعة إتضايقوا جداً وفكروا قالوا نمشي لي فكي ويقرأ لينا في البص تعاويذ علشان ناس النهب المسلح ما يقبضوهم، المهم الفكي شال منهم قروش كتيرة جداً، قاموا الجماعة لأن الحكاية لو جلت بكون فيها موت، قالوا لازم الفكي يسافر معانا. المهم الفكي راجل خواف، وبحب القروش، قام إتوكل على الله وسافر معاهم، واول ما دخلوا مناطق النهب المسلح، ثبتوهم ناس النهب المسلح، وقالوا للسواق: إنت عامل فيها أبو عرام موش؟! وطااااااااااااااخ شاتوهو طلقة عمك الفكي ركبوا وسنونو بقو يكجكجو من الخوف الكمساري حريف قبل ما يشوتوهو طلقة قال ليهم: يا جماعة نحن ماعندنا ذنب دا الفكي دا قال ما بتجيكوم عوجة. ناس النهب المسلح بغضب: فكي؟؟؟؟؟؟؟؟؟؟؟؟ وينو الفكي دا الكمساري (مؤشراً بأصبعه تجاه الفكي): أهو دا الفكي الفكي (غاضباً): فكي منو يفكفك دينك* ---------------- * الفكي سب الدين علشان يخلوهو ويتأكدوا إنو ما فكي لأنو الفكي ما بسب دين، ويطلع من الورطة

الاخ بــلدي يا حبوب

والله نكتة حلوة وتستاهل تمضغ قَرض الصبر عشان .... تصل لينا ختيت خارطة الطريق قدامك ما يلاقوك ناس تورا بورا

والاخ النزير حجاوي شكراً علي الشرح انا هسي مارق ااجر ليها صالة

............ فترة ما ضحكتا بالصورة دي دا فـــكي .... ..... ينصر دينكم

ولدنا النذير

Quote: ثانياً: يا بلدي يا حبوب النكتة دي أنا سامعها لكن ما بالصورة دي وفهم قصدك إنك ما عايز تسب الدين في المنبر، وللضرورة أن ح أكتبها بصورتها الصحيحة ثم لاحقاً سأقوم بمسح سب الدين علشان الناس تفهم الحاصل شنو

تعرف الله يستر عليك من الظلا يين فى المنبر
شكرا على التوضيح
تحياتى

اخي وصديقي العزيز بلدي يا حبوب
التحية لك مثني وثلاث ورباع
انت عارف انا لي مدة طويلة ما ضحكت زي الليلة وانا بتابع في البوست ده وتاني لو عندك نكته ادخل في الموضوع علي طول لانو اخفاء بعض الاشياء والموافق يخل بفهم النكتة الا للمتابعين.
بخصوص التوربورا ظهر هذا المصطلح مع بدايات الحرب في دارفور في عام 2003 وهو يطلق علي ثوار الحركات المسلحة ( حركة تحرير السودان وحركة العدل المساواة) لان قواعدهم العسكرية تقع في الجبال
فكانوا يقومون بالعمليات العسكرية ويعودون للجبال واللقب جاء الي دارفور من افغانستان لو تتذكر هجوم القوات الامريكية علي عناصر طالبان في جبال تورابورا وفي دارفور لو قيل لك انت تورابورا تاني ما بتشيف الشمس فهو
يقابل الطابور الخامس ايام حرب الجنوب . هناك مصطلح اخر مرادف للتورابورا وهو البشمرقة والمقصود به المليشيات التي جندتها الحكومة السودانية لمساعدتها في الحرب في دارفور وهم الجنجويد يعني اذا قيل لك انت بشمرقة
يعني انت فرد مسلح موالي للنظام والعلاقة واضحة ايضا بين البشمرقة والحرب الامريكية علي افغانستان.

العزيز ابوعرفه
كل التحايا بالعودة وها انت تبدا بتصحيح مصطلح التورا بورا واؤكد لك استفادتى من مداخلتك
اما عن النكتة انت عارف فى ناس فى المنبر العام لو عطسته وما قلت الحمد الله تشيل شيلتك
تحياتى وودى لك ولعودتك
تحياتى

بمناسبة النهب المسلح قالو واحد بيحكي قال والله لاقونا ناس النهب المسلح وقالو لينا اها عندكم حلين تختارو منهم واحد اما الحش اونكتلكم الجماعه قالو ليه اها عملتو شنو اتفكيتو منهم كيف قال ليهم كتلونا طبعا*

لذيذه مش كده?

طبعا في روايه تانيه بتقول وقفوهم صف وقالو ليهم ياالحش ياالرش قال واحد كلجه واقف في الصف قال ليهم ياجماعه الكلام دا ماواضح مشو الصف ياخي

تسلم يا بلدي

حلوى يا حبيننا
تحياتى