Post: #2
Title: Re: واخيرا وجدت عمر احمد وكان بدري عليك
Author: khaleel
Date: 07-26-2010, 05:21 PM
Parent: #1
في انتظار العراب احمد الامين واضاءة عن عمر احمد
|
Post: #3
Title: Re: واخيرا وجدت عمر احمد وكان بدري عليك
Author: abubakr salih
Date: 07-26-2010, 05:21 PM
Parent: #1
يا خليل اسمعها بصوت العميرى ... حاجة تفوق الوصف.
الاغنية عجيبة كل من غناها صرنا نردد من بعده كان بدرى عليك
تودعنى و انا مشتاق ... كان بدرى عليك و الوكت طويل و الانس جميل
فى سكون الليل.
|
Post: #4
Title: Re: واخيرا وجدت عمر احمد وكان بدري عليك
Author: khaleel
Date: 07-26-2010, 05:24 PM
Parent: #3
| Quote: يا خليل اسمعها بصوت العميرى ... حاجة تفوق الوصف |
هلا بكور سيد العلوم
سمعتها عند عركي وكان مجيدا كالعادة لو عندك بصوت عميري
لزها لي وينوبك ثواب
تشكرات سيدي
|
Post: #5
Title: Re: واخيرا وجدت عمر احمد وكان بدري عليك
Author: احمد الامين احمد
Date: 07-26-2010, 09:54 PM
Parent: #4
فى ترتيب البلابل الى أطلقها فى سماء الفن السودانى من قفص إبداعه الضخم ود الريح يأتى عمر احمد زمنيا مباشرة بعد الفاتح حاج سعد صبى حى العرب الذى كف عن الغناء بعد أن أخشوشن صوته بفعل الولوج الى عتبة الرجولة بعد أن أشتهر بترديد أغنيات التاج مصطفى " أضيع فى الحب انا المعذب بالجمال
فكتب له ود الريح "فتان جمالو شغل قلبى مالو" فأغرت تجربة الصبى الفاتح حاج سعد الصبى عمر احمد بالحضور الى ود الريح رغبة فى دخول بستانه المضمخ بالفل والريحان "حسب مصطلح سيد عبدالعزيز" ومنزل ود الريح بشهادة صلاح مصطفى فى حلقة قبل اشهر بالبيت السودانى كان أشبة بعيادة يحج اليها الناشئه من كل "فج عميق" أملا فى إجازة الصوت والظفر باغنيات ترفعهم الى مصاف التاج وحسن عطيه وود الريح يجيز صوت اى فنان يأتيه عبر مصاحبته على العود بالغناء بعدها يجيزه او يرده عليه جاء الصبى الوسيم عمر احمد الى دار ود الريح وقتها كان يسكن مع شقيقة طلب مدنى بحى العرب
بستان الغناء السودانى كما لايخفى
وعمر أحمد " من ابناء ودمدنى جاء لدار ود الريح برفقه صديق فتجاهله ود الريح لصغر سنه ومخافة ان يكرر تجربه الفاتح حاج سعد قبل البلوغ فيتلف الصوت وتفسد التجربه لكن عمر احمد كان مصرا فعزف له ود الريح عود ليغنى اغنية للشفيع والقرشى "القطار المر مستهلا بيامسافر على وين وكسرها بأغنية التاج ممكون وصابر و أغنية:
راحة الضمير أنت السمير
القلبى مشتاق ليك كتير
زينه الشباب فى العمراب
ليك قلبى ذاب
لكن ود الريح بعوده حسب إعترتفه لم يستطع مجاراة صوت عمر احمد بالعزف لانه صوت عمر قد أصابه بمايشبه المس الكهربى الامر الذى لم يحدث من قبل لو دالريح مع اى فنان عزف له
فكتب له ود الريح "كان بدرى عليك" ورافقه الى الاذاعه القديمة ليعزفها معه live ولدهشة ود الريح عقب الخروج من الاذاعة كان كل من بالشارع يردد كان بدرى عليك لسهولة وخفة اللحن وجمال الصوت بعد كتب له من وحى زيارات متعددة لجنينية النزهة كمايقولون وهى حديقة الحيوانات القديمة "برج الفاتح حاليا" أغنية ملك الطيور او الطاؤوس التى الت للجابرى بعد طلوعه لاحقا وتحديق عمر احمد فى الموت وعبر الجابرى إشتهرت مثلما الت أغنية ليه دا كلو ياحبيبى لخليل إسماعيل بعد وفاه عمر أحمد فى ريعان شبابه او ميعةصباه كايقولون بفعل إخشوشان صوته السوبرانو الجميل بفعل البلوغ مما أمصابه الإكتئاب فحدق فى الموت
كان بدرى عليك
تودعنى وانا مشتاق ليك
نشيد عمر أحمد الأثير تغنى بها أكثر من صوت منهم أبوعركى البخيت " برضو من مدنى" لكنها أجمل عند شرحبيل احمد عندما يغنيها بالعود فقط رغم إنه نادر مايفعل .
عنوان الاغنية كان بدرى عليك إستلهمه المفكر عبدالله على إبراهيم كعنوان فرعى فى مقاله الطويل جدا عن الشاعر/ السياسى/ الغامض شيبون الذى مات لأسباب غامضة بالحصاحصيا فى السينات ورثاه صلاح احمد إبراهيم ولعل عبدالله على إبراهيم قد المح ان عمر أحمد رغم يفاعته كان مغنى الجلسات بذاك البيت الشهير بحى البوسته الذى كان يرتاده كثير من اليسارين للنقاش ومنهم شيبون رحمه الله
|
Post: #6
Title: Re: واخيرا وجدت عمر احمد وكان بدري عليك
Author: عاطف ابراهيم
Date: 07-27-2010, 09:04 AM
Parent: #5
اجمل صوت سمعته يتغني بهذه الاغنيه هو الاستاذ مصطفي الحردلو من ابناء ودمدني وما اظن في زول تاني يقدر يتفوق عليهو في ادائها -- وطبعا الحردلو تتلمذ علي يديه في مدرسة ودازرق الابتدائية الفنان عصام محمد نور ويمكن تسالوه عن هذا المبدع المظلوم اعلاميا--- وممكن تسالو عركي وعبد العزيز المبارك
|
Post: #7
Title: Re: واخيرا وجدت عمر احمد وكان بدري عليك
Author: عاطف ابراهيم
Date: 07-27-2010, 11:23 AM
Parent: #6
انا زاتي ظلمتو اسمو محمد مصطفي الحردلو وعندو ود اختو ابوعبيده كان بيلعب في المريخ وكمان زوجتوز صديقة زوجتي الله يديهم العاقيه --وكان مع الحردلو في المدرسة زميلهم الخير السقيدشقيق الموسيقار علي السقيد وشقسق زميلي في المدرسة الاهلية ا بودمدني عصام محمد احمد السقيد الزول الغناي
|
Post: #8
Title: Re: واخيرا وجدت عمر احمد وكان بدري عليك
Author: khaleel
Date: 07-27-2010, 11:36 AM
Parent: #7
سلامات عاطف
الاغنية سهلة يقال في الزمن الجميل ان كل السودان تغني مع
عمر احمد كان بدري عليك
لذا تغني بها عركي وعميري وشرحبيل والحردلو
بس يا ريت لو عندك تسجيل للحردلو دا
|
Post: #9
Title: Re: واخيرا وجدت عمر احمد وكان بدري عليك
Author: عاطف ابراهيم
Date: 07-27-2010, 12:01 PM
Parent: #8
بحاول القي ليك تسجيل ليهو اذا مشيت مدني --- يبدو اننا تزاملنا في جامعة الخرطوم كنا في اقتصاد وسكنا قدامكم في داخلية فلسطين ونحن دفعة 83 ياخ ناس انور الجامعة وجنجا ويا سر البركس ووووالخ
|
Post: #11
Title: Re: واخيرا وجدت عمر احمد وكان بدري عليك
Author: khaleel
Date: 07-27-2010, 03:40 PM
Parent: #9
| Quote: بحاول القي ليك تسجيل ليهو اذا مشيت مدني --- يبدو اننا تزاملنا في جامعة الخرطوم كنا في اقتصاد وسكنا قدامكم في داخلية فلسطين ونحن دفعة 83 ياخ ناس انور الجامعة وجنجا ويا سر البركس ووووالخ |
يا سلام يا عاطف ياخ
ناس اقتصاد الحلويين
معاوية السمين ودانيال الحريف وطارق بنز وجعفر وعبد الروؤف
عالم جميل كان داخلية فلسطين
|
Post: #10
Title: Re: واخيرا وجدت عمر احمد وكان بدري عليك
Author: عاطف ابراهيم
Date: 07-27-2010, 12:10 PM
Parent: #8
الاخ خليل- الله يديك العافية اتحفتنا ببوستاتك الرائعة واظنك انت دفعة اولادنا ناس مدني احمدالتيجاني - محمد بدوي بانقا - حمدحماد - مصطفي ميرغني -احمد خضر -عمر الحضري -وهشام سليمان \\ صاح ولا انا ما غلطان - وبرجع ليك بالكثير المثير الخطر
|
Post: #12
Title: Re: واخيرا وجدت عمر احمد وكان بدري عليك
Author: khaleel
Date: 07-27-2010, 03:42 PM
Parent: #10
| Quote: الاخ خليل- الله يديك العافية اتحفتنا ببوستاتك الرائعة واظنك انت دفعة اولادنا ناس مدني احمدالتيجاني - محمد بدوي بانقا - حمدحماد - مصطفي ميرغني -احمد خضر -عمر الحضري -وهشام سليمان \\ صاح ولا انا ما غلطان - وبرجع ليك بالكثير المثير الخطر |
بلحيل يا عاطف
وامجد علي رجب والمرحوم امير وقدامنا ناس عزيكا وكلوب وبوقي وممدوح
وورانا عاطف جلي وعمر الحضري وعمر الخواض
وناس كتار حلوين وفي مدني يا اخواني لي محبوب جفاني
|
|