أغرب حالة طلاق بسبب محمود عبدالعزيز وسامي المغربي

تسبب خلاف حول فنان مناسبة الزواج في طلاق زوج من زوجته قبل أيام من حفل زفافهما عقب عقد قرانهما بعد أن اشترطت العروس إحضار الفنان سامي المغربي بينما تمسك العريس بالفنان محمود عبدالعزيز ليتطور الخلاف بينهما وتحدث أغرب حالة انفصال لزوجين.
وتعود تفاصيل الواقعة الغريبة بحسب مصادر صحيفة فنون التي شهدتها مدينة بحري إلى أن الزوج الذي أتم عقد قرانه على إحدى الحسان وسط فرحة الأهل والاصدقاء بعد اكتمال مراسم الخطوبة التي أحيا حفها الفنان أحمد بركات بحسب طلب العروسة التي ابلغت زوجها أن حفل زفافها ينبغي أن يكون بالفنان سامي المغربي بينما ابلغها تمسكه بمحمود عبدالعزيز، إلا أن العروس اشترطت عليه سامي المغربي كشرط أساسي لإتمام مراسم الزواج ما عده العريس بداية غير موفقة لحياتهما الزوجية ورمى عليها يمين الطلاق وسط دهشة واستنكار الجميع.

النيلين

سلام اخي محمد عادل

دا ود ما مسئول وشافع ساكت وما مفروض اهلو يعرسو ليهو من اساسه

والبت ليها حق تعنقد لانها شافاهو ما على قدر كده

وربك كريم ووراها معدنه من حسه قبل ما تتورط معهاهو، اذا في دي بطلقها
طيب لقدام يعمل شنو؟؟

هو عليك الله النسوان اكان بطلقوهن في جنس دا، والله ما كان بقت مرة واحدة في عصمة راجل

تحياتي

بالله دا كلام دا
طيب ما كان يجيبوهم الإتنين ، غايتو ديل لا يفقهوا حتى الحكمة من مشروعية الزوج شنو؟ يعني جكستك جكسني وخلاص الناقصه بتموها الأهل للعروسين ، لكين لو كان شايل ليهو مسطرين في الحر دا أو بشق الفسحه ميمم شرقاً للمنطقة الصناعية كان كنكش كويس دا إذا لقى فتاة ترى فيه فارس الأحلام لأن معظم بناتنا الله يهديهن بعاينن لي فوق فوق فوق لمن جاهن وجع رقبه وبقن يشوفن بالمقلوب.

إحييييييييييييي اريتني كان انا .....


كان يتم ليها بي سامي المغربي

ويدبل فيها بي محمود عبد العزيز !

العروس ذاتها ما كان بيتلومو ،،

Quote: غايتو ديل لا يفقهوا حتى الحكمة من مشروعية الزوج شنو؟

يَا جَمَاعِة الْحَاصِل شِنُو فِى الْسُّوْدَان

عَرُوْس تتُطَلّق بِسَبَب وُقُوْفِهَا جَنْب الّفّنّان حُسَيْن الْصَّادِق .. وَالْثَّانِيَة لِانَّهُا اصّرّت عَلَى حُضُوْر سَامَى الْمَغْرَبى .. الْنَّاس دَيِل جَادِّيْن يَا رَبِّى .. وَيَا رُب زَى دَيِل بِيْكُون الْمَأْذُوْن بِتَاعْهُم مِن وَيَن ؟؟

مُهَنْدِس جَمَال مَحْمُوْد

لفد قمت بشطب مداخلتى لأن كاتب الموضوع لايهتم بالردود على المتداخلين معه , الشيئ الذى اعتبره قلة احترام للمتداخلين معه.

دى اخبار مضروبة و منجورة ساكت ... قبل ايام كانت قصة هايفة حايمة تقول عروس طلقوها
عشان الفنان احمد الصادق (مين الصادق ده، ما عارف) قصص مختلقة تسوق الجريدة و تسوق
الفنانين الضاربين.



بالمناسبة كثير من الصحفيين الرياضيين و الصحفيين الفنيين فى السودان مرتشين، ايوة الله
بجدعوا ليهو الفيها النصيب بكرة يكتب زارنا الشاب الخلوق المبدع بلا بلا بلا .ز

عريس "مُتلقي حِجّج" :)

أو كان ممكن سامي المغربي يجي Over Night ، أو العريس يعمل قيدومة بمحمود

خيارات متععدة تعزز فرضية إنو العريس فعلاً "مُتلقي حِجَج"

كانو يصلو لي حل ويجيبو حماده بت ويحسمو النقاش :))

Quote: لفد قمت بشطب مداخلتى لأن كاتب الموضوع لايهتم بالردود على المتداخلين معه , الشيئ الذى اعتبره قلة احترام للمتداخلين معه.

والله فعلا قلقو ههههه
ياخي الراجل ماكتب موضوع للنقاش إنما نقل خبر طريف وغريب يعني لا هو العريس ولا العروس عشان يرد علي الناس وبعدين اصلا يرد يقول شنو الا شكرا علي المرور

الظاهر الليله القلق زايد عليك :)