سيف الجامعة .. أزهري محمد علي .. صلاح إدريس .. معقولة بس؟

.

.

يا واقفة ..
كلمات: أزهري محمد علي
ألحان: صلاح إدريس
غناء: سيف الجامعة




يا واقفة في زمن السقوط
يا ضاحكة من غدر الليالي
غلبت في الحيل البلمّك
من حبال الصوت ويندهلك .. تعالي

دبت علي عصبي الأفاعي
وحكن مفاصلن الشتا
هبت رياح كل النوازل والتداعي
وزل إيقاع الخطى
قالت حبيبة قلبي لي
أديني من جلدك غتا
وسامحني لو نبتت بذور الحب غصب
ضربت جذور الريدة في الزمن الختا

ما ودرت والله مرحاكة البيوت
الناشفة ساساقك عبث
شن قدرك تنسلي من قلب الضلمة
الحارقة خنجر من قبس
ولو خدرك وجع الدروب
وضاع منك الصوت إنحبس
من وين أجيبلك قدرة تستلهم رؤاك
وأنا جاي من حسرة سنين الغربة
بي آخر نفس
من وين اجيبلك قدرة بس

من وين اجيبلك قدرة بس
من وين .. وأنا هدّ إحساسي السفر
وأنا بندهك .. لو مرة ضفة إتبرجت
حلّت ضفيرتها لي البحر
وأنا بندهك .. لو لبش الموج في الطمي
والشاطي من .. قدرة المد انحسر
وأنا بعزمك .. على موية عذبة وضل وريف
لو هم سقط من طاقة في حلم الحبيبة .. وإنتحـر