Post: #1 Title: الأسد النتر يصل إلى كمبالا قبل قليل !! Author: كمال سالم Date: 07-25-2010, 04:59 AM
كنت أتوقع قراءة بوست بمثل عنوانى هذا من محمد فرح أو علاء الدين أو ود الباوقه وبالعدم مياده كمال . لكن يبدو إننى إستيقظت باكرا ,, وربما أقرأ البوست بعد إنعقاد الجلسه الإقتتاحيه !! الغريب أن طائرة باقان أموم وصلت منذ الأمس ,, ربما يكون ( النتر ) الأسد قادما بالبر عن طريق نمولى كمبالا ,, وفى هذه الحاله أيضا نترقب فتح البوست .
* القمه المعنقده فى يوغندا من أهم القمم الأفريقيه بالنسبه للسودان , لأن معظم أجندتها تخص مشاكل السودان .
Post: #2 Title: Re: الأسد النتر يصل إلى كمبالا قبل قليل !! Author: Al-Shaygi Date: 07-25-2010, 05:37 AM Parent: #1
Post: #3 Title: Re: الأسد النتر يصل إلى كمبالا قبل قليل !! Author: الطيب رحمه قريمان Date: 07-25-2010, 05:43 AM Parent: #2
أخى الفاضل كمال سالم
لك التحية و التقدير
البشير لم و لن يذهب الى يوغندا خوفا و ذلك لان فرصة القبط عليه من قبل الحكومة الاوغندية او غيرها سوف يكون القبض على البشير سهل جدا فى حال ذهابه و لكن فى الاخير فى يوغندا او غيرها لابد ان يقع و زمرته فى الشرك ...
Post: #4 Title: Re: الأسد النتر يصل إلى كمبالا قبل قليل !! Author: عبد اللطيف السيدح Date: 07-25-2010, 06:53 AM Parent: #3
ينتر فيك بابور يفرتكلك رأسك ال######ان ده
Post: #5 Title: Re: الأسد النتر يصل إلى كمبالا قبل قليل !! Author: محمد على حسن Date: 07-25-2010, 06:59 AM Parent: #4
السيدح الاكثر اهمية قمة كمبالا ام قمة س ص؟؟ مجرد سؤال و لماذا لم يسافر البشير لكمبالا
Post: #27 Title: Re: الأسد النتر يصل إلى كمبالا قبل قليل !! Author: كمال سالم Date: 07-25-2010, 11:03 AM Parent: #5
Quote: السيدح الاكثر اهمية قمة كمبالا ام قمة س ص؟؟ مجرد سؤال و لماذا لم يسافر البشير لكمبالا
أجب يا السيدح .
يمكن تقول جاتو ملاريا !
حيرتو يامحمد على !! ممكن تديهو خيارات ؟
Post: #6 Title: Re: الأسد النتر يصل إلى كمبالا قبل قليل !! Author: محمد أبوالعزائم أبوالريش Date: 07-25-2010, 06:59 AM Parent: #4
Quote: ينتر فيك بابور يفرتكلك رأسك ال######ان ده
والله يا كمال سالم أخوي ... براااك بتجيب الكلام لي نفسك! يعني هسي ذكرت ديل كلهم:
Quote: كنت أتوقع قراءة بوست بمثل عنوانى هذا من محمد فرح أو علاء الدين أو ود الباوقه وبالعدم مياده كمال .
وتنسى أخوك عبداللطيف ده؟
أمانه ما اتلوّمت
Post: #28 Title: Re: الأسد النتر يصل إلى كمبالا قبل قليل !! Author: كمال سالم Date: 07-25-2010, 11:07 AM Parent: #6
Quote: والله يا كمال سالم أخوي ... براااك بتجيب الكلام لي نفسك! يعني هسي ذكرت ديل كلهم:
Quote: كنت أتوقع قراءة بوست بمثل عنوانى هذا من محمد فرح أو علاء الدين أو ود الباوقه وبالعدم مياده كمال .
وتنسى أخوك عبداللطيف ده؟
أمانه ما اتلوّمت
والله أظنى فعلا إتلومت لوم شديد يا ا[والريش .
أها يا السيدح : بدل بالعدم مياده خليها وبالعدم عبد اللطيف السيدح ,, قصرت معاك ,, كل شى ولا فرتيق الروسين .
Post: #7 Title: Re: الأسد النتر يصل إلى كمبالا قبل قليل !! Author: علاء الدين يوسف علي محمد Date: 07-25-2010, 07:05 AM Parent: #4
كمال سالَم أوغندا كدولةفي ظل هذا الرّئيس المُنْبطِح لن تحظى بشرف أن تطأها قدم البشير
Post: #8 Title: Re: الأسد النتر يصل إلى كمبالا قبل قليل !! Author: ود الباوقة Date: 07-25-2010, 07:09 AM Parent: #7
Quote: المُنْبطِح
منبطح وكمان علي قفاه
ومتروس كجومورو
دا يمشوا ليهو كيف .....
قاتله الله ....
Post: #30 Title: Re: الأسد النتر يصل إلى كمبالا قبل قليل !! Author: كمال سالم Date: 07-25-2010, 11:16 AM Parent: #8
Quote: دا يمشوا ليهو كيف .....
قاتله الله ....
تمشى ليهو دايخ ,,
ما قلتوا أولاد جعل !
Post: #43 Title: Re: الأسد النتر يصل إلى كمبالا قبل قليل !! Author: adil amin Date: 07-25-2010, 12:45 PM Parent: #8
Quote: منبطح وكمان علي قفاه
ومتروس كجومورو
دا يمشوا ليهو كيف .....
قاتله الله ....
زمان يا ود الباوقة كا في مجنون في الدويم اسمو باكمبا يقول
جب.... جب.... جب بكره الهبوب بتهب وبجو اولاد ام(ذ..) والما عندو هلب يرقد على بطنو ويستعد للقلب ... وذهبت مثلا الزول ده نحن كنا قايلنو مجنون ساكت التاري طلع محلل استراتيجي
اولاد ام ذ.. ديل طلعو الامريكان وزولكم ده كان ما عنده هلب يقعد في السودان...ويريح نفسو ويريح الناس... هسه قعد تشوف السلطان قابوس حاييم اها شوف سلطنة عمان كيف(زينة وعا########ي) action speaks louder than words بعدين مالك علي مسوفيني انتو مش سلمتو كارلوس لفرنسا والمهاجرين من عربان وعجم لبلادهم بعد ان ذهبت السكرة وجاءت الفكرة ولى حقي سميح وحق الناس ليه شتيح ..... سلام لراعي البوست كمال سالم في بلاد اللؤلؤة والمحارة...يظهر مشيتك السودان السنة دي حلجتك
Post: #9 Title: Re: الأسد النتر يصل إلى كمبالا قبل قليل !! Author: موسي عيسي Date: 07-25-2010, 07:11 AM Parent: #7
Quote: ينتر فيك بابور يفرتكلك رأسك ال######ان ده
يا السيدح انت مالك مضايق من كلام ود سالم دا الزول
دا قال وجهة نظر بس في البوسات المحتملة ! و علاء الدين
اهو معاك نفسوا عادي لسع في بداية البوست فانت ما تقوم
بنمرة خمس من اول مرة خليك رياضي شوية !
Post: #10 Title: Re: الأسد النتر يصل إلى كمبالا قبل قليل !! Author: قلقو Date: 07-25-2010, 07:17 AM Parent: #9
Post: #11 Title: Re: الأسد النتر يصل إلى كمبالا قبل قليل !! Author: محمد على حسن Date: 07-25-2010, 07:20 AM Parent: #10
Quote: وكان مسؤول أوغندي قد حذر من مشاركة البشير وهدد بالقبض عليه، لكن كمبالا صححت موقفها رسميا، وبعثت بوزير خارجيتها للخرطوم وقدم الدعوة للبشير للمشاركة في القمة.
صحيفة الشرق الاوسط
Post: #34 Title: Re: الأسد النتر يصل إلى كمبالا قبل قليل !! Author: كمال سالم Date: 07-25-2010, 11:33 AM Parent: #11
Quote: Quote: وكان مسؤول أوغندي قد حذر من مشاركة البشير وهدد بالقبض عليه، لكن كمبالا صححت موقفها رسميا، وبعثت بوزير خارجيتها للخرطوم وقدم الدعوة للبشير للمشاركة في القمة.
بالله !!! هم اليوغنديين ديل قايلين رئيسنا ده ريالتو سايله !!
يعنى إلإضينه دقو وإتعذر ليهو وكمان تقبضوا !! يلقوها عند رئيس غافل .
Post: #12 Title: Re: الأسد النتر يصل إلى كمبالا قبل قليل !! Author: محمد أبوالعزائم أبوالريش Date: 07-25-2010, 07:22 AM Parent: #10
Quote: منبطح وكمان علي قفاه
دي كيف ... وبي ياتو لغة؟
ود الباوقة .. أنا ما قلت ليك إنت زول لزيز ... ما صدّقتني
Post: #13 Title: Re: الأسد النتر يصل إلى كمبالا قبل قليل !! Author: ود الباوقة Date: 07-25-2010, 07:28 AM Parent: #12
Quote: دي كيف ... وبي ياتو لغة؟
ابو الريش
خلاص نخليها علي بطنو
كويس معاك ..
Post: #14 Title: Re: الأسد النتر يصل إلى كمبالا قبل قليل !! Author: عبد اللطيف السيدح Date: 07-25-2010, 07:28 AM Parent: #12
يعني عايزو يقول ليك منبطح علي بطنو يا ابو الريش
هنا يكون خالف المعايير
يا اخي افهم بالتلويحة
Post: #15 Title: Re: الأسد النتر يصل إلى كمبالا قبل قليل !! Author: محمد عبدالرحمن Date: 07-25-2010, 07:52 AM Parent: #14
ياكمال ...
قاليك لن تطا قدما البشير الشريفتين ارض يحكمها حاكم منبطح ..
ابشركم ياكيزان ..العالم دا 95% من حكامو منبطحين ..كان معيار الانطباح القبض على البشير ..الناس دى كلها راقده (واطه) ..لذلك اسدكم دا خلوهو ينتر قريب قريب ..تشاد ارتريا مصر وهكذا دواليك .. والله كيفنى كيف بوستك دا ياكمال ..معقول ياخ الحكومة شغلها كلو البشير سافر والبشير رجع ...
Post: #16 Title: Re: الأسد النتر يصل إلى كمبالا قبل قليل !! Author: عبد الباقى الفكى Date: 07-25-2010, 08:01 AM Parent: #15
فعلا زي ما قال محمد عبدالرحمن، الحكومة بقى همها الأول والأخير البشير سافر والبشير ورجع بالسلامة، يبدو انو في كل مرة يسافر فيها بعتقدوا انو ما يرجع ليهم تاني، ويكون سامرهم انفض، ويفارقوا السلطة فراق الطريفي لجملوا.
Post: #17 Title: Re: الأسد النتر يصل إلى كمبالا قبل قليل !! Author: معتصم الطاهر Date: 07-25-2010, 08:06 AM Parent: #15
أنا قلت كمال سالم دا قلب ..
هوبة ..
Post: #18 Title: Re: الأسد النتر يصل إلى كمبالا قبل قليل !! Author: Osama Mirghani Date: 07-25-2010, 08:18 AM Parent: #17
بوست ذكي يا كمال سالم........خليت الجماعة ما عارفين الواحد بنبطح علي ضهرو ولا علي بطنو
Post: #19 Title: Re: الأسد النتر يصل إلى كمبالا قبل قليل !! Author: Abureesh Date: 07-25-2010, 08:29 AM Parent: #18
الجعلى دا حيخلى باقى حياتو كلها أسفـار خارجية.
كلو من أوكامبو..
Post: #21 Title: Re: الأسد النتر يصل إلى كمبالا قبل قليل !! Author: عادل عبدالرحمن Date: 07-25-2010, 08:58 AM Parent: #19
أخونا كمال تحياتنا..
خليت الجماعة: "يدعو عليك" زيْ حبوباتنا.. لما تغلبم الحيلة!
Quote: منبطح وكمان علي قفاه
قاتله الله ....
أوّل مرّة في حياتي، أشوف ليْ زول يدعو الله (جلّ جلاله) لقتال زولاً منبطح!!!!!
Post: #37 Title: Re: الأسد النتر يصل إلى كمبالا قبل قليل !! Author: كمال سالم Date: 07-25-2010, 11:44 AM Parent: #15
Quote: اسدكم دا خلوهو ينتر قريب قريب ..تشاد ارتريا مصر وهكذا دواليك ..
والله يامحمد عبد الرحمن ديل ذاتهم تانى ألله تعلم .
Post: #36 Title: Re: الأسد النتر يصل إلى كمبالا قبل قليل !! Author: كمال سالم Date: 07-25-2010, 11:41 AM Parent: #14
Quote: يا اخي افهم بالتلويحة
يا أبو الريش يأخى أفهما ( بالتلويحة ) إنشاء الله التلويحه ال ....
أفهمها يا ابو الريش وخلصنا . هو المنبطح منو والمبطوح منو ؟؟
Post: #20 Title: Re: الأسد النتر يصل إلى كمبالا قبل قليل !! Author: عبد اللطيف السيدح Date: 07-25-2010, 08:35 AM Parent: #12
يعني عايزو يقول ليك منبطح علي بطنو يا ابو الريش
هنا يكون خالف المعايير
يا اخي افهم بالتلويحة
Post: #35 Title: Re: الأسد النتر يصل إلى كمبالا قبل قليل !! Author: كمال سالم Date: 07-25-2010, 11:36 AM Parent: #12
Quote: دي كيف ... وبي ياتو لغة؟
ود الباوقة .. أنا ما قلت ليك إنت زول لزيز ... ما صدّقتني
أظنها باللغه اليوغنديه يا أبو الريش . ود الباوقه ( داشو راس ) .
Post: #33 Title: Re: الأسد النتر يصل إلى كمبالا قبل قليل !! Author: كمال سالم Date: 07-25-2010, 11:28 AM Parent: #10
والله بالطريقه دى ياقلقو مشية حوش بانقا بكون عندو فيها رأى !
Post: #32 Title: Re: الأسد النتر يصل إلى كمبالا قبل قليل !! Author: كمال سالم Date: 07-25-2010, 11:24 AM Parent: #9
Quote: يا السيدح انت مالك مضايق من كلام ود سالم دا الزول
دا قال وجهة نظر بس في البوسات المحتملة ! و علاء الدين
اهو معاك نفسوا عادي لسع في بداية البوست فانت ما تقوم
بنمرة خمس من اول مرة خليك رياضي شوية !
ولا يهمك ياعيسى موسى ,, الراجل معذور ,, وشتان مابين علاء وسيدح !! كده بتزعل منك علاء الدين ,, معقوله بـس المقارنه دى !!
Post: #29 Title: Re: الأسد النتر يصل إلى كمبالا قبل قليل !! Author: كمال سالم Date: 07-25-2010, 11:13 AM Parent: #7
Quote: كمال سالَم أوغندا كدولةفي ظل هذا الرّئيس المُنْبطِح لن تحظى بشرف أن تطأها قدم البشير
فعلا منبطح ياعلاء الدين ,, والله لم تقل إلا الحق .
لكن بأمانه كده من هو المنبطح والغير منبطح ؟؟
Post: #22 Title: Re: الأسد النتر يصل إلى كمبالا قبل قليل !! Author: على محمد سليمان Date: 07-25-2010, 09:06 AM Parent: #4
Quote: ينتر فيك بابور يفرتكلك رأسك ال######ان ده
اكان نتر في راسو ولا نتر في حته تانية منتظرين الراجل والاسد عمر البشير في كمبالا
Post: #23 Title: Re: الأسد النتر يصل إلى كمبالا قبل قليل !! Author: عبد الباقى الفكى Date: 07-25-2010, 10:46 AM Parent: #22
الزوغة من كمبالا ما جديدة قبل كدي زاغ من السفر لتركيا في آخر لحظة، لانو الجماعة نصحو وقالوا ليهو احتمال طائرته يتم اعتراضها وتغيير وجهتها إلى اليونان أو أي بلد آخر عشان بطل المشي.
Post: #24 Title: Re: الأسد النتر يصل إلى كمبالا قبل قليل !! Author: كمال سالم Date: 07-25-2010, 10:53 AM Parent: #23
Quote: قلنا نصبح قبل الزحمة
صبحك الله بالخير يالشايقى ,, اليوم إنتصف ولم نسمع شئ ! يكون البوست ده إتكتب بالحبر السرى !
Post: #26 Title: Re: الأسد النتر يصل إلى كمبالا قبل قليل !! Author: كمال سالم Date: 07-25-2010, 10:59 AM Parent: #4
Post: #25 Title: Re: الأسد النتر يصل إلى كمبالا قبل قليل !! Author: كمال سالم Date: 07-25-2010, 10:55 AM Parent: #3
Quote: سهل جدا فى حال ذهابه و لكن فى الاخير فى يوغندا او غيرها لابد ان يقع و زمرته فى الشرك
يا الطيب كدى اليقع هو أول ,, زمرتو دى ساهله .
Post: #31 Title: Re: الأسد النتر يصل إلى كمبالا قبل قليل !! Author: Mohammed Haroun Date: 07-25-2010, 11:23 AM Parent: #25
بوست ظريف جداً خلى الواحد يضحك مع الصباح.
يا كمال ياأخوي باقي ليك عمر البشير أمه لاقيه في (كرتله) لا من يمشي لي كتال الكتلا ده!!!
إنت ما سمعت بالآية الكريمة البتقول (لا تلقو بأنفسكم إلى التهلكة) ...
تحياتي
Post: #38 Title: Re: الأسد النتر يصل إلى كمبالا قبل قليل !! Author: مامون المعتصم أحمد Date: 07-25-2010, 11:53 AM Parent: #3
عـيـش يــا حــمـــار لامـن تـقـوم الـنـجـيـلـة.
مـثـل ســودانـى بـالـعـامـيـة ...
Post: #39 Title: Re: الأسد النتر يصل إلى كمبالا قبل قليل !! Author: abuguta Date: 07-25-2010, 12:17 PM Parent: #38
ياكمال انتو القمم دى بعملوها قريبه بعض ليه ما خلو الزول تجدع بزيارة تشاد ياخى لو انا من البشير بمشى هو مو عاوز يكون زى صدام
تحياتى
Post: #40 Title: Re: الأسد النتر يصل إلى كمبالا قبل قليل !! Author: Munir Date: 07-25-2010, 12:24 PM Parent: #38
يمين لو البشير مشي كمبالا موسيفيني التعيريص ده ما يقدر يسوي ليهو حاجة ، إلاّ الاتحاد الافريقي ده يتفرتق حتة حتة .. وما بعيد فرتقة الاتحاد الافريقي تكون هدف امبريالي جديد بعد وقفة التحدي التي وقفتها دول س ص ضد الاتحاد الأوروبي .. ومعلوم أن أعضاء س ص هم أغلبية في الاتحاد الافريقي - وأكيد دول شرق افريقيا لن يشذوا عن موقف س ص .. وخاصة زي ناس موغابي واصحابه الذين ذاقوا المٌرة من الغطرسة الغربية .. وما بعيد أن تدمير الاتحاد الافريقي يكون مهمة موكلة لأستوج الغرب موسيفيني ..
شتان مابين الغدّار موسيفيني الذي غدر بصديقه حون قرنق وفجْره في الهواء وخلاه يفرفر في النيوسايت زي العصفور المضبوح .. ومابين الراجل الضكران إدريس دبي الذي رمي كلمته وبقي أكبر منها !! ..
وإنتو أيها الخاتين ايدينكم فوق خدودكم وراجين موسيفيني يقبض ليكم رئيس بلدكم والله الواحد ماعارف يخجل ليكم واللاْ يسوي شنو؟؟ ..
Post: #41 Title: Re: الأسد النتر يصل إلى كمبالا قبل قليل !! Author: محمد على حسن Date: 07-25-2010, 12:30 PM Parent: #40
قلت لو في الاثر لو تفتح عمل الشيطان انت يا منير مش كنت فاتح ليك بوست فيه نافوخ و مسمار و تحرير افريقية من الاستعمار بفضل البشير الحصل شنو اه زولك ما سافر كمبالا و كده سلم نافوخ او كامبو و بصراحة ما عارف ايه علاقة الشهيد فرنق و هروب البشير من قمة كمبالا
Post: #42 Title: Re: الأسد النتر يصل إلى كمبالا قبل قليل !! Author: عبد الناصر الخطيب Date: 07-25-2010, 12:35 PM Parent: #41
كمال سالم
لك التحية
Quote: الأسد النتر يصل إلى كمبالا قبل قليل !!
السبب الحماني العيد هناك احضروا .. كامل التضامن مع الاسد النتر
Post: #44 Title: Re: الأسد النتر يصل إلى كمبالا قبل قليل !! Author: هشام هباني Date: 07-25-2010, 12:45 PM Parent: #42
العزيز كمال سالم
مشتاقون
اسدك النتر ده من زمان قصتو انكشفت وطلع كديس ساكت من قبل دخول القوات الاممية لدارفور والدمازين وجوبا ياااخي دي قاعدة في نص الخرطوم جنب القيادة العامة والزول بلع كلامو زي الحلاوة!
Post: #45 Title: Re: الأسد النتر يصل إلى كمبالا قبل قليل !! Author: محمد المرتضى حامد Date: 07-25-2010, 08:29 PM Parent: #44
يا ابن خالتي ، تاريخنا مع السفر ليوغندا ما نضيف.
_
الله يرحم قرنق.
Post: #46 Title: Re: الأسد النتر يصل إلى كمبالا قبل قليل !! Author: محمد أبوالعزائم أبوالريش Date: 07-25-2010, 08:53 PM Parent: #45
Quote: أفهمها يا ابو الريش وخلصنا . هو المنبطح منو والمبطوح منو ؟؟
والله يا كما آخوي ... أنا من أول متكيف من أخوي ود الباوقة ده ...
وهسي الإنبطاحة على الضهر دي كيفتني زيادة.
يتم إضافتها إلى (متزمزغ، مستلاب ....) والتالتة شنو؟
أيوه أيوه ..... (منتلاب ومستفلخ)
التعديل بعد ما إتذكرت الكلمتين (الجهبوزتين)
Post: #47 Title: Re: الأسد النتر يصل إلى كمبالا قبل قليل !! Author: بكري الصايغ Date: 07-25-2010, 09:43 PM Parent: #1
***- نشرت جريدة (الحياة) اللبنانية التي تصدر في لندن بعددها الصادر بتاريخ الأثنين 7 حزيران ( يونيو ) من عام 1993- العدد رقم-11072 اي قبل سبعة عشر عامآ- خبرآ كبيرآ جاء بعنوان: (الخرطوم: البشير لن يحضر القمة الافريقية بسبب حلايب. وجاء في مطلع الخبر: ابلغت مصادر مطلعة في وزارة الخارجية السودانية "الحياة" ان الرئيس السوداني الفريق عمر حسن البشير "لن يحضر اجتماعات القمة الافريقية التي ستعقد في القاهرة مادامت قوات مصرية تحتل مثلث حلايب" الذي يتنازع البلدان السيادة عليه.
***- ولكن الذي يتابع زيارات البشير للقاهرة وبعد تصريحه هذا يجدها اكثر من 15 زيارة... كان اخرها عندما هرول للقاهرة بعد فوزه بالانتخابات ليهنئه مبارك هناك...وبالمقابل لم يقوم مبارك وطوال 21 عامآ الماضية بزيارة السودان الامرتين فقط. الاوليكانت عام 2006 بعد انتهاءمؤتمر القمة العربي بالخرطوم والتقي فيهامع البشي بنادي القوات المسلحة بالمطار ومكث معه نـحو 7ساعات وعاد راجعآ للقاهرة ولم يـدخل حتي الي قصر الشعب!!... والزيارة الثانية كانت يوم دخل الخرطوم بلا اذن ولااسـتئذان وسافر للجنوب وعاد للخرطوم ومنها للقاهرة في زيارة استغرقت 14 ساعة!!
***- تحياتي لك ومودتي كمال سالم-
Post: #48 Title: Re: الأسد النتر يصل إلى كمبالا قبل قليل !! Author: قلقو Date: 07-26-2010, 08:13 AM Parent: #47
الأخ كمال سالم.. انتو معقدين المسألة ليه ؟ اقتراح بأقامة كل مؤتمرات القمة الأفريقية والعربية والأسيوية والأتحاد الأوروبى والجمعية العامة للأمم المتحدة ان امكنا, عندنا هنا بالخرطوم . ونحن ماشاءالله عندنا الفلل الرئآسية وكمان يخت رئآسى لتسلية الوفود..وبكدة تنحل مشكلة الريس المحبوب من اربعين مليون سودانى وعشان انت وودالصائغ تبطلوا نقة . اها شنو ليكم تانى ؟ مع تحياتى .
