Post: #1 Title: صور نجيضه من امسيه خيوت التلاقي في بيت الفنون Author: طارق الأمين Date: 07-24-2010, 10:44 PM Parent: #0
Post: #2 Title: Re: صور نجيضه من امسيه خيوت التلاقي في بيت الفنون Author: طارق الأمين Date: 07-24-2010, 10:53 PM Parent: #1
ابشر
Post: #3 Title: Re: صور نجيضه من امسيه خيوت التلاقي في بيت الفنون Author: Hussein Mallasi Date: 07-24-2010, 10:56 PM Parent: #2
قد أضطر للتعليق إن رأيت صورة لعمر محمود خالد بالصبغة .. لذا لزم التنويه.
Post: #4 Title: Re: صور نجيضه من امسيه خيوت التلاقي في بيت الفنون Author: طارق الأمين Date: 07-24-2010, 11:02 PM Parent: #2
بالنسبه للقرع
Post: #5 Title: Re: صور نجيضه من امسيه خيوت التلاقي في بيت الفنون Author: طارق الأمين Date: 07-24-2010, 11:07 PM Parent: #4
قد اضطر لانزال صوره عاجله للدكتور عمر محمود خالد اذا امتنع حسين ملاسي عن التعليق
لذا لزم التنويه
Post: #6 Title: Re: صور نجيضه من امسيه خيوت التلاقي في بيت الفنون Author: معاوية عبيد الصائم Date: 07-24-2010, 11:14 PM Parent: #5
طارق ود المواطن اللمين
بطل شغل القطاعى ده وافتح الاستديو كويس
كائن بطئ انت !!!!
معاويه عبيد
Post: #7 Title: Re: صور نجيضه من امسيه خيوت التلاقي في بيت الفنون Author: طارق الأمين Date: 07-24-2010, 11:15 PM Parent: #5
طنطنه طنبور
Post: #8 Title: Re: صور نجيضه من امسيه خيوت التلاقي في بيت الفنون Author: طارق الأمين Date: 07-24-2010, 11:18 PM Parent: #7
معاويه ياصايم قبل رمضان
انا لوبعرف القتو دا ماكان مشيت معاك الثعوديه
Post: #9 Title: Re: صور نجيضه من امسيه خيوت التلاقي في بيت الفنون Author: طارق الأمين Date: 07-24-2010, 11:23 PM Parent: #8
اقدلي وسكتي الخشامه
Post: #10 Title: Re: صور نجيضه من امسيه خيوت التلاقي في بيت الفنون Author: طارق الأمين Date: 07-24-2010, 11:36 PM Parent: #9
وسيد احمد بلال
دا لسه صور الصبغه ماجات
Post: #11 Title: Re: صور نجيضه من امسيه خيوت التلاقي في بيت الفنون Author: طارق الأمين Date: 07-24-2010, 11:57 PM
Post: #12 Title: Re: صور نجيضه من امسيه خيوت التلاقي في بيت الفنون Author: طارق الأمين Date: 07-25-2010, 00:02 AM Parent: #11
ابصلعه فك المايك ياخ
كرهتنا
Post: #13 Title: Re: صور نجيضه من امسيه خيوت التلاقي في بيت الفنون Author: احمد محمد بشير Date: 07-25-2010, 00:13 AM Parent: #12
مشاء الله تبارك الله.. عبري ولا واو! الفوق ديل ناس البلد عايشين في وحـدة و إنسجام
ويقولوا ليك إنفصال!
الشغل التحت الفي اليوتوب دة عاجبني شديد يا طارق الامين كل يوم لازم اسمعوا مرتين علي الاقل ..... يديكم العافية ما بتقصروا وتحيّة كبيرة لي ناس هيلاهوب بقيادة طارق ود الامين.
Post: #14 Title: Re: صور نجيضه من امسيه خيوت التلاقي في بيت الفنون Author: طارق الأمين Date: 07-25-2010, 00:23 AM Parent: #13
والاستاذ الجميل
صديق عبد الجبار
طق طق طق طق طق طق طق
Post: #15 Title: Re: صور نجيضه من امسيه خيوت التلاقي في بيت الفنون Author: معاوية عبيد الصائم Date: 07-25-2010, 00:36 AM Parent: #14
ايووووووووووووو كده !!!!!
Post: #16 Title: Re: صور نجيضه من امسيه خيوت التلاقي في بيت الفنون Author: كمال سالم Date: 07-25-2010, 01:47 AM Parent: #15
طارق اللمين ,, سلام يازول ياصاح ياعائش فى الزمن الناح !! الله يحفظك ويغتيك لينا حتى مشرق الزمن الصاح ياصاح .
Post: #17 Title: Re: صور نجيضه من امسيه خيوت التلاقي في بيت الفنون Author: حبيب نورة Date: 07-25-2010, 02:44 AM Parent: #16
nice day
Post: #18 Title: Re: صور نجيضه من امسيه خيوت التلاقي في بيت الفنون Author: طارق الأمين Date: 07-25-2010, 08:23 AM Parent: #12
اول واخر مره انزل صور ياخ
عندي 200 صوره قاعد فيهم من مغربت
قت احشش كمنزل صور منبرجي
واطاتنا قربت تصبح وانا في
( بروثر )
و(تحميل )
ونقص لينا الكيلوبايتات دي
و بعد روحك تنسل يقول ليك:
مره مره يقول ليك
(تم رفع الصوره بنجاح)
اسي زول ساي زي معاويه عبيد دا يعرف ينزل ويرفع
وانا بي شعري دا كلو يكون حصادي 7 صور في ليل كامل
تقول في الثعوديه بعلموهم صوير صوير
يازول دا طرفي
يجي زول شفت ينزل الصور
محمد صباحي مثلا
اوعصام عبد الحفيظ
اومن لف لفهم
اما شخصي
فممكن اقوم الف عادي
او كما يقولون
قال صور نجيضه قال
Post: #19 Title: Re: صور نجيضه من امسيه خيوت التلاقي في بيت الفنون Author: طارق الأمين Date: 07-25-2010, 08:30 AM Parent: #18
Quote: طارق اللمين ,, سلام يازول ياصاح ياعائش فى الزمن الناح !! الله يحفظك ويغتيك لينا حتى مشرق الزمن الصاح ياصاح .
Post: #20 Title: Re: صور نجيضه من امسيه خيوت التلاقي في بيت الفنون Author: طارق الأمين Date: 07-25-2010, 08:44 AM Parent: #19
Quote: nice day
حبيب نوره ونعمه وطارق اللمين
سلامات
والله قريت بوستيك بتاع العشش داك انكيفت ليك كيف
لمن خفت عليك لكن لقيتك حريف
تحاور الباكات في فنجان وتجيب قون
والله اليوم كان ثمح
لكن تاني كان لقيت لي بوست مكتوب فيهو توجد صور اوعك تخش
اعرف انو دي مكنه ساي
انا بعرف في الفيديو اقيف ورا المصور اوجم المونتر
وبعرف اقول ليهو صور لي دا وديك وديلااااك
والقط لي الطياره الحايمه فوق ديك
ولازم الزول يكون بعمل في حركه انشالله ينطط
يعني فلاحتي في النقه في المصور
لا كمان عادي بقول ليهو
اسطووووووووب
وممكن اقول ليهو بطريقه لاتخلو من قرضمه وصرصير حواجب
نو نو نو
زس از رونق ياخ
لكن امبارح
عرفت ليك حجمي الحغيغي في موضوع الفوتوقراف دا
قت لل اللا بتوب هيلب عليك الرسول
واريتني كان ماقت
شبكني ام بي اف
والصوره حقتك ما جي اف
وحقو تعملا تي اف
وكانو في الاخر شتمني بالانقليزي
انا اعملا جي اف؟
انا طارق ود بخيته دا يقول لي الفاظ زي دي
يازول انا تاني بس بعمل ليكم الحفله
بعد دا الداير يتيف الصور ولي يجيفا ولي يقيفا داموضوعو
قومو لفو بلا متداخلين بلا حسين ملاسي بلا ود الصايم معاكم
انا لي ساعتين ماقادر اقوم امشي المكتب
قال براوثر قال
Post: #21 Title: Re: صور نجيضه من امسيه خيوت التلاقي في بيت الفنون Author: طارق الأمين Date: 07-25-2010, 08:57 AM Parent: #20
الصور قااااعده بالكوم
لكن حرم تاني
ولا جغمه
Post: #22 Title: Re: صور نجيضه من امسيه خيوت التلاقي في بيت الفنون Author: طارق الأمين Date: 07-25-2010, 09:03 AM Parent: #21
ياخ في صوره مكرضمه كده
دستا ليها تحميل ديك
راجيها حدت قريب للاذان
جاتني دقسه نمت
عطشت صحيت
كحلت ليك الجهاز بي نظره ناعسه مني
نظره مني
ونظره منو
قت ليو شنو؟
قال لي جاري التحميل
معقوله ياخ؟
جاري وين؟
بالليل دا؟
Post: #23 Title: Re: صور نجيضه من امسيه خيوت التلاقي في بيت الفنون Author: طارق الأمين Date: 07-25-2010, 09:17 AM Parent: #22
غايتو عشان ما اكون قصرت مع المغتربين
او قصرت معاهم
ممكن كحد اقصي
اوصف ليكم الصور بس
اها بسملاهي
صوره رقم 8 :
تعتبر صوره من الحجم المتوسط
يبدو علي يسار الصوره الشاعر خطاب حسن احمد بالقلابيه والشال
القلابيه بيضا والشال بيج
يرفع يده الي اعلي مبشرا
علي يمين الصوره بورداب يبشرون
وهم من اليمين وقوفا
عوض مسلمي وزول جنبو مابعرفو بي سديري واخر
في الاسفل محمد صباحي مقهي
ستار
اها كده كيف؟
والله دي حاجه ماينسكتش عليها خالص
قال توجد صور قال
اها صوره رقم 9:
Post: #25 Title: Re: صور نجيضه من امسيه خيوت التلاقي في بيت الفنون Author: Shiraz Abdelhai Date: 07-25-2010, 09:36 AM Parent: #23
....والله فعلا ده كان يوم جميل خالس خالس شكلو.... واحد من الأيام البتحسسك فعلا بالغربه ...وتخليك قاعد على أطراف روحك كده ومتشحتف....وتنابز ضلك من الصباح....!!!! الله يقطع الغربه وسنينا....!! ....طارق يا راجل يا مبدع..........!!!
...------------- أها بعد الظرافه:- يا ود اللمين اب تفه بالله خلى الحركنه وثل الروح التوييييييييييييييييله دى...ونزل الاسمو ايه ده ياخ.....الصور ...جيب الصور دي...اخير ليك..!!
Post: #24 Title: Re: صور نجيضه من امسيه خيوت التلاقي في بيت الفنون Author: إدريس محمد إبراهيم Date: 07-25-2010, 09:29 AM Parent: #22
أخوي طارق اللمين ود بخيته البخيته الجابتك .. ياخي تسلم البطن الجابتك .. صدقني يا طارق كل يوم نحبك أكتر واكتر .. بالجد البلد محتاجه خالص خالص لأقلام مخلصه وإبداعات صادقة تدعم الوحدة وتؤطر لسودان واحد كبير يضمنا كلنا ونمشي لي قدام .. تختلف وتأتلف من أجل عيون الوطن وغد أجمل لأطفالنا وأطفال العالم أجمع .. وتاني ماعندي ليك أي كلام إلا إنو انحنا الغلابه والمساكين ديل كل يوم بنحبك أكتر .. وياخي محتاجين ليكم ضمه ضمّه ...
مع خالص حبي وتقديري أستاذ طارق ... ولا عدمناك سيدي ....
Post: #26 Title: Re: صور نجيضه من امسيه خيوت التلاقي في بيت الفنون Author: طارق الأمين Date: 07-25-2010, 10:36 AM Parent: #24
الي حين عوده
Post: #27 Title: Re: صور نجيضه من امسيه خيوت التلاقي في بيت الفنون Author: نور الدين عثمان Date: 07-25-2010, 10:49 AM Parent: #26
طارق اللمين يديك العافية وعليك الله ماتبعد وماتطول .. والله الليلة الواحد جد سعيد لانوا جد فترنا من ناس العكاكيز والحجازة وفلان قال وعلان ردليه .. فشكرا كتير
Post: #28 Title: Re: صور نجيضه من امسيه خيوت التلاقي في بيت الفنون Author: فيصل محمد خليل Date: 07-25-2010, 11:06 AM Parent: #27
وين عشاء الفنانين !!!!
Post: #29 Title: Re: صور نجيضه من امسيه خيوت التلاقي في بيت الفنون Author: وليد عبد اللطيف Date: 07-25-2010, 11:48 AM Parent: #24
Quote: قال لي جاري التحميل
معقوله ياخ؟
جاري وين؟
بالليل دا؟
ههههههههه طارق اللامين حبيبنا ياخي اخبار اولاد الصحافة الفراعة شنو مصطفى الناظر والصادق بشير وامين حسن حسين وامين الشمين وونادر كلشوب وطارق كادوسة واولاد حيموره عمر وخالد ياخي اخر مره قابلتك في وفاة والد امين حسن حسين وتاني بقينا ما نشوفك إلا في التلفزيون زمن والله زمن مع تمنياتي لك بدوام التوفيق يافنان
Post: #30 Title: Re: صور نجيضه من امسيه خيوت التلاقي في بيت الفنون Author: طارق الأمين Date: 07-25-2010, 10:40 PM Parent: #29
جوليا وطه واوشيك
Post: #31 Title: Re: صور نجيضه من امسيه خيوت التلاقي في بيت الفنون Author: ريهان الريح الشاذلي Date: 07-26-2010, 11:04 AM Parent: #30
يا سلااام يا طارق يوم جميل ولطيف والطف ما فيه كانت جوليا الرقصت بي حرفنة واتقان رهيب وبابتسامة طيبة ذكرتني نسوانا الطيبات .. ربنا يديها العافية ويوفقها في فنها وابداعها ويوفق بيت الفنون.
Post: #32 Title: Re: صور نجيضه من امسيه خيوت التلاقي في بيت الفنون Author: Amani Al Ajab Date: 07-26-2010, 05:04 PM Parent: #31
شكراً الأخ طارق الأمين على الصور الناطقة المعبرة.. هذا هو السودان الذي نعرفه ونحبه ونريد أن يكون.. دمت بالف خير..