و آخيراً : هشام آدم هو من أنتحل شخصية الناقد / سعيد بوكرامي ..

في إفادة من حيدر الزين مشفوعة باليمين ..

Quote: إتصل علي حمد فتح الرحمن قبل شوية .. وقبله اتصل عوض هارون برضو .. طبعاً حصل تقريع منهم .. لكن ماهم الجماعة اعمامي وكدة هههههه برد هسع مجبر لاني جيت من رحلة متعبة شديد وما قريت المداخلات من الصفحة السادسة يمكن .. بس قلت فوق كلام والناس تجاهلته وما عارف وصلت في تحليلاتها لشنو يا جماعة وقسم بالله اسمعوها مني .. محمد الحسن سليمان الحبشي ليس لديه دخل في القصة وليس هو وليد الخير وانا عرضت عليه اعرفو بوليد بصورة شخصية شهر واحد وهو جلاني مما المني جدن فلو كان الحبشي حريص علي الامر دا كان اقلاها يتعامل معاي بجدية وعشان وقت انضم واقول هشام ادم هو من انتحل شخصية بوكرامي ومارس قذارته دي يكون عندي شاهد زي الحبشي يقول ايوة وقابلت وليد الخير مع حيدر انا لو اي زول بيتهمني بقول ليكم لست وليد الخير .. انا ما وليد الخير واخدوها مني وليد الخير بعرفو وبيعرفو هشام ادم ونقطة التعارف كانت بمطعم دنقلا في الدمام .. هشام ادم انتحل شخصية بوكرامي لروزمين عثمان .. وهشام ادم فت المعلومات دي لوليد الخير وطالبو بانه يسكها ويفضحها عشان يثبت انها ماجديرة يحتفي بيها اهل السودان لانها ما كتابة وانه هو - هشام ادم - مفروض يكون في محل التكريم دا لانه بيكتب احسن منها الكلام دا قالوا لي هشام في اكتر من مناسبة بس للاسف كنا وحدنا.. وانا ما اتسترت علي زول زي ما بيحاول البعض يوحي ولا كضبت انا اتعاملت مع الامور بفهمي بتاع ولاد البلد لغاية ما هشام ادم حاول يبتزاني ويجبرني اشهد شهادة زور لصالحه او اكضب .. حذرته ستين يمين مرة يبعدني من طريقه ورفض اها اليخم ويصر .. يا حمد فتح الرحمن شاكر مكالمتك وهي الخلتني افت النت وحسب وعدي ليك في الصباح حا اكتب كل القلت ليك بالتلفون فارجو انه الناس ما تستعجل احب ااكد حقيقة هسع ولله والله احلف قدام قاضي علي المصحف بعد اغتسل انا ما وليد الخير واحلف اكتر منها انو محمد الحسن سليمان ما وليد الخير واحلف معظم انه هشام ادم هو الانتحل شخصية سعيد بو كرامي وهو العمل علي الايقاع بروزمين عثمان وجرجرها واحلف اكتر من المعظم انه هشام ادم اعطي وليد الخير المعلومات دي ليفضح روزمين لماذا لم اتكلم مسبق ؟؟ بجيكم ليها بكرة بالتفصيل هسع المداخلة دي بناءا علي تقريع حمد فح ارحمن ولاني كنت برحلة حا اجيب ليكم تلفون شخصين بالسودان يعرفو وليد الخير وانا وهم ما لامين فيهو عشان يجيب النجيضة يمكن بكرة نقدر ـــــــــــ اعتذاري المسب4ق للاخت روزمين عثمان - بس بالجد انا ما هميت بالموضوع لانه ما شغال اساس بالشعر والقصة والادب دي وحتي هشام كنت خاتيهو في خانة انو زول فاضي ساي وكضاب ما عارف لكن بكرة شكلي حا اكتب كتير وارد علي الناس بالصفحات المختلفة تقبلو عميق احترامي واسفي لما سببته لكم حيدر حسن الزين حسين

و بعد ثبوت هذا الأمر ـ إسفيريا ـ لا أرى أن الأمر يمكن إنهائه بمجرد إعتذار ..

و أرى أن من الأفضل أن يظل كما هو ..


وصمة عار في جبين الفاعل و من دعمه ..

و بس ..



ـ


فترنا ياخي ..

هذا على الرغم من إنكار هشام ..

Quote: باختصار: لا علاقة لي بمُنتحل شخصية سعيد بوكرامي، لا من قريب ولا من بعيد، ومن فعل ذلك إنما فعله لشيء في نفسه، وأقحمني في الموضوع حتى يوهم الآخرين بتورّطي في الموضوع. هشام آدم

لماذا تفعل هذا يا عصام دهب؟

Quote: في إفادة من حيدر الزين مشفوعة باليمين ..

لا ياعصام
وياخي كقانوني عاوز ااسالك عن الشروط الاساسية حسب الشرع او حسب اي حاجة تاني بتعرفوها انتو القانونين
لحكاية مشفوع باليمين دي..؟؟؟

وهل لو عمل الاخ هشام ادم وفي ذات البوست بهناك افادة مشفوعة باليمين بتفيد بانو ما عمل الحكاية دي
وعملها مثلا اي زول تاني..؟؟
هل كنت حتعمل بوست لاشهار الحكم النهائي كما بداء في عنواك

Quote: لا ياعصام وياخي كقانوني عاوز ااسالك عن الشروط الاساسية حسب الشرع او حسب اي حاجة تاني بتعرفوها انتو القانونين لحكاية مشفوع باليمين دي..؟؟؟ وهل لو عمل الاخ هشام ادم وفي ذات البوست بهناك افادة مشفوعة باليمين بتفيد بانو ما عمل الحكاية دي وعملها مثلا اي زول تاني..؟؟ هل كنت حتعمل بوست لاشهار الحكم النهائي كما بداء في عنواك

سؤال مُحترم

Quote: ,واخيرا

برضو سؤال تاني يا عصام
اخيرا دي حددتها بياتو مقياس
فهل الامر هو اخيرا بالنسبة ليك انت فقط او اخيرا مطلق للجميع..!!
وياريت ياخي كقانوني ايضا ان تدبج لينا حكم اتهام مكرب وفيها كل الشواهد والدلائل والمعطيات التي تضع بيها هشام ادم كمجرم نهائي.؟؟
الجريمة- تواريخ- بصمات- اقوال شهود- تحريات
---------
بوست ده يا عصام اعلان عن حكم في جريمة كبيرة فاتوقع ان تكون المرافعة علي قدر الجريمة
وعلي قدر اخيرا بتاعة عنوانك بعد ما تعرفها لينا

Quote: اخيرا دي حددتها بياتو مقياس فهل الامر هو اخيرا بالنسبة ليك انت فقط او اخيرا مطلق للجميع..!!

قلت لك يا عبد الكريم أن ما خلصت إليه رأي يخصني و لا يلزم غيري .. و قيامي بنشره هو تعبير عن رأيي فإذا كان ذلك ممنوعاً فهذا أمر آخر ..
بذات الفهم من حقك أن تخرج ببوست ـ إذا ما ا{تأيت ذلك ـ و تقول فيه أن هشام برئ و في النهاية فإن الزبد يذهب جفاءاً ..

Quote: وياريت ياخي كقانوني ايضا ان تدبج لينا حكم اتهام مكرب وفيها كل الشواهد والدلائل والمعطيات التي تضع بيها هشام ادم كمجرم نهائي.؟؟ الجريمة- تواريخ- بصمات- اقوال شهود- تحريات

قلت لك بوضوح أنني لست محكمة و أنا أقول رأياً و لا أصدر حكماً ..

تااانى فى اتنين فى حوش بكرى شالوا عكاكيزن على بعض ... اها ياناس الحجازة وابومرووة علينا جاى .

Quote: لماذا تفعل هذا يا عصام دهب؟

نصرة لك و أنت ظالما و لغيرك مظاليماً ..

و لأن بطني طااامة مما يحدث ..

و لأني فترت من اللف و الدوران يا هشام ..


و لأني أرى أن الأمر قد قضي ..

الأخ عصام دهب
إن كنتَ مؤمناً بأية آلهة فإني أسألكَ بها أن تتقيه في الناس وأن تلتزم الحياد والموضوعية ... إن كنتَ مؤمناً فإني أذكركَ بخطاب تمّ توجيهه للمؤمنين:{يا أيها الذين آمنوا إن جاءكم فاسق بنبأ فتبيّنوا أن تصيبوا قوماً بجهالة فتصبحوا على ما فعلتم نادمين} فهل تبيّنتَ أولاً؟ وهل أنتَ على استعداد للندم باتهامي دون إثبات إلا إحساسك واستنتاجاتكَ الشخصية؟ ومن عمق دينكَ الذي تؤمن به، هل تؤخذ بشهادة غير العدول وإن حلفوا بالله جهدَ أيمانهم؟

Quote: فهل تبيّنتَ أولاً؟ وهل أنتَ على استعداد للندم باتهامي دون إثبات إلا إحساسك واستنتاجاتكَ الشخصية؟ ومن عمق دينكَ الذي تؤمن به، هل تؤخذ بشهادة غير العدول وإن حلفوا بالله جهدَ أيمانهم؟

تبينت يا هشام ..

و بإذن الله تعالى ليس هناك ما يدعوني للندم فهو محض نقل و بعض إجتهاد ..

هو رأي و قد خلصت في رأيي إلى تأييد ما أفاد به حيدر و عضده بيمينه ..

و إذا زعمت أن حيدر فاسق أو غير عدل فإنت تدعي على خلاف الظاهر و عليك البينة ..

Quote: لا ياعصام وياخي كقانوني عاوز ااسالك عن الشروط الاساسية حسب الشرع او حسب اي حاجة تاني بتعرفوها انتو القانونين لحكاية مشفوع باليمين دي..؟؟؟

أنا لست محكمة يا باشمهندس .. و لم أتعامل مع الأمر كذلك ..
ما خلصت إليه رأي يخصني و لا يلزم غيري .. و هذا المكان مفتوح للتعبير عن الأراء ..
القرائن و البينات الظرفية التي تم تعضيدها بيمين حيدر هي التي أستندت إليها فيما خلصت إليه ..

Quote: وهل لو عمل الاخ هشام ادم وفي ذات البوست بهناك افادة مشفوعة باليمين بتفيد بانو ما عمل الحكاية دي وعملها مثلا اي زول تاني..؟؟

لا صدقني ما حأعمل ..

هشام موقفو ضعيف جداً و دفاعو ركيك ومهزوز و ما مقنع ..

و بعدين القصة ما قصة حليفة و بس .. و ما أي زول بيحلف خلاص يقوموا يصدقوه طوالي ..

هي موازنة و ترجيح و حاجات كتيرات في سبيل تحقق القناعة الكافية عشان أقول رأي أراه ملزماً لي و أنا مسئول عنه ..

Quote: هل كنت حتعمل بوست لاشهار الحكم النهائي كما بداء في عنواك

لو أقتنعت حأعمل ..

Quote: و بعدين القصة ما قصة حليفة و بس .. و ما أي زول بيحلف خلاص يقوموا يصدقوه طوالي

Quote: القرائن و البينات الظرفية التي تم تعضيدها بيمين حيدر هي التي أستندت إليها فيما خلصت إليه

Quote: أنا لست محكمة يا باشمهندس

هلا يا عصام
1-انت الان محكمة وتصرفت بفلسفة ومفهوم واختصاص المحكمة واستنادا علي عنوان بوستك..!!
والمحكمة كما افهم هي من تصدر الاحكام وتعلنها علي الملاء فهذا ما فعلته انت يا عصام بعنوان المثبت اعلاه

Quote: و آخيراً : هشام آدم هو من أنتحل شخصية الناقد / سعيد بوكرامي ..

2-ولو كان كان الامر يخصك فقط لما اعلانه كحكم..؟؟ قد افهم اعلان اتهام ولكن اصدار حكم نهائي يعني اصدار حكم نهائي طالما الامر مربوط بجريمة موصوفة ومعروفة ومتابعة من العديدين
3-

Quote: هشام موقفو ضعيف جداً و دفاعو ركيك ومهزوز و ما مقنع

من ناحية فلسفة عدالة وقانون
ماهي المساعدة التي تتوقع ان تقدمها العدالة ايما كانت لمتهم لا يجيد الدفاع عن نفسه لقصور في اشيائه التي تتيح له المرافعة عن قضيته بصورة اعمق... وهل بمجرد وجود خاصية الركاكة والاهتزاز وعدم المقدرة علي الاقناع كافية لعدم اعلان الامر وحتي وان جاء مشفوعا باليمين..
كمحكمة جاء زول فصيح ولسانو زي الصاعقة وكان جاني والتاني مثلا كيشة وما بعرف يدور اشيائه في القضية
هل هذا مدعاة لكبشرة ام الزول الكيشة وعدم الاقتناع بيمينه..؟؟ (ده مثال بعيدا عن امر هشام وحيدر ) ولكنه فقط عشان نفهم في القانون

استاذ دهب عندي شوية اسئلة عن النواحي القانونية للموضوع انت خير من يجيب عليها
في الحالات الزي دي - انتحال شخصية في الانترنت - ولاقامة دعوى قانونية هل تقبل الشكوى من اي شخص أم فقط من المُنتَحلة شخصيته
وعن مكان الدعوى - هل هي السعودية مثلا كما في الكيس القدامنا أم مكان اقامة الشخص الشاكي
وما هي العقوبات القانونية المترتبة على مثل هذه الجريمة
وما هي البينات الممكن تستند عليها المحكمة للإدانة أو البراءة , في الكيس القدامنا هل شهادة حيدر الزين تكفي لادانة هشام مع العلم بانه لم يقدم اي دليل او افادة اخرى حتى الآن
وما هو التصنيف القانوني للعلم بالجريمة - حالة حيدر - وعدم كشفها في وقتها
تاني في اسئلة جايطة في الراس وما قادر اصيغها كويس
شاكرين مقدما

تاني اسال ما هي مصلحة من انتحل الشخصية

وما مدي المنافسة بينه وبين الست روز


وكيف انطلت هذه الخدعة علي الست روز

بعدين يا عصام لقدام ممكن ننضم سوي في بوست ده عن الفروقات ما بين قضية راي عام وجريمة
ونطالب الاخوة القانونين وانت اولهم ان تفصلو لينا مفهوم وتوصيف الجريمة واما قضية راي عام فدي عودنا راكب معاكم كعامة

الاخ القانوني عصام دهب

لك التحية ,,,

هنا موقفي يعبر عن قارئ عادي يتساءل عما هي دوافع هذا البوست ؟؟؟

وهل قطعت يقيناً بأن هشام آدم هو الفاعل وما هي حيثيات هذا الحكم ؟؟؟

يعني ممكن اطلع اكتب بوست مشفوع بالصداقة واقول أن هشام آدم لم يفعل ؟؟؟

أنت الان امام مسؤولية اخلاقية بإصدارك بوست قطعي مستند الى يمين حيدر الزين ؟؟؟

فهل وضعك الاخلاقي سليم ؟؟؟ أم ان دافعك هو الكره والبغض لهشام آدم فقط ؟؟؟

اُقدر موقف المبدعة الرائعة روزمين عثمان واعرف مدى ما اصابها من هذا الاستقصاد لكن

أيبرر هذا دفعك بهذا الحكم اخي عصام دهب من ناحية قانونية ؟؟؟

هشام آدم مطلوب منك منطق مقنع للدفع بكذب وخطل الادعاء واتهامك بالفعل ؟؟؟

حيدر الزين تابعت بوستك بخصوص بوكرامي ولم ارى فيه غير قسم وقسم مقابل ؟؟؟

لماذا لا تأتي ببينة بعدها تتجه روزمين للمحكمة لينتهي مسلسل الاغتيال في المنبر

الى غير عودة ؟؟؟

هنا ضرر كبير اصاب روزمين واتهام كبير يصيب هشام آدم في مصداقيته ؟؟؟

الحصيلة تشويه في تشويه .










..............................................................حجر.

بالغت والله!

Quote: بالغت والله

اليقرأ مداخلاتك يصدق إنك برئ .. و لا ناقة لك و لا خروف في الموضوع دة ..

لا باللاي

أهدا روق بطل لقافه

الأخ / الرفاعي

لك التحية ,,,

Quote: هنا موقفي يعبر عن قارئ عادي يتساءل عما هي دوافع هذا البوست ؟؟؟

التعبير عن رايي الشخصي إزاء قضية مطروحة في بوست منفصل فهل هذا ممنوع يا رفاعي ؟؟

Quote: وهل قطعت يقيناً بأن هشام آدم هو الفاعل وما هي حيثيات هذا الحكم ؟؟؟

بصفة شخصية أنا مقتنع بإفادة حيدر المعة بيمينه بأن هشام آدم هو الفاعل و التفاصيل تجدها في ذلك البوست .

Quote: يعني ممكن اطلع اكتب بوست مشفوع بالصداقة واقول أن هشام آدم لم يفعل ؟؟؟

و ليه لا !! من حقك أن تكتب ما شئت من بوستات لتقول رأيك دون أي حجر عليك ..

Quote: أنت الان امام مسؤولية اخلاقية بإصدارك بوست قطعي مستند الى يمين حيدر الزين ؟؟؟ فهل وضعك الاخلاقي سليم ؟؟؟

أحمد الله تعالى كثيراً على وضعي الأخلاقي و أنا مقتنع تماًما ً برأيي ..

Quote: أم ان دافعك هو الكره والبغض لهشام آدم فقط ؟؟؟

هذه لم يقل بها هشام نفسه و ليس بيني و بينه ما يدفعني لبغضه أو كراهيته .. هو رأي أنا قلته و أتحمل تبعاته فلا تحمله أكثر مما يحتمل ..

هل لديك أسئلة أخرى ؟؟.

باشمهندس ود البشرى لك التحية و أحاول قدر المستطاع الرد على إستفساراتك ...

Quote: في الحالات الزي دي - انتحال شخصية في الانترنت - ولاقامة دعوى قانونية هل تقبل الشكوى من اي شخص أم فقط من المُنتَحلة شخصيته

النيابة هي الجهة التي تتولى إقامة الدعوى الجنائية ومباشرتها أمام المحاكم المختصة، و المجني عليه أو من من ينوب عنه هو من يملك حق رفع الدعوى الجنائية في ما يتعلق بالحق الخاص•

Quote: وعن مكان الدعوى - هل هي السعودية مثلا كما في الكيس القدامنا أم مكان اقامة الشخص الشاكي

في السعودية يتحدد الاختصاص المكاني للمحاكم بمحل وقوع الجريمة، أو بمحل إقامةالمتهم، و في حالة عدم وجود محل إقامة معروف للمتهم فالاختصاص يتحدد بمكان القبض عليه ، و مكان الجريمة هو أي مكان وقع فيه فعل (سلبي أو إيجابي ) من الأفعال المكونة للجريمة .

Quote: وما هي العقوبات القانونية المترتبة على مثل هذه الجريمة

وفقاً لنظام ( قانون ) مكافحة جرائم المعلوماتية المعمول به في في السعودية فإنه يعاقب ( يعاقب بالسجن مدة لا تزيد على سنة وبغرامة لا تزيد على خمسمائة ألف ريال، أو بإحدى هاتين العقوبتين ؛ كل شخص يرتكب أياً من الجرائم المعلوماتية الآتية:
1- التنصت على ما هو مرسل عن طريق الشبكة المعلوماتية أو أحد أجهزة الحاسب الآلي - دون مسوغ نظامي صحيح - أو التقاطه أو اعتراضه.
2- الدخول غير المشروع لتهديد شخص أو ابتزازه ؛ لحمله على القيام بفعل أو الامتناع عنه, ولو كان القيام بهذا الفعل أو الامتناع عنه مشروعاً .
3- الدخول غير المشروع إلى موقع إلكتروني، أو الدخول إلى موقع الكتروني لتغيير تصاميم هذا الموقع، أو إتلافه، أو تعديله، أو شغل عنوانه .
4- المساس بالحياة الخاصة عن طريق إساءة استخدام الهواتف النقالة المزودة بالكاميرا, أو ما في حكمها .
5- التشهير بالآخرين ، وإلحاق الضرر بهم ، عبر وسائل تقنيات المعلومات المختلفة .

Quote: وما هي البينات الممكن تستند عليها المحكمة للإدانة أو البراءة ,

إثبات إرتكاب الجريمة يتم بواسطة وسائل الإثبات المتعارف عليها شرعاً و قانوناً ..

Quote: في الكيس القدامنا هل شهادة حيدر الزين تكفي لادانة هشام مع العلم بانه لم يقدم اي دليل او افادة اخرى حتى الآن

في رأيي أن شهادة حيدر الزين مع ما توافر من قرائن و بينات ظرفية كافية لإدانة هشام بما نسب إليه ..

Quote: وما هو التصنيف القانوني للعلم بالجريمة - حالة حيدر - وعدم كشفها في وقتها

التستر على الجريمة جريمة يا هندسة ..

هذا و الله أعلم ..

عصام دهــب,,,

اصلا فى بوست مـفتوح وبنقاش فى المـوضوع دا ولسة مااتحسم

شنو الدافع من انكـ تجى تفتح ليك بوست تانى باسم هشام ادم?

مـع العلم المـتابع للبوست فى اكـثر مـن متهم ولم يحسـم الامـر بعد

عينة البوستات المتفرعة من بوستات تانـية هى سبب البلاوى فى سودانيز اونلاين

ليه ماواصلت فى البوست الاصلى?..

Quote: في رأيي أن شهادة حيدر الزين مع ما توافر من قرائن و بينات ظرفية كافية لإدانة هشام بما نسب إليه ..

يا عصام وعشان الراي يكون قانوني علي الاقل وبعيدا الراي بتاعك الشخصي
ماهي الاشياء التي توفرها المحكمة لهشام ادم في حالة مواجتهة بحديث مثل حديث حيدر...
ولا المحكمة بتسمع كلام وحليفة حيدر دي وبتكبشر هشام ادم ده طواالي

Quote: يا عصام وعشان الراي يكون قانوني علي الاقل وبعيدا الراي بتاعك الشخصي ماهي الاشياء التي توفرها المحكمة لهشام ادم في حالة مواجتهة بحديث مثل حديث حيدر... ولا المحكمة بتسمع كلام وحليفة حيدر دي وبتكبشر هشام ادم ده طواالي

يا هندسة هشام سيظل بريئاً في المحكمة حتى تثبت إدانته .. و يتعين على حيدر إثبات ما يدعيه ..

أما أنا فقد خلصت في رأيي بإدانة هشام إستناداً على ما قدمه حيدر و بالقرائن و البينات الظرفية فضلاً عن أن هشام لم يتمكن من تقديم رد مقنع ـ لي ـ يدحض ما وجه إليه من إتهام .

كل الذي اعرفه وكل ما يهمني هنا
ان روزمين شخصيه محترمه وانا احترم كتاباتها
روزمين
اسمحي لي بان ارفع لك قبعتي وبلا توقف!!!!!

Quote: كل الذي اعرفه وكل ما يهمني هنا ان روزمين شخصيه محترمه وانا احترم كتاباتها روزمين اسمحي لي بان ارفع لك قبعتي وبلا توقف!!!!!

هنالك بوست لمحمد عمر جبريل مخصص لرفع
القبعات بلا توقف؛ هذا البوست مخصص لأمر آخر.

Quote: و إذا زعمت أن حيدر فاسق أو غير عدل فإنت تدعي على خلاف الظاهر و عليك البينة ..

وإذا أثبتُ لكَ البيّنة؟

Quote: وإذا أثبتُ لكَ البيّنة؟

تثبت للمحكمة ..

أما أنا فأمحص في بينتك فإن أقنعنتني على التراجع عن رايي فذاك أمر آخر ..

Quote: Quote: كل الذي اعرفه وكل ما يهمني هنا ان روزمين شخصيه محترمه وانا احترم كتاباتها روزمين اسمحي لي بان ارفع لك قبعتي وبلا توقف!!!!! هنالك بوست لمحمد عمر جبريل مخصص لرفع القبعات بلا توقف؛ هذا البوست مخصص لأمر آخر.

كل الذي اعرفه وكل ما يهمني هنا
ان روزمين شخصيه محترمه وانا احترم كتاباتها
روزمين
اسمحي لي بان ارفع لك قبعتي وبلا توقف!!!!!
كيتا عليك كده ياملاسي
بعدين انا زعلان منك لانني كنت اريد مقابلتك بالسودان
ولكن اتضح لي بانك بخيل!!!
اها اضفنا موضوع تاني كمان

غايتو لو حلف الشيطان
وحلف الملحد

أنا بصدق الشيطان
لأنو على القل الشيطان معترف بوجود الله

فوق لمزيد من الايضاح

حسب متابعتي لهذا المنبر فانني اجد في الاخ حيدر الزين مصداقية اكثر مما
اجد في الاخ هشام ادم الذي بامكانه ان يستغل موهبته في تطويع الحروف بالباطل
لهزيمة الطرف الاخر . ومن قبل كذب في حق اخت في هذا المنبر وحاول ان يمارس ذات
الاساليب الملتوية مستغلالة موهبتة في الكتابة .

البوست ده اصلو ما يحتل تحت ... لحدما يجي السيد هشام ادم ويبين الكلام المكتوب فوق ده ... ويجي السيدحيدر هنا يؤكد الكلام ده ...



بو كرامي ده اصلو ما بعيد ... في المغرب القريبه دي ... وهناك محاميين مغاربه متخصصين في جرائم المعلوماتيه ...واظن ان هناك اتفاقيه بين المملكه المغربيه وبعض البلدان الاخري بما فيها المملكة العربيه السعودية في هذا الشأن ...

Quote: غايتو لو حلف الشيطان وحلف الملحد أنا بصدق الشيطان لأنو على القل الشيطان معترف بوجود الله

الاخ معتز القريش

ارجو ان تكون بخير و علي خير

سؤالي لك

الشيطان منو؟ و الملحد منو؟ هنا
لانو عندي ليك سؤال من اجابتك

دمت عافية

اخوك لطفي

Quote: الشيطان منو؟ و الملحد منو؟ هنا لانو عندي ليك سؤال من اجابتك

الأخ لفطي تحياتي

أظنك اذكى من هذا السؤال

استاذ عصام شكرا على الإجوبة
بالنسبة لنقطة اقامة الدعوى

Quote: النيابة هي الجهة التي تتولى إقامة الدعوى الجنائية ومباشرتها أمام المحاكم المختصة، و المجني عليه أو من من ينوب عنه هو من يملك حق رفع الدعوى الجنائية في ما يتعلق بالحق الخاص•

شايفك ذيلتها بنجمة هل في استدراك او هامش كنت عايز تشير ليه؟
و هل في حق عام في الحالة القدامنا أم فقط حق خاص للمجني عليهما فقط

Quote: الأخ لفطي تحياتي أظنك اذكى من هذا السؤال

الاخ و د القريش

تحياتي

المسألة ما دايره ليها ذكاء او غيرة, انا بس داير اكون محدد في مداخلتي معك عند ردك, فليس للتخمين عندي شفاعة يوم القيامة, فعندما ارد اكون متحملا لمسؤلية الرد مخطئا كنت او مصيبا, راجعا عند الخطأ, حامدا عند الصواب, فكلنا خطائون و خيرنا التوابون

تسلم

لطفي

Quote: هنالك بوست لمحمد عمر جبريل مخصص لرفع القبعات بلا توقف؛ هذا البوست مخصص لأمر آخر.

..........
معليش يا موصلي ..
الواحد ما صدق لمّ ليهو في ضحكة وسط هذا الخبوب الحاصل .

Issam it is not enough to accuse any body now .
Still no evidence to accuse anyone: Hisham or Haider
Some people are accusing me but to tell the truth I know nothing in this issue.

Quote: لرفع القبعات بلا توقف

هذا ـ في الأصل ـ غير ممكن منطقاً، وبذلك يسقط اعتراضك، شكلاً، يا أخ Hussein Mallasi


وسلام وود للموصلي ولـ
Emad Abdull وللإخوة المحامين على الخط....

على فكرة ..

أمامي الأن حكماً صادرأ من المحكمة الجزئية في جدة ومؤيد من الدائرة الجزائية الثالثة بمحكمة الإستئناف بمكة المكرمة في 18/5/1431هـ في إحدى جرائم المعلوماتية و منطوقه كالتالي :

( ......... شهادة الشاهد المشار إليها لم تكن موصلة إلا نها قريبة و قوية جداً و عليه و لكل ما ذكر فقد حكمت بسجن المدعى عليه في الحق العام شهراً كاملاً و جلده خمسين جلدة دفعة واحدة في مكان عام كما حكمت عليه في الحق الخاص و ذلك بسجنه شهرين كاملين ـ و لم يكن القذف صريحاً ـ و جلده مائة و خمسون جلدة موزعة على ثلاث دفعات بين كل دفعة و أخرى عشرة أيام و أخذ التعهد الشديد عليه بعدم العودة لمثل ذلك )
علماً بأن المحكوم عليه شاعر و هو يشغل وظيفة عسكرية ..
و علماً بأن القضية لم تتوقف على هذا الحد حيث أن المدعي حضر لمقر شركتنا و أحضر لنا خطاب من المحكمة لإختيارنا كحبير لتقدير أتعاب المحاماة و الأضرار المعنوية التي لحقت بها و التي يقدرها هو بمبلغ ثلاثمائة ألف ( 300.000 ) ريال ..

و قد قصدت من ذلك التنبيه إلى خطورة الأمر ..
تحسبو لعب ؟؟

استاذ عصام ...سلام ..

انا مامتابع البوست السابق وماعارف وصل وين ...وقبضتوا مجرم الشرقية ولا لسه ؟!! لكن عندي استفسار من خلال كلام اخونا حيدر البنيت عليهو حكمك الاخير ...مع العلم اني مابتهم اى واحد فيهم بل انتظر النتيجة النهائية للحكم وتكون مقنعة ..

Quote: ولله والله احلف قدام قاضي علي المصحف بعد اغتسل انا ما وليد الخير

هنا اخونا حيدر بيقسم انه ماوليد الخير .. لكن هل القسم ده يعني انه لم ينتحل شخصية وليد الخير ؟!! لانه في فرق بين انك تقسم بأنك ليس بفلان وبين ان تقسم بأنك لم تنتحل شخصيتة...

Quote: واحلف اكتر منها انو محمد الحسن سليمان ما وليد الخير

هنا اذا كان القسم على أن الاخ محمدالحسن سليمان ما وليد الخير كشخصين مختلفين ده قسم مقبول وحتى انا استطيع ان اقسم بأن عصام دهب مافايز القاضي لكن هل هناك مايؤكد ان محمد الحسن سليمان لم ينتحل شخصية وليد الخير ؟!! وهل اصلاً يقبل من الاخ حيدر الزين ان يقسم بأن محمد الحسن ماانتحل شخصية وليد الخير ؟!! وهل المطالب بالقسم في الحالة دي محمد الحسن ام حيدر ؟!! يعني بالعربي كده ياعصام القسم هنا عن محمد الحسن ماوليد الخير ..ومفروض القسم يكون محمدالحسن ماانتحل شخصية وليد الخير وكمان المعني بالقسم ماحيدر بل محمدالحسن سليمان ..

Quote: واحلف معظم انه هشام ادم هو الانتحل شخصية سعيد بو كرامي وهو العمل علي الايقاع بروزمين عثمان وجرجرها

هنا القسم لايكفي حتى لو اعترف هشام لحيدر بذلك ...لابد من وجود ادلة ملموسة وفعلية لك كقاضي يادهب.. ...

Quote: واحلف اكتر من المعظم انه هشام ادم اعطي وليد الخير المعلومات دي ليفضح روزمين

ودي برضو تجي كيف ؟!! حيدر الزين كيف يقسم بأن فلان فعل كذا مالم يكن هو شاهداً وحاضراً فعلياً .. المعنيان بالقسم هناهما الاستاذين هشام ووليد الخير ..

يادهب قسم حيدر الزين الفوق ده نصه في حاجات مابتعنيه ونصه التاني قسم بالنيابة عن اشخاص آخرين ..ههههههههه



ودي ....

بما انه الاستاذ عصام دهب قدم الرأي القانوني في القضية ..
بحب اقدم ليكم الجانبي النفســي .. من واقع عملي في التجاني الماحي ..
هشــام آدم مهيأ نفسيا انه ينتحل شخصية اي زول يدعم خطه في الرواية و الشعر ..
هشــام آدم مهيأ انه يكون حاقد جدا علي روزمين لاسباب سياسية يطول شرحها و يمكن ما تفهموها زاتو ..
حيدر الزين مصاب بانفصام في الشخصية مهيأ تمام لانتحال شخصية وليد الخير ..
محمد E سليمان بحب يباري الاكبر منه .. و دي فيها حسنة و سيئة .. يا أتعلم منهم يا اتعلموا فيهو ..

..
..

طبعا .. دا الرأي بتاعي اقوله في اي حتة و الما عاجبو يضرب رأسه في اقرب حتة ممكن تسبب ليهو أذي جسيم ..

..
..

شكرا مولانا دهب كونك جعلت هذا ممكنا ..

تنويه صغير لمولانا دهب ..
في المنبر دا في ناس عورة .. مفروض تديهم المساحة بتاعتهم ..
لا بأس يا مولانا ان يكون في شوية ديمقراطية .. لا بأس لا بأس ..
علي ان تكون مسئولية المخاخيت داخل البوست علي الدولة .. ( راعية الموهبة و الفكر ) ..

..
..

شكرا ..

Quote: بحب اقدم ليكم الجانبي النفســي .. من واقع عملي في التجاني الماحي ..

الاخ حميدة يقصد عمله كدكتور نفساني .. يعني ماشغال مريض نفسي ..

انا تعبان في البورد ده اشرح اى كلام وافسر اى قسم ...حالة اخير منها الواحد ينتحل شخصية تمبس ..

Quote: Quote: هنالك بوست لمحمد عمر جبريل مخصص لرفع القبعات بلا توقف؛ هذا البوست مخصص لأمر آخر. .......... معليش يا موصلي .. الواحد ما صدق لمّ ليهو في ضحكة وسط هذا الخبوب الحاصل .

واسمح لى انت كمان ياعماد..


على رأى المصريين
حدى يموت لا ضحكه تفوت...

ضحكه فى برجقوبه حنس دى مريحه جدا ..

موصلى
عمده
وملاسى
لكم الموده..

أها كمان الفيلم ده بدأ وين ومتين؟؟ !!

أجدعوا لينا الرابط بالله ..

يعني الواحد إلاّ يقرأ البورد ده كله واللاّ شنو ؟؟

آمنت بالله ..

Quote: الاخ حميدة يقصد عمله كدكتور نفساني .. يعني ماشغال مريض نفسي

اجل اجل يا صديقي .. سقط سهواً التنويه بمنصبي الإداري الجديد ..
كما لا يفوتني ان انوه ان الشغل متعب و المرتبات ضعيفة و كل يوم يمرقونا مسيرة للتنديد بالمحكمة ..

..
..

عملت لي شنو في الفيزا .. البلد دي سخنت معانا ..

Quote: عملت لي شنو في الفيزا .. البلد دي سخنت معانا ..

الفيزا خلاص ياحميدة باقى الختم بس .. انت جهز كرت الحمى الصفراء وشلل اطفال الكبار وكرت التطعيم...وللمعلومية الجماعة في الكيس بتاعك قلت ليهم الزول ده يدو اليمين ورجلوا الشمال قطعوها ليهو ناس الانقاذ ..فانت احتياطي تعال قاطعهم وماتطلعني كذاب ...ركز اليد اليمين والرجل الشمال ..

Quote: يدو اليمين ورجلوا الشمال

يا زول سلامة عديل .. انا بعرف كيس في حلتنا بتاعت بت قالوا ليها اقطعي شلوفتك و تعالي قولي العادات الضارة ( دق الشلوفة و كدا ) ..
من اليوم داك المسكينة ما عارفة تخت السفة وين .. ألا بقت تشنقا ..

تحياتي أخي لطفي

الشيطان هو الشيطان الواحد دا

الملحد هو هشام آدم

Quote: تحياتي أخي لطفي الشيطان هو الشيطان الواحد دا الملحد هو هشام آدم

الاخ ودالقريش, كده تكون ازلت اللبس من ذهني, لان هنالك احتمال في صراع اثنين, عند ايراد مثل هذه العبارة في ان يكون احدهما شيطان و الاخر ملحد (حيدر الزين و هشام ادم), سوف اتيك راجع ان شاءالله, لابين لك خطل رأيك الذي ادليت به.

ولك مني خالص الود و التقدير

لطفي

Quote: هشام ادم انتحل شخصية بوكرامي لروزمين عثمان .. وهشام ادم فت المعلومات دي لوليد الخير وطالبو بانه يسكها ويفضحها عشان يثبت انها ماجديرة يحتفي بيها اهل السودان لانها ما كتابة وانه هو - هشام ادم - مفروض يكون في محل التكريم دا لانه بيكتب احسن منها الكلام دا قالوا لي هشام في اكتر من مناسبة بس للاسف كنا وحدنا..

مرور..ومتابعين يادهب

كتب هشام آدم:

Quote: الأخ عصام دهب إن كنتَ مؤمناً بأية آلهة Quote: فإني أسألكَ بها أن تتقيه في الناس وأن تلتزم الحياد والموضوعية ... إن كنتَ مؤمناً فإني أذكركَ بخطاب تمّ توجيهه للمؤمنين:{يا أيها الذين آمنوا إن جاءكم فاسق بنبأ فتبيّنوا أن تصيبوا قوماً بجهالة فتصبحوا على ما فعلتم نادمين} فهل تبيّنتَ أولاً؟ وهل أنتَ على استعداد للندم باتهامي دون إثبات إلا إحساسك واستنتاجاتكَ الشخصية؟ ومن عمق دينكَ الذي تؤمن به، هل تؤخذ بشهادة غير العدول وإن حلفوا بالله جهدَ أيمانهم؟

شوفوا الولد مستكبر كيف..
هو -في قمة"الزنقة" والمرمطة وجد"صعوبة" إنو يجيب إسم ربنا في خشمو
شوفوا اللولوة والزوغان والإلحاد:

Quote: إن كنتَ مؤمناً بأية آلهة

Quote: فإني أسألكَ بها

وعندما كان الكلام عن الإيمان لم يقل "...إإني أذكرك بخطاب الله للمؤمنين.."
وإنما قال:

Quote: فإني أذكركَ بخطاب تمّ توجيهه للمؤمنين

مين الوجهو يا مستكبر؟ ماداير تقول إسم ربك
اللي خلقك من نطفة ثم من علقةٍ ثم سواك رجلا؟ (لكن هو الله ربي ولا أشرك بربي أحدا)
كمان بالله شوفو الاستكبار و"رفعة النخرة" في الباطل:-

Quote: ومن عمق دينكَ الذي تؤمن به،

..
هشام "ينتحل" شخصية الشيطان ..ولكنه هاهنا شيطان برجلين إثنين
..كتب -مرّةً-طاعنا في شرعه قائلا: لو كان الله رجلا لقتلته النساء:
ألا (قاتلهم الله أنى يؤفكون)
تحسبو لعب يا ولد؟! إنت قايل ربنا ما بينتقم ممن سخر من دينه، وسبّه أولغ في الطعن في شرعه وفي الكفر والسخف والإضرار بالناس؟
(إن الله عزيز ذو انتقام) (وأن عذابي هو العذاب الأليم)

القرائن مهمة وموجودة في الشريعة
فعندما جاء إخوة يوسف لأبيهم-عليهما الصلاة والسلام-
وهم يبكون وجاءوه بدمٍ كِذب ..قال لهم استنادا إلى ما يعرفه
عنهم:( بل سوّلت لكم أنفسكم أمرا فصبرُ جميل)..ولو كان يعقوب علِم هذا
عن طريق الوحي لذهب إلى البئر التي رموا فيها يوسف عليه الصلاة والسلام
ولكنها القرائن القوية..
ذكر علماء التفسير والشريعة أن هذا يستفاد منه الأخذ بالقرائن القوية..


هشام أتعجب ل"شجاعتك" في الإلحاد والجرأة على رب العباد..لم الجبن في الاعتراف؟
ألا فل"تتشجع" وترِح نفسك والعالمين من هذا الغثاء..ولتقل الحقيقة
فهاهي شمسها قد بدات في البزوغ ..شاء من شاء وابى من أبى
شكرا دهب للحقيقة المرّة

مازال هشام ادم يكذب ويتحرى الكذب

الالحاد لا يقوم على حجة

كخطوة إستباقية ..
أنصح الأخ هشام آدم بحفظ هذا البوست في الهارديسك وبعد داك يتوجه لأقرب محكمة عشان يفتح بلاغ ضد المدعو دهب
..
البوست ده فيهو إتهام واضح وصريح بعكس البوست التاني البتكلم عن شكوك وأصابع إتهام هنا وهناك
لكن أنا لو مكان هشام آدم (لا قدر الله ) عصام دهب الليلة بخش الرج وما بطلع إلا بي كفالة

مساء الخيرات و التفاصيل ..

Quote: البوست ده اصلو ما يحتل تحت ... لحدما يجي السيد هشام ادم ويبين الكلام المكتوب فوق ده ... ويجي السيدحيدر هنا يؤكد الكلام ده ... بو كرامي ده اصلو ما بعيد ... في المغرب القريبه دي ... وهناك محاميين مغاربه متخصصين في جرائم المعلوماتيه ...واظن ان هناك اتفاقيه بين المملكه المغربيه وبعض البلدان الاخري بما فيها المملكة العربيه السعودية في هذا الشأن ...

يا جماعه وين السيدهشام ادم ده













_______________________________________________
البوست ده يا جماعه قلنا اصلو ما يحتل تحت

يا جماعة ما تحكوها شديد والزول دا في البداية ما كان قاصد شر بس الذكاء مرات مضر
وست الحق سامحته وانا راي يرسل ليها هي ماسنجر يعتذر ليها وخلاص البقية ديل شن خصاهم الموضوع بتاع روزمين بس
بعدين الحبشي ذاتوا متهم ولسة ما اثبت براءته مية المية انا برجح انه هشام كلم حيدر علي اساس الموضوع هزل وراح حيدر مكلم او ملمح للحبشي والحبشي هو الاستغل الموضوع وولع النيران عشان حسادته لروزمين

Quote: يا جماعة ما تحكوها شديد والزول دا في البداية ما كان قاصد شر بس الذكاء مرات مضر وست الحق سامحته وانا راي يرسل ليها هي ماسنجر يعتذر ليها وخلاص البقية ديل شن خصاهم الموضوع بتاع روزمين بس بعدين الحبشي ذاتوا متهم ولسة ما اثبت براءته مية المية انا برجح انه هشام كلم حيدر علي اساس الموضوع هزل وراح حيدر مكلم او ملمح للحبشي والحبشي هو الاستغل الموضوع وولع النيران عشان حسادته لروزمين

إمراة العزيز بعد ما فعلت ما فعلت صحا ضميرها
رغم كفرها وقالت: "الآن حصحص الحق أنا راودته عن نفسه"
أعجبني إعتذارك يا هشام لحيدر ومحمد E سليمان عن بعض ما ارتكبته في حقهما
أليس المطلوب أن تكمل المشوار الاعتذاري لروزمين ؟
فالرجوع إلى الحق لايتجزأ
حصحصة الحق وظهوره ينتظر "دفرة" منك لإسدال الستار عن هذه القصة المملة .

عماد موسى

سلام

Quote: تحسبو لعب يا ولد؟! إنت قايل ربنا ما بينتقم ممن سخر من دينه، وسبّه أولغ في الطعن في شرعه وفي الكفر والسخف والإضرار بالناس؟ (إن الله عزيز ذو انتقام) (وأن عذابي هو العذاب الأليم)

اراك تتقمص دون مسوغ دور الناطق باسم (العناية الالهية), و محرر المذكرات التفسيرية لافعالها
ما ادراك بان ما جرى انتقام الهى؟
ثم لماذا هذا الانتقام الالهى انتقائى و يقع فقط على اخونا هشام ادم (المسيكين الهوين) دا, و الدنيا من اقصاها الى اقصاها تعج بالظلمة و الكفار الذين يقتلون المسلمين و يشنون عليهم حروب الابادة من العراق و حتى افغانستان, و لا نرى عليهم دلائل انتقامك المزعوم( يعنى بالذمة كدا يا عماد ايهم اولى بانتقام الاله العاجل, ملحد بيث كلماته فى منبر محدود الانتشار و المقرؤية, ام فعائل اليهود و الكفار)

Quote: ثم لماذا هذا الانتقام الالهى انتقائى و يقع فقط على اخونا هشام ادم (المسيكين الهوين) دا, و الدنيا من اقصاها الى اقصاها تعج بالظلمة و الكفار الذين يقتلون المسلمين و يشنون عليهم حروب الابادة من العراق و حتى افغانستان, و لا نرى عليهم دلائل انتقامك المزعوم( يعنى بالذمة كدا يا عماد ايهم اولى بانتقام الاله العاجل, ملحد بيث كلماته فى منبر محدود الانتشار و المقرؤية, ام فعائل اليهود و الكفار)

يا عوض
الله يهديك
الموضوع لامذكرات تفسيرية ولاغيره مما ذكرته بأنني ناطق..(..)
(وأتعفف عن كتابة عبارتك السخيفة السيئة الضلالية الخطيرة في حق الله- هذه الكلمة التي -على الأقل-
ليست فيها أدب مع رب العزة والجلال)
دخولي على الرجل وتعليقي كان على خلفية قوله لعصام دهب
واستحلافه له بالآلهة !!-كأنو عصام دهب يعبد الطوطم- (ناس هشام ديل ناس مستلبين وعايشين
في وهم ضلالي كبير بإسم العلم والفلسفة..الواحد فيهم بتخيل نفسو
إنو هو المفكر الملحد "الكبير" الفلاني !! ويقوم يرمّي في الكلام الكفري "المشاتر"
( هو لو عندو عقل في راسو ما يفكر يشوف عصام دا جاي من وين ..عصام سوداني مسلم...
شنو المناسبة يستحلفوا بالآلهة؟؟ ناس هشام ديل ناس ضلال ساي..وترف عقلي ..فاضين شغل وفاضين عقُل..)

Quote: و يقع فقط على اخونا هشام ادم (المسيكين الهوين) دا, و الدنيا من اقصاها الى اقصاها تعج بالظلمة و الكفار الذين يقتلون المسلمين و يشنون عليهم حروب الابادة من العراق و حتى افغانستان,

والفرق شنو بين الظلَمة ديل وهشام؟ بل في عقيدتي إنو ديل مع إجرامهم- أحسن دينا من هشام
ديل أهل كتاب ودا ملحد..بعدين هو الحرب د ي علا تكون بالسلاح والقنابل؟ ماهو هشام شايل سلاحو-قلمو- ويطعن في وجود الله وفي القرآن وفي الرسول وفي الشريعة وفي الصحابة..وفي كل شئ ثابت وصحيح
صاحبك مش زي ما قلت:-

Quote: هشام ادم (المسيكين الهوين)

والله إنت المسكين وما عارف! ونصيحتي لك:
(ولاتجادل عن الذين يختانون أنفسهم إن الله لاَ يُحِبُّ مَن كَانَ خَوَّانًا أَثِيمًا}‏‏ ‏[‏النساء‏:‏ 107‏]‏

Quote: ( يعنى بالذمة كدا يا عماد ايهم اولى بانتقام الاله العاجل, ملحد بيث كلماته فى منبر محدود الانتشار و المقرؤية, ام فعائل اليهود و الكفار)

هشام دا والله ياعوض لو أسلم الليلة دي أكون أول الفرحانين بيهو..ولو بقي على كفره أحزن ليه..ولو بقي على كفره وإصراره على محاربته للإسلام أحزن له وأدافع عن ديني وأدعوا ربي أن ينتقم منه كما كان يفعل رسولنا الكريم مع عتاة الكفرة الفجرة المحاربين للإسلام..إيه المشكلة يعني؟..
ثم..استفسار...ما معنى بالذمة؟! الاستحلاف بالله ياعوض .. الله يهديك

Quote: ملحد بيث كلماته فى منبر محدود الانتشار و المقرؤية

من وين جبت الكلام دا ياعوض
هو بالله دا منطق؟! منبر سودانيز مش محدود الانتشار ولا المقروئية
ثم إن هشام آدم يتعامل في نشره لإلحاده مع "الانترنت" وليس مع نشرة محدودة مكتوبة بألة كاتبة..
و فلنفترض إنو ضلّ بسببو زول واحد..دي ما مصيبة عظيمة إنو إنسان يدخل النار بسببو؟ فكيف بالآلاف؟
بعدين هو الانترنت عندو حدود؟!! ما فاكي ساااي في السهَلَة دي !!..هسع أنا كلامي دا بيقراهو اللي في ألسكا..
فدحين ياعوض ما تصغّر الأمور ..وتتستر على الملحد البينقل من موقع الحوار المتمدن وبيكتب فيهو..

Quote: ملحد بيث كلماته فى منبر محدود الانتشار و المقرؤية, ام فعائل اليهود و الكفار

الكُفر ملة وااحدة..ويختلفون في الوسائل والأساليب ..
بعدين يا عوض كونك تختلف معاي ما معناها تلزمني بحجتك
أنا الناس البتفقوا معاي بخصوص هشام أكتر من المخالفني فيهو
شكرا