Post: #1
Title: بيت الفنون ( نفاج ضوء )
Author: اسلام عبد الرحمن عمر
Date: 07-23-2010, 12:30 PM
Parent: #0
شكراً طارق الامين كون انك جعلت ذلك ممكناً
مساء حمييم :
مساء خميس .. تركنا لهو جميع خميساتنا الفاتو والجايين
المكان : بيت الفنون _ مركز طارق الامين الثقافى
الحضور انيق جداً حد انك تلاحظ ان الجميع يتبسم فى وجه الجميع ومزين حضورنا
الوالد محجوب شريف ..
( يا شعبنا .. يا واااااااااالداً احبنا)
خطاب حسن احمد .. د. عمر محمود خالد .. فرقه نفاج وغنينا كلنا معاهم
(كل سونكى احسن يبقى مسطرينا ) والخلفيه عمال وسقاله ( ونبنى نبنى
نبنى مسرحاً ونادى ) الفنانه نهله تغنت ب بلدنا نعلى شانا ياناس للاستاذ الموصلى موسى اوشيب كسلا _ غناء طمبور _ ورقيص جوليا على نغم الطمبور
فرقة الهيلاهوب مشاركه فى الاداء , عبدالله كير صديق الوالد محجوب صاحب الفكره
البرنامج : وحده وحده وحده
***********************************************
عاوز احكى ليكم بس لسع مليان بى فرحة امس
|
Post: #2
Title: Re: بيت الفنون ( نفاج ضوء )
Author: اسلام عبد الرحمن عمر
Date: 07-23-2010, 12:50 PM
Parent: #1
كنت حضوراً من قبيل بداية البرنامج بوقت طويل (بعد المغرب )
التقيت صاحب الدار وقوفاً بالباب مرحباً بالحضور , طارق الامين لايعرفنى شخصياً
ومع هذا كان ادبه الجم سابق تحياته وترحابه ..
وهى ليست المره الاولى التى ارتاد فيها المكان , كنت حضور لعدد من الملمات
فى بيت الفنون وكل بنفس النكهه ونفس المزاج الفريد كانما لهذا المكان سلطان
على الامزجه ..
|
Post: #3
Title: Re: بيت الفنون ( نفاج ضوء )
Author: اسلام عبد الرحمن عمر
Date: 07-23-2010, 01:03 PM
Parent: #2
اولاً كدا :
جاءت البت نهله (نحيلا كدا ) وغنت بى صوت طروب وجميل بى شكل خرافى بعد نهله
جو ناس نفاج معاهم مشاركيين من الهيلا هوب عمل النص بتاع محجوب شريف عشه كلمينا ميرى زكرينا كل
سونكى احسن يبقى مسطرينا , شكل الشغل اقرب لى اوبريت من انو نشيد او اغنيه
اللحن فيهو طابع الجنوب وطبعاً الاداء الحركى .. حاجه فى منتهى الجمال وفكرة اللحن والاداء والالات
الموسيقيه المصاحبه كلوكلو كلو كدا فكره مجنونه وجميييييييلا ( عجيب ياخ )
|
Post: #4
Title: Re: بيت الفنون ( نفاج ضوء )
Author: اسلام عبد الرحمن عمر
Date: 07-23-2010, 01:20 PM
Parent: #3
وصله غنائية اخرى :
غناء طمبور كااااارب اجمل حاجه فيهو كانت الرقصه بتاعت البت جوليا
فى اداء مصاحب جميل يناسف رقيص بنات الشمال على انغام الطمبور واستمتعنا
بى اغنية ( بلداً هيلى انا ) والاداء الجميل لجوليا وعازف الايقاع
|
Post: #5
Title: Re: بيت الفنون ( نفاج ضوء )
Author: اسلام عبد الرحمن عمر
Date: 07-23-2010, 01:31 PM
الناس والاحساس المالى الفجه كان احساس وحده بالجد بالجد , محجوب شريف
الانسان الكون ,, قال كلام بداء بيهو حديثو
( انو سأل نفسو عن حاجه عجيبه كدا , هم متعودين يعمل جرد لى فرش الاسنان
فى بيتو بعد كل مره والتانيه ويقولو دى فرشة مى , ودى حقت مريم , ودى حقت اميره
وكتيييير بيكون فى فرش اسنان لى ناس جوهو فى بيتو بيتو وفاتو ضيوف يعنى
قال دايماً كان بسال نفسو وكل الناس عن اليوم البجى يقول فيهو دى فرشة دينق
كان بايت معانا هنا , او فرشة جيمس او ملوال , عن اليوم البنفتح فيهو بيوتنا
لى جيمس وجون ووغيرهم ,, فى الوقت دا بنكون حققنا الوحده الجدجد
( بالله الزول دا مش عجيب ) محجوب شريف دا أنا كلوكلو ما شفت لى زول قبال دا
بالسماحه دى .. ربنا يخليهو لى اهلو ولى السودان .
******************************************************
نواصل
|
Post: #6
Title: Re: بيت الفنون ( نفاج ضوء )
Author: اسلام عبد الرحمن عمر
Date: 07-23-2010, 03:46 PM
Parent: #5
كتييييييير من الحضور طالب الاستاذ محجوب شريف انو يقراء النص المتدول
قويشايه ..
وكتييير بنشوف فى الملمات الذى دى الناس بتحشر ساس يسوس فى الموضوع
خاصة وانو الموضوع ما بعيد عن السياسه (الوحده )
محجوب قال :
يا اخوانا خلونا ما ندخل بيت الفنون فى اللخبطه بتاعت السياسه او ما يعنى ذلك
وقال احسن لينا نخلى بيت الفنون للفنون ولكل مقام مقال ..
حسيت انو أنا قاعد اسمع فى زول من عالم تانى مامن عالمنا دا ...
****************************
بورداب الخرطوم شكلو حضور انيق فى هذا اليوم ,, ياريت الناس تجى وتحكى
عن جمال اليوم دا ..
وساعدونا بالصور ياناس الكميرات
|
Post: #7
Title: Re: بيت الفنون ( نفاج ضوء )
Author: اسلام عبد الرحمن عمر
Date: 07-23-2010, 05:09 PM
Parent: #6
طيب : نواصل
بيت الفنون فى الفتره البسيطه دى ورغم البيوتات الثقافيه والمراكز
الماليه البلد وضاربه فى العراقه والقدم الا انو قدر يحجز لنفسو
مكان وااااضح فى خريطة الثقافه فى الخرطوم ,, ولو قلت انو بيت الفنون
فات الكبار والقدرو من بيوتات الثقافه فى الخرطوم ما افتكر حا اكون
قلت غير الحقيقه ودا واضح للعيان ..
فكرة بيت الفنون وطرحو لحاجات جديده وافكار خلابه وتقديمو ليها, خلقت
ليهو المكانه دى , اضافة طبعاً لى شخصية صاحب الدار
الاستاذ طارق الامين وجهدو هو والشباب المعاهو وارتباطهم بعضم الفكره
واخلاصم ليها ..
كل المرات البسيطه الكنت فيها فى بيت الفنون كنت بلاحظ تطور من احسن
لى احسن لى احسن دا على مستوى المكان وكدا ..
ياريت يااستاذ طارق تعرف انكم بتهدونا اوقات جميلا ونحنا شاكرين
شديد لى بيت الفنون دا
التحية تانى لى بيت الفنون والاستاذ طارق الامين
وحقيقه بيت الفنون (نفاج ضوء) فى هادى العتمه ..
|
Post: #8
Title: Re: بيت الفنون ( نفاج ضوء )
Author: ihsan fagiri
Date: 07-24-2010, 09:23 AM
Parent: #7
بيت الفنون --واحه في قلب الصحراء
درجة الحراره في شارع الظلط المقابل بتكون الحراره 50 درجه --تدخل بيت الفنون يجيك الهمبريب من كل ناحيه والسبب مش كثرة المكيفات لكن الوجوه الجميله والتي تحمل احلامها معها اينما ذهبت فنسيم تلك الاحلام يعطر المكان --تلقيت في احدي المرات رساله عبر الموبايل بان محجوب شريف يدعوك لحضور امسيه تكريم احد الاطباء --وهناك ولاول مره قابلت نانسي عجاج وغنت والابنه مي محجوب وطربنا ورقصنا ونمنا في ذلك يوم بلا كوابيس
التحيه للاستاذ طارق والله لو ما بيت الفنون دا كنا فرتقنا رجعنا زمان
|
Post: #10
Title: Re: بيت الفنون ( نفاج ضوء )
Author: اسلام عبد الرحمن عمر
Date: 07-24-2010, 10:40 AM
Parent: #9
احسان فقيرى
يا مراحب ...
المكان وسطوتو عليك وعلاقتك بيهو ,, بيت الفنون من الامكنه القليله ال بتخليك
حاسس أنك مرتاح ,, المكان ,, الناس ,, المشروعات الهناك والحلم ,, الحلم يا احسان
بتحس انو المكان دا ممكن تحلم فيهو ..
طارق الامين بيت الفنون بقى شغلو الشاغل ,, وعندو من المشاريع الهسع بيعمل
فيها مشروع مكتبه ضخمه حتكون اضافه حقيقه لى بيت الفنون ولينا كلنا ومحتاج
لى دعم الناس للمشروع دا .. حتى لو بى كتاب واحد ..
تسلمى يارب
|
Post: #11
Title: Re: بيت الفنون ( نفاج ضوء )
Author: اسلام عبد الرحمن عمر
Date: 07-24-2010, 10:46 AM
Parent: #10
الاستاذ صديق ...
مرورك اسعدنى كتييييييير ,, تسلمى يارب
|
Post: #12
Title: Re: بيت الفنون ( نفاج ضوء )
Author: ابوحراز
Date: 07-24-2010, 11:49 AM
Parent: #11
أخي الكريم 00 شكراً على هذه التداعيات المدهشة
قال دايماً كان بسال نفسو وكل الناس عن اليوم البجى يقول فيهو دى فرشة دينق
كان بايت معانا هنا , او فرشة جيمس او ملوال , عن اليوم البنفتح فيهو بيوتنا
لى جيمس وجون ووغيرهم ,, فى الوقت دا بنكون حققنا الوحده الجدجد
لو صدرت فتوى تجيز السجود امام الكلمة الجميلة والرائعة والمعبرة
لكان في هذا الكلام موضع { سجدة } !!!!!
الآن آمنت أن هناك قلوباً بحجم مساحة السودان وأكثر
|
Post: #13
Title: Re: بيت الفنون ( نفاج ضوء )
Author: طارق الأمين
Date: 07-24-2010, 01:32 PM
Parent: #12
فشلت في معرفه الكيفيه المناسبه للتعامل مع هذا البوست
تحياتي لكاتبه
الاستاذ اسلام
وللمتداخلين
ومحبتي
وشكري لتشجيعكم
وكلماتكم الطيبه
العامره بالموده
يدكم معانا
وقلوبكم
ومقترحاتكم
ولي قدام
شكرا خجولا
ورغبه صادقه بان نكون
عند حسن الظنون
|
Post: #14
Title: Re: بيت الفنون ( نفاج ضوء )
Author: ود عقاب
Date: 07-24-2010, 03:14 PM
Parent: #13
اسلام عبدالرحمن
خالص الموده
تانى ما تنسى تدينى خبر
|
Post: #15
Title: Re: بيت الفنون ( نفاج ضوء )
Author: اسلام عبد الرحمن عمر
Date: 07-24-2010, 08:24 PM
Parent: #14
طارق الامين
نحنا والله ال عاجزين عن انو نقول كلام فى حقك يا راجل
ياخ انتى بتجيب الجمال والجنون دا من وين
تسلم ياخ
ولى قدام
|
Post: #16
Title: Re: بيت الفنون ( نفاج ضوء )
Author: ihsan fagiri
Date: 07-24-2010, 10:31 PM
Parent: #10
وليك علي يا اسلام كتابي بجيبو معاي المره الجايه
|
Post: #17
Title: Re: بيت الفنون ( نفاج ضوء )
Author: اسلام عبد الرحمن عمر
Date: 07-25-2010, 01:42 PM
Parent: #16
ود عقاب :
اين انت يارجل
فاقدنك ياخ ... ابقى قريب
تسلم....
*************************************************************************
شكراً يا احسان .. وكلنا بنجيب معاك
( وباكر تعرف تقراء وتكتب وياااااااااما ترتب )
يلا .. ندى الضوء
فرصه يخش
|
Post: #18
Title: Re: بيت الفنون ( نفاج ضوء )
Author: اسلام عبد الرحمن عمر
Date: 07-26-2010, 07:07 AM
Parent: #17
شمس ..
أو ..
ربما
قمر ..
أى ..
(مصدر ضوء)
|
|