Post: #1
Title: عاااجل , عاااااد البشير , عااااااااد
Author: مجدى محمد مصطفى
Date: 07-23-2010, 07:06 AM
Parent: #0
بالله دي مش محنه ...!
لي متين نحن حنقعد نساكك الرئيس ده في كل مره يركب فيها الطياره ,
ونقعد نقول في كل مره يا ربي قبضو ولا ما قبضو ؟! , قرصنو ولا ما قرصنو !!
دي مصيبه شنو الوقع فيها السودان , أي حاجه حقتنا مشاتره وما بتشبه حقت الناس ...
حتى رئيسنا اصبح ركوبه للطائره أمر تترصده وسائل الاعلام ...
والله انا لو في محلك ما اسافر أبدا بالطياره ,
بدل ما تقعد كل مره تعرض لينا اعصاب المؤتمرجيه في البورد ده للتلف الشديد , كان تمشي تشاد بالبر .
أو ما تمشي كلو كلو , يعني انت اسي مشيت عمرت شنو! غير انك ضيعت 300 مليون دولار الدفعتها رشوه لأدريس دبي
حمد الله على السلامه
المره دي صابت , الله يستر على الجايات ...
مبرووك يا ود الباوقه
|
Post: #2
Title: Re: عاااجل , عاااااد البشير , عااااااااد
Author: Rasha Tambal
Date: 07-23-2010, 08:15 AM
Parent: #1
المشكلة في الدفع دا ...
البدون فايده يعني شنو مشى تشاد ؟؟؟؟
ياخي السودان دا فيهو حاجات توجعك في ضميرك
|
Post: #3
Title: Re: عاااجل , عاااااد البشير , عااااااااد
Author: mayada kamal
Date: 07-23-2010, 08:37 AM
Parent: #1
Quote: بالله دي مش محنه ...!
لي متين نحن حنقعد نساكك الرئيس ده في كل مره يركب فيها الطياره ,
ونقعد نقول في كل مره يا ربي قبضو ولا ما قبضو ؟! , قرصنو ولا ما قرصنو !!
دي مصيبه شنو الوقع فيها السودان , أي حاجه حقتنا مشاتره وما بتشبه حقت الناس ...
|
ما قلنا من الاول
أقنعوا
البشير الحبة ما بتجيه
وقلنها ليكم زمااااااااااااان اوكامبوا دا ماسوووورة
بس انتو شغالين بي فهم (عشم.... للجنة)
| Quote: بدل ما تقعد كل مره تعرض لينا اعصاب المؤتمرجيه في البورد ده للتلف الشديد |
يا مجدي يا اخوي
الواااضح انو اعصابكم انتو البااايظة
بدليل انك في بوستيك دا بتناقض نفسك
(بي ويييين تقول انو سافر وجاء في امانة الله ... وبي وين تقول ليه حقوا تاني ما تسافر بالطيارة)!!!!
نحن في المؤتمر الوطني على ثقة تامة وقناعة تامة انو اوكامبوا هذا ليس الا مشروع ضغط سياسي ليس الا
واديناكم بيان بالعمل انو اوكامبوا لا يرتقى لمستوى ان يحجر على البشير في حله وترحاله
البشير سافر الدوحة وجاء
والبشير سافر اثيوبيا وجاء
وسافر انجيمنا وجاء
وسافر اريتريا وجاء
ولسع انتو ما قنعتوا !!!!!!!!!!!!!
حقوا تشوفوا ليكم شماعة تانية غير اوكامبوا تمسكوا فيها
لانو كرتوا اتحرق
|
Post: #4
Title: Re: عاااجل , عاااااد البشير , عااااااااد
Author: mutwakil toum
Date: 07-23-2010, 08:51 AM
Parent: #3
سلام عليكم:
Quote: البشير سافر الدوحة وجاء
والبشير سافر اثيوبيا وجاء
وسافر انجيمنا وجاء
وسافر اريتريا وجاء |
لو كان سافر جنوب افريقيا (كاس العالم) كان ما( جاء) :
وكان ما سافر اريتريا
وكان ما سافر انجمينا
وكان انجمينا
البشير مسكين ربنا يقويهو على التنشنة دي بقى لو ما ضمن الرجعة ما بسافر:
حضارات سادت ثم بادت
|
Post: #5
Title: Re: عاااجل , عاااااد البشير , عااااااااد
Author: mayada kamal
Date: 07-23-2010, 09:04 AM
Parent: #4
Quote: لو كان سافر جنوب افريقيا (كاس العالم) كان ما( جاء) :
وكان ما سافر اريتريا
وكان ما سافر انجمينا
وكان انجمينا
البشير مسكين ربنا يقويهو على التنشنة دي بقى لو ما ضمن الرجعة ما بسافر:
حضارات سادت ثم بادت
|
جنوب افريقيا مثلها مثل تشاد
بالرغم من ان تشاد دولة عضو في المحكمة الجنائية الدولية
ورغم انف اوكامبوا والمحكمة الجنائية
البشير سافر في تحدي ساااافر لقرارتها المحكمة الكسييييييييحة
وحضر المؤتمر وجاء راجع السودان
|
Post: #6
Title: Re: عاااجل , عاااااد البشير , عااااااااد
Author: Zakaria Joseph
Date: 07-23-2010, 09:23 AM
Parent: #5
| Quote: البشير الحبة ما بتجيه |
انتى نسيتى انو فى الله و الذى يمهل و لا يهمل ام ان القصة كلها للاستهلاك السياسى و ما بتؤمن به اصلا?. البشير خالد ام ماذا?
|
Post: #7
Title: Re: عاااجل , عاااااد البشير , عااااااااد
Author: mayada kamal
Date: 07-23-2010, 09:43 AM
Parent: #6
Quote: انتى نسيتى انو فى الله و الذى يمهل و لا يهمل ام ان القصة كلها للاستهلاك السياسى و ما بتؤمن به اصلا?. البشير خالد ام ماذا?
|
طبعا بؤمن بالله وبقضاء الله وامره
لكل اجل كتاب...
انا قلت البشير ما بتجيه الحبه ... من اوكامبوكم دا
انتو قايلن اوكامبوا هو الحينفذ ليكم امر الله في البشير ولا شنو !!!!!!!!!!!
|
Post: #8
Title: Re: عاااجل , عاااااد البشير , عااااااااد
Author: علاء الدين يوسف علي محمد
Date: 07-23-2010, 09:47 AM
Parent: #6
| Quote: انتى نسيتى انو فى الله و الذى يمهل و لا يهمل |
الكلام دة مِنْ مُتمرِّد الغابة السّابِق
و قاتِل مئات الآلاف من الشماليين أم أنّه قد تشابهت علينا الشُّخوص
يا غريمنا السّابِق و فردة نيفاشا الحالي
إنت شريك أم مُعارِض
أفصِح و أبن يا هذا
ــــــــــ
يا عِفْريتة
إنت قلبت ولاّ شِنو!!!؟
|
Post: #9
Title: Re: عاااجل , عاااااد البشير , عااااااااد
Author: عبد المنعم سليمان
Date: 07-23-2010, 02:39 PM
Parent: #8
المأساة الحقيقية ان البلاد تعيش أحط عصورها لدرجة ان سفر (رئيسها) اصبح انجازا يحتفل به
|
Post: #10
Title: Re: عاااجل , عاااااد البشير , عااااااااد
Author: خالد حاكم
Date: 07-23-2010, 04:00 PM
Parent: #9
| Quote: نحن في المؤتمر الوطني |
زمان يا ميادة كنتى بتنكرى انك مؤتمر وطنى وانك بتدافع عنه ... وكنتى بتقولى انو حال المعارضة ما بيسر لانها معارضة ضدالوطن ما ضد النظام وهذا هو سبب تصديك للمعارضة هنا , او كلام من هذا القبيل!
|
Post: #11
Title: Re: عاااجل , عاااااد البشير , عااااااااد
Author: على ميرغني
Date: 07-23-2010, 04:15 PM
Parent: #10
اولاً خلينا نثبت اني ضد تنفيذ العدالة في رئيس سوداني بايدي خارجية
لكين في قصة قريناها في كتاب المطالعة زمن الابتدائي ( نحن ناس سنة سادسة) تقول انو الثعلب عمل شرك (شبكة) قام وقع فيها الاسد وما قدر يطلع منها وجاء الفار لقا الاسد في الورطة دي قام حن عليهو وقرض الشبكة بسنونو لحدي ما طلع الاسد من الشبكة... لكن الاسد ملك الغابة جمع الحيوانات واعلن انو قرر مغادرة هذه الغابة ولما سألوه عن السبب قال ليهم
(غابتن يقبضني فيها الثعلب ويفكني الفار هدا طرفي منها)
|
Post: #31
Title: Re: عاااجل , عاااااد البشير , عااااااااد
Author: مجدى محمد مصطفى
Date: 07-23-2010, 11:55 PM
Parent: #11
| Quote: (غابتن يقبضني فيها الثعلب ويفكني الفار هدا طرفي منها) |
شكرا على ميرغني على المرور الجميل
|
Post: #12
Title: Re: عاااجل , عاااااد البشير , عااااااااد
Author: mayada kamal
Date: 07-23-2010, 04:16 PM
Parent: #10
Quote: زمان يا ميادة كنتى بتنكرى انك مؤتمر وطنى وانك بتدافع عنه ... وكنتى بتقولى انو حال المعارضة ما بيسر لانها معارضة ضدالوطن ما ضد النظام وهذا هو سبب تصديك للمعارضة هنا , او كلام من هذا القبيل!
|
اهلييين يا قريبي
مسكاقمي
ايوا كنت بنكر اني مؤتمر وطني
وساظل مؤتمر وطني
لغاية ما تبقى معارضتنا معارضة حقيقة
قادرة تقدم برنامج ونموذج قادر على حل مشاكل البلد
موووش معارضة كسيييحة لا تقوي حتى على حمل نفسها
|
Post: #13
Title: Re: عاااجل , عاااااد البشير , عااااااااد
Author: عبد المنعم سليمان
Date: 07-23-2010, 04:26 PM
Parent: #12
Quote: ايوا كنت بنكر اني مؤتمر وطني
وساظل مؤتمر وطني
لغاية ما تبقى معارضتنا معارضة حقيقة |
هههههههههههههههههههههههههههههههه
خلاص خليك في المحطة دي لما نجيك
|
Post: #14
Title: Re: عاااجل , عاااااد البشير , عااااااااد
Author: mayada kamal
Date: 07-23-2010, 04:41 PM
Parent: #13
Quote: هههههههههههههههههههههههههههههههه
خلاص خليك في المحطة دي لما نجيك |
إتلهي
الجديد شنو يعني
انتو ياكم إنتو !!!!!!!
الزمن دا لا يحتمل الانتظار
لانو كل يوم بيضيع... بيكون خصم من عمر السودان والمواطن السوداني
وانتو عشرين سنة ماسكين في شماعة الانقاذ نظام جات بالانقلاب
وما قادرين تقدموا نموذج بديل
غايتو ضيعتوا البلد
انا يقيني غايتو لو الانقاذ كعبة (قصدي فالنفترض انو كلامكم صحيح في الانقاذ)
فاقول
((( نار الانقاذ ولا جنة المعارضة)))
|
Post: #15
Title: Re: عاااجل , عاااااد البشير , عااااااااد
Author: عبد المنعم سليمان
Date: 07-23-2010, 04:54 PM
انتي مالك ومالنا ..!!
نحن ما مسئولين عن الانفصام وازدواج الشخصية اللي بتعاني منه دا
اتعالجي وتعالي
|
Post: #16
Title: Re: عاااجل , عاااااد البشير , عااااااااد
Author: خالد حاكم
Date: 07-23-2010, 05:04 PM
Quote: ايوا كنت بنكر اني مؤتمر وطني
وساظل مؤتمر وطني |
يا ميادة زى ما انتى عارفة الواحد ما ضليع فى اللغة العربية .. لكن كلمة ( ساظل ) دى دائما بتسبقها كلمة ( ما زلت ) يعنى مافى ساظل بدون مازلت وخاصة فى موقفك ده .. فكيف بتاكدى لى انك كنتى بتنكرى وتانى تجئ تقولى لى ( ساظل ) انتى ما شايفة كلامك ده فيه تناقض ؟ ام الامر خيانة من التعبير؟ وبالمناسبة كتير من كتاباتك فى هذا المنبر بهذا المستوى من التناقض!
|
Post: #17
Title: Re: عاااجل , عاااااد البشير , عااااااااد
Author: عبد المنعم سليمان
Date: 07-23-2010, 05:08 PM
Parent: #16
كلما اقرأ مداخلة لهذه الميادة يزداد تعاطفي مع صاحب المنبر بكري
يا ترى كم ينفق من مبالغ في كل هذا ؟
|
Post: #19
Title: Re: عاااجل , عاااااد البشير , عااااااااد
Author: mayada kamal
Date: 07-23-2010, 05:47 PM
Parent: #17
Quote: كلما اقرأ مداخلة لهذه الميادة يزداد تعاطفي مع صاحب المنبر بكري
يا ترى كم ينفق من مبالغ في كل هذا ؟ |
منبر بكري دا طالما لاااااااااااااااااااامي أمثااالك
يبقى ما كتيرة على انو يقبل عضويتي
| Quote: كلما اقرأ مداخلة لهذه الميادة |
لا اعتقد انو دخول البوستات وبالتالي مباراة المداخلات (إجباري) في هذا المنبر
في زول جبرك.... تقرا لي !!!!!!!!
وكمان مصيبة لو انت فاكر نفسك انك عضو مفيد في منبر بكري دا يا الإسمك عبد المنعم
|
Post: #18
Title: Re: عاااجل , عاااااد البشير , عااااااااد
Author: mayada kamal
Date: 07-23-2010, 05:37 PM
Parent: #16
| Quote: لكن كلمة ( ساظل ) دى دائما بتسبقها كلمة ( ما زلت ) يعنى مافى ساظل بدون مازلت وخاصة فى موقفك ده .. فكيف بتاكدى لى انك كنتى بتنكرى وتانى تجئ تقولى لى ( ساظل ) انتى ما شايفة كلامك ده فيه تناقض ؟ ام الامر خيانة من التعبير؟ وبالمناسبة كتير من كتاباتك فى هذا المنبر بهذا المستوى من التناقض! |
اهلين فيك تاني
انا لمن كنت بقول ما مؤتمر وطني.... فعلا ما كنت مؤتمر وطني
ولو انت ملاحظ في الفترة الاخيرة ... ظهرت بصورة واضحة اني مؤتمر ووطني
معنا ( مازلت ) بتاعتك دي ما (في قاموسي) ...
وبالتالي (ساظل) بتاعتي الذكرتها انا فوووق دي (تستصحبها ) من (مؤخرا)
اللي انا بديت اجاهر بي اني كون مؤتمر وطني دي
وبالجملة انا ماشايفه اي تناقض في كتاباتي
ولو انت شايف فهذا شانك... ولك ان تنتقد في حدود(عدم التهكم) و(التقليل) من شان الاخير وما يقومون به
واي توجيه او نقد بناء... نحن حاضرين وبنقبل بيه
ومافي داعي للاسلوب التحت دا معاي
| Quote: وبالمناسبة كتير من كتاباتك فى هذا المنبر بهذا المستوى من التناقض |
|
Post: #20
Title: Re: عاااجل , عاااااد البشير , عااااااااد
Author: Balla Musa
Date: 07-23-2010, 05:53 PM
Parent: #18
هل يترتب على تشاد أى رد فعل قانونى من المحكمة الدولية باعتبارها عضو لم يقبض على متهم؟
أم حكاية عضوية المحكمة دى غير ملزمة بفعل شئ؟
|
Post: #29
Title: Re: عاااجل , عاااااد البشير , عااااااااد
Author: مجدى محمد مصطفى
Date: 07-23-2010, 11:49 PM
Parent: #20
مرحب بله موسى
Quote: هل يترتب على تشاد أى رد فعل قانونى من المحكمة الدولية باعتبارها عضو لم يقبض على متهم؟
أم حكاية عضوية المحكمة دى غير ملزمة بفعل شئ؟ |
الزياره اكدت لي ان المحكمه ضعيفه وغير قادره على فرض قراراتها , بل يستخدمها الكبار وقت ما يريدون كيفما يريدون , وتشاد هي الحلقه الاضعف بأعتبار انها دوله اصلا لا قانون فيها , فهل كانت امريكا او بريطانيا تسمع للبشير بزيارتها ! لن تستطيع لأن السلطه خاضعه للقانون , وفي تشاد الوضع زي السودان ...
فهل تستوي عند الكبار القادرين على (ارغام) تشاد بالامتثال لما يمليه عليها تعهدها القانوني , هل يستوي عندهم فصل الجنوب مع تحطيم هيبه المحكمه !
شخصيا اعتقد ان المحكمه ستواجهه اسئله مصيريه بعد هذه الزياره.
|
Post: #30
Title: Re: عاااجل , عاااااد البشير , عااااااااد
Author: مجدى محمد مصطفى
Date: 07-23-2010, 11:52 PM
Parent: #16
| Quote: يا ميادة زى ما انتى عارفة الواحد ما ضليع فى اللغة العربية |
انت رطاني ولا شنو
|
Post: #45
Title: Re: عاااجل , عاااااد البشير , عااااااااد
Author: مجدى محمد مصطفى
Date: 07-24-2010, 01:33 AM
Parent: #12
Quote: ايوا كنت بنكر اني مؤتمر وطني
وساظل مؤتمر وطني |
في زول كان مصدق الانكار ده ! , حتى وان وجد قالوا الاعتراف سيد الادله!
|
Post: #32
Title: Re: عاااجل , عاااااد البشير , عااااااااد
Author: مجدى محمد مصطفى
Date: 07-24-2010, 00:01 AM
Parent: #9
ازيك يا بيجو
| Quote: المأساة الحقيقية ان البلاد تعيش أحط عصورها لدرجة ان سفر (رئيسها) اصبح انجازا يحتفل به |
الدنيا كلها يا منعم بتتكلم عن الرئيس السافر وجاء , مش أي رئيس بيسافر ويرجع؟, ليه رئيسنا ده العاملين ليهو هلمانه! ولا تكون دي الهيلمانه البتتعمل للخروف فبل ما يضبحو , يدو برسيم ويشربو مويه , ويدو السكين ...
مهما هرب من العداله يا منعم ما حينفد بأرواح الآلاف الماتو على يدو, مستحيل
|
Post: #34
Title: Re: عاااجل , عاااااد البشير , عااااااااد
Author: مجدى محمد مصطفى
Date: 07-24-2010, 00:08 AM
Parent: #8
| Quote: إنت قلبت ولاّ شِنو!!!؟ |
انتو الزول ما يساعدكم كلو كلو , فرحانيين قلنا نفرح معاكم فيها حاجه دي !
عليه الله يا علاء في ذمتك مسكت السبحه مع الشيوخ ولا طلعته معارضه!
|
Post: #35
Title: Re: عاااجل , عاااااد البشير , عااااااااد
Author: مجدى محمد مصطفى
Date: 07-24-2010, 00:12 AM
Parent: #6
حبيبنا زكريا جوزيف
| Quote: انتى نسيتى انو فى الله و الذى يمهل و لا يهمل ام ان القصة كلها للاستهلاك السياسى و ما بتؤمن به اصلا?. البشير خالد ام ماذا? |
بالله في زول متذكر الله بيعمل (اباده جماعيه) في أهلو ! ..
شايف علاء طوالي ركب مكنه وهابي , هو قايل الدين ده برضو بيقى مؤتمر وطني ولا شنو!
|
Post: #36
Title: Re: عاااجل , عاااااد البشير , عااااااااد
Author: مجدى محمد مصطفى
Date: 07-24-2010, 00:21 AM
Parent: #4
| Quote: لو كان سافر جنوب افريقيا (كاس العالم) كان ما( جاء) : |
متوكل ازيك
هو بقدر اصلا يمشي جنوب افريقا , جنوب افريقا دي يشوفها في التلفزيزن بس ...
|
Post: #38
Title: Re: عاااجل , عاااااد البشير , عااااااااد
Author: مجدى محمد مصطفى
Date: 07-24-2010, 00:43 AM
Parent: #3
| Quote: الواااضح انو اعصابكم انتو البااايظة |
قالو يا مياده شيوخ كاربين لكن!
وسبح ألفيه , ويسن 40 مره , ورجفي شديد ,
انتى الحاجات دي ما بتمسك الا في ناس ادريس ديبي , جربوا مع النصارى ديل , ولا النصارى (محجبين)...
| Quote: بدليل انك في بوستيك دا بتناقض نفسك |
انا شفقان على حالو , هو عارف انو بيأدي في دور , ودور قذر كمان , وعارف انهم لو دايرين يقبضو كان قبضو و حيقبضو برضو , عشان كده مفترض نقبضو نحن ناس السودان ديل , انا مقتنع ان لا يفل الحديد الا الحديد , ويا ريت كل السودانيين يقتنعو بي كده , يوم واحد بس بنقبضو , والوقت داك لما الشعب السوداني يقبضو بنحاكموا نحن !!!.
قلت ليهو حمد الله على السلامه شفقه! بس .
|
Post: #21
Title: Re: عاااجل , عاااااد البشير , عااااااااد
Author: Rasha Tambal
Date: 07-23-2010, 05:57 PM
Parent: #1
المشكلة في الدفع دا ...
البدون فايده يعني شنو مشى تشاد ؟؟؟؟
ياخي السودان دا فيهو حاجات توجعك في ضميرك
|
Post: #22
Title: Re: عاااجل , عاااااد البشير , عااااااااد
Author: mayada kamal
Date: 07-23-2010, 06:15 PM
Parent: #21
| Quote: يعني شنو مشى تشاد ؟؟؟؟ |
ودي شوية
يا اخت رشا
تشاد دولة عضو في المحكمة الجنائية
وبالتالي نجاح زيارة البشير لتشاد وعودته منها بدون ان يعتقل
يفتح الباب اما تساوؤلات كبيرة وكثيرة حول مدى الزامية قرارات المحكمة للدول الاعضاء
وتعتبر الزيارة ضربة قاضية لقرار المدعى العام للمحكمة بتوقيف البشير ...وبداية التحدى من جانب الدول الأفريقية للقرار كون تشاد دولة عضو في المحكمة الجنائية
|
Post: #23
Title: Re: عاااجل , عاااااد البشير , عااااااااد
Author: Barakat Alsharif
Date: 07-23-2010, 09:18 PM
Parent: #22
| Quote: المأساة الحقيقية ان البلاد تعيش أحط عصورها لدرجة ان سفر (رئيسها) اصبح انجازا يحتفل به |
الإنجاز بقدر التحدى
والتحدى كان لصوت مفوضة الإتحاد الأوروبي مطالبة تشاد باعتقال ضيفها
وللناطق باسم البيت الأبيض، وهو الذي لا يعترف اصلا بالمحكمة الجنائية
وللذين زجوا بفرنسا وطائراتها واوردوا من سابع نومة أحلاما ديكية ظــلـوطـيــة تتحدث عن إعتراض وأختطاف..ثم ناموا واستيقظوا وأعينهم متعلقة بشريط (خبر عاجل) عله يفرج كربهم ويشفي ما بصدورهم فخانهم الشريط
التحدى لمن رهن نفسه للحية أوكامبو وظن أنها لحية أياس بن معاوية، وما درى انها لحية مخادع يتحرش بالنساء.
الإنجاز في قبول التحدى ثم النجاح فيه كرات ومرات
لو لم يذهب لقلتم خاف الرجل على نفسه
وعندما ذهب وعاد...قلتم لم الضجة؟
|
Post: #24
Title: Re: عاااجل , عاااااد البشير , عااااااااد
Author: Amani Al Ajab
Date: 07-23-2010, 09:36 PM
Parent: #23
Quote: هل يترتب على تشاد أى رد فعل قانونى من المحكمة الدولية باعتبارها عضو لم يقبض على متهم؟
أم حكاية عضوية المحكمة دى غير ملزمة بفعل شئ؟ |
Quote: أميركا : تشاد موقعة على نظام روما وعليها واجبات..سنتركها لتفسير سبب عدم التزامها بتعهداتها.. يجب مثول المسؤولين عن جرائم الحرب في دارفور..الجنائية تطالب تشاد باعتقال البشير
دعت المحكمة الجنائية الدولية تشاد إلى القبض على الرئيس السوداني عمر حسن البشير الذي يزور إنجمينا حاليا, فيما قالت الولايات المتحدة إن على تشاد التزامات يجب الوفاء بها.
وقال ممثل المحكمة فادي العبد الله إن تشاد ملزمة بالقبض على الرئيس السوداني لأنها من الدول الأعضاء في المحكمة. وأضاف "العنصر الأساسي فيما يخص تشاد وكل الدول الأخرى الأعضاء في المحكمة هو تنفيذ قرارات القضاة والتعاون مع طلب القبض على أي شخص".
تذكير أميركي
بدورها سعت الولايات المتحدة لتذكير تشاد بما سمته "واجباتها" حيال المحكمة الجنائية الدولية مع بدء زيارة البشير المتهم بارتكاب جرائم حرب في دارفور، إلى إنجمينا لحضور قمة دول الساحل والصحراء.
وقال المتحدث باسم وزارة الخارجية الأميركية فيليب كراولي إن تشاد موقعة على نظام روما، "وبالتالي عليها واجبات".
وأشار كراولي إلى أنه سيترك للحكومة التشادية "تفسير سبب عدم التزامها بتعهداتها", قائلا إن الولايات المتحدة "تدعم بقوة الجهود الدولية من أجل مثول المسؤولين عن جرائم الحرب في دارفور أمام المحاكم". واعتبر أنه يجب أن يمثل البشير أمام المحكمة للرد على الاتهامات الموجهة له.
في مقابل ذلك رفضت تشاد الإذعان للضغوط, وقالت على لسان وزير الداخلية والأمن أحمد محمد بشير "لسنا ملزمين بالقبض على عمر حسن البشير، حيث جاء لحضور اجتماع قمة دول الساحل والصحراء وسيعود إلى بلده سالما".
ورفض الوزير التشادي الربط بين التزامات بلاده مع المحكمة الجنائية الدولية ورفضها اعتقال البشير.
وتكتسب زيارة البشير دلالة أخرى، إذ تأتي في سياق تطبيع العلاقات بين البلدين بعد إنهاء النزاع بينهما مطلع هذا العام.
يشار إلى أنه صدرت بحق البشير في مارس/آذار 2009 مذكرة اعتقال عن المحكمة الجنائية الدولية بتهمة ارتكاب جرائم حرب وجرائم ضد الإنسانية في إقليم دارفور على الحدود مع تشاد. كما أصدرت المحكمة هذا الشهر مذكرة اعتقال أخرى بحق البشير بتهمة الإبادة.
يذكر في هذا الصدد أيضا أن الولايات المتحدة لم توقع على نظام روما الذي أنشئت بموجبه المحكمة الجنائية الدولية.
المصدر الجزيرة |
http://www.sudaneseonline.com/news-action-show-id-3437.htm
|
Post: #25
Title: Re: عاااجل , عاااااد البشير , عااااااااد
Author: مجدى محمد مصطفى
Date: 07-23-2010, 11:21 PM
Parent: #24
شكرا اختي أماني على مشاركتك القيمه ,
وسعدت بمروك كالمعتاد ,
تعرفي يا أماني نحن فعلا في محنه كبيره , ومافي أي دوله في الدنيا زينا , لانو مافي أي رئيس في أي مكان من الدنيا بيسافر من بلدو وفي أمكانيه أنو ما يرجع تاني! , فشكلو كده ما كفايه علينا بلاويهم بل بقينا كمان نسرح برئيسهم المتهم , جاء ولا ما جاء مشى ولا ما مشى وهكذا ...
وطبعا المؤتمرجيه اكيد ما حيفوتوا حاجه زي دي (مشى وجاء) ساي , وحيحتفلوا بالرئيس البطل و وو الخ قلنا نساعدم نرفع معنوياتهم شويه أصلوا الناس دي قلبها واقف من لحظه طيرتو لغايه ما رك تاني ...
|
Post: #26
Title: Re: عاااجل , عاااااد البشير , عااااااااد
Author: مجدى محمد مصطفى
Date: 07-23-2010, 11:29 PM
Parent: #23
| Quote: الإنجاز بقدر التحدى |
صدقت يا اخي بركات , وده الحنقولوا من هنا لي قدام ونعملوا كمان ,
المحكمه الجنائيه الدوليه ما كانت ولن تكون خيار أمه وشعب عظيم مثل شعب السودان , ونحن لن نركن على أحد عشان يحاكم (مجرمينا) , أو يقبض عليهم , الشعب ده هو المفترض يقوم بهذا التحدي ولا أحد سواه , نحن عندنا تجارب في (لفظ الطغاة) , فكل من كان يركن على المحكمه قد أيقن الان أنه ما حك جلدك مثل ظفرك ...
لذلك انا أقول انو ما مفترض الناس تفرح (خالص) من مشوار صغير مثل مشوار انجمينا , فأن واجهه المتهم العداله الدوليه (تحت الطربيزه) وبالمال , فلن يستطيع ان يواجهه غضبه هذا الشعب اذا غضب .
الايام دول ...
|
Post: #27
Title: Re: عاااجل , عاااااد البشير , عااااااااد
Author: مجدى محمد مصطفى
Date: 07-23-2010, 11:35 PM
Parent: #22
Quote: تشاد دولة عضو في المحكمة الجنائية
وبالتالي نجاح زيارة البشير لتشاد وعودته منها بدون ان يعتقل
يفتح الباب اما تساوؤلات كبيرة وكثيرة حول مدى الزامية قرارات المحكمة للدول الاعضاء
وتعتبر الزيارة ضربة قاضية لقرار المدعى العام للمحكمة بتوقيف البشير ...وبداية التحدى من جانب الدول الأفريقية للقرار كون تشاد دولة عضو في المحكمة الجنائية |
السياسه الدوليه هي المصالح , دفع فيها المؤتمر الوطني 300 مليون دولار لتشاد , عندك حق في التساءلات دي حول مدى الزاميه القرار , لكن منو القال ليكي انو الشعوب تأتيها خياراتها من الخارج ! , بعد مؤامره النظام مع المجتمع الاقليمي والدولي لفصل الجنوب وضحت ومؤامرته الاخرى بتصفيه العمل المسلح في دارفور أيضا وضحت للكل , والخيار الان خار الشعب السوداني !
|
Post: #28
Title: Re: عاااجل , عاااااد البشير , عااااااااد
Author: مجدى محمد مصطفى
Date: 07-23-2010, 11:41 PM
Parent: #21
Quote: المشكلة في الدفع دا ...
البدون فايده يعني شنو مشى تشاد ؟؟؟؟
ياخي السودان دا فيهو حاجات توجعك في ضميرك |
ازيك يا رشا
اتي قايلا لو ما دفع لأدريس , وادوهو ضمانات من اللعيبه الكبار كان مشى! , والله كان طبزو في عينو من غير ضمانات الكبار ما يمشي .
اهه بي مشيتو دي خسرنا لينا كم مليون كده وكلو فداك يا ريس !!!
|
Post: #33
Title: Re: عاااجل , عاااااد البشير , عااااااااد
Author: كمال سالم
Date: 07-24-2010, 00:03 AM
Parent: #28
Quote: بدل ما تقعد كل مره تعرض لينا اعصاب المؤتمرجيه في البورد ده للتلف الشديد , كان تمشي تشاد بالبر .
أو ما تمشي كلو كلو , يعني انت اسي مشيت عمرت شنو! غير انك ضيعت 300 مليون دولار الدفعتها رشوه لأدريس دبي |
يامجدى المؤتمرجيه بتاعين البورد الموضوع ده بالنسبه ليهم مجرد ونسه هنا .
الأعصاب البايظه هناك فى الخرطوم ,, الجماعه من ما قامت الطياره لامن رجعت
هم فى حالة رعب وخوف شديد ,, وبركو الفقرا والشيوخ كلهم وسبح اللالوب ماتديك الدرب .
ده غير أكثر من عشره فقرا كانوا معه على متن الطائره ,,
أها ياجماعه لبتين حنقعد فى جنس ده ,, أحسن شوفوا ليكم رئيس مؤقت غيرو لحدى ما قيامتكم تقوم .
|
Post: #37
Title: Re: عاااجل , عاااااد البشير , عااااااااد
Author: cantona_1
Date: 07-24-2010, 00:42 AM
Parent: #33
Quote: خالد حاكم
زمان يا ميادة كنتى بتنكرى انك مؤتمر وطنى وانك بتدافع عنه ... وكنتى بتقولى انو حال المعارضة ما بيسر لانها معارضة ضدالوطن ما ضد النظام وهذا هو سبب تصديك للمعارضة هنا , او كلام من هذا القبيل
|
يا خالد حاكم المعارضة التي بدأت بالتجمع الوطني وانتهت بمشاركة أقطابه الهادي بشرى - مبارك عبد الله الفاضل - عبد الرحمن سعيد - لا تعتبر معارضة لأنهم لم يعارضوا من أجل مبادئ وأهداف محددة. كلهم بلا إستثناء عارضوا الإنقاذ لأسباب شخصية لا علاقة لها بالديمقراطية ولا حب الشعب ولا خلافه. لكل منهم سببه الخاص ولهذا كنت تراهم جميعاً وقلوبهم شتى.
لو كان هدفهم اسقاط حكومة الإنقاذ لكانت هنالك أجندة واضحة وآلية مفهومة لكيفية إسقاط الحكومة. لكن كان كل واحد منهم يبحث أين يجد مصلحته ويحاول الوصول إليها بأقصر وأسهل الطرق. وهذا هو سبب فشل المعارضة. ولو استمرت تعارض حتى خمسين عاماً بذات الأسلوب ونفس الفهم لما قتلوا باعوضة.
كل من لاحت له فرصته إهتبلها من قولة تيت. توزّر من توزر وقبض من قبض. وطلعت الحكاية كلها بندق في بحر.
(العوج راي والعديل راي)
|
Post: #39
Title: Re: عاااجل , عاااااد البشير , عااااااااد
Author: cantona_1
Date: 07-24-2010, 00:45 AM
Parent: #37
Quote: ميادة كمال
لغاية ما تبقى معارضتنا معارضة حقيقة قادرة تقدم برنامج ونموذج قادر على حل مشاكل البلد
موووش معارضة كسيييحة لا تقوي حتى على حمل نفسها
|
يا ميادة يا بتي ما تتعبي روحك. معارضة السودانيين تبقى معارضة قادرة على ما تطلبين عندما: الديك يقومن ليهو سنون، والحمار يقومن ليهو قرون. أي عندما تلد الأمة ربتها على حد قوله (ص).
(العوج راي والعديل راي)
|
Post: #40
Title: Re: عاااجل , عاااااد البشير , عااااااااد
Author: cantona_1
Date: 07-24-2010, 00:51 AM
Parent: #39
Quote: بله موسى
هل يترتب على تشاد أى رد فعل قانونى من المحكمة الدولية باعتبارها عضو لم يقبض على متهم؟
أم حكاية عضوية المحكمة دى غير ملزمة بفعل شئ؟
|
يا بله ود موسى عشم المعارضة والمحكمة في أن تقبض تشاد الرئيس البشير زي عشم الكل في كباية الشاي. (كلمة الكل هي من 3 أحرف، حذفنا الحرف التالت لسببين، الأول أن البروقرام بقلبها كروسات. الثاني: هكذا ينطق اسم ذلك الحيوان الأليف في ديار البقارة.
بمعنى أسهل زي عشم إبليس في الجنة. تشاد ودبي لهم مصالح في السودان. وأبو القدح بعرف محل يعضي أخوه. عليه دبي لا يمكن يدخل في مشاكل مع البشير والسودان عشان سواد عيون المحكمة الجنائية. لأنها لا بتقدم ولا بتأخر بالنسبة ليهو. ووصل حبل الود مع البشير أحسن ليهو وأفضل لتشاد من مجاراة المحكمة الدولية بدون نفع ظاهر.
(العوج راي والعديل راي)
|
Post: #41
Title: Re: عاااجل , عاااااد البشير , عااااااااد
Author: cantona_1
Date: 07-24-2010, 00:55 AM
Parent: #40
Quote: بركات الشريف
لو لم يذهب لقلتم خاف الرجل على نفسه وعندما ذهب وعاد...قلتم لم الضجة؟
|
يا أستاذ بركات الشريف، الرئيس البشير حكايته مع ناس معارضة الفنادق والكيبورد بقت زي حكاية بيضة أم كتيتي:
1- كان شلتها قتلت أمك.
2- كان خليتها قتلت أباك.
3- كان كسرتها قتلتهما الأثنين.
عاوزين البشير ما يسافر عشان يقولوا خاف.
عاوزين البشير يسافر وينقبض.
لكن عندما رجع بالسلامة مع عرفوا يقولوا شنو؟ الدرب دقش ليهم الموية.
(العوج راي والعديل راي)
|
Post: #44
Title: Re: عاااجل , عاااااد البشير , عااااااااد
Author: مجدى محمد مصطفى
Date: 07-24-2010, 01:28 AM
Parent: #41
لكن عندما رجع بالسلامة
نقول ليهو حمد الله على السلامه ونقبضو نحن , ما ممكن برأيك , المعارضه ,الاحزاب , ومنظمات المجتمع المدني البنسمع بيهم ديل كلهم خلاص ماتواوشبعوا موت ولا كيف الكلام ده! .
ولا على قولك اي زول بقى يقول يا رقبتي ....!!!
سالمتو ووقعتو اتفاقات مشت ادراج الرياح , وبقوا شغالين فيهم (سوسه) , والفرص ضيقه , المعيشه صعبه , وأي زول داير يعيش ! , اهه الناس منتظره شنو ؟! ...
صحيح شعوب غيرنا كتير حاكمنها بالحديد والنار , ليه نحن ما نجرب ونبقى سباقين زي ما كنا سباقين وعلمنا الدول الحولنا ... انا في تقديري الان مافي الا درب واحد بس ممكن يوصل ... العمل العسكري !
|
Post: #42
Title: Re: عاااجل , عاااااد البشير , عااااااااد
Author: مجدى محمد مصطفى
Date: 07-24-2010, 01:02 AM
Parent: #37
cantona_1
Quote: يا خالد حاكم المعارضة التي بدأت بالتجمع الوطني وانتهت بمشاركة أقطابه الهادي بشرى - مبارك عبد الله الفاضل - عبد الرحمن سعيد - لا تعتبر معارضة لأنهم لم يعارضوا من أجل مبادئ وأهداف محددة. كلهم بلا إستثناء عارضوا الإنقاذ لأسباب شخصية لا علاقة لها بالديمقراطية ولا حب الشعب ولا خلافه. لكل منهم سببه الخاص ولهذا كنت تراهم جميعاً وقلوبهم شتى.
لو كان هدفهم اسقاط حكومة الإنقاذ لكانت هنالك أجندة واضحة وآلية مفهومة لكيفية إسقاط الحكومة. لكن كان كل واحد منهم يبحث أين يجد مصلحته ويحاول الوصول إليها بأقصر وأسهل الطرق. وهذا هو سبب فشل المعارضة. ولو استمرت تعارض حتى خمسين عاماً بذات الأسلوب ونفس الفهم لما قتلوا باعوضة.
كل من لاحت له فرصته إهتبلها من قولة تيت. توزّر من توزر وقبض من قبض. وطلعت الحكاية كلها بندق في بحر. |
سلامات
انت طرحت موضوع مهم شديد , المؤتمر الوطني قالها عديل ونافع تحديدا قالها بوضوح (البندول) ... الا لو فكر المؤتمر الوطني أن الاحزاب دي كلها يقدر يفرتقها بي قروشو الي هي (قروشنا) واستسلمنا ليهو معناها كلامك ده صح ,
لا يفل الحديد الا الحديد ,
كل الاحزاب عارفه مليشيات نافع وغيرو , وعارفه انهم ما حيترددوا يستخدموا عنف مفرظ , وده ما ممكن يتقدر عليهو الا الاحزاب دي تكون مسلحه زيو أو على الاقل عندهم حمايه عسكريه , لكن هم كم ! وحيقدرو فعلا يهزموا شعب السودان , الشعب ده زيتو طلع والله كان لقى الدرب وفي ناس بتقودو كلهم يمرقو , اهه في ناس ممكن تقود الشعب ده يا احزاب ولا مافي , وهل يمكن يكون في قوه مسلحه تدعمكم لتخفيف اثر الضربه الاولى ام لا يوجد! , هل فعلا الاحزاب مدركين نحن ماشين على وين ! .
ننتظر ونري
انه لا سبيل الا العمل المسلح لو ارادو التغيير ...
| Quote: (العوج راي والعديل راي |
الجمله دي معبره خلاص
|
Post: #43
Title: Re: عاااجل , عاااااد البشير , عااااااااد
Author: مجدى محمد مصطفى
Date: 07-24-2010, 01:13 AM
Parent: #33
كمال سالم
سلامات
| Quote: أها ياجماعه لبتين حنقعد فى جنس ده ,, أحسن شوفوا ليكم رئيس مؤقت غيرو لحدى ما قيامتكم تقوم . |
الشيخ على قالوا متردد! ,
هم ما عندهم غيرو , من غيرو يتامى , ونافع ما ضامن على خصوصا انو نافع ده من غير الانقاذيين عندو تار خاص ما الطبقه المثقفه من السودانيين , وعارف انو اي مصالحه حقيقيه تنهي سيطرتهم تعني ان نافع في خطر ...
وفي ظل تردد شيخ على وتردد الاحزاب ننتظر قدرنا ...
|
|