Post: #1
Title: يـا خبر!!..ارتفاع عدد الأميين بالسودان إلى 14 مليون أمـي
Author: الامين موسى البشاري
Date: 07-23-2010, 01:40 AM
؟؟؟؟؟
الكلام دا قالوه وزراء التربية التعليم في الولايات
في مؤتمرهم في الدامر
طيب القاعدين ليها شنو؟
ما تقوموا تروحـــوا
|
Post: #2
Title: Re: يـا خبر!!..ارتفاع عدد الأميين بالسودان إلى 14 مليون أمـي
Author: الامين موسى البشاري
Date: 07-23-2010, 01:41 AM
Parent: #1
Quote: الدامر: سامي عبد الرحمن: كشفت احصائية جديدة لوزارة التعليم العام عن ارتفاع عدد الاميين في السودان إلى 14 مليون شخص، بينما بلغت فجوة التعليم العام نسبة 70%.
واشتكى وزراء التعليم بولايات السودان خلال اجتماع تنسيقى بالدامر امس، من الوضع البائس للتعليم في ولاياتهم، بسبب نقص الكتاب المدرسي وعدم تدريب المعلمين.
ودعوا ولاة الولايات لوضع مشاكل التعليم في سلم أولوياتهم ومعالجة التشوهات.
وحذر وكيل وزارة التعليم العام، الدكتور المعتصم عبد الرحيم، في ختام فعاليات الملتقي التنسيقي العشرين بحاضرة نهر النيل الدامر، من تزايد اعداد التلاميذ خارج المدرسة حال عدم قبولهم خاصة في مرحلة الاساس.
وقال ان هناك نحو «1.200» تلميذ يفترض ان يدخلوا المدارس خلال ثلاثة اعوام بواقع «400» تلميذ في العام، وحمل الولايات مسؤولية ضياع هؤلاء التلاميذ، ولفت الي ان اخلاقيات المعلم في الفترة الاخيرة اصابها الخلل.
في ذات المنحي، اعتبر والي نهر النيل، الفريق الهادي عبد الله، ان البون لا يزال شاسعا بين ما هو مخطط للتعليم وما هو موجود علي ارض الواقع. |
|
Post: #3
Title: Re: يـا خبر!!..ارتفاع عدد الأميين بالسودان إلى 14 مليون أمـي
Author: الامين موسى البشاري
Date: 07-23-2010, 01:43 AM
Parent: #2
Quote: واشار الي وجود فاقد تربوي كبير في ولايته ، قال انه يحتاج الي المزيد من الجهد، واشار الي ان الفجوة في الاستيعاب في ولايته بلغت نحو 47%، وتعهد باعطاء التعليم الاولوية في اسبقيات ولايته.
واوصي الملتقي، في بيانه الختامي، بقيام «نهضة تعليمية مركزية» لتشمل جميع انحاء السودان لجعل التعليم هماً للجميع، وضرورة عقد لقاء تنسيقي خاص لوزراء التربية ومديري التعليم بالولايات الجنوبية، العمل علي استيعاب جميع الطلاب الناجحين وقبول الطلاب الذين بلغوا سن التعليم، متابعة نسبة الـ«30%» من ايرادات الصندوق القومي لرعاية الطلاب لدعم التعليم، اعادة العمل بمعاهد التأهيل التربوي علي ان تكون مركزية الادارة.
وطالب الملتقي بضع اعتبار للولايات التي تطلب تمويلا اضافيا لتأمين امتحانات الشهادة السودانية، بجانب اطلاق مبادرة قومية تستفيد منها الولايات تحت مسمي «وقف التربية». |
|
Post: #4
Title: Re: يـا خبر!!..ارتفاع عدد الأميين بالسودان إلى 14 مليون أمـي
Author: الامين موسى البشاري
Date: 07-23-2010, 01:44 AM
Parent: #2
جريدة الصحافة
|
Post: #5
Title: Re: يـا خبر!!..ارتفاع عدد الأميين بالسودان إلى 14 مليون أمـي
Author: الامين موسى البشاري
Date: 07-23-2010, 01:46 AM
Parent: #4
بالطريقة دي بنكون محتاجين نفتح فصول (نحــو) الأمية من جديد
|
Post: #6
Title: Re: يـا خبر!!..ارتفاع عدد الأميين بالسودان إلى 14 مليون أمـي
Author: معاوية عبيد الصائم
Date: 07-23-2010, 01:47 AM
Parent: #2
اليشارى سلام
شوف يا خوى خبر زى ده انا ما بقدر ارد عليهو
الا بحضور الخبير ود الباوقة
يطلع مخجوج نبقى فى مكنة اثبت لى وحاول حس بى
عندك فديو نزلو لينا ما عندك جيب لينا ود الباوقة
مودتى المخجوجة الخج الما خمج
|
Post: #7
Title: Re: يـا خبر!!..ارتفاع عدد الأميين بالسودان إلى 14 مليون أمـي
Author: الامين موسى البشاري
Date: 07-23-2010, 01:53 AM
Parent: #6
| Quote: شوف يا خوى خبر زى ده انا ما بقدر ارد عليهو |
معاوية عبيد ... صاحبي السقد أزيك
رغم علمنا بانهيار التعليم العام انهيار تام منذ فترة طويلة
ولكن بصراحة الخبر صدمني لدرجة ما عادية 14 مليون عديل كدا؟
ود البــااوقة يقول شنو بعد ما شهد شاهد من أهلها وهم وزراء التربية والتعليم
يـــااااخ بالطريقة دي بدل ما يزيد متوسطي الثقافة وقليلي الفهم
ديل زاتو ح يتعدموا ونبقى بلا تعليم وبلا ثقافة ولا فهم
حاجة تحير والله
أرقد عافية
|
Post: #8
Title: Re: يـا خبر!!..ارتفاع عدد الأميين بالسودان إلى 14 مليون أمـي
Author: معاوية عبيد الصائم
Date: 07-23-2010, 01:58 AM
Parent: #7
يعلم الله
ود الباوقة اكان غلب حيلة ؟؟
يمرق ليك الوزير المصرح كادر سرى شيوعى
ها يازول ده ود الباوقة
انا سقد من هين
سقد من ال سقد الشعب السقد
مودتى
|
Post: #9
Title: Re: يـا خبر!!..ارتفاع عدد الأميين بالسودان إلى 14 مليون أمـي
Author: الامين موسى البشاري
Date: 07-23-2010, 02:05 AM
Parent: #8
Quote: ود الباوقة اكان غلب حيلة ؟؟
يمرق ليك الوزير المصرح كادر سرى شيوعى |
ود الباوقة يا زول الدرب راح ليهو
الليلة الفرنساوي غلبو وقال عليهو انجليزي
ولامن داير أقول ليهو ياااخ ده فرنسي لكن خجلته
بس في زول جابها ليهو طــااااااخ كدا 
بعدها تاني ما شفتو .. تلاقيهو شايل هم الريس ح يرجع ولا لع
ودي
|
Post: #10
Title: Re: يـا خبر!!..ارتفاع عدد الأميين بالسودان إلى 14 مليون أمـي
Author: معاوية عبيد الصائم
Date: 07-23-2010, 02:13 AM
Parent: #9
مداخلة الفرنسى مخجوجة ؟؟؟
راسو ضارب وبكون مركز مع بوست اميرة السيد والقاعدة الفرنسية فى تشاد ؟؟
|
Post: #11
Title: Re: يـا خبر!!..ارتفاع عدد الأميين بالسودان إلى 14 مليون أمـي
Author: اشرف السر
Date: 07-23-2010, 02:15 AM
Parent: #9
هذه سياسة متعمدة
امية وتجهيل الشعب
حتى نغط في نومنا الى يوم القيامة
ويثبت السادة على مقاعدهم
ويورثونها لابناءهم الدارسين في ماليزيا وغيرها
قراية شنو اللينا زاتو !!!
الشوية القرو ديل عاملين ليهم صداع
يقوموا يزيدوا العلم في البلد ؟
تاني الحيصدق الشعارات والخطب منو ؟
لازم نكون اميين بنسبة لا تقل عن 99%
والواحد في المية البفضل يكونوا هم
|
Post: #12
Title: Re: يـا خبر!!..ارتفاع عدد الأميين بالسودان إلى 14 مليون أمـي
Author: الامين موسى البشاري
Date: 07-23-2010, 11:15 AM
Parent: #11
Quote: هذه سياسة متعمدة
امية وتجهيل الشعب
حتى نغط في نومنا الى يوم القيامة
ويثبت السادة على مقاعدهم
ويورثونها لابناءهم الدارسين في ماليزيا وغيرها |
الأمم والشعوب لا تتقدم إلا بالعلم
وبصراحة الرقم مفيد والمدهش أنه جاء على لسان من هم مسؤولين من العلملية التعليمية في البلاد
غالبية الذين يحكمون اليوم درسوا على نفقة الدولة مجاناً من الابتدائي وحتى تحضيرهم للدكتوراة
تحاياي اشــرف السر
|
Post: #13
Title: Re: يـا خبر!!..ارتفاع عدد الأميين بالسودان إلى 14 مليون أمـي
Author: معاوية عبيد الصائم
Date: 07-23-2010, 11:25 AM
Parent: #12
مرور
معاوية السقد
|
Post: #14
Title: Re: يـا خبر!!..ارتفاع عدد الأميين بالسودان إلى 14 مليون أمـي
Author: البحيراوي
Date: 07-23-2010, 12:11 PM
Parent: #13
ود البشاري
جمعتك مبروكة - يا زول أنا قبال كم سنة كدا شفت والي شمال دار فور إحتفل علي روؤس الأشهاد وبحضور التلفاز القومي بخلوء محلية أم كدادة من الأمية بنسبة مائة بالمائة . يعني بالله خسارة قروش ساكت جمع الناس عشان يحتفل بصرع الأمية في أم كدادة.
بحيراوي
|
Post: #16
Title: Re: يـا خبر!!..ارتفاع عدد الأميين بالسودان إلى 14 مليون أمـي
Author: الامين موسى البشاري
Date: 07-23-2010, 12:33 PM
Parent: #14
| Quote: خلوء محلية أم كدادة من الأمية بنسبة مائة بالمائة |
البحيراوي
وعليكم السلام وجمعتك مبــاركة
الليلة هم ذات الأشخاص وزراء التعليم في الولايات شهدوا بتدهور التعليم العام
الرقم دا كبير جدا .. وإذا أردت أن تعلم اولادك فعليك ان تدفع لهم
لا معلم كفء ... ولا بيئة مناسبة للتعليم .. ولا كتاب مدرسي
يعني كل أركان العملية التعليمية أنتهت ولم يتبقى إلا هؤلاء الوزراء على كراسيهم
ودي
|
Post: #15
Title: Re: يـا خبر!!..ارتفاع عدد الأميين بالسودان إلى 14 مليون أمـي
Author: الامين موسى البشاري
Date: 07-23-2010, 12:28 PM
Parent: #13
جمعة مباركة يا ســـقد
|
Post: #17
Title: Re: يـا خبر!!..ارتفاع عدد الأميين بالسودان إلى 14 مليون أمـي
Author: Tragie Mustafa
Date: 07-23-2010, 12:50 PM
Parent: #15
أمين بشاري سلامات
يا اخي بعيدا عن اوجاع احصاءات السودان دي
محتاجين لشهادتك حول الايبيهات البكتب بيها كان وليد الخير
بموقعنا داك وبما انك خبير
اديها طله وارجع لهم بالاكيده بالله.
الوبست الفيلم الهندي ده
قصة الناقد سعيــد بوكرامي ...
تحياتي.
|
Post: #18
Title: Re: يـا خبر!!..ارتفاع عدد الأميين بالسودان إلى 14 مليون أمـي
Author: الامين موسى البشاري
Date: 07-23-2010, 01:06 PM
Parent: #17
Quote: محتاجين لشهادتك حول الايبيهات البكتب بيها كان وليد الخير
بموقعنا داك وبما انك خبير
اديها طله وارجع لهم بالاكيده بالله. |
تــراجي
ســــلام ...وجمعة مباركة
في الحقيقة أنا ما قريت البوست كلو ولا أعلم ما الذي يدور فيه بالضبط
لأنه خــارج اهتماماتي تماماً ولكن...
أعتقد أنه لا يجوز كشف ايبيهات أي عضو مسجل معاك في المنبر لكل الناس وهي من الخصوصيات الخاصة بكل عضو
لأن كشف الآيبي حاجة ما ساهلة .. وتقوم المنتديات بكشف الايبيهات للإدارة من أجل مساعدتها في إدارة المنبر
على العموم أنا بطلعها وبرسلها ليك .. وأنتي اتصرفي بما ترينه مناسباً
...
...
___
في اختراع اسمو الاسكاي بي
|
Post: #19
Title: Re: يـا خبر!!..ارتفاع عدد الأميين بالسودان إلى 14 مليون أمـي
Author: Mohammed Haroun
Date: 07-23-2010, 04:11 PM
Parent: #18
ياقريبي حرام عليك ... بالله خليك راجل حقاني شوية ... نسبة التعليم في السودان إرتفعت إلى 60.9% يعني قربنا نصل مصر اللي نسبة التعليم فيها 66.4% وقربنا أيضاً نصل الهند اللي نسبة التعليم فيها 66% وتخطينا الباكستان اللي نسبة التعليم فيها 54.2 %.
المصدر قوقل ... يمكنك البحث في محرك قوقل تحت List of countries by literacy rate
تحيات قريبك ودهارون ...
|
Post: #20
Title: Re: يـا خبر!!..ارتفاع عدد الأميين بالسودان إلى 14 مليون أمـي
Author: الامين موسى البشاري
Date: 07-23-2010, 08:01 PM
Parent: #19
الأخ الفاضل محمد هارون
حبابك يا زول ومنتظرينك على أحر من الجمر يااااخ
بس الظاهر عليك جدع ورانا عـــود يابس
| Quote: ياقريبي حرام عليك ... بالله خليك راجل حقاني شوية |
والله لا حرام علي ولا الله قال ... وبعدين ما أنا القلته الكلام دا
الكلام قالوه وزراء التربية والتعليم في الولايات يا محمد وكان عندهم مؤتمر قبل كم يوم في الدامر
المؤتمر حضره وكيل وزراة التربية والتعليم الاتحــادي وصدقوا كلهم على الكـــلام دا يبقى حرام علي كيف يا شيخ؟
أرجو أن تعود الى المصدر والخبر وبإمكانك التحقق بنفسك .. وطبعا ما منطقي إننا نصدق قوقل ونكذب ديل ولا شنو يا محمد ، يمكن ما عندك اولاد بقروا في السودان يا محمد او طولته من الســودان شوية لكن والله التعليم العام انتهى يا محمد هارون ،أولادي مشيت عشان ادخلهم مدارس حكومية لقيت الحالة بطالة جدا أكثر من 70 طالب في الفصل الواحد يا محمد لا مدرسين ولا كتب ولا أي حاجة يا محمد ، اثنين يا محمد واحدة في سادسة والثانية في رابعة يا محمد مدرسة خاصة عادية جدا جدا رسوم الدراسة فيها للسنة الواحدة ليهم الاثنين أكثر من 5 مليون جنيه
كم واحد في السودان ممكن يدفعوا المبلغ دا ... وهل كل الناس قادرين على ذلك..
يا محمد أنا استنكرته الخبر واربعة عشر مليون أمي رقم كبير جدا ويخلع بصراحة ... ولو الناس دي كضابين تعال قول لي كضابين عشان امسح البوست دا ، المهم دا كلام المســـؤولين عن التعليم العام ... واما التعليم العالــي فحدث ولا حرج ... أكثر من 17 ألف خريج غير معترف بشهاداتهم في المنطقة العربية ودول الخليج...يا محمد مهنة التدريس اصبحت طاردة جدا وما زي انت فاكرها أو خاتي ليها صورة وردية زي زمان ، مدرس في مدرسة خاصة بيصرف مليون شهريا البخليهو يشتغل في الحكومة شنو عشان تتفضل عليهو ب 300 ألف جنيه كل آخر شهر... كما لا يخفى عليك تآخر صرف المرتبات وعدم انتظامها ..
كدا راجع عمنا قوقل دا وشوف احصائيته من متين ... عشان نقول للوزراء ديل انتوا ناس كضابين ساااي وقوموا لفو باللاي... المؤتمر بتاع الوزراء ديل لسه حبرو ما جفه يعني ماكمل اسبوع تقريباً ودي احصائية جديدة لنج ... ودا كلامهم والله وانا ما زدته ليهو حرف واحـــد.
تحاياي
|
Post: #21
Title: Re: يـا خبر!!..ارتفاع عدد الأميين بالسودان إلى 14 مليون أمـي
Author: الامين موسى البشاري
Date: 07-23-2010, 08:06 PM
Parent: #20
وكدا انت برضو قوقل الخبر دا وشوفو وأتأكد منو تمام كل ما عليك هو نسخ جزء من نص الخبر وسيأتيك الخبر اليقين يا محمد
وانا بدوري بنزل ليك صورة الخبر والرابط بتاعو
دي صورة الخبر كما جاء في جريدة الصحافة
ودا رابط الخبر للمرة التانية كدا أعفص الرابط التحت دا عليك ومنتظرك برضو
http://www.alsahafa.sd/details.php?articleid=10459#10459
ودي
|
Post: #22
Title: Re: يـا خبر!!..ارتفاع عدد الأميين بالسودان إلى 14 مليون أمـي
Author: معاوية عبيد الصائم
Date: 07-24-2010, 09:58 PM
Parent: #21
هسه يا ود البشارى
بدل محو الاميه
بقت نحن نتحه نحو الاميه !!!!
يااااااااااااللسعادة فى ظل الحكومة الاميه !!
حكومة امية جالسة ذات رسالة واضحة ّّ!!!
|
Post: #23
Title: Re: يـا خبر!!..ارتفاع عدد الأميين بالسودان إلى 14 مليون أمـي
Author: Mohammed Haroun
Date: 07-25-2010, 12:22 PM
Parent: #22
والله يا قريبي البوست بتاعك دا (مخوخي)م
أولا خلينا نعمل شوية تضريبات عشان نثبت صحة ما ورد في (قوقل)
لو إقترضنا سكان السودان 40 مليون نسمة
40 مليون ناقص 14 مليون بتساوي 26 مليون
26 مليون نقسمها على 40 مليون ثم نضربها في 100 عشان تجينا النسبة المئوية للمتعلمين
النتيجة 65% نسبة المتعلمين في السودان
يا أخي أنا ما عاوزك تشيل الأخبار و(تعير) بيها ساكت.
بس عاوز أديك قفشة من قفشات دكتور عبد الله قرقر بخصوص التعليم الخاص.
دكتور عبد الله عنده بنت صغيرة سجلها في الروضة ودفعوه خمسمائة ألف جنيه
بعد اسبوع سألها قال ليها أدوكم (شنو) في الروضة ... قالت ليهو أدونا طحنية.
قال ليها ياحليلكن يالخمسمية الأكلوكن بطحنية..
يا أخي الإستثمار في التعليم ما خسارة أبداً ...
تحياتي
|
|