Post: #1
Title: أشد الناس بلاء الأنبياء ثم الأمثل فالأمثل يا سيدي الرئيس ....
Author: ود الباوقة
Date: 07-22-2010, 08:35 PM
أول هذه الابتلاءات هو ان قيض الله سبحانه وتعالى
لكم حكم البلاد بعد ان اصبحت جثة متحللة تطفو
على بركة آسنة .
توليتم حكم البلاد والعباد بعد ان رفضتم الانكسار
لدول الاستكبار و رفعتم راية التوكل على الله اولا
والاعتماد على سواعد المخلصين من ابنائه ثانيا
وبدأت مسيرة البناء والتعمير .
الابتلاء الثاني هو الحصار الجائر والظالم من الدول
الكفرية حيث شمل السلاح وقطع غيار الطائرات وجميع
مدخلات الانتاج وغيرها من السلع والمواد التي يتم
استيرادها من تلك الدول .
الابتلاء الثالث هو المفاصلة الشهيرة التي حدثت
وادت الى انقسام الحزب الواحد الى قسمين شعبي ووطني
نواصل ......
|
Post: #2
Title: Re: أشد الناس بلاء الأنبياء ثم الأمثل فالأمثل يا سيدي الرئيس ....
Author: Balla Musa
Date: 07-22-2010, 08:37 PM
Parent: #1
ود الباوقة
فى احتمال الراجل يقبضوهو ول شنو..
اصلك أول مرة تذكر موضوع البلاء وانت تتحدث عن الرئيس!
|
Post: #6
Title: Re: أشد الناس بلاء الأنبياء ثم الأمثل فالأمثل يا سيدي الرئيس ....
Author: ود الباوقة
Date: 07-22-2010, 08:47 PM
Parent: #2
Quote: فى احتمال الراجل يقبضوهو ول شنو..
اصلك أول مرة تذكر موضوع البلاء وانت تتحدث عن الرئيس! |
اخي بلة
يا اخوي والله الظالمين ديل ( سوسيوة ) ما يقبضوها
نعم سيكون هذا البوست استعراضا للابتلاءات التي تعرض
لها السيد الرئيس المشير البشير وصحبه الابرار بدءا
من اول يوم لاستلامهم السلطة وحتى تاريخه
مع توضيح كيفية صبرهم عليها واجتيازهم اللامتحان الرباني
بكل ايمان وخضوع ..
|
Post: #3
Title: Re: أشد الناس بلاء الأنبياء ثم الأمثل فالأمثل يا سيدي الرئيس ....
Author: معاوية عبيد الصائم
Date: 07-22-2010, 08:40 PM
Parent: #1
الحصار شمل السلاح واسبيرات الطائرات ؟؟؟
يعنى يا قربيى ؟؟ المشكلة حرب وسفر ؟؟؟
عليكم بالدواب والسيوف وبساط الريح ؟؟
مودتى يا قريبى ورمضان كريم مقد ما
|
Post: #4
Title: Re: أشد الناس بلاء الأنبياء ثم الأمثل فالأمثل يا سيدي الرئيس ....
Author: الصادق ضرار
Date: 07-22-2010, 08:43 PM
Parent: #3
البوست ده تمهيد لاسوأ الاحتمالات
بس يا ود الباوقة اطمئن لن يصيب البشير سوء .. سيعود سالماً هذه المرة و لكن لا نعرف ماذا سيحدث له غداً .
|
Post: #9
Title: Re: أشد الناس بلاء الأنبياء ثم الأمثل فالأمثل يا سيدي الرئيس ....
Author: ود الباوقة
Date: 07-22-2010, 08:56 PM
Parent: #4
| Quote: البوست ده تمهيد لاسوأ الاحتمالات |
الاحتمال الذي تريدونه بعيد المنال
وعشمكم فيه كعشم ابليس في الجنة
| Quote: بس يا ود الباوقة اطمئن لن يصيب البشير سوء .. سيعود سالماً هذه المرة و لكن لا نعرف ماذا سيحدث له غداً . |
كلنا بما فينا انت لا نعرف ماسيجري لنا غدا
كل شيء بيد الله ....
|
Post: #5
Title: Re: أشد الناس بلاء الأنبياء ثم الأمثل فالأمثل يا سيدي الرئيس ....
Author: amir jabir
Date: 07-22-2010, 08:43 PM
Parent: #3
يا هكر رجع لى ود الباوقة الباسورد بتاعوا
--------------
والله يا ودالباوقة البوست بتاعك دة زى الزول العايز يموت يجتر شريط الزكريات الحكومة ماشه تموت ولا شنوا ؟؟
|
Post: #7
Title: Re: أشد الناس بلاء الأنبياء ثم الأمثل فالأمثل يا سيدي الرئيس ....
Author: معاوية عبيد الصائم
Date: 07-22-2010, 08:51 PM
Parent: #5
بوست مضغرت يحتاج ظمبتانة ؟؟
|
Post: #19
Title: Re: أشد الناس بلاء الأنبياء ثم الأمثل فالأمثل يا سيدي الرئيس ....
Author: ود الباوقة
Date: 07-24-2010, 10:55 AM
Parent: #7
| Quote: بوست مضغرت يحتاج ظمبتانة ؟؟ |
ساعدنا بالالفاظ يا الصايم .........
|
Post: #20
Title: Re: أشد الناس بلاء الأنبياء ثم الأمثل فالأمثل يا سيدي الرئيس ....
Author: معاوية عبيد الصائم
Date: 07-24-2010, 08:11 PM
Parent: #19
ود الباوقة يا قريبى
دى مفردات ذات معانى طيبة!!!!!
يعلم ما قصدت قولا شين
مودتى
|
Post: #12
Title: Re: أشد الناس بلاء الأنبياء ثم الأمثل فالأمثل يا سيدي الرئيس ....
Author: ود الباوقة
Date: 07-22-2010, 10:15 PM
Parent: #5
| Quote: يا هكر رجع لى ود الباوقة الباسورد بتاعوا |
بالله .............
| Quote: الحكومة ماشه تموت ولا شنوا ؟؟ |
يا زول الحكومة دي لس مشوارا طويل
كان عندك سفرية سافر وتعال ..
|
Post: #8
Title: Re: أشد الناس بلاء الأنبياء ثم الأمثل فالأمثل يا سيدي الرئيس ....
Author: ود الباوقة
Date: 07-22-2010, 08:52 PM
Parent: #3
Quote: الحصار شمل السلاح واسبيرات الطائرات ؟؟؟
يعنى يا قربيى ؟؟ المشكلة حرب وسفر ؟؟؟ |
ود الصايم
طول بالك
سآتي لك موضحا كيف استطاعت الانقاذ ان
تقذف لهم حصارهم الظالم في وجوههم الكالحة
وتشمر عن سواعد الجد في كافة المجالات
خليك قريب ....
|
Post: #10
Title: Re: أشد الناس بلاء الأنبياء ثم الأمثل فالأمثل يا سيدي الرئيس ....
Author: معاوية عبيد الصائم
Date: 07-22-2010, 09:07 PM
Parent: #8
كارلوس قياضتو باسبيرات وهدوم للجيش ؟؟
كدى شوف واحد تانى تحلو بيهو مشكلة قطع الاسبيرات والسلاح ؟
سمعت تحت تحت قالوا عندكم شباب موريتانى ؟؟ مطلوب للحكومة الفرنسية الشقيقة ؟؟
دى مقايضة بتحل مشكلة كم طيارة
مودتى يا قريبى ؟؟
|
Post: #16
Title: Re: أشد الناس بلاء الأنبياء ثم الأمثل فالأمثل يا سيدي الرئيس ....
Author: ود الباوقة
Date: 07-23-2010, 11:44 PM
Parent: #10
.
|
Post: #11
Title: Re: أشد الناس بلاء الأنبياء ثم الأمثل فالأمثل يا سيدي الرئيس ....
Author: الصادق ضرار
Date: 07-22-2010, 09:09 PM
Parent: #8
ود الباوقة
الخروج من انجمينا ليس كدخوله .. ربما هناك انجمينا من البشير
|
Post: #13
Title: Re: أشد الناس بلاء الأنبياء ثم الأمثل فالأمثل يا سيدي الرئيس ....
Author: معاوية عبيد الصائم
Date: 07-22-2010, 10:25 PM
Parent: #11
حمد على سلامة صديق يا قريبى ؟
قلت لى خفيف الظل ؟؟؟
مودتى ابن عمى
|
Post: #14
Title: Re: أشد الناس بلاء الأنبياء ثم الأمثل فالأمثل يا سيدي الرئيس ....
Author: amir jabir
Date: 07-22-2010, 10:38 PM
Parent: #13
يا صديق والله فى سوال محيرنى
انته يا ود الباوقة مش فى السعودية طيب عايز تحارب ناس المحكمة كيف ما لازم تاخد اذن من الامير (( الكفيل يمكن يكون من مناصرى المحكمة الناس ديل مع الغرب فى صحن 1 ))
بعدين انته عايز حرابة بى الرموت كنترول ولا شنوا يعنى استشعار من البعد ولا شنوا هسى الناس ديل لو هجمونا باليل نقول ليهم شنوا انتظروا نتصل بى
ود الباوقة يجى ياجماعة لانو القائد بتاعنا ولا كيف مش لازم تنزل الميدان تجهز السلاح علشان نتشجع شوية
------------------------------------------
ود الباوقة شجاعة زى حقت صدام دى ما فى ياعمك
|
Post: #15
Title: Re: أشد الناس بلاء الأنبياء ثم الأمثل فالأمثل يا سيدي الرئيس ....
Author: ود الباوقة
Date: 07-23-2010, 07:38 AM
Parent: #14
استخراج البترول وتصديره ايضا ابتلاء عظيم
وسافصل لكم ذلك لاحقا ..
|
Post: #24
Title: Re: أشد الناس بلاء الأنبياء ثم الأمثل فالأمثل يا سيدي الرئيس ....
Author: ود الباوقة
Date: 07-25-2010, 07:30 AM
Parent: #14
.
|
Post: #17
Title: Re: أشد الناس بلاء الأنبياء ثم الأمثل فالأمثل يا سيدي الرئيس ....
Author: ود الباوقة
Date: 07-24-2010, 08:11 AM
Parent: #11
| Quote: الخروج من انجمينا ليس كدخوله .. ربما هناك انجمينا من البشير |
التحية للقائد ادريس ديبي وهو يوجه ضربة من النوع
( ام دلدوم ) على فقرة المدعو اوكامبو
وستتواصل الضربات المؤلمة لبقية جسده العفن ...
|
Post: #18
Title: Re: أشد الناس بلاء الأنبياء ثم الأمثل فالأمثل يا سيدي الرئيس ....
Author: ود الباوقة
Date: 07-24-2010, 09:05 AM
Parent: #17
استطاعت الثورة الظافرة اجتياز كل انواع
الابتلاء بالتسليم لامر الله والاذعان لارادته
انهم رجال مؤمنون . عابدون . صائمون
قانتون يسبحون بحمد الله بكرة واصيلا
نعم راهن اعداء الثورة من المستبدين الظالمين
على سقوطها وهي في مهدها
وهاهي الثورة القاصدة الى الله سبحانه وتعالى تكمل عقدين
وتدخل في الثالث وهي اقوى شكيمة واصلب عودا
تفنن الاعداء في حبك الحيل والمؤامرات خارجيا وداخليا
واستعانوا بالشيطان الاكبر في سبيل تركيعها ولكن اردتد
اليهم مكرهم وهم يتغامزون ..
|
Post: #21
Title: Re: أشد الناس بلاء الأنبياء ثم الأمثل فالأمثل يا سيدي الرئيس ....
Author: Amani Al Ajab
Date: 07-24-2010, 08:21 PM
Parent: #18
الأخ ود الباوقة وستر عورة الإنقاذ !
الأخ ود الباوقة لك التحية..
المثل بقول الراجل بمسكوا من لسانه !
لقد طال إنتظارنا في البوست أعلاه !
|
Post: #22
Title: Re: أشد الناس بلاء الأنبياء ثم الأمثل فالأمثل يا سيدي الرئيس ....
Author: الرفاعي عبدالعاطي حجر
Date: 07-24-2010, 08:29 PM
Parent: #18
الاخ الكريم ود الباوقة
يااخي ما تخلينا في السياسة وابعد اصفياء الله
من العبث ياراجل البشير رجل عادي فقير من صلب
الفقر تحول بين يوم وليلة لاثرى اثرياء الوطن
واهله , الرسول الكريم محمد صلى الله عليه وسلم
كان يربط وصحابته حجارة في بطونهم وكان نصيبه
الزيادة في الربط ألم تقرأ الحديث ما اخرجكم لصحابته
فقالوا اخرجنا الذي اخرجك وكان الجوع , ألم تعلم ان الخليفة
الخامس عمر بن عبدالعزيز كان يطفئ زيت الاضاءة عندما ينفض
إجتماعه بقادته حفاظاً على اموال المسلمين ... يازول تابع
السيرة وارجع عن كلامك ..أمثل آيه الجاي إنت تقول عليه يا قريبي.
......................................................حجر.
|
Post: #23
Title: Re: أشد الناس بلاء الأنبياء ثم الأمثل فالأمثل يا سيدي الرئيس ....
Author: Elbagir Osman
Date: 07-24-2010, 09:48 PM
Parent: #22
خلاص ختيتو مع الأنبياء
وطبعا قريب حتوصلوهو مرحلة "أنا ربكم الأعلى"
قبلك الجماعة وصلوا السفاح السابق نميري
لمرحلة ملهم وملهم
لغاية نحن الشعب السوداني ختيناهو في الواطة
وقبلكم كلكم قال الشاعر متزلفا للخليفة
"ما شئت لا ما شاءت الأقدار
أحكم فأنت الواحد القهار"
والعياذ بالله من كل هامان
الباقر موسى
|
Post: #25
Title: Re: أشد الناس بلاء الأنبياء ثم الأمثل فالأمثل يا سيدي الرئيس ....
Author: قلقو
Date: 07-25-2010, 08:28 AM
Parent: #23
[B]QUOTE
يا اخوي والله الظالمين ديل ( سوسيوة ) ما يقبضوها
خلاص ياودالباوقة ياخوى المسألة اذا كدة فليسافر اذن الى كمبالا .
|
Post: #26
Title: Re: أشد الناس بلاء الأنبياء ثم الأمثل فالأمثل يا سيدي الرئيس ....
Author: Alshafea Ibrahim
Date: 07-25-2010, 10:59 AM
Parent: #25
ولا تنسوا ياشيخنا إبتلاء زوال مشروع الجزيرة والرهد والسوكي وحلفا ونزوح ابناء تلك المناطق للخرطوم والعمل في بيع السفنجات واللالوب والماء البارد ألخ ... وأصبحنا ياشيخنا نستورد الطماطم والويكة والفتريرتة ناهيك عن السكر والزيوت ... كل ذلك وأموال النفرة الخضراء (2006 - 2011) طلعت ونزلت بردا وسلاما في جيوب شيوخنا بالحزب اللا وطني ... ومازالت لافتات انتخبوا البشير لمواصلة ( النماء والعطاء) تغطي كل شوارع وحيطان الخرطوم ...
هذا بعد السلام والاحترام الواجب لكم ولضيوفكم ... ومعهم نقول الإنقاذ كلها عورة مفضوحة مكشوفة أتركوها يرحمكم الله... وكمان جابت ليها أمم متحدة والفصل السابع والثامن .. ياساتر ...
الشفيع
|
|