غفليهو وبنطلونه فتشا بنيتي حسابك

بنيتي حسابك
نضمي اسمعا
ونضم راجل اوع تسمعا
وكان طلقك مايطلقك هو اصلو مابينفعا
بنيتي حسابك
كان قال ولا عندوا اوعي تصدقا
غفليهو وجيبو فتشا
رجال زمن ده جنو يغشغشا

بنيتي حسابك
راجل كان جري منك في ضنبو امسكا
واي نضمي يقولوا ليك حكحكا

بنيتي حسابك
راجل كان نضم في موبايل اتلبدا
ونضم كلو اسمعا باكر مايقولوا فوقك عرسا
بنيتي حسابك
راجل اوعي تدلعا
وكان عاطت فوقك كورية ام قعر
في نص راسو افلعا
كان زعل واتنفخ اوع تهببا
بعض مرات يكون ولا زعلان لكن بيكضبا
بنيتي حسابك
انتي اصحي بدري وتوبك الفحا
وبيوت حلة بيت بيت اتفسحا
وكيس في خشم باب اطرحا
بعد شهر تجي عربية نفايات تلفحا
بنيتي حسابك
راجل كان نزل انتخابات اوع ترشحا
وحات الله يفوز فوقك يعرسا
وانتي تاكلي نيم ماتشبعا
حسابك
نقلا عن جريدة الصحافة عدد الاحد الماضي وهي من تأليف حكامة
وبعد ان استمعنا الي اغنية بنيتي حسابك والان اطلعنا بنيتي حسابك المضادة
كلنا انتظار اغنية (لوليدي حسابك)