Post: #1
Title: أين أساسي- عضو مجلس الإدارة الذي هددنا واختفى؟
Author: اميرة السيد
Date: 07-21-2010, 05:23 PM
Parent: #0
عندا كتبت أول موضوعي عن الترحيب بقبولي في المنبر العام.. هددني عضو المنبر اساسي , بوصفه عضو مجلس الادارة,
بالويل والثبور ولكنه اختفى بعد ذلك.. حتى انني ظننته بالفعل مشغول بأعمال الإدارة وما عندو وقت للتعليق أو المشاركة
ولكن لكي يثبت لنا ذلك عليه الاجابة على هذه الأسئلة:
- كم عدد أعضاء سودانيز أون لاين المسجلين في المنبر العام؟
- من هو العضو الذي سجل أكبر عدد من المشاركات( أي المواضيع الجديدة) في المنبر العام؟
- من هو العضو الذي سجل أكبر عدد من التعليقات ردا على المواضيع الجديدة؟
- كم عدد متوسط الضيوف الذين يزورون الموقع شهريا؟
- هل هناك من الأعضاء من يتقدم بتبرعات طوعية لإدارة موقع سودانيز أون لاين وذلك للمساهمة في تغطية نفقات
إطلاق الموقع قي الفضاء الاسفيري؟ أم انك تعتقد أن اطلاق المواقع في الشبكة العالمية بالمجان؟
- قرانا أن هناك مواقع أخرى أو بالأصح منتديات أخرى تفرض رسوم اجبارية على التسجيل في الموقع.. فهل فكرت
ادارة سودانيز أون لاين في ذلك أم أن التبرعات الطوعية فقط تكفي لإدارة الموقع؟
- هل فكر أعضاء سودانيز أون لاين في المساهمة المادية لإدارة الموقع وذلك من أجل الرقي وتطوير الموقع وزيادة عدد أعضائه
وتغيير التصميم الخارجي واضافة فروع أخرى للموقع؟
وستتوالى الاسئلة عندما ترد على هذه الاسئلة السبعة؟؟
|
Post: #2
Title: Re: أين أساسي- عضو مجلس الإدارة الذي هددنا واختفى؟
Author: Abd Alla Elhabib
Date: 07-21-2010, 06:18 PM
Parent: #1
Quote: هددني عضو المنبر اساسي , بوصفه عضو مجلس الادارة,
بالويل والثبور ولكنه اختفى بعد ذلك .. |
أمـيرة سـلام
الزول ده قبضـوهو ناس الجيش النيجـرى
خلو ريحــتو بصـل بصـل.. أفلت منهـم
ولي هـسي مطـاردنو !!
|
Post: #3
Title: Re: أين أساسي- عضو مجلس الإدارة الذي هددنا واختفى؟
Author: محمد حسن العمدة
Date: 07-21-2010, 06:29 PM
Parent: #2
Quote: ولكن لكي يثبت لنا ذلك عليه الاجابة على هذه الأسئلة:
- كم عدد أعضاء سودانيز أون لاين المسجلين في المنبر العام؟
- من هو العضو الذي سجل أكبر عدد من المشاركات( أي المواضيع الجديدة) في المنبر العام؟
- من هو العضو الذي سجل أكبر عدد من التعليقات ردا على المواضيع الجديدة؟
- كم عدد متوسط الضيوف الذين يزورون الموقع شهريا؟
- هل هناك من الأعضاء من يتقدم بتبرعات طوعية لإدارة موقع سودانيز أون لاين وذلك للمساهمة في تغطية نفقات
إطلاق الموقع قي الفضاء الاسفيري؟ أم انك تعتقد أن اطلاق المواقع في الشبكة العالمية بالمجان؟
- قرانا أن هناك مواقع أخرى أو بالأصح منتديات أخرى تفرض رسوم اجبارية على التسجيل في الموقع.. فهل فكرت
ادارة سودانيز أون لاين في ذلك أم أن التبرعات الطوعية فقط تكفي لإدارة الموقع؟
|
والله يا بت الناس نفر اسعلتك دي محمد عطا ما بقولا
|
Post: #4
Title: Re: أين أساسي- عضو مجلس الإدارة الذي هددنا واختفى؟
Author: اميرة السيد
Date: 07-21-2010, 07:10 PM
Parent: #3
عبد الله
محمد حسن
شكرا على المرور والتعليق
لكن ما قلت لي يا محمد منو محمد عطا؟
بس اوعك تقول لي محمد عطا الذي فجر برجي مركز التجارة العالمي في نيويورك
|
Post: #5
Title: Re: أين أساسي- عضو مجلس الإدارة الذي هددنا واختفى؟
Author: الرفاعي عبدالعاطي حجر
Date: 07-21-2010, 07:55 PM
Parent: #4
| Quote: لكن ما قلت لي يا محمد منو محمد عطا؟ |
الاميرة اميرة السيد
تحياتي ,,,
دا تفجيراتو غير مُعلنة في الدس بس !!
اساسي ما رئيس مجلس الادارة دا العضو
المنتدب , ياستي خير ان شاء الله اساسي
ما يكون عمل حاجة غلط ... اساسي دا زول
نصيحة ساااااااي .
* عموماً احترامي لك وله وللجميع .
................................حجر.
|
Post: #6
Title: Re: أين أساسي- عضو مجلس الإدارة الذي هددنا واختفى؟
Author: الفاضل يسن عثمان
Date: 07-21-2010, 07:58 PM
Parent: #4
اميرة السيد:
يازولة لحدي مايعود اساسي ويجيب علي اسئلتك دي
خلليني ارحب بيك، وماقمت بالواجب بالبوست المعني بذلك
وانتي اضافة نوعية وكيفية للمنبر والبورض عموم
ادلقي مداد قلمك الانيق، فعلا يستوجب الترحيب والاحتفاء.
مودتي يازولة.
|
Post: #7
Title: Re: أين أساسي- عضو مجلس الإدارة الذي هددنا واختفى؟
Author: اميرة السيد
Date: 07-21-2010, 09:14 PM
Parent: #6
الأخ العزيز الفاضل يس عثمان
تحية طيبة
اشكرك من الأعماق على كلماتك الرقيقة الوضيئة ,, فكلماتك المنيرة التي تشع بالضوء الساطع تجعل
القلم ينساب على الورق والأفكار تتزاحم للخروج من قوقع المخ ( والمحصورة بين جدران النسيان) لتكون
اسطرا على الورق ومن ثم اسطرا على المنبر العام....
وبصراحة قرأت كلماتك الأنيقة وتملكني نوع من الفخر لأنها صارت عندي كالقوة الدافعة لمزيد من القراءة والكتابة...
وهناك كلمات تمهد وتعبد الطريق للمواهب ..كما أن هناك كلمات تقتل المواهب ,,, ولا أقول انني موهبة ولكن هذا عام..
وقلمك الرائع يبعث فينا القوة والطوح لمزيد من الكتابة في منبركم الرائع
ومرة أخرى شكري من الأعماق
والله يديك العافية
|
Post: #8
Title: Re: أين أساسي- عضو مجلس الإدارة الذي هددنا واختفى؟
Author: خالد العبيد
Date: 07-22-2010, 01:19 AM
Parent: #7
سلام يا اميرة
ومرحب بيك
فرصة جميلة ليكون البوست :
انت تسال واساسي يجيب !!
ممكن نضيف اسئلة ؟
لانو في اسئلة مستعصية على بكري
|
Post: #9
Title: Re: أين أساسي- عضو مجلس الإدارة الذي هددنا واختفى؟
Author: معاوية عبيد الصائم
Date: 07-22-2010, 01:26 AM
Parent: #8
اساسى
سلم تسلم
؟؟؟ مؤقتا كده صاحبك حجر كجاك
فاحذر قهوة حجر ؟؟
بت السيد سلام ؟ عليك بالانتربول ؟؟
|
Post: #10
Title: Re: أين أساسي- عضو مجلس الإدارة الذي هددنا واختفى؟
Author: عبد الفتاح زوما
Date: 07-22-2010, 11:05 AM
Parent: #9
الاستاذة / أميرة
سلامات و مرحب بيك
نورت الحوش والصالات
بداية تنبئ باشراقة وابداع ينتظره الجميع
اتمنى ان تجدى من يجيبك
كونى بخير
|
Post: #11
Title: Re: أين أساسي- عضو مجلس الإدارة الذي هددنا واختفى؟
Author: cantona_1
Date: 07-22-2010, 11:13 AM
Parent: #10
Quote: لكن ما قلت لي يا محمد منو محمد عطا؟
|
لكن يا أميرة السيد ما بالغتي فوقا... ما بتعرفي محمد عطا! دا جارنا في الحلة وبنصلي الجمعة في مسجد حلتنا كلما يكون موجود وما مشغول. لكن ما صاحبي عشان هو زول مهم وأنا من عامة الشعب. لكن بصراحة زول ود ناس وطيب وبتعامل مع الناس ببساطة شديدة مع أنه من أهم الناس في البلد إن يكن أهمهم على الإطلاق.
لحد هنا كان ما عرفتي قولي لي. مع تحياتي.
(العوج راي والعديل راي)
|
Post: #12
Title: Re: أين أساسي- عضو مجلس الإدارة الذي هددنا واختفى؟
Author: عبد المنعم سليمان
Date: 07-22-2010, 11:37 AM
Parent: #11
اضافة لحديث الاخ اعلاه الذي يصلي معه الجمعه اقول :
ايضا هو قاتل محترف يقتل بدم بارد
قتل وشرد وعذب واخر ضحاياه كان المناضل الوطني الصلب علي محمود حسنين
الذي هدده بالذبح ان هو أيد الجنائية ضد المجرم الفار عمر حسن
|
Post: #13
Title: Re: أين أساسي- عضو مجلس الإدارة الذي هددنا واختفى؟
Author: الرفاعي عبدالعاطي حجر
Date: 07-22-2010, 11:52 AM
Parent: #12
عبدالمنعم سليمان
الفأر عمر حسن دا منو ؟؟؟
......................حجر.
|
Post: #14
Title: Re: أين أساسي- عضو مجلس الإدارة الذي هددنا واختفى؟
Author: عبد المنعم سليمان
Date: 07-22-2010, 11:57 AM
Parent: #13
الرفاعي
سلام
اقصد الفار من العدالة
اوع تقول فار هسع يجوك باغاني قيقم
الاسد النتر .. ما بمشي لاهاي وللبال يسر
|
Post: #15
Title: Re: أين أساسي- عضو مجلس الإدارة الذي هددنا واختفى؟
Author: فايزودالقاضي
Date: 07-22-2010, 12:07 PM
Parent: #14
اميرة ..سلام ..
اساسي بقول ليك 68مشاركة غير كافية عشان يقوم ليك ريش ...الآن هو في رحلة استجمام بحرية في جزيرة (قزبانده طليان) بتركيا..
فايز/ نبطشية هسي ..
|
Post: #16
Title: Re: أين أساسي- عضو مجلس الإدارة الذي هددنا واختفى؟
Author: اميرة السيد
Date: 07-22-2010, 01:59 PM
Parent: #15
سلام يا اميرة
ومرحب بيك
فرصة جميلة ليكون البوست :
انت تسال واساسي يجيب !!
ممكن نضيف اسئلة ؟
لانو في اسئلة مستعصية على بكري QUOTE)
<<<<<<<<<<<<<<<<<<<<<<
خالد عبيد
لا مانع أن تضيف ما شئت من الاسئلة حتى نصعب الأمر على أساسي الذي يدعي أنه عضو مجلس الإدارة ويمكن تكون نوعية الاسئلة مثل:
- كم عدد الفتيات والنساء من عمر 15 سنة إلى 25 سنة العضوات في المنبر العام, وكم عددهن من عمر 25 سنة إلى عمر 40 سنة ,, ومن عمر 40 سنة إلى 60 سنة,؟
- كم عدد الشباب والرجال والكهول بنفس تقسيم أعمار الفتيات والنساء الأعضاء في المنبر العام؟
- كم عدد معارضي حكومة السودانية الحالية( حكومة الانقاذ) من أعضاء المنبر العام وكم عدد الموالين والمواليات للحكومة؟
- من هو أشهر شخصية تكتب في المنبر العام؟
وهكذا دواليك!!!
|
Post: #17
Title: Re: أين أساسي- عضو مجلس الإدارة الذي هددنا واختفى؟
Author: اميرة السيد
Date: 07-22-2010, 02:06 PM
Parent: #16
اميرة ..سلام ..
اساسي بقول ليك 68مشاركة غير كافية عشان يقوم ليك ريش ...الآن هو في رحلة استجمام بحرية في جزيرة (قزبانده طليان) بتركيا..QUOTE)
<<<<<<<<<<<<<<<<
فايز ود القاضي
وكيف عرفت ان مشاركاتي 68 مشاركة؟
واذا كان فعلا هو بيقضي اجازات استجمام خارج السودان احتمال نصدق أنه فعلا عضو مجلس الادارة وحنتوقف عن الاسئلة عشان ما نزعله اكثر من كده؟
وما دام انت نائبه جاوب لينا على هذا السؤال البسيط لغاية ما نجيك بالاسئلة الثقيلة؟؟
- كيف اضيف وجه ضاحك او وجه عابس في المشاركة التي اكتبها؟ فقد حاولت أن أعمل click بالماوس فوق الوجه الضاحك أو العابس ولكن لا حياة لمن تنادي
واذا جاوبت على هذا السؤال وثبت صحته بالبيان العملي فاحتمال نصدقك انك نائب اساسي بعدما نصدق ان اساسي عضو المجلس..( وجه ضاحك)
|
Post: #18
Title: Re: أين أساسي- عضو مجلس الإدارة الذي هددنا واختفى؟
Author: فايزودالقاضي
Date: 07-22-2010, 02:18 PM
Parent: #17
| Quote: واذا جاوبت على هذا السؤال وثبت صحته بالبيان العملي فاحتمال نصدقك انك نائب اساسي بعدما نصدق ان اساسي عضو المجلس..( وجه ضاحك) |
الاخت البرلومة اميرة ...انا بنتحر لو بقوني نائب لاساسي ..نحن في مستوى واحد - ليس في الطول طبعاً - بل في المقام الادارى ..
| Quote: كيف اضيف وجه ضاحك او وجه عابس في المشاركة التي اكتبها؟ فقد حاولت أن أعمل click بالماوس فوق الوجه الضاحك أو العابس ولكن لا حياة لمن تنادي |
طبعاً البورد بتاعي وبتاع بكرى متخلف في حتة الاكواد دي ...عموماً :
اعملي كلك يمين على الوجه العايزاه واختاري Properties وبعد داك قومي ظللي الرابط من الـ(URL) Address) واعملي ليهو كوبي .. واضغطي في اعلى مربع الكتابة على مستطيل (اضف صورة )* ونزلي الرابط المحفوظ في المربع البجيك ثم اضغطي على اوكي ...
الوجه لو مانزل فياريت تشوفي ليك منبر تاني ده حايكون اكبر من امكانياتك ...وحانتعب انا وبكري ثم اساسي معاك ..
فايز / نبطشية هسي ..
|
Post: #19
Title: Re: أين أساسي- عضو مجلس الإدارة الذي هددنا واختفى؟
Author: اميرة السيد
Date: 07-22-2010, 02:55 PM
Parent: #18
فايز ود القاضي
انا بجرب في انزال الوجه الضاحك ,, وربما يكون العابس اذا التجربة ما نجحت[IMG]ا
|
Post: #20
Title: Re: أين أساسي- عضو مجلس الإدارة الذي هددنا واختفى؟
Author: اميرة السيد
Date: 07-22-2010, 02:57 PM
Parent: #19
فايز ود القاضي
فشلت التجربة لأن شرحك كان معقد شوية
ارجو بسط الشرح شوية ... وزي مل قلت انا برلومة في النت
|
Post: #21
Title: Re: أين أساسي- عضو مجلس الإدارة الذي هددنا واختفى؟
Author: فايزودالقاضي
Date: 07-22-2010, 03:03 PM
Parent: #20
يااميرة ...انا قلت ليك اعملي كلك على الوجه نفسه مش على الدايرة اليمينه ...بالعربي كده اتعاملي مع الوجوه كصورة وحاولي نزليها ...
|
Post: #22
Title: Re: أين أساسي- عضو مجلس الإدارة الذي هددنا واختفى؟
Author: عمر سعد
Date: 07-22-2010, 06:05 PM
Parent: #21
اميره سلام
ششرح مبسط
اذا عايزه تضيفى وجه ضاحك فقط اعملى كوبى بيست لى صوره ود الصائم
اذا عايزه وجه عابس اعملى كوبى بيست ...............................................................نسيت هاهاهاهاهاه وهكذا دواليك ما مجموع دلوكه دواليك دى
كونى بخير
|
Post: #23
Title: Re: أين أساسي- عضو مجلس الإدارة الذي هددنا واختفى؟
Author: اساسي
Date: 07-26-2010, 01:04 PM
Parent: #22
Quote: - كم عدد الفتيات والنساء من عمر 15 سنة إلى 25 سنة العضوات في المنبر العام, وكم عددهن من عمر 25 سنة إلى عمر 40 سنة ,, ومن عمر 40 سنة إلى 60 سنة,؟
|
في سودانيز اون لاين لا يوجد كل هذه الاصناف من النساء وتقريبا جلهن من القواعد من النساء
|
Post: #24
Title: Re: أين أساسي- عضو مجلس الإدارة الذي هددنا واختفى؟
Author: عبد اللطيف السيدح
Date: 07-26-2010, 01:46 PM
Parent: #23
أساسي
بداية غير موفقة للتعامل مع البرالمة
الجميع ينتظر ردك علي الأسئلة المهمة
تجي تبداها بالعوانس والقواعد من النساء
انت مأذون شرعي أم عضو بمجلس ادارة المنبر العام؟
|
Post: #25
Title: Re: أين أساسي- عضو مجلس الإدارة الذي هددنا واختفى؟
Author: حاتم كاهن
Date: 07-26-2010, 02:13 PM
Parent: #21
| Quote: اعملي كلك يمين على الوجه العايزاه واختاري Properties وبعد داك قومي ظللي الرابط من الـ(URL) Address) واعملي ليهو كوبي .. واضغطي في اعلى مربع الكتابة على مستطيل (اضف صورة )* ونزلي الرابط المحفوظ في المربع البجيك ثم اضغطي على اوكي . |
يا فايز الله يديك على قدر مرادك
بفتش لي الشرح ده زمن وما لاقيهو ..
غايتو بعد ده حاملاكم Smiles
أها
أميرة يا دفعه
غايتو أنا طلعت بي شي من بوستيك ده ..
عقبالك ..
ودي للمكاواة الاسفيرية وكده
كاهن
|
Post: #26
Title: Re: أين أساسي- عضو مجلس الإدارة الذي هددنا واختفى؟
Author: ABUHUSSEIN
Date: 07-26-2010, 02:36 PM
Parent: #25
أميرة السيد
أساسي و فايز ود القاضي ديل أكبر نصابين في جدة
أعملي حسابك منهم ببدأو معاك طيبين لكن نصابيييييييييييييييين
و مشهورين في سودانيز أون لاين بالنصب و الإحتيال
و ديل مطاردين من قبل الإنتربول في جرائم غسيل أموال
|
Post: #28
Title: Re: أين أساسي- عضو مجلس الإدارة الذي هددنا واختفى؟
Author: 7abib_alkul
Date: 07-26-2010, 02:52 PM
Parent: #26
يابتنا
نقول ليك مرحب فى البورد و نتمنى لك اقامة سعيدة
وكلنا بنسأل عن صديقى و قائد الحرس القديم اساسى ربنا افك اسره سمعت تحت من ناس الزول زاتو انه وزارة الداخليه عنده محددة اقامته الأكترونية
|
Post: #29
Title: Re: أين أساسي- عضو مجلس الإدارة الذي هددنا واختفى؟
Author: فايزودالقاضي
Date: 07-26-2010, 02:57 PM
Parent: #26
Quote: أميرة السيد
أساسي و فايز ود القاضي ديل أكبر نصابين في جدة
أعملي حسابك منهم ببدأو معاك طيبين لكن نصابيييييييييييييييين |
طلعت من السجن متين ؟!!!
الرجاء ماتتدخل بيني وبين من اديرهم ...عشان مااشوتك بره المنبر زي فيصل الرشيد ..
|
Post: #27
Title: Re: أين أساسي- عضو مجلس الإدارة الذي هددنا واختفى؟
Author: فايزودالقاضي
Date: 07-26-2010, 02:49 PM
Parent: #25
حاتم ...ٍسلام ..
Quote: يا فايز الله يديك على قدر مرادك
بفتش لي الشرح ده زمن وما لاقيهو |
اى خدمة ياعم ..اميرة بعد ده الا تكتب في منبر تاني ..
|
Post: #30
Title: Re: أين أساسي- عضو مجلس الإدارة الذي هددنا واختفى؟
Author: اميرة السيد
Date: 07-26-2010, 04:36 PM
Parent: #27
QUOTE) : اعملي كلك يمين على الوجه العايزاه واختاري Properties وبعد داك قومي ظللي الرابط من الـ(URL) Address) واعملي ليهو كوبي .. واضغطي في اعلى مربع الكتابة على مستطيل (اضف صورة )* ونزلي الرابط المحفوظ في المربع البجيك ثم اضغطي على اوكي .
.................................
المشكلة يا فايز عندما اعمل كليك على ينمين الصورة بجيني الكلام مكتوب بالعربي كالتالي:
- اعرض الصورة
- انسخ الصورة
- احفظ الصورة كـ
- ارسل الصورة
- اجعلها خلفية سطح المكتب
امنع الصورة من sudaneseonline
- بكل اتجاه
وهنا عندما اريد اختار properties عملت كليك في خصائص ولكن لا حياة لمن تنادي
وبعد داك جربت كل العناوين أعلاه من انسخ الصورة,, ارسل الصورة,,, اخفظ الصورة
وهسع ورينا من الأول ارجع العربي ده للإنجليزي كيف؟
وابدأ لي خطوة بخطوة .. من ألف باء تاء
والله يديك العافية
|
Post: #31
Title: Re: أين أساسي- عضو مجلس الإدارة الذي هددنا واختفى؟
Author: Safia Mohamed
Date: 07-26-2010, 05:35 PM
Parent: #30
الاستاذة اميمة
سلام والف مرحب
في الحقيقة لفتي نظري في كم بوست
ولمست فيك ابعاد كتيرة ايجابية
مرحب بيك اضافة نوعية للمنبر
بجد من غير مجاملة ولا كسير تلج
اما قصة الارهاب الذي يمارس على البرالمة فدي حاجة متوفرة بكثرة
ولكن مع ثباتك وقوة طرحك واسلوبك الرصين
واللي نابع من شخص يعرف ماذا يكتب وكيف ومتى
اتوقع ان لا يؤثر عليك نوع هذا الارهاب
ونحن بهناك متظرين السي في بتاعتك المقارنة مع سي في بتاعت منو ما عارف
القال ليك من اي مزرعة اتيت وقام زولنا دااك دافع عنك دفاع مستميت ولكن في محله لك وله التحية
توضيح:
"زولنا داك" و" منو ما عارف" لعدم تذكري للاسماء ولا تحمل اي دلالات اخرى
انا غايتو فرحانة بيك
وبوجودك واصلي
دروب الكتابة والتعبير ولا تلتفتي ل....
المهم
على قول تبارك سلام
سلام
صفية
|
Post: #32
Title: Re: أين أساسي- عضو مجلس الإدارة الذي هددنا واختفى؟
Author: اميرة السيد
Date: 07-26-2010, 05:55 PM
Parent: #31
عزيزتي صفية
تحية واحتراما
ده كله من ذوقك وان شاء الله أكون على حسن ظنك
وشايفاك انت ظلموك في بوست صلاح وكوستي
لكن ما دمتي زرت مدينة كوستي مرَة واحدة حتكوني تشبعت
بطيبة أهالي كوستي المدينة الحنينة....لكن ناس كوستي بيهظرو معاكي
واسلوبهم في غاية الاناقة والروعة كروعتك انت...
والله يديكي العافية يا صفية
|
Post: #45
Title: Re: أين أساسي- عضو مجلس الإدارة الذي هددنا واختفى؟
Author: حذيفه ابراهيم الكباشي
Date: 07-27-2010, 10:01 PM
Parent: #32
|
Post: #33
Title: Re: أين أساسي- عضو مجلس الإدارة الذي هددنا واختفى؟
Author: فايزودالقاضي
Date: 07-26-2010, 05:59 PM
Parent: #30
بعد الكلك اليمين على الوجه المختار تابعي الخطوات دي يااميرة ..
الخطوة الاولي : اختاري Properties
الخطوة التانية : ظللي الرابط من الـ(URL) Address) واعملي ليهو copy ثم OK ...
الخطوة التالتة : اضغطي على (اضف صورة ) كخطوة اولي وحايظهر لى الشكل 2 فنزلي فيه الرابط الحفظتيهو واعملي OK
الخطوة الرابعة : بعد الـOK حاينزل رابط الوجه على مربع الكتابة كما في الشكل الاسفل (بالمناسبة الوجه في مربع الحوار يظهر كرابط وليس كصورة ..)
لو ماوقع ليك ..ممكن بهدوء تسلمي الباسورد لبكري يستفيد منو غيرك ...
|
Post: #34
Title: Re: أين أساسي- عضو مجلس الإدارة الذي هددنا واختفى؟
Author: اميرة السيد
Date: 07-26-2010, 06:11 PM
Parent: #33
|
Post: #35
Title: Re: أين أساسي- عضو مجلس الإدارة الذي هددنا واختفى؟
Author: اميرة السيد
Date: 07-26-2010, 06:13 PM
Parent: #34
اديني فرصة اعمل تدريبات لفترة ثلاثة أو اربعة ايام وبعدين اذا فشلت
نعمل باقتراحك
|
Post: #36
Title: Re: أين أساسي- عضو مجلس الإدارة الذي هددنا واختفى؟
Author: محمد حسن العمدة
Date: 07-26-2010, 06:34 PM
Parent: #35
غايتو يا اميرة فايز دا عاوز يتعبك ساي شكلو اساسي محرشو عليك
امسكي الرابط دا واعملي الاتي :
ظللي اول
واعملي ليهو نسخ
وامشي محل ( اضف صورة )
واحشري في المستطيل البجيك
واعملي موافقة
http://www.sudaneseonline.com/db/smilies/biggrin.gif
اساسي ياخ ما تفك النفس وتجي تجاوب
محمد عطا دا اخير منو بتاع تفجيرات سبتمبر 
|
Post: #37
Title: Re: أين أساسي- عضو مجلس الإدارة الذي هددنا واختفى؟
Author: داليا الكباشى
Date: 07-26-2010, 06:36 PM
Parent: #36
أسـاسي دا منـو ..؟؟
في عضو هنا في البورد اسمو اساسي ..؟؟
|
Post: #38
Title: Re: أين أساسي- عضو مجلس الإدارة الذي هددنا واختفى؟
Author: Nasruddin Al Basheer
Date: 07-27-2010, 07:37 AM
Parent: #37
Quote: عندا كتبت أول موضوعي عن الترحيب بقبولي في المنبر العام.. هددني عضو المنبر اساسي , بوصفه عضو مجلس الادارة,
بالويل والثبور ولكنه اختفى بعد ذلك.. |
الزميلة أميرة السيد
البوست الأول مهم جداً بالنسبة للعضو الجديد لأنه يعطي أول انطباع عنه باعتباره قادماً جديداً على مجتمع جديد،
فهناك أعضاء في غاية الإلفة والحميمية، يظلوا يردون على الذين يرحبون بهم بفرح غامر وتواصل عامر، ويأتيك إحساس
قوي بأنهم يعرفون بعضهم منذ زمن طويل.. يوجد في الصفحة الأولى زميل جديد من هذا النوع، وصلت مداخلات الترحيب به
إلى صفحتين و مازال يرحب بالناس ويحتفي ويحتفل بترحيبهم به، وهذا يدلل على أن هذا الشخص إنسان راقي ومتواضع
وسليم الذوق ويألف الناس.
وهناك بعض القادمين الجدد هم عكس ذلك تماماً، يعتبرون أن قدومهم للمنبر منة منهم على أهله، وأن الترحيب بهم
واجب والرد على الترحيب بهم ليس مهماً.. وربما يرد هذا العضو على اثنين أو ثلاثة من المرحبين بمجاملة مصنوعة
وتكلف ظاهر وكلمتين تلاتة وبعد ذلك يزهج ويتأفف من المرحبين به، ثم يذهب هذا العضو الجديد إلى حال سبيله لفتح
بوستات جديدة وهو غير أبه بمن رحبوا به، فلربما يكون من الذين يبحثون عن الشهرة ويستعجلونها، لذلك لم يصبر على
أن يرد التحية بتحية مثلها أو أفضل منها، وهو غير مصدق أنه صار سودانيزي (المصطلح محفوظ للزميل عمر الحاج)، فيهرع
ليدبج البوست وراء البوست ليلحق بالأعضاء الجدد حتى تتساوى الكتوف ربما بعد أسبوع أسبوعين.. وهذا العضو يكون بهذا
التصرف قد أعطى انطباعاً سيئاً عن نفسه، أدناها أنه شخص يفتقد للبرستيج والذوق وربما يكون ينظر إلى الناس من برج
شاهق.. وهذا النموذج (للأسف) قدمته إلينا عضوة جديدة ما زالت تتلمس خطاها في العالم (السودانيزي).
لذلك أرى أن البوست الأول مهم جداً للعضو الجديد لتقديم انطباع جيد عن نفسه، وحتى لو اصطدم هذا العضو بأحد السناير،
عليه أن يتحمل ذلك ويصفح، ففي الغالب يكون ما قام به السنير هو فقط على سبيل الإغاظة أو الدعابة..
|
Post: #39
Title: Re: أين أساسي- عضو مجلس الإدارة الذي هددنا واختفى؟
Author: اميرة السيد
Date: 07-27-2010, 01:48 PM
Parent: #38
الأخ نصر الدين البشير
تحية واحترام
شكرا على المرور والرد وشكرا على النصيحة ومنكم نتعلم ونبحث عن الخطى السليمة وسط الأشواك
وتأكد بانني لم أشعر بتاتا بان عضوية المنبر العام منة ولكن اعتبره شرف كبير لأنضم لهذه الكوكبة المستنيرة
والذين نتعلم منهم كل يوم شئ جديد... أما بخصوص أول بوست كتبته لشكر المرحبين , فقد بدأت بالفعل في الرد
على المرحبين.. ولكن فجأة كان البوست قد اختفى لفترة أيام لمسائل متعلقة بإدارة المنتدى والتحقق من المعلومات
وعندما ظهر البوست مرة أخرى وبدأت في الردود اختفى البوست مرة أخرى لأن وتيرة الردود والمشاركات في المنبر العام سريعة جدا
حتى انك لتكتب مشاركة اليوم وبعد ساعة تجد أن هذا البوست قد اختفي داخل الصفحات وتبحث كثيرا عنه ولا تجده
ومرة أخرى شكرا على اهتمامك بالرد
والله يديك العافية
|
Post: #40
Title: Re: أين أساسي- عضو مجلس الإدارة الذي هددنا واختفى؟
Author: فايزودالقاضي
Date: 07-27-2010, 01:58 PM
Parent: #36
Quote: غايتو يا اميرة فايز دا عاوز يتعبك ساي شكلو اساسي محرشو عليك
امسكي الرابط دا واعملي الاتي :
ظللي اول
واعملي ليهو نسخ
وامشي محل ( اضف صورة )
واحشري في المستطيل البجيك
واعملي موافقة
http://www.sudaneseonline.com/db/smilies/biggrin.gif[/QUOTE]
هسي عليك الله الداير يتعبها منو يامحمد ..انا شرحت ليها كيف تستخدم كل الوجوه التعبيريه واريتو لو ينفع ...وانت جايبلها فت وش واحد ضاحك وعايزها تستخدمه ..طيب ياحبيب لو عايزة وش ببكي ولا صارى ولا وردة تسوى شنو ؟!!!
محمد عطا درس معاى في المتوسطة والثانوي وكان بجى التاني لمن انا اجي الاول ..
|
Post: #41
Title: Re: أين أساسي- عضو مجلس الإدارة الذي هددنا واختفى؟
Author: اميرة السيد
Date: 07-27-2010, 09:20 PM
Parent: #40
أظن كلامك صحيح يا ود فايز لأن الوجه العابس حنحتاج ليه كثير
والوجه الضاحك حنحتاج ليه بعض المرات
وهذه هي المحاولة الأولى لوجه عابس ,, وانا عاوزة 10 محاولات
|
Post: #42
Title: Re: أين أساسي- عضو مجلس الإدارة الذي هددنا واختفى؟
Author: اميرة السيد
Date: 07-27-2010, 09:23 PM
Parent: #41
أها يا ود فايز نجحت من المحاولة الأولى
لكن الوجه نازل بعيد من الكلام
وبعد كده نبدأ تدريبات كيفية وضع الصورة في المكان المناسب
والله يديك العافية
|
Post: #43
Title: Re: أين أساسي- عضو مجلس الإدارة الذي هددنا واختفى؟
Author: اميرة السيد
Date: 07-27-2010, 09:29 PM
Parent: #42
شكرا كتير الأخ ود فايز لقد نجحت أخيرا في وضع الصور
وفي المكان المناسب
وفي الحقيقة حكاية الصور بتنزل في شكل رابط دي كانت ملخبطاني شوية
لأني عندما انتهي من وضع الصورة ولا اجد غير كلام مكتوب اقوم أنسح الكلام
ولكن بمثابرتك في الشرح فهمنا الان الدرس الأول في تكنلوجيا النت..
وبالمناسبة في مواقع أخرى يكفي أن تعمل كليك في الصورة فقط وتظهر الصورة
في اسفل الموضوع...
والله يديك العافية
|
Post: #44
Title: Re: أين أساسي- عضو مجلس الإدارة الذي هددنا واختفى؟
Author: حاتم كاهن
Date: 07-27-2010, 09:42 PM
Parent: #43
أميرة
حمدالله على السلامة ..
كاهن
|
Post: #46
Title: Re: أين أساسي- عضو مجلس الإدارة الذي هددنا واختفى؟
Author: اميرة السيد
Date: 07-27-2010, 10:24 PM
Parent: #44
الله يسلمك يا حاتم
وشايفاك انت نجحت من أول محاولة
لكن بعدكده عشان نتدرب كل موضوع أو مشاركة حتكون معاها
وجوه ضاحكة ووجوه عابسة ووجوه متسائلة
|
Post: #47
Title: Re: أين أساسي- عضو مجلس الإدارة الذي هددنا واختفى؟
Author: لطفي علي لطفي
Date: 07-27-2010, 11:12 PM
Parent: #46
الحمدلله لقد تغير مسار البوست لكوبي اند بيست بوجوه ضاحكة
الف مرحب بيك يا اميرة
لطفي
|
Post: #48
Title: Re: أين أساسي- عضو مجلس الإدارة الذي هددنا واختفى؟
Author: خيرى بخيت خيرى
Date: 07-28-2010, 04:04 AM
Parent: #47
اساسى نساعدك شويه فى الاجابات
اشهر عضو المنبر محمد عبد الماجد الصايم
شايفك يااخوى رديت السوعال البتخص الجنس الناعم بث
ربنا يستر
|
Post: #49
Title: Re: أين أساسي- عضو مجلس الإدارة الذي هددنا واختفى؟
Author: ABUHUSSEIN
Date: 07-28-2010, 06:05 AM
Parent: #48
| Quote: أظن كلامك صحيح يا ود فايز لأن الوجه العابس حنحتاج ليه كثير |
| Quote: أها يا ود فايز نجحت من المحاولة الأولى |
| Quote: شكرا كتير الأخ ود فايز لقد نجحت أخيرا في وضع الصور |
أسمعي الوهم دا إسمو فايز ما ود فايز
|
Post: #50
Title: Re: أين أساسي- عضو مجلس الإدارة الذي هددنا واختفى؟
Author: داليا الكباشى
Date: 07-28-2010, 08:15 AM
Parent: #49
| Quote: في سودانيز اون لاين لا يوجد كل هذه الاصناف من النساء وتقريبا جلهن من القواعد من النساء |
افتكر تجي تعتذر بدري بدري ..!
|
Post: #55
Title: Re: أين أساسي- عضو مجلس الإدارة الذي هددنا واختفى؟
Author: فايزودالقاضي
Date: 07-28-2010, 02:57 PM
Parent: #51
| Quote: فايز ود القاضي وينك بالله |
هلا فيك هويدا ...إش لونك ؟!!!
اهو قاعدين !!!
|
Post: #54
Title: Re: أين أساسي- عضو مجلس الإدارة الذي هددنا واختفى؟
Author: فايزودالقاضي
Date: 07-28-2010, 02:52 PM
Parent: #50
| Quote: افتكر تجي تعتذر بدري بدري ..! |
الزول قالوا عندكم ...سلميهو للنبطشي الامنجي جندى السيد المسلمى لو ثبت لديك كحقيقة ملموسة تمشي على رجلين ..
|
Post: #53
Title: Re: أين أساسي- عضو مجلس الإدارة الذي هددنا واختفى؟
Author: فايزودالقاضي
Date: 07-28-2010, 02:47 PM
Parent: #49
| Quote: أسمعي الوهم دا إسمو فايز ما ود فايز |
نحن في السعودية دي ماجننونا الا العمرة ...
تجاوزيهو يااميرة عشان العشرة والوجوه التعبيرية البينا ...
|
Post: #52
Title: Re: أين أساسي- عضو مجلس الإدارة الذي هددنا واختفى؟
Author: فايزودالقاضي
Date: 07-28-2010, 02:37 PM
Parent: #43
الف مبروك يااميرة ويحق لك الاحتفال بهذه المناسبة ..
| Quote: ولكن بمثابرتك في الشرح فهمنا الان الدرس الأول في تكنلوجيا النت.. |
على كده نبدأ الدرس التاني والاصعب وهو كيفية انتحال الشخصيات العلمية الرفيعة المقام والسمينة الافكار ..
رسل لي الباسوورد بتاعك عشان انزل ليك فيهو الخطوات المهمة ...
ثم السلام عليكم ...
|
Post: #56
Title: Re: أين أساسي- عضو مجلس الإدارة الذي هددنا واختفى؟
Author: الصادق ضرار
Date: 07-28-2010, 10:51 PM
Parent: #52
رسل لي الباسوورد بتاعك عشان انزل ليك فيهو الخطوات المهمة ...
|
Post: #57
Title: Re: أين أساسي- عضو مجلس الإدارة الذي هددنا واختفى؟
Author: اميرة السيد
Date: 07-29-2010, 08:11 PM
Parent: #56
الأخ لطفي علي
ألف شكر على الترحيب وان شاء الله اكون على حسن ظنك
..
الأخ خيري
يبدو ان اجابتك صحيحة بأن اشهر شخصية في المنبر العام هو محمد عبد الماجد لأن صوره مليانة في كل البوستات
وعنده بوست كاتبه آدم موسي وشايل بطيخة بقي من ألطف البوستات في المنبر العام..
..
أبو الحسين
يعني ود فايز بعيد من ود القاضي
وعشان خاطرك يا فايز ود القاضي نائب عضو مجلس الادارة
...
العزيزة داليا
مفروض أساسي يجي يعتذر في التو اللحظة,, يعني أول ما نطق نطق كفرا... واذا ما جا اتذر ما خنصدق ان عضو مهم في مجلس الادارة
,,,
العزيزة هويدا شرف الدين
ألف شكر ومرحب بيكي وان شاء الله أكون على حسن ظنك
....
... فايز ود القاضي.. وما ود فايز ود القاضي: انتحال الشخصية ساهل جدا وهو ان تقوم بسرقة الباسويرد من صاحبه بعدة طرق:
الطريقة الأولى: هي طريقتك المشار إليها في ردك
الطريقة الثانية: أن تشتري ديسك يفك كل تشفيرات الباسويرد في كل المواقع وثمن الديسك 350 دولار امريكي
الطريقة الثالثة: تكون قاعد وراء الشخص وتبص الباسويرد عندما يقوم بكتابته
|
Post: #58
Title: Re: أين أساسي- عضو مجلس الإدارة الذي هددنا واختفى؟
Author: اميرة السيد
Date: 08-04-2010, 02:24 PM
Parent: #57
ود القاضي
تحية طيبة
ارجو أن تكمل جميلك وتدينا فكرة عن كيفية كتابة المقال أو التعليق بالحروف الكبيرة كتلك التي يكتب بها عزام حسن فرح
فقد حاولت أن أكبر الخط ولكن دون جدوى..
ويا عزام .. قدمنا ليك التهنشة بقدوم المولود في البوست المعني بذلك .. واذا ود القاضي الخبير ما قدر يفهمنا نكتب كيف بالحروف الكبيرة .. نرجو المساعدة وشرح الطريقة..
والله يديكم العافية
|
Post: #59
Title: Re: أين أساسي- عضو مجلس الإدارة الذي هددنا واختفى؟
Author: فايزودالقاضي
Date: 08-04-2010, 04:05 PM
Parent: #58
اميرة ..ٍسلامات ..
بكرى الله يسامحه مشغول بالادارة ومشاكل الانتحالات والنظام العام وسايب لى الشغل الفني المرهق ..فربنا يعيني مع الجمهور ..وطبعاً ليك الاولوية يااميرة ...
نجي لموضوعك :
Quote: ارجو أن تكمل جميلك وتدينا فكرة عن كيفية كتابة المقال أو التعليق بالحروف الكبيرة كتلك التي يكتب بها عزام حسن فرح
فقد حاولت أن أكبر الخط ولكن دون جدوى.. |
-تفتحي مربع الكتابة المعروف .
- اضغطي على كلمة (أكواد ) في اعلى يسار المربع ..
- ستظهر لك اكواد(روابط) كتيرة وفيها اشكال ومقاسات الخطوط .. وسط كل كود حاتلقى عبارة (اكتب النص هنا)..شكل هذه العبارة ولونها هو الذي سيظهر لك عند ادخالك مكانها المقال اوالعبارة التى تريديها ..يعني اختاري اى رابط من الروابط الموجودة وانسخيهو وختيهو في مربع الكتابة...بعد داك انسخي موضوعك او مقالك الكتبتيهو وختيهو محل عبارة(اكتب النص هنا) حايظهر ليك مقالك بالشكل الاخترتيهو ..ولو عايزة تكبري الخط فتشي رقم الخط في نفس الرابط حاتلقي "2" او "4" او "5" او اى رقم غيريهو لــ"7" او "8" او "9" انتبهي وانتي بتغيري الرقم ماتمسحي اى علامة او حرف عشان الكود مايتلخبط عندك ... واعملى (مشاهدة قبل نشره) عشان تتأكدي من الشكل النهائي ..
لو مافهمتي كالعادة نشوف طريقة صور برضو ..
ودي ..
فني خطوط عريضة واكواد / فايز
|
Post: #60
Title: Re: أين أساسي- عضو مجلس الإدارة الذي هددنا واختفى؟
Author: اميرة السيد
Date: 08-04-2010, 04:51 PM
Parent: #59
خطوط مختلفة
اكتب النص هنا
اكتب النص هنا
اكتب النص هنا
اكتب النص هنا
اكتب النص هنا
اكتب النص هنا
هي حجم الخط" size="2
,,,,,,,
شكرا ود القاضي للمساعدة لكن كالعادة فشلت في تطبيق النظرية وعندما ضغطت على أكواد ظهر لي ما تراه أعلاه أمامك ولم استطع الكتابة في اي سطر ..
ونرجو المزيد من الشرح وآسفة على الإزعاج
أميرة
|
Post: #61
Title: Re: أين أساسي- عضو مجلس الإدارة الذي هددنا واختفى؟
Author: فايزودالقاضي
Date: 08-05-2010, 02:32 PM
Parent: #60
اميرة ...ٍسلام ...
مادام انك وصلتي لصفحة الاكواد فدي خطوة مهمة ...
ناخد اول كود او رابط ونجرب عليهو ..
قومي انسخي الرابط الظاهر تحت ده ومحل مامكتوب (اكتب النص هنا) نزلي مقالك او الكلام العايزة تكتبيهو ، وده من غير ماتهبشي باقي الرابط ...لو عملتي كده بدقة حايظهر كلامك بنفس حجم الخط الظاهر وبنفس اللون واذا عايزة تزيدي حجم الخط شوفي في نص الرابط ذاته حاتلقي رقم "4" بعد كلمة size غيري الرقم ده لــ5 او 6 او 7 عشان تغيري حجم الخط ...
لاحظي اى سطر في الاكواد قايم بذاته ويعتبر خط لحاله ..لذلك ماتنسخي معاه اى رابط تحته ..
تحياتي ،،
|
Post: #62
Title: Re: أين أساسي- عضو مجلس الإدارة الذي هددنا واختفى؟
Author: اميرة السيد
Date: 08-05-2010, 02:52 PM
Parent: #61
الآن سأقوم بالتجربة ونحاول هذه المحاولة الأولى
(كتب النص هنا.). أهو عملنا نسخ لجملة " اكتب النص هنا" وعملنا لصق بعدما رجعت لمربع الكتابة
ولكن...
بعد ما عملت ارسال رجعت أشوف نجاح التجربة ويبدو أن هذه المسألة اصعب من نقل الوجوه الضاحكة بكثير..
لأن الشرح هنا غير وافي ..
والاسئلة هي:
- هل اكتب المشاركة اولا وبعد ذلك ابحث عن الأكواد أم ابحث عن الأكواد أولا وبعدين اكتب المشاركة؟
- عندما نذهب للأكواد ونجد جملة" اكتب النص هنا" هل ابدأ اكتب في نفس محل جملة " امتب النص هنا" أم أنسخ هذه الجملة وأرجع ألصقها في مربع الكتابة.. جربت المحاولتين وفشلت..
والله يجازيك بالخير ويديك العافية
|
Post: #63
Title: Re: أين أساسي- عضو مجلس الإدارة الذي هددنا واختفى؟
Author: فايزودالقاضي
Date: 08-05-2010, 03:08 PM
Parent: #62
Quote: والاسئلة هي:
- هل اكتب المشاركة اولا وبعد ذلك ابحث عن الأكواد أم ابحث عن الأكواد أولا وبعدين اكتب المشاركة؟ |
طيب رايك شنو كبداية اكتبيها على على صفحة ورد على جهازك ...وبعد داك افتحي مربع الكتابة ونزل الكود في الاول .. وبعد داك امشي انسخ الكتبتيهو في الوورد ونزليهو محل (اكتب النص هنا ) ..
| Quote: - عندما نذهب للأكواد ونجد جملة" اكتب النص هنا" هل ابدأ اكتب في نفس محل جملة " امتب النص هنا" أم أنسخ هذه الجملة وأرجع ألصقها في مربع الكتابة.. جربت المحاولتين وفشلت.. |
يااميرة انسخي الرابط كله ونزليهو في مربع الكتابة وبعد داك تنسخي كتابتك وتختيها محل (اكتب النص هنا )..
طبعاً منبر بكرى في الحاجة دي متخلف جداً ..
|
Post: #64
Title: Re: أين أساسي- عضو مجلس الإدارة الذي هددنا واختفى؟
Author: PLAYER
Date: 08-05-2010, 03:35 PM
Parent: #63
Quote: " size="2"
color=red
اكتب النص هنا |
أعملي هي لايت لاكتب النص هنا (او شيلي برة كلوكلو)......بعد دا نزلي كلامك في محلو...................
واذا عاوزة تكبري الخط........غيري الرقم 2 ل4 او 5
ولو دايرة تغيري اللون ..بدل blue أكتبي red او green
|
Post: #65
Title: Re: أين أساسي- عضو مجلس الإدارة الذي هددنا واختفى؟
Author: احمد الأمين على إدريس
Date: 08-05-2010, 04:12 PM
Parent: #64
يا ود القاضى
واحد من تلاميذك السابقين
سيك سيك معلق فيك ..أها شن قولك
أميرة السيد
إزيك وحبابك
طبعا استفادة الف من بوستك دا
الى ان يجيك اساسى ويلم الكراسى ..
برلوم زيك ويادوبك بتعلم فى الوشوش
|
Post: #66
Title: Re: أين أساسي- عضو مجلس الإدارة الذي هددنا واختفى؟
Author: فايزودالقاضي
Date: 08-05-2010, 04:31 PM
Parent: #65
ياحبيبنا احمد ..ٍسلامات ..
وينك ياخي ..مشتاقين والله ...
مرحب بيك في فصل الحضانة ده ...
|
Post: #67
Title: Re: أين أساسي- عضو مجلس الإدارة الذي هددنا واختفى؟
Author: Deng
Date: 08-05-2010, 05:29 PM
Parent: #66
البرلومة أميرة.
بالله أنت صدقتي مكنات الكوز التائب أساسي ده؟
|
Post: #68
Title: Re: أين أساسي- عضو مجلس الإدارة الذي هددنا واختفى؟
Author: خالد عبد الله محمود
Date: 08-05-2010, 05:45 PM
Parent: #66
أها و أساسي حصل ليهو شنو ؟؟
الوغد ده أنتحل شخصية عضو مجلس إدارة عديل كده ؟؟
غايتو الشايفو أنا أساسي هرش من داليا
خايف تمبس يحرموا من باسكن روبنز !! لوووووووول
فايز : قوم لف بالله مركب للبرلومة مكنة معاوية حسين و قاشر بيها أسه أنت الكلام ده ما عذبتنا لحدي ما فهمتوا لمن شرحناهوا ليكـ ..
مرحب بيكـ يا أميرة يا برلومة
|
Post: #69
Title: Re: أين أساسي- عضو مجلس الإدارة الذي هددنا واختفى؟
Author: اميرة السيد
Date: 08-05-2010, 07:30 PM
Parent: #68
احمد الأمين
PLAYER
Deng
خالد عبدالله
شكرا للمرور والتعليق
ويا أحمد يا برلوم أظنك استفدت كتير من ود القاضي لأنك الآن بتتفنن في رسومات الوجوه الضاحكة واشوفك جايب
وجه ضاحك متحرك في دائرة.. وهذه المرحلة نحن لسع ما وصلناها..
- PLAYER جربت هذه المحاولة وما نجحت ولكنى الآن بصدد اجراء تجربة اخرى
- يا خالد معقول أساسي بينتحل شخصية زول ثاني.. طبعا دي جريمة جنائية ممكن يتعاقب عليها بالسجن, وخاصة اذا هو
قرب من الحدود الأمريكية بعد انتهاء سياحته في تركيا..
|
Post: #70
Title: Re: أين أساسي- عضو مجلس الإدارة الذي هددنا واختفى؟
Author: اميرة السيد
Date: 08-05-2010, 08:04 PM
Parent: #69
اكتب النص هناشكرا كتير ود القاضي على هذه الدروس المجانية للتفقه في عالم تكنلوجيا المعلومات
وأنا متأكدة في برالمة كتار بستفيدوا من هذا الشرح... وأنا كنت عاوزة اقترح لناس الإدارة يفتحوا بوست
جديد بعنوان تكنلوجيا المعلومات وطريقة التعامل مع النت في سودانيز أون لاين تكون انت المشرف
وتجيب على اسئلة القراء..
والآن كتبت هذه المشاركة في الورد وذاهبة الآن للمنبر العام لاجراء تجربة الكتابة بالحروف الكبيرة
وبالفعل جيت وضغطت على أكواد وعملت نسخ للسطر الأول الذي تشاهده الآن أمامك وذهبت للورد وعملت نسخ للموضوع
وجيت هنا عملت ليه لصق ولكن لم تتغير الكتابة..
يعني فشل ثاني
لكن اعطيني فرصة أخيرة بعد شرح آخر مستفيض وبعد ذلك نشوف النتيجة,, واذا فشلت تاني ما حنحاول نقلد ناس عزام
ونكاب بحروف كبيرة وملونة.. وكفاية علينا الحروف الصغيرة,,, عشان على الأقل المنتقدين النظرهم ضعيف ما بيقدروا يقرأوا
الموضوع
|
Post: #71
Title: Re: أين أساسي- عضو مجلس الإدارة الذي هددنا واختفى؟
Author: فايزودالقاضي
Date: 08-05-2010, 10:49 PM
Parent: #68
| Quote: فايز : قوم لف بالله مركب للبرلومة مكنة معاوية حسين و قاشر بيها أسه أنت الكلام ده ما عذبتنا لحدي ما فهمتوا لمن شرحناهوا ليكـ .. |
طبعاً العينة دي يااميرة حاتقابلك كتير وخالد ده بالذات تعب في تعليمه اخوى المهندس محمدE سليمان لذلك ماتشتغلي بكلامه كتير ...
|
Post: #72
Title: Re: أين أساسي- عضو مجلس الإدارة الذي هددنا واختفى؟
Author: فايزودالقاضي
Date: 08-05-2010, 10:52 PM
Parent: #71
مبرووووووووووووووووووووووووووووووووووووووك يااميرة الخط العريض ..وعقبال ماتنزلى اغنية ..
|
Post: #73
Title: Re: أين أساسي- عضو مجلس الإدارة الذي هددنا واختفى؟
Author: اميرة السيد
Date: 08-06-2010, 01:31 PM
مبروك ليه؟؟؟
هسع المداخلة الأخيرة مكتوبة بحروف كبيرة؟؟
قلت ليك أنا فشلت وأقرأ الموضوع مرة ثانية
|
Post: #74
Title: Re: أين أساسي- عضو مجلس الإدارة الذي هددنا واختفى؟
Author: فايزودالقاضي
Date: 08-07-2010, 09:00 AM
Parent: #73
Quote: مبروك ليه؟؟؟
هسع المداخلة الأخيرة مكتوبة بحروف كبيرة؟؟
قلت ليك أنا فشلت وأقرأ الموضوع مرة ثانية |
طيب الكلام الكاتباه فوق ده كتبوا منه ؟!!
يااميرة انت عملتي كل الخطوات ولتكبير الخط عليك تغيير الــsize بتاع الحروف داخل الرابط يعني لو كان مقاس "4" اكتبي بدلها "9" او "8" ...
تحياتي ،،
|
|
|