Post: #1
Title: انتو المنبر ده هل فيهو ناس ممنوعين من :
Author: خضر حسين خليل
Date: 07-21-2010, 09:30 AM
Parent: #0
إستلام المسانجرات الداخلية
ـــ
ده غضب شنو ده ؟
|
Post: #2
Title: Re: انتو المنبر ده هل فيهو ناس ممنوعين من :
Author: خضر حسين خليل
Date: 07-21-2010, 09:32 AM
Parent: #1
الملاحظ إنو الناس ديل مشاركين ببوستات مهمة شديد
ـ
يعني الواحد ما يقدر يرسل بهناك نهائي
مع انو في بعض الحاجات بتحتاج يرسلوها بهناك
|
Post: #3
Title: Re: انتو المنبر ده هل فيهو ناس ممنوعين من :
Author: محمد عبد الماجد الصايم
Date: 07-21-2010, 09:39 AM
Parent: #2
ستاي أواي فروم مسنجر!
|
Post: #4
Title: Re: انتو المنبر ده هل فيهو ناس ممنوعين من :
Author: خضر حسين خليل
Date: 07-21-2010, 09:39 AM
Parent: #2
الواحد يكتب رسالة طويلة عريضة ويكتشف في النهاية
انو المسرسل ليهو ماسنجروا غير مفعل
والله حاجة تغيظ عديل
|
Post: #5
Title: Re: انتو المنبر ده هل فيهو ناس ممنوعين من :
Author: أيمن الطيب
Date: 07-21-2010, 09:42 AM
Parent: #4
عليك بالبريد وساعى البريد وإن تعذر فدربك عديل للDHL يا حليو,,,,
|
Post: #7
Title: Re: انتو المنبر ده هل فيهو ناس ممنوعين من :
Author: محمد عبد الماجد الصايم
Date: 07-21-2010, 09:47 AM
Parent: #5
بالمناسبة يا خضر ممكن هسي ترسل لي مسنجر تلقاهو
وداكـ الخور .. وممكن ترسل مسنجر ويصل في أمانة الله!
اسم المرسل ليهو المسنجر لو ما نفس المكتوب في البورض
المسنجر بمش الخــور طوالي .. خاصة في حال وجود اسم يحتمل
وجود فراغات أو عدم وجودها!
يعني لو رسلت مسنجر لـ (محمد عبدالماجد الصايم) بمش الخور
ولو رسلت المسنجر نفسو لـ (محمد عبد الماجد الصايم) بجيني!
نقطة بس بتفرق .. آمال إيه .. مش الحبشي قاعد معانا في البورض دا!
|
Post: #8
Title: Re: انتو المنبر ده هل فيهو ناس ممنوعين من :
Author: محمد عبد الماجد الصايم
Date: 07-21-2010, 09:48 AM
Parent: #7
أيمن الطيب الفوق دا لو رسلت ليهو بـ (ايمن الطيب) بمش الخور!
|
Post: #9
Title: Re: انتو المنبر ده هل فيهو ناس ممنوعين من :
Author: محمد عبد الماجد الصايم
Date: 07-21-2010, 09:49 AM
Parent: #8
بعدين في حاجات بكري قاعد يبالغ فيها عديل!
يعني موسى عيسى بكري بكتبو موسي عيسي!
وهكــذا دواليب!
|
Post: #10
Title: Re: انتو المنبر ده هل فيهو ناس ممنوعين من :
Author: محمد عبد الماجد الصايم
Date: 07-21-2010, 09:51 AM
Parent: #9
مع أمنياتي بأن يكون توضيحي مفيدا!!!
_
ذكرتني كلام شداد للصحافيين، قال ليهم:
بس جنكم غاغ غاغ غاغ وإنتو ما عارفين أييي حاجة!
|
Post: #12
Title: Re: انتو المنبر ده هل فيهو ناس ممنوعين من :
Author: خضر حسين خليل
Date: 07-21-2010, 09:57 AM
Parent: #7
Quote: نقطة بس بتفرق .. آمال إيه .. مش الحبشي قاعد معانا في البورض دا!
|
هل عندك دليل قاطع علي كلامك ده ياودالصايم
أرجو تزويدي بإقتباس أو رسالة أو أي حاجة
كلام ساي مامعانا
دي نوعرة منك ساي
|
Post: #6
Title: Re: انتو المنبر ده هل فيهو ناس ممنوعين من :
Author: داليا الكباشى
Date: 07-21-2010, 09:44 AM
Parent: #4
سيد البورض بيكتب الاسماء بي طريقه معينه !
تعمل كوبي بيست للاسم يا صديق , موش تكتبو كتابه .. ثمح !
والاحسن من دا كلو .. ترسل ليهو ايميل , والاحسن تضرب ليهو تلفون .. والاحسن انك تركب تمشي ليهو بالدرب ..
والاحسن من دا كلللو انك تقووم تلف !
|
Post: #11
Title: Re: انتو المنبر ده هل فيهو ناس ممنوعين من :
Author: خضر حسين خليل
Date: 07-21-2010, 09:54 AM
Parent: #6
دي اتش ال عديل يا ايمن
والله بتبالغ
طيب لو عايز ارسل ليهو مصاريف اعمل شنو ؟
امشي ليهو ولا الدبارة شنو؟
|
Post: #13
Title: Re: انتو المنبر ده هل فيهو ناس ممنوعين من :
Author: خضر حسين خليل
Date: 07-21-2010, 09:58 AM
Parent: #11
ياداليا
شنو مالك قاطعة مننا موية ونور
أنا بعمل كوبي بست ياداليا وماحصل كتبت اسم زول في ماسنجر
بدون اعمل الحركة دي ـ
ـ
غايتو الا كان بكري عامل ناس ممنوعين من الصرف
|
Post: #14
Title: Re: انتو المنبر ده هل فيهو ناس ممنوعين من :
Author: أيمن الطيب
Date: 07-21-2010, 10:06 AM
Parent: #13
Quote: طيب لو عايز ارسل ليهو مصاريف اعمل شنو ؟
امشي ليهو ولا الدبارة شنو؟ |
ترسلا ليهو SMS دايره ليها درس عصر دى يا خلف الله إنت!!!
أو أدينى ليها أنا بحولا ليهو ,,Westrn Union
والله فعلا غاغ غاغ غاغ غاغ تقول قعونجات بس,,
موضوع محسوم أصلا تعملو منو غاغة تلاتة يوم!!
إنت من بورداب الشرقية؟؟؟؟
|
Post: #15
Title: Re: انتو المنبر ده هل فيهو ناس ممنوعين من :
Author: خضر حسين خليل
Date: 07-21-2010, 10:09 AM
Parent: #14
| Quote: إنت من بورداب الشرقية؟؟؟؟ |
أنا كنت من بورداب الشرقية
لكن حالياً
ــــــ
أخوك مهندز
|
Post: #16
Title: Re: انتو المنبر ده هل فيهو ناس ممنوعين من :
Author: محمد عبد الماجد الصايم
Date: 07-21-2010, 10:16 AM
Parent: #15
بس أوع تكون وصلت مرحلة الديكـ!
كاااااااااااااااااااااااااااكـ!
|
Post: #18
Title: Re: انتو المنبر ده هل فيهو ناس ممنوعين من :
Author: خضر حسين خليل
Date: 07-21-2010, 10:20 AM
Parent: #16
ياتو مرحلة ياودالصايم
غايتو كان قاصد المرحلة ديك
فأخوك يدعوك للاستماع لأبوعركي وهو يردد :
تجربة
تجربة
تجربة
خطيرة جد
وإنت عارف الحصل شنو بعد داك
|
Post: #17
Title: Re: انتو المنبر ده هل فيهو ناس ممنوعين من :
Author: داليا الكباشى
Date: 07-21-2010, 10:16 AM
Parent: #15
يعلم الله ونستكم سمحه بي جاي ,
لكن سمعتنا على المحك بي غادي يا رفاق !
فتكم بي عافيه ..
|
Post: #19
Title: Re: انتو المنبر ده هل فيهو ناس ممنوعين من :
Author: هشام آدم
Date: 07-21-2010, 10:22 AM
Parent: #17
خضر حسين يا حبيب .. عااارفك زعلان مني وأنا عاارف إني مُصّر معاك
لكن وحات العُشرة مُشتاق ليك شديد .. أسمعني: بتعرف أكرم بوكاب؟
________
أيمن الطيّب، إنتا من بورداب الشرقية؟
|
Post: #20
Title: Re: انتو المنبر ده هل فيهو ناس ممنوعين من :
Author: خضر حسين خليل
Date: 07-21-2010, 10:48 AM
Parent: #19
تصدق ياهشام
انو البوست ده عشانك انت .
حاولت ارسل ليك وفشلت
من ناحية انك مقصر مقصر فياريت تتصل علي 00249912491266
ــــــ
وبهذا نعلن للسادة المشاركين انو البوست حقق اغراضو
|
Post: #21
Title: Re: انتو المنبر ده هل فيهو ناس ممنوعين من :
Author: هشام آدم
Date: 07-21-2010, 10:59 AM
Parent: #20
خضر حسين يا حبيب .. تصدّق إني كنتَ حاسس؟!
بس يا حبيب ماسنجري شغال تش .. يمكن المشكلة عندك إنتا
على العموم ده الإيميل بتاعي مؤقتاً لغاية ما أتصل عليك
إنتا عارف آخر الشهر الواحد بيكون مفلس وكده
[email protected]
|
Post: #22
Title: Re: انتو المنبر ده هل فيهو ناس ممنوعين من :
Author: انعام حيمورة
Date: 07-21-2010, 11:29 AM
Parent: #21
| Quote: تعمل كوبي بيست للاسم يا صديق , موش تكتبو كتابه .. ثمح ! |
خضر ازيك
ابدا اها المسنجر ابو كوبي بيست دا ما بمشي ،
عشان اظن الهكر بمشي يلقط الباصوريردات من الحتة دي اها عمك بكري وقف الكوبي بيست للمسنجر الداخلي
بس يا خضر عليك تحفظ في راسك الاسم مكتوب كيف بالضبط وتمشي تكتبوا في المرسل اليه (عله يجده بخير)
اعمل بي نصيحتي دي والله
مع تحياتي للمعلم ود الصائم
|
Post: #23
Title: Re: انتو المنبر ده هل فيهو ناس ممنوعين من :
Author: خضر حسين خليل
Date: 07-21-2010, 11:49 AM
Parent: #22
يوم شكرك ما يجي يا انعام
مع اني جربت الطرق كلها تقريباً لكن سأحاول مرةً اخري
ـــــ
هشام ادم
ياخينا راجع ايميلك
قال آخر الشهر قال
ده التلت الاخير ياصاحب
|
Post: #24
Title: Re: انتو المنبر ده هل فيهو ناس ممنوعين من :
Author: عبدالوهاب علي الحاج
Date: 07-21-2010, 12:34 PM
Parent: #23
خدروكة ياحبيبنا
في حالة انا حصلت لي برضو بكري رغم انو كاتب انو المسنجر يمكن كتابتو لحدي 1000 حرف لكن مرات
لو زاد فوق الـ 800 حرف ما بيمشي اها انا في تجربتي البحكي ليك عنها دي بديت انقص في الكلمات الما مهمة
لحدي ما بقى عدد الحروف 500 ولما وصل الرقم لـ 500 لغيت الرسالة واعتبرتها غير مهمة ... عليك الله ياخضر زول كاتب 900 حرف يقوم يختصرها لـ 500 انا اتخيل لي فيها عدم احترام للمرسل اليه فأكتفيت بارسال التحايا والاشواق وطلبت منو الاتصال
____
قصة واقعية بتصرف غير مخل
|
Post: #25
Title: Re: انتو المنبر ده هل فيهو ناس ممنوعين من :
Author: محمد عبدالرحمن
Date: 07-21-2010, 12:46 PM
Parent: #24
| Quote: بس جنكم غاغ غاغ غاغ وإنتو ما عارفين أييي حاجة |
ياسلاااااام ياشداد ..
|
Post: #26
Title: Re: انتو المنبر ده هل فيهو ناس ممنوعين من :
Author: خضر حسين خليل
Date: 07-21-2010, 12:54 PM
Parent: #25
وهبة ازيك
والله انت لما تكون وديع الواحد ما بعرك زاتو ؟
حقو الزول يسميك الاستاذ وهبة
علي غرار الاستاذ تمبس
ـ
والله انا جربت كل السبل واي عدد حروف استعملتو
لكن تقول شنو بكري ده ببالغ بس
مشتاقين ياعمك
|
Post: #28
Title: Re: انتو المنبر ده هل فيهو ناس ممنوعين من :
Author: خضر حسين خليل
Date: 07-21-2010, 01:02 PM
Parent: #26
يحي العظام وهي رميم والله
انت يامحمدعبدالرحمن الجابك هنو شنو
صحبي ولا بتعرفني ؟ زمان كنت صحبي
هسي مافي اي حاجة بيناتنا
انا زهجان منك زاتو
|
Post: #29
Title: Re: انتو المنبر ده هل فيهو ناس ممنوعين من :
Author: أيمن الطيب
Date: 07-21-2010, 01:20 PM
Parent: #26
سلام يا هشام| Quote: أيمن الطيّب، إنتا من بورداب الشرقية؟ |
يا ريت,, على الأقل الواحد كان يكون قريب من ود الخير وبوكرامى والحبشى الفتّة دا,,
ويشوف بعيونو فليس من رأى كمن قرأ,,
ومنها الواحد مرة مرة يمارس هواياتو
القديمة,,
كلمة بورداب هذى تذكرنى دائما بكلمة لوتراب ودلالات إستلاب أخرى تتركبنا ركوب الجن,,,
أنفع مثقف ولا لأ... 
خدورى يا أنيق ,,
إنت فاتح لينا بوست إنصرافى عشان نجى ننصرّف فيهو تانى ليه ما حضرت المحاضرة الأخيرة !!!!
تحياتى
|
Post: #31
Title: Re: انتو المنبر ده هل فيهو ناس ممنوعين من :
Author: خضر حسين خليل
Date: 07-21-2010, 01:46 PM
Parent: #29
انيق كيف يا ايمن انت ما متابع ولا شنو
انا مهندز ياخ
مهندددددددددز
| Quote: إنت فاتح لينا بوست إنصرافى عشان نجى ننصرّف فيهو تانى ليه ما حضرت المحاضرة الأخيرة !!!! |
والله يا ايمن زول انصرافي غيرك مافي في المنبر ده
ياخ ده بوست عندوا قضية تقول لي ننصرف فيهو
|
Post: #27
Title: Re: انتو المنبر ده هل فيهو ناس ممنوعين من :
Author: Tragie Mustafa
Date: 07-21-2010, 01:01 PM
Parent: #25
خضر سلام
Quote:
انتو المنبر ده هل فيهو ناس ممنوعين من :
إستلام المسانجرات الداخلية
ـــ
ده غضب شنو ده ؟ |
هذه تجربه حقيقيه
بعد عودتي للبورد
اولا كانت بستقبل بس وتلقاني كتبتها في كم مداخله
انه بكري حاظرني من الماسنجر!!وسالتب بكري كم مره وقال لي الكلام ده ما صحيح
وطبعا ما صدقته البكتب لي بقدر ارد ليه لكن انا كده ارسل مستحيل
وحكايو كوبي وبست دي مجربنها وطبعا عارفنها وعارفنا مخضرمين هنا؟؟!!
لكن حقيقي ننضفت الجهاز بس لاحقا نضافه شديده يعني مسحت حتى الويندوزو
وعملت له فورمات وبعدها لقيت مسانجري ذاته الما بيغابني حارق تش
فعرفت باني ظلمت بكري!!
وكنت طبعا تحدثت مع معارضين مخضرمين وبرضو شكوا نفس الشكيه
واعتقدت جازمه بان هذه الخلاصه حقيقيه!!
مش كده وبس بل اعطيت بعض من اثق فيهم باس وردي....ليجربهوا لي وفعلا
من كمبيوتراهم كان عادي ارسال الماسنجر فعرفت ما الذي يحدث عندي!!
ولكن صدقني هي مجرد كوكيز
|
Post: #30
Title: Re: انتو المنبر ده هل فيهو ناس ممنوعين من :
Author: اميمة مصطفى سند
Date: 07-21-2010, 01:43 PM
Parent: #27
أها يا خضر أنا من المحظورين والا ما فكرت
من الأساس تسأل مني وترسل لي وأنا في بلاد الغربة البعيييييييييييييدة
: بوست إنصرافي المفروض يبقى كله كاكااااااااااااااات
كامل التضامن مع أيمن
|
Post: #32
Title: Re: انتو المنبر ده هل فيهو ناس ممنوعين من :
Author: أيمن الطيب
Date: 07-21-2010, 01:57 PM
Parent: #30
يا خدورى خلينا فى المهم..
كلم لى خالتك تراجى دى تدينى باسويردها أجربو ليها!!!
كان بتثق فينى يعنى وكدا,,,
أميمة سند إقنوووووووووووووورد
يلا إنصرفى,,
|
Post: #33
Title: Re: انتو المنبر ده هل فيهو ناس ممنوعين من :
Author: اميمة مصطفى سند
Date: 07-21-2010, 02:03 PM
Parent: #32
Quote:
أميمة سند إقنوووووووووووووورد
يلا إنصرفى,, |
أبيت يا أيمن..أصلا أنا الغلطانة البتضامن معاك
|
Post: #36
Title: Re: انتو المنبر ده هل فيهو ناس ممنوعين من :
Author: أيمن الطيب
Date: 07-21-2010, 02:14 PM
Parent: #33
تانى إقنوووووووووورد,,,,
|
Post: #37
Title: Re: انتو المنبر ده هل فيهو ناس ممنوعين من :
Author: خضر حسين خليل
Date: 07-21-2010, 02:17 PM
Parent: #32
Quote: كلم لى خالتك تراجى دى تدينى باسويردها أجربو ليها!!!
|
وطيب نفترض انو خالتي دي ادتك الباس ويرد عايز تجرب شنو ؟
انت وليدالخير ولا شنو
جابت ليها وليدالخير كمان
| Quote: كان بتثق فينى يعنى وكدا,,, |
الثقة في محلها
لكن بي صراحة البلد دي بقت ما مضمونة
|
Post: #34
Title: Re: انتو المنبر ده هل فيهو ناس ممنوعين من :
Author: خضر حسين خليل
Date: 07-21-2010, 02:13 PM
Parent: #30
Quote: من الأساس تسأل مني وترسل لي وأنا في بلاد الغربة البعيييييييييييييدة
|
والله بتبالغي يا اميمة
وانت قايلاني اكتشفت المسألة دي كيف ؟ جيت ارسل ليكي انتي وهشام آدم
لقت الحصل ده
عاملة شنو يازولة مع القراية ام دق
|
Post: #35
Title: Re: انتو المنبر ده هل فيهو ناس ممنوعين من :
Author: خضر حسين خليل
Date: 07-21-2010, 02:14 PM
Parent: #27
تراجي ازيك
والله شايفك الليلة نجمة المنبر دون منازع
غايتو كويس اللقيتي لينا وكت تجينا بي جاي
انا شاكي في بكري ياتراجي
الزول ده بتاع حركات
|
Post: #38
Title: Re: انتو المنبر ده هل فيهو ناس ممنوعين من :
Author: Amira Elsheikh
Date: 07-21-2010, 03:16 PM
Parent: #35
| Quote: وبهذا نعلن للسادة المشاركين انو البوست حقق اغراضو |
كااااااااك,,
نرجع بالفى يدنا دا ياخضر ولاكيف?
|
Post: #39
Title: Re: انتو المنبر ده هل فيهو ناس ممنوعين من :
Author: GamarBoBa
Date: 07-21-2010, 08:33 PM
Parent: #38
ياخي النقة شنو
اعمل كوبي بيست للاسم وامسح الحرف الاخير او اي حرف واكتبه تاني في الاسم بس زح من حروف المد.
|
Post: #42
Title: Re: انتو المنبر ده هل فيهو ناس ممنوعين من :
Author: مرتضى احمد عبد القادر
Date: 07-21-2010, 09:16 PM
Parent: #39
| Quote: اعمل كوبي بيست للاسم وامسح الحرف الاخير او اي حرف واكتبه تاني في الاسم بس زح من حروف المد. |
المد والجزر
معا من أجل عودة مسنجر خدر حارق تش ليضع حدا داحس والغبراء وبهدي الغنية لقمر بوبا
نادهه لي أي ابوي شاكر وخدر حلال مشاكل
|
Post: #46
Title: Re: انتو المنبر ده هل فيهو ناس ممنوعين من :
Author: خضر حسين خليل
Date: 07-21-2010, 09:40 PM
Parent: #42
مورتا
شايفك بهناك
قلت لي الظهران ربي عيالو
ياخ قرقرقرقر عديل
والله انت زول لماح بشكل عجيب
|
Post: #47
Title: Re: انتو المنبر ده هل فيهو ناس ممنوعين من :
Author: خضر حسين خليل
Date: 07-21-2010, 09:41 PM
Parent: #39
ياقمر بوبا
اليومين ديل ايام احصاء ساي وينك مختفي
بخصوص الماسنجر انا قنعت منو ياخينا
خلينا في هوت ميلنا احسن
|
Post: #48
Title: Re: انتو المنبر ده هل فيهو ناس ممنوعين من :
Author: خضر حسين خليل
Date: 07-21-2010, 09:42 PM
Parent: #38
اميره
الشيك
ازيك يازوله حرم ماترجعي ساي
ــ
حرم دي بالمناسبة يعني شنو بالضبط ؟
|
Post: #40
Title: Re: انتو المنبر ده هل فيهو ناس ممنوعين من :
Author: mayada kamal
Date: 07-21-2010, 08:56 PM
Parent: #35
Quote: انا شاكي في بكري ياتراجي
الزول ده بتاع حركات |
بتاع حركات ساي !!!!
بكري بتاع حركات مسلحة أدييييييييييل
يا خضر ازيك
|
Post: #41
Title: Re: انتو المنبر ده هل فيهو ناس ممنوعين من :
Author: اسماء الجنيد
Date: 07-21-2010, 09:16 PM
Parent: #40
| Quote: طيب لو عايز ارسل ليهو مصاريف اعمل شنو ؟ |
تقوم تسمع كلام الحبيبة دلوش ودي وتاخد ليك لفة كااربة وحوامة وتجي راجع
هي وينها القروش البرسلوها الزمن ده
خضر ازيك ياخ دائما بوستاتك ومداخلاتك بطلع الناس من كتاحة نصة نهار
شكرا همبريبا...
|
Post: #43
Title: Re: انتو المنبر ده هل فيهو ناس ممنوعين من :
Author: داليا الكباشى
Date: 07-21-2010, 09:27 PM
Parent: #41
| Quote: نادهه لي أي ابوي شاكر وخدر حلال مشاكل |
الاغنيه دي بتاعت زار !
----------
الحبيبه سومه الجنيد , مشتاقيين ياخ!
|
Post: #49
Title: Re: انتو المنبر ده هل فيهو ناس ممنوعين من :
Author: خضر حسين خليل
Date: 07-21-2010, 09:44 PM
Parent: #43
يا داليا
لو سمحتي بالله البوست ده عندو قضية محورية وقضية انصرافية فياخ
ما تشتاقي لينا فيهو
الواحد يتعب يعمل بوست تجوا تنصرفوا لينا وتشتاقو لينا فيهو ببساطة
عالم وهم
|
Post: #44
Title: Re: انتو المنبر ده هل فيهو ناس ممنوعين من :
Author: خضر حسين خليل
Date: 07-21-2010, 09:38 PM
Parent: #41
يا سوما
ازيك
جداً حآخد لفة لكن بي صراحة ما اجي والقي القصة ما اتحلت
انا يتخيل لي كده انو المنبر ده مسكون
مشتاقين يازولة
|
Post: #45
Title: Re: انتو المنبر ده هل فيهو ناس ممنوعين من :
Author: خضر حسين خليل
Date: 07-21-2010, 09:40 PM
Parent: #40
مياده ازيك
عاملة شنو
انتي في مليزيا لسع ولا وين بالضبط ؟
حركات مسلحة ما معانا
|
Post: #50
Title: Re: انتو المنبر ده هل فيهو ناس ممنوعين من :
Author: حسبو عكاشة
Date: 07-21-2010, 09:52 PM
Parent: #45
يا خدوري
احب ابلغك إنو مشكلتك كانت في الاسبلينج, لانو كان عندي نفس المشكلة و يا دوب إتحلت و عملته تيست و رسلته لي مورتا
و كان التيست كالاتيQuote: Date: 21-07-2010, 08:16 م
From: مرتضى احمد عبد القادر
To: حسبو عكاشة
Subject: Re: وصل ؟؟؟
وصل يا بت الشيخ :)
|
:) :) :)
--
عقبالك كمان
|
Post: #51
Title: Re: انتو المنبر ده هل فيهو ناس ممنوعين من :
Author: خضر حسين خليل
Date: 07-21-2010, 09:56 PM
Parent: #50
طيب ليه الايميل بتاع كباكا وصل
في حين انو بتاع جلة ماوصل
رغم انو الاسبلنق صاح ياحسبو ياودام حسبو
|
Post: #52
Title: Re: انتو المنبر ده هل فيهو ناس ممنوعين من :
Author: حسبو عكاشة
Date: 07-21-2010, 10:04 PM
Parent: #51
Quote: طيب ليه الايميل بتاع كباكا وصل
في حين انو بتاع جلة ماوصل
|
شوف يا خضر,,
دي اخر مره اوضح ليك فيها
امبارح (عظمة) قال لي كباكا... الموضوع دا إتسجل و بتترتب عليه محاكمه
و لو عايز التسجيل انا ممكن ارسلو ليك, بس حل موضوع المسنجر دا
__
بالمناسبة: هيثم الليله قال لي انو شرع في الرد في موضوع المرادمة
و ببلغك التحايا
|
Post: #53
Title: Re: انتو المنبر ده هل فيهو ناس ممنوعين من :
Author: مرتضى احمد عبد القادر
Date: 07-21-2010, 10:09 PM
Parent: #52
انا في غضون دقايق حأنزل المرادمه بس خدر يقول لي قنعته من البوست
|
Post: #57
Title: Re: انتو المنبر ده هل فيهو ناس ممنوعين من :
Author: خضر حسين خليل
Date: 07-21-2010, 10:31 PM
Parent: #53
نزل طوالي يامورتا
اصلا البوست ده انا زاتي عايز اردم فيهو بكري
|
Post: #75
Title: Re: انتو المنبر ده هل فيهو ناس ممنوعين من :
Author: سلمى الشيخ سلامة
Date: 07-23-2010, 12:07 PM
Parent: #57
| Quote: اصلا البوست ده انا زاتي عايز اردم فيهو بكري |
اردم نفسك بينك وبين عن اخلاصنا
كيف تتجاهل شوقنا البينا ؟
ردم يردم فهو رادم
"انا رادم فى حبك لو قصدى
وانا رادم بالجمال والحور
علمت قلبك يبقى نفور "
نفور نفور وتحيا مصر
مش قلت قنعان منه بوستيك دا
بوستيك ولا نبق الجيران
او كما قال
قومو الى بوستاتكم يرحمكم الله
بوستا ما بوستك جر فوقو السربعة
وكان ما مشت اعملهم اربعة
اربعة وعقاب شهر
شهر الخميس الفات الفرق الحبان
الحبان الليلة وين؟
وين انتو ما بنتو
بنتو ؟
بنتو انا بالله شوف الزول دا؟
الزول دا جننى
اتجننت وبمحلبية كمان
زهجانة ولا شنو الحصل
بالجد زهجانة ليه ياعيون مالك بتبكى ؟
بالجد زهجة فكيناها فى بيتكم دا
شكرا للاذاعة لاتاحتها الفرصة
|
Post: #56
Title: Re: انتو المنبر ده هل فيهو ناس ممنوعين من :
Author: خضر حسين خليل
Date: 07-21-2010, 10:30 PM
Parent: #52
عمليه امبارح دي ماعافيها ليكم ياحسبو
انا مع هيثم وباكر من الصباح حنفتح بوست بخصوص هجاء هيثم
|
Post: #59
Title: Re: انتو المنبر ده هل فيهو ناس ممنوعين من :
Author: حسبو عكاشة
Date: 07-21-2010, 10:36 PM
Parent: #56
| Quote: انا مع هيثم وباكر من الصباح حنفتح بوست بخصوص هجاء هيثم |
انتو حكايتكم شنو!!
إنت مع هيثم, و مورتا مع هيثم
طيب خليتو لي منو!!, جيمي الكرواتي !!
|
Post: #60
Title: Re: انتو المنبر ده هل فيهو ناس ممنوعين من :
Author: خضر حسين خليل
Date: 07-21-2010, 10:39 PM
Parent: #59
حسبو يكتب للاصالة
ولمة الناس الحياري
|
Post: #54
Title: Re: انتو المنبر ده هل فيهو ناس ممنوعين من :
Author: محمد البشرى الخضر
Date: 07-21-2010, 10:11 PM
Parent: #50
يا خضر ما يخموك الناس ديل لا اسبلنج لا كوبي بيست
المسنجر دا توفيق من الله
حسبو يا مدعو
شنو اسبلنج و بتاع
عايز تعمل رايح من الـ Done القدر الليلة وبكرة ديك ولاّ كيف
|
Post: #55
Title: Re: انتو المنبر ده هل فيهو ناس ممنوعين من :
Author: حسبو عكاشة
Date: 07-21-2010, 10:19 PM
Parent: #54
ود البشري يا رايقQuote: حسبو يا مدعو
شنو اسبلنج و بتاع
عايز تعمل رايح من الـ Done القدر الليلة وبكرة ديك ولاّ كيف |
غايتو لو ما مناشدتك الامبارح لي بت الشيخ كان لي هسه اكون لايص زي خدوري دا
|
Post: #58
Title: Re: انتو المنبر ده هل فيهو ناس ممنوعين من :
Author: خضر حسين خليل
Date: 07-21-2010, 10:32 PM
Parent: #54
والله كان توفيق ياودالبشري نسأل الله السلامة والتوفيق
كان حقارات ماعارفين
كان شنو زاتو ماعارفين
قال توفيق قال
توفيق الحكيم؟
|
Post: #61
Title: مرادمة شعرية
Author: مرتضى احمد عبد القادر
Date: 07-21-2010, 10:43 PM
Parent: #58
قصيدة حسبو بلسان الجامد يحكي عن احلام الجامد بكتابة الشعر الغنائي مثلما فعل هيثم
نفسي اكتب لي قصيده .. و احمد الصادق يجيده
غنية تحمل للمعاني..و تنثر الدرر الفريدة
تحوي في طياته فكرة.. و ذكريات مره و تليدة
كلمة حلوه و لحن ااسر .. و ينزل النص في الجريدة
و يخبو نجم الفاره هيثم.. ما الصباح عم البسيطة
انفرد بالساحة و اقدل.. ابقي جامد و ابقي سيدا
ارخي ناس إصطاف و أسو.. ما الحياة صبحت رغيده
تبقي جنصصتي ماركة.. و اقلع اللبسه الوحيدة
اطعني حقنة و جنز ناصل..نضارة شمسيه و حديدة
شارع الاحفاد طريقي.. سايق زواميكا شديدة
و الزمان يسعفني انسي.. ذكري ميعاد العنيدة
ادمنت ريدك للنهاية..و حبي ليك كان جد حقيقة
هل صحيح انكرتي حبي..هل صحيح انك غتيتة؟
حطمتي لي قلبي الرهيف.. حنكتي الفيني الجديدة
كم رصيداً فيك صرفتو.. و دمع ساخن فيك ذرفتو
كنت فاكرك تبقي لي.. بس حركتك ما شديدة
لكن بعد ظهرت حقيقتك..ما عندي ليكي ولا دقيقة
|
Post: #62
Title: Re: مرادمة شعرية
Author: مرتضى احمد عبد القادر
Date: 07-21-2010, 10:50 PM
Parent: #61
رد هيثم على حسبو
حسبوعاين لى حروفك
وانت عايش فى ظروفك
حقو تعرف انو نحنا
قامه اكبرمن حروفك
ولما نتنازل نهاترك
حقوتفرح يوم نشوفك
وهجعه الغربه ولهيبا
مابتغير فى المشاعر
والبفوت من غير حبيبه
عمرو عاد ماببقى شاعر
هيثم الفاره الجرحتو
خط اشعارزى حقيبه
وسكن الفرح الدواخل
وخلى لحظاتك سعيده
وكنت هيمان بى كلامو
حتى فتشت الجريده
وكل يوم تقراها وتعيدها
وناس بتسال عنى ديمه
وانت سايق الناس تجيبها
وشفت كيف البينى بينك
مسافه ماظنيت قريبه
حسبو احسب فى الالوف
واضرب الكبسه ام خروف
ورسل الكاش فى الظروف
وابقى ساكت ياخروف
مالك انت ومال غنانا
وانت ماعايش معانا
**
وانت شارد من سمانا
وانت فارقت السخانه
وانت ما محسوب معانا
جيمك الكرواتى صابر
والجامد الفرح المشاتر
واسو لسه مع المخاطر
ويوسف ينقل فى البنات
عندو هايس وعندو ذات
وعباده عايش فى الغلاط
خشه بين اسو حبيتو
وعدى قطر الريده فات
واسو جنه وزولو فات
واسو حايم فى الازقه
ويسال الاطفال بحده
وحده لسه وخمسه جات
وقصه الحله الجديده
صحبك اصطاف والبنات
والبنات بقو باللغات
انجليزى وخواجات
وكول يو انظر تايم
ولسه محمود جاروهايم
وصبغه طاشه وشعرو عايم
ودنيا حلوه مع النكات
ولسه عايشين بالامانى
ولمه الحب والمعانى
وديمه نكتب فى الاغانى
وسمنه يشرب فى القنانى
وريحه جايه وعيشه تانى
ولسه بيناتنا الموده
ولسه بيناتنا الصلات
وانت خليك فى الرياض
ومره ومره امشى جده
وقالو جده فيها كدّه
ومنى ليك تهانى عده
ونرجى ردك يامخده
|
Post: #63
Title: Re: مرادمة شعرية
Author: خضر حسين خليل
Date: 07-21-2010, 10:51 PM
Parent: #61
ديرين رد هيثم ومرادمتو لي حسبو
|
Post: #64
Title: Re: مرادمة شعرية
Author: حسبو عكاشة
Date: 07-21-2010, 10:59 PM
Parent: #63
| Quote: ديرين رد هيثم ومرادمتو لي حسبو |
مورتا بقصر!! ياهو دا جابو ليك فوق
يلا نزلو الرد بتاعي التاني و بطلوالغتاته :)
|
Post: #66
Title: Re: مرادمة شعرية
Author: خضر حسين خليل
Date: 07-21-2010, 11:09 PM
Parent: #64
غايتو هيثم بالغ في دي
Quote: والبفوت من غير حبيبه
عمرو عاد ماببقى شاعر |
أما دي مبالغة مبالغ مبالغة
Quote: حسبو احسب فى الالوف
واضرب الكبسه ام خروف
ورسل الكاش فى الظروف
وابقى ساكت ياخروف |
|
Post: #65
Title: Re: مرادمة شعرية
Author: مرتضى احمد عبد القادر
Date: 07-21-2010, 11:07 PM
Parent: #63
وجا رد المخده حسبو
ارخي جسمك يا قريبك و اطرد ابليس من طريقك
و ما تخلي الوجعة تكبر و تحجب البيناتنا اكتر
اخمد الغيرة الفي قلبك اطفي خوفك ونار لهيبك
و حاول افرز يا هبنق مين عدوك من صليحك
خلي بينك و بين غرورك ... زي مسافه
انت يا داب في بدايتك اهدا روق بطل لقافة
استهدي وسع لي مداركك
اسألنا بالافكار نشاركك
لسة درب الشهرة واسع ما تظن انك وصلته
و لما تنسجم المعاني ببقي شين لو جيت شترته
*****
قبل ما تنشر سمومك و تبدا تشتم في خصومك
امعن التفكير و قارن
بين فهمنا و ضيق رؤاك
بين تراجيديا الكتابة و عجز ما خطت يداك
بين معاني اصيله نادرة و نص بيحوي معاني فاترة
بين خطل زمن الرتابة و نجم بلمع في سماك
بين نضال حرف الصبابة وبين معزز و زهور رباك
حاول اتحسس دواخلك و برضو شوف موضع خطاك
تلقي جد سكتنا صعبة وغاية ابعد من مداك
******
لما ادمنا القوافي كنت يادوبك بتحبي
ولما جيت دكان فرنسا احتويناك بي فهمنا
مونتي اشجاك من روائعو و سمنه اهداك من زرايرو
هبيلة كان في عنفوانو و استريو كان سلطان زمانو
و لما شجعتك كتير ما لأنك انت فلته بل عشان خاطر دموعك
جيت و سمعتك فرزدق وكنت طمعان في نبوغك
تاخد النقلة و تجود بس شبكتني جلي انسي
و هسه لما بعدنا عنك جيت تسيء لي ذاتنا تقسي
*****
و لما اخترنا المنافي ما فهم كبسة خروف
كان قدر محتوم و و افي نقهر الهم و الظروف
المرتب ما بكفي العيد كمان عايز خروف
فرصة كانت للتحول خبرة و معارف و ناس صنوف
الوطن ما فيه فرصة عشان تحقق فيه ذاتك
و التناقض في الشوارع هو البعكنن ليك حياتك
ناس تخج شان تلقي منصب ساكنة برزخ من لألي
و ناس بتاكل عيش معتد و ساكنة بيت جالوصو بالي
و رورو داك يجيك ملطط و همو في نصية تاني
و الطارة غرفت ناس حلاوة و في الجنوبي لقو الطراوة
و الخلاص في ايدك انت في سلاح شعرك و صدقو
و انت آثرت السلامه تسكت انت و ديك يسرقو
انت غبيان ماك داري بالقضايا المفصلية
ساهي في ظنك و حنك و الليالي المخملية
كتمة في البيت الفلاني و قعدة في بري الفتية
لاهي ما قادر تفرق بين مغارزك و القضية
هل بتعرف مستغانمي ..!
فرويد .. الحلاج ... و غاندي.!
دافنشي ... يا العشا بي لبن
طيب سمعته ب(جومو) مرة..!
جيفارا ... يا كلك محن
نحن صقلتنا التجارب عركتنا زي خيلاً اصيلة
نسمو بالقيم النبيلة و ذكريات صافية و خميلة
حسبو بكتب للأصالة و لمة الناس الحياري
حسبو بكتب لي زمانو و للحبيبة اللسة راكزا
عن كباكة و صولجانو و عن كفاح باميلي بامزا
للوطن.. للأم و اطفال الشوارع
للمحبة و للمودة و ذكري تخليد لي كوارع*****
و لما ننظم للقصايد ما عشان حفنة دراهم
ما بنقابض في الجرايد و لا بنصارع في الولايم
لابس الهزاز و تقدل و ساقي شعرك زيت رتينة
جزمة صفرا و جنز ابيض و راخي سيقانك تكركب
ذنبو ايه السر يرافقك و انت غانج بالسمينه
عنيف كمان اوفاك بوعدو والله يكتب ليهو سعدو
و انت ما اوفيت بوعدك خوة لستك خوة فرتك
اقسم الارنب معاهم و سيب امورك يا مخستك
****
و انت مغمور يا حليلك و التنطع هد حيلك
احمد الصادق اهانك لما سجل و ما استشارك
حنكوك يا فارة حقك و انت زي الديك تكورك
حالك اصبح مزري جداً و بقيت تكركب زي ضقل
جيمك الكرواتي ثعلب و اصلو ما بتم الشغل
و بعد ما اصبحت شاعر قالو عايز تبقي تاجر
نحن بنجيد المعاني و انت بتبيع المشاعر
إنت يا سيد جلست
و من سمح قولنا اقتبسته
و في وحل ريد القواسي
انغمست و انغرست
ياخ بدل تكتب قصيدة
امشي اشرب ليك مديدة
و دامه في الخور امشي صيده
و خلي احلامك سعيده
يا خدر هيثم أسي إستلم خارطة الطريق أمس وقال لي بالحرف (حسبو بعدما فارق الخور داير يستهبل ويعمل فيها مناضل وعندو قضيه وانا بودي ليكم مذبلة التاريخ مش بقولو كدا المناضلين)
وأنا في إنتظار رد المبدع هيثم
|
Post: #67
Title: Re: مرادمة شعرية
Author: مرتضى احمد عبد القادر
Date: 07-21-2010, 11:11 PM
Parent: #65
يا حسبو غتاته شنو !! هيثم بالبيت دا بس إنتهى منك وقال النجيضه
Quote: حسبو احسب فى الالوف
واضرب الكبسه ام خروف
ورسل الكاش فى الظروف
وابقى ساكت ياخروف |
|
Post: #68
Title: Re: مرادمة شعرية
Author: عمر التوم
Date: 07-21-2010, 11:22 PM
Parent: #67
Quote: حسبو احسب فى الالوف
واضرب الكبسه ام خروف
ورسل الكاش فى الظروف
وابقى ساكت ياخروف |
حسبو انت ليه جايب لينا الكلام كل مرة ياااخ ؟
|
Post: #69
Title: Re: مرادمة شعرية
Author: حسبو عكاشة
Date: 07-21-2010, 11:50 PM
Parent: #68
خدوري الضرب البوريQuote: غايتو هيثم بالغ في دي
أما دي مبالغة مبالغ مبالغة |
عجبتك موش!!
طيب الزول دا في الرد الجاي لو شلتني شديد انا بديك صوت صوتين في الرد بتاعي :)
__
مورتا | Quote: وجا رد المخده حسبو |
المره الجايه حيكون معانا النجاد ذااااااتو :) :) :)
__
عمر التوم| Quote: حسبو انت ليه جايب لينا الكلام كل مرة ياااخ ؟ |
ما تاخد في بالك ياخ, الزول دا برضو قالQuote: ومره ومره امشى جده
وقالو جده فيها كدّه
|
يعني حسب كلامو, الخرفان في الرياض :) :)
|
Post: #71
Title: Re: مرادمة شعرية
Author: مرتضى احمد عبد القادر
Date: 07-22-2010, 00:15 AM
Parent: #69
لماذا لماذا يا حبيبي لماذا وانا كنكشته جنازه
دا مطلع قصيدة جديده للخال عظمـــــه ياخضر وهو عميد رواد الحته ديك قالو أمس وقال جاتي القريحه و قلته المطلع دا بس باقي القصيده ماجا كباكا قال ليهو قريحتك دي معناها قطعت رصيد يا عظمــــه
|
Post: #70
Title: Re: مرادمة شعرية
Author: حسبو عكاشة
Date: 07-21-2010, 11:56 PM
Parent: #65
مورتا| Quote: لما ادمنا القوافي كنت يادوبك بتحبي |
يا راااااااجل
جابت ليها تعديل كمان!!
اين الشفافية؟؟؟
--
اطالب بمنح حشورباسويرد بالمنبر
|
Post: #72
Title: Re: مرادمة شعرية
Author: محمد البشرى الخضر
Date: 07-22-2010, 05:40 AM
Parent: #70
وأنا اطالب بمنح كامل قروب شعراء مابعد ما بعد ما بعد ما بعد الحداسة العضوية
|
Post: #73
Title: Re: مرادمة شعرية
Author: خضر حسين خليل
Date: 07-22-2010, 07:29 AM
Parent: #65
Quote: لابس الهزاز و تقدل و ساقي شعرك زيت رتينة
جزمة صفرا و جنز ابيض و راخي سيقانك تكركب |
سبحان الله صحي يخلق من الشبه اربعين
جاني احساس ياحسبو انك قاصد حميده البيضة بالبيت الفوق ده
|
Post: #74
Title: Re: مرادمة شعرية
Author: حسبو عكاشة
Date: 07-22-2010, 11:04 PM
Parent: #73
خدوري| Quote: جاني احساس ياحسبو انك قاصد حميده البيضة بالبيت الفوق ده |
صعبتها مع هيثم لكن يا عمك!!
|
Post: #76
Title: Re: مرادمة شعرية
Author: Mohamed E. Seliaman
Date: 08-16-2010, 11:36 AM
Parent: #74
Quote: الملاحظ إنو الناس ديل مشاركين ببوستات مهمة شديد
يعني الواحد ما يقدر يرسل بهناك نهائي
مع انو في بعض الحاجات بتحتاج يرسلوها بهناك |
Quote: تصدق ياهشام
انو البوست ده عشانك انت .
حاولت ارسل ليك وفشلت
من ناحية انك مقصر مقصر فياريت تتصل علي 00249912491266
ــــــ
وبهذا نعلن للسادة المشاركين انو البوست حقق اغراضو
خضر حسين خليل |
سبق السيف الإيميل والماسنجر والجوال
قال حقق أغراضه قال
|
Post: #77
Title: Re: مرادمة شعرية
Author: Mohamed E. Seliaman
Date: 08-16-2010, 11:41 AM
Parent: #76
Quote: خضر حسين يا حبيب .. عااارفك زعلان مني وأنا عاارف إني مُصّر معاك
لكن وحات العُشرة مُشتاق ليك شديد .. أسمعني: بتعرف أكرم بوكاب؟
________
أيمن الطيّب، إنتا من بورداب الشرقية؟ |
Quote:
سلام يا هشام
Quote: أيمن الطيّب، إنتا من بورداب الشرقية؟
يا ريت,, على الأقل الواحد كان يكون قريب من ود الخير وبوكرامى والحبشى الفتّة دا,,
ويشوف بعيونو فليس من رأى كمن قرأ,,
ومنها الواحد مرة مرة يمارس هواياتو |
أستغفر الله العظيم
|
Post: #78
Title: Re: مرادمة شعرية
Author: Mohamed E. Seliaman
Date: 08-16-2010, 12:00 PM
Parent: #77
عملتها واضحة شديد يا خضر حسين خليل
قلت كيف؟
يا هشام ما تستعجل ؟
|
Post: #79
Title: Re: مرادمة شعرية
Author: Mohamed E. Seliaman
Date: 08-16-2010, 12:11 PM
Parent: #78
Quote:
إستلام المسانجرات الداخلية
ــ
ده غضب شنو ده ؟
الملاحظ إنو الناس ديل مشاركين ببوستات مهمة شديد
ـ
يعني الواحد ما يقدر يرسل بهناك نهائي
مع انو في بعض الحاجات بتحتاج يرسلوها بهناك |
خضر حسين خليل يرتجف على خلفية
بوست حيدر الزين: قصة الناقد سعيد (بوكرامي)
ويريد الوصول إلى هشام آدم لمنعه من الكلام المباح
|
Post: #80
Title: Re: مرادمة شعرية
Author: محمد عبد الماجد الصايم
Date: 08-16-2010, 12:18 PM
Parent: #79
وما هو الكلام المُباخ يا أخا العرب؟
|
Post: #81
Title: Re: مرادمة شعرية
Author: Mohamed E. Seliaman
Date: 08-16-2010, 02:16 PM
Parent: #80
الكلام المباح هو تفاصيل
جريمة انتحال اسم الناقد المغربي
|
Post: #82
Title: Re: مرادمة شعرية
Author: MOHAMMED ELSHEIKH
Date: 08-16-2010, 07:02 PM
Parent: #81
يا خدر يمكن عندك "تعثرات" في ماسينجرات تانية(حامياكا)
اصلها مربوطة مع بعض زي البنوك.
ولا اقولكم كما قال اخي علاء الدين:
شكلوووه
|
|