Post: #1 Title: اغنية لاهل العوض بالمنبر ولمحبي أغاني التراث Author: محمد عمر الفكي Date: 07-20-2010, 03:18 PM Parent: #0
والله ابننا عبد الرحمن ذو السنتين لما يسمعا التقول مجنون، يقعد يعرض صقرية لمن يعطش. مهدية لكل اهل العوض وانا منهم اولاد المسلمي خصوصاً العوض (ياقلب)، شيخ المحرب، ود شيقوق،ابوحريرة، سمية الحسن طلحة، عفاف ابوحريرة، ال البنا ولكل من فات ذكره من اهل العوض ونهديها برضو لود الصائم ولعمران حسن صالح مع انه مافي اي علاقة بتلمهم مع اهل العوض. بت ال###### البليلة خمسمائة تعديل عشان تنزل، والله قربت تعمل لي مشكلة مع ود المحرب.
Post: #3 Title: Re: اغنية لاهل العوض بالمنبر ولمحبي أغاني التراث Author: محمد عمر الفكي Date: 07-21-2010, 07:18 AM Parent: #2
نادر حبابك انت يا اخوي قائل عندي قروش بدر الدين الامير ولا عندي ميزانية مفتوحة زي الامنجى وهبة؟!!! انا عندي انترنت عادي وامس برفع في الملف النت فصل، لكن هسي بنزلها، الزم الصبر. الفيديو عبارة عن حلقة من برنامج اولاد البنا حديث الفن والادب التي كانت على قناة هارموني في رمضان الماضي وفيه اغنيتين دابي السار والفولاذ حديدو. انتظر صدقني بيستحقن.
Post: #4 Title: Re: اغنية لاهل العوض بالمنبر ولمحبي أغاني التراث Author: محمد عمر الفكي Date: 07-21-2010, 12:18 PM Parent: #3
واخيراً نزلت الاغنية وجاي في الطريق اتنين تانيات، بس الزول الجنبو تربيزة يبعدها ويتنقز.
Post: #5 Title: Re: اغنية لاهل العوض بالمنبر ولمحبي أغاني التراث Author: محمد عمر الفكي Date: 07-21-2010, 12:56 PM Parent: #4
Post: #7 Title: Re: اغنية لاهل العوض بالمنبر ولمحبي أغاني التراث Author: محمد عمر الفكي Date: 07-21-2010, 01:46 PM Parent: #6
اصبر يا الشامي لومك علي بعد ما لقيت برنامج تقطيع الفيديو دا والانترنت انعدل معاي شوية الا تقولوا كفى.
Post: #8 Title: Re: اغنية لاهل العوض بالمنبر ولمحبي أغاني التراث Author: محمد عمر الفكي Date: 07-21-2010, 02:42 PM Parent: #7
ود العز والبنية
Post: #9 Title: Re: اغنية لاهل العوض بالمنبر ولمحبي أغاني التراث Author: Amani Al Ajab Date: 07-22-2010, 02:17 AM Parent: #8
شكراً الأخ محمد عمر الفكي على هذه الإستراحة التراثية الجميلة .. لقد سافرت بنا إلى الأهل والعقاب مع الإبداع ..
Post: #10 Title: Re: اغنية لاهل العوض بالمنبر ولمحبي أغاني التراث Author: محمد عمر الفكي Date: 07-22-2010, 06:38 AM Parent: #9
الاخت العزيزة أماني تحية طيبة لك ولال العجب الكرام ولكل اهل الدندر. اغاني تدعو للفخر ومكارم الاخلاق وكريم الخصال مش تقوم بينا العربية وما شابهها من غثاء السيل.
Post: #12 Title: Re: اغنية لاهل العوض بالمنبر ولمحبي أغاني التراث Author: علي الكرار هاشم Date: 07-22-2010, 07:25 AM Parent: #10
يا عمر والله غناك أحمانا الشغل بس ... هل أنا من أهل العوض والله محبي التراث وهل يمكن الجمع بين الاثنين
مودتي
Post: #11 Title: Re: اغنية لاهل العوض بالمنبر ولمحبي أغاني التراث Author: لؤى Date: 07-22-2010, 07:18 AM Parent: #1
Quote: اغنية لاهل العوض بالمنبر
يا سيّد صباح الخير
العوض المسلّمي ؟
مشتاقين
Post: #13 Title: Re: اغنية لاهل العوض بالمنبر ولمحبي أغاني التراث Author: محمد عمر الفكي Date: 07-22-2010, 08:13 AM
يا علي هو التراث غير اهل العوض يمشي وين؟ كدي اسال لؤي دا باقي التراث دا كابيه في راسه دا كب وزير الري للبتاع داك.
العريس لا ما العوض المسلمي العوض على الله
والله مشتاقين وكتر خير التراث الجابك بهنا.
Post: #14 Title: Re: اغنية لاهل العوض بالمنبر ولمحبي أغاني التراث Author: محمد عمر الفكي Date: 07-22-2010, 08:31 AM Parent: #13
العريس لؤي العديل والزين
Post: #15 Title: Re: اغنية لاهل العوض بالمنبر ولمحبي أغاني التراث Author: الفاتح الجنيد Date: 07-22-2010, 08:44 AM Parent: #14
أهو دا الكلام البعدل الراس شكرا ود الفكى
Post: #16 Title: Re: اغنية لاهل العوض بالمنبر ولمحبي أغاني التراث Author: محمد عمر الفكي Date: 07-22-2010, 09:01 AM Parent: #15
الفاتح تحت الخدمة ويسلم راسك. لو قلت لك قفلت باب المكتب واخدت لى عرضات سمحات بتصدقني؟
Post: #17 Title: Re: اغنية لاهل العوض بالمنبر ولمحبي أغاني التراث Author: بدر الدين الأمير Date: 07-22-2010, 09:10 AM Parent: #16
Quote: انت يا اخوي قائل عندي قروش بدر الدين الامير
محمد عمر يا اخوى انا اكان عندى قروش بصاحب الرجرجة والدهماء امثال معتزالقريش وعزام فرح وكيكى وعمادعبدالله وبعدين يامحمد هل سكان اربجي يعتبرو اهل عوض ام لا
Post: #18 Title: Re: اغنية لاهل العوض بالمنبر ولمحبي أغاني التراث Author: محمد عمر الفكي Date: 07-22-2010, 09:33 AM Parent: #17
Quote: محمد عمر يا اخوى انا اكان عندى قروش بصاحب الرجرجة والدهماء امثال معتزالقريش وعزام فرح وكيكى وعمادعبدالله وبعدين يامحمد هل سكان اربجي يعتبرو اهل عوض ام لا
ياخي موتني بالضحك ، ياخي انت الدعاية المجاني ما بتنفع معاك القريش بقول لك انا معرس اربعة نسوان وكيكي بقول لك انا مهندس وعزام بقول لك انا الوقفت بريمة من البورد وعماد بقول لك انا المسيك ديمة اها انت تقول لهم شنو؟ لك ولكل اصدقائك الاعزاء
عاجبني الكريم
عرضة
عرضة تانية
Post: #19 Title: Re: اغنية لاهل العوض بالمنبر ولمحبي أغاني التراث Author: سيف الدولة كامل Date: 07-22-2010, 09:44 AM Parent: #18
العزيز \محمد عمر الفكي ,,, الف تحية وسلام
والله استراحة في قمة الروعة ربنا يريحك دنيا
واخرة,,, أولاد البنا غناهم من جووووه وحلوين.
تسلم
Post: #20 Title: Re: اغنية لاهل العوض بالمنبر ولمحبي أغاني التراث Author: عزام حسن فرح Date: 07-22-2010, 09:48 AM Parent: #19
Post: #24 Title: Re: اغنية لاهل العوض بالمنبر ولمحبي أغاني التراث Author: محمد عمر الفكي Date: 07-22-2010, 10:31 AM Parent: #23
اها دي لسيد الاسم ذاتو
Post: #25 Title: Re: اغنية لاهل العوض بالمنبر ولمحبي أغاني التراث Author: بدر الدين الأمير Date: 07-22-2010, 10:36 AM Parent: #22
Quote: عاجبني الكريم
اغنية ذكورية متوحشة وفيها واد للمراة
تنهدات: ودالفكي شايفك ماشغال بسؤالى هل سكان اربجي هم اهل عوض ام لا وجانا الرطانى المستلب ونظر ياعزام لا تستغرق في التنظير محمد عمر دا بطحانى ام درمانى وكمان عندو علاقة بجعلى الدوحة هجو الاقرع وعلى طريقتكم يارطانة ماتاخدش في بالك
Post: #26 Title: Re: اغنية لاهل العوض بالمنبر ولمحبي أغاني التراث Author: محمد عمر الفكي Date: 07-22-2010, 11:00 AM Parent: #25
ياعزام لا تستغرق في التنظير محمد عمر دا بطحانى ام درمانى وكمان عندو علاقة بجعلى الدوحة هجو الاقرع وعلى طريقتكم يارطانة ماتاخدش في بالك
عاد يا ود الامير ناس اربجي يطلعوا اهل عوض كيف وهم بيستخدموا المقص للويكة؟ وكمان فوقا لبس بدلات تعرف اهل العوض ياهم اهل العوض ماهما لبسوا او اغربوا بصفاتهم الحميدة الكرم والشجاعة والفروسية والطيبة وصفاء النية، ذكرتني وزير خارجية بريطاني كان بيتكلم مع مسئول امريكي عن دولة ما وكيفية استخدام الطرق الدبلوماسية معها وعندما قال له البريطاني ان الدبلوماسية قد لا تنجح انتفض الامركي وارغي وازبد وكبس فقال البريطاني عندها علمت ان الامريكي مهما لبس او تعلم فهو في النهاية يرتد الى كاوبوي. اكيد فهمت المغزى (بكتب وانا لابس البدلة والكرافتة خانقاني)
اليك تعريف اهل العوض لتحكم على ناس اربجي. وانا اسهلها ليك اذا بياكلوا الكسرة وام رقيقة و ملاح روب بدون ان يذهبوا الى المستشفى فهم اهل عوض.
Post: #27 Title: Re: اغنية لاهل العوض بالمنبر ولمحبي أغاني التراث Author: عزام حسن فرح Date: 07-22-2010, 11:26 AM Parent: #26
Quote: بطحانى ام درمانى
الله يرحمك يا عم بابِكر ود علي (المايقوما) أكان بِقول : بطحاني ما رقد تِحِت المَشمع دور مو هيلنا
إنت عارِف يا ود الأمير إنتو المُسْتعرِبين ديل بِتِفْتخِرو بِحاجات غريبة الشكل : (1) إكرام الضيف (2) الهمبتة (3) البُطاح
أها نِحنا فوق المحس ، الضيف أكان أكلناهو ما بِنْعِدها شيئًا ... ده بِنْصنِفو < واجِب > والهمبتة عِندنا ياها السرِقة والله الواحِد فينا يِسافر سوق دُنقُلا وبيتو مفتوح وغنمو سارحات جِهة الجبل أو في الجزيرة ... والبُطاح ... ايه ده ... ايه السادِية دي ...
عِندي نسيبًا لي أكان سرقو بهايمو ، وبقى في ضيق شديد خلاس ، لامِن قِنِع مِن خيرًا فيها ، هسِع تشوفو واقِف حدا الهجْليجا وبِكورِك بِعُلو حِسو وبِعايِن لِلسما ورافِع ايديهو : يا الله هوووووي يا الله ... خليني الله فَتْ يوم ، أعدِم فوقا الشدايدا الغُباشا
الحمدلله الذي أتى بي مُسْلِمًا وأنقذني مِن أن أكون مِن الأعراب الذين كفروا ونافقوا وكانوا جديرين أن لا يعلموا حُدودهُ وأحمُدهُ أن جعلني مِن الأعاجِم ، فما أرسل مِنا أحدٌ < ... إِذْ بَعَثَ فِيهِمْ رَسُولاً مِّنْ أَنفُسِهِمْ ... > آل عِمران 164 ، فكبِر أملُنا بعد أن سمِعنا قَول الله تعالى < ... وَمَا كُنَّا مُعَذِّبِينَ حَتَّى نَبْعَثَ رَسُولاً > الإسراء 15 سجم أُمكُم
Post: #28 Title: Re: اغنية لاهل العوض بالمنبر ولمحبي أغاني التراث Author: بدر الدين الأمير Date: 07-22-2010, 11:39 AM Parent: #27
Quote: الإسراء 15 سجم أُمكُم
Post: #29 Title: Re: اغنية لاهل العوض بالمنبر ولمحبي أغاني التراث Author: محمد عمر الفكي Date: 07-22-2010, 11:46 AM Parent: #27
عزام
Quote: بطحانى ام درمانى
دا منو دا؟ اوعى يكون المقصود انا!!!! ود الامير غلطان وانا ما حبيت اعلق على خطأ معلومته.
اما الحديث عن المستعربين فارجو الا يكون هذا البوست الخاص باغاني التراث مرتعاً له. تحياتي.
انا عندي انترنت عادي وامس برفع في الملف النت فصل، لكن هسي بنزلها، الزم الصبر.
