لقاء بورداب الخرطوم ... التفاكري .. ببيت الفنون يوم (..............)

لقاء بورداب الخرطوم التفاكري


الزمان يوم الجمعة 23/7/2010 الساعة السابعة والنصف مساء (صلاة المغرب هناك)

المكان : بيت الفنون بحري شارع الانقاذ - مقابل السكة حديد



الدعوة لكل اللذين سجلوا حضور واللذين لم يسجلوا ايضاً..


اجندة الاجتماع

- مناقشة تكوين مكتب لبوداب الخرطوم لتسيير النشاطات الاجتماعية والثقافية وغيره

- أخرى






وشكراً

Quote: - أخرى

زي شنو يعني؟

Re: الجمعة (23) يوليو بصالة سندباد : زواج اخي محمد موسى والكل معزوم

بالتوفيق
ونحن مستعدون لأي تكليف
ومنتظرينكم بعد الإجتماع للعشاء والحفل بصالة سندباد
قريب من بيت الفنون
وبدرالدين إسحق متبرع بالبوكس

بالتوفيق ان شاء الله
سنكون معكم من علي البعد



.....
تحياتي انعام

بت القبايل أنعام
مساء الخير
معكم سيدتي رغم أنو قلنا بحري خميس وجمعة وسبت ممكن الحمدلله بقت خميس وجمعة

زهير (العروبة)

كيفك يا ملك ..

تمام وبالتوفيق ان شاء الله يارب

Quote: بالتوفيق ان شاء الله سنكون معكم من علي البعد

ايوة يا نوفل مهم نكون متابعين حتى ولو على البعد


الشي البتفقوا عليه الناس ان شاء الله ينزل بيهو بوست ..

الاستاذ العزيز احمد موسى

الف الف مبروك لي محمد موسى

وياريت كنت اتمنى المشاركة لكن برضو زواج بت خالي في نفس اليوم

يعني لا عرسكم لا الاجتماع في ليهم طريقة ..

بس الناس اجمعوا على الجمعة عشان كدة ..


يبقى نحن نتابع ونشوف وصلوا لي شنو وممكن تكون في لقاءات اخرى واخرى


احمد موسى لو في اي طريقة اصلكم بصلكم والله

الكباشي

كيفك وكيف امورك

دا (جند) مفتوح لنقاش اي موضوع يراهو المجتمعون (مهم)


يعني زي اختيار رئيس جديد للبورداب او الابقاء على الرئيس القديم

اها انت حضور ولا ما حضور

..
.سلام؛

طبعا ما فى بوردابي عايز / قادر يسال ..
لكن انا شخصياً محتاج اعرف ..

ووين البوست الاول .. القالت فيهو الناس
ارائها ومقترحاتهم وصوتت على الجمعة والسبت
وجااب النقة والحوارات ..

------------------

حقيقة داك بوست عام ما احتوى على اى كلمة جارحه ولا اساءة
ما ممكن يتسحب كدا بدون احم ولا دستور ..
ودى الممكن نقول عليها دكتاتورية وتصرفات ما سمحة ..

شكرا انعام وباذن الله حضورا من بدري ..
ثانيا اتمني زمن الاجتماع يتحدد بدقة ..
وياريت يبدأ 8 مساء وينتهي 9:30 تماما ,,
لاننا نتمني ان نشارك اخانا احمد موسي زوج شقيقه ..

وكل ما كان ابدر يا العوض مع الاجواء الايام دي يكون احسن


خلي الناس تصلي المغرب هناك والاجتماع يبدأ 8 الا ربع


ويكون في رئيس للاجتماع ومقرر كمان عشان يجي يرفع الاجتماع هنا دا ..

Quote: وبدرالدين إسحق متبرع بالبوكس

جابت ليها بوكس كمان
ياتو بوكس
مايكون طارة

انا ما بقدر اجي .. الظاهر عندكم مشاكل داخلية لحدي ما تحلوها ..
نشـوفكم الاجازة الجاية ..

..
.

Quote: انا ما بقدر اجي .. الظاهر عندكم مشاكل داخلية لحدي ما تحلوها .. نشـوفكم الاجازة الجاية ..

دربكـ اخضر ..
وما عندنا اى مشاكل داخلية المشاكل ما خلقت الا بسبب
التدخلات الاجنبية او بالاصح الخارجية ..

--------------

انت قايل نفسكـ براك رباطابى

قوووم لف بلا اجازة بلا اوهاام معاك

حميدة ..

حمد لله على السلامة واجازة سعيدة

محمد الامين محمد

تحياتي

Quote: محمد الامين محمد تحياتي

اهلن ياعروس
يس مايكون في مطر واعصار

كويس يا تبدلينا انك سألت ..

ضرب لي العوض قال لي يا انعام ما لاقي البوست حق اللقاء التفاكري كدي فتشيهو ..

قلت ليه انا عملت فيه مداخلة واحدة اظن .. ووضحت اني ما جاية الاجتماع لظروف عائلية ..

عملت بحث ما لقيت البوست ..

قلت ليه يا العوض ما لقيت البوست ..

قال لي خلاص فتح واحد ، قلت ليهو لا خليني افتحوا انا ..

وقسماً بالله يا تبلدينا البوست الفات انا لقيتو مفتوح يعني ما كنت ما ضمن الناس المرتبة لي كدة

لانو لو كنت من ضمن الناس المرتبة للاجتماع ما كنت بختار الجمعة من اساسا وانا عارفة اني عندي ظروف ..

جيت كتبت يا جماعة انا ما جاية لانو عندنا عرس ..

وحصل النقاش ودار في البوست ..

وداليا حولت اليوم الى السبت وكان ما كان ..

ودائما التحولات في اليوم البنزل بيه بوست بتكون فيها مشكلة ، زي رحلة جبل اولياء قبل كدة لمن حولتها من سبت لي جمعة او العكس ما متذكرة ..


بالنسبة لي ما زالت ظروفي قائمة وما حا اقدر اجي الاجتماع وقلت الببقوا عليه الجماعة انا معاهم ..



وانا اصريت على العوض اني افتح البوست عشان ازيل اي فهم او لبس حاصل انو اتأجل الاجتماع الى يوم السبت عشاني عشان انا حسيت من مداخلات ناذر تحديدا الكلام دا ..

وخليت اليوم مفأجاة بداخل البوست للجميع ..


بالنسبة للبوست المافي ..

داليا هي الفتحت البوست وبنوجه ليها سؤال لي طلبت سحب البوست ..

Quote: ومنتظرينكم بعد الإجتماع للعشاء والحفل بصالة سندباد قريب من بيت الفنون وبدرالدين إسحق متبرع بالبوكس

حدكم النقــة لحدى الساعـة (11) ليلا

وبعد داك ( البكس ) ( الطارة ) ( الكشــة ) ( النظام العام ) كلو ما فارق


المهم العشاء فى سندباد عشان نفرح مع الحبيب احمد موســى







محمد الامين ( كدى كيف معاك )

..
.
شكرا يا انعام للتوضيح المستفيض
ومفترض بالجد الناس تتعامل بكل الشفافية دى .. والاريحية
بدون حساسيات ..
والبوست كان ماشى كويس وتم حصر ناسالجمعة والسبت
بل جاء رجاء بمحاولة الاخوة قدرالامكان الحضور جميعا يوم السبت
ولا زلنا فى هذا الرجاء لمشاركة اكبر عدد مممكن ..
انا شخصيا ما عايز اجيب اقتراح اخر لكن ما دام فى دعوة من الاخ احمد موسي لزواج اخيه
اعتقد مفترض الناس تجى تشاركوا ان شاء الله بالعشاء
ويحاول الجميع الحضور يوم السبت .. للنقاش والحوار والتفاكر ...
مستصحبين معنا الاراء والمقترحات التى ذكرت فى البوست المحذوف وجميع الاخوة الذين اكدوا حضورهم ..

Quote: بالنسبة لي ما زالت ظروفي قائمة وما حا اقدر اجي الاجتماع وقلت الببقوا عليه الجماعة انا معاهم ..

صراحة انا بهمنى حضور الرواد .. مع احترامى للجميع لكن خبرة القدامى
امثال المهندس وعبير خيرى وانت وناذر والملكـ .. الخ مع الاخوة القائمين بالمهام فى المرحلة الراهنة ودورهم الذى لا يخفى على احد
فان تواجد كل هؤلاء حقيقة سوف يثرى النقاش ويطور الافكار ويطرح التحديات والمعضلات التى قابلت كل هؤلاء وسوف تكون خلاصة ممتازة لتجربة او كيفية
تقنين تسير العمل الاجتماعى بلا حساسيات وبكل تجرد ومسؤولية ومن خلال اسس ونظم ولوائح ..

لذا اقترح الاتى .. واتمنى ان يتفق الجميع بلا حساسيات
على ان يكون الاجتماع يوم السبت الساعة 7:30 م عقب صلاة المغرب مباشرة ..
وتستمر المداولات حتى - ما ترونه مناسبا-


----------------

وننتظر ارائكم هنا ..

Quote: قوووم لف بلا اجازة بلا اوهاام معاك

يعني هسع ما في اي احتمال تحنسوني ..
دا شنو القطع الجاف دا ..

..
.

Quote: يعني هسع ما في اي احتمال تحنسوني .. دا شنو القطع الجاف دا ..

انت يا تـافـه جيت ولقيت لى جوو الفووول دا وعملت نايم
لا بتسال لا بتضرب .. !!؟

------------

والحالة الواحد يتيم مفترض تديهو طله ياااخ ..


تعديل طبعاً الريس ما خلى كلمها ما حشرها فى قاموس الحذف
بغض النظر على انها اساءة حقيقة او كلام اولاد الحلة
( المنبر يفتقد للشعور بالاحساس الداخلى )

Quote: تقنين تسير العمل الاجتماعى بلا حساسيات وبكل تجرد ومسؤولية ومن خلال اسس ونظم ولوائح ..

بالقاف يا تبلدينا ..

ودا بيت القصيد ..

ومجرد من العوض ذكر جمعية عمومية ولقاء تفاكري وكدة انا كان في رأسي انو العمل ما يكون مرمي على عاتق ناس محددة سواء بالمادة او الاشراف او العمل ..

وما نتعود انو الزول الفاتح البوست هو اليشيل البرنامج ويستقبل الناس ويخدم كمان يقدم البارد والشاي واللقيمات ..


المهم الناس تتفق ويبقوا يد واحدة ..

بدون حساسية

نؤيد اقتراح تبلدينا

Quote: لذا اقترح الاتى .. واتمنى ان يتفق الجميع بلا حساسيات على ان يكون الاجتماع يوم السبت الساعة 7:30 م عقب صلاة المغرب مباشرة .. وتستمر المداولات حتى - ما ترونه مناسبا-

شكرا يا انعام .. اعصارك طلع اي كلام

ان شاء الله يجيكم يوم العرس

يعني انت عايز الناس ما تحضر ولا شنو تخليهم ينقوا لي 11 ..

ولا ناس احمد موسى ديل واصلين عرسهم لي 12 ..


ياريت الواحد يقدر يشاركه الافراح ..

شكرا بدر الدين

سلامات انعام
نسـأل الله لكم التوفيق

Quote: اها انت حضور ولا ما حضور

ياريت والله انا الان خارج السودان في كوريا



عاطر التحايا ..

إنعام سلام كيفكم،، لقيتونا مافي و تعملوها غايتو سجلو لي
إسمي مع الحضور وسلامي للجميع

Quote: لذا اقترح الاتى .. واتمنى ان يتفق الجميع بلا حساسيات على ان يكون الاجتماع يوم السبت الساعة 7:30 م عقب صلاة المغرب مباشرة .. وتستمر المداولات حتى - ما ترونه مناسبا- ---------------- وننتظر ارائكم هنا ..

Quote: لذا اقترح الاتى .. واتمنى ان يتفق الجميع بلا حساسيات على ان يكون الاجتماع يوم السبت الساعة 7:30 م عقب صلاة المغرب مباشرة .. وتستمر المداولات حتى - ما ترونه مناسبا-

أنا مع رأى تبلدينا
يوم السبت يا جماعة ..
والسبت أخضر بإذن الله !!!

يوم الجمعة
يوم مناسب جداً
واحسن حاجة فيها
الناس تتلم في مكان واحد
وبعد الاجتماع جمعيا ً
الى صالة سندباد
لمشاركة الزميل احمد موسى في عرس اخيه

Quote: صراحة انا بهمنى حضور الرواد ..

طيب يا تبلدينــا ما دام الرواد ديــل مهمين قدر دا

ما يجتمعو هــم ويحددو لينــا ( الاشارة الخضراء ) من ( الاشارة الحمراء )

ونجــئ نحـن نبصــم عليها ..

ولا اقول ليـك ما نجــئ زاتو نبصــم عليها ساكــت كدا ( إسفيريــا )


_______________

والله يا وهبـــة يا عمــك شابكنــى البورداب البورداب تكورك لميت الحلة كلهــا

وبرضـو طلعــت ما رواد


وكمان انت ذاتك يا عمو حنين طلعــت ذى ناس وهبــه

..
.

Quote: طيب يا تبلدينــا ما دام الرواد ديــل مهمين قدر دا ما يجتمعو هــم ويحددو لينــا ( الاشارة الخضراء ) من ( الاشارة الحمراء ) ونجــئ نحـن نبصــم عليها .. ولا اقول ليـك ما نجــئ زاتو نبصــم عليها ساكــت كدا ( إسفيريــا )

سلام يا بدر الدين ؛
اولا ارد ليك من الخرمجة التحت العايز تعملها دى
اولا احمد حنين عاد من السعودية منذ اقل من عامين ..
وهبة .. بمقارنة المهندس وعبير خيرى وناذر وانعام يعتبر ايضا جديد
وانا لمن اقول الروداد ما هضمت حق زول انا بقصد خبرتهم واول من تبنى اللقاءات الاجتماعية
لمن انت كنت برلوووم .. او لم تحصل على العضوية بعد .. وقد تكون لا تعرف سودانيز اون لاين
مافى زول فرض شئ ولا قال تعال ابصم وبس .. او تبصم من سكات ..
ورضيت ام ابيت من ذكرت وحتى اننى اشرت للبعض
هم رواد فى المنبر وفى النشاط .. رغم اننى رائد فى المنبر قبلهم بمراحل الا اننى عندما عدت
كانت عبير والمهندس وناذر هم اول من قدمونى للاعضاء بالخرطوم واول مره يعرف البعض من تبلدينا
وهذا هو المقصود .. ووهبة والعوض الذى سبق الكبار والقبلو وداليا يجدون منى كل التقدير للمجهود
والنشاط .. كدا الكلام واااضح ..
مش تجيب ليك جملة ما طيبة ..

--------------

جنى وجن الكلام المغتغت وخمج ..

لو في سبب خلاني اجي من الفاشر للخرطوم بكون السبب هذا اللقاء المهم

تذكرة ذهاب واياب ما خسارة

انشاء الله سأكون حاضراً

الا لو الطيران اتأجلت بسبب الاعصار والامطار هذه الايام

اخوتي الكرام ودعما لهذا الاجتماع وحتي ياخذ الجميع راحتهم في اختيار
لجنتهم او لجنة التسير فانني اعلن تنازلي عن رئاسة بورداب الخرطوم
منذ هذه اللحظة ..واتمني للجميع التوفيق والسداد ..

..
.

Quote: اخوتي الكرام ودعما لهذا الاجتماع وحتي ياخذ الجميع راحتهم في اختيار لجنتهم او لجنة التسير فانني اعلن تنازلي عن رئاسة بورداب الخرطوم منذ هذه اللحظة ..واتمني للجميع التوفيق والسداد ..

ما مشكلة يا زعيم انت استقيل فى البوست دا .. ولمن نجى الاجتماع
انا برشحكـ رئيس لدورة ثانية وحتى العاشرة .. ,ولو الموضوع بقى قوائم
قائمة بتاعت مناضلين احرار
وقائمة انظمة مستبدة
وقائمة حركة شعبية وشيوعية
بالله ختنى فى قائمتك ان شاء الله قائمة جهاز الامن والمخابرات ..

----------------

ان شاء الله يكون فى منافس ليكم
يقدر على الشغلة دى ما تسمع النقة دى ..

Quote: ورضيت ام ابيت من ذكرت وحتى اننى اشرت للبعض هم رواد فى المنبر وفى النشاط ..

رضيان عليك امان الله وكمان بقول مبروك عليهم يا تبلدينا يا اخوى ان شاء الله يتعلو ما يتدلو ..


ونشوفهم كلهم فوق شامخين يرفعو من اسم السودان (شقيش ما قبلو ) كلام بقارة وكدا ..



_______________ ( وكمان العوض ذاتو طلع ما رائــد انا قايلو عقيــد )



يا تبلدينــا يا اخوى ( الحكــي اخــر )

من رأيـت وعاشــرت بتصبح تجربـة ذاتيــة حقتك انت تعميمها على الناس بحيــث يفهم منها

ان المذكورين من لوازم نجاح لما لهم من تجربــة فى العمل الاجتماعــى بتظــل رؤيتك انت

ما بالضرورة انــا / اخرين / حتى نسمع بيها فى لقاء يقال انــه تفاكــرى كل زول يدلو

بفكرتــه رؤيتــه ويتداول الناس الافكار ...

لكـن ما فــى اى زول عندو شبــر مقام زيادة على الاخرين ... الاخرين ديــل انت ما عارف

ولا شفت تجربتهم فى العمل والشــأن العام ...

وازيدك كمان ( العمل العام عندو مفاهيــم واســس ) لا تنطبــق على ما نقوم / تقوم بــه

شوف نوع اسئلتــى دا :

مــن نحــن ؟ الاجابة ساهلــة جدا ( بورداب الخرطوم الذين يتمتعون بعضوية منبر سودانيزاون لاين )

بكرى ابو بكر يستطيع دون ان يراجعـه احــد ( الغاء عضويــة زيد/ عبيد ) من بورداب

المنبر وبالتالى الخرطوم ....

تبلدينــا مــافــى اطار لعمــل عام مثــل هذا يتحكم زول واحد فوقو .

هل نريد ان نصبـح جهــة اعتباريــة ؟

واقع الحال بيقول نعــم ...نشوف الجهات الاعتباريــة انواعها شنو فى السودان

جماعة تهتم بالعمل الثقافى / الاجتماعى ( تسجل فى وزارة الثقافــة )

جماعة لها اهداف ثقافية / اجتماعية ( تسجل فى وزارة الشئون الانسانية .. منظمة)

جماعة لها اهداف ثقافية / اجتماعية ( تسجل فى المسجل التجارى .. بتصبح شركة ربحية)

كل واحدة من ديــل بتخضــع لقانون بينظم عملهــا ( الدولة جزء منـــه )





تبلدينــا ( الخمـج برضــو رأى )

يا جنابو بدر الدين..

انت مالك دايما خاشي ..لفت..

وقايم سداري..


كلام تبلدينا .. ما فيهو اي حاجة تقوم نفسك ..

ولا فيهو بصمات ولا موافقات ..

الناس الذكرهم ديل فعلا رواد ..

وهم اول من حاول جمع العضوية .. الاسفيرية علي ارض الواقع ..


..
شكرا لكل الرواد .. دون فرز ...

واخص..

المهندس

وعبير خيري

واسماعيل حميم

وحسين ملاسي

وملكة سبأ

وناجي الملك

ونازر الخليفة

ودريمز

وبقية العقد الفريد ..

Quote: يا جنابو بدر الدين.. انت مالك دايما خاشي ..لفت.. وقايم سداري..

دا شوفــك انت ...

الخاشــى لفــت الله بيعلم بيهــو ...

انـا الفــى قلبــى طوالــى جادعو وخاصــة للحبيـب تبلدينــا دا ..

تبلدينــا ذاتو ما ليهو حــق ( لا انت / العوض / وهبــة ) طلعتو لا رواد لا عمداء










(نسيــت الرتبــة يا عمـــك )

.

تبلدينا إزيك

شكراً لدعوتك لنا وكنت اتمنى حقيقة ان أحضر هذا الاجتماع تحديداً لما فيه من جدل إذا لم يساق في طريقه الصحيح ستكون نتيجته الاطاحة ببند الاجتماعيات ، ولكن شاءت الظروف أن أكون في بلاد العم سام ولا أملك غير الدعوات بالتوفيق لكم .. سأبعث لك برقم المهندس في الخاص لدعوته .

ــــــــــــــــــــــــــــــــــــ

الأخ الكريم بدر الدين اسحق

تحية من عند الله مباركة

هون عليك يا اخي فما جاء به صالح لا يستحق كل هذه الكلمات الغاضبة ..
ما يقصده بــ"الرواد" هو أننا من أوائل الذين دعوا بالتقاء الزملاء على الواقع ومعرفتهم ومن ثم كان مسمى بورداب الخرطوم وفعالياته واحتفاءه بالآخرين من زملاء البيت المبعثرين في بلاد الله الواسعة ..

بالتأكيد لا تعرفنا .. ببساطة لأن تاريخ حضورك هنا في 2008 وتاريخ بقائي هنا منذ 2004 ، هذه السنوات كفيلة بأن تجعل الحق في كلمة الاوائل او الرواد عند صالح مقننة..

ومن ذكرتهم من أخوة وأصدقاء أعزاء عليّ أنا تحديداً في رأيي هم الرّواد بالمفهوم الأساسي للكلمة وليس بمفهوم قصد تبلدينا .. ويعلم الله أنّي أكن لهم ولكل فرد هنا كل الاحترام والتقدير حتى وإن كنت لا اعرفهم .

سعدت بالتحدث إليك

عبير خيري

ــــــــــــــــــــــــــــــ

نعومة الحبيبة إزيك

اتمنيت الاقيك لكن ظروفي كانت مشاترة

والزمن ضيق جدا

خلي بالك منك

!!!


ولا زال الجدل قائما :

جمعة ولا سبت ؟؟!!

بكرة ولا بعد بكرة ؟؟!!

؟

اها بقيتو علي شنو ؟
عملتوها لينا كلها شكل
غايتو ناس تحب تعيش في الجو العكر بس

الاجتماع مساء اليوم الجمعة الساعة 8 مساء في بيت الفنون ..

Quote: الاجتماع مساء اليوم الجمعة الساعة 8 مساء في بيت الفنون ..

اعتذر عن الحضور نسب لسفري اليوم ..

يا اخوانا عندي الرغبة اجي
لكن ما عارفة ارجع مع منو بليل
معتصم محمد صالح وشايفاه قال مسافر
عديله ليك يازول

هل هناك شخص اخر من بورداب الكلاكلة علينا جاي

سأحضر .. متأخراً بض الشي

ولكن سأحضر بإذن الله

سلام يا انعام
والجميع

انا ما جاية لاسباب خاصة
رغم انه كان بودي
ويهمني جدا الحضور
ولكن..........................





وبما اانه انا زي الكاشف اخوي "بدر الدين"
يعني ما من الرواد
فغيابي ما حياثر على مجريات الاحداث
كما اسلف تبلدينا

امنياتي بلقاء اجتماع مثمر


صفية


خارج النص:
تحت تحت دايرة اقدم استقالتي لكن لمن تتفقوا على رئيس عشان نقدم ليه الاستقالة رسمياً

يعني عشان مسافره يا صفيه ما مشكله حا نعيرك للناس الماشه ليهم بس انشا الله هناك يكون في بورداب

نحن الان قاعديييين
المسلمي
وهبه
حنين
عمار م ادم
بدر الدين اسحق
وليد
ابارو
بكري الخير
وعييييييييك

اتمنى لكم التوفيق ..
و الود ان اكون بينكم لكن ...
لقدومى من سفرية طويلة من دنقلا و اتجاهى الى الجزيرة هذا المساء ، قلبى معكم ..
و الامنيات بالتوفيق