Post: #1
Title: خالد عز الدين: ما أختلفنا معاكم في حكاية الحمام (الفرق في السنون) ، متعة + متعة
Author: عمار يس النور
Date: 07-20-2010, 11:31 AM
إستمتعوا بعامود خالد عز الدين ((بدون حجاب))
Quote:
الفرق في السنون !!
ونحن ما اختلفنا معاكم أصلاً في حكاية (الحمام) ..
ناس الجيش حمام ميت وناس (الكابس) حمام ميت..
وأما أظن انتو حتختلفوا معانا في أنو الفرق في (السنون)
الحمام موجود لكن البقدر ياكل منو !!
أها .. ده الفرق ..
يعني مهما يكون الحمام برضو داير ليهو سنون !!
(عُضام) الحمام دي ما عايزه ليها زول زي المعز محجوب ده.. كسر شديد ..
والبياكل (السدر) لازم يكون مهاجم (فقر) زي سادومبا..
عبد الحميد السعودي ده جابوا ليهو (الشوربة) قال حارة !!!
الحمام الميت لما ما يلقى زول يقبضو بطير!!
وملعب المريخ الجميل ده بساعد في الطيران !!
رأيك شنو يا أحمد محمد أحمد برضو ما بتطيروا براكم ؟!!
والله نحن ذاتنا محتارين.. أخير لينا حمام الجيش ولا حمام المريخ !!
ما عارفين نشجع منو في المباراة الجاية.. الحمام المضمون فيكم أكتر في دوري المجموعات ؟؟
وجياشة والجيش نقلوه فتاشة..
حمام الجيش مشكلتو في السفر.. السفر الطويل للنيجر بتعب اللاعبين.. عشان كده أخير لينا الحمام القريب ده.. قطعت (ظلط) وما فيش غلط.. تلات نقاط مضمونة من ملعب الحكومة..
وناس بقولوا أخير السفر من إزعاج إعلام المريخ قبل المباراة.. يقعدوا يكتبوا لينا عشرة يوم عن فريق الأحلام وعن وارغو والنفطي وكاساروغا.. إعلام (فوفوزيلا) مزعج جداً أخير نرتاح منو بدري بدري.. دي مشكلة المريخ.. إعلامو مزعج وفريقو هاااااادي..
الناس المعارضين لمناصرة المريخ قالوا لأنصار الحمام المريخي.. قولوا نحن وافقنا أنو المريخ أخير لينا من الجيش.. حيدخل دوري المجموعات كيف بعد درون أمدرمان ده ؟؟
واحد ثقيل قال ليهم بسيطة.. نديهم قونين هدية!!
أنا خائف بعد نديهم القونين يقوموا يتغلبوا اتنين !!
ده شنو ده !
ده (هليفة) يا هليفة ما عذبتنا..
نجم نجوم مباراة أمدرمان.. خليفة أحمد..
التزام تام في الدفاع.. تقدم بعقلانية لوسط الملعب.. قدرة على المراوغة في الهجوم.. هدف عالمي..
طبعاً هدف خليفة ما مطروح ضمن الأهداف الهدية..
ح (ندي) المريخ ضربة الجزاء ؟ أوعى لا يا خالد أوعى لا!!
في شنو..!
ضربة الجزاء لا!!
في شنو يا جماعة..
بضيعوها..
طيب نديهم قون سادومبا الأول وقون كاريكا!!
تاني كاريكا يا خالد...
بزعلوا ما بشيلوا قون كاريكا!!
والله كاريكا قرب يجيب القون الجابو في محمد كمال..
الكورة في السماء وعلى الطائر تصويبة قوية..
الفرق أنو المرمى المرة دي كان فيهو حارس!!
ده منو ده !!
خمسة وخميسة في عين اللي ما يصلي على النبي..
قلنا الفارق كبير كبير كبير..
في كل شئ.
في التشجيع وفي التدريب وفي اللاعبين وفي الإعداد ..
معقولة بس .. مباراة ضد الملعمين ومباراة ضد أكاديمية الفتى العربي.. وعايزين تغلبوا في إفريقيا!!
وده كلو كوم.. وحكاية محاكاة الهلال دي كوم تاني!!
المدرب قال ليهم عايزين نلعب 3:5:2 .. قالوا ليهو الهلال بلعب 2:4:4
حتي فريق (كابس يونايتد) عايزين يلعبوا ضدو!!
أوعى يقوم يغلبكم!!
معقولة بس.. في فريق (مضيفنو) بغلب (ضيفو)
والله مرات كده الأفارقة ديل عندهم جن زي ناس (التاكسي)
تاكس!!
مريخابي زعلان جداً.. قلت ليهو الهلال جاب القون بعد 14 باص.. قال لي ما بعد 14 خلي الكذب بتاعك ده.. بعد 13 بس!!
ده شنو ده ..
حسن محجوب.. كان منفعل جداً امبارح في (الصدى)
احتك مع اكتر من زميل وكان صوتو عالي جداً!!
قلت ليهو يا حسن محجوب أنت زول محبوب وراجل طيب.. مالك يا زول؟
قال لي يا خالد.. ما كتر علينا!!
قلت طيب.. الجماعة ديل ذنبهم شنو!!
عينك في الفيل تطعن في ضلو..
قال لكن (الفيل) صعب نتكلم فيهو!!
ده شنو ده !!
نرجع تاني لي خليفة تاني..
الود ده ظلمناه كتير.. من حقو علينا نتكلم عنو كتير برضو.
ياخي ده كترت ما كان خطير.. أنا قايلو موسى الزومة !!
ده شنو ده..
هو ليه موسى ده بشوت الكورة طوالي على الزومة؟
والله يا خالد.. مرات كده ما تفكر كلو كلو.. مش اسمو موسى الزومة..
ده شنو ده !!
أيوا.. عشان كده سعيد بشوت الكورة على السعودية..
هو سعيد بشوت ولا بجلي!!
ده شنو ده ؟؟
اتكلمنا عن أنصاف المواهب لكن ناس السعودي وغاسيروكا ديل الا نوديهم المواصفات والمقاييس..
مقاسهم ما عندنا في كرة القدم..
ده شنو ده .. |
|
Post: #2
Title: Re: خالد عز الدين: ما أختلفنا معاكم في حكاية الحمام (الفرق في السنون) ، متعة + متعة
Author: Nader Abu Kadouk
Date: 07-20-2010, 11:45 AM
Parent: #1
والله يا عمار المريخ جاب لي الضغط
والله بقى حمام ميت
وينك يا حبيب
|
Post: #3
Title: Re: خالد عز الدين: ما أختلفنا معاكم في حكاية الحمام (الفرق في السنون) ، متعة + متعة
Author: عمار يس النور
Date: 07-20-2010, 11:59 AM
Parent: #2
نادر
أزيك
Quote: والله يا عمار المريخ جاب لي الضغط
والله بقى حمام ميت |
يا نادر دي دعوات الناس الغلابة
بالرغم من الصرف البذخي على المريخ و الذي اكاد أجزم انه فاق في السنوات الاخيرة ميزانية الاهلي و الزمالك و الاندية الجزائرية، إلا ان الحصاد بور في سبع سنين عجاف.
ياخي شوف رئيس النادي منو وبعد داك براك بتعرف السبب.
يا حليل المريخ الخلانا إحنا الهلالاب نخرج يوم مانديلا و نفرح مع زملائنا المريخاب.
|
Post: #4
Title: Re: خالد عز الدين: ما أختلفنا معاكم في حكاية الحمام (الفرق في السنون) ، متعة + متعة
Author: Elfadil Sabeil
Date: 07-20-2010, 04:55 PM
Parent: #3
أبو يس سلاااااااااااااااام
و مبروووووووووووووووك الأداء قبل الأهداف
و الله الشباب ريحوا حنانا زاتو.
أما خالد عزالدين صاحب الذوق الرفيع و الكلمة الرصينة فإنه يبدع دائماً و ما مقاله يوم المباراة إلا نفح من تجلياته.
|
Post: #5
Title: Re: خالد عز الدين: ما أختلفنا معاكم في حكاية الحمام (الفرق في السنون) ، متعة + متعة
Author: keiga2000
Date: 07-20-2010, 06:31 PM
Parent: #4
قول لخالد عزالدين الغريق قــدام
وبكره بتجي الخمسات في استادكم وبترجع لمشاكلك مع الأرباب وبترجع بينا لوراء
وما تأكل عيش مع ناس مزمــل ابوالقاسـم
ابومصطفى
|
Post: #6
Title: Re: خالد عز الدين: ما أختلفنا معاكم في حكاية الحمام (الفرق في السنون) ، متعة + متعة
Author: عمار يس النور
Date: 07-21-2010, 01:47 AM
Parent: #5
الفاضل
سلام و تحية
| Quote: و الله الشباب ريحوا حنانا زاتو. |
و الله ريحونا راحة تمام
الجماعة برضو إرتاحو
إرتاحو من الاحلام العايشنها مع فريق الاحلام و الاحمر خطر بمن حضر
تحلموا بس
هو الحلم بقروش
|
|