Post: #1
Title: الادهاش يتواصل: مصانع البيرة في جنوب السودان من أسباب ارتفاع اسعار السكر !!!!
Author: esam gabralla
Date: 07-20-2010, 11:20 AM
Parent: #0
الميدان - شهب و نيازك
كمال كرار
اضحك مع الحكومة
< مصانع البيرة في جنوب السودان من أسباب ارتفاع
سعر السكر هذا ما خلصت إليه عبقرية حكومة الرأسمالية
الطفيلية .
< إن كانت تلك هي الحقيقة فإن البيرة المصنوعة في مصانع
جنوب السودان هي المشروب الأساسي والمفضل لشعب
السودان طالما كانت تستخدم مليون طن من السكر لأجل
إنتاج ” البيرة ” الباردة في هذا الحر اللافح .
< وطالما لا نجد هذا المشروب ” المفترى عليه ” في سوق
أم دفسو والسوق الشعئر وسوق الناقة فانه بالقطع ليس
مسؤولاً عن ارتفاع سعر السكر .
< السكر الذي دخل السوق الأسود علي مشارف شهر رمضان
لا بد أنه دخل بعلم الحكومة طالما كان حتي الآن سلعة تشرف
علي إنتاجها وتوزيعها شركات ومصانع حكومية .
< ومن أجل الأرباح السهلة ” واللغف ” السريع يسلم ” أحمد
” السكر ” لحاج أحمد ” والذي بدوره يعرج بها للمخازن
الكائنة في الضواحي وطرف المداين ثم يبدأ الميكانيزم
الطفيلي في العمل عن طريق الشفرات والتلفونات وتتحرك
الشاحنات ليلاً هنا وهناك ويجري تحويل الأموال من حساب
لحساب وهكذا دواليك .
< وقبل أن ينتهي رمضان تكون العمارات قد ناطحت السحاب
والشركات قد زادت رساميلها والدولار ” يقدل ” في البنوك
والصرافات والمسيار في شقق ” الكبارات ” .
< من السكر تزداد الطفيلية بطراً وشبعاً لكنها مثل حوض
الرملة لا ترتوي أبداً ، وكلما زاد رطل السكر قرشاً واحداً
كلما دخل الآلاف لنادي الفقراء الذين يمثلون ٩٥ ٪ من الشعب
السوداني .
< قال المأفون جعفر نميري يوماً ما أن ” الموص ” ، وقد
كان في الماضي الشراب المفضل للنساء السودانيات ، هو
سبب غلاء سعر السكر . وبينما كان يردد هذه الخطرفات
كان سدنة الاتحاد الإشتراكي و أثرياء مايو يستولون علي
أموال السكر والقطن والصمغ والقروض الأجنبية ولا يجدون
حرجاً في تهريب اليهود الفلاشا إلي إسرائيل تحت جنح
الليل من مطار الخرطوم .
< هذا النظام لا تنقصه التبريرات في أي قضية ، فإذا
استفحلت أزمة دارفور قالوا أن سبب الأزمة سرقة جمل
وليس التهميش أو التنمية غير المتوازنة .
وان أصدرت المحكمة الجنائية مذكرة اعتقال بحق رموز ·
النظام قال السدنة إنها محكمة سياسية ولا توجد إبادة
جماعية بدارفور
< ولو احتج المزارعون علي تجار الشيل وبنوك النهب قال
لهم التنابلة صبرا يا معشر المزارعين فعما قريب تركبون
العربات من الهمر فما فوق وتتخلصون من الحمير إلي غير
رجعة فقط انتظروا المستثمرين القادمين من الصين .
< من طرائف السدنة أن أحدهم في لقاء له مع مسؤول
أمريكي حذر من عدم نزاهة وحرية الاستفتاء القادم ونسي
نزاهة وحرية الانتخابات ” المضروبة ” والصناديق اﻟﻤﺠلوبة
اﻟﻤﺨجوجة .
< عندما يختفي العجور بعد حين سيقول السدنة أن ذلك
بسبب مصانع ” المريسة ” في الحضر والبوادي وغابات
المرفعين .
http://www.midan.net/almidan/wp-content/uploads/2010/07/Binder11.pdf
|
Post: #2
Title: Re: الادهاش يتواصل: مصانع البيرة في جنوب السودان من أسباب ارتفاع اسعار السكر !!!!
Author: محمد عبد الماجد الصايم
Date: 07-20-2010, 11:25 AM
Parent: #1
حتما ستعود إلى هذا البوست!
_
ياخ عليكـ الله مرة أعملا وعود!
العــود الـ
|
Post: #3
Title: Re: الادهاش يتواصل: مصانع البيرة في جنوب السودان من أسباب ارتفاع اسعار السكر !!!!
Author: esam gabralla
Date: 07-20-2010, 11:29 AM
Parent: #2
من امنياتى في الدنيا اقابل ناس شعبة الكضب بتاعت الكيزان , و قصدى الناس المتخصصين و دى شغلتهم , موش النوع الحايم هنا من الهواة و عديمى الموهبة الكضبية.
و رغم ان الاكاذيب التى يطلقها الموهوبين ديل متشابهات و محاورها و اهدافها معروفة , لكن في كذبات جديرة بالاشادة و الاعجاب و الصفقة كمان
زى دى مثلآ , بي حجر وتحد ناش كم قمرية؟
أشك في انو ده مجرد تدريب جيد ...
|
Post: #5
Title: Re: الادهاش يتواصل: مصانع البيرة في جنوب السودان من أسباب ارتفاع اسعار السكر !!!!
Author: محمد عبد الماجد الصايم
Date: 07-20-2010, 11:32 AM
Parent: #3
يعني لو قابلتهم ح تعمل شنو؟
ما ياهو المطايبة والسـلام!
أمش شوف صحبكـ خدر عامل فرش متاع بهناكـ!
|
Post: #4
Title: Re: الادهاش يتواصل: مصانع البيرة في جنوب السودان من أسباب ارتفاع اسعار السكر !!!!
Author: Hussein Mallasi
Date: 07-20-2010, 11:30 AM
Parent: #1
| Quote: مصانع البيرة في جنوب السودان من أسباب ارتفاع اسعار السكر !!!! |
التصريح منسوب لللسيد وزير التجارة الخارجية السوداني القيادي بالحركة الشعبية بروفيسور الياس نيام ليل.
المصدر
|
Post: #6
Title: Re: الادهاش يتواصل: مصانع البيرة في جنوب السودان من أسباب ارتفاع اسعار السكر !!!!
Author: محمد فرح
Date: 07-20-2010, 11:41 AM
Parent: #4
كمال كرار جنه
التصريح ده ياخوي قالوهو ناس حكومة الجنوب ظاااااااتهم على قول عمنا هباني
الناس دي بيغادي بتكرطع البيره دي كرطعه تقيله
والمصانع مدوره والأرباح في السما
وجل الأرباح لحسابات جنرالات الجيش الشعبي والحركه
والمواطنين مغيبين
ولو لم يكونوا مغيبين لما خرجوا للمناداة بالانفصال حتى قبل الاستفتاء
|
Post: #7
Title: Re: الادهاش يتواصل: مصانع البيرة في جنوب السودان من أسباب ارتفاع اسعار السكر !!!!
Author: Hussein Mallasi
Date: 07-20-2010, 12:06 PM
Parent: #6
كعادته - دائماً - يقص يلصق بلا تبصر!!
|
Post: #8
Title: Re: الادهاش يتواصل: مصانع البيرة في جنوب السودان من أسباب ارتفاع اسعار السكر !!!!
Author: محمد عبد الماجد الصايم
Date: 07-20-2010, 12:09 PM
Parent: #7
| Quote: كعادته - دائماً - يقص يلصق بلا تبصر!! |
ياهو الما رجع تاني!
|
Post: #9
Title: Re: الادهاش يتواصل: مصانع البيرة في جنوب السودان من أسباب ارتفاع اسعار السكر !!!!
Author: Hussein Mallasi
Date: 07-20-2010, 12:26 PM
Parent: #8
عصام جبر الله أصبح يذكرني بخضر عطا المنان .. يلفح و يجي جاري.
|
Post: #10
Title: Re: الادهاش يتواصل: مصانع البيرة في جنوب السودان من أسباب ارتفاع اسعار السكر !!!!
Author: محمد عبد الماجد الصايم
Date: 07-20-2010, 12:36 PM
Parent: #9
كـدا عصرت على الزول دا شديد يا عمكـ!
احتمال ما يجي البورض زاتو!
|
Post: #11
Title: Re: الادهاش يتواصل: مصانع البيرة في جنوب السودان من أسباب ارتفاع اسعار السكر !!!!
Author: tmbis
Date: 07-20-2010, 12:37 PM
Parent: #9
| Quote: ياهو الما رجع تاني! |
... | Quote: عصام جبر الله أصبح يذكرني بخضر عطا المنان .. يلفح و يجي جاري. |
.. البوست دا ح يكون بديع جدا ..
بي صورة أوضح ..
البوست دا هيـج اشجاني ..
(مسـي) مفترض في الحالة دي يجهز الأقتباسات والعدة طوالي
|
Post: #12
Title: Re: الادهاش يتواصل: مصانع البيرة في جنوب السودان من أسباب ارتفاع اسعار السكر !!!!
Author: محمد عبد الماجد الصايم
Date: 07-20-2010, 12:40 PM
والله يا تمبس .. ميسي ماشة معاهو طحنية بس!
كل ما يخش البورض يلاقي ليهو اتنين تلاتة غمرانين!!
|
Post: #14
Title: Re: الادهاش يتواصل: مصانع البيرة في جنوب السودان من أسباب ارتفاع اسعار السكر !!!!
Author: الطيب بشير
Date: 07-20-2010, 12:47 PM
Parent: #12
.
عصام و ضيوفو أريتكم طيبين
البارح في إجتماع التحرير الصباحي كان هذا الموضوع سبب دوشة كبيرة
و غير إنو الوزير القال الكلام دة جنوبي و حركة شعبية
أضاف الزملاء براديو مرايا، من أبناء الجنوب، أن مصنع البيرة الشغال في الجنوب واحد، و من جنوب إفريقيا، و السكر بيجيهو من كينيا و يوغندا!! يعني لو بيطفح في الثانية لوري سكر ما مفروض يؤثر في سكر الخرطوم أو الشمال عمومآ..
.
|
Post: #13
Title: Re: الادهاش يتواصل: مصانع البيرة في جنوب السودان من أسباب ارتفاع اسعار السكر !!!!
Author: Hisham Ibrahim
Date: 07-20-2010, 12:43 PM
والبيره دي بي كحـول والا بـدون .. ؟
وهل هي أم جمل ، والا اُم حاجه تانيه ؟
هشام
|
Post: #15
Title: Re: الادهاش يتواصل: مصانع البيرة في جنوب السودان من أسباب ارتفاع اسعار السكر !!!!
Author: esam gabralla
Date: 07-20-2010, 12:56 PM
Parent: #13
بما انو لما الحبايب لازم الواحد يقعد يجبر بي خاطرهم كمان
الواحد كان فاكر مقامو عالى عند ملاسي بس ... هييييه دنيا
|
Post: #16
Title: Re: الادهاش يتواصل: مصانع البيرة في جنوب السودان من أسباب ارتفاع اسعار السكر !!!!
Author: esam gabralla
Date: 07-20-2010, 12:56 PM
Parent: #13
بما انو لما الحبايب لازم الواحد يقعد يجبر بي خاطرهم كمان
الواحد كان فاكر مقامو عالى عند ملاسي بس ... هييييه دنيا
|
|