Post: #1
Title: تمبس وداليا .....حتمشو معاى ولا لا؟؟؟
Author: tahani abusin
Date: 07-20-2010, 11:11 AM
Parent: #0
وادى فى منطقة ود عركى شرق البطانة نزرع
اهو امطار والحمدد لله نزلت كثيرة ولدى من
الاراضى ما يكفيناومعانا ود الصايم كمان
بلا خرطوم بلا هم جاتكم داهية
|
Post: #2
Title: Re: تمبس وداليا .....حتمشو معاى ولا لا؟؟؟
Author: محمد عبد الماجد الصايم
Date: 07-20-2010, 11:12 AM
Parent: #1
ورحكاكم!
|
Post: #3
Title: Re: تمبس وداليا .....حتمشو معاى ولا لا؟؟؟
Author: tahani abusin
Date: 07-20-2010, 11:17 AM
Parent: #2
قروشك جاهزة انت؟؟؟
بعد السلام طبعا يا ود الصايم انا بكره الدكاترة والمغتربين مثال لكل(داليا وتمبس)
فيجب ان اسهم اعمال الخير ونمشى نزرع احسن بدل كل مرة ما القى اصحابى ويروحو منى واحردو كمان
شكرا على مرووووووووووورك
|
Post: #4
Title: Re: تمبس وداليا .....حتمشو معاى ولا لا؟؟؟
Author: محمد عبد الماجد الصايم
Date: 07-20-2010, 11:19 AM
Parent: #3
ياخ أنا لو قروشي جاهزة قاعد هنا!!
دا بعد السلام برضو!
|
Post: #5
Title: Re: تمبس وداليا .....حتمشو معاى ولا لا؟؟؟
Author: tahani abusin
Date: 07-20-2010, 11:27 AM
Parent: #4
وبتضحك كدا على شنو ؟طالما حق الزراعة ما عندك
غايتو ...جنس ميتة قلب
هذا بعد السلام برضو
|
Post: #10
Title: Re: تمبس وداليا .....حتمشو معاى ولا لا؟؟؟
Author: محمد عبد الماجد الصايم
Date: 07-20-2010, 12:35 PM
Parent: #5
هو عليكـ الله لو ما الضحكـ .. كان الضحكـ شرطنا!
ما شايفة عمكـ تمبس دا وضعوا النفسي كيف
بس تجيب سيرة السمكـ دموعو ترقرق!
|
Post: #27
Title: Re: تمبس وداليا .....حتمشو معاى ولا لا؟؟؟
Author: tahani abusin
Date: 07-21-2010, 07:03 AM
Parent: #10
يا عمك هو تمبس دا (مالو حنيييين )كدة
ثم ثانيا البشتاق لينا اجينا
نحن السعودية دى ما عندنا ليها قدرة
|
Post: #6
Title: Re: تمبس وداليا .....حتمشو معاى ولا لا؟؟؟
Author: tmbis
Date: 07-20-2010, 11:28 AM
Parent: #2
Quote: وادى فى منطقة ود عركى شرق البطانة نزرع
اهو امطار والحمدد لله نزلت كثيرة ولدى من
الاراضى ما يكفيناومعانا ود الصايم |
... وووين .. ووين سايقاهو ود الصايم معانا ؟؟؟
طيب الكلام دا ما قلتيهو ليه لما كنت هناك ..؟ ما تقولي اصلو الواحد كان متحيل ..؟
أقوليك حاجة .. حسع دي متحيل .. والله يا توتـا انا اسمع ساي بي مطرة صبت يا البحر زاد .. لمن تجيني خمة نفس .. التقول مريخابي ...
ياخ أحن إلى خبز أمي وونسة دقاقه في المغيرب بالحوش الوراني .. وقهوة في المطبخ الصباح ، وضحكة من عايده ، وغلاصة من زهرة .. وكباية شاي في حليوة انا وأنا  .. .. ومطرة ما يقطعوها إلا بي رصــة طوووب وخوجان في قزاز مكسر .. وسمك يشركو ليهو بي الصارقيل تحت مسجد النيلين ..
ود الصايم دا خليهو هنـا .. ووين سايقاهو .. بعد شوية يقوليك نحن نكلم ود البشرى .. ود البشرى يكلم طلحـة .. إلخ
عليك الله ود الصايم خليهو في رياضو دي الزول دا عندو استثمارات في البلد دي .. انا زول بحر ساي وأمطار موسمية ..
|
Post: #7
Title: Re: تمبس وداليا .....حتمشو معاى ولا لا؟؟؟
Author: tahani abusin
Date: 07-20-2010, 11:38 AM
Parent: #6
تمبس سلامات
ماتزعل ذاتو ود الصايم ماعندو قروش للزراعة يعنى كدا كدا ما حيمشى معانا
نحن هدفنا الاساسى انو نعمل على تنمية السودان زراعيا وكدا
بس تحت اشراف دكاترة وكدا المرة دى ونساعد على علاج المواطنين البسطاء
الحلوين القلوبهم بيضاء زى كدا مثلا
لكن واللة يوم السبت فاتك جنس سمك رهيب
|
Post: #8
Title: Re: تمبس وداليا .....حتمشو معاى ولا لا؟؟؟
Author: tmbis
Date: 07-20-2010, 11:50 AM
Parent: #7
| Quote: ماتزعل ذاتو ود الصايم ماعندو قروش للزراعة |
عندو يا زولة القاليك منو ما عندو .. ما يقعد يتمسكن ليك كدا دا .. وتصدقيهو بطلي المسكنة دي  .. Quote: نحن هدفنا الاساسى انو نعمل على تنمية السودان زراعيا وكدا
بس تحت اشراف دكاترة وكدا المرة دى ونساعد على علاج المواطنين البسطاء |
.. شفتي الفلسفة بتاعتك دي والشعارات دي هي الطيرتك من الانتخابات يعني ما خالد ماسا براهو .. طرتي وطيرتينا معاك .. | Quote: لكن واللة يوم السبت فاتك جنس سمك رهيب |
.. لسة ابوي ما بطل حركاتو دي ..؟
غايتو سمك هنا دا مسيخ مساخه .. ماف طريقة تجيبو للواحد سمك ...؟ إن شاء الله في ايميل
|
Post: #9
Title: Re: تمبس وداليا .....حتمشو معاى ولا لا؟؟؟
Author: سلمى الشيخ سلامة
Date: 07-20-2010, 12:25 PM
Parent: #8
احلى حاجة فى البوسطى دا صورة عم منصور الخاتيها علاء دى
ياخ الزول دا بحبه حب
طبعا دا بعد السلام والشوق الدميرة
يا زولة يا سمحة زراعة شنو فى السودان ؟ انتى بى صحك ؟
عليك الله ياتهانى تلاقى الزهور تسلمى لى عليها اطنان
|
Post: #11
Title: Re: تمبس وداليا .....حتمشو معاى ولا لا؟؟؟
Author: ياسر بيناوي
Date: 07-20-2010, 12:59 PM
Parent: #9
والله الليلة انا طلعت راجل كبسور بشكل
المداخلة الكنت عايز انزلها هنا
لقيت مشت لبوست معتصم وكمان علق عليها
خالص الود
|
Post: #29
Title: Re: تمبس وداليا .....حتمشو معاى ولا لا؟؟؟
Author: tahani abusin
Date: 07-21-2010, 12:29 PM
يا بيناوى انت ياتو يوم ماكنت كبسور؟
انت بتسلم على بتقول لى ازيك يا شول
رغم سماحتى الباينة يعنى
|
Post: #12
Title: Re: تمبس وداليا .....حتمشو معاى ولا لا؟؟؟
Author: tmbis
Date: 07-20-2010, 01:12 PM
Parent: #9
Quote: احلى حاجة فى البوسطى دا صورة عم منصور الخاتيها علاء دى
ياخ الزول دا بحبه حب |
يا سلملم ..
ياخ الصورة دي حكايته عجيبه خلاص .. تصدقي إنها يوم عرس عزوزة في النادي هناك ..
كان معاي عمر منصور وابوي وأمي وداليا .. نزلنا عمر جمب المطار .. وكسحنـا الحفله كان يوم عجيب جدا عليك الله عايني الرصة بتاعت الاسامي دي عامله كيف ..
|
Post: #13
Title: Re: تمبس وداليا .....حتمشو معاى ولا لا؟؟؟
Author: ياسر بيناوي
Date: 07-20-2010, 01:26 PM
Parent: #12
Quote: النجيضة :
ياود الصايم لو مشيت الوادي دا
قالوا مليان كباسير
خالص الود |
المداخلة الاتكبسرت
خالص الود
|
Post: #14
Title: Re: تمبس وداليا .....حتمشو معاى ولا لا؟؟؟
Author: سلمى الشيخ سلامة
Date: 07-20-2010, 01:49 PM
Parent: #12
يا علاء
عارف انه عم منصور وامنا وامكم والزهور
ديل ماركة مسجلة اصحاب عزوز
لكن كان لقيت لى "سحبة ما كعب"لانى بحبهم بالجد
وعمر برضو خاتى صورته فى الفيسبوك من حنة عزوز
شفت التلاقى الروحى دا كيف؟
اقول ليك ياخ احب بيتكم كله
|
Post: #15
Title: Re: تمبس وداليا .....حتمشو معاى ولا لا؟؟؟
Author: tmbis
Date: 07-20-2010, 02:25 PM
Parent: #14
Quote: يا علاء
عارف انه عم منصور وامنا وامكم والزهور
ديل ماركة مسجلة اصحاب عزوز
لكن كان لقيت لى "سحبة ما كعب"لانى بحبهم بالجد
وعمر برضو خاتى صورته فى الفيسبوك من حنة عزوز
شفت التلاقى الروحى دا كيف؟
اقول ليك ياخ احب بيتكم كله |
الله يخليك يا سلملم .. ياخ انا الحاجات الفاتت علي حنة عزوزة لاني كنت مسافر في الدويم .. وقدرما عافرته علشان ارجع بي سرعة تتخيلي خانتني ظروفي .. لانو عارفه كان ح تكون حالة استثنائية جدا ..
غايتو اتفقي مع عزوزه وزهرة لو وصلتي معاهم لي اتفاق مبدئي ومذكرة تفاهم انا ما عندي اي اعتراض وابقي اتوسطي لي معاك زاتووو لانهم ماخدين المسالة دي جد شديد ..
اللذ حاجة .. الأيام ديك .. مشيت لي بت عمي في الطايف .. وكانت معاي داليا قعدته كدا وكنا مستعجلين شديد مسافة جابو لي حاجة اشربه سريع كدا .. كان تجيني طالعه عازه من وين ما عارف كدا من جوه البيت قلت ليها شنو يا عزه إنت .. الواحد يخلي ليك بيت امو وابو أهلو يجي يلقاك في بيت بت عمووو ..؟
تحذير يا سلمى ..
لا تجبريني أن اتجرس في كتاباتي .. والله انا لما اتجرس مستعد اجرس معاي السيرفر دا زاتو
|
Post: #16
Title: Re: تمبس وداليا .....حتمشو معاى ولا لا؟؟؟
Author: osman righeem
Date: 07-20-2010, 02:38 PM
Parent: #15
اليومية كم ؟؟؟
|
Post: #17
Title: Re: تمبس وداليا .....حتمشو معاى ولا لا؟؟؟
Author: اميرة السيد
Date: 07-20-2010, 02:50 PM
Parent: #16
السؤال موجه للأستاذ تمبس
والدي يسألك هل أنت من تمبس في الشمالية وهل لك أقارب في كبدي وجزيرة سمت المجاورتين؟
أم أن كلمة تمبس ليست لها صلة بمناطق الشمالية ولكن لها معنى آخر؟
والله يعطيك العافية
أميرة
|
Post: #18
Title: Re: تمبس وداليا .....حتمشو معاى ولا لا؟؟؟
Author: tmbis
Date: 07-20-2010, 03:10 PM
Parent: #17
Quote: السؤال موجه للأستاذ تمبس
والدي يسألك هل أنت من تمبس في الشمالية وهل لك أقارب في كبدي وجزيرة سمت المجاورتين؟
أم أن كلمة تمبس ليست لها صلة بمناطق الشمالية ولكن لها معنى آخر؟
والله يعطيك العافية |
سلامات يا اميرة وسلامي للوالد وبوسيهو لي في راسو ..
نحن من منطقة العاليـاب وباقي اهلي مستقرين في منطقة دونتاي وكركوج الشريف محمد الأمين بالجهة الشرقية من سنجة ولينا أهل في الدندر والدمازين ..
طبعا اسم تمبس .. ما ليهو علاقة بالمنطقة .. فقط هو لقب قديم اساسا ما لي .. كان لي أحد الاصدقاء قمت استنسختو تقنيا .. وبقت في منو تلاتة نسخ بعدما عرفت إنو في زول في الرياض هنا اسمو تمبس .. لكن ما ليهو علاقة بالنت والحاجات دي .. وقدرما اجتهدته علشان اقابلو ما قابلتو ...
الحاجة الظريفه جدا قبل فترة مشيت اشتري اشرطة كاسيت لي بعض الاغاني الشعبية للشرق والغرب والشمال .. لقيت شريط بتاع زول اسمو (منصور تمبس) ياخ دا دخلني في حيرة عجيبة قلت ليهو إلا تكون قاصدني بس .. لانو ابوي اسمو منصور
المهم جبت الشريط وبقيت اسمعو كحركة مني سااي كدا .. لكن ما ناقش فوقو ابو النوم...
بعدين عايني ما تقولي لي الاستاذ تمبس .. قولي لي تمبس حاف كدا .. والله الاستاذ تمبس دي يقروها ناس محمد الصايم وحميده .. احتمال كبير يطلعوني بره الرياض دي .. حساده ساي الواحد ممكن يتصل عليك من الصباح يقوليك .. ووين يا استاذ تمبس ..؟؟
|
Post: #19
Title: Re: تمبس وداليا .....حتمشو معاى ولا لا؟؟؟
Author: عبد اللطيف السيدح
Date: 07-20-2010, 04:06 PM
Parent: #18
نحن من منطقة العاليـاب
حدد يا تمبس
الكلام دخل الحوش
معاك عاليابي واجرك علي الله
|
Post: #20
Title: Re: تمبس وداليا .....حتمشو معاى ولا لا؟؟؟
Author: haroon diyab
Date: 07-20-2010, 04:15 PM
Parent: #19
والله عليك جنس قوة قلب......!!!!!!
| Quote: بعدين عايني ما تقولي لي الاستاذ تمبس .. قولي لي تمبس حاف كدا .. |
|
Post: #21
Title: Re: تمبس وداليا .....حتمشو معاى ولا لا؟؟؟
Author: اميرة السيد
Date: 07-20-2010, 05:13 PM
Parent: #20
يا تمبس
وعاشت الاسامي
والمهم انا بضيف كلمة استاذ لأن كل واحد بيكتب في سودانيز أون لاين لازم يكون
استاذ في كل شئ... والمهم وعشان اسمك تمبس حنقول ليك تمبس حافي على الرغم
من انك ما من تمبس
والله يديك العافية
|
Post: #32
Title: Re: تمبس وداليا .....حتمشو معاى ولا لا؟؟؟
Author: tahani abusin
Date: 07-21-2010, 12:43 PM
Parent: #16
عثمان
سلام
لسسسسة مانزلناها فى دراسة الجدوى لكن كشباب همة كدة وحيوية وشباب كلو نشاط
اليومية ب10الف
انشاء اللة تكون مناسبة
|
Post: #22
Title: Re: تمبس وداليا .....حتمشو معاى ولا لا؟؟؟
Author: سلمى الشيخ سلامة
Date: 07-20-2010, 11:21 PM
Parent: #15
| Quote: لا تجبريني أن اتجرس في كتاباتي .. والله انا لما اتجرس مستعد اجرس معاي السيرفر دا زاتو |
يا تمبس
تجرس يرحمك الله
ما احلى ان نتجرس يا صديقى
يعنى انت قايل نحنا بث فايتنك بالصبر
وتعال ندق جرس عديل
يا تهانى
يا السمحة ام عجن
دحين يعنى الزراعة دى زمان كان عندها برنامج فى الرادى
الزمن دا خلوه
والجزيرة باعوها
"فى الجزيرة نزرع قطنا "
هثى الا كان تزرعى "جبونات وكزازكات " يا بت امى
|
Post: #23
Title: Re: تمبس وداليا .....حتمشو معاى ولا لا؟؟؟
Author: طلال عفيفي
Date: 07-21-2010, 02:39 AM
Parent: #22
Quote: ولدى من
الاراضى ما يكفينا |
عليك الله يا تهاني خلينا!
نتلاقى عادي في المعهد بعد ما يفتح.
|
Post: #24
Title: Re: تمبس وداليا .....حتمشو معاى ولا لا؟؟؟
Author: Sana Khalid
Date: 07-21-2010, 04:53 AM
Parent: #23
تهاني تحياتي..
في مقاعد زيادة في الحافلة دي؟
أنا حاجزة معاكم..
لكن يا تهاني ممكن تغشينا حي مانديلا أول شيء؟ مش قلتي عندنا شغل هناك؟
أنا بضمن ليك داليا غايتو..
مش يا دلوش؟
|
Post: #25
Title: Re: تمبس وداليا .....حتمشو معاى ولا لا؟؟؟
Author: محمد عبد الماجد الصايم
Date: 07-21-2010, 06:54 AM
Parent: #24
أميرة السيد حبابكـ إنتي وأبوكـ!
تُمبس بتاعتنا مضمومة .. تِمبس
بتاع البورض بالكسرة الظاهرة على أوله!!
_
أها .. وصلنا وين؟
|
Post: #33
Title: Re: تمبس وداليا .....حتمشو معاى ولا لا؟؟؟
Author: tahani abusin
Date: 07-21-2010, 12:48 PM
Parent: #25
نحن يا ود الصايم
هسة بالضبط فى سوق تمبول
حد يأكل كبدة ابل ويسمع شعر؟
|
Post: #26
Title: Re: تمبس وداليا .....حتمشو معاى ولا لا؟؟؟
Author: tahani abusin
Date: 07-21-2010, 06:58 AM
Parent: #24
الغالية سناء
انا ما نسيت مانديلا بس لسة شوية.
لكن هسة الحافلة للحلوين فاضية
|
Post: #31
Title: Re: تمبس وداليا .....حتمشو معاى ولا لا؟؟؟
Author: tahani abusin
Date: 07-21-2010, 12:39 PM
Parent: #14
ماما سلمى وعلاء باللة اطلعوا لينا من حتة بابا منصور دى
دا مسجل لى وعزة واحتمال زهرة
|
Post: #30
Title: Re: تمبس وداليا .....حتمشو معاى ولا لا؟؟؟
Author: tahani abusin
Date: 07-21-2010, 12:34 PM
Parent: #9
ماما سلمى شكرا
ابوى منصور دا ابوى التانى
وابو عزة بت سلمى كمان ربنا يمتعه بالصحة والعافية يا رب
|
Post: #28
Title: Re: تمبس وداليا .....حتمشو معاى ولا لا؟؟؟
Author: tahani abusin
Date: 07-21-2010, 12:24 PM
Parent: #8
يا عمو علاء الانتخابات انا عارفة الضيعنا فيها منو!!!!
مش ماسا براهو ناس كتار وخاصة بورداب السعودية؟؟؟
انت عارف مادفعو الشيرنق حق الانتخابات لحدى هسة!!!!!
لكن برضو السمك يا الهى
|
Post: #34
Title: Re: تمبس وداليا .....حتمشو معاى ولا لا؟؟؟
Author: osman righeem
Date: 07-22-2010, 04:36 AM
Parent: #28
Quote: اليومية ب10الف
انشاء اللة تكون مناسبة |
سلام
تهاني
طبعا انا سالت عن اليومية لانه ثقافتي عن الموضوع
تطورت .... مقاول ممارس للمهنة حدثني في معرض نقاش
ليس عابر فقال لا فض فوه
اليومية الناشفة 25 جنية ( ناشفة ) لا تشمل مواصلات
و لا طعام و اي راحات في مكان العمل
اليومية الرطبة 10 جنية و هي يضاف اليها وجبة رئيسية
و وجبة خفيفة + المواصلات و الراحات في مكان العمل
فأنا موافق اذا كانت يوميتك رطبة
|
Post: #35
Title: Re: تمبس وداليا .....حتمشو معاى ولا لا؟؟؟
Author: ياسر بيناوي
Date: 07-23-2010, 03:18 AM
Parent: #34
Quote: يا بيناوى انت ياتو يوم ماكنت كبسور؟
انت بتسلم على بتقول لى ازيك يا شول
رغم سماحتى الباينة يعنى |
لا كان كدة حباب الكبسرة
لاني الناس البحبهم ممكن عادي اسلم عليهم باسم واحد
يعني ممكن الا قي العميري اقول ليهو ازيك يا مصطفي سيد احمد
او الاقي البلابل اقول ليهم ازيكم يا استاذ موصلي
عشان كدة بقول ليكي ازيك ياشول يعني عايزاني اقول ليكي ازيك ياتمبس مثلا
بالمناسبة الناس البكرهم برضو
يعني لو لاقيت نافع اكيد ح اقول ليهو ازيك كرتي
خالص الود
|
Post: #36
Title: Re: تمبس وداليا .....حتمشو معاى ولا لا؟؟؟
Author: د.محمد حسن
Date: 07-23-2010, 06:53 AM
Parent: #28
لو حتزرعو طماطم ادونا خب
طبعا ده بعد السلام برضو
|
Post: #37
Title: Re: تمبس وداليا .....حتمشو معاى ولا لا؟؟؟
Author: الطيب صديق محمد
Date: 07-23-2010, 07:20 AM
Parent: #36
توته الناشطه : دايره تتحولي للنشاط الزراعي
|
|