Post: #1
Title: رضاء الناس غاية لا تدرك
Author: almulaomar
Date: 07-20-2010, 06:59 AM
Parent: #0
ضحكت فقالوا الا تحتشم .. بكيت فقالوا الا تبتسم
بسمت فقالوا يرائي بها .. عبست فقالوا بدى ماكتم
صمت فقالوا كليل اللسان .. نطقت فقالوا كثير الكلم
حلمت فقالوا صنيع الجبـــان ولو كان مقتدرا لانتقم
بسلت فقالوا لطيش به .. وما كان مجــترءا لو حكم
يقولون شذ اذا قلت لا .. وإمعه حين وافقتهم
فايقنت اني مهما اردت .. رضا الناس لابد ان اذم
|
Post: #2
Title: Re: رضاء الناس غاية لا تدرك
Author: محمد عبد الماجد الصايم
Date: 07-20-2010, 07:22 AM
يا عمكـ .. إنت اليومين ديل في إجازة؟
|
Post: #3
Title: Re: رضاء الناس غاية لا تدرك
Author: Tabaldina
Date: 07-20-2010, 08:23 AM
Parent: #2
..
.
يا ود الصايم
لو مافى اجازة بكون جاب لاب توب جديد
--------------
واشترى Canar Go
|
Post: #4
Title: Re: رضاء الناس غاية لا تدرك
Author: محمد عبد الماجد الصايم
Date: 07-20-2010, 08:29 AM
Parent: #3
غايتو لقيتكـ بتاع مبيعات ناجح!
غازي لينا كنار قو دي في أي حتة!
بعد شوية ح تبقى عليكـ قصة ولد الراجحي
لو ما سمعتها إلا المسنجر .. مسنجر زاتو
مع الهكر .. إلا وجها لوجه عديل!
|
Post: #5
Title: Re: رضاء الناس غاية لا تدرك
Author: almulaomar
Date: 07-20-2010, 10:49 AM
Parent: #2
يا ود الصايم أنا بالمعاش بالمعاش بالمعاش يا خلف الله يااااخ نزلوني الصالح العام بالرغم من أنني معرج يعني لا من صالحي لا من صالحهم لكين نعمل شنو الحكومة قالت قولها وهي ست البلد ، عشان كده بقي ما عندي موضوع خشيت لي في تريننق سوت مرة وقلت أعمل خواجه وأمارس رياضة الجري ، أها وحاتك صليت الصبح حاضر ودخلت في عدة الرياضة وبديت الجكه لمن قطعت حوالي 200 متر عدواً لقيت ليك نص كلاب الحلة وراي ومن يومها إعتزلت الأوليمبيك قيمز أها بقي ما عندي غير الكمبيوتر وسودانيز أونلاين ولو بكري عاوز يحدد ساعات وجود الأعضاء أونلاين برضو يكون كويس عشان الواحد يقدر يفكر ليهو في هواية تانيه.
|
Post: #6
Title: Re: رضاء الناس غاية لا تدرك
Author: نادر النور آدم
Date: 07-20-2010, 10:59 AM
Parent: #5
| Quote: يا عمكـ .. إنت اليومين ديل في إجازة؟ |
لا والله الفي إجازة دا زول تاني في بالي !!
|
Post: #7
Title: Re: رضاء الناس غاية لا تدرك
Author: almulaomar
Date: 07-20-2010, 12:54 PM
Parent: #6
تبلدينا يا جميل
اللاب توب دا كان part of فوائد ما بعد الخدمة بعد عمر طويل عشان كده يعتبر من الممتلكات في منزلنا الكائن ومؤمن عليه في شركة شيكان فرع المطار ضد الحريق والفايروسات وعين الحسود والـSpam إيميلز وهلم أما حكاية كنار قو دي ما بعرفها وأنا زي ما قلت ليك ساكن في حته يبدو أنها كلهاnetworks فهذا اللاب توب لديه قرنا إستشعار زيو وزي أى أم حشرة يعني يلقط ليك الشبكة وتدخل ويا نت ما دخلك شر ، أها يوم يسوا ليهم باسوورد ويوم يفكوها بدون ويوم في بيوم نبيع الكمبه ، وأنا بين هذه وتلك ما بتحير ، يعني تقدر تقول على داخل ملح وفي راوية أخرى لاطش الشبكة..
|
|