Post: #1
Title: المريخ يحتاج الى هذا المدرب ؟ وهذا المعسكر ؟
Author: omer osman
Date: 07-18-2010, 10:32 AM
جمال أبو عنجة .......... 
و
الكلية الحربية
|
Post: #2
Title: Re: المريخ يحتاج الى هذا المدرب ؟ وهذا المعسكر ؟
Author: omer osman
Date: 07-18-2010, 10:33 AM
Parent: #1
وكت كورة في الرأس مافي ..........
على الاقل تبقي رجالة وحماس ....... وعدم استسلام للهزيمة ......
|
Post: #3
Title: Re: المريخ يحتاج الى هذا المدرب ؟ وهذا المعسكر ؟
Author: omer osman
Date: 07-18-2010, 10:34 AM
Parent: #2
ياحليل جمال ابوعنجة وبدرالدين بخيت ........
بطلعوا من الكورة زي الكانوا في طابور ذنب في كلية عسكرية ...........
|
Post: #4
Title: Re: المريخ يحتاج الى هذا المدرب ؟ وهذا المعسكر ؟
Author: omer osman
Date: 07-18-2010, 10:37 AM
Parent: #3
1989 عندما اغرق النيجريين ارضية الميدان قبل لقاء المريخ وبندل يونايتد في نهائي الكأس بكي المرحوم عبدالحميد الضو حجوج .......
طلب منه بدرالدين وجمال ابوعنجة ان يكفف دموعه ولايهتم للامر ويجلس فوق في المقصورة ...... والجوه النجيلة دي خليهو علينا ......
وقد كان واحضروا أول كأس قاري للسودان ..............
|
Post: #5
Title: Re: المريخ يحتاج الى هذا المدرب ؟ وهذا المعسكر ؟
Author: omer osman
Date: 07-18-2010, 10:39 AM
Parent: #4
شاهدت عاطف القوز بعد اعتزاله يبكي وهو جالس بجواري في احدي المباريات التى خسرها المريخ على ارضه .........
|
Post: #6
Title: Re: المريخ يحتاج الى هذا المدرب ؟ وهذا المعسكر ؟
Author: omer osman
Date: 07-18-2010, 10:41 AM
Parent: #5
شاهدت سيد سليم وهو يركل الكرسي ويسب ويسخط وهو يغلي بعد هدف احرزه طمبل(الهلال) في شباك المريخ ....
|
Post: #7
Title: Re: المريخ يحتاج الى هذا المدرب ؟ وهذا المعسكر ؟
Author: omer osman
Date: 07-18-2010, 10:46 AM
Parent: #6
في مثل امطار الامس كان المريخ يلعب ضد فريق تونسي (الترجي اظنه) ومطالب باحراز هدفين .......
لم تزد الامطار لاعبي المريخ وجمهوره الا حماس وغيرة على الشعار .........
اصطدم جمال ابوعنجة باحد التوانسة على الكرة فسمعنا صيحة التونسي في المقصورة فوق ........
وقد كان لهم ما ارادو براسية سانتو الهدفين على ما اذكر ...........
|
Post: #8
Title: Re: المريخ يحتاج الى هذا المدرب ؟ وهذا المعسكر ؟
Author: omer osman
Date: 07-18-2010, 10:49 AM
Parent: #7
1- صلعة بالموس لكل لاعبي الفريق بما فيهم العجب زاتو.
2- تقريش كل عربات اللعيبة في حوش النادي.
3- صلعة بالموس لوارغو والنفطي + خروج نهائي.
4- قيام معسكر مقفول بالكلية الحربية بوادي سيدنا لحين مباراة الرد مع الجيش النيجري.
|
Post: #9
Title: Re: المريخ يحتاج الى هذا المدرب ؟ وهذا المعسكر ؟
Author: Amira Elsheikh
Date: 07-18-2010, 10:50 AM
Parent: #6
عمر عثمان...سلااام..
نحــن بعد كـل مبارة نقعد نتحسر ونبكى ونتذكر تيم كمال عبدالغنى..عاطف القوز ..ابراهيم عطاء...عبدالسلام حميدة..ابراهومة...ابوعنجة..عادل امــين ..دحدوح...عيسى صباح الخير,,,قلة,,,وكانو حوا المريخ لم تعد قادرة على الانجاب ه?
جمال ابو عنجة اسي مفترض يكون فى الجهاز الفنى للمريخ ..لانو مسئول ومنضبط وبحب المــريخ ..
والله زاتى ماعارفة دايرة اقول شنو مــن الزعل
|
Post: #10
Title: Re: المريخ يحتاج الى هذا المدرب ؟ وهذا المعسكر ؟
Author: محمد عبد الماجد الصايم
Date: 07-18-2010, 10:54 AM
Parent: #9
البُكاء على الأطــلال!
أو : الجعّير على الأشباح!
|
Post: #12
Title: Re: المريخ يحتاج الى هذا المدرب ؟ وهذا المعسكر ؟
Author: omer osman
Date: 07-18-2010, 10:58 AM
Parent: #10
Quote: البُكاء على الأطــلال!
أو : الجعّير على الأشباح! |
يا عزيزي كلنا في الهم شرق ..........
الليلة تشوف براك ................
براك دي زي كاك ......... صاح
|
Post: #18
Title: Re: المريخ يحتاج الى هذا المدرب ؟ وهذا المعسكر ؟
Author: هاشم محمد الحسن عبدالله
Date: 07-19-2010, 07:06 AM
Parent: #12
تحياتى لجنابو الصفوة عمر عثمان ، تحياتى ، الحزن كبير على ماحدث المهم نأخذ العبر ، ياأخى بشارة العظيم لما الفريق النجيرى جاتب القون الثانى كان يبكى بحرقة ، نحن محتاجين لمثل بشارة لتدريب المريخ وتاريخه حافل بالولاء للمريخ العظيم ويساعده فريق من قدامى اللاعبين الذين ذكرتهم ، الوالى جزاه الله خيرا ادارى فريد انجازاته معروفة وناصعة ومتميزة لكن حكاية الكورة دية ماضبطت معاه ممكن يكون رئيس الشرف مدى الحياة يستاهل ، نحن عايزين رئيس زى محمد الياس فاهم كورة كويس ة وأهم حاجة عندو المريخ يفوز زى عظماء المريخ أمثال أبو العائلة والعم شاخور رحمهم الله، لأن الكورة فى الآخر هزيمة الفرق وخاصة الرشاشات ، مودتى .
|
Post: #11
Title: Re: المريخ يحتاج الى هذا المدرب ؟ وهذا المعسكر ؟
Author: omer osman
Date: 07-18-2010, 10:55 AM
Parent: #9
Quote: نحــن بعد كـل مبارة نقعد نتحسر ونبكى ونتذكر تيم كمال عبدالغنى..عاطف القوز ..ابراهيم عطاء...عبدالسلام حميدة..ابراهومة...ابوعنجة..عادل امــين ..دحدوح...عيسى صباح الخير,,,قلة,,,وكانو حوا المريخ لم تعد قادرة على الانجاب ه?
|
لينا حق نتحسر يا اميرة لانو عندنا حاجة نتحسر عليها عندنا رجال كانوا بياكلو النار عشان الشعار ........
زماااااان كنت بفرح لمن فريق يجيب قون في المريخ عشان الفريق ده عينو ما تشوف الا النور ..............
زماااااااان يا اميرة لعيبة المريخ كان بهيجو لمن يدخل فيهم قون وتتولد لديهم طاقة وحماس وانتشار في الملعب بصورة تخيف اى فريق ........
وين اسه من السجم والرماد ديل .......... استسلام وخنوع مذل
|
Post: #13
Title: Re: المريخ يحتاج الى هذا المدرب ؟ وهذا المعسكر ؟
Author: Amira Elsheikh
Date: 07-18-2010, 11:06 AM
Parent: #11
ا.Quote: سلام ياشهاب وكيـفك,,,
خلينا واقعيين ...الإستاد كان شبه فاااضى والسبب لا الامطار ولا الظروف الطبيعية
السبب مستوى المريخ المتدهور وغير مقنع وعدم جدية اللاعبين ..
ياخ الناس الدخلت الاستاد وحضرت لقت شنو ?لا لعـب ولا نتيجة ...
غايتو انا لو جمهور المــريخ دا عندى عليهو سلطة ولا زول فى الفترة الجاية مايدخل الاستاد ولا مبارة محلية ولا دولية ....
شان نشوف الاشباح ديل نهايتهم ويــن?
كـم سنة نحن من بنآزر ,,, فتــرنا زاتو,,,..
عليك ياشهاب مقتنع بالبسوى فيهو لعيبة المـريخ دا...
تحـياتـى |
لمـداخلة دى عملتها فى بوست شهاب..
لقيت شهاب متفائل جدا.
شكرا لصفوه المريخ التي ازرت من داخل الاستاد انتم الرائعون بحق !!.
|
Post: #14
Title: Re: المريخ يحتاج الى هذا المدرب ؟ وهذا المعسكر ؟
Author: محمد عبد الماجد الصايم
Date: 07-18-2010, 11:10 AM
Parent: #13
يا زول .. أنا في الهم شمال!
|
Post: #15
Title: Re: المريخ يحتاج الى هذا المدرب ؟ وهذا المعسكر ؟
Author: Nader Abu Kadouk
Date: 07-18-2010, 11:10 AM
Parent: #13
جنابو كدي خلو جمال الوالي ده إتخارج بعدين نشوف موضوع المدرب والمعسكر
|
Post: #17
Title: Re: المريخ يحتاج الى هذا المدرب ؟ وهذا المعسكر ؟
Author: عبد الله كسلا
Date: 07-18-2010, 11:38 AM
Parent: #15
تعرف يا جنابو ... أنا لي فترة طويلة جداً ما كملت مبارة لفريق سوداني حتى النهاية .. هلال .. مريخ .. أو حتى منتخب قومي ... لازم اقوم واسيبها من النص من القرف والزهج والضيق من عدم الكورة .. وعدم الأخلاق ... لا كورة .. ولا أخلاق ..
أنا بالجد متحير في إنه لسه في ناس بيشجعوا الهلال أو المريخ وبعصبية وتطرف شديد كمان ... صحي في بعض الأسماء فقط من اللاعبين التحس بأنهم عندهم فكرة في الكورة .. وعندهم حساسية عالية في التعامل مع الكورة نفسها زي هيثم مصطفى أو مهند الطاهر أو عبد الحميد السعودي أو كاريكا أو فيصل العجب ... لكن معظم اللاعبين الحاليين ديل تفكيرهم في المادة مش حب كرة القدم نفسها زي اللاعبين الزمان ... عشان كده ما تتوقع قلوب حارة وأكل نيران وغيرة على الفريق أو على اسم السودان زاتو ...
غايتو بس الله يكون في عون المتعصبين في تشجيع الكورة السودانية اليومين ديل ...
أنا عندي واحدة قريبتي هلالابية اتفرجت على الهلال أيام ناس جكسا وعلي قاقرين والدحيش والمرحوم ديم الصغير والمرحوم الكوارتي ... وبعد داك على الهلال أيام مصطفى النقر .. ومحمد حسين كسلا .. وجميل .. ولحدي زمن فريق الهلال أيام طارق والثعلب وتنقا وأسامة الثغر .. ولحدي هسي .. حتى اليوم .. بنفس العصبية والتوتر وعدم الأكل أو النوم لمن الهلال يكون لاعب أو حا يلعب أي مبارة ...
معقولة بس ؟ زول يتفرج على جكسا .. والدحيش وقاقرين ... يجي يتعصب ويموت كمد للعيبة الهلال اليوم.. ده مش هو الحب البيكتل زاتو ؟
|
Post: #16
Title: Re: المريخ يحتاج الى هذا المدرب ؟ وهذا المعسكر ؟
Author: walid taha
Date: 07-18-2010, 11:36 AM
Parent: #1
وماذا عن جمال الوالي يا عمر
" الذى طالبته سابقاً بأن يشيل كراسيهو ونجيلتو ويتخارج" ؟
---
بعدين علامات الإستفهام فى عنوان البوست تؤدى الى فهم خاطئ ، فكانك تتسائل فى حين أنك بالبوست تقترح مدرب ومكان لمعسكر للمريخ يتناسب مع خسارة المريخ عشية الامس .
تحياتى،
|
Post: #19
Title: Re: المريخ يحتاج الى هذا المدرب ؟ وهذا المعسكر ؟
Author: Hassan Senada
Date: 07-19-2010, 09:04 AM
Parent: #16
ياجنابو مشكلة المريخ فى الدلال الزايد للاعبين كل لاعب فى المريخ راكب برادو وكامرى والصرف بالدولار
فوز ولاخسارة الراتب ماشى مامهم
|
Post: #20
Title: Re: المريخ يحتاج الى هذا المدرب ؟ وهذا المعسكر ؟
Author: فتحي الصديق
Date: 07-19-2010, 09:28 AM
Parent: #19
| Quote: - صلعة بالموس لوارغو والنفطي + خروج نهائي |
طوااااالي حنجيبو للهلال العظيم ...
|
Post: #21
Title: Re: المريخ يحتاج الى هذا المدرب ؟ وهذا المعسكر ؟
Author: عبدالرحيم أبراهيم العبيد
Date: 07-19-2010, 09:55 AM
Parent: #20
جنابو
تحياتي وأشواقي
علي الرغم من أشجع الهلال
لكنني أشجع المريخ عندما
يلعب بأسم السودان
يا حليل أيام زمان
عندما نتأخر في الدخول ولو لمدة
خمسه دقائق نجد نتيجة المباراه
المريخ/ الهلال متقدم بهدفين
رحم الله أبو العائله والطيب عبدالله
ودمتم بالف خير وعافيه
|
Post: #22
Title: Re: المريخ يحتاج الى هذا المدرب ؟ وهذا المعسكر ؟
Author: خالد درق
Date: 07-19-2010, 10:56 AM
Parent: #21
جنابو ياصفوة ... تحياتى
مافى كلام نقولوا غير ااااااااااااااااااخ على المريخ
|
|