Post: #1
Title: ماذا تعرف عن جمهورية النيجر؟
Author: محمد عمر الفكي
Date: 07-18-2010, 07:14 AM
Parent: #0
دولة لتوها خارجة من مجاعة شهد عليها العالم اجمع بانها من افظع المجاعات في القرن الحادي والعشرين"يعني ياهارون ويا سعادتو عمر وسامي وبقية احبابنا الانقعت مرارتهم امس" احتمال عساكرها ديل لسه نخاع العظام حقهم ماركب راسه واستعدل في انتاج الدم اللازم للحياة. واحتمال كبير يكونوا عايشين على الدبابيب والقعونج. اما جيشها نفسه فحسب علمي هو شغال في حرب مع القاعدة في صحراء النيجر والصحراء الكبري يعني الناس ديل من الحرب على الكورة فتخيل فريق يراسه ملياردير يتعادل في ارضه مع ناس زي ديل!!!!
اما لاولادنا لعيبة المريخ فاقول لهم ولايهمكم واثقين منكم وحياة عيونكم حوافزكم ما تنقطع والباسطة والكنافة والبسبوسة البيقطعها منكم لاقطعن عنقه، اما من يحرمكم من المسجل لترقصوا رقصة العروس فقد اعلن على نفسه الحرب.
هذا الفريق مادام فيهو موسى الزومة احلق شنبي بمروة كان مشى خطوة لقدام، اما النفطي وما ادراك ما النفطي فو الله الكورة لو فيها عمالة اتهمه بانه اتي خصيصاً لينتهي من سمعة هذا الفريق او ليسبب امراض القلب والسكر لمشجعي هذا النادي اما ماسورة تصريف المجاري المدعوة وارغو فتلك قصة اخرى وكاسكروكا اه يا قلبي الداير يقيف.
اقول من مكة وفي هذا الصباح وادعو عليكم بان يحرق الله قلوبكم كما حرقتم قلوبنا وان يسلط عليكم من لايخافه ولايرحمكم كما تسلتطم علينا في غفلة من الزمان والا لما كنتم مشجعين لهذا النادي ناهيك ان تكونوا لاعبين فيه.
حريقة تحرقكم يا دلاقين يا عديمي الاحساس يا وهم.
|
Post: #2
Title: Re: ماذا تعرف عن جمهورية النيجر؟
Author: فدياس نجم الدين
Date: 07-18-2010, 07:20 AM
Parent: #1
إنالله وإنا إليه راجعون
إحتسب يا عمنا
غايتو الزول ماقادر يأخد راحته على الآخر عشان عندنا مباراه بعدين
لكن لو الله آدانا الفي مرادنا
كل هذه البوستات الخاص بالجيش النيجري ستجدنا بها من القاطنيين
|
Post: #3
Title: Re: ماذا تعرف عن جمهورية النيجر؟
Author: محمد عمر الفكي
Date: 07-18-2010, 08:07 AM
Parent: #2
فدياس
بمناسبة احتسب دي،
واحد شغال مع والي ومشغله 24 ساعة ولما يطالب باجر او زيادة يقول له حتسب وجعلها الله في ميزان حسناتك. فالوالي غيروه والراجل حمد ربنا قال الجديد احسن والجديد طلع زي القديم كربه شغل ولما طالبه بزيادة قال له احتسبها في ميزان حسناتك فصاحبنا قال له انت الوالي القديم دا خلى الميزان دا هنا ولاشنو؟
نسوي شنو والسنوسي متفسح فينا بهناك.
|
Post: #4
Title: Re: ماذا تعرف عن جمهورية النيجر؟
Author: فدياس نجم الدين
Date: 07-18-2010, 08:10 AM
محمد
يأخي إنتو لسه شفتوا حاجه
بس الزول ماقادر يأخد راحته
عشان كورتنا بعدين
أها لو غلبنا بنتيجه عريضه إلا تشوفوا ليكم منبر تاني
لوووووووووووووووول
|
Post: #5
Title: Re: ماذا تعرف عن جمهورية النيجر؟
Author: محمد عمر الفكي
Date: 07-18-2010, 08:18 AM
Parent: #4
ما عارف يا فدياس عندي احساس انه حيحصل فيكم الحصل في الارجنتينيين "شماتة في البرازيل لمدة 24 ساعة"
نحن احسن بنقول للاعور اعور في عينه ودلاقينا بنعرف نعصرها مع انه المرة دي لازم نوديها لمكوجي لانه فترنا من كترة الغسيل والشفط والخياطة والترقيع وكملوا لينا الصابون ذاتو بس انتو ما بتقدروا.
|
Post: #6
Title: Re: ماذا تعرف عن جمهورية النيجر؟
Author: فدياس نجم الدين
Date: 07-18-2010, 08:26 AM
Parent: #5
محمد
لا تحملوا بعالم سعيد
يا زول أرجنتين شنو
غايتو أقل من إتنين صفر بتكون بالخساره معانا
|
Post: #7
Title: Re: ماذا تعرف عن جمهورية النيجر؟
Author: عمران حسن صالح
Date: 07-18-2010, 08:40 AM
Parent: #6
|
Post: #8
Title: Re: ماذا تعرف عن جمهورية النيجر؟
Author: محمد عمر الفكي
Date: 07-18-2010, 08:52 AM
Parent: #7
عمران
دا الربنا قدرك عليهو؟مالك ما ختيت ليك وش ضاحك؟ بس صدقني كلو محصل بعضه وكلها ساعات والتلفون بنقفل.
تعرف كنت متأكد انك حتجي بهنا.
|
Post: #9
Title: Re: ماذا تعرف عن جمهورية النيجر؟
Author: البحيراوي
Date: 07-18-2010, 09:38 AM
Parent: #8
الأخ محمد عمر الفكي
تحياتي - دي مش البلد الكان فيها إنقلاب قبل كم شهر كدا؟؟
بالله عليك الله بلد زي دي فريقها يتعادل مع مريخنا ولا الخيل البيض بطهرن في مبارة الرد
بحيراوي
|
Post: #10
Title: Re: ماذا تعرف عن جمهورية النيجر؟
Author: حمزاوي
Date: 07-18-2010, 09:57 AM
Parent: #9
ود الفكي اخوي
كلو من كاربوني
الله يفكو من رقبتنا
الله لا كسبك يا كاربوني ولا غز فيك بركة
|
Post: #11
Title: Re: ماذا تعرف عن جمهورية النيجر؟
Author: فدياس نجم الدين
Date: 07-18-2010, 10:11 AM
Parent: #10
غايتو
أعمده كتب المريخ الليله ( صيوان بكاء عديل )
هاك شويه عناوين رئيسيه
مزمل أبو القاسم
(تحققت المخاوف )
والكلام في العامود عن ضعف الإعداد النفسي
عبدالمجيد عبدالرازق
فجاء تحت هذا المسمى
( ياغريب بلدك يلا لبلدك )
والمقصود المدرب كاربوني وإبنه
أما ناس السوبر فقد كتب إبارهيم عبدالرحيم نائحاً
( الجيش والمتمردون ........... من أين أتاء هؤلاء )
بدر الدين الفاتح فجاء تحت هذا العنوان
( المريخ راااح مع الضباح ) وجوه العامود أورد هتاف الجمهور ( الليق الليق ولم يكمل الجمله )
العاقل إبراهيم عبدالرحيم جاء عاموده تحت عنوان
( شكراً أمادو مدافع الجيش ... أنقذتنا من الفضيحه ..)
وكأن التعادل مع الجيش المغمور ليس فضيحه
غايتو بس فاقدين التجعير
|
Post: #12
Title: Re: ماذا تعرف عن جمهورية النيجر؟
Author: محمد عمر الفكي
Date: 07-18-2010, 10:21 AM
Parent: #11
البحيراوي
| Quote: ولا الخيل البيض بطهرن في مبارة |
رب رمية من غير رام!!! هي جنس طهورة طهورة الترجي بس.
حمزاوي
كاربوني براه؟ كاربوني ووارغو والاسمه زي اسم البوهية داك ساركوسا ولا شنو واهم حاجة موسى الزومة ! الزول دا انا متمنى من الله يجيهو عقد احترافي في الانتر مكان زانيتي بس يختانا.
|
Post: #13
Title: Re: ماذا تعرف عن جمهورية النيجر؟
Author: Mahjob Abdalla
Date: 07-18-2010, 10:54 AM
Parent: #12
يا ناس الله ... متأكدين الزول ده مريخابي في ثياب بيضاء...
او المريخ مخترق...
انا عمري ما اتخيلت انو لاعبي المريخ لهم زي ابيض...
|
Post: #14
Title: Re: ماذا تعرف عن جمهورية النيجر؟
Author: فدياس نجم الدين
Date: 07-19-2010, 07:01 AM
Parent: #13
ماذا تعرف عن جمهوريه سادومبا ؟
|
|