Post: #1
Title: لماذا يغنِّي فنانونا جلوساً من دول فناني العالم؟؟
Author: cantona_1
Date: 07-17-2010, 09:02 PM
Parent: #0
يا جماعة الخير من الشباب والشيوخ والكهول النساء والبنات عندي سؤال ما عارف إجابته:
في كل الدنيا الفنانين بغنوا وهم وقوف إلا عتدنا في السودان ما فيكم زول عارف السبب شنو؟
|
Post: #2
Title: Re: لماذا يغنِّي فنانونا جلوساً من دول فناني العالم؟؟
Author: اسيا ربيع
Date: 07-18-2010, 06:45 AM
| Quote: في كل الدنيا الفنانين بغنوا وهم وقوف إلا عتدنا في السودان ما فيكم زول عارف السبب شنو؟ |
تعرف ..السبب بيكون من الرطوبة
اهلا بك فى لندن
صباحاتك فرايحية وكن بخير
|
Post: #3
Title: Re: لماذا يغنِّي فنانونا جلوساً من دول فناني العالم؟؟
Author: MOHAMMED ELSHEIKH
Date: 07-18-2010, 06:54 AM
Parent: #2
الكلام دا جبتو من وين؟
جلوسا دي في ظروف محددة وفنانين محددين وفي اوقات محددة
|
Post: #4
Title: Re: لماذا يغنِّي فنانونا جلوساً من دول فناني العالم؟؟
Author: EMU إيمو
Date: 07-18-2010, 06:55 AM
Parent: #2
يمكن كسل
تحياتي
|
Post: #5
Title: Re: لماذا يغنِّي فنانونا جلوساً من دول فناني العالم؟؟
Author: walid taha
Date: 07-18-2010, 07:00 AM
كانتونا_1 سلام وتحية
الغناء مثله مثل كثير من النشاطات يحتاج لجهد عالى غير متوفر لدى الفنانين السودانيين (الذين جلسوا)
وردي ، كابلي ، أبو الزيك مثالاً
(لا تعتبر القائمة أعلاه نهائية) :)
دمت،،،
|
Post: #6
Title: Re: لماذا يغنِّي فنانونا جلوساً من دول فناني العالم؟؟
Author: abubakr
Date: 07-18-2010, 09:19 AM
Parent: #5
الغناء الاثني عند كل شعوب السودان يؤدي وقوفا وحتي الذي يسمي الان غناء الوسط "السوداني" كان يؤدي وقوفا وربما ظهور الة العود في غناء الوسط و بعض الاثني ربما استوجب الجلوس ولو ان بعض المغنيين يعزف العود ويغني وهو واقف او جمعهم يغني واقفا الا قليل ...
|
Post: #7
Title: Re: لماذا يغنِّي فنانونا جلوساً من دول فناني العالم؟؟
Author: Azhari Nurelhuda
Date: 07-18-2010, 10:46 AM
Parent: #6
الصحيح والطبيعي أن يكون الغناء وقوفا لراحة الجهاز التنفسي وأخذ مساحته الكاملة بدون أي ضغط يسببه الجلوس
ولكن هنالك بعض من المبررات منها مثلا ما أورده الاخ أبوبكر في مداخلته القيمة:
Quote:
ربما ظهور الة العود في غناء الوسط و بعض الغناء الاثني ربما استوجب الجلوس.....
|
|
Post: #8
Title: Re: لماذا يغنِّي فنانونا جلوساً من دول فناني العالم؟؟
Author: محمد الكامل عبد الحليم
Date: 07-18-2010, 10:49 AM
Parent: #6
في احتنمال ان الراس تقيل..بس المستمع حيفقدفي هذه الحالة فرصة الاستماع للحروف الخارجة من البطن..بعدين الوقوف قد يعرض الفنان للاهتزاز مما قد يفقده حاسة النظر او النظر طشاش طشاش...مع الاحترام للمبدعون الحقيقيون...
|
Post: #9
Title: Re: لماذا يغنِّي فنانونا جلوساً من دول فناني العالم؟؟
Author: BAKTASH
Date: 07-18-2010, 04:33 PM
Parent: #8
مــــــــــــــــن الـتـعبــ والاكــــــل الكـــــــــعــــــــب
|
Post: #10
Title: Re: لماذا يغنِّي فنانونا جلوساً من دول فناني العالم؟؟
Author: Nasruddin Al Basheer
Date: 07-18-2010, 05:12 PM
Parent: #9
السب هو:-
1- فنانينا بتاعين قعدات عشان كده بغنوا قاعدين
2- غنانا تقيل والدليل على ذلك زمان كانوا في شيالين
عشان يساعدوا الفنان ويشيلوا معاهو الغناء التقيل..
|
Post: #11
Title: Re: لماذا يغنِّي فنانونا جلوساً من دول فناني العالم؟؟
Author: Abobakr Shadad
Date: 07-18-2010, 08:01 PM
Parent: #10
من يغنون وقوفا يغنون فى مسارح او ما شابه
اما عندنا فالفنان المطلوب منه ان يتحدث ويتحدث
فى الفكر والادب والسياسة وتاريخ الغناء و غيرها ثم بعد كل هذا يطلب من ان يختم
ب سمعنا حاجة : وهو جالس فى استديوضيق من الموسانايد يكاد ان يسقط عليه
ومتكدس بالعازفين و امامه زهرية بلاستيك تسد النفس وربما ايضا مذيع متحذلق
تحياتى
|
Post: #13
Title: Re: لماذا يغنِّي فنانونا جلوساً من دول فناني العالم؟؟
Author: salah ismail
Date: 07-18-2010, 08:57 PM
Parent: #11
الكباشي
لو عرفت السبب ح تعمل شنو؟؟؟....افتكر احسن ما تعرف لانك ما حتقدر تخليهم يغنو واقفين...بعدين البغنو واقفين لما يعرفو انك عرفت حيغنو قاعدين...بعد داك....ما حتقدر توقف القاعدين لانو الواقفين قعدو...والقاعدين وقفو...بعدين حتلقي نفسك طوالي عاوز توقف في القاعدين...وتمنع الاغنيات بتاعت الفنانين القاعدين من الاذاعة والتلفزيون...وفي الحفلات لازم يكون في بتاع امن يراقب الفنان عشان ما يقعد...وبعدين الناس حتحتاج لي فتوي في نوع القعدات بتاعت الفنانين...وحيكون في فرق بين الفنان البقعد
والفنان الواقف في العداد.. واحيانا العروس والعريس بكونو قاعدين في حاجة اسمها الكوشة...والناس كلهم كدا في قعدة كبيرة...والفنان بكون تعب من الوقفه وقعد..بس مجدر ما يقعد كدا...بتاع الامن بظهر.. ومعاهو كم واحد من بوليس منع القعاد يفرتق الحفلة قبل ما الفنان يقعد...والكراسي تتطاقش... وبعدين الناس كلها...تقيف...وفرررررررررررررررر... تجري...
طول بالك ياخي...
انا عارف السبب وما حاوريك....كلو....كلو...الا تغني لينا انت اغنية وانت...واااااقف... واغنية ....وانت قااااااااعد...
كل الود...
==============================
|
Post: #12
Title: Re: لماذا يغنِّي فنانونا جلوساً من دول فناني العالم؟؟
Author: cantona_1
Date: 07-18-2010, 08:55 PM
Parent: #10
Quote: آسيا ربيع
تعرف ..السبب بيكون من الرطوبة
محمد الشيخ
الكلام دا جبتو من وين؟
جلوسا دي في ظروف محددة وفنانين محددين وفي اوقات محددة
إيمو
يمكن كسل
وليد طه
الغناء مثله مثل كثير من النشاطات يحتاج لجهد عالى غير متوفر لدى الفنانين السودانيين (الذين جلسوا)
وردي ، كابلي ، أبو الزيك مثالاً
محمد الكامل عبد الرحيم
.مع الاحترام للمبدعون الحقيقيون...
باكتاش
مـن الـتـعبــ والاكــــــل الكـــعــــــــب |
آسيا ربيع تحياتي والحمد لله السمعنا عنك بالخير. لكن الرطوبة دي بقت مافيش. السودان سخانة في الجيب مع سخانة في الجو. وإن شاء شادية تكون كويسة. إن شاء الله نشوفك على خير.
يا محمد الشيخ قدر ما أشوف لي فنان في الفضائيات بغني بلقاه قاعد في الكرسي.
كلامك عديل السبب الكسل يا إيمو..مش أهلكم في الخليج الفارسي (العربي) بقولوا عليكم كسلانين ضمة
بالمناسبة الخليج الفارسي زمان درسونا ان اسمه الفارسي زمن وزارة المعارف لكن العرب لمن عملوا قرشين من البترول قالوا نغير الإسم للخليج العربي. لكن الإيرانيين لا يقبلون بذلك.
يا وليد طه ديل بتعشوا بالضلع والمطايب كيف يكونوا تعبانين؟
محمد الكامل عبد الرحيم: بالله لا تؤذي سيبويه في قبره: الصحيح للمبدعين الحقيقيين. المبدعين جمع مذكر سالم مجرور اللام. وجمع المذكر السالم يُرفع بالواو. ويُنصب بالألف. ويُجر بالياء.
يا بكتاش تعب شنو الواحد قاعد اليوم كله في الكرسي. والعشاء مطايب ما أنزل بها من سلطان. ما شايف كثيرين منهم منفخوين تقول قِرب؟
(العوج راي والعديل راي)
|
|