حشـود المؤتمر اللا وطني لمواجهه المحكمه الجنائيه الدوليه !

لم يكتفي هذا الرئيس البشير بمن قتلهم من السودانيين حتي أصبح مطاردا دوليا, فهاهو يعد

العده لقتل مزيد أخرين!

عند نزول مصائب أوكامبو (واحده خلف الاخرى) على رؤوس قاده المؤتمر اللا وطني يجمعون بعض الناس للاختباء خلفهم ,

يجمعون الغبش الذين سرقوا منهم خيرات بلدهم ويبددونها في (شراء الذمم) ,

الغبش الذين قتلوا منهم الكثير حتى وردوا مورد الاباده في حق شعبهم , في واحده من احقر اساليب هؤلاء المجرمين بتقديم

الابرياء فداء لبقائهم في سده الحكم .


ورغم عدم أخلاقيه هذا الاسلوب وما فيه من قذاره مقززه , الا ان السؤال الذي يطرح نفسه : لماذا و كيف تنجح الانظمه الدكتاتوريه التي تسيم

شعوبها سوء الغذاب في حشد المظاهرات والناس عند الطلب ؟!



صوره من صور القرابين التي سيحشدها المؤتمر اللا وطني وزبانيته لتقديمها في سبيل الخلاص من قدرهم (أوكامبو) , مع ان القدر لا مفر منه و لا سبيل للهروب من المصير !

ما ان صدرت مذكره الاعتقال الجديده وأضافه تهمه الاباده الجماعيه حتى هرع زبانيه النظام ومرتزقته الى نشر مثل الصوره أعلاه في محاوله يائسه للتدليل على ان شعب السودان يقف خلف جلاده ...

هذا التصوير الخادع والمخادع يؤكد ايضا ان المؤتمر اللا وطني ليس هناك حدود لاجرامه , فما الاختباء خلف الحشود الا تاكيد على نيه مبيته أنه سيتم تقديم هؤلاء الحشود قرابين اذا ما حدثت أي محاوله للقبض على الريس المختبئ ...


بالله في أحقر من كده يمكن ان يفعله هؤلاء المجرمون ؟!

الشيئ المؤكد أن كل يوم يمر على هذا البشير في الحكم سيدفع ثمنه السودانيين غاليا من دمائهم , فلا يكاد يمر يوم الا ونسمع عن سودانيين قتلوا في معارك بين الحكومه واحد الاطراف المقاتله لها , أي مزيد من القرابين ...

بالامس القريب راح بعض شباب السودان ضحيه لمحارق النظام في دارفور , شباب نضر اهلهم كانو منتظرين منهم الكثير لكن خاب رجاهم بسبب جشع وجبن المتهم البشير وزبانيته الذين يرسلون الشباب الى حتفهم وهم يهنئون بالنعيم مع اسرهم واهليهم ...


وده بيضع على عاتق أي زول مدرك لحقيقه هؤلاء المجرمين مسئوليه حقيقه بمحاوله تقليل عدد القرابين كل حسب استطاعته , يعني لو عنك اخوك عسكري أو بوليس ودايرين يرسلوا الحرب في أي مكان من السودان انت مسئول أمام الله ونفسك توريهو حقيقه حروب المؤتمر الوطني العبثيه .

انت مسئول تكلم اخوك وجارك وأي زول يتاح ليك تتواصل معاهو , وما نقعد زي أيام حرب الجنوب ديك , بس نعاين ونشوف في حملات المؤتمر الوطني التضليليه في اكبر محرقه لشباب البلد .


انت مسئول تكلم جارك المخدوع بهؤلاء وعوز يمشي مظاهره زي الفوق دي , ... مع اني متأكد ان الوعي الان بين السودانيين أكبر من ان تنطلي عليهم حيل وأكاذيب هؤلاء المجرمين لكن برضو المسئوليه قائمه ...



----------------------------------

غايتو الله يجازي محنك يا السيد الامام الصادق المهدي , من يوم من افتيت ب (اكلو توركم وأدو زولكم) والحشود بقت في ازدياد , الناس مع المعايش الصعبه جات تاكل التور , وناس المؤتمر الوطني عارفين انو الناس دي جايه تاكل التور , وعارفين كمان انو أي كعه الناس دي كلها حتتخارج كل زول بالهوبره الطلع بيها , ومع ذلك يريد لنا صبيه المؤتمر ان نصدق ان هذه الحشود تقف خلف البشير ومستعده للدفاع عنه بينما ينام هو في خدره آمنا مطمئنا .