Post: #1
Title: سوداتيــــــــر ، غير
Author: عمران حسن صالح
Date: 07-15-2010, 08:35 AM
بقولوها ناس جده لي " جدتم "
جده غير
شعار فرح وصيف
مع شوية رطوبة
وسارت على حاجات كتيرة
فلان غير
والمطعم الفولاني غير
دليل جودة يعني
__________________
الشرح لغيري قاطني غفار نجد 
|
Post: #2
Title: Re: سوداتيــــــــر ، غير
Author: عمران حسن صالح
Date: 07-15-2010, 08:40 AM
Parent: #1
خازوق أول :
- ألو !
- مرحبا !
- معاكـ سوداتير
- أهلا مرحب
- عندكـ حجز على طائرة الخميس باسم أم محمد ومرافق ؟؟
- أيوه نعم .
- جيب العفش اليوم الأربعاء بين الساعة عشرة وإتناشر ونص
- ليه ؟
- ما حيكون في وزن يوم السفر !!
- ليه ؟
- واضح
- حاضر
- حضور المطار الواحدة والإقلاع حا يكون الخامسة صباح الخميس !
- حاضر !!!!!!!!!!!!?????????????
|
Post: #3
Title: Re: سوداتيــــــــر ، غير
Author: عمران حسن صالح
Date: 07-15-2010, 08:47 AM
Parent: #2
خازوق أول مكرر" منبثق من الأول " :
- ألو
- هلا أبو محمد
- معليش بطلع المطار نهار بكرة الأربعاء عشان عفش الأولاد ... الخ الخ
- ربنا يكتب سلامتم ، بس ليش قبل السفر
- والله أصلو الحاصل والمفروض ....... الخ الخ الخ خخخخخخخخخ
|
Post: #4
Title: Re: سوداتيــــــــر ، غير
Author: أيمن دياب
Date: 07-15-2010, 08:47 AM
Parent: #2
أبو محمد.. شنو الحكاية الجماعة علقوك في المطار ولا كيف..
أمشي تم نومتك وارتاح وتعال بعدين (فت) الجماعة ديل..
|
Post: #5
Title: Re: سوداتيــــــــر ، غير
Author: عمران حسن صالح
Date: 07-15-2010, 08:50 AM
Parent: #4
خازوق ثاني " باستخدام مخدر تاني أكسيد الدايوكسين " :
- مرحبا !
- معاكـ سوداتير
- أهلا مرحب
- عندكـ حجز على طائرة الخميس باسم أم محمد ومرافق ؟؟
- أيوه نعم .
- حضور المطار في تمام الرابعة والإقلاع حايكون في الخامسة صباحاً .
- ليه ؟؟ ، أقصد ، الحمد لله .
|
Post: #6
Title: Re: سوداتيــــــــر ، غير
Author: عمران حسن صالح
Date: 07-15-2010, 08:54 AM
Parent: #5
خازوق ثاني مكرر " منبثق من الثاني " :
- ألو
- هلا أبو محمد
- معليش بطلع المطار نهار بكرة عشان سفر الأولاد ... الخ الخ ، وبكرة الخميس نص دوام يمكن ما أجي العمل لانو بكون مساهر
- ربنا يكتب سلامتم ، بس ليش ........... ؟؟؟؟
- والله أصلو الحاصل والمفروض ....... الخ الخ الخ خيييييييييييي
|
Post: #8
Title: Re: سوداتيــــــــر ، غير
Author: عمران حسن صالح
Date: 07-15-2010, 08:56 AM
Parent: #6
خازوق ثالث " إستهبالي عام" :
واحد لابس هدوم سوداتير " ابيض واسود " ولا يبتسم :
- بلاهي يا جماعة التيارة قامت ستة ونص صباحاً ، اتاخرت شوية بس قامت ، يلا مش انتو قاطعين بورنق بتاع ؟؟
يلا خشوا الصاله جوه أشروا خروج ما عايزين زحمة في الصالة الخارجية دي !!!!
___________________________________
" مطار الحتات دي فيهو زي 115 صاله "
|
Post: #19
Title: Re: سوداتيــــــــر ، غير
Author: عمران حسن صالح
Date: 07-16-2010, 12:52 PM
Parent: #4
| Quote: امشي تم نومتك وارتاح وتعال بعدين (فت) الجماعة ديل.. |
والله يا أيمن يا صديقي هي ما ( فت) بقدر ما هي أشياء تعكر صفو النفس بشكل خرافي
لمتين حاجات بلدنا تستفزنا ؟؟
شنو القدرات الما عندنــا ياخي ؟
|
Post: #7
Title: Re: سوداتيــــــــر ، غير
Author: حمزة سيف الشريف
Date: 07-15-2010, 08:56 AM
Parent: #2
عشان دي ستهم
قالوا المصرين مسمينها ستهم
عشان تجي بمزاجها وتمشي بمزاجهاما عندها مواعيد
|
Post: #9
Title: Re: سوداتيــــــــر ، غير
Author: عمران حسن صالح
Date: 07-15-2010, 08:58 AM
Parent: #7
خازوق جديد لنج " في شاشة عامة" :
- الخطوط السوداتيرية :
- الرياض الخرطوم ، - القيام 8:30 ، - في موعدها
|
Post: #10
Title: Re: سوداتيــــــــر ، غير
Author: عمران حسن صالح
Date: 07-15-2010, 09:00 AM
Parent: #9
خازوق وداعي :
- يلا يا أم محمد هاكي جوازكـ
- مع السلامة
- محمد خلي بالكـ من أمكـ
- لا إله إلا الله
- محمد رسول الله
هي يا زول ، زوووووووووول !!
انت ارجع ده حدكـ
|
Post: #11
Title: Re: سوداتيــــــــر ، غير
Author: عمران حسن صالح
Date: 07-15-2010, 09:04 AM
Parent: #10
خازوق بدون فطور :
-ألوووووووووووو
-أيوه يا أم محمد
-الشاشة تغيرت
-شنو ؟؟
-الشاشة ...
-مكتوب شنو ؟؟
-مكتوب الساعة 10:30 وقدامه كلمة متأخرة
..
أها وكيف
النوم
محمد
الفطور
الشغل
الرووووووووووووووووب
...........
|
Post: #12
Title: Re: سوداتيــــــــر ، غير
Author: عمران حسن صالح
Date: 07-15-2010, 09:12 AM
Parent: #11
وهاكـ يا خوازيق :
كباية الشاي بي تسعة ريال !!!
السجارة إلا بره الحوش !!!
بطاقة التلفون تكلم بيها حماتكـ ولا خالة مراتكـ ولا الحاج الما فطر وحارس المطار من الصباح :
- آآآآآآآي يا أبوي خلاص حا تقوم بس أصبر شوية
- ........
- أجي كيف أنا يا آبوي ناس التأشيرات ديل كان ما أديتم متأخرات الضرايب والزكاة ما بأشروا لي
- ........
- لا يا أبوي ما في طريقة والله
- توت توت توت توت توت
وصفارتنا صفَرت
____________
سوداتير!!
>
>
>
>
طلقانه بالتلاتة مرفوعة للقوة خازوق نووي
|
Post: #13
Title: Re: سوداتيــــــــر ، غير
Author: عمران حسن صالح
Date: 07-15-2010, 09:21 AM
Parent: #12
ربي
يا من تسمع دبيب النملة في كوم قش تحت إطار سيارة مسئول كبير
عبادكـ بني سودان
تورم فشفاشهم
واتهردت مرارتهم
وانفضح امرهم بين الناس
وطال انتظارهم لفرجكـ
فرج كربتهم يا رب
واشف غليلهم
فهم مؤمنين دخل الملل إلى نفوسهم وطال ظلام لياليهم
ولم ولن يقنتوا من رحمتكـ
فارحمهم يا رب كما رحمت بني هنود وبني بنغاليا
يا رب
|
Post: #15
Title: Re: سوداتيــــــــر ، غير
Author: معاذ حسن
Date: 07-15-2010, 09:39 AM
Parent: #13
ابو محمد
تحياتي
ربنا يوصل العيال بالسلامة ويرجعهم بالسلامة
اهم حاجة تستفيد من الخوازيق دي
وما تكررها تاني.
|
Post: #22
Title: Re: سوداتيــــــــر ، غير
Author: عمران حسن صالح
Date: 07-16-2010, 01:22 PM
Parent: #15
Quote: اهم حاجة تستفيد من الخوازيق دي
وما تكررها تاني. |
يعني أقنع يا معاذ ولا انتقم بي طريقتكـ بتاعة السرحان ديكـ
|
Post: #21
Title: Re: سوداتيــــــــر ، غير
Author: عمران حسن صالح
Date: 07-16-2010, 12:54 PM
Parent: #7
| Quote: قالوا المصرين مسمينها ستهم |
ليهم حق يسخروا لانو نحن نستحق عشان بنديهم الفرصة لذلكـ ، رغم انو هم لهم بلاويهم التي نسأل الله ان لا تصيبنا
|
Post: #14
Title: Re: سوداتيــــــــر ، غير
Author: لؤى
Date: 07-15-2010, 09:36 AM
Parent: #1
عمران
صباح الخير
ربّنا يكتب السّلامة يا عمران
وأضحك وأبكي على حال سودانير
|
Post: #16
Title: Re: سوداتيــــــــر ، غير
Author: معتصم دفع الله
Date: 07-15-2010, 10:02 AM
Parent: #14
ألوووو ..
أبو محمد الجماعة قاموا ..
أيوووه ..
ربنا يكتب سلامتهم ..
|
Post: #17
Title: Re: سوداتيــــــــر ، غير
Author: محمد عبد الماجد الصايم
Date: 07-15-2010, 01:47 PM
Parent: #16
ألوووو .. أبو محمد
إها .. إن شاء الله قامت!
والجماعة .. إن شاء الله وصلوا!
والخميس .. الجاي ما الليلة!
ووووو .. بجيب ليكـ معاي دوا حموضة!
|
Post: #18
Title: Re: سوداتيــــــــر ، غير
Author: عمران حسن صالح
Date: 07-16-2010, 12:41 PM
Parent: #17
لا أريد للأمر أن يربط بأشخاص بل بنظام عمل يساهم بالجد في راحة من يدفع من أجل هذه الراحة
احترام وتقدير المستهلكـ من واجبات من يقدم الخدمة أو المنتج
ودي من غير فذلكة وتنظير أولى أساسيات النجاح .
مكتب سودانير بالرياض كأفراد غير معنى إلا بالتنفيذ لأوامر العمل التي تتحكم فيها بالتأكيد إدارة عليا
وإلا فما دخل مكتب الرياض بما حدث بعد ذلكـ بالسودان
حطَت الطائرة الميمونة عند الساعة 12:40 دقيقة
استلمت أم محمد أغراضها بالقطارة
الشنطة الأولى بعد نص ساعة من وصول الطائرة وهي للعلم هاند باكـ صغيرة تم استلامها في يوم السفر بواسطة موظف سودانير بمطار الرياض الذي ذكر بوجوب شحنها
عموماً لم يكن من ضرر في شحنها
أما الشنط المشحونة بالأمس فقد تعرضت لمياه الأمطار وتلفت بعض الأغراض
أصرَ العامل على أخذ مائة ريال من أم محمد ليبحث لها عن الشنط
انقطاع الكهرباء كان مستمراً
تقطع دقيقة وتعود ليتحركـ السير بعد فترة ويقف الكل ليكتشفوا أن أغراضهم المشحونة بالأمس موجودة في صالة أخرى
و و و
أها يا ناس دي حالة دي
هل إذا سافرت أسرتي بخطوط أخرى هل كانت ستتعرض لكل هذا الأذى
والسخرية أكثر من عصير المصاصات الذي تم توزيعه بمطار الخرطوم للصغار والكبار قيمته لا تتعدى الريال من تذكرة قيمتها الف وثمانمائة ريال ..
صدقوني الأمر مؤلم
|
Post: #20
Title: Re: سوداتيــــــــر ، غير
Author: بشير أحمد
Date: 07-16-2010, 12:53 PM
Parent: #18
الاخ/عمران صالح
تحياتي؛؛؛
نفس الفلم ده دخلتو امس بفلوسي وحاجز لوج كمان ...
المكان :جدة مطار الملك عبدالعزيز الدولي
الزمان :الخميس15/7/2010م
تم الحجز يوم الخميس 15/7/2010 لبعلتنا وعيالها ؛
الحضور للمطار السادسة صباحا والقيام الساعة العاشرة صباحا
الو ابواحمد
مسافرين الخرطوم علي الرحلة229 الي الخرطوم
نعم ..الخ الخ
تم تغير المواعيد والحضور التاسعة مساء يوم الخميس
الو...ابواحمد
الحضور الثالثة صباحا
الخ الخ....
الو ابو احمد
الخ الخ...
الحضور السادسة صباح الجمعة (اليوم )
المرة دي مافي الو
الحمدلله البتاعة دي طارت الساعة واحدة ظهر اليوم الجمعة
والشباب وصلوا سالمين والحمدلله
...
قال سودانير قال...
|
Post: #26
Title: Re: سوداتيــــــــر ، غير
Author: عمران حسن صالح
Date: 07-17-2010, 07:41 AM
Parent: #20
|
Post: #25
Title: Re: سوداتيــــــــر ، غير
Author: عمران حسن صالح
Date: 07-16-2010, 01:29 PM
Parent: #17
Quote: والخميس .. الجاي ما الليلة!
ووووو .. بجيب ليكـ معاي دوا حموضة! |
لا لا لا ياخي ما تكلف نفسكـ يا محمد الاصيم ياخي
بصوم ليكـ من يوم التلاتاء
لووووووووووووووووول
|
Post: #24
Title: Re: سوداتيــــــــر ، غير
Author: عمران حسن صالح
Date: 07-16-2010, 01:26 PM
Parent: #16
يا موووووووووووووووووووووووو
استلم :
عدد واحد عزَابي لا يرفض الدعوات
|
Post: #23
Title: Re: سوداتيــــــــر ، غير
Author: عمران حسن صالح
Date: 07-16-2010, 01:24 PM
Parent: #14
أبو اللووووووووول
بكا بس
ضحكـ مافي
|
|
