أكييييييد غلطانه الباعوضه (الناموسه) ... توجد (صورة)

يــــااااخ الباعوض بــالغ والله
بقى اعزل كمان يعضي منو ويخلي منو

يعني يا باعوض هسي في الناس الشينين الكتار ديل ما لقيت إلا الزولة دي عشان تعضيها يااااخ
وكمان تنـقل ليها المــلاريا
والله بتبالغ جنس بوليغ وااااااحد

يعني هسي أهلنا في الجزيرة وفي بقية مناطق السودان يموتوا بالآلاف وما في زول جايب خبرهم
يقوم الباعوض دا عديم الذوق يعضي الزولة دي وتمسكها ملاريا
وكل وكالات الأنبـــاء المقروءة والمسموعة والمرئية ما عندها سيرة إلا فلانة مسكتها الملاريا
فلانة مسكتها ملاريا... لا وترقد مستشفى ويبقى حدث دولــي
غايتو العالم فيهو تناقضات عجيبة

هســــي في ذمتك آآآ البعوض دي زوله بتساهل يعضوها يااااخ


بتبالغ عدييييييل كدا يا باعوض

الملاريا تداهم مغنية البوب الإنجليزية شيريل كول

Quote: أكد متحدث بلسان مغنية البوب الإنجليزية شيريل كول أن المغنية الشابة تعالج في المستشفى من الإصابة بالملاريا. وكانت كول، البالغة السابعة والعشرين من العمر، وهي عضو في فرقة "جيرلز ألاود" الغنائية وتشارك في لجان تحكيم برامج المواهب، قد دخلت المستشفى بعدما أصيبت بالإعياء وفقدان الوعي خلال تصوير مشاهد لاحدى اغنياتها في عطلة الأسبوع. وقد ألغت الفنانة ارتباطاتها المهنية لمدة أسبوع بناء على نصيحة الأطباء. وكانت كول قد عادت مؤخرا بعد زيارة إلى تنزانيا في شرقي أفريقيا. لدغة بعوضة ونقلت صحيفة "ذا صن" البريطانية أن كول فقدت وعيها خلال تصوير ثاني ألبوم فردي لها السبت، وقال الاطباء إنها تعاني من الإعياء ومن متاعب في المعدة . يذكر أن الأعراض الأولية للملاريا تشمل الصداع وآلام العضلات والشعور بالإعياء والاجهاد، وبالتالي يمكن الاعتقاد خطأ بأن الأعراض ناتجة عن حالات مرضية أخرى كالإرهاق العام أو الإنفلونزا. وتنتقل الملاريا عبر لدغة بعوضة تحمل طفيلياً، ويمكن أن ينتقل المرض للإنسان من لدغة واحدة. وتأتي إصابة كول بالمرض في خضم متاعب أخرى لحقت بها هذا العام بعد انفصالها عن زوجها لاعب الكرة الإنجليزي آشلي كول في شباط/ فبراير واتخاذ إجراءات قانونية للطلاق بعد ذلك بثلاثة أشهر.

Quote: ونقلت صحيفة "ذا صن" البريطانية أن كول فقدت وعيها خلال تصوير ثاني ألبوم فردي لها السبت، وقال الاطباء إنها تعاني من الإعياء ومن متاعب في المعدة . يذكر أن الأعراض الأولية للملاريا تشمل الصداع وآلام العضلات والشعور بالإعياء والاجهاد،

لو الكـــلام دا صاح مفروض نص الشعب السوداني يكون غــمران

عندنا في الســـودان هنا باعوضتين بس يعملن حلة
والله ديل لو عضنك القبر طــواااااالي يا شريل مرت آشلي كول

لكن انت ذاتك غلطانة يا شريل
ما كان تسوقي معاك آشلي كول دا إلى تنزانيا


عشـــان يبقى ليك درقة ...
وبعدين آشــلي دا شكلو ود قرف زينا كدي يعني الحبة ما تجيهو كان البعوض عضاهو

البشاري
سلامات وكدا
ادروب ولدو مات في المستشفى من الملاريا
مشى اجيب عربية تشيل الجنازة
ادروب للسائق : داير ولد تشيل من مستشفى
السائق : الولد مالو عندو شنو ؟
ادروب : شوية موت

هسي كدا كويس اشغلتي لينا عمنا قوقل دا

Quote: ادروب ولدو مات في المستشفى من الملاريا مشى اجيب عربية تشيل الجنازة ادروب للسائق : داير ولد تشيل من مستشفى السائق : الولد مالو عندو شنو ؟ ادروب : شوية موت

حبيبنا عبد الله ود البوش
وعليكم السلام ... عليك الله البعوض دا مشا بالغ
غايتو أهلنا ديل أحاحي ليهن رب العالمين دا
وبرضو أدروب بالغ .. يمكن أجيك فايز ود القاضي أو هاشم نوريت هسي ناطي بمناسبة أدروب دي


ودي

يعني يا باعوض لو كان شبعت من دم آشلي كول دا مثلاً
وجيت حليت من دم الزولة دي كان حصل شنو


باعوض تنزانيا دا حااااااااقد بشكل يااااخ

ازيك يا البشاري ساري الليل

انت متاكد البعوض القرص البت انثي ما ضكر

Quote: انت متاكد البعوض القرص البت انثي ما ضكر

يا خليل آآآآي يـــاااخ قرصها لغاية ما البت غمرت ليهم
شفته حقارة باعوض تنزانيا دا حاااقد كيف
مش عملية تزعل عليك الله!!
...
...

___
غايتو دي كان قرصها صارقيل بتموت في فجتها

البشارى

سلامات


وسلامات البت دى ياخ ؟

هسه صحته كيف ؟؟ ياخ رسل ليها عرديب ؟؟

والله بس ؟ نقدر نقول اجر وعافيه ؟؟

وكان لقيت زول مسافر عليها ؟ برسل ليها حبوب الكينى ؟

وبقول ليها ديل من البشارى ؟؟ سلام

البشاري كيفنك
اريتني باعوضة ياخي انا

Quote: وكان لقيت زول مسافر عليها ؟ برسل ليها حبوب الكينى ؟

معاوية عبيــــد الصايم

وعليكم السلام،، نجيك في السمح يا يــابا أنت
بتبــالغ والله حبوب شــنو يـــاااخ
أنا هسي ضبحته لي جوزين حمام وعملته الشــوربه وما شي عليها بنفسي
حصلنا هناك باللاهي قول سمح ..بعدين العرديب بعمل ليها تقلصات في القولون
إن شاء الله العدوين يا شريل كول
...
...


___
ما تنسى تجيب معاك (القريت) فروت

Quote: اريتني باعوضة ياخي انا

أها وأنــا اطلع نملة ولا شنو ياااخ
...
...


__
طارق لعلك طيب .. وانا انت بنتفق يا زول عوجة ماف

شفت كيف ؟؟

الخائن المغربى ؟ طارق السادس ؟؟

يبقى باعوضه؟؟؟ والله تترش جمكسين ؟؟ لمن ؟ تؤمن


الا؟؟؟ بتنا دى ؟؟

اعتذار عاجل ؟؟؟؟ ولا بفتح ليك بوست ؟؟


سلام ؟ البشارى وسلام طارق ؟؟

ود عبيد كيفنك
تعرف بوست ود البشارى دة وقع لي في جرح
ياخي الشي الحاصل دة محبط جدا
استفتاء عشان الناس تتوادد ولا لا
معقولة ياخي
واساءات هنا واخرى هناك
ياخي المنافي دي حاجة عجيبة خلاص
الله يكضب الشينة
ما عايز ادبرس بيكم
لكن والله ضحكت من جواي في البوست دة
وزي ما قال خدر
حقو الواحد بعد دة يتوقف من سودانيز دي شوية
غربة واحباط
دة انتحار عديييييييييييل

انت عارف طارق ؟؟؟

الغربة هنا فى الحجاز موووووووووووووت احمر واسود؟؟

انا الليلة نسيت بشار ولدى فى مركز تسويق وركبت عربيتى وعديت الاشارة الاولى ؟؟

بعد شويه اتذكرت الوليد ؟ ورجعت لقيتو فاتح زى 5 ايسكريم وبياكل ؟؟

لمن شافنى قال خلاص نمشى ؟؟؟

مع تحيات ؟الكفيل؟؟

حالة صعبة خربة وكفيل ؟؟ وصورة ود الصائم الجديد ة ؟؟

Quote: ياخي الشي الحاصل دة محبط جدا استفتاء عشان الناس تتوادد ولا لا

طارق جبريل يــاااخ ما تزعل
نحن نا س لابرااااا ديل نجي السودان وندفع الشيرنق بتاعنا ونعمل لينا لمة زي اللمة
الحاصل دا بسبب افتقاد الناس للعفوية والشفافية بس وهي سحابة صيف عابره
والود لا يفرض يا حبيب
...
...


في ناس بصراحة في الداخل الواحد يتشرف بمعرفتهم ولقائهم .. وما بقصروا تب

شيريل كول مغنية البوب البريطانيه و تعمل ايضاً في لجنه التحكيم في برنامج اكس فاكتور
قررت أن تسافر في رحلة استجمام للترويح عن نفسها إلى تنزانيا بعد انهائها لإجراءات طلاقها من لاعب فريق نادي تشيلسي
سافرت تنجم شوية هنااااااااك ... يقوم يلم فيها باعوض تنزانيا الحاقد دا ويعضيها
باللاي الباعوض دا مش عصر علينا شديد
يعني تلاقيها من الباعوض ولا من آشلي كول دا
السيدة شيريل كول ضبطت آشلي كول يخونها للمرة الأولى وسامحته
ولم يتعظ آشلي كول وواصل في مسلسل خياناته وضبطته للمره الثانية وأيضا سامحته
وعندما قبضت عليه في المرة الثالثة قررت أن ترفع عليه قضية طلاق .. وكسـبت القضية وتطلقت منه
وكانت رحلة تنزانيا التي جاءت لها بالملاريا

أشكر كل الذين تضامنوا مع شيريل كول صراحة
وكذلك الذين أضمروا تضامنهم مع شيريل كول

اكيد البعوضة دي من القوات الصديقة ..

Quote: طبعاً لا أقصد بمس كول" المكالمات المفقودة كما هو متعارف عليه في ثقافة الجوالات أو الموبايلات.. بل أعني السيدة كول وهي المغنية البريطانية "شيرل كول". كانت هذه السيدة تقضي بضعة أيام في تنزانيا من أجل السياحة، وحينما أقفلت راجعة لبلادها أصيبت بالملاريا – شفاها الله. كل الصحف البريطانية هذه الأيام لا حديث لها إلا عن شيرل كول وقصتها مع المرض القاتل. كول التي تم احتجازها في عيادة خاصة لتلقي العلاج ألغت كافة خططها الفنية وحفلاتها المقررة وأجلّت جميع ارتباطها ومقابلاتها الإعلامية ومواعيدها الاجتماعية حتى شهر أكتوبر المقبل... وزارة الصحة البريطانية بدأت وعبر متحدثها الرسمي في نشر تقارير يومية عن آخر مستجدات مرض كول. مسئولو السياحة في بريطانيا فتحوا موضوع سفر البريطانيين وسياحتهم في دول إفريقيا الموبوءة بالأمراض الخطيرة ومنها الملاريا. المتخصصون بدورهم شرعوا في تنظيم الندوات الإعلامية والمؤتمرات التي تعرّف بمرض الملاريا ومسبباته وكل ذلك بسبب مس كول. باختصار.. أصبحت قضية مرض كول بالملاريا واحدة من أولويات الشعب البريطاني وأجهزة الدولة الرسمية، وبدأ البريطانيون الذين يجهلون الملاريا في البحث المعمق للتعرف على المرض وخطورته. جميل أن تهتم دولة وشعب بمثل هذه المسائل، ولكن الأجمل أن يدركوا أن هذا المرض لم يجد أي اهتمام في السابق سواء من قبل البريطانيين أو الأوربيين عامة، وظلت الملاريا من خصوصيات دول العالم الثالث وحدها رغم انتشارها في أكثر من 90 دولة حول العالم تصيب بين 300 إلى 500 مليون إنسان سنوياً. لكن "أصحاب الوجعة" لم ينجحوا ولا أعتقد أنهم سيتمكنوا من إيجاد حلول على الأقل تحاصر هذا المرض وتحد من انتشاره. لا نعول كثيراً على دولنا لفعل شي في هذا الموضوع الذي يتطلب أكثر من إمكانياتها المحدودة، لكن المشكلة في مؤسسات الأبحاث الأوربية والأمريكية التي لم تجتهد كثيراً في إيجاد عقار فعّال للمرض بقدر اهتمامها في تشجيع شركاتها لإنتاج المزيد من أدوية الملاريا التقليدية والتي تعود عليها بمليارات الدولارات رغم الفعالية المحدودة لهذه الأدويـة. بل إن تأثيرها الجانبي أشد فتكاً فأنتجت أمراضاً أخرى أكثر خطورة، والدليل حالات الفشل الكلوي المتزايدة التي تعتبر أدوية الملاريا مثل الكلوروكين وغيرها أحد مسبباتها. أعتقد أن هذه الدول كانت ستجتهد كثيراً في البحث عن حلول جذرية إذا كانت الملاريا من الأمراض التي تنتشر في أوربا وامريكا. شكراً للسيدة كول، فربما تفتح إصابتها بالملاريا شراع الأمل للمزيد من الأبحاث الجادة للتوصل لحل جذري لهذا المرض اللعين الذي حصد ملايين الأرواح في بلادنا والبلاد التي تشبه حالتنا. وأخيراً... ربما يكون مرض مس كول رسالة لأصحاب الضمير من مسئولينا أن يأخذوا العبرة ويتعلموا أن يهتموا بالبشر فصحة الإنسان لا تعادلها أي ثروة.

المصدر: موقع منطقة الحلاوين http://www.halaween.net/forum/showthread.php?t=20444

Quote: اكيد البعوضة دي من القوات الصديقة ..

انا ظااااطو قاعد أقـــول كدا
لأنو حتى قوات العــدو نفسها قلبها ما بطاوعها تعمل كدا في الزولة دي يــاااخ
...
...

__
مشرفنا يا شيخ العوض

البشارى ؟

البت دى جواله مقفول ؟؟

كتر خيرك على شوربة الحمام ؟ يعلم الله نفعتا ؟؟


عليك الله الباعوضة ود جبريل اكان ضرب ليك قول ليهو ؟؟ سافرت اهلها ؟؟


الخائن ؟؟ دائر يكون باعوضة ؟؟

سلم لى علييها ؟؟؟

Quote: لا نعول كثيراً على دولنا لفعل شي في هذا الموضوع الذي يتطلب أكثر من إمكانياتها المحدودة

أخــوي أيمن مبارك أبو الحسن
يــاااخ نحن عارفين الإمكانيات والشماعات دي
بس عايزينهم يحسسونا إننا بني آدميين زي الزولة دي
الرأي العام ينشغل ووكالات الأنباء ووسائل الإعــلام بكافة أنواعها تهتم لملايين الناس البتموت من الملاريا دي كل يوم
يعني نحن الكلوروكين دا بقى جزء أســاسي من مكونات دمنا ... يحرق دمنا ودم الملاريا المطلعة روحنا يــاااخ
باللاهي دا كتير علينا يعني؟
المهم الزولة (كول) دي عملت مس كول مهم جداً للمسعولين ديل عشان اشوفوا لينا حل
والملاريا اتمادت وفاتت المعقول... يا وزارة الصحة شوفي لينا حلول
تصـــدق دا منالوج من الابتــدائي والحال ياهو نفس الحال

ودي

يا معاوية بتــبالغ والله

Quote: البت دى جواله مقفول ؟؟

قلنا ليك البت غمـــرانة ... غمرانه ياااخ
كمان عايزها تفتح موبايلها

Quote: كتر خيرك على شوربة الحمام ؟ يعلم الله نفعتا ؟؟

تعال بــدري الليلة عامل ليها مــديدة حلبه كاااااااربه

Quote: عليك الله الباعوضة ود جبريل اكان ضرب ليك قول ليهو ؟؟ سافرت اهلها ؟؟

ات كماان ما تبـــالغ للدرجة دي
عمرك شفته ليك باعوضة بتجي بالنهااار
الباعوضة طارق جبريل بجي بالليل بس

الظاهر كدا العلف بتاع امبارح والليلة نفع مع شيري بتنا دي
امبارح شوربة حمام والليلة مــديدة حلبه
العلف دا أنــا ما لاقيهو الليلة
تحسن صحة المغنية الإنجليزية شيريل كول بعد إصابتها بالملاريا

Quote: أفادت الأنباء بأن الحالة الصحية لمغنية البوب الإنجليزية شيريل كول في تحسن مستمر بعد نقلها إلى المستشفى منذ أسبوع لإصابتها بالملاريا.وقال سيمون كويل زميل المغنية في لجنة تحكيم برنامج المواهب " إكس فاكتور" إنه تلقى منها رسالة نصية قالت فيها إنها تتعافى بشكل جيد وتتطلع للعودة إلى العمل قريبا .وكانت كول، البالغة السابعة والعشرين من العمر، وهي عضو في فرقة "جيرلز ألاود" الغنائية قد خرجت من قسم الرعاية الفائقة بالمستشفى يوم الجمعة الماضي لتستكمل العلاج في عيادة خاصة.وقد دخلت المستشفى بعدما أصيبت بالإعياء وفقدان الوعي خلال تصوير مشاهد لاحدى اغنياتها، وأظهرت الفحوصات إصابتها بالملاريا. وكانت كول قد عادت مؤخرا بعد زيارة إلى تنزانيا في شرقي أفريقيا.وتنتقل الملاريا عبر لدغة بعوضة تحمل طفيلياً، ويمكن أن ينتقل المرض للإنسان من لدغة واحدة.وجاءت إصابة كول بالمرض في خضم متاعب أخرى لحقت بها هذا العام بعد انفصالها عن زوجها لاعب الكرة الإنجليزي آشلي كول في شباط/ فبراير واتخاذ إجراءات قانونية للطلاق بعد ذلك بثلاثة أشهر.

غايتو يالبشارى الماجانا فى البت ؟؟

لا فرح لا ترح ما بدخلنا عليهو ؟ البت هينة ولا مقطوعة لينة ؟؟

كويس ود الصائم غير صرتو الصارى فيها دى ؟؟

لانو البت فاتحة سودانيز طارق الباعوضه؟؟ العنصري؟؟ يمن انا حارسو ليك بالجمكسين يترش لمن يعرف البت ؟ عاقبا منو ؟


سنجك مسخوط؟؟؟

سلام

Quote: البت هينة ولا مقطوعة لينة ؟؟

معاوية عبيد الصايم

جمعة مباركة يا زول..ودا منو القال كدا يـــااااخ
خليك جاهز بالجمكسين لو الباعوضة(طارق جبريل) جاء حايم بهنا رشــو طوااالي باللاي
يعني لو ما جاملونا في البت تاني يجاملونا في منو عليك الله
غايتو الباعوض عصر علينا شديد في الحتة دي

البشارى سلام

يا خوى الخائن المغربى طارف السادس ؟؟

معتصم ومرابط امام السفارة الانقلزية ؟؟ شايل شعار مترين من الدبلان ؟ وكاتب عليهو يسقط يسقط باعوض افريقيا ؟؟

وعامل ليهو معرض قدام السفارة ؟؟ اسمو تاريخ الباعوض العنصرى تجاه شعب ؟؟ يورب ؟؟

يمن بالله طارق ده مرشوش مرشوش ؟؟ جمكسين وبس ؟؟

خلينا فى المهم ؟؟ بتنا كيف ؟؟ شربت المحريب و الحرجل ؟؟ عارفو صعب عليها ؟ نسوى شنو ؟؟

ابقى عشرة ؟؟