قرآءة اخري في تهمة الابادة الجماعية

وفي رد الفعل الهادئ من الحكومة السودانية
اذ اكتفت بوصف القرار بانه سياسي ولم تجيش الشارع
كما فعلت مع التهم السابقة

مما يعني ان القرار كان بردا وسلاما علي بعض الاعضاء
المؤتمر الوطني الذين يرون ان الوقت قد حان للتخلص من البشير

Quote: مما يعني ان القرار كان بردا وسلاما علي بعض الاعضاء المؤتمر الوطني الذين يرون ان الوقت قد حان للتخلص من البشير

اخي الشامي

راجع قبل ان تكتب ..


مودتي ..

Quote: اخي الشامي راجع قبل ان تكتب

..


اخ ود الباوقة
ياما تحت السواهي دواهي

وكمان يا ود الباوقة اليومين ديل في نشاط
محموم بين الوطني والشعبي لتوحيد جناحي الحركة الاسلامية
جناح علي عثمان كان يشترط ابعاد الترابي لتحقيق ذلك
والترابي بنفسو اشترط ابعاد البشير للتخلي عن العمل السياسي
بقرار الجنائية الدرب قرب اتلاقي

كان التهمة يمكن ان تكون اكثر خطورة لو انها وجهت
الي المؤتمر الوطني وبالطبع لا يمكن ان توجه الي الحكومة لان الحركة الشعبية
جزء من الحكومة وبرئية من افعالها التي هي محل نظر المحكمة الدولية

تهمة الابادة الجماعية تهمة خطيرة وهي ااساسا
تهمة في حجم الدول ولكن تفصيلها علي مقاس البشير
رسالة واضحة للمحيطين به

ليس من مصلحة الحركة الاسلامية ان تتحمل وزر هذه التهمة
وكذلك ليس من مصلحة الحركة العالمية الاسلامية ان يكون هناك من ينتسب اليها
موصوف بهذ الجرم الذي كان في الاساس ضد شعب مسلم فدارفور هي الاقليم الوحيد
الذي ليس به احد غير المسلمين

الشامي


مرات كده هبراتك كبيرة خلاص


وانا اديك ليها من الاخر البرش البشير بالموية الجيش برشوا بالدم

ما تقول لي توحيد او جناحين او ترابي او كلام فارغ

وانت في وانا في والعايمة بدق القيف

وفي السودان ده المعاه الجيش هو صاحب السلطة والقوة

واوعك ترجع لي لعهدي عبود والنميري رحمهما الله

لأنو كان في الزمن داك جيش تاني

واظنك ما سمعت بالكتيبة الخضرا

يا اخي دي ناسا معسكرين قصاد الكباشي مباشرة ويمكن يكون في قطعة من اراضيك الفوق ديك.

الاخ السيدح
سلام

الموضوع ما فيهو اي هبرة
اذ لابد للحركة الاسلامية ان تجري تقييما موضوعيا
فالمكابرة غير مجدية والاتهام من العيار الثقيل
وزمان لما الانقاذ اجرت خطط التصفية الشاملة للجيش والخدمة المدنية
قالو دي جراحة لا بد منها اليوم باتهام الجنائية امام الحركة الاسلامية جراحة لا بد منها
ولا استبعد ان يكون هناك حوار استراتيجي داخلي في هذا الشان

السيدح
سمعت بدكتاتور اسموا صدام حسين و جيش كا بيسموه فدائي صدام و حصل شفت نسخ صدام
وهل شاهدت استعراض ما كان يُمسى بالجيش العراقي في قوس النصر وبحضور الاسمو صدام
و المرحوم الملك حسين و.........................

الشامي كعادته يضرب في العرق الحي و يمكن ده المجنن السيدح
السيدح مسكين يفكر بعاطفته و مصادر عقلو و داير اناس تصادر العقول و تفكر بالعاطفة

رئيسك متهم بالابادة الجماعية
فاهم حاجة يا سيدح