Post: #1
Title: الفقير ابو بعراية وحركة (تهرير) السودان ...
Author: Elsanosi Badr
Date: 07-13-2010, 04:40 PM
Parent: #0
حكي منصور ابو عديلات وهو رجل حنطي البشره من بادية المحاميد ان اسدا متمرد بصدد الزواج ... وارسلت الطلبات في ارجاء المعموره عشان يفتشو ليهو (عروس)...وبعد ملاواه وجدوا زوله بمواصفات متواضعه ... واثناء الحفله تقدم فار من الجرابيع لتهنئة العرسان ... لكن الاسود ومعهم بعض الجلاكين من (الاسدات) وقفوا قدامو وقالوا ليهو: ارجع ورا يا فاره والزم حدودك ...انت قليل ادب ولا شنو ... فقام قال ليهم: دقيقة يا جماعة ياخي انا قبل ما اتزوج كنت اسد ومتمرد زيكم كده ...
ضحك الجميع الا الفقير ابو بعرايه... لانو القصه ما عجبتو وشما فيها ريحة تريقه ... وقال لمنصور انت قاصدني ولا شنو ..فجفل الاعراب ... وبعد عدة ايام شوهد منصور بيحفر في نقره ...وبيجفل من كدايس الباديه...
|
Post: #2
Title: Re: الفقير ابو بعراية وحركة (تهرير) السودان ...
Author: Elsanosi Badr
Date: 07-13-2010, 05:04 PM
Parent: #1
تناقل الاعراب سيرة منصور ابوعديلات الذي تحول اسمه الي منصور الفار ...وكذلك تناقلت الاخبار سيرة الفقير ابو بعراية وسطوته حتي قيل ان الفقير ابو بعرايه عض عراقيهو في سنونو اثناء مطاردته لملك الموت ...لانو شال روح حمارو قبل يومو ...
وقيل ان الفقير ابو بعرايه لا يستطيع اكل اللحم بشقيه لانو سنونو اتحتن بفعل تلك المطارده وبفعل (امبتاره) الذين اشتبك معهم وكانت النتيجه انو عدتو صارت غير صالحه للاستعمال ...
|
Post: #3
Title: Re: الفقير ابو بعراية وحركة (تهرير) السودان ...
Author: Elsanosi Badr
Date: 07-13-2010, 05:17 PM
للتعرف اكثر راجع قصة الفقير ابو بعرايه
__
|
Post: #4
Title: Re: الفقير ابو بعراية وحركة (تهرير) السودان ...
Author: Elsanosi Badr
Date: 07-14-2010, 07:25 PM
تقول العجوز عازين ان الفقير ابو بعرايه غاب من المنطقه ايام ولياليها... وفي تلك المده تنفس الجميع الصعداء ...ويقال ان (نسوانيه) من البدو تبرعت بنحر قعود في حالة ان الفقير (عظا سنينات)*... لكن الاعرابي منصور الفار جاء بالخبر اليقين ...وقال انه شاهد الفقير ابو بعرايه مع كاهن اسود له (جلحات ) تزيد قليلا عن جلحات الفقير ابو بعرايه ... وقيل ان ذلك (الامبتاري) الكاهن يقرب للفقير بصلة رحم... وكانت له صولات في عالم الكهانه والعرافه ...
وقال منصور انه سمع الكاهن بعد ان (دلق) بعض العظام والودع في (قدح) ######ان ملئ بالدهن العفن يقول للفقير ابو بعرايه: ديل شنو الاتنين السود المتابعنك (المبارينك) ديل .. ثم ضحك ضحكه خبيثه ... يقول الخبير عويس ان ذلك الكاهن كان يقصد (جعبات) الفقير ابو بعريه ...
_______________________________________________
* عظا سنينات : هي من عض السنون وتعني الموت عند البدو
|
Post: #5
Title: Re: الفقير ابو بعراية وحركة (تهرير) السودان ...
Author: محمد عمر جبريل
Date: 07-15-2010, 07:26 AM
Parent: #4
أستاذ السنوسي
سلامات
عبور من أجل التعبير عن مدى استمتاعي بما تكتب هنا
|
Post: #6
Title: Re: الفقير ابو بعراية وحركة (تهرير) السودان ...
Author: السيد المسلمي
Date: 07-15-2010, 03:28 PM
Parent: #5
| Quote: وقال منصور انه سمع الكاهن بعد ان (دلق) بعض العظام والودع في (قدح) ######ان ملئ بالدهن العفن يقول للفقير ابو بعرايه: ديل شنو الاتنين السود المتابعنك (المبارينك) ديل .. ثم ضحك ضحكه خبيثه ... يقول الخبير عويس ان ذلك الكاهن كان يقصد (جعبات) الفقير ابو بعريه |
غايتو الكاهن دا ما عندو أي معايير .
|
Post: #7
Title: Re: الفقير ابو بعراية وحركة (تهرير) السودان ...
Author: Elsanosi Badr
Date: 07-15-2010, 07:03 PM
Parent: #6
العزيز ود عمي المسلمي ... حبابك الف ...
| Quote: غايتو الكاهن دا ما عندو أي معايير |
معايير شنو يا مسلمي اخوي مع امبتاره ديل  .... زمان اهلك الربيقات مرقولهم واحد من بير جنب وادي الاراك ...لقوه لابس ليهو (مايو) وقال لهم انو (فقير) بليحانو ... حرررم الناس ليوم الليله يضحكو في القصه دي ...
خليك قريب نتابع ابو بعرايه وقريبو (الصقر) ده ...
|
Post: #8
Title: Re: الفقير ابو بعراية وحركة (تهرير) السودان ...
Author: Elsanosi Badr
Date: 07-15-2010, 07:04 PM
Parent: #5
العزيز محمد عمر جبريل ... | Quote: عبور من أجل التعبير عن مدى استمتاعي بما تكتب هنا |
سعيد بمرورك واكثر سعاده انك تحب ما اكتب ...
اهلك هناك بقول النلحق الشغلانه قبل ما تغرز ...
والغرزان هو جفاف الضرع ...
خليك متابع ...
|
Post: #9
Title: Re: الفقير ابو بعراية وحركة (تهرير) السودان ...
Author: عزان سعيد
Date: 07-15-2010, 07:14 PM
Parent: #8
الاخ العزيز السنوسي
سعيد بعودتك
تابعت قصة ابوبعراية بلصاقة حتي تم هكرها
لا ادري اين هي الان
وهل أكملتها ام لا
احيي مقدراتك السردية العالية
|
Post: #10
Title: Re: الفقير ابو بعراية وحركة (تهرير) السودان ...
Author: Elsanosi Badr
Date: 07-16-2010, 09:57 AM
Parent: #9
العزيز عزان حبابك الف ...الواحد سعيد لامن داخل جوه (ضفورو) من كلامك السمح تجاه ما يكتبه شخصي الضعيف ...
انا زاتي زيك في قصة تهكير قصة الزويل العجيب المدعو ابو بعرايه ... لكن بعد جهد جهيد لقيتا ملغمه ومهكوره وروحها طالع ... ورسلتها لبكري المهندس ... علي الايمان نضفها نضيفة الجبور لمخلايتو وكتين يريد السفر ...
وياها في الرابط التحتاني ده ...
دكــــــــتور خليل ابراهيم وحــكاية الفقير ابو بعرايه ...
خليك قريب نتابع الزول ده ... ان فضينا من المشغوليات
|
Post: #11
Title: Re: الفقير ابو بعراية وحركة (تهرير) السودان ...
Author: خدر
Date: 07-16-2010, 12:28 PM
Parent: #10
| Quote: خليك قريب نتابع الزول ده ... ان فضينا من المشغوليات |
والله يا السنوسي اقرب من كدي مافي
انت بس قرب زيادة و ما تغيب
|
Post: #12
Title: Re: الفقير ابو بعراية وحركة (تهرير) السودان ...
Author: عبدالكريم الامين احمد
Date: 07-16-2010, 12:37 PM
Parent: #11
معقولة يا السنوسي ياخي
الفكي ابو بعراية يصول ويجول في الاسافير وانا اخر من يعلم
وبعدما فقدنا اثره في البوست الرهيب الاول اراك تعود يا صديقي الي منصات الحكي البطلع ميتين ابو راسي المدوقس زاااتو
والبخليني اجدع اي مصيبة في يدي واتي جالسا القرفصاء في حكاوي ابو بعراية
وما تقول المرة دي كمان جابت ليها (فالكون) وهييك شغاليت
وتحياتي
ومتابعين تماما
|
Post: #15
Title: Re: الفقير ابو بعراية وحركة (تهرير) السودان ...
Author: Elsanosi Badr
Date: 07-16-2010, 03:57 PM
Parent: #12
Quote: معقولة يا السنوسي ياخي
الفكي ابو بعراية يصول ويجول في الاسافير وانا اخر من يعلم |
اووووه كريمو ياخي ... والله يا كريم كنت في بالي وقلت ارسل ليك text واليومين ديل اخوك في اجازه صغيرونه لمتابعة بعض الاغراض ... وقلت اقتطع منها ثواني وارجع للباديه روحيا ونرجع ماعلق بما مضي عن بوست حول شخصية محور الشر ابو بعرايه ... لكن ياخي الاجازه هنا سك سك ...
خليك قريب يا كريمو لانو المره دي في حاجات (غميسه)
|
Post: #13
Title: Re: الفقير ابو بعراية وحركة (تهرير) السودان ...
Author: Elsanosi Badr
Date: 07-16-2010, 01:11 PM
Parent: #11
العزيز جدا خدر حبابك الف ...| Quote: والله يا السنوسي اقرب من كدي مافي |
خليك قريب واعمل حسابك ما شديد لانو الزول ده ما مضمون ...
|
Post: #14
Title: Re: الفقير ابو بعراية وحركة (تهرير) السودان ...
Author: Elsanosi Badr
Date: 07-16-2010, 01:14 PM
Parent: #13
رجع الفقير ابو بعرايه من رحلته تلك وهو اكثر بؤسا ... وقيل انه لا ياتي لصلاة الفجر الا لماما... وحتي عندما كان ياتي للصلاه في الزاويه كان ياتي وفلق الصباح علي الابواب ... ولاحظ البدو ان الفقير (عيان) ... قال الاعرابي ابو الكنزه ان الفقير ابو بعرايه عندما ياتي في الفجريه ويبرك للسجود ان ركبو بطقطقن زي العيدان الخاتينها في النار ...
وجاء عابر سبيل ونصح الفقير ابو بعرايه ان يذهب ويدخل نفسه في البير القريبه من بادية العرب الشطيه... ونصحه ايضا ان تكون الزياره في اوقات المغارب ...
يقول الشايب اللجاد ان عابر السبيل كان يريد ان يورط الفقيرالتعيس مع اعراب النجعه الذين كانوا يسقون بهائمهم في فترة المغارب ...
يقول الشايب ابو التومات ...انه شاهد شبحا مع شفق المغرب متدثرا بثياب باليه يتجه خارج الباديه متجاوزا القنطور الذي يفصل الباديه عن وادي الدبان ... والذي يؤدي الي البير او السانيه ...
دخل الفقير ابو بعرايه الي البير وهو يرتجف بعد ان خلع (البردعه) التي كانت تكسوه ودخل عاريا كما ولدته امه ...
وبعد مضي ساعه من الوقت ...جاءت مجموعه من الهمباته ومعهم بعض الرعاه ...
جاءوا وابلهم عطشي ...
ادخل (النمير) ... الدلو الي داخل البير ... والنمير هو رجل من فذ اولاد زيد... رجل عريض المنكبين ...
وعند ورود الدلو الماء ونشله تعلق الفقير ابو بعرايه بالدلو ... وعند بلوغ الدلو الحافه شعر النمير بشئ اسود داخل الدلو وتمتم في سره بما معناهwhat the f**k
|
Post: #16
Title: Re: الفقير ابو بعراية وحركة (تهرير) السودان ...
Author: Elsanosi Badr
Date: 07-16-2010, 04:33 PM
Parent: #14
اخرج النمير الفقير ابو بعرايه من الدلو ... بعد ان نفضه في (التبريب) وصب عليه ما تبقي من الماء ... واختلط المخلوق الواقع علي الارض بالطين والطمي ... جفلت النوق وجفل معهم الرعاة وتحوقل بعضهم وبعض الصبيه ... تخير النمير (الحسبنه) في التلاوه للتحوط من هذه المخلوق القادم من غياهب الجب ...
يقول الشيخ بلحاتي ابن عم المرحوم باجوري ان اسماعين ابيرص كان ضمن الحاضرين عندما ( نشل) النمير بدلوه الفقير ابو بعرايه من الجب ...ويقول ايضا ان اسماعين ابيرص قد عرف الفقير منذ ان كان في حافة البير ... ولكنه قد تغابي فيه العرفه لما له من (ثأر) قديم ...
صاح اسماعين ابيرص في الحاضرين وهو ممسك بصوته العنجاوي (القربعويه) ... صاح فيهم قائلا: الشغل جن!!! واقترب من الفقير المختلط بالطين و(غرفه) برجله ...
يقول الراعي (حامدوه) انه رأي شيئا يطير في الهواء قبل ان يرتطم بالارض ...ثم يقفز جاريا وفي اثره اسماعين ابيرص ... وسمع الحاضرون اثر السوط يقع علي المخلوق الجاري عدة مرات ...
وفي كل مره يسمعون اثر السوط كانوا يسمعون اهه وصوت محشرج من الفقير الجاري ...وتتبعه لعنه وشتائم علي شاكلة (ولد العزبه ) من اسماعين ابيرص ...وقيل ان المطارده استمرت علي طول وادي الدبان قبل ان يرتطم الفقير ابو بعرايه بالقنطور ويغفل اسماعين ابيرص راجعا قبل ان يتعرف عليه الفقير ...
يقول طعومه اخو منصور الفار ...ان (حقة) التنمباك التي وقعت من اسماعين ابيرص اثناء المطارده هي التي علمته ان يأكل التنمباك ...
|
Post: #17
Title: Re: الفقير ابو بعراية وحركة (تهرير) السودان ...
Author: jini
Date: 07-16-2010, 04:43 PM
Parent: #16
| Quote: الفقير ابو بعراية وحركة (تهرير) السودان ... |
(تهرير)
هو تهرير نصاح!
و (تبويل) كمان
يعنى نهى سودان
قديم لا جديد!
جنى
|
Post: #18
Title: Re: الفقير ابو بعراية وحركة (تهرير) السودان ...
Author: Elsanosi Badr
Date: 07-16-2010, 05:11 PM
Parent: #17
العزيز جني كيفنك يا اخوي ...
Quote: (تهرير)
هو تهرير نصاح!
و (تبويل) كمان
يعنى نهى سودان
قديم لا جديد! |
تعرف يا جني عملية (التهرير) بدأت من سنة 83 من تطبيق قوانين سبتمبر الما طبقوها صاح وصرنا صحابه ... ولا كمان خلوها ساكت عشان الناس يشربو ليهم (مريسه) يملو بطونهم ...
(التهرير) الاخير ده ... مشكلتو انو في ناس جايبين (للمهرر) جوينتيات وقايلنو ح (يهرر) ليهم السودان ... وما عارفين انو الزول اللابس الجوينتي ده ما عندو غرض (بالتهرير) ده زول (امساك) ساي ...
هم لو كانوا عايزين يهررو السودان فعلا ...كانوا بدل الخمسه صواريخ الرسلوها تدك ليها مصنع حبوب ملاريا ...كان يرسلوها المنشيه او القصر عشان نتهرر كلنا لحدي ما يجينا (اسهال) زاتو ...
لكن الظاهر انو الزول ابو جوينتات ده او ابو بعرايه عايز الناس كده ...(تقنت) بس
|
Post: #19
Title: Re: الفقير ابو بعراية وحركة (تهرير) السودان ...
Author: JAD
Date: 07-16-2010, 11:45 PM
Parent: #18
كامل التضامن مع الفقير حتى يستعيد كامل (عدته) وعتاده .. :D
مرور للسلام أخي السنوسي ..
برجع لو لقيت فرصة ..
زحمة شغل شديدة والله ..
جاد
|
Post: #20
Title: Re: الفقير ابو بعراية وحركة (تهرير) السودان ...
Author: JAD
Date: 07-16-2010, 11:45 PM
Parent: #18
كامل التضامن مع الفقير حتى يستعيد كامل (عدته) وعتاده .. :D
مرور للسلام أخي السنوسي ..
برجع لو لقيت فرصة ..
زحمة شغل شديدة والله ..
جاد
|
Post: #21
Title: Re: الفقير ابو بعراية وحركة (تهرير) السودان ...
Author: Elsanosi Badr
Date: 07-17-2010, 01:49 PM
Parent: #20
ود عمي جاد كيفينك اخوي عساك بخير انت والعيال...
| Quote: كامل التضامن مع الفقير حتى يستعيد كامل (عدته) وعتاده |
يا جاد هووووي اوعك تضامن مع الفقير ده ... ده زول محور شر وقوي رعديده ...
ما تطول الغيبه ياخي ...
|
|