اليوم الموعد الاخير لخدمة ممتازة تقدمها شركة زين بالسودان

تقدم شركة زين خدمة 4 في 4
وهي تعني تمتع مشترك الدفع المقدم بأربعة ساعات
خلال اليوم تكون فيها تكلفة المكالمة بربع القيمة
يعني تخفيض 75% داخل شبكة زين فقط
وقد جربت هذه الخدمة وكان سعر الدقيقة هو:
فقط 4 قروش لاغير
شريحتي كانت موبي بيد - نظام الإشتراك الشهري - طوالي
ألغيت النظام القديم ده وحولت لزين إيزي( بدون إشتراك شهري)

رسوم الإشتراك في هذه الخدمة 4 جنيهات في الشهر
وماعليك إلا تعبئة تلفونك ب4 جنيه وإنزال كود الخدمة

معلومة مهمة آخر موعد لتفعيل الخدمة هو ماقبل منتصف
الليل من هذا اليوم الثلاثاء 13/7/2010

اليوم مقسم على 4 فترات:

من 12 مساء الى 4 صباح

من 4 صباح الى 8 صباح

من 11 صباح الى 3 بعد الظهر

وكوده هو نجمة خمسمائة سبعة وستون نجمة خمسة وسبعون نجمة ألف ومائة نجمة ألف وخمسمائة ثم مربع أو سلم ثم إتصال لتفعيل الخدمة


من 3 بعد الظهر الى 7 مساء وكوده هو نجمة خمسمائة سبعة وستون نجمة خمسة وسبعون نجمة ألف وخمسمائة نجمةألف وتسعمائة ثم مربع أو سلم ثم إتصال لتفعيل الخدمة

أنا عارف دي دعاية مجانية لشركة زين لكن مامشكلة طالما انكم تستفيدوا

وياشركة زين سجلي إنه صاحب الدار الوسيعة دي أخونا بكري أبوبكر وأنا طالبنك حق الدعاية

الغريبة إنه مافي واحد من الإخوة (زملاء البورض)
أو (نقابة المحامين بتاعين شركة زين بالبورض)
جاء ظاهر بي هنا
هسع لو قلنا مشكلة وشنو كده ماعارف كانوا جو ناطين لينا في حلقنا
هسع عاوزين واحد منهم يجي أو يكلم ناس زين إنهم يمددوا فترة إستفادة
الجمهور من هذه الخدمة لأنه الناس ماعرفوها والإعلان عنها كان ضعيف
جداً ، أنا جاتني رسالة أول أمس وفيها انه التفاصيل في الصحف اليومية
يعني أنا لو في حتة مافيها صحف أعمل شنو؟

قلنا نرفع البوست والناس تستفيد

Quote: شريحتي كانت موبي بيد - نظام الإشتراك الشهري - طوالي ألغيت النظام القديم ده وحولت لزين إيزي( بدون إشتراك شهري)

سلامات يا ابو عبيده
يكون جميل لو شركة زين ألغت قصة الاشتراك الشهري دي
اسوه ببقية الشركات التي اصبحت تسحب اغلب زبائنها .

خدمة 4 × 4
خدمة جديده ونشكر زين عليها .. الا انها لا تغطي اهم فتره في اليوم
وهي الفتره من السابعه مساء وحتي الثانيه عشره

Quote: من 3 بعد الظهر الى 7 مساء وكوده هو نجمة خمسمائة سبعة وستون نجمة خمسة وسبعون نجمة ألف وخمسمائة نجمةألف وتسعمائة ثم مربع أو سلم ثم إتصال لتفعيل الخدمة

غايتو دي حصة لغة عربيه عديل كده .. هههههه
طيب خليها بالارقام احسن واسهل
*567*75*1500*1900# ثم ok

ما متأكد الناس ديل شغالين بساعة الجيش ولا ساعة القطر .. لووووول
يعني بدل الساعه 1500 والساعه 1900 .. اظن مفروض تكون الساعه 15 والساعه 19
تحياتي

الأخ نوفل عبد الرحيم حسن
شكراً لإثراء النقاش
طبعاً شركات الإتصالات دي عندنا معاها منازلات
وصولات وجولات خاضها (فرسان البورض)
لكن دي حاجة إيجابية قلنا نبرزها من باب
(لايجرمنكم شنئان قوم على ألا تعدلوا إعدلوا هو أقرب للتقوي)
وأتفق مع ماأوردته

Quote: خدمة 4 × 4 خدمة جديده ونشكر زين عليها .. الا انها لا تغطي اهم فتره في اليوم وهي الفتره من السابعه مساء وحتي الثانيه عشره

كما وأن الشركة لم تبذل أي مجهود في الترويج والتعريف
بهذه الخدمة التي طرحت في وقت وجيز لم تمكن الجمهور المستهدف حتى
بالتعرف علي الخدمة ناهيك أن يتم الإستفادة منها
ولذلك نناشد الشركة بتمديد أو إعادة طرح الخدمة للجمهور وتكثيف الدعاية
للتعريف بها قبل وأثناء فترة تقديم الخدمة. مع زيادة الرقعة الزمنية لتشمل
الفترة من السابعة إلى الثانية عشرة مساء.

Quote: غايتو دي حصة لغة عربيه عديل كده .. هههههه طيب خليها بالارقام احسن واسهل

عندي مشكلة في لوحة المفاتيح فيما يتعلق بالأرقام

وين الإخوة أعضاء نقابة المحامين بتاعين شركة زين بالبورض؟


جميل أن يتواصل عالم زين الجميل

وين ناس زين؟

Quote: شريحتي كانت موبي بيد - نظام الإشتراك الشهري - طوالي ألغيت النظام القديم ده وحولت لزين إيزي( بدون إشتراك شهري

هل تعني ان الخدمه قاصره علي مشتركي زين ايزي (بدون اشتراك شهري) ام تشمل الكل

الأخ نيازي المريخابي
السلام عليكم ورحمة الله

Quote: هل تعني ان الخدمه قاصره علي مشتركي زين ايزي (بدون اشتراك شهري) ام تشمل الكل

لم تكن قاصرة على مشتركي إيزي وإنما كانت شاملة لكل شرائح الدفع المقدم،
لكن الشركة قصرت في عدم تبصير الناس بالخدمة ونزل الإعلان عنها
لفترة ضيقة جداً.

وبعد ده كله الأخوة أعضاء نقابة محامي زين بالبورض عاملين نايمين؟؟؟؟


خارج الموضوع: ياخي جملة لاعبي فريق المريخ لايشبهون نادي المريخ وتاريخه

بالرغم من انى لدى مصالح كبيرة مع زين مستقبلا-يعنى-
الا انه بكل صراحة..
زين اصبحت الشركة الوحيدة التى لا تقدم اى مزايا لمشتركيها
سودانى وأريبا..شغالين منح..ساكت..شى كلام مجانى..وشى ساعة نضمى بى
فد الف..وزين لسه متخيله انو عالمها جميل..

أبوعبيدة


مساءك جميل


في زول اسمو امين حسن ماسك اعلام زين لسع معاهم ؟ وهو مهندس ابوه اول طبيب اسنان في السودان


اشتغل معانا في الوان خمس سنوات حسوما ولأنه كان عايش في اوربا وجابو حسين معاه في المسا


فكان بسمي حسين والناس المعاه اهو نحن وناس زكريا حامد ويوسف عبد المنان وكمال علي واحمد عبد

الوهاب وعبد الرحمن احمدون ورقية ابوشوك وهدية علي ( الكرور)

بعدها انتقل الي زين وما عارف هل لازال معاهم ام فرتك لبلد تاني


اسعل لي من الزول وشوفو لي وين مغرود فيهو شديد جدا

ويديك العافية

وشايفك فشيت غبينتك في ناس بنك الخرتوم

ابوعبيدة


صباح الخير


ماتفك بوستاتك عكس الهوا

حبيبنا السيدح
قلت الزول ود المصارين البيض ده مرقكم كلكم كرور؟
الإفادة حقتك ناقصة لأنك لم تورد ردكم ولا رد الأستاذ حسين خوجلي
على الأستاذ/أمين حسن.
الحتة دي ضرورية شديد ولا ببقى فكيت كلامك عسك الهواء

لكن كدي قول لي هي زين الهناء دي مكاتبها وين ؟ عشان والله أصقع ليك مشوار
على شانك وأنقل سؤالك للأستاذ/أمين، إن كان لازال في زين.
لأنه عشمنا إنقطع في الإخوة أعضاء نقابة محامي زين بالبورض
ويمكن العبارة دي مزعلاهم زي زعلنا من زين
وشتان مابين هذا وذاك

لا الزول ما كنَا بنرد عليهو


لأننا فعلاً كرور


نكتفي بالضحك الجماعي فقط

ميزتو علينا انو لازم يجي بربطة عنق وشايل لابتوب و الريحة ما تديك الدرب والكلام ده في منتصف

التسعينات ونحنا ناس شباشب وقمصان ما مشكوكة وكده يعني. فطور بوش وشاي بكاسات البلاستيك


بعدين ناس زين ديل ما عارف مقرهم الرئيسي لسع


معناها انت برضك كرور ولو لاقاك الراجل ده برضو بقوليك كرور


بس كده انت اتصل علي العلاقات العامة وبفيدوك واذا لميت فيهو بجيهك تب ويحلحل ليك كل مشاكلك

معاهم.

مقر شركة زين بمبنى الشركة العربية لتنمية الثروه الحيوانيه بالمقرن غرب بنك السودان
زين عالم جميل

بحسب وعدي للأخ الحبيب الأستاذ الكرور(كما وصفه الأستاذ/أمين حسن عبداللطيف ووافقه هو على ذلك )/عبداللطيف السيدح
فقد صقعت مشوار لمقر شركة زين
ويا السيدح يا أنا ياناس زين الكرور لأنه أنا بجي ماري بقرب هذه العمارة يومياً
صباح ومساء وليس هنالك مايشير أو يميز أن مقر هذه الشركة الضخمة داخل هذا المبنى
فالواجهة الرئيسة تعود كما أشار المهندس قدورة للشركة العربية
واللوحة التي تقع بالجهة الخلفية باهتة وشأنها شأن أي دعاية لشركة زين
فالكرور هم ناس زين وتحديداً إدارة الإعلام يازول يعني خلصت ليك حقك
كما أعادالأستاذ/أمين حسن عبداللطيف، أن الكرور هم تلك المجموعة التي
سميتها أنت بالأمس وأنا لست منهم.

المهم ولفائدة رواد البوست
دلفت على المدخل الرئيسي وتحدثت إلى موظف إستقبال زين بالإستقبال الرئيسي للمبنى
وذكرت له أنني أكتب بموقع (سودانيزأونلاين) قادم لمقابلة إدارة الإعلام
فقال لي موضوعك شنو؟ قلت ليهو عاوز أستفسر عن وجود الاستاذ/أمين حسن، فقال لي
الأستاذ/أمين حسن عبداللطيف؟ قلت له نعم، فقال لي موضوعك شنو؟ فذكرت له أن له صديق يسمى
السيدح بالسعودية أوصانا أن نسأل عنه، فقال لي لحظة أتأكد أشوفو في المكتب ولا لا؟
ثم ناولني هاتفه المحمول الشخصي وأن الاستاذ/أمين حسن عبداللطيف، يتحدث الي .
علمت أنه طالع هذا البوست وأعاد أن الكرور هم تلك المجموعة فقط يالسيدح وأنني لست منهم
وأنه يغريك كثير سلامه وتحياته وعاوز تلفونك ضروري كما زودني برقم هاتفه (تجده في الخاص)
وأرجو أن توافيني برقمك (في الخاص) يالسيدح وحيث أنك كرور فإنني أشك في معرفتك بــ(الخاص)
بركات شيخ السيدح:
حين خرجت من الإستقبال وافيت الأستاذ الشاعر الكبير/عبدالقادر الكتيابي، سلمت عليه وجلسنا قليلاً في
الكافتيريا الخارجية وعرفته بنفسي وأوضحت له سبب مجيئي لزين وسبحان الله كان هو أيضاً قادماً للأستاذ/أمين حسن،
فأعطيته رقم هاتفه.
المهم ياسيدي كانت سانحة طيبة أن التقي هذا الرمز الرقم وأتعرف عليه. (جاري معالجة الصور)
و وبركاتك يا شيخ السيدح الكرور .

عبداللطيف السيدح ياكرور تعال بي جاي - توجد صور -

طيب شايل حالي ببوست كامل مالك علي يا حبيب؟


انت عارف توجد صور دي بتجيب ناس الرفاعي وود العمدة طايرين طير عشان يشوفوا الفضائح بتاعت الصور.

Quote: طيب شايل حالي ببوست كامل مالك علي يا حبيب؟.

هههههههه
نوع من الترويج ياخي بإعتبارك أحد نجوم البورض

Quote: انت عارف توجد صور دي بتجيب ناس الرفاعي وود العمدة طايرين طير عشان يشوفوا الفضائح بتاعت الصور.

هههههههه إطمئنوا يا أخوان فشيخ السيدح عندنا فوق الشبهات
و ياخي ماتتحسس من موضوع الصور التي تعود للأستاذ عبدالقادر الكتيابي والأخ دفع الله - إدارة الإعلام بشركة زين وشخصي الشعيف
وأظن يا أستاذ خلعة البوست خلت ماتركز إنه أنا ما قابلت الأستاذ/أمين حسن عبداللطيف، إنما تحدثت له هاتفياً فقط

جاري معالجة الصور

وأظن يا أستاذ خلعة البوست خلت ماتركز إنه أنا ما قابلت الأستاذ/أمين حسن عبداللطيف، إنما تحدثت له هاتفياً فقط





بالله انا فاكرك شفتو لحم ودم


وليه ماكان موجود في المكتب ؟

من بركات شيخ السيدح

انت صورت بجوالك التعبان؟



شوف ليك اقرب بتاع فوتوشوب للمعالجة والتحسين

شيخ السيدح:

Quote: انت صورت بجوالك التعبان؟

ياخي والله دي مشكلة كمان جابت ليها كشف حال؟
بس كشف الحال جائي لناس زين
حيث تأكد لي بالدليل القاطع أنهم يتابعون هذا الموقع بصورة لصيقة

الأستاذ الشاعر عبدالقادر الكتيابي والأخ دفع الله من إدارة الإعلام بشركة زين

بدينا في كشف الحال:

زين وخدمة الرسائل القصيرة - هل هو أكل لأموال المساكين بالجهل؟

كما جاء في صدر هذا الموضوع هنالك تعتيم على الخدمات التي تقدمها زين في العموم
وعلى خدمة 4x4 تحديداً
اتصلت على خدمات العملاء في ذات اليوم المحدد كآخر يوم لطرح هذه الخدمة مستفسراً عما
إذا كان بالإمكان الإشتراك في أكثر من فترة زمنية على الشريحة الواحدة فأجابني الموظف بأن ذلك
غير ممكن ولكن يمكن التحويل من فترة زمنية لأخرى بعد دفع رسم يتم خصمه مسبقاً
فهذه جزئية مهمة ويجب أن تملك للمواطن

فجر اليوم وصلتني رسالة من زين نصها كما يلي:

Quote: عزيزي المشترك سوف ينتهي إشتراكك في خدمة 4x4 بعد 3 أيام

دون ذكر أو توضيح
للمطلوب أو ماسيترتب على هذه الإفادة
يعني هل المطلوب مني القيام بتجديد الإشتراك؟
إن كان الجواب بنعم، نرجو توضيح كيفية تجديد الإشتراك؟
أم أن هذه خدمة مؤقتة إنتهت؟
أم ماذا؟؟؟؟؟؟؟؟؟؟؟؟؟؟؟؟؟؟
أفيدونا أفادكم الله ياناس زين

لم تردنا أي إفادة حتى اللحظة
فعلاً زين عالم........