الاخطبوط ... يونـغ

في صباح الله البارد والقميص مكوي بجانبه البنطلون لمحت علي عجل( صنع في الصين) بالنسبة للاثنين معا أضافة للماسورة ولمبة الكهرباء وهاتفي النقال والشاي الاخضر الذي بحوزة امي (للاسشتفاء) وليس للكيف ..
إستفحلت الحالة الصينية عندي بمجرد إمتطاء احد البصات الجديدة (برضو صيني).. إضافة الي بوكسي شايل صنين عبر بجانبنا، اخرجت كيس التمباك (الغير صيني) وراجعة الكيس ملياًًً الدقش للعماري الاصلي فحمد الله كثيرا انه لم يطلع (شنغهاي) للعماري الجيد او سور الصين العظيم للسيوبر ، تفحصة الباص الجديد (والكتابة المابتغابني من زمن علبة الفكس) فقلت والله خير وبركة طالما الموضوع بقي صيني في صيني من الكباري لحدي الفانيل الداخلية .. نقدم بمقترح للدولة بتاع اخطبوط صيني لكل مواطن وكذلك اخطبوط للجهات الرسمية والحكومية واخطبوط بسعر مخفض للطلاب واصحاب المعاشات وواحد بالاقساط للموظفين مستفدين من قصة الاخطبوط بول بتاع كاس العالم.. وتقليلا للتكلفة يكون صيني (وعندو إسبيرات في سوق اللفة) ونطلق عليه لقب الاخطبوط يونغ
وهاك يا دعايات ولا فتات ويفط نعدد فيها مزايا الاخطبوط يونغ الما خمج .
لوعايز تعرف نتيجة اي مبارة
لو عاوز تعرف المطرة بتجي متين
لو عاوز تعرف انو الموية بتقطع ولا لا.
لو عاوز تعرف ناس المحلية والنفايات والعتب والذي منو بجيبو ليك القروش كم ..
إضافة لتنبؤه بالاسعار الخضار واللحمة وخصوصا الطماطم والسكر ..
إضافة الي مزاياه السياسية .. بالنسبة للحكومة والمعارضة...
علي شاكلة ..
ممكن تسالو عن توقعاتو عن حال البلد
وحدة انفصال كنفدرالية
منبر التفاوض الجاي ح يكون مع منو ..
السيسي ولا خليل ولا عبد الواحد ولا في حركة جديدة تاني..
المفاوضات ح تكون
في الدوحة ولا القاهرة ولا طرابلس ...
يتبع

للاخطبوط يونغ دفع مقدم (زيو زي الكهربا) تشحن بي 50 بديك الفي مرادك تزازيهو بي 5 و10 إستحمل النتيجة دعه في متناول يد الجميع احفظو في اي حته(تنبيه اسفل علبة الاخطبوط يونغ).....
فما عليك الاّّّ ان تقوم من الصباح علي اخطبوطك وتهري اسئلة وتوقعات ..
اها
المواصلات كيف ..
بتاع الدكان بسألني من قرشو ولا لسة ..
الطماطم والسكر بنزلو ولا (بطلعوا لينا في راسنا)..
طلب السلفية ..بقبلو ولا بشرطو ...

طبعا في اسلئة وتوقعات إلاّّّّّّّّّّ تشحنو بي مية اقل من كده (كراعو ما بحركا من الستة وستين كراع بتاعينو)

نواصل

وبالنسبة لناس الولايات هنالك جملة محاذير وممنوعات وإرشادات عند إستخدامكم الاخطبوط يونغ ...
ولاية الجزيرة مثلا ..

1- أمانة الحصاحيصيا وشرق الجزيرة ..

ضع الاخطبوط بالقرب من كوبري رفاعة (لانو سوهوه صنيين) في حالة (انو طشا شبكة) او عدم الرد...
2- محلية الكاملين وابو عشر لحدي التفتيش سوبا..
يمكن ان تضع الاخطبوط يونع بالقرب من مستشفي ابوعشر او مصنع الصداقة للمنسوجات (سابقا) الدم للدم بحن في حالة عدم التجاوب ..
هنالك بعض الاشياء تعرضه للتلف السريع ..
كما هو موضح بالكتلوج علي النحو الاتي ..
لو سالتو عن مشروع الجزيرة,,, (بتجيب اجلو)
لو سالتو عن مطاحن قوز كبرو ، مصنع النسيج الحصاحيصا (بتلحقو امات طه)
لو سالتو عن الفبارك والمحالج والسكة حديد (بتعمل ليهو فشل كلوي اخطبوطي)

لو سالتو توسعة شارع الخرطوم مدني (بتفرتق منك حته حته)
لو سألتو عن قروش دريم لاند (عينك ما تشوف إلاّ النور)

يونغ
عفوا اقصد UP

للاخطبوط يونغ توقعات تفيد الصحافة وتضر الكلاكلة
فمثلا عندما تلفح صحيفة ما خبر غير مؤكد بان السيد يونغ توقع ان ست الاسم (الكلالكة) سكنها الجن من ايام الحملة الفرنسية علي مصر ومعروف بان الحملة النابليونية علي مصر إستصحبت معها بعض الجن (والجنبو) الفرنسي وبعض فلول هذا الجن إسطوطن الكلاكلة وطاب له المقام وخصوصا بان بحر ابيض امامه وخزان جبل اوليا (فاتح في الوش علي طول) فحتما سترتفع الايجارات بالصحافتين المطلة علي الزلط وتعرف بالصحافة زلط واخري تطل علي شرق وتسمي بالصحافة شرق ...