شافع مسلط و فناااااان .. ذكرني زمان زول شافع كده قليلوني شديد لمن سموهو ( قلِبه و اشربه ) .. على دعاية أندروس الزمان ديك .. برضو كان نصيبة في الرقيص .. عندو زمن ختري عديل ..و بقى عندو جمهور و مريدين و مبارين ليهو في الحفلات .. سمعت إنه خش الجيش و انتهى به الأمر شهيدا في أحراش الجنوب . ...... دحين يا مرتضى مسعول من الخير ..!! إنت ليش غالبية الناس الإيقاعها مظبوط صاح و زمنهم كارب .. ليش كلهم من ذوي البشرة الداكنة ؟؟ الحكاية دي لافا في راسي طوالي .. حتى في الخليج مثلا .. تلاقي الموسيقيين و الطبالين و بتاعين الدفوف و النوبات .. كلهم سمر البشرة .. تمشي أمريكا أو اوروبا .. تلقي حكاية الإيقاع دي متكلة على أصحاب الأصول الأفريقية .. نحنا كأفارقة الإيقاع ده حكايتو شنو معانا ؟؟ حاجة تانية .. الناس الفاقدين الصبغة اللونية ( أولاد الحور ) .. ليه زمنهم بايظ ؟ أي ود حور - أتحداك - تلقى زمنو فارق كلو كلو .. و لو رقصت جنب واحد فيهم ممكن يلخبطك يمرقك في الصقيعة . ..... شكرا يا ابن خالتي .. أمتعتني بهذا الشافع الرقاص .
العمده الغاب وخلاّنا في السَهَله، لن تصدق أن تعليقك وتساؤلك كانا مدار حديث بيني وبين أحد عازفي الجيتار الموهوبين حقا ، من جزيرة سانتالوتشيا، وكان يدرس في بريطانيا عامي 97-1998 سألته نفس السؤال : لماذا نحن نجيد عزف آلات الموسيقى سيما الطبول وآلات النفخ والرقص (بزمن صاح) ولايتوفر ذلك للبيض، أجابني ضاحكا بأنهم - أي البيض - شالوا كل حاجه في التعليم والبزنيس وخلّونا للفارغه والمقدوده، بالطبع كان حديثا مازحا لكن ملاحظتك في مكانها ، نحن فينا آذان مرهفة وتميز بين الأصوات بحساية عالية وطقوسنا تميزت بالرقص، ياخ ناس جنوب أفريقيا في الجنازه بيرقصوا. لكن لأول مرة أعرف منك إنو أولاد الحور مشاترين وزمنم غلط. دي بالغت فيها يا العزيز.