Post: #1
Title: سلام لأهل الحوش
Author: yasir tamtam
Date: 07-11-2010, 02:25 AM
عدت و إنزاح التعب ** من زحمة الزمن الخرافي
فرحة عمتني و تهادت ** جوة خاطري العمرو وافي
الهكر عكّّّّّــر صـفـاي ** وكان زماني تملي صـافي
البعاد أتعـب قليبي ** وليـكم أكــتب إعترافي
جئت والأشواق معاني ** أسمى من حرف القــوافي
أطروني كلمة حب حلوة ** تبقى معناها التصــافي
أصلي من دون الأحـبة ** يســتحيل أجد المـرافي
مني للأحباب تحـــية ** ألف مرحى ويا عـــوافي
|
Post: #2
Title: Re: سلام لأهل الحوش
Author: على عمر على
Date: 07-11-2010, 02:43 AM
Parent: #1
سلام وتحية ايها الفنان
اخر مرة اتقابلنا
فى فندق الخيام بالشام قبل 14 سنة تقريبا
وانشاء الله نقابلك بعد 14 يوم تقريبا
دمت زاهيا وزاهرا ومبدعا اصيلا
|
Post: #3
Title: Re: سلام لأهل الحوش
Author: yasir tamtam
Date: 07-11-2010, 03:07 AM
Parent: #2
شكري الجزيل يا أبو علي لكن 14 سنة
دا زمن بعيد و أنا كنت صغير هههه عموما
مصير الحي يلاقي طال الزمن أو قل
مشكور على المرور
لك الود
|
Post: #22
Title: Re: سلام لأهل الحوش
Author: هاشم محمد الحسن عبدالله
Date: 07-12-2010, 12:32 PM
Parent: #3
الفنان ياسر ، تحياتى نتابع ابداعك وجديدك من خلال وسائل الأعلام ، ولقد أسعدنى مشاركتكم فى زواج أختنا الغالية عروس الموسم أنعام حيمورة ، ونفتقدك فى المنبر ، الف مرحب بمقدمك الميمون ، مودتى .
|
Post: #4
Title: Re: سلام لأهل الحوش
Author: الكباشى البكرى
Date: 07-11-2010, 03:09 AM
Parent: #2
سلامات استاذ ياسر وعودا حميدا انشاء الله...
|
Post: #5
Title: Re: سلام لأهل الحوش
Author: علي جلاس
Date: 07-11-2010, 03:50 AM
Parent: #4
المبدع ياسر تمتام والموسيقار نادر حمودة عطرتوا أجواء فيلادلفيا طربا وفنا أصيل
|
Post: #6
Title: Re: سلام لأهل الحوش
Author: ياسر المك
Date: 07-11-2010, 04:28 AM
Parent: #1
مرحب ياسر القوافي ***** ابقي مارق للتلاقي
نحن مستنين رجوعك ***** انت عنوان القوافي
صوتك الصداح يشدو ***** يدعو للود والتاخي
*****
في رجوعك نسمة حلوة ***** بسمة للمحروم تشافي
عطرت روح الحوش كلو ***** عطرت روح كل التلاقي
انت فنك بي سماحتو ***** جوة في الوجدان دافي
ياسر التمتام سلام ***** الف مرحب بيك عوافي
|
Post: #7
Title: Re: سلام لأهل الحوش
Author: سيف الدولة كامل
Date: 07-11-2010, 05:21 AM
Parent: #6
الحبيب والصديق \ ياسر ,,,
تحياتي وحمدا لله علي السلامة,
6466966593
في انتظار مكالمتك يا عزيز
محبتي
|
Post: #8
Title: Re: سلام لأهل الحوش
Author: ياسر بيناوي
Date: 07-11-2010, 05:59 AM
Parent: #7
سلامات ياانا والله مشتاقين
اخبارك شنو يامان
بركة الجيت ياخ
خالص الود
|
Post: #9
Title: Re: سلام لأهل الحوش
Author: الهادي محمد علي
Date: 07-11-2010, 06:03 AM
Parent: #7
الفنان المبدع ياسر تمتام
سلام
مرحب بيك في فلادلفيا.. والحوش منور بي وجودك
لكم انت عظيماً... وعظيم فنك
تحياتي للعزيز الاستاذ/ نادر
|
Post: #10
Title: Re: سلام لأهل الحوش
Author: ناذر محمد الخليفة
Date: 07-11-2010, 08:36 AM
Parent: #9
حمدلا على السلامة .. بركة الشوفة ..
أها ...
أغاني وأغاني السنة دي إنت فيها ولا برة منها ؟!!
|
Post: #11
Title: Re: سلام لأهل الحوش
Author: MOHAMMED ELSHEIKH
Date: 07-11-2010, 09:08 AM
Parent: #10
سيف سلام ليك وكل المتداخلين
مس كول اسفيري وكدى؟
|
Post: #12
Title: Re: سلام لأهل الحوش
Author: Mutwali Malik
Date: 07-11-2010, 12:27 PM
Parent: #11
الفنان المبدع
ياسر تمتام
مافي غير احلام قديمة ننوم نتوسده
احلامنا ان قامت صحت تاني الملوك بتهدهده
ونبقي في نفس الزمن الفيهو تحتفل المدينة بمولده
ومدينتنا سوف تحتفل بقدومك بمعية المبدع نادر
فالي لقــــــــــــــــــــــــــــــــــاء
|
Post: #13
Title: Re: سلام لأهل الحوش
Author: محمد كابيلا
Date: 07-11-2010, 02:19 PM
Parent: #1
Quote: جئت والأشواق معاني ** أسمى من حرف القــوافي
أطروني كلمة حب حلوة ** تبقى معناها التصــافي
أصلي من دون الأحـبة ** يســتحيل أجد المـرافي
مني للأحباب تحـــية ** ألف مرحى ويا عـــوافي
|
ألف مــرحب ياسر ..
منـــــور الحوش
وتانى ما تطول الغيبة سمح أو كما تقول
الرائعة نادية عثمان أين ذهبت هى الأخرى ..!!؟
|
Post: #14
Title: Re: سلام لأهل الحوش
Author: Dania Elmaki
Date: 07-11-2010, 10:22 PM
Parent: #13
مرحب بالمبدع ياسر تمتام في الولايات المتحده و نحن موعودون باجمل الليالي و السهرات مع الجميل ياسر و العازف صاحب الانامل الذهبيه نادر.
|
Post: #15
Title: Re: سلام لأهل الحوش
Author: عليش
Date: 07-12-2010, 00:05 AM
Parent: #14
مرحب بيك..ونحن منتظرنك في فرجينيا..
|
Post: #16
Title: Re: سلام لأهل الحوش
Author: اسماء الجنيد
Date: 07-12-2010, 00:23 AM
Parent: #15
مرحب بيك استاذ ياسر ومرحب لعودتك من تاني ومزيداااااااااا من الابداع
تحياتي وتقديري
|
Post: #17
Title: Re: سلام لأهل الحوش
Author: سيف الدولة كامل
Date: 07-12-2010, 01:28 AM
Parent: #16
ود الشيخ ,, حبابك الف يا ملك
ياسر طاشي في بلاد اليانكي وماعارفين
ليه تلفون قلنا نمسكله كان يرد.
تحياتي
|
Post: #18
Title: Re: سلام لأهل الحوش
Author: Elmosley
Date: 07-12-2010, 03:06 AM
Parent: #1
يازميل انغام غنانا
الهكر مقدور عليهو
الا بس اشجينا غني
لحن نقدر نصطفيهو
تمرق الغنوات رهيبه
وتبقي عمرا نحيا بيهو
|
Post: #19
Title: Re: سلام لأهل الحوش
Author: heba Elmahi
Date: 07-12-2010, 03:30 AM
Parent: #18
| Quote: مرحب بيك..ونحن منتظرنك في فرجينيا.. |
|
Post: #20
Title: Re: سلام لأهل الحوش
Author: انعام حيمورة
Date: 07-12-2010, 08:08 AM
Parent: #19
الفنان ياسر ود تمتام ..
بركة الشفناك والله طولت شديد من الحوووش ..
مشتاقين وكدة
|
Post: #21
Title: Re: سلام لأهل الحوش
Author: الرفاعي عبدالعاطي حجر
Date: 07-12-2010, 08:31 AM
Parent: #20
الجميل ياسر تمتام
مرحب بك في وطن مرادف , اهل بك في حوش بكري
واتحفنا عن الفن بالله حدثنا عن الحقيبة كاول
مدخل لك رجاء وليس أمر يا شجين .
الف مرحب وبيتنا نور .
...................................حجر.
|
Post: #23
Title: Re: سلام لأهل الحوش
Author: yasir Abdelgadir
Date: 07-12-2010, 12:38 PM
Parent: #21
مرحب بالفنان ياسر
ياريت نستمع اليك هذا الصيف في امريكا
|
Post: #24
Title: Re: سلام لأهل الحوش
Author: Hisham Ibrahim
Date: 07-12-2010, 01:18 PM
Parent: #23
يا تمتام
آي عُـذر مقبول منكـ ( الا كنت بتسجل لي قناة زول )
ما بنقبل العـذر دا
والهكر أريتو بالضـريـب شـقـاق العـناقـريب
زيدنا بركة وشـعـر ولقطات يا جـميل ...
هشام
|
Post: #25
Title: Re: سلام لأهل الحوش
Author: ابو جهينة
Date: 07-12-2010, 01:46 PM
Parent: #24
تحياتي أستاذ ياسر
|
Post: #26
Title: Re: سلام لأهل الحوش
Author: عفاف الصادق بابكر
Date: 07-12-2010, 01:55 PM
Parent: #25
مرحب حباب ياسر ود تمتام ..
نورته حوشك .. يا اخوي ..
ما تغيب كتير كدي تانى ... سمح ..
|
Post: #27
Title: Re: سلام لأهل الحوش
Author: عبد الخالق امن الله
Date: 08-27-2010, 10:04 PM
Parent: #26
بالله تعال ورينا رأيك في السخف الكاتبه ده
وورينا وجهة نظرك
الي ياســــر تمتام
|
Post: #28
Title: Re: سلام لأهل الحوش
Author: فدياس نجم الدين
Date: 08-27-2010, 10:45 PM
Parent: #27
غايتو السودانيين ديل عليهم جنس مجاملات
شوف الكلام بتاع يا أستاذ ويا مبدع ووين جديديك
ولو سألت أي زول هنا عشان يقول ليك أغنيه وأحده لأخونا ياسر ده ماراح تلقي
بالله الزول طلع في أمريكا وأنا أقول السنه دي الحمد لله ما شرفنا في برامج رمضان
ياسر تمتام مثال حي على ان الفن في السودان وفر ص الظهور في وسائل الإعلام
يتم عن طريق العلاقات الإجتماعيه ولا علاقه له بالموهبه
حيث إن المساحه الإعلاميه التي منحت له لم يجدها الهادي حامد
ولا عمر جعفر أو أبوبكر سيد أحمد
لكن نقول شنو ؟؟ ياهو ده السودان
|
Post: #29
Title: Re: سلام لأهل الحوش
Author: نيازي مصطفى
Date: 08-27-2010, 11:00 PM
Parent: #28
انتو الزول قبل ما يتكلم عن الآخرين ليه ما بعاين للمراية ويشوف روحه؟
وبعدين المبدع دا ليه ما قال شكرا للناس الجاية ذابحة ليها كمية
من الكلمات اقلها مبدع !
الزول دا بالله اغانية شنو ؟ ما يكون مبدع بالتقليد؟
كيف يعني خشمها زي المطبقة ياتمتام يا فنان يا مبدع !
|
Post: #30
Title: Re: سلام لأهل الحوش
Author: عبد الخالق امن الله
Date: 08-27-2010, 11:07 PM
Parent: #29
ياخي ده انا سمعت بيهو اول مرة بعد
ما كتب كلامه العجيب دة؟؟
اها النتيجة انه ما عندو اي موهبة فنية
اولا العود في زول بعزف ليه
صوته اللهم بس فايتنا بالشجاعة
حضور ما عنده
وكمان بيغني اغاني الناس
ومع دة مالي بروفايله بمطرب
وعنوانه اتحاد الفننايين
بس تقول ولدوه هناك..
ـــــــــــــــــــ
برضو كنا بنحترمه لو ما غلط..يجي بدون سبب ويوصف
زميلة بان خشمها زي المطبقة ؟؟
علي الفن السلام لو امثال ديل
|
Post: #31
Title: Re: سلام لأهل الحوش
Author: Medhat Osman
Date: 08-27-2010, 11:10 PM
Parent: #29
Quote: غايتو السودانيين ديل عليهم جنس مجاملات
شوف الكلام بتاع يا أستاذ ويا مبدع ووين جديديك |
عليك نور يا فدياس
والغريبة انو فنان يجي يفتح بوست لي نفسو.
ده عاوز يقول لي نفسو يا استاذ يا مبدع.
وببساطة يجي يسئ لبنات الناس.
مغناواتية اخر الزمن.!!!!
|
Post: #32
Title: Re: سلام لأهل الحوش
Author: عادل شلبي
Date: 08-27-2010, 11:42 PM
Parent: #31
بطل حركات الهشك بشك وامشتي اعتذر بهناك
بلافنان بلاقرف معاك
|
Post: #33
Title: Re: سلام لأهل الحوش
Author: فدياس نجم الدين
Date: 08-27-2010, 11:43 PM
Parent: #31
Quote: والغريبة انو فنان يجي يفتح بوست لي نفسو.
ده عاوز يقول لي نفسو يا استاذ يا مبدع.
وببساطة يجي يسئ لبنات الناس.
مغناواتية اخر الزمن.!!!! |
يا مدحت
غلطته دي عادي هسه بيجي يعتذر عنه ويقول آسف يا شباب
كنت بهظر والناس طبعاً راح تقبل الإعتذاروالموضوع بينتهي
لكن الماراح ينتهي هو السلبطه في لقب مبدع وأستاذ وفنان
المهم ناس أمريكا ديل لو مسكوهو معاهم يكون ما قصروا معانا كلو كلو
|
Post: #34
Title: Re: سلام لأهل الحوش
Author: عبد الخالق امن الله
Date: 08-28-2010, 00:01 AM
Parent: #33
Quote: غلطته دي عادي هسه بيجي يعتذر عنه ويقول آسف يا شباب
كنت بهظر والناس طبعاً راح تقبل الإعتذاروالموضوع بينتهي
لكن الماراح ينتهي هو السلبطه في لقب مبدع وأستاذ وفنان
المهم ناس أمريكا ديل لو مسكوهو معاهم يكون ما قصروا معانا كلو كلو |
مشكلتنا انه في ناس عندهم شوية شجاعة
وبقو فنانين ما عندهم اي مؤهلات..
الفن موهبة من الله بس نحن مشكلتنا مجاملين
حتي في فننا..زول بياكل من انتاج ناس شابكنه
يا استاذ يا فنان..
فنان شنو البيفتح بوست لنفسه دة؟
منتظرنو يفتح بوست ويعتذر..
والا لكل حادث حديث..
|
Post: #35
Title: Re: سلام لأهل الحوش
Author: فدياس نجم الدين
Date: 08-28-2010, 00:15 AM
Parent: #34
عبدالخالق
صدقني بيجي ويعتذر والموضوع بينتهي زي الماحصل حاجه
يأخي جات على كلامه البايخ ده
ما نحن قاعدين هنا وحاضرين كلام أعفن من ده
اسياده جو وقالوا آسفين وكنا وأقعيين ضد ضغط وبطيخ
والناس مشتها ليها
بل بالعكس إتفتحت ليهم بوستات إشاده لشاجاعتهم النادره في الإعتذار
عشان كده يا عبدالخالق موضوع إعتذاره ده أنا ما فارق معاي
كل المطلوب منه أن يفضل بهناك عشان يساهم في نشر الأغنيه السودانيه في الأمريكتين
|
|