عزيزي صبري الشريف مع الإحترام

التحايا كلها
وحمدالله علي السلامة مقدماً

ياخ هالني ما كتبته ياصاح في بوست الأخ عبدالرحيم منصور والذي إفترعه بمناسبة احتفائية بورداب الخرطوم بسودانيي الخارج أو للدقة لبورداب الخارج ـ سألتك توضيحاً هناك غير أنك لم تعد مرةً أخري وأنه وحرصاً مني علي فهم ما قصدته في مداخلتك أدعوك للحوار هنا حتي يتبين لنا خيط النضال الأبيض من
خيط النظام الأسود ـ أصدقك القول هنا أن بي رغبة أكيدة للتحاور الموضوعي للوصول سوياًللآثار السالبة التي من شأن هذه المداخلات العابرة أن تتركها وسط الكثيرين الذين لا ناقة لهم ولا جمل في حجوة المعارضة والنظام .
وبإعتباري واحداً من الذين تشرفوا بحضور تلك الأمسية أدعوك هنا لتوضيح ما كتبت ولئن كان لك الحق بعد التوضيح فسإعتذر لك عن هذا الخيط ولئن كان ما كتبت ياصبري مكاجرة منك ساي وفهلوة وتلفيق فثق إنني حينها أيضاً سأعتذر لكن لنفسي ياصاح .
إتهامك المجاني أصابني وكثيرون ياصبري لأننا لم نكن لنتخيل أن ذهابنا الي هناك سيكون بمثابة جريمة في نظر البعض .
شخصياً لست في حوجة لمثل هذه المداخل البائسة للوصول للسلطان فدريبات النظام مفتوحة لكل من رغب ولم نختر مواقفنا السياسية يوماً ما لكون أننا ( صحينا من نومنا وقلنا والله الحكومة دي ما نافعة) إرتضينا مواقفنا السياسية بعيداً عن الحسابات والمصالح ـ نلنا جراء ذلك ما نلنا ولله الشكر من قبل ومن بعد .
فدحين يا صبري
ياريتك وبحق ما بيننا تدي البوست ده طله وتنورنا بالمقصود بالضبط في مداخلتك وحتي ذلك تقبل مني الاحترام .

سإنتظرك فلا تخيب ظني فيك

كتبت ياصبري

Quote: ممثل نظام الذل والاهانة الان في ضيافة النظام المستبد

كان ردي لك

Quote: الأخ العزيزي صبري الشريف تحياتي العطرة قرأت مداخلتك يا صبري وللأمانة إستغربت للغاية أن تكون قراءتك لإحتفاية بورداب الخرطوم بضيوفهم كذلك ـ كنت من ضمن الحضور رغبةً مني في التواصل أولاً مع الكثيرين من البورداب ـ ولم أكن لأذهب يا صبري لو الموضوع كان عندوا علاقة بالنظام أو لو الإحتفال كان للترحيب بأبواق النظام كما تفضلت التم ده يا صبري ببساطة إحتفال لا دخل للنظام به من قريب أو بعيد وإنه لمن غير المنطق أن نوصف كحضور في تلك الفعالية كما تفضلت يا صبري ـ في مشكلة كبيرة هنا في سودانيز في حوجة ماسة لمناقشتها ألا وهو الخلط ما بين هو عام وما هو خاص وبين ماهو إجتماعي وماهو سياسي ـ أعدك ببوست لتناول هذه الظاهرة وأثرها السلبي علي العمل المعارض علي وجه التحديد ـ أتمني ياصبري أن توضح المقصود هل هم حضور اليوم أم النظام في عضموا حتي نعرف علي الأقل موقعنا من إعراب العمل المعارض . كن بخير

انتظرتك كثيراً علي أقرأ توضيحاً غير أنك آثرت الصمت . أرجوا أن تعود هنا لنري ما ومن المقصود بالضبط ؟

هل تعلم مثلاً ياصبري أن الكثيرون من حضور تلك الأمسية لا علاقة لهم بالعمل السياسي من قريب أو بعيد ؟
تري من أين إستقيت معلومة أن (بوق النظام) هو فعلياً في ضيافة النظام المستبد
ولضبط المعلومة هل يمكننا إعتبار بيت الفنون (مركزاً طارق الأمين) وكراً من أوكار النظام ؟


كثيرة هي الأسئلة ياصبري فعد يابن الطريق

وهل لك أن تعلم ياصبري إنني خضر حسين الواحد ده لم أتداخل مع الأخ عبدالرحيم منصور من قبل وبالتالي لم يكن لدي أي سابق عرفه بنشاطه السياسي ـ قابلته ككثيرون هناك تسالمنا وتونسنا قليلاً ـ فدحين ياخوي كفارة المسألة دي سياسياً كده شنو ياصبري ؟ عشان نعرف الكتالوج النضالي الجديد ياصبري ؟



بالمناسبة قمت من مكاني ما ان عرفت بتواجد دكتورة بيان في الحفل وسلمت عليها وحمدلت ليها السلامة رغماً عن خلافي مع د- بيان في أي سطر تسطره وستسطره لاحقاً في المنبر . يعني ممكن تقول علي الخلاف ده خلاف استراتيجي عديل . غير ان ذلك لم يمنعني علي الاطلاق ياصبري من التواصل الاجتماعي معها. ولن يمنعني علي الاطلاق .


البوست ده بالمناسبة أنا عايز أتكلم فيهو براحتي في كثير تصاوير سالبة في هذا المنبر فعفواً ان ابتدرت بك ياصبري .

ليس علي المريض ؛أو من يشرب الرووب حرج ...

صبري الشريف ما قاعد يفرز بين البورد وخارجه
ودي مشكلة ...
الغريب في الامر نفس اللمة دي اتعملت ليهو لمن جاء الاجازة ؛


بالجبنة:
صورتكـ وينها في اللمة دي؟
لاني جاي السودان بعد12يوم ؛ونشوفك في الخرطوم بإذن الله.

_______

تحياتي ياخضر.

الأخ بشير أحمد
تحياتي

الموضوع في تقديري أكبر من انو صبري بشري روب ولا لبن ولا ردليبل
صبري بالمناسبة ما قاعد يشرب لو المقصود بالروب الشراب يا البشير .
القصة دي في تقديري بقت حالة عامة وربما ماشة تبقي المراقة الوحيدة
لاختلاف الآراء ـ وهي مضرة بكل تأكيد وبتفقد البورد المصداقية
ربنا يوصلك بالسلامة يابشير ونتقابل في الدروب دي وربك يبعد العوارض

اتمني ان التقي بك .

مثلاً هذا الأمنجي صديقي فتأمل ويؤسفني للغاية أنني لا أملك صورة تجمعني به



هو من القلائل الذين إلتقيت بهم بواكير حضوري الأخير للخرطوم ومن يومها صار واحداً من أصدق الأصدقاء
الذين رماهم حظهم العاثر في دربي ـ وهبه شخصية مثيرة للجدل أقرأ وإبتسم لما يسطره عنه الأخ هشام هباني وفي المقابل أقرأ ما يسطره وهبه من سطور تجاه الأخ الصديق منعم سليمان بيجو فأضحك ياصبري
إثنينيهما أصدقائي وربما سبق التقائي ببيجوا التقائي ووهبة ـ لا أشك لحظةً في عمل أحدهما لصالح
النظام ـ فمالهما والنظام ؟ وهل تحتاج السلطة لرجلين في منبر اسمه سودانيز أونلاين لتفعل أفاعيلها ؟
النظام ده قاعد فوق رقاب الخلق يفعل أفاعيله السيئة ويضحك ـ أعضاء النظام مشغولون والله بتدبير أمور ماتبقي من أمور هذا الوطن . وحتي لا يتهمني البعض فهم مشغولون بصراحة بتدابير لاعلاقة لها بآمال وآلام وتضحيات هذا الشعب العظيم ـ مشغولين براهم بمبانيهم وعماراتهم وعرباتهم وقصورهم وأموالهم وأهاليهم وأولادهم ياصبري . شفت كيف ؟ فتأمل معي في دلالات هذه الصورة بمقاييس البورد ونضال ها الايام
؟
لبيجو صورة مشهورة مع رأس الأفعي يبتسم فيها بيجوا ابتسامة خليعة لا ترتقي علي الاطلاق مع أحلامه وأمانيه زول واقف عديل مع الترابي (صاحب الفلم والعده) هل لك أن تدري أن هذه الصورة مثلاً أخذها الكثيرين ومن ضمنهم وهبة لاثبات أمنجية بيجوا ؟
وهل تدري أن بيجوا وهشام هباني مشغولان هذه الايام لاثبات أن وهبة يعمل في جهاز الأمن ؟
وبالتالي لا تتفاجأ علي الاطلاق للصورة التي جلبتها العزيزة داليا الكباشي الصورة التي تجمعك مع عضو جهاز الأمن وهبة . زول مستعجل في قرايتو للراهن وشليق ساي ممكن يمسكا ليك ذلة ياصبري بإعتبار انك وقعت في أحضان (وهبة) وبالتالي لا فرق بين احضان وهبة واضان النظام خصوصاً اليومين ديل ياصبري .

ياخ أنا إفتكر انو في خلل في قرايات الناس كان أمنجية كان معارضة وادعي ياصبري أن هذا البوست لو الناس اشتغلت فيهو بوعي من شأنه أن ينير بعض ظلمات المنبر .

كن بخير

Quote: ياخ أنا إفتكر انو في خلل في قرايات الناس كان أمنجية كان معارضة وادعي ياصبري أن هذا البوست لو الناس اشتغلت فيهو بوعي من شأنه أن ينير بعض ظلمات المنبر .

يا محمد ازيك ياخ
وكيفنك والشرقية عموم
شاكر لك حضورك هنا وأتوقع مساهمتك يامحمد


احترامي

هذا البوست لا ينفي علي الاطلاق تواجد جهاز الأمن علي مستوي السايبر وليس من أجندة البوست علي الاطلاق
كشف الأمنجية أو المعارضين أو حتي الاساءة لاي عضو هنا ـ فياريت أي زول عندوا مساهمة في الاتجاه ده يلموا عليهو . عايزين نقاش موضوعي يا اهل الله .

لست انا ياصديقي ؟

الرسالة أدناه للأخ هشام هباني

في هذا البوست :
يا خسارة لقد صدق عمار ووهبة...بالفعل منعم سليمان غواصة ( يوجد دليل)!!

Quote: والى المستهترين اللامبالين الذين يخلطون العام بالخاص ولا يتورعون من انشاء علاقات اجتماعية بمؤيدين لنظام القتل والتعذيب والفساد والتفريط في السيادة والكرامة الوطنية فان اي تطبيع وتعامل مع هؤلاء المؤيدين لهذا النظام المجرم لهو خيانة لشعبنا وتسفيه لقضيته واحتقار ما بعده احتقار لدماء شهدائنا من ضحوا لاجلنا لانه لا يجوز هذا الامر قبل حسم الامور واعادتها الى نصابها وقبل ان ترد المظالم الى اهلها وكل الحقوق مستعادة غير منقوصة ولا يجوز قبل ان يحاسب الخونة والمجرمون على جرائمهم وبعدها يمكن ان نتعامل معهم ونحن في وضع كريم مصانة فيه بالفعل كرامتنا وشرفنا واما غير ذلك فهو خيانة وطنية!

يقيني أن الرسالة في عضمها قوية وواضحة
ضحكة أخري انتزعتها المداخلة أعلاه مني انتزاعاً ـ ذلك لأنني أحسست ( وان بعض الاحساس ظلم) أن المداخلة أعلاه موجهة لي لا أدري لماذا غير أن هذا ما حدث فعلاً . ربما لأنني ظللت وعلي الدوام فارزاً عيش العمل المعارض من قناديل الإجتماعي (اي كان الاتجاه الذي يمثله الفرد) . في الجامعة كان لنا علاقات مع كافة القوي السياسية أذكر أننا كنا نفرز تماماً بين ماهو سياسي وبين ما هو اجتماعي ـ كان العمل السياسي يفرقنا وكانت الروابط الثقافية والاكاديمية والاجتماعية تجمعنا ـ كان كل شئ مرتباً نعارض بشرف لم ننحني للريح يوماً بل وقفنا علي الدوام في الخندق الذي ارتضيناه خلاصاً وبديلاً لدولة المشروع الحضاري .
أتذكر الآن جيداً خالدالمكي دفعتي وصديقي الذي انتهي به الحال اميناً عاماً للحركة الاسلامية في الجامعة بينما كنت انا في الاتجاه المعاكس له ـ حدثت تقاطعات كبيرة في مصالحنا غير ان ذلك لم يكن علي الاطلاق سبباً في يوم من الأيام في مقاطعته أو النظر اليه للحظة من خلال فتوي كالفتوي التي كتبها الأخ هباني أعلاه ـ
عبدالاله محمدالريح من ابناء عطبرة كان معنا في كل شئ تقريباً غير انه انضم لحركة القوي الجديدة حق وكانت حق اياميها بمثابة الجبهة الاسلامية او هكذا كانت تصوراتنا القاصرة في تلك الفترة ـ
قررت قيادة الجبهة الديمقراطية مقاطعة كوادر حركة حق ـ لم اقاطع علي الاطلاق لا لأنني كنت ثورياً من طراز فريد بل لأنني فعلياً كنت أري أنه قرار فطير ولا أساس له .
فيعني شنو مثلاً إنو الواحد يقاطع زول لمجرد انو اختلف معاك علي مستوي الافكار .
الغريبة ياصبري انو طوال فترة تواجدنا بالجامعة لم يصلني أي قرار شفهياً كان أو مكتوباً بمقاطعة كوادر الحركة الاسلامية ـ دي تجربتين رأيت بعدهما إنو المفروض الناس تفرز علي الاقل بين ماهو عام وما هو خاص ـ
ولطالما جابك الدرب ياعزيزي هباني فياريت برضو تنورنا علي موضوع الرسالة أعلاه ـ لأنني أزعم انو كلامك الفوق ده زاتو عايز فرتقة ـ فهل ياهباني صراعنا مع الانقاذ ده صراع شخصي مثلاً ؟ وهل نحنا معارضين لسياسات الانقاذ عشان اكس ولا زد من كوادر المؤتمر الوطني ؟
انتظرك ياهشام وارجوا ان اقرأ لك هنا

الاخ العزيز خضر
سلامى اليك ورحمته وبركاته
يا اخوى زولنا ده الفاتح ليهو بوست ما بفرق بيلطخ من طرف ساى ..
اما انك معاهو فى افكاروا الخربانه ده او ضده تماما
وممكن يصنفك على حسب مزاجو ...
****
خايفك تزعل من روحك ...وبس !!! يعنى نصيحتى ليك قرض على كده وخلاص
***
و يا اخوي انا معاك الى ان تصل لى فهم نهائى
وصدقنى ح يحسمك سريع جدا جدا ويحبطك !!!!
***
مع تحياتى لك

الاخ العزيز شرفي عبدالقادر
تحية واحترام

البوست ده بالمناسبة ليهو فترة طويلة في راسي ـ اجتهدت اني اصل لي صبري عبر مداخلة لي في بوست الاخ عبدالرحيم وفشلت في ذلك ـ اها قلنا ذيادة الخير خيرين نكتب بوست جديد منها نعرف تفاصيل كتيرة دايرة في راسنا ـ لك الشكر عزيزي شرفي ولننتظر الاخ صبري الشريف .

كـاتـب الـبـوســت الأخ الكـريـم/ خـضـر

ســــلامى و إحــترامــى

إذا كـنـت تـنـتـظـر مـنـاظـرة الـمـدعـو / صـبرى الـشـريـف

فـســتجـد نـفـسـك كـمـن يـؤذن فـى مالـطـة قـبـل أن يـنـعـم

الله عـلـيـهـا بـبـعـض الـمـسـلـمين مـؤخــراً أو كـمـن يـنـفـخ

فـى قــربـة مـقـدودة لأنــه بـكـل أســـف لـيـس هـو مـن يـكـتب

و لـكـنـه مـمـن تـرســل لهـم الـمـواضـيـع و المـداخـلات فــى

صــنـدوق بـريـدهـم الإلـيـكـترونـى فـيـقـوم بـنـســخهـا

و تـلـصـيـقـهـافـقـط كـالـحـمـار يـحـمـل أســـفـاراً ..

أرجــو أن تـســتـثـمـر وقـتك فـى مـا يـفـيـد فـالـحـوار مــع

مــن تـنـتـظـر حـتـمـاً لا يـفـيـد ..

و دمــت بـخـير ..

الأخ العزيز مأمون
تحياتي الحارة والأكيدة

الموضوع ده ما عندوا اي علاقة بالمناظرات بل هو أقرب لدعوة صبري الشريف وجميع الأعضاء لمناقشة الموضوع الذي ابتدرناه ـ لما لها من خطورة علي نسيجنا الاجتماعي والسياسي ـ
ياخ الحوار البقي داير هنا بقي عبارة عن فلان امنجي وعلان مناضل كيبورد وفلتكان بتاع جرجير
ده ممكن يحول المنبر ببساطة لمنبر فاقد لمصداقيتو ـ كن بخير

أعزائي هنا
سأعود لهذا البوست مساءاً كان ربنا سهل في تساهيل الحضور
كونوا بخير

الأخ خضر
السلام عليكم ورحمة الله وبركاته
الأخ صبرى سوف يعود إليكم بعد إنتهاء العزاء
صبرى يغريك السلام أخى خضر

الأخ صبرى فى عزاء بميرلاند
بعيد عن النت

ما أعرفه عن جارى صبرى الشريف رغم أختلافى معه ليس بشارب خمر ومافى داعى للكلام الفارغ والأساءات خلف الكيبورد

Quote: ما أعرفه عن جارى صبرى الشريف رغم أختلافى معه ليس بشارب خمر ومافى داعى للكلام الفارغ والأساءات خلف الكيبورد

ياخوي خلف الكيبورد وبره البتاع قاعدين .

الزول ده اساء لدين بحالو ؛وانت بالذات ما زعلت عشان اساءتو
جاي هسع تزعل عشان صبري؟

العزيز يسري معتصم
تحياتي وصباح الخير بتوقيت الخرطوم
أشكرك للغاية علي حضورك وإبلاغك لي بظروف أخونا صبري الشريف
بلغه مني التعازي يا يسري ودم بخير

الأخ خضر حسين سلامات ..
قرأت كلامك ده كله، واستنتجت:
أنك مستمسك بنضالك في مستوي محدد في سلم النضالات .. وهو مستوي التعارض الطلابي والانقسامات الطلابية ومستوي : إتجاه إسلامي أو جبهة ديمقراطية .. وذاك مستوي ممكن تقول عليه مايزال في البر ولم يدخل معترك السياسة الغريق .. وذروة الخلاف فيه بونية وشلوت أو ضرب مطاوي وعكاكيز .. وبعد التعارك كل طالب يرجع محاضراته ..

لكين النضال ده شكله بيقي مختلف عندما يخرج برة الجامعة ويكبر المختلفون لمستوي السلطة والوزارة .. والسلطة والوزارة سطوتها وإغراؤها أقوي من الروح الطلابية المثالية التي تري الإصلاح ممكن سلمياً بدون إراقة دماء ..
أن الإرتقاء في سلم السياسة من الحالة الطلابية لدرجة الاستوزار والقيادة يجعل قوة الدولة وأموالها تحت تصرفك وتتقمصك الحالة الشيطانية بتاعة غرور القوة ونشوة التسلط !!.. وفي المقابل تجد الجانب المخالف لك أيضاً بعد انقضاء عدة الحياة الطلابية يسعي للسلطة مثلك ويريد أيضاً أن تكون سطوة الدولة وأموالها تحت تصرفه .. وفي هذا المستوي الجديد في سلم السياسة تتحول خلافات البنية والشلوت لقتال بالجبخانة والراجمات .. ويموتوا ناس وتسفك الدماء ..
أنا شبه متأكد ياخضر إنك ماحصل سيحت ليك دم زول أو أذيته أذي جسيم في صراع عنيف .. لكن تخيل أن هؤلاء الذين انتقلوا في صراعهم للجبخانة وسفك الدماء ديل القتل وسفك مزيد من الدماء يصبح ضرورة من أجل البقاء .. لأنو بقي كاتل روح .. وكاتل الروح وين يروح .. تخيل نفسك ، لا قدر الله، تسببت في موت نفس بدون قصد - لاقدر الله لاقدر الله - كيف ستكون نفسياتك ؟؟ دع عنك أن تكون قاصداً ذلك دفاعاَ عن نفسك بسبب منصب أنت فيه .. ثم دع عنك برضو أن يكون قتل تلك النفس عن قصد طمعاً في إحلال مكانه ..
يمكن أنا طولت ليك اللفة .. بس داير أقول ليك برضو إنو نضالك ومعارضتك يا خضر ما أبعدتك من المستوي الشريف المعقول الذي هو أدني من مستوي سفك الدماء .. وأحمد الله علي كده .. الذين صعدوا درجة أعلي وصلوا مرحلة سفك الدماء وحمل السلاح والهروب واللجوء للخارج و..و.. واللجوء للخارج ينقلك تماماَ لعوالم أخري يجد فيها المتنافس علي سطوة الدولة وأموالها نفسه في حضن قوي أخري عاتية جبارة تحتويه وتتحكم في معاشه وتدريجياً يجد نفسه منغمس في أنواع أخري من النضال ضد زملاء دراسته السابقين - نوع آخر من النضال المرتبط بالملجأ الجديد المختلف شكلاَ ومضمونا عن نزاعات الجامعة واتحادات الطلاب .. نوع جديد من النضال يحتِّم المقاطعة الكاملة لزملاء الأمس والاستعداد التام لسفك دمائهم متي ما سنحت الفرصة !!..

وطالما المناضل بعيد من ارض المعركة ستجده أسد هصور يرغي ويزبد ويطلق كل ذخيرة الكلام والكيبورد ويتوقع من ناس الداخل أن يقوموا بالواجب .. ولكن عندما يحصحص الحق ويجئ لأرض النضال يتحول إلي نعجة .. وتلحظ هذه الحالة جليَّة في صبري الشريف الذي استمتع بحضن النظام واتجدّع للآخر !! .. وحين رجع لأرض البطولات بدأ يفلِّق تاني بالحجار !! .. وسابقاً ربما ايضاً تذكر المناضل الصنديد الأمير الكوشي الذي كان يعتقد أن كواريكه في الأسافير من ارض البطولات جعلت منه قوة ضاربة يخشاها النظام .. وجاء خفية لأرض المعركة وتفاجأ بأنه نَكِرة لم يمسسه سوء ولم ينتبه له أحد !! .. وتري الآن برضو صديقك منعم سليمان ، ظل يكتب - ربما ضد الحكومة - أي كلام والسلام وهناك من يكتبون أعنف منه ضد الحكومة .. لكين حتشوف بعد ما خلاص يضمن أمنه حتشوف النضال العابر للقارات ..

ولذلك ياخضر وقوفك في سلم النضال في مستوي البراءة الطلابية ليس ملائماً مع اصحابك الذين تعدوه لمرحلة قاتل أو مقتول ..
وطريقتك القديمة بتاعة الجامعة - بتاعة الإختلاف لا يفسد للود قضية - تعتبر في مفاهيمهم الجديدة تصالح وموالاة مع النظام .. وبيع للقضية ..

يازول أقول ليك كلام؟ أنسي بس ..



وآسف علي الإطالة ..

khider

salaaaam

i will be back
my best regard

خضـر .. سلام


انتظرت فكرة هذا البوســت منــك ...

لكن عنوانك يحصــر الامــر فى صبرى الشريف ... يعنى ضيقت واسعا كنت اود المساهمة فيه ...

عزيزى خضر

معك ارى ان الموضوع يتخطى الحاله التى تم تناولها بخصوص الاخ صبرى ليمس واحده من التشوهات التى برزت لسطح الممارسه السياسيه فى بلادنا مؤخرآ وهى تتمثل فى انعكاس الخلاف السياسى ليشمل جوانب اخرى اجتماعيه وانسانيه ويصيب البعض بالجنوح نحو الفجور فى الخصومه الى درجة محاولة اقصاء الاخر واغتياله معنويآ
اعرف ان البعض وهم محقون ربما ارجعوا ذلك الى سياسات اقصائيه انتهجها نظام الجكم لكن ذلك لا يبيح لنا استخدام نفس اسلوبه الذى نحن له من الرافضين بل يتطلب الامر منا ان لا نكف عن محاولة توعية اانفسنا وغيرنا بان هذا الاسلوب سنكون كلنا ضحايا له ان قدر له ان يسود بيننا,وهذا يستدعى العمل الشاق من اجل ان يتخلى من يمارسون سياسة الاقصاء باشكاله المتعدده عن هذا النهج لا ان يتبعهم الاخرون

انا ازعم ان هذا التشوه حديث عهد فى ممارساتنا السياسيه اذ يحدثنا التاريخ عن كيف كان يصطرع زعماؤنا فى ما يسود من صراعات سياسيه ثم تجدهم مجتمعون فى مناسباتهم الاجتماعيه

اخى خضر نحن مجتمع يسوده التنوع واذكر فى الانتخابات الاخيره ان قناة الجزيره اوردت تقريرآ عن اسره احد افرادها مرشح مؤتمر شعبى ورب الاسره ينتمى للحزب الشيوعى واخاه من منسوبى الوطنى دون ان يخلق ذلك اى شروخ فى حياة هذه الاسرة. دعك عن انه فى بعض مناطق السودان ينتمى افراد الاسره الى ديانات مختلفه او طوائف مختلفه داخل هذه الديانات فان رفضنا التعايش مع بعصنا المختلف عن بعض فسينفرط عقد الاسره والمجتمع ككل واسوأ ما فى الموضوع ان حملة هذا النهج من الجانبين اصبحوا يضنفون من قبل البعض المتشدد على انهم متصالحون مع الفكر المناقض لافكارهم

عزيزى خضر لقد مس خيطك موضوعآ هامآ ارى ان يتناوله الجميع بالنظر الموضوعى قبل ان يستفحل عن ما هو عليه

مودتى

الأخ خضر حسين خليل لك التحية والتقدير ..
هذا الموضوع سوف يفتح الباب لكثير من التناقضات في المجتمع السوداني!
هل كل الأسر في السودان لونها السياسي واحد كما تفضل الأخ الكريم طلحة
بسرد نموذج لاسرة سودانية واحدة ؟
هل ندعو البعض إلى مقاطعة ذو الأرحام لمجرد إختلاف الرأى ؟
الكل في السودان يهرع إذا أصاب أحد من أفراد الأسرة أو الجيران مكروه
ولا تقف الخلافات الفكرية أو السياسية حاجزاً !
لقد إرتكب النظام جرائم بشعة في حق الشعب السوداني فلن نعفو عن ذلك..
بالمقابل علاقتنا الإجتماعية مع موالي النظام لن تكون على حساب تنازلنا
من حق الشعب والخضوع والخنوع للنظام ذلك هو الفرق بين الموازنة بين
العلاقة الأسرية والإجتماعية والوقوف لجانب الحقوق المهضومة لشعبنا !

العزيزة أماني العجب
تحياتي واحترامي

Quote: هذا الموضوع سوف يفتح الباب لكثير من التناقضات في المجتمع السوداني! هل كل الأسر في السودان لونها السياسي واحد كما تفضل الأخ الكريم طلحة بسرد نموذج لاسرة سودانية واحدة ؟ هل ندعو البعض إلى مقاطعة ذو الأرحام لمجرد إختلاف الرأى ؟ الكل في السودان يهرع إذا أصاب أحد من أفراد الأسرة أو الجيران مكروه ولا تقف الخلافات الفكرية أو السياسية حاجزاً ! لقد إرتكب النظام جرائم بشعة في حق الشعب السوداني فلن نعفو عن ذلك.. بالمقابل علاقتنا الإجتماعية مع موالي النظام لن تكون على حساب تنازلنا من حق الشعب والخضوع والخنوع للنظام ذلك هو الفرق بين الموازنة بين العلاقة الأسرية والإجتماعية والوقوف لجانب الحقوق المهضومة لشعبنا

ما كتبتيه أعلاه أعتقد أنه تلخيص للاسئلة التي نبحث عن اجابات لها من خلال هذا البوست فشكراً
لاختصار الطريق ـ عن الموازنة التي ذكرتيها يا أماني أنا لا أدعوا علي الاطلاق للتطبيع يا اماني
وما ذكرتيه من نمازج أعتقد أنه يكفي فالشارع السوداني متشابك للغاية .
ما يهمنا هنا هو الفرز بين ما هو عام وما هو خاص وبين ما هو اجتماعي وماهو سياسي ـ أنا لست
المسيح لأدعوا الناس ان يديروا خدودهم لاستقبال الضربات ـ انفعل مع السياسي الراهن وقضاياها
مثلي مثل الاخرين اتخذ ما اتخذ من ردود افعال ـ الذي أدعوا اليه ببساطة هو هذا التناول المخل
والقراءات السطحية التي لاتفيد العمل المعارض في شئ بقدرما تضعف موقفه .

شكراً لك اماني
من مواقف في احداث بعينها

العزيز خضر
سلام و مودة

قلم الاخ صبرى منالاقلام القليلة المنافحة عن الحق فى هذا المكان
اتفهم دوافعك من كتابة هذا البوست, فقط ما يمكن ان يثير الغبار هو غياب صبرى لواجب اجتماعى
و الى ان يظهر و لانك من جلبت اسمه فواجب عليك الا تسمح بتحول البوست لمحرقة له من قبل خصومه
الذين بدا بعضهم يبث سمومه مستغلين ان (ضربة البدية) كا يتوهمون اتت من قلم متقدم و مستنيرمثل قلمك

يا خضر أولا كان واضح جداً أن الأخ صبري يوجه مداخلته حول صاحب البوست عبدالرحيم ودوره في إمريكا وفي نيويورك في الإلتصاق بالنظام وتمييع أي دور نضالي لمن كان وجودهم في معظمهم في الإغتراب بسبب النظام وسياساته كان من الممكن أي يكتب أي زول سطحي مش خضر الواعي مثل هذا البوست وكانه لا يعرف ما وراء الاشياء مثلا يا خضر أنظر من كان يحضر لقاءات البورداب قبل سنوات ومن يحضرها الآن وستري أن هنالك تسيد لعناصر توالي النظام بصورة او اخري علي نشاطات بورداب الخرطوم وإبتعاد الأخرين وإلا وين المهندس ووين هالة عبدالحليم وهالة الاحمدي وحاتم الياس وريهان الشاذلي وعاصم الحزين ومحمدالحاج وشادية عبدالمنعم ونجلاء سيداحمد ونادية السر وهند محمد وكرفس وبخاري وعماد عبدالله واسماعيل التاج والفاتح وديدي ودريمز وسجيمان وعادل فضل المولي وعلاء سنهوري وعنيدة وملكة سباوتيتا وودعقاب ود.والي الدين وهشام كمال وفتحي البحيري ووووووالكثيرون

اخى عبد الصمد

غاية ما اتمناه من نضالى ورفاقى ونضال كل الشرفاء ان يتراجع الذين اجرموا فى حق الوطن عن اخطائهم وان يتحملوا مسئولية ما اغترفت ايديهم وان يعودوا اسوياء ليساهموا فى نهضة هذا الوطن ونحن كلنا هنا نكتب لا لنقنع انفسنا بل لنقنعهم هم بالالتحاق بالركب . من هنا لن نلوم الا انفسنا عن التخلى عن واجباتنا ولقد تفضلت بايراد قائمة الغياب من زملائنا الشرفاء كان يمكن ان يشكل حصورهم فرقآ كبيرآ عن ما هو قائم واسمح لى بالتساؤل لم هذا الغياب ؟؟ هل تم تغييبنا ام اننا غيبنا انفسنا ؟؟ ولماذا اصلآ يجب علينا الحضور ؟؟ هل لاى شيئ اخر غير ان نجتذب الاخرين لما ندعو اليه ؟؟

الدين البدافع عنو دا قال شنو فى الحتة دى

Quote: ليس علي المريض ؛أو من يشرب الرووب حرج ...

الأعزاء المشاركين هنا
أشكركم فرداً فرداً لحضوركم ومساهماتكم ـ عدت لتوي ببعض الغد أعدكم بالرد علي جملة المساهمات التي وردت هنا
لكم الشكر


ـــ
عزيزي صبري
تحياتي وحار التعازي
لم أكن أعلم شيئاً عن موضوع العزاء خذ وقتك كاملاً وستجدني في إنتظارك متي سمح وقتك .



الدوام لله ياصاح

خضر

..
.
مثلا يا خضر أنظر من كان يحضر لقاءات البورداب قبل سنوات ومن يحضرها الآن وستري أن هنالك تسيد لعناصر
توالي النظام بصورة او اخري علي نشاطات بورداب الخرطوم وإبتعاد الأخرين وإلا وين المهندس
ووين هالة عبدالحليم وهالة الاحمدي وحاتم الياس وريهان الشاذلي وعاصم الحزين ومحمدالحاج
وشادية عبدالمنعم ونجلاء سيداحمد ونادية السر وهند محمد وكرفس وبخاري وعماد عبدالله واسماعيل التاج
والفاتح وديدي ودريمز وسجيمان وعادل فضل المولي وعلاء سنهوري وعنيدة وملكة سباوتيتا
وودعقاب ود.والي الدين وهشام كمال وفتحي البحيري ووووووالكثيرون....

يعنى نفهم من مداخلتكـ دى بان الذين يقومون الان باستقبال البورداب
والاحتفال بهم عبر نشاطات اجتماعية وثقافية هم مجموعة من اذيال النظام وعناصر
من الامنجية والمؤتمر الوطنى .. !!؟

--------

والله ليكم حق اذا كنا _ نحن بورداب الخرطوم _ عاملين ليكم شنة ورنه
ونستقطع من وقتنا زمنا ومالنا وضرورياتنا عشان نضيعها مع امثال صبرى الشريف
ونسمع اراء وتلميحات زى كلامكـ دا ..

اعود
حتما سافعل؛

Quote: يا خضر أولا كان واضح جداً أن الأخ صبري يوجه مداخلته حول صاحب البوست عبدالرحيم ودوره في إمريكا وفي نيويورك في الإلتصاق بالنظام وتمييع أي دور نضالي لمن كان وجودهم في معظمهم في الإغتراب بسبب النظام وسياساته كان من الممكن أي يكتب أي زول سطحي مش خضر الواعي مثل هذا البوست وكانه لا يعرف ما وراء الاشياء مثلا يا خضر أنظر من كان يحضر لقاءات البورداب قبل سنوات ومن يحضرها الآن وستري أن هنالك تسيد لعناصر توالي النظام بصورة او اخري علي نشاطات بورداب الخرطوم وإبتعاد الأخرين وإلا وين المهندس ووين هالة عبدالحليم وهالة الاحمدي وحاتم الياس وريهان الشاذلي وعاصم الحزين ومحمدالحاج وشادية عبدالمنعم ونجلاء سيداحمد ونادية السر وهند محمد وكرفس وبخاري وعماد عبدالله واسماعيل التاج والفاتح وديدي ودريمز وسجيمان وعادل فضل المولي وعلاء سنهوري وعنيدة وملكة سباوتيتا وودعقاب ود.والي الدين وهشام كمال وفتحي البحيري ووووووالكثيرون

والله يا عبد الصمد طالما تبرعت وكتبت قائمة الشرفاء فكان من الأفضل تواصل وتكتب قائمة الخزي والعار وأعوان النظام برضو.


سلامات يا خضر.

يا شول شايفك بقيت ملكي أكتر من الملك . ألهم أجعله خير .آمين

منو الكتب قاشمة شرقاء انت بتقرأ بعيونك ولا بقلبك أنا كتبت آخرين . هل آخرين معناها شرفاء . ما قلت ليك انت بتقرأ بقلبك ما بعيونك
وكتبت إنه تسيدت الآن النشاط البوردابي عناصر موالية للنطام بصورة أو أخري .. تعرف يعني شنو بصورة أو أخري , وتسيدت النشاط يعني غلبت علي تسيير الأمور وليس معناها كل البورداب أو الحضور . ما قلت كيزان ولا قلت خيانة . ما قلت ليك انت بتقرا بقلبك . وكتبت إنه صبري كلامه كان موجه أساسا ضد عبدالرحيم وليس ضد الحضور. ما قلت ليك انت بتقرا بقلبك.

Quote: يعنى نفهم من مداخلتكـ دى بان الذين يقومون الان باستقبال البورداب والاحتفال بهم عبر نشاطات اجتماعية وثقافية هم مجموعة من اذيال النظام وعناصر من الامنجية والمؤتمر الوطنى .. !!؟

أنا قلت كدا ولا انت عاوز تقرا ىكدا ولا في قلبك حرقص

بداية التحية للاستاذ خضر الانسان الذى يفرق بين الواجب من تواصل اجتماعى و انسانى وغيره من امور سياسية ......... لك التحايا خضر ........... مهما يبرر صبرى فقد اخطأ فى حق ناس الخرطوم .

اما اخونا عبد الصمد اقول لك بصراحة كلامك واضح ، وخلاص الكلمات خرجت منك ، كلامك واضح ابتعاد ما ذكرتهم ، واحتضان الاخوان لكل زائر للخرطوم اوضح كمان . حقو( تقرض) على كده و لو اعتذرت بكون احسن و اسلم .

بالواضح يعنى اعوان النظام هم من يقابلون الناس والبقية معروفه .

خضر ترانى احترامك (واجد).

تخريمة

فى العام الماضى و لظروف صعبه للغاية و تواجدى بنهر النيل كان الاخوان معى فى تواصل للقاء ، حتى انهم فى يوم كانوا مجتمعون اتصلوا على بما فيهم شيخنا بكرى سيد الحوش . بعدها زرونى فرادى عند وصولى للخرطوم ، ولذلك اعتذرت لهم بشده لتواجدى فى مستشفى احمد قاسم مع شقيق حتى موعد اجازتى وبرضو تواصلوا معى من كل الوان الطيف ، فلهم التحية و الاجلال.

يا خضر أولا كان واضح جداً أن الأخ صبري يوجه مداخلته حول صاحب البوست عبدالرحيم ودوره في إمريكا وفي نيويورك في الإلتصاق بالنظام وتمييع أي دور نضالي لمن كان وجودهم في معظمهم في الإغتراب بسبب النظام وسياساته كان من الممكن أي يكتب أي زول سطحي مش خضر الواعي مثل هذا البوست وكانه لا يعرف ما وراء الاشياء مثلا يا خضر أنظر من كان يحضر لقاءات البورداب قبل سنوات ومن يحضرها الآن وستري أن هنالك تسيد لعناصر توالي النظام بصورة او اخري علي نشاطات بورداب الخرطوم وإبتعاد الأخرين وإلا وين المهندس ووين هالة عبدالحليم وهالة الاحمدي وحاتم الياس وريهان الشاذلي وعاصم الحزين ومحمدالحاج وشادية عبدالمنعم ونجلاء سيداحمد ونادية السر وهند محمد وكرفس وبخاري وعماد عبدالله واسماعيل التاج والفاتح وديدي ودريمز وسجيمان وعادل فضل المولي وعلاء سنهوري وعنيدة وملكة سباوتيتا وودعقاب ود.والي الدين وهشام كمال وفتحي البحيري ووووووالكثيرون




الاخ خضر حسين

تحية طيبة لك


احييك وعبرك كافة الاصدقاء ياسر الظريف ولطيف ووريف

وعبد الحليم الشاب الودود ومصطفي اعانه الله في ان يحقق مشروعه الجميل الذي لا يشبه المشروع الحضاري اللئيم

انتاج السودان وبمشاركة كافة ارهابيي العلم وارهابياته


والي العمال الغلابه الذين يفترشون الارض لحفنة مال لا تسد فاتورة المتوكل

لا اطيل عليك كثيرا ذهبت لعذاء لمدة يومين واشكر يسري وكذلك زوجتي التي لم تؤيد حديثي حول هذا الارزقي خادم نظام الذل واهانة شعبنا



اعلاه ما اريد قوله وربما لم املك زمنا لابانته

كل ما كتبته هنا ان ابين من هو عبد الرحيم منصور وهذه الكاميرا المسلطة لخدمة السفارة وعبد المحمود
وكاميرا تجلي ان توثق لمساة شعبنا هنا اقصد هذا الشخص والذي يفعل بنيو يورك العجب



اما اصحاب بورداب الخرطوم مع انني لا اؤيد تكتل الجهوية او القبلية او اي تجمع لا يخدم قضايا الحريات وحقوق الانسان

فانا لست عدوا لهؤلاء الاخوة واؤلئك الاخوات الافاضل علي راسهم العوض المسلمي

لا اعرف اذا بورداب الخرطوم يشتغلون بنظام الفراكشن ام لا

لقد حضرت وداع الاخت اسيا الربيع واستمتعنا بحفلة جيدة في مسرح طارق الامين

وانا حضرت قبل ثلاثة شهور ولم احضر بزفة او هيصة وقد ذهبت الي العوض المسلمي معزيا ايضا في وفاة بالحاج يوسف
وبمدينة سميت الفيحاء ضمن مشروع استهبال الجبهة الغير اخلاقي


معيار النضال متروك لاصحاب النضال الذين لهم احزاب اتمني ان يفعلوها لمساعدة من ليس له حزب

دعوة من سفارة او رجل او امراة انا اعرف حقيقة انتماء هذا الشخص رجل او امراة لا البيها


وعندي صور وكتابات اريد ان اضعها عن زيارتي وملاحظات عن السودان الذي ضاع بفعل هذه العصابة



هذا الرد اتمني ان يقراه اصحاب بوست عبد الرحيم ذلك الشخص الذي يناصر نظام الارهاب بالسودان

وهذا الحديث حتي يعرف الاخر من هو عبد الرحيم منصور



تحياتي لك يا خضر ما قصدت توضيحه ذكره الاخ عبد الصمد له الحب والسلام

تحياتي لاهل ابريقة جميعا

ليس علي المريض ؛أو من يشرب الرووب حرج ...



دكتور بشير

لك التحية والاحترام



اشكرك علي كلماتك ان كنت مستهزئا او شاتما لانها هي اخلاق ومدرسة الجبهة الاسلامية تربي كوادرها وفقا لما تذكر

لا الومك من قبل حضر الوهابية وكفروا من كفروا
وانت ايدت حملات اغتيال اهل الجنوب بحجة نشر الاسلام بالسيف في شعب امن ومسالم

عموما لك السلام والله يهديك

ياصبري . شفت كيف ؟ فتأمل معي في دلالات هذه الصورة بمقاييس البورد ونضال ها الايام




الاخ خضر

تحية طيبه

تعرف برضو انا ما عندي اي عداء مع وهبة او غيره والغريبة انني لم اتداخل معه اصلا

بس بعاين بعيوني

وعندما قابلته في دعوة قندهار وجدت زول بيضحك قبل اتكلم

والله ما عارف انه في الامن لان الرصد والمتابعة عندي مقطع اسلاكها خصوصا في الداخل
بس بسمع ده في الامن وده في الامن

لكن له ولك التحية

الاخ العزيز خضر
سلامى اليك ورحمته وبركاته
يا اخوى زولنا ده الفاتح ليهو بوست ما بفرق بيلطخ من طرف ساى ..
اما انك معاهو فى افكاروا الخربانه ده او ضده تماما
وممكن يصنفك على حسب مزاجو ...
****
خايفك تزعل من روحك ...وبس !!! يعنى نصيحتى ليك قرض على كده وخلاص
***
و يا اخوي انا معاك الى ان تصل لى فهم نهائى
وصدقنى ح يحسمك سريع جدا جدا ويحبطك !!!!
***
مع تحياتى لك



الارهابي الوهابي
شرفي

والله انا وخضر اصحاب جرح في الوطن واحد جروح الوطن الغائرة بسبب دعوة جماعتك الارهابية التي سممت الوطن

وسممت دنيا الكلاكلة وابو ادم تحديدا

لكن اقول لك قاتل الله الهوس الديني وقاتل الله الوهابية ناشرة السوء في الوطن

خضـر .. سلام


انتظرت فكرة هذا البوســت منــك ...

لكن عنوانك يحصــر الامــر فى صبرى الشريف ... يعنى ضيقت واسعا كنت اود المساهمة فيه ...



الاخ بدر الدين

هنا اتفق معك لكي نستفيد ونفيد يا ريت لو كان عاما

لكن اعتبره عاما وتعال للادلاء بوجهات نظر حكومة الغيهب الاسلاموية

وهي طالقة الان جماعات حزب التحرير الارهابي وهو حزب قديم ويدعو لاستعادة الخلافة الراشدة

وايام الانتخابات اصدر منشورا يحرم فيه الانتخابات

والان هو ضد الاستفتاء ومع الوحدة
اليس ربك بقادر ؟؟؟؟؟

الزول ده اساء لدين بحالو ؛وانت بالذات ما زعلت عشان اساءتو
جاي هسع تزعل عشان صبري؟




اعلاه راي بشير احمد

وسؤالي لك يا بشير انت داخل لنصرة الاسلام هنا

طيب ما تدخل في مواضيع تتحدث عن الاديان نقدا او مدحا

هنا هسي انت ده غبن ساي اتمني الا ينسيك معرفة ماذا تريد

وشكرا لك ولحميتك ودفاعك عن الدين

الاخ طلحة

تحية طيبة

اعداء الشعب الان هم الجبهة الاسلامية اذا انقسمت او اتحدت وكتائب الهوس الديني والارزقية

وهنا فضيحة من يحرق البخور لهذه السلطة التي اغتالت الشرفاء وسجنت وعذبت وانتهكت واغتصبت وافقرت اهلنا فهو واجب بالضرورة
لا اتحدث عن اكل الشيه

وانا اريد ان اتناول الدعوة واللمه ذاتها ان لم تكن مكرسه لخير الانسان لا لزوم لها


المعرفة جميله والاخاء والصداقة لكن الواجب الاكبر فوقها هو مساعدة اهلنا لاجتياز المحنه

ونحن اكثر ثبات واتزان برغم استخدام هذه العصابة لجميع اشكال التفرقة وشراء الذمم

انا لم احضر شاتما او لاعنا انما ابنت وضع ذلك الهتيف الحريف للجبهة الاسلامية

حتي يعرف من لم يعرف ؟ او تعرف


لكن اذا اكل شيه في قندهار او عند امواج مبروك له الاكل
ديل اكلو بلد كامل ما بغلبهم \ن اكل الشيه اينما يريدون

الأخ خضر حسين خليل لك التحية والتقدير ..
هذا الموضوع سوف يفتح الباب لكثير من التناقضات في المجتمع السوداني!
هل كل الأسر في السودان لونها السياسي واحد كما تفضل الأخ الكريم طلحة
بسرد نموذج لاسرة سودانية واحدة ؟
هل ندعو البعض إلى مقاطعة ذو الأرحام لمجرد إختلاف الرأى ؟
الكل في السودان يهرع إذا أصاب أحد من أفراد الأسرة أو الجيران مكروه
ولا تقف الخلافات الفكرية أو السياسية حاجزاً !
لقد إرتكب النظام جرائم بشعة في حق الشعب السوداني فلن نعفو عن ذلك..
بالمقابل علاقتنا الإجتماعية مع موالي النظام لن تكون على حساب تنازلنا
من حق الشعب والخضوع والخنوع للنظام ذلك هو الفرق بين الموازنة بين
العلاقة الأسرية والإجتماعية والوقوف لجانب الحقوق المهضومة لشعبنا !



الاخت اماني العجب

تحية طيبة

احيييك واتفق معاك فقلمك مسنون من اجل الحق والحقيقه

وهتيفة الجبهة الارزقية يجب فضحهم والتافف من مباراتهم هنا ابين احد هؤلاء الهتيفة اما اهل الداخل فقادرون علي فضح من يدعم العصابة الحاكمة

العزيز خضر
سلام و مودة

قلم الاخ صبرى منالاقلام القليلة المنافحة عن الحق فى هذا المكان
اتفهم دوافعك من كتابة هذا البوست, فقط ما يمكن ان يثير الغبار هو غياب صبرى لواجب اجتماعى
و الى ان يظهر و لانك من جلبت اسمه فواجب عليك الا تسمح بتحول البوست لمحرقة له من قبل خصومه
الذين بدا بعضهم يبث سمومه مستغلين ان (ضربة البدية) كا يتوهمون اتت من قلم متقدم و مستنيرمثل قلمك




دكتور عوض محمد احمد هذا الطريق قد عرفناه منك ومن زملاء عرفتنا بهم دروب محبة الوطن والعمل من اجل قيم الخير ورفاهية الانسان

وخضر حسين واحد من اهل هذا الدرب

نعم ارزقية الجبهة بعد ان ضيقوا الخناق وصادروا الحريات يريدون مصادرة هذه الصفحة التي شيدتها اقلام نساء ورجال همها اسعاد شعبها واخراجه من هذه الورطه وفضح العصابه

وانظر للمنبر يريدون اسلمته وفقا للوهابية وجماعات التكفير والا رهاب

اتمني ان اجاوب لخضر اسئلته ان وجدت وان كان الاخ عبد الصمد محمد قد ذكر ما اردت قوله في ذلك البوست
لان الحزر مطلوب وعدم فتح ابوابنا لجلادي شعبي ومدافعي\ات عن النظام المشبوه فهو واجب واحق الواجبات

العزيز خضر
سلام و مودة

قلم الاخ صبرى منالاقلام القليلة المنافحة عن الحق فى هذا المكان
اتفهم دوافعك من كتابة هذا البوست, فقط ما يمكن ان يثير الغبار هو غياب صبرى لواجب اجتماعى
و الى ان يظهر و لانك من جلبت اسمه فواجب عليك الا تسمح بتحول البوست لمحرقة له من قبل خصومه
الذين بدا بعضهم يبث سمومه مستغلين ان (ضربة البدية) كا يتوهمون اتت من قلم متقدم و مستنيرمثل قلمك




دكتور عوض محمد احمد هذا الطريق قد عرفناه منك ومن زملاء عرفتنا بهم دروب محبة الوطن والعمل من اجل قيم الخير ورفاهية الانسان

وخضر حسين واحد من اهل هذا الدرب

نعم ارزقية الجبهة بعد ان ضيقوا الخناق وصادروا الحريات يريدون مصادرة هذه الصفحة التي شيدتها اقلام نساء ورجال همها اسعاد شعبها واخراجه من هذه الورطه وفضح العصابه

وانظر للمنبر يريدون اسلمته وفقا للوهابية وجماعات التكفير والا رهاب

اتمني ان اجاوب لخضر اسئلته ان وجدت وان كان الاخ عبد الصمد محمد قد ذكر ما اردت قوله في ذلك البوست
لان الحزر مطلوب وعدم فتح ابوابنا لجلادي شعبي ومدافعي\ات عن النظام المشبوه فهو واجب واحق الواجبات

Quote: بالحاج يوسف وبمدينة سميت الفيحاء ضمن مشروع استهبال الجبهة الغير اخلاقي

مصدر الكلام دا شنو يا صبري يا عمكـ؟!

بعدين عبد الرحيم منصور دا ما قاعد في البورض دا ما لقيت إلا
بوست بورضاب الخرطوم عشان تمش تحت فيهو دقيق؟ ياخ تعال داوس
معاهو في أي بوست وأمسكو كربون والحشاش يملا شبكتو!
عاوز تناضل في بوست اجتماعي؟
تعرف حركتكـ دي زي الزول البجي حفلة ويفرتقا للناس .. عشان شنو ما تعرف!!





شكرا يا خضر على البوست .. ح تشوف فيهو العجب .. واحتمال وارقو!

صبري

قوم لف كده
you are a hopeless case

الاخ محمدابراهيم علي
تحياتي الحارة

Quote: قوم لف كده

أرجوا صادقاً الاسهام الجاد في هذا البوست ـ المداخلة أعلاه لاتخدم أي قضية وتعيدنا لذات المربعات التي نحاول الخروج منها . كن بخير

سلام يا خـدر ..
بعيدا من التصنيف العام .. وحسب تصنيفي الشخصي بعتبر دا أهم بوست يفتح في سودانيزاونلاين لحدت الآن على الأقل في السنوات الأخيرة دي .. يا عدل المسار يا الناس تشوف ليها طريقة تغطس ..
لانو
في نوعية من البشر كدا .. الواحد شايل ليهو عكاز وواقف للناس في راسـة .. عايز يصنف .. ويشتم .. ويقاطع وينظر .. ويحلل .. وكلو بي اسم النضال السودانيزاونلايناوي .. الواحد تلقاهو في خط ميت .. يقوليك والله انا (معارض) ..

Quote: يا شول شايفك بقيت ملكي أكتر من الملك . ألهم أجعله خير .آمين

..

Quote: يا خضر أولا كان واضح جداً أن الأخ صبري يوجه مداخلته حول صاحب البوست عبدالرحيم ودوره في إمريكا وفي نيويورك في الإلتصاق بالنظام وتمييع أي دور نضالي لمن كان وجودهم في معظمهم في الإغتراب بسبب النظام وسياساته كان من الممكن أي يكتب أي زول سطحي مش خضر الواعي مثل هذا البوست وكانه لا يعرف ما وراء الاشياء مثلا يا خضر أنظر من كان يحضر لقاءات البورداب قبل سنوات ومن يحضرها الآن وستري أن هنالك تسيد لعناصر توالي النظام بصورة او اخري علي نشاطات بورداب الخرطوم وإبتعاد الأخرين وإلا وين المهندس ووين هالة عبدالحليم وهالة الاحمدي وحاتم الياس وريهان الشاذلي وعاصم الحزين ومحمدالحاج وشادية عبدالمنعم ونجلاء سيداحمد ونادية السر وهند محمد وكرفس وبخاري وعماد عبدالله واسماعيل التاج والفاتح وديدي ودريمز وسجيمان وعادل فضل المولي وعلاء سنهوري وعنيدة وملكة سباوتيتا وودعقاب ود.والي الدين وهشام كمال وفتحي البحيري ووووووالكثيرون

عبد الصمد محمد دا منـو..؟ هل كان عندو حساب قديم هنا دا بي اسم تاني والا عبد الصمد دا اسمو الدخل بيهو من الفين وخمسة ..؟ دا طبعا سؤال عشان يعمق الفهم عندي يا عبد الصمد .. ياريت توضيح اكتر لانو جملتك الكتبتها لي شول دي ما قادر استوعبه قاصد بيها شنـو بالضبط .. حسب البروفايل حقك إنك من السعودية .. عايز اعرف دخلك شنو بي بورداب الخرطوم والملكي فيهم منو والملك منو ؟؟ .. واللستة حقت الناس الفوقانية دي علاقتو بيهم شنـو ..؟ عشان الواحد ما يدخل شمال سااي .. وعشان كمان الناس ما تجي تحشش ساي في بوستات مهمة زي دي ..
...

Quote: من زملائنا الشرفاء كان يمكن ان يشكل حصورهم فرقآ كبيرآ عن ما هو قائم واسمح لى بالتساؤل لم هذا الغياب ؟؟ هل تم تغييبنا ام اننا غيبنا انفسنا ؟؟ ولماذا اصلآ يجب علينا الحضور ؟؟ هل لاى شيئ اخر غير ان نجتذب الاخرين لما ندعو اليه ؟؟

.. عاين يا طلحة السيد ما تزعل .. لكن كان الواحد يتمنى يكون يقدر يقرا ليك الكتير .. لكن للاسف الواحد ما بقدر يصمد .. عليك الله مفهومك شنو للشرفاء دي .. والمطلوب شنو بالضبط علشان الواحد يتصنف شرفاء خالص .. واللا دي اكلشيهات بوردية الواحد لازم يجي شايله في جيبو معاهو .. عشان يكتبو ليهو مناضل ..؟
..
امـا صبري الشريف ومام ادراك ما صبري الشريف ..
تعرف يا صبري الكلام الحشو الكتبتو في البوست دا كنت عايز اطلع منو بي كلمة مفيدة واحدة بس .. اقدر اربط فيها ما بيتن الكلام الكتبو ليك خدر حسين دا وما بين الكلام الكتبتو هنا دا .. وما بين الكلام البايخ الكتبتو في بوست احتفال ناس الخرطوم ..
..
غاسيتو يا خدر زي ما عارف ماف بوست في سودانيزاونلاين دي بيمشي زي السير .. مهما كان موضوعي ومهمها كان هادف .. لكن غايتو ادينا معاك مساحة .. النشوف الناس دي يا فتحت شوية وحست بي عمق الكلام العجيب البتكتب فوقو دا بي اسم النضال في سودانيزاونلاين .. يا كمان الناس تستمر والحشاش يملى شبكتو ملي شديد ..

عندي دائما مرجعية برجع ليها بتقول إنو البعيش الواقع في السودان .. بيضحكو حال المنبر دا وحال المنبرجية الفوقو .. خاصة مناضلي ما وراء البحــار وبعض المتوهمين الذين يقومون بتتويج انفسهم بمنح انفسهم أؤسمة النضال من الدرجة الأولى وذلك بموقع سودانيزاونلاين .. ديل بعض مناضلي الخليج والدول العربية الأخرى بمعنى القاعدين في الحتات دي ..

العزيز خضر .. أسئلة ما موجهة ليكـ شخصيا بقدر
ما هي موجهة للبعض والذي أصبح الغالب من المناضلين!

سؤال أصلوا ما لقيت ليهو إجابة قبل كـدا!
ليه موقع الشخص كمعارض بخليهو زول شريف وكمؤيد غير شريف؟
معيار الشرف شنو هنا؟؟
وهل المعارضة بتدي الحق لشتم الناس؟

يعني هسي لو صبري أو (الكثير) من المعارضين ديل
بقو رؤساء في البلد، ممكن يقبلوا الواحد يقول
ليهم الخزي والعار وإلخ إلخ إلخ الكتيرة بتاعتم دي؟


_
الواحد لو قاعد يعاين للناس دي ساي يكون (نص شريف)؟

تحياتي ياودالصايم
والاشواق كلها

Quote: سؤال أصلوا ما لقيت ليهو إجابة قبل كـدا! ليه موقع الشخص كمعارض بخليهو زول شريف وكمؤيد غير شريف؟ معيار الشرف شنو هنا؟؟ وهل المعارضة بتدي الحق لشتم الناس؟ يعني هسي لو صبري أو (الكثير) من المعارضين ديل بقو رؤساء في البلد، ممكن يقبلوا الواحد يقول ليهم الخزي والعار وإلخ إلخ إلخ الكتيرة بتاعتم دي؟

المعارضة ياودالصايم ماعندها اي علاقة بالجوطة الحاصلة في المنبر ده
ولو اخدنا الحاصل ده علي اساس انها هي المعارضة فعلي تقييمات المعارضة السلام
البورد ده فيهو ناس محسوبين لليمين وفي ناس لليسار وفي ناس معارضين وفي ناس
مؤيدينيعني حالو من حال هذا الوطن ـ الفارق انو معاضين المنبر ومؤيدي السلطة
كهربتهم زايدة حبتين ـ ودي أنا برجعها للثورة التكنلوجية نفسها فمن غير المعقول
انهم يعارضو ويؤيدوا بنفس الطريقة التقليدية ـ ياخ أقول ليك حاجة والله أنا بس متحير
في البحصل ده وده كل البقدر أقولوا .
ومافي معارضة في الدنيا يا ودالصايم عندها حق النبذ من الله خلقنا وشفنا خلقنا بنعرف
انو المعارضة بتتلك أدوات للتعبير عن ارائها وارادتها لكن جنس النبذ ده ماشفناهو


مودتي يازول

Quote: في نوعية من البشر كدا .. الواحد شايل ليهو عكاز وواقف للناس في راسـة .. عايز يصنف .. ويشتم .. ويقاطع وينظر .. ويحلل .. وكلو بي اسم النضال السودانيزاونلايناوي .. الواحد تلقاهو في خط ميت .. يقوليك والله انا (معارض) ..

كلام زي الدهب

شكراً فدياس لحضورك هنا
سلمت

ازيك ياتمبس
عامل شنو يازول

Quote: سلام يا خـدر .. بعيدا من التصنيف العام .. وحسب تصنيفي الشخصي بعتبر دا أهم بوست يفتح في سودانيزاونلاين لحدت الآن على الأقل في السنوات الأخيرة دي .. يا عدل المسار يا الناس تشوف ليها طريقة تغطس ..

والله ياتمبس الشهادة لله البوست ده ممكن يجي منوا وممكن ببساطة نطلع منو كلنا بفوائد عظيمة وممكن يسوقنا لحوار محترم قاعدين نفتقدوا كلنا في كتير بوستات .
غايتو اهو بنحاول ياتمبس
تحياتي بالله عبرك لمعتصم وشتات

..
.

Quote: وانا اريد ان اتناول الدعوة واللمه ذاتها ان لم تكن مكرسه لخير الانسان لا لزوم لها المعرفة جميله والاخاء والصداقة لكن الواجب الاكبر فوقها هو مساعدة اهلنا لاجتياز المحنه ونحن اكثر ثبات واتزان برغم استخدام هذه العصابة لجميع اشكال التفرقة وشراء الذمم

ايوووووووووة ..
يعنى الدعوة ما كانت مكرسة لخير الانسان ولا لزوم لها ..!!
والله صدقت .. تصدق انا شخصياَ يوم دعوتك قلت ليهم ياخى فى السخانة دى موديننا قندهار عشان خاطر صبرى الشريف ..!!
والله يا ريت كان تفتح لينا حوار بكيفية فتح جسور تواصل واخاء حتى نساعد اهلنا لاجتياز المحنة
البعايشنها ديل .. على الاقل كنا بتاع العجور والشية دا اشترينا بيهو بطاطين ولا شوالين قمح ..

Quote: وانا حضرت قبل ثلاثة شهور ولم احضر بزفة او هيصة وقد ذهبت الي العوض المسلمي معزيا ايضا في وفاة بالحاج يوسف وبمدينة سميت الفيحاء ضمن مشروع استهبال الجبهة الغير اخلاقي

بتمشى للعوض ليه ..!!؟
انت ما عارف العوض دا زعيم الامنجية ومدسوس فى المنبر عشان كدا ..
فكر براااك زول تاجر فى الكرين .. بتاع عربات مالو ومال الثقافة وسودانيز اون لاين
اكيد جبهجى وامنجى منظم ..
مهمتو يستقبلك .. ويلملم ليك الرهط زينا ديل ..
عشان نتجمهر عند سلوى .. وتقعد تاكل فى الشية والعجور
وتجى تقول القرو ش دى كان افضل تعمروا بيها البلد ..
ياخى انت البلد قدمت ليها شنو ؟؟
ولا عمرت فيها شنو ؟؟



-------------

بتتذكر يا العوض لمن قلت ليك ليس كل من يأتى من الخارج
يستحق الحفاوة والاستقبال ..

تعال شوف براااك

تبلدينا
ازيك ياخ
شايفك محقون شديد من القصة دي غايتو بي طريقتك دي الشافك في الانتخابات الجاية مرشح
ما كضب ـ يازول ما تتضايق قدر ده كلو ـ الموضوع ده اتعامل معاه ببرودة شديدة وياخينا
بورداب الخارج ما نحكم عليهم من خلال تصرف فرد ـ ده ياهو العيب زاتو ياصالح .
اخطأ صبري في التقدير وكلي أمنيات أن يعود ويعتذر عن ما ارتكبه من فعل شنيع تجاه بورداب
الخرطوم ـ والله نحنا زاتنا لا ايدنا لاكراعنا ياصالح لقينا روحنا في الاحضان اياها .


(غايتو بشر بس ربوا يهون)

Quote: تعرف برضو انا ما عندي اي عداء مع وهبة او غيره والغريبة انني لم اتداخل معه اصلا بس بعاين بعيوني وعندما قابلته في دعوة قندهار وجدت زول بيضحك قبل اتكلم والله ما عارف انه في الامن لان الرصد والمتابعة عندي مقطع اسلاكها خصوصا في الداخل بس بسمع ده في الامن وده في الامن

طيب ياصبري البخلي وهبة ده يضحك قبل تتكلم وبالتالي تتغاضي انت عن حكاية امنجيتو ليه ما بدينا الحق برضو انو نقابل عبدالرحيم منصور ده وبالمناسبة هو برضو الانطباع المرقت بيهو عنو انو شاب ودود ولطيف جاء بكل تهذيب واتعرف بينا وصورتي الوحيده الاتنشرت في البوست داك مع العوض المسلمي صورنا ليهو الاخ عبدالرحيم منصور .

ياخ ده كلام غريب ياصبري ـ يعني لما تبقي ليك بتعاين بعيونك بس ولما تبقي فينا نحنا ديل نبقي احضان نظلم مستبد مالكم كيف تحكمون ؟

Quote: اما اصحاب بورداب الخرطوم مع انني لا اؤيد تكتل الجهوية او القبلية او اي تجمع لا يخدم قضايا الحريات وحقوق الانسان فانا لست عدوا لهؤلاء الاخوة واؤلئك الاخوات الافاضل علي راسهم العوض المسلمي

ونحن اسعد بان التقينا بك اخي صبري وكم رائت ظروف عملنا وكذلك ظروف متابعتك لحملة عرمان التي حالت دون مشاركتك في كثير من اللقاءت ..
ولكن وصفك لبورداب الخرطوم بسدنة النظام لو اعدت البصر مرتين لعرفت انك ظلمتهم ظلم الحسن والحسين ,,

Quote: لقد حضرت وداع الاخت اسيا الربيع واستمتعنا بحفلة جيدة في مسرح طارق الامين

وهذا ايضا كان جزء من نشاط بورداب الخرطوم قامت به الاخت مني خوجلي ..وكنا معك جميعا ..

Quote: وانا حضرت قبل ثلاثة شهور ولم احضر بزفة او هيصة وقد ذهبت الي العوض المسلمي معزيا ايضا في وفاة بالحاج يوسف وبمدينة سميت الفيحاء

وانا والاسرة شاكرين لنا وقفتك معنا وللامانة فقد كان حضور اخونا صبري قبل كل بورداب الخرطوم .. حضر من اقصي الخرطوم الي اقصي الحاج يوسف
متحملا التعب والجري الحاصل في السودان ليصل الينا في الثامنة صباحا ليكون اول المعزيين ..
لك مني ومن كل اسرتي الشكر والتقدير رغم انهم غير راضين عن وعدك بزيارتنا بالبيت ولم تلبي طلب الاسرة ..
نشوف في ساعة خير اخي صبري ..

..
.

Quote: ونحن اسعد بان التقينا بك اخي صبري وكم رائت ظروف عملنا وكذلك ظروف متابعتك لحملة عرمان التي حالت دون مشاركتك في كثير من اللقاءت .. ولكن وصفك لبورداب الخرطوم بسدنة النظام لو اعدت البصر مرتين لعرفت انك ظلمتهم ظلم الحسن والحسين ,

Quote: لك مني ومن كل اسرتي الشكر والتقدير رغم انهم غير راضين عن وعدك بزيارتنا بالبيت ولم تلبي طلب الاسرة .. نشوف في ساعة خير اخي صبري ..

يا العوض يا اخانا المتواجد بالكرين
ياخى الموضوع بقى ما بتحمل المجاملات
ومسك العصاية من النص البتعمل فيهو دا .. صدقنى ..

------------

الناس من المفترض تانى تقيف وقفه وتعرف هى بتعمل فى شنو ؟؟
والالويات شنو والواجبات شنو ؟؟
والبستحق من الما بستحق ..

Quote: الاخ خضر حسين تحية طيبة لك احييك وعبرك كافة الاصدقاء ياسر الظريف ولطيف ووريف

الأخ صبري الشريف
تحياتي الحاره والأكيده
ياسر وحليم ومصطفي يبلغوك التحايا
وتعازينا الحارة مرةً أخري علها الله آخر الأحزان

Quote: اما اصحاب بورداب الخرطوم مع انني لا اؤيد تكتل الجهوية او القبلية او اي تجمع لا يخدم قضايا الحريات وحقوق الانسان فانا لست عدوا لهؤلاء الاخوة واؤلئك الاخوات الافاضل علي راسهم العوض المسلمي لا اعرف اذا بورداب الخرطوم يشتغلون بنظام الفراكشن ام لا

ياخ والله مشكور علي الشهادة ياصبري وان كنت لا أعلم حقاً قصدك بموضوع الفراكشن واريتو بس ما يكون الفي راسي ـ لأنو الموضوع أبسط من كده بكتير ـ مافي زول مطالب ياصبري في الدنيا دي انو يكون شغال بس في اتجاه واحد بس بمعني انو خيارات الناس بتتعدد ـ بمعني لكل خياره بمعني بتلقي زول مهموم بما هو سياسي وآخر مهموم بما هو إجتماعي ووسط هؤلاء ممكن تلقي ناس ما مهمومة أصلاً لا بالسياسي ولا بالاجتماعي وباقية في أكل عيشها ياصبري ـ لم أتحدث هنا علي الاطلاق انك عدو لبورداب الخرطوم أو غيرهم من بورداب الدنيا والعالمين ـ أما قصة الفراكشن دي فبرضوا أنتظرك لتوضيحها الشئ ماشي يبقي تحقيق عديل ياصبري .

Quote: اعلاه ما اريد قوله وربما لم املك زمنا لابانته كل ما كتبته هنا ان ابين من هو عبد الرحيم منصور وهذه الكاميرا المسلطة لخدمة السفارة وعبد المحمود وكاميرا تجلي ان توثق لمساة شعبنا هنا اقصد هذا الشخص والذي يفعل بنيو يورك العجب

طبعاً ده كلام غريب ياصبري ـ طيب ياخ نحنا ذنبنا شنو في الدنيا دي ؟ وهل ضاقت المساحات لدرجة انك ما تلقي ليك مناسب ومفردات ملازمة تلاحق بيها عبدالرحيم منصور ؟ وهل بتفتكر مثلاً انو الشغلة بقت علي عبدالرحيم منصور ياصبري ؟ الانقاذ دي بقت بالمناسبة وصارت لما صارت اليها بضعف عملنا السياسي ورؤانا العاملة كيف كيف ؟ يعني مافي خط سياسي واضح الناس تنوم وتقوم عليه بقدرما في اجتهادات أغلبها لاتصيب بل تكون مباشرةً في صالح الجماعة الطيبين .
المؤتمر الوطني ده زاتو ياصبري صدقني ليس في حوجة لجسم كبورداب الخرطوم عشان يمرر تفاصيلوا من خلالو ياخ هؤلاء (الناس ديل) وما بين القوسين لأستاذنا كمال الجزولي قدس الله سره تكتيكاتهم مغايرة تماماً وشغلهم بنجضوه نجاض ابوقبورة قبل ما يرموهو لينا في الشوارع والحياة اليومية .
المنبر ده ياصبري أنا في رأيي المتواضع نفاج كان بإمكان الجميع تحويله لمنبر حقيقي واعي ومسؤول يدعم الخيار الوطني ويحترمه ـ التأسيس للاحترام ده هو البفتقدوا المنبر وتحولت فيه السياسة بفعل البعض لحاجة كده ما مفهومة والنقاشات زاتها بقت تتم بعقلية الاطفال . شتايم ونبذ وخلافات ما انزل الله بها من سلطان والمحصلة الاخيرة صفر كبير .
ياخ مهومين ناس سودانيز اونلاين ديل زاتهم الصدقوا القصة دي وقعدوا في ضلها ـ أنا أكتب لأنني بالفعل موجوع وممغوص من البحصل ده ياصبري وجيت انت وتميت الناقصة .

Quote: هذا الرد اتمني ان يقراه اصحاب بوست عبد الرحيم ذلك الشخص الذي يناصر نظام الارهاب بالسودان وهذا الحديث حتي يعرف الاخر من هو عبد الرحيم منصور

طيب ياصبري المشكلة في شنو هسي ؟ انت عندك رأي في عبدالرحيم الداعي شنو للتلميحات الماياها موش كان تراعي لأنو الجلسة دي في بيت الفنون ومافي بيوت الاشباح مثلاً ؟ موش كان تراعي انو الناس الحضروا القصة دي ياهم نفس الناس الرحبوا بيك وقضيت معاهم جزء من اجازتك ؟ انت غلط ياصبري ومافرزت زاتوا .
الشغل مع المؤتمر الوطني دروبوا معروفة ياصبري وياخ لازلنا قادرين علي الصراع وملاواة النظام والله قادرين ياصبري .

Quote: تحياتي لك يا خضر ما قصدت توضيحه ذكره الاخ عبد الصمد له الحب والسلام

والله كلام أخونا عبدالصمد زاتو ماياهو ياصبري ـ عبدالصمد بفتكر انو بورداب الخرطوم ديل أو تحديداً الشرفاء منهم بقي ماشغالين بالفعاليات المشبوهة البقوم بيها بورداب الزمن ديل وارجوا ان تراجع ما كتبته للاخ عبدالصمد . فلو ده رأيك برضوا ببقي مشكلتنا بالجد مشكلة فياريتك تجي تورينا القصدوا عبدالصمد شنو؟

في انتظارك

..
.

Quote: أنا قلت كدا ولا انت عاوز تقرا ىكدا ولا في قلبك حرقص

ايوووووووووة ..قلت كدا ..
وما تقعد تنطط ..
والقائمة التى ذكرتها اخوة افاضل وزملاء اعزاء نعرفهم ويعرفوننا
وابتعادهم ليس كما يخيل لك تفكيرك الوضـيع وخيالك الجامح ...
ولعلمك هم متواجدون حسب ظروفهم الاجتماعية والوظيفية والاسرية وغيرها ..
قال عاوز تقرا كدا .. شايففنا هنا بنبيع ترمس ولا الفهم دا الا عندكم انتو ديل ..
بعدين مسالة حرقص دى عايزك تفهم حاجة
ابقى امنجى ابقى مؤتمر وطنى ادخل اصبعى فى عينك دى خياراتى
خياراتى الشخصية ما بتحددها لى انت ..

----------

قوم لف بلا نضال معاكـ
نضال السعودية المن وراء الكيبورد دا

Quote: نضال السعودية المن وراء الكيبورد دا

تبلديكم يا عمكـ .. أفرز!!!
وأنا اعيييييييط!

..
.

Quote: ا شول شايفك بقيت ملكي أكتر من الملك . ألهم أجعله خير .آمين

اهاالمرة دى داير تقول ..
انت يا شول جنوبي مالك ومال الشماليين ولا دا كمان ما كدا ..!!
انت يا زووووووول ما عاقل ..!!!؟
والله يا عبدالصمد ولا عبد الات
شول دا ملك فوووق راسكـ وكمان ارجل منك ..

Quote: وكتبت إنه تسيدت الآن النشاط البوردابي عناصر موالية للنطام بصورة أو أخري

حسي خليك من الولوله .. وتعال ورينا من التسيدو بورداب الخرطوم وهم عناصر مولاية للنظام
او امنجية .. والعربي دا واضح ا دام جبت قائمة عن انو الابتعدوا ديل لاسباب النضال
كمان ابقى قدرها وخت قائمة قول فلان وعلان .. هم سيطروا على البورداب وهم امنجية ومؤتمر وطنى
رغم ان النشاطات المتبعة عمرها ما ارتبطت بالسياسة لكن ابقى قدرها ووضح ..

--------------

ما تزوغ خت اللستة وما تبنسى تبدا بالفى قلبو حرقص

الأعزاء
تبلدينا
شول
هجو الأقرع

تحياتي لكم جميعاً وسعيد لتواجدكم هنا ـ أتمني أن ندفع جميعاً بالموضوع الي الامام
أملاً في اصلاح المنبر

لكم الود

Quote: مثلا يا خضر أنظر من كان يحضر لقاءات البورداب قبل سنوات ومن يحضرها الآن وستري أن هنالك تسيد لعناصر توالي النظام بصورة او اخري علي نشاطات بورداب الخرطوم وإبتعاد الأخرين وإلا وين المهندس ووين هالة عبدالحليم وهالة الاحمدي وحاتم الياس وريهان الشاذلي وعاصم الحزين ومحمدالحاج وشادية عبدالمنعم ونجلاء سيداحمد ونادية السر وهند محمد وكرفس وبخاري وعماد عبدالله واسماعيل التاج والفاتح وديدي ودريمز وسجيمان وعادل فضل المولي وعلاء سنهوري وعنيدة وملكة سباوتيتا وودعقاب ود.والي الدين وهشام كمال وفتحي البحيري ووووووالكثيرون

الاخ عبد الصمد رجاء قل خيرا او اصمت ,, ماهذه التجاريح والتلميحات التي ترمي اليها ؟؟
اقول اولا ان هالة عبدالرحيم سبق وان شاركت في لقاء بورداب الخرطوم ببكري في بيت الفنون ,,وشادية شاركت الجميع في زواج ريئسة بورداب الخرطوم
انعام حيمورة مع نادية السر ونادية شاركها البورداب افطار رمضان العام الماضي بفندقها ,,وبخاري ونجلاء سيداحمد من المؤسسين لمنظمة تنادينا الخيرية ,,والفاتح وديدي وعادل فضل المولي ما انقطعا الا نسبة لظروف قاهرة في بعض المرات والفاتح وديدي في اخر لقاء كان حاضرا ,,وود عقاب كان حاضرا في اللقاء الاخير ,,,
وهب ان كل الذين ذكرتهم لم يشاركوا في اي لقاء فهل هذا يطعن في ان بورداب الخرطوم يرفضون اخوانهم ام تعني ان هؤلاء الاخوان الذين نكن لهم كل احترام يرفضوننا علي التواجد في جسم يسمي بورداب الخرطوم ؟؟!!
كل الذين ذكرتهم لا احد ينكر جهدهم وسبقهم ومازلنا ننتظر مساهماتهم وتواجدهم بل ووجهة نظرهم تهمنا جدا ..
ولكنك كانك تريد ان تسئ لنا وتقول اننا فرتقنا بورداب الخرطوم واننا ابواق النظام واننا امنجية واننا ناس عفن وما نافعين صااااح؟؟
يازول ان الله لايستحي من الحق فاذا كنت انت اعلنت معارضتك لكل ماهو ذو علاقة بالنظام فما الذي يمنع احدنا ان يعلن انه مع النظام لينال المنح والامتيازات ؟؟؟ اخي اوزن امورك فان كنا مع النظام فالذين في الخرطوم يعرفوننا جيدا ويعرفون من نحن ومن نكون ..
راجع نفسك لانه ما اسهل ان تسئ وما اسهل ان ترمي الناس بما ليس فيهم ...

معليش اخي خضر حسين ولكن استفزني جدا حديث عبدالصمد الذي لايعرف ولا يريد ان يعرف ...

الاخ العزيز عبدالصمدمحمد
تحياتي الحارة وحصل الشرف ياخونا

Quote: يا خضر أولا كان واضح جداً أن الأخ صبري يوجه مداخلته حول صاحب البوست عبدالرحيم ودوره في إمريكا وفي نيويورك في الإلتصاق بالنظام وتمييع أي دور نضالي لمن كان وجودهم في معظمهم في الإغتراب بسبب النظام وسياساته كان من الممكن أي يكتب أي زول سطحي مش خضر الواعي مثل هذا البوست وكانه لا يعرف ما وراء الاشياء مثلا يا خضر أنظر من كان يحضر لقاءات البورداب قبل سنوات ومن يحضرها الآن وستري أن هنالك تسيد لعناصر توالي النظام بصورة او اخري علي نشاطات بورداب الخرطوم وإبتعاد الأخرين وإلا وين المهندس ووين هالة عبدالحليم وهالة الاحمدي وحاتم الياس وريهان الشاذلي وعاصم الحزين ومحمدالحاج وشادية عبدالمنعم ونجلاء سيداحمد ونادية السر وهند محمد وكرفس وبخاري وعماد عبدالله واسماعيل التاج والفاتح وديدي ودريمز وسجيمان وعادل فضل المولي وعلاء سنهوري وعنيدة وملكة سباوتيتا وودعقاب ود.والي الدين وهشام كمال وفتحي البحيري ووووووالكثيرون

كان واضح كيف ياعبدالصمد ؟ الاقتباس أمامك ولست في حوجة علي الاطلاق لجلبه ـ الكلام الكتبوا صبري ده كان ممكن يفترع ليهو بوست جديد ـ ويكتب فيهو ما يكتب دي حاجة بتخصوا لكن أن يتهم الجميع لمجرد وجود الاخ عبدالرحيم منصور في الاحتفال فده ياهو الكلام العايز ليهو قعده ـ
أنا واحد من العشرات الذين ذهبوا هناك بغرض التعرف علي بورداب الخارج ـ اما مسألة انو بميع في نضالات الناس في نيويورك تصدق انو الموضوع ده زاتو جديد علي ؟ ولنفترض ياخ انو هكذا كتبت لكم اعلاه بأنني مشيت وسلمت علي د- بيان وبيننا ما بيننا من خلافات ـ الموضوع ده براهو وده براهو ياعبدالصمد .
ياخ صبري نفسوا جاء هنا كما ذكر وقابل ناس كتيرين منهم الامنجية ومنهم المعارضين ومنهم من يختلفون معه في ارائه ومنهم من يختلفون معاه ساي كده .
المعارضة السودانية دي لي هسي ماطرحت خط سياسي اسموا مقاطعة اجتماعية عشان الناس ماتنظر في المسألة دي ساي بدون علم . زول يجيب لي خط سياسي فيهو دعوة مقاطة لكوادر النظام عشان نمشي معاك كل الدروب ياعبدالصمد ـ الموضوع ماعندوا علاقة بالسطحية كما انو ماعندوا علاقة بالوعي واشكرك كثيراً علي توسمك فيي الوعي ـ أخطأ صبري بمداخلته تلك وكان يمكنه اختيار مكان أكثر تناسباً لتعرية عبدالرحيم ـ

Quote: المهندس ووين هالة عبدالحليم وهالة الاحمدي وحاتم الياس وريهان الشاذلي وعاصم الحزين ومحمدالحاج وشادية عبدالمنعم ونجلاء سيداحمد ونادية السر وهند محمد وكرفس وبخاري وعماد عبدالله واسماعيل التاج والفاتح وديدي ودريمز وسجيمان وعادل فضل المولي وعلاء سنهوري وعنيدة وملكة سباوتيتا وودعقاب ود.والي الدين وهشام كمال وفتحي البحيري ووووووالكثيرون

ياخ التحية للحاضرين في اللستة اعلاه لكن ده يعني شنو ؟ هل هؤلاء هم أشراف مكة لوحدهم كده ياعبدالصمد؟ أنا أعرف الكثيرين من أعضاء سودانيز اونلاين لم تشملهم لستتك أعلاه ويعارضون النظام منهجاً وسلوكاً ليه ما شايفهم هنا ؟ أعرف ياعبدالصمد الكثيرين برضو في لستتك اعلاه لاعلاقة لهم بالعمل السياسي وبرضوا ماعندهم علاقة ببورداب الخرطوم سوي في زمنهم الامنجي هذا ولا في زمنهم الشريف ذاك .
يازول ده كلام شنو ياعبدالصمد؟ الموضوع اكده ياعبدو ولا له أن يكون هكذا ـ الناس الفوق ديل اعتز بمعرفتهم كثيرون منهم بالمناسبة ما بجوا المناسبات دي ساي مزاج كده وليس لأنهم عندهم موقف سياسي ـ أها جنس مداخلتك دي بتحتاج لشغل عديل ـ وثق انو مناقشة جنس المداخلات دي من أوجب واجبات هذا البوست .

تحياتي ياعبدالصمد

الاخ عوض محمد احمد
تحياتي واحترامي

Quote: قلم الاخ صبرى منالاقلام القليلة المنافحة عن الحق فى هذا المكان اتفهم دوافعك من كتابة هذا البوست, فقط ما يمكن ان يثير الغبار هو غياب صبرى لواجب اجتماعى و الى ان يظهر و لانك من جلبت اسمه فواجب عليك الا تسمح بتحول البوست لمحرقة له من قبل خصومه الذين بدا بعضهم يبث سمومه مستغلين ان (ضربة البدية) كا يتوهمون اتت من قلم متقدم و مستنيرمثل قلمك

ياخ اتفق معك بأن صبري من الاقلام المنافحة واتتبع كتاباته للأمانة ومساهماته هنا ـ وليست علي الاطلاق من دوافع هذه الكتابة ادخال صبري الشريف في محرقة ـ فصبري لعلمك صديق عزيز وبيني وبينه الكثير علي المستوي الخاص ناهيك عن حجم ما بيننا من آمال تخص الهم العام .
أنا لا اسمح بتحول البوست لمحرقة لصبري أو لغيره ولا أدعوا لذلك ـ ولو تتبعت البوست من بداياته لرأيت ما كتبته بهذا الخصوص ـ ده جانب والجانب الاخر انتظرت رد الاخ صبري في البوست الذي كتب فيه مداخلته تلك ولم يحضر وعدته بأن أكتب عن الامر وها انذا افعل ـ ببقي الكلام ده ماعندوا اي علاقة بالاستنارة ياصديق بقدرما عندوا علاقة بالمواقف . لك الشكر الجزيل

العزيز طلحة السيد

Quote: انا ازعم ان هذا التشوه حديث عهد فى ممارساتنا السياسيه اذ يحدثنا التاريخ عن كيف كان يصطرع زعماؤنا فى ما يسود من صراعات سياسيه ثم تجدهم مجتمعون فى مناسباتهم الاجتماعيه

ياخ بدأً شاكر لك مداخلتك الموضوعية وتجدني اتفق معك فيما ذهبت اليه بخصوص ان التشوه الذي أمامنا حديث عهد بالسياسة السودانية ولها ما لها من اسباب .
ما يطرح في هذا المنبر للأمانة بعيد كل البعد عن ما تربينا عليه في الشارع السوداني ـ
أقطن في حي شعبي عادي ياطلحة نتواصل مع جيراننا علي مختلف انتماءاتهم السياسية ـ يجمعنا الكثير للأمانة فيهم الشيوعي وانصار السنة والمؤتمر الوطني والحركة الشعبية والامة والاتحادي والفلوتر ـ تجمعنا الاجتاعيات نناقش كثيراً بذهن مفتوح مآلات السياسي الراهن ومستقبل السودان . نعرفهم ويعرفونا نحفظ مواقفهم ويحفظون مواقفنا . لا توجد قطيعة اجتماعية بين الناس ولئن كانت هناك بعض التحفظات علي مسلك البعض لكن لايعني علي الاطلاق ان هناك عزلة مطروحة كبرنامج عمل سياسي .

Quote: اخى خضر نحن مجتمع يسوده التنوع واذكر فى الانتخابات الاخيره ان قناة الجزيره اوردت تقريرآ عن اسره احد افرادها مرشح مؤتمر شعبى ورب الاسره ينتمى للحزب الشيوعى واخاه من منسوبى الوطنى دون ان يخلق ذلك اى شروخ فى حياة هذه الاسرة. دعك عن انه فى بعض مناطق السودان ينتمى افراد الاسره الى ديانات مختلفه او طوائف مختلفه داخل هذه الديانات فان رفضنا التعايش مع بعصنا المختلف عن بعض فسينفرط عقد الاسره والمجتمع ككل واسوأ ما فى الموضوع ان حملة هذا النهج من الجانبين اصبحوا يضنفون من قبل البعض المتشدد على انهم متصالحون مع الفكر المناقض لافكارهم

ياهو ده السودان بالضبط ياطلحة . هذه السمة ياطلحة كان من شأنها أن تكون من دوافع الوحدة والتعاضد والسلام ـ وطن متعدد واحد أحد بأعراقه وثقافاته واديانه ـ لن ننتظر عصا موسي ياطلحة لاصلاح الحال سنكتب هنا وهناك علنا نصل ياصاح

شكراً لاسهامك هنا ياطلحة

الأخ بدرالدين
تحياتي الحارة

Quote: لكن عنوانك يحصــر الامــر فى صبرى الشريف ... يعنى ضيقت واسعا كنت اود المساهمة فيه ...

البوست خصصته لصبري الشريف كوني كنت أود فعلياً تفسيراً منه لمداخلته تلك ـ لكن لايعني هذا علي الاطلاق تناولك للموضوع ومساهمتك الموضوعية فيه .

شكراً لك

الأخ منير تحياتي الحارة

Quote: أنك مستمسك بنضالك في مستوي محدد في سلم النضالات .. وهو مستوي التعارض الطلابي والانقسامات الطلابية ومستوي : إتجاه إسلامي أو جبهة ديمقراطية .. وذاك مستوي ممكن تقول عليه مايزال في البر ولم يدخل معترك السياسة الغريق .. وذروة الخلاف فيه بونية وشلوت أو ضرب مطاوي وعكاكيز .. وبعد التعارك كل طالب يرجع محاضراته ..

لا أدري حقاً يامنير من أين أتيت بهذه الاستنتاجات ـ عموماً يهمني التنويه بخصوص ايرادي لتجربتين كان الهدف منهما توضيح الجزئية التي تتعلق بالخاص والعام ـ أنا لايعنيني يا منير تفكير الآخرين في هذا الخصوص بقدرما أحاول تدريب نفسي علي المواصلة في ذات النهج الذي تخيرته .
إتفق معك أن تجربتنا كسودانيين انتقلت لمراحل جديدة واختلطت بالدماء والدموع وهو ما من شأنه أن ينقل الناس نقلات جديدة في ذات الاتجاه الدموي والمأساوي .
الموضوع يا منير في غاية التشابك ـ والمداخلة التي قام بها صبري ربما كانت سبباً في تناول الموضوع من كافة أبعاده الاجتماعية والسياسية ـ هذا التناول لو تم بحياد وحرص أزعم أن من شأنه أن ينقلنا نقلات موضوعية تجاه تأسيس حوار عقلاني يتسم بالموضوعية ـ ويعيد للمنبر نفسه بعض القه ومصداقيته .

أشكرك للغاية علي حضورك هنا يامنير

Quote: والقائمة التى ذكرتها اخوة افاضل وزملاء اعزاء نعرفهم ويعرفوننا وابتعادهم ليس كما يخيل لك تفكيرك الوضـيع وخيالك الجامح ... ولعلمك هم متواجدون حسب ظروفهم الاجتماعية والوظيفية والاسرية وغيرها ..

.. والله يا تبلدينـا الواحد زاتو ما عارف قول شنـو .. الواحد ممكن بي ضربة كيبورد يبقى شرفــاء في رمشة عين .. بي مداخلة زي الفوقانية بتاعت الزول دا .. وكان جيت كتبت اي كلام بينفي كلامو دا .. بي كل موضوعية ومعرفة وعقلانية .. طوال تبقى ما شرفاء ..
على العموم الحمد لله الواحد بيفتخـر بي إنو مصنف غير شرفـاء في المنبر دا .. حسب آخر نسخة من تصانيف المناضلين . وأنه لشرف عظيم .

Quote: تبلديكم يا عمكـ .. أفرز!!!

يا زول ما يفرز ولا اي حاجة.. خليها كدا دا شختك بختك ..
اقوليك حاجة :
افتح بوست قرفنـا فرع السعودية .. اصلها بايظة بايظة .احتمال الواحد يطلع شرفاء

Quote: احتمال الواحد يطلع شرفاء

إنت قاعد تاكل عــجــور في ربوع بلادي ومع أمنجية النظام؟

Quote: إنت قاعد تاكل عــجــور في ربوع بلادي ومع أمنجية النظام؟

.. والله يا عمك انا كنت بمشي حليوة .. ومشيت بيت الفنون لي طارق الامين .. ومشيت امواج .. والكرين لي المسلمي أخوان .. ومشيت سلوتير مع فيصل الرشيد .. ومشيت لي مصطفى في مطعم في اركويت محطة البلابل لونو اصفر بي ازرق كدا .. الحتات دي كلها فيها عجـور عشان كدا فترة من الزمن كنت حاسي بي نفسي شرفاء .. لكن بي نجيضة صبري الشريف دا .. صراحة كدا اتجهجهته..
لانو حسب كلامو إنو الناس الكانت في بيت الفنون دي كلها ضاربة عجـــور .. وماشة عكس الهواء

بـهـدوء:

الأخ المحترم خضر حسين .. والأخوة والأخوات الأفاضل .. تحية طيبة

- أولاً: أنا أتفق مع من ألمح إلى أن هنالك كثير من الأقلام في هذا المنتدى تتصيد البوستات الجادة وتنحرف بها عن مسارها .. وهنالك كثير من خلط الجد بالهذل ... وهذا في حد ذاته ليس جيداً.

- ثانياً: أنا قد أختلف مع صديقي صبري الشريف في تعميمه ، فمعلوم أن التعميم دائماً ما يكون غير علمي وخل بالموضوعية ، فكان من الأجدر له أن يخصص الشخص الذي يقصده.

_ ثالثاً: وهذا هو المهم ؛ الناس تتحدث عن أن هنالك تغيرات حدثت في المجتمع السوداني وهي قلقة من ذلك ، ولكننا لم نناقش هل هذه التغيرات سلبية أم إيجابية : إنني شخصياً أعتقد أن مأساة السودان كانت وما زالت هي ثقافة عفى الله عما سلف التي إنتهحها السودانيون عبر تاريخهم السياسي الطويل .

إننا فعلاً في حاجة إلى آلية لفرز الكيمان ، فلا يمكن أن تقنعني يأن أكون لطيفاً مع إنسان يؤيد قاتلاً ... مع إنسان سرق ويسرق كل يوم حلم أمة بحالها ...

والله العظيم وكتابه الكريم ، ورغم ديمقراطيتي التي أعتز بها ، لو أن فواز ولدي أيد عمر البشير لقاطعته وتبرأت منه ... !!

كيف لي أن أنسى مثلاً فظائع الترابي .. وأجلس معه في طاولة واحدة تدعي الدفاع عن الديمقراطية ، وأفتح له بيتي ودار حزبي وصحافتي لكي يطل منها على شعب ظل مع حومة الإنقاذ التي أتى بها 10 سنوات وهو يزل ويعزب في بيوت الأشباح وتنتهك حرماته ويقتل أبنائه ..؟؟

أخيراً : أنا لا أؤيد إطلاق الإتهامات جزافاً .. وأكره التصنيف الإنطباعي ... والمتهم عندي بريئ حتى تثبت إدانته ... فإن ثبتت فهو ليس مني ولست منه ، ولا أتشرف بمجالسته ...!!

ولكن في النهاية الناس أحرار ، والناس تختلف ، فالمعارض الذي لا يرى ضرراً في أن يجالس أحد أنصار النظام إجتماعياً ، فذلك حقه ولن يجرح ذلك في إخلاصه ..أظن ذلك !!

تحياتي وتقديري للجميع

صديق أبوفواز

Quote: - أولاً: أنا أتفق مع من ألمح إلى أن هنالك كثير من الأقلام في هذا المنتدى تتصيد البوستات الجادة وتنحرف بها عن مسارها .. وهنالك كثير من خلط الجد بالهذل ... وهذا في حد ذاته ليس جيداً.

صديق عبد الجبار

هنا تلميح وغمز ولمز غير مقبول

عليك إن تكون محدد ووأضح


فلان وفرتكان يعملون هذا العمل وهذه هي الأدله

وتجيب لينا بوستات كنماذج

يا تقول المداخلات في البوست ده بالذات تريد إن تنحرف بالبوست

Quote: وهنالك كثير من خلط الجد بالهذل ... وهذا في حد ذاته ليس جيداً.

...

Quote: لو أن فواز ولدي أيد عمر البشير لقاطعته وتبرأت منه ... !!

.. تقطع يدو .. تقطعو اضنينو .. دا شي بيرجع ليك .. لكن الما بيرجع ليك إنك تفتي في طريقة كتابات الناس هنا دا .. وتورينا كمان الجيد شنو من الما جيد ..
يعني بعد فترة ح تظهر لينا (نجاة) أخرى في الموقع دا شايله عصايته كما شالته زمان هنا دا .. تكتب ليك كلمة تجيك جارية لا ما تكتب كدا دا .. اكتب كدا دا .. لانو الكلام الكتبتو دا ما كدا ..
..
أو
باقر آخر .. يجيك في حوارات زي دي بي طريقة اخوية يقوليك قاعدين تتونسو مع البنات ..

إلى متى كل يوم يطلع لينا عنصر جديد في سودانيزاونلاين .. عايز يطرح لينا رؤاه النضالية السياسية في نقاط عشان الناس تعرف كمية النضال الفيهو وكمية .. معارضتو ..

Quote: يعني بعد فترة ح تظهر لينا (نجاة) أخرى في الموقع دا شايله عصايته كما شالته زمان هنا دا .. تكتب ليك كلمة تجيك جارية لا ما تكتب كدا دا .. اكتب كدا دا .. لانو الكلام الكتبتو دا ما كدا .. .. أو باقر آخر .. يجيك في حوارات زي دي بي طريقة اخوية يقوليك قاعدين تتونسو مع البنات ..

بالله

يعني القصه دي جاريه في جينات البورد

ما حاجه جديده

وأنا الكنت قايل الكلام دي إكتشاف جديد

أتاريهو من خلقوا البورد الحاجه دي موجوده

عش رجباً وأظن نحن في آخر رجب

Quote: بالله يعني القصه دي جاريه في جينات البورد ما حاجه جديده وأنا الكنت قايل الكلام دي إكتشاف جديد أتاريهو من خلقوا البورد الحاجه دي موجوده عش رجباً وأظن نحن في آخر رجب

.. ابصم ليك بالعشرة بالعشرين يا فدياس ومعاها بصمة شبكية .. ياخ في ناس هنا الواحد قدرما تحاول تشوف ليهو طريقة عشان تتجاوز بيها كتابتو .. يا كمان تقول الزول دا بيراجع نفسو ويشوف الشتارة الفي مداخلتو دي .. تجي تلقاهو في مكان تاني .. لام ليهو ورق .. وبيكتب ويسجل في الناس ويبصم فيهم .. تكتبو كدا وما تكتبو كدا .. وما تضحكوا لينا هنا دا .. وما تهظرو .. واطلعاكم مظاهرات .. وما تجو تغنو لينا هنا دا لانو عايزين نحن نسقط الحكومة من خلال موقع سودانيزاونلاين دا .. لانو نحن ديمقراطيين
ياخ ما اي واحد يكتب الكلام العايز يكتبو والناس تقرا العايز تقراهو .. الواحد بيتلبد في ورا كلامو مالو .. الواحد يجيب اللستة بتاعتو ويقول فلان الفرتكاني دا ما شرفاء .. وبالتالي جنو ضحك .. الواحد يجي يجدع ليك كلمتين ويسمم ليك بيها البوست والبوستات المجاورة ... ويمشي ..
بالمناسبة يا فدياس .. نجاة د ما دكتورة بيان .. دي نجاة تانية

الأعزاء فدياس وتمبس ..

لكم التحية واتلقدير ..

أولاً أعتذر جداً وأقدم أسفي لو كانت مداخلتي لم تكن مناسبة ..

وأؤكد لكما إنني لم أقصد أي تلميح أو شخص بذاته أو قلم معين .. وإنني أعترف بأنني لم أقرأ جميع المداخلات ، ولكنني فهمت من إحدى المداخلات أن أحد المتداخلين بدلاً عن مناقشة الموضوع الأساسي إتهم الأخر صبري بشرب الخمر ولا أعلم من هو !

على أي حال حقكم علي لو أخطأت ... والعفو والعافية ..

دمتم بخير

صديق أبوفواز

Quote: الأعزاء فدياس وتمبس .. لكم التحية واتلقدير .. أولاً أعتذر جداً وأقدم أسفي لو كانت مداخلتي لم تكن مناسبة ..

حصل خير يا عمك

بس رجاء تاني أقرأ الكلام كله وشوف منو قال شنو ووجه ليهو كلامك بدل التعميم

تاني يا زول أنا زاتو بأعتذر منك لو قلت كلام مافي محله

الأخ المحترم صديق عبدالجبار
التحايا والاحترام

Quote: أولاً: أنا أتفق مع من ألمح إلى أن هنالك كثير من الأقلام في هذا المنتدى تتصيد البوستات الجادة وتنحرف بها عن مسارها .. وهنالك كثير من خلط الجد بالهذل ... وهذا في حد ذاته ليس جيداً. - ثانياً: أنا قد أختلف مع صديقي صبري الشريف في تعميمه ، فمعلوم أن التعميم دائماً ما يكون غير علمي وخل بالموضوعية ، فكان من الأجدر له أن يخصص الشخص الذي يقصده. _ ثالثاً: وهذا هو المهم ؛ الناس تتحدث عن أن هنالك تغيرات حدثت في المجتمع السوداني وهي قلقة من ذلك ، ولكننا لم نناقش هل هذه التغيرات سلبية أم إيجابية : إنني شخصياً أعتقد أن مأساة السودان كانت وما زالت هي ثقافة عفى الله عما سلف التي إنتهحها السودانيون عبر تاريخهم السياسي الطويل . إننا فعلاً في حاجة إلى آلية لفرز الكيمان ، فلا يمكن أن تقنعني يأن أكون لطيفاً مع إنسان يؤيد قاتلاً ... مع إنسان سرق ويسرق كل يوم حلم أمة بحالها ... والله العظيم وكتابه الكريم ، ورغم ديمقراطيتي التي أعتز بها ، لو أن فواز ولدي أيد عمر البشير لقاطعته وتبرأت منه ... !! كيف لي أن أنسى مثلاً فظائع الترابي .. وأجلس معه في طاولة واحدة تدعي الدفاع عن الديمقراطية ، وأفتح له بيتي ودار حزبي وصحافتي لكي يطل منها على شعب ظل مع حومة الإنقاذ التي أتى بها 10 سنوات وهو يزل ويعزب في بيوت الأشباح وتنتهك حرماته ويقتل أبنائه ..؟؟ أخيراً : أنا لا أؤيد إطلاق الإتهامات جزافاً .. وأكره التصنيف الإنطباعي ... والمتهم عندي بريئ حتى تثبت إدانته ... فإن ثبتت فهو ليس مني ولست منه ، ولا أتشرف بمجالسته ...!! ولكن في النهاية الناس أحرار ، والناس تختلف ، فالمعارض الذي لا يرى ضرراً في أن يجالس أحد أنصار النظام إجتماعياً ، فذلك حقه ولن يجرح ذلك في إخلاصه ..أظن ذلك !! تحياتي وتقديري للجميع صديق أبوفواز

دعني أشكرك بدايةً لمساهمتك الموضوعية في هذا الخيط ـ وتجدني أتفق معك في الكثير مما ذكرت خصوصاً حول ما طرأ من تغييرات علي المجتمع السوداني خاصة بعد الثلاثين من يونيو ـ وتجدني أتساءل عن الخلط الذي وقعت فيه يا سيدي فالبوست لا علاقة له علي الاطلاق بالتطبيع مع النظام أو حتي لم يكن من ضمن أجندته الحديث عن مبدأ عفا الله عما سلف ـ غير أنه يهمني أن أقول لك هنا إنني أيضاً مع المحاسبة ـ محاسبة كل من أجرم في حق هذا الشعب (الذي يقتل ولايموت) . أما فرز الكيمان الذي أعنيه فهو الفرز بين الخاص والعام بين الذاتي والموضوعي بين السياسي والاجتماعي ـ أنا لا أتخيل يا عزيزي أن هناك مخلوق يتبرأ من ابنه لمجرد تخييره موقفاً وفكراً مغايراً ؟ فأين هي الديمقراطية التي تعتز بها يا صديقي ؟
الديمقراطية هو ببساطة تقبلنا للآخر بكل تناقضاته وليس تبرؤنا من الآخر ياعزيزي .

لك الشكر والاحترام

Quote: أنا لا أتخيل يا عزيزي أن هناك مخلوق يتبرأ من ابنه لمجرد تخييره موقفاً وفكراً مغايراً ؟ فأين هي الديمقراطية التي تعتز بها يا صديقي ؟ الديمقراطية هو ببساطة تقبلنا للآخر بكل تناقضاته وليس تبرؤنا من الآخر ياعزيزي .

الديمقراطية يا عزيزي خضر تكمن في داخلها أسس العدالة وحكم القانون ، والعدالة وحكم القانون لهما شقين في نظري .. الشق القانوني الحقوقي البحت ، والشق السياسي الإجتماعي وهذا ما نشير إليه بالعزل السياسي والإجتماعي ، فالديمقراطية من ذلك المنتطلق لا توالي قاتلاً ولا توالي من يوالي قاتلاً .. هذه هي الفكرة ، لا أمانع في أن يختلف معي أهل بيتي وأبنائي سياسياً أو فكرياً ، ولكن لن أقبلهم وهم يوالون مجرماً أو قاتلاً أو مذلاً لهذا الشعب.

فلقد آن الأوان لفرز الكيمان بحق وحقيقة ، وآن الأوان لتفعيل مبدأ العزل السياسي والإجتماعي لكل من يثبت عليه موالاة القتلة والمجرمين.

تحياتي وتقديري

Quote: المهندس ووين هالة عبدالحليم وهالة الاحمدي وحاتم الياس وريهان الشاذلي وعاصم الحزين ومحمدالحاج وشادية عبدالمنعم ونجلاء سيداحمد ونادية السر وهند محمد وكرفس وبخاري وعماد عبدالله واسماعيل التاج والفاتح وديدي ودريمز وسجيمان وعادل فضل المولي وعلاء سنهوري وعنيدة وملكة سباوتيتا وودعقاب ود.والي الدين وهشام كمال وفتحي البحيري ووووووالكثيرون

غايتو الناس المؤشرين بالأحمر ديل
انا مشتاق ليهم عديل وأفتقد وجودهم الجميل
وآرائهم الصائبة هنا

..
.
ـ

Quote: أنا لا اسمح بتحول البوست لمحرقة لصبري أو لغيره ولا أدعوا لذلك ـ

انت لو ما بتسمح انحنا حنعمل على ذلك ..!!
والله دا مش يحرق صبرى الشريف براهووووو ..
والله يحرق معاهو كل بورداب الخارج ...
وحتشوف براك تداعيات كلام صبرى الفارغ دا وعبدالصمد

--------------

على الاقل تانى عشان بورداب الخرطوم ديل يرقو فى علبهم
ويبطلوا الجرى لاستقبال فلان والاحتفال بعلان .. اقلو نتجه اتجاه نضالى
وكما قال صبرى الشريف قروش الشية والشيرنغ دا .. نعمل بيهو حاجة لاهلنا التعبانين
اقله نتبنى .. لينا شافعين تلاته من اطفال المايقوما ..

بلا صبري بلا استقبال بلا لمه وكلام فارغ

!!!!!!!!!!!

خضر يا صاحب ازيك .. عن أذنك بوستيك دا دقايق كدا

--------------

Quote: يحضر لقاءات البورداب قبل سنوات ومن يحضرها الآن وستري أن هنالك تسيد لعناصر توالي النظام بصورة او اخري علي نشاطات بورداب الخرطوم وإبتعاد الأخرين وإلا وين المهندس ووين هالة عبدالحليم وهالة الاحمدي وحاتم الياس وريهان الشاذلي وعاصم الحزين ومحمدالحاج وشادية عبدالمنعم ونجلاء سيداحمد ونادية السر وهند محمد وكرفس وبخاري وعماد عبدالله واسماعيل التاج والفاتح وديدي ودريمز وسجيمان وعادل فضل المولي وعلاء سنهوري وعنيدة وملكة سباوتيتا وودعقاب ود.والي الدين وهشام كمال وفتحي البحيري ووووووالكثيرون

الزميل عبدالصمد ازيك وصباح الخير ..

طبعا وااضح جدا من مداخلتك والكلمات اللي لونتها ليك بالاحمر ,
انو قصدك الاتي: اي زول بيحضر لمات بورداب الخرطوم هو زول موالي للنظام ,
عشان كدا الناس المذكورين اعلاه ديل ما بيجوا اللمات صـح ؟؟

طبعا انا ما اظني اطلع من البوست دا قريب , عشان كدا خليني ابدأ ليك بالاجابه على كلامك بالضبط
يعني .. أجابه على قدر السؤال ..

Quote: وحاتم الياس

كان حاضر اللمه بتاعت بيت الفنون دي , واوريك جا مع منو ؟؟ جا مع دكتوره نجاه (بيان)..!! لو ما مصدق امشي اقرا مداخلتو في بوست عبدالرحيم منصور ولو ما لقيتها تعال كلمني بجيبها ليك لحدي خشم باب البوست دا ..

Quote: ونجلاء سيداحمد

البت الاصيله دي , جات حمدت السلامه لي وهبه (الامنجي المستبد المتصور مع صبري الشريف دا) في بيتـو !
وابشرك , جا معاها ياسر بيناوي وحاتم شناب المرشحين المستقلين السابقين (اعتقد انهم زعلو جدا منك لانك ما كتبتهم في القائمه دي)
ونجلاء دي زاتها مشت جمبا الى جمب في المسيره السلميه بتاعت لبنان (مع عصبه النظام المستبد) شفتا كيف؟

Quote: ونادية السر

من اروع من قابلت في حياتي والله , نظمت افطار البورداب رمضان الفات في فندق فالكون , وكان عمل ولا اروع ,
وجلس في مائده افطار واحد , مجموعه من الذين كتبهم في القائمه جمبا الى جمب مع الموالين للنظام بشكل او بآخر ديل .. البوست موجود في الارشيف
كاتبه الاستاذ انور التكينه وستجد الصور هناك ..

Quote: واسماعيل التاج

حضر افطار رمضان الفات في بيت الفنون , وظهر في صور الافطار والصور موجوده في الارشيف , بالمناسبه (الامنجي) علاء الدين منصور الشهير بـ (تمبس) التقى وجها لوجه مع الاستاذ اسماعيل التاج مصادفه في (الواحه)اللي في نمره 2 , وسلموا هلى بعض بالاحضان كانهم لم يختلفوا يوما من الايام .. وان دل انما يدل على كرم اخلاقهما وسماحتهما , وترفعهما عن الصغائر .. (عندي صوره للواقعه دي)

Quote: والفاتح وديدي

وديدك .. صديقي الصدوق جدا .. كان حاضر اللمه بتاعت بيت الفنون دي , اعتقد انو ظهر في الصور ..لو ما مصدق ممكن ارسل ليك تلفونو في الخاص تسألو .. او هو عندو باسويرد ممكن يرد عليك عديل هنا ..

Quote: وودعقاب

كان حاضر اللمه دي , بتاعت بيت الفنون دي , وتشرفت جدا بمعرفته .. وشكرتهم كمنظمين سابقين لمثل هذه الاحتفالات ,
هو وعبير خيري (بالمناسبه انت ما كتبتها ليه ؟؟ ولا عشان ظهرت في الصور؟) ..

Quote: وريهان الشاذلي

حضرت لمه بورداب في حليوه , وصورتها ظهرت في البورد دا , بالمناسبه هي انسانه ممتازه جدا وخدومه وهميمه بشكل
ما عادي .. ساعدتني كتير جدا ايام زواجي , معرفتي بها كويسه جدا بس منقطعين من فتره لمشاغل الدنيا ..

الباقين الكتبتهم من الزملاء والزميلات الاعزاء , ما عندي فكره عن ظروفهم .. بس انا حبيت اديك امثله من الناس اللي عندي بيهم معرفه وثيقه ..
(طبعا انا ليسه بتعامل معاك بنظريه الاجابه على قدر السؤال .. )

سأعود انشالله ..

اها ياعبدالصمد ؛بعد كلام الدكتورة داليا ده

حقو تبلع كلامكـ من سكات...

قال عناصر موالية قال...

Quote: يا العوض يا اخانا المتواجد بالكرين ياخى الموضوع بقى ما بتحمل المجاملات ومسك العصاية من النص البتعمل فيهو دا .. صدقنى .. ------------ الناس من المفترض تانى تقيف وقفه وتعرف هى بتعمل فى شنو ؟؟ والالويات شنو والواجبات شنو ؟؟ والبستحق من الما بستحق ..

ينصر دينك ياتبلدينا

مواصله في نظريه (الاجابه على قدر السؤال) ..

الاستاذ طارق الامين .. سيد البيت (بيت الفنون) دا , ما مكتوب في اللسته دي ليه ؟
يعني هو كده من اتباع النظام ؟
طيب ازيدك من الشعر بيتا .. طارق دا صرف من جيبو على اللمه دي , وجاب فنانين , ومعظم التنظيم الشفتو
في الصور دي شغلو هو , واعتدنا منو دوما انو يكون كريم جدا جدا مع البورداب , بيستضيفنا بدون ما مقابل
وبيقوم على خدمتنا بي نفسو , راجل كريم ومهذب وبشوش لابعد الحدود ..


عصام عبدالحفيظ .. ظهر في الصور .. دا زول مصور ورسام محترف , ما بيجي كتير لمشغولياته وسفره الدائم
انا شخصيا اصريت عليهو يجي اللمه دي لاننا اشتقنا ليهو .. وظهر في الصور .. اها كدا اكون انا اتسببتا
في تصنيـف عصام عبدالحفيظ كـ تابع للنظام موش كدا ..؟؟

انعام عبدالحفيـظ .. كادر سياسي مسؤل جدا في حزب محترم ومعروف (ليس المؤتمر الوطني) .. ما بتغيب من الللمات الا للشديد القوي
وجات اللمه الفاتت , اها تصنيفها كيف انعام دي .؟؟ وليه ما دخلت اللسته الفوق دي ..؟؟

والاهم من دا كلللو .. احمد حنين صاحبك دا .. موش معارض ؟؟
بيجي اللمات طوالي وما بيغيب منها وصديق شخصي للعوض ووهبه (وغيرهم من اتباع النظام المستبد دا)
وصديق شخصي لي جدا , وصديق حميم لـ تمبس , والبوست بتاعي الفات جيت قلتا بي عضمه لسانك ,
انو احمد حنين دا اسمعو كلامو لانو عندو خبره في تنظيم اللمات دي ..
اها احمد دا بقى من اتباع النظام ؟؟
طيب لو هو ما من اتباع النظام ما دخلتو اللسته ليه ؟
طيب هو بيجي ليه لو هو ما من اتباع النظام زي ما انت قلتا ؟


برضو سأعود ..

..
.
هذه بوست من امس ..
ولكننى وجدت بدلا من ايقاد محرقتين فالاجدى ان نزيد الحطب
هتا فى محرقة واحدة تكفى وتعبر عما نود ونقول ..

Quote: بــورداب الخرطوم .. أيتها الانظمة المستبدة مدخل :- منذ ان تزايد عدد عضوية منبر سودانيز اون لاين منذ سنوات عده دأب عدد الاعضاء مما نسميهم بورداب الخرطوم فى ممارسة عدد من الانشطة الثقافية والاعمال الخيرية وتنظيم القاءات الاجتماعية.. وضمت من بين تلك النشاطات استقبال الاخوة من الخارج ..فقط من اجل التوادد والتراحم ومد جذور التواصل والعلائق الإنسانية .. لم يكن يرجون جزاءا منها ولا شكوراً وبما ان الشئ بالشئ يذكر فقد انبرى طيلة مسيرة هذا التواصل الاجتماعى وطيلة فترات متفاوته وسنوات متعاقبة انبرى من هذه المجموعة عدد من الاخوة لحمل راية التكاتف الاجتماعى والتواصل لاجل تبنى فكرة الاعمال الخيرية والنشاطات الثقافية واللقاءات الترحيبة فى باقة من الود والتكريم العفوى نذكر منهم على سبيل المثال لا الحصر ترتيبا تنازليا ؤ على دورهم الذى حملوه فى ربط اواصر المودة والحب بين الداخل والخارج منهم عبير خيرى المهندس ناذر الخليفة ناجى الملك تبلدينا الفاتح وديدى انعام حيمورة اسماعيل حميم انعام عبدالحفيظ سمرية هالة حليم ابراهيم بقال العوض المسلمى عبدالوهاب الحاج معتصم محمد صالح السيد المسلمى داليا كباشى طارق الأمين لقد ظلت هذه المسميات وتلك الاسماء وهذه المجموعات .. تتبنى بكل الاريحية والحماس مسؤوليه تنظيم لقاءات تضم الاخوة البورداب العاملين بالخارج والذين يأتون لقضاء الاجازات بوطنهم ومن اجل ربط علائق المودة والتواصل بين المغتربين والمهاجرين ووطنهم الام المثمتل فى تكتل ما سمى لاحقا ببورداب الداخل او الخارج .. وكنا فى فترة من الزمان من اولئك الذين تغربوا بالخارج وحال علمهم بحفل وداعى الذى اقامه لى الاخوة بالريلض فقى عهد الخال ود قاسم وابوجهينة .. لم تتوقف الاتصالات والمكالمات من الاعزاء عبير خيرى والمهندس وناذر الخليفة الذي كانوا هم الشعلة التى بدأت مثل هذا التواصل .. وكان لهم الدور والقدح المعلى ان اتعرف على عدد من الاخوة الروائع المقيمين بالداخل وتتواصل مسيرة الللقاءات مع القادمين من الخارج وطيلة تلك الفترة لم نفكر يوما فى ان هذا .. عميل او خائن للسودان او معارض للنظام او امنجىبالسفارة او مؤتمر وطنى لا يستحق الاحتفال به بل لم يأتى ذكر ذلك الانتماء او التوجه من قريب او بعيد فقد ظلال الجميع فى نظرنا نحن بورداب الخرطوم ان الجميع اخوة اعزاء تعرفنا بهم فى دول الاغتراب او عبر هذاالعالم الاسفيرى .. فكانت تتم الاحتفالية بلا همز ولا غمز ولا اشارة لتوجه سياسي او معارض او انتماء الا ما يكون خلال حوارات اسفيرية .. ولكن عندما تفاجأ بان احد هؤلاء المنتمين لبورداب الخارج .. والذى جاء ووجد كل الترحيب والود مننا كبوردا بالداخل ان يأتى بكل وقاحه وجراءة ليكتب قائلا .. Quote: ممثل نظام الذل والاهانة الان في ضيافة النظام المستبد وا عجبي من اناس يعملون علي تشويه سودانيي الخارج وسودانيات الخارج وعمر الظلم والاستبداد قصير حتي ولو طال في نظر العصابة التحية للصادقين والصادقات من اهل الوطن الجريح عبد الرحيم منصور بوق لعبد المحمود ممثل السفارة او السودان في الامم المتحده فى اشارة بائية لاستقبال البورداب فى لجنتهم الاخيرة ممثلة فى داليا والعوض ويصفهم حسب التعبير او يصف الجميع بان احد الزملاء من الخارج هو فى ضيافه النظام المستبد .. والذى يمثله بلاشك فى هذا اللقاء بورداب الخرطوم .. هو امر يلفت النظر ويثير التعجب خصوصا ان كان نفس هؤلاءالذين يمثلون النظام المستبد قد قاموا باستقباله وضيافته ودعوته مستقطعين من زمنهم ووقتهم ومالهم .. ليسمعوا بعد مغادرته مثل هذا الهمز واللمز .. امر يجب الوقوف فيه .. من بورداب الداخل .. وليحسبول كل خطوة اجراء لاستقبال او الاحتفال .. بالاخرين ونرى ان ما يفعله المذكور ليس سوى دعوة لقطع اواصر التعامل والمودة والتكاتف بين الاخوة السودانيين بالداخل والخارج ودعوة صريحه لخلق العداءات والفتن بينهم ومثل هذا لا يستحق حتى القاء تحية السلام عليه .. ------------------- هذه رسالة واضحة لبورداب الخرطوم البقعوا وبقوموا فى الفارغة والمليان .. اعود .. حتما سافعل

Quote: افتح بوست قرفنـا فرع السعودية .. اصلها بايظة بايظة .احتمال الواحد يطلع شرفاء

تمبس
بالمـرة افتح بوست خجلنا فرع الدوحــة...
غايتو المــر ات الجاية حقو يكون فى بطاقات دخول للمات البورد حسب الاتى
1/الانتماء السياسى
2/الوضع الاجتماعى
3/مستوى الدخل...اللون,,الطول...العمر...المهنة,,,
او حقو بكرى يصصم فورم ويعمل ايقونة تحدد الانتماءات .. الانتماءت دى زاتها بقت ماجيبة حقها مع الناس المدروشة دى,,

صبرى الشريف غايتو اسلم حل انك تتعذر ودى وجهة نظرى..

تبلدينا

ماتبقى مسبل والله ولا على كيفك تستقبلنا رغم الدراب الفلقتنا بيهو دا,,,

تحياتى ياشباب

..
.

Quote: تبلدينا ماتبقى مسبل والله ولا على كيفك تستقبلنا رغم الدراب الفلقتنا بيهو دا,,, تحياتى ياشباب

بت الشيخ
ازيكـ ولك وحشة ..
والله يا غالية ما متسبل .. بالمناسبة بالجد صبري الشريف دا ما اول حاله
لقد سبق ان واجهنا انتقاد مشابه بان بورداب الخرطوم مقضها حفلات ولمات وونسه وكلام فارغ .. الخ
وحقيقة لست خبير فى الارشيف ولا جلب اللينكات .. ولا اتكتب فى جريدة الخرطوم .. حتى اثبت صحة كلامى ..
وبالجد الواحد قرف او بالاصح _ قرفنا_ من مسالة خير تعمل شر تلقى دى ..
بعد دا حقوا نتعامل بعلاقاتنا الشخصية يعنى بعرف اميرة اقوم اعزمها براها فى اى مكان او مناسبة
مع صديق او صديقة مشتركة واكرمها حسب معزتها وودها ..
مش كل مره نقعد نتلملم ونجمع ونساهم ونعمل قعدة تطلع ليننا اساءات وكلام فارغ .. من البسوى والما بسوى

-----------

عموما حبابك 1000 على الصعيد الشخصى
والله استقبلك على راسى لكن بطريقتى الخاصة
مش لمه وبورداب وهلما جرا ..



مودتى؛

Quote: غايتو المــر ات الجاية حقو يكون فى بطاقات دخول للمات البورد حسب الاتى 1/الانتماء السياسى 2/الوضع الاجتماعى 3/مستوى الدخل...اللون,,الطول...العمر...المهنة,,, او حقو بكرى يصصم فورم ويعمل ايقونة تحدد الانتماءات .. الانتماءت دى زاتها بقت ماجيبة حقها مع الناس المدروشة دى,,

.. والله يا أميرة ما طالباني حليفة .. شفت المداخلة لمن اضنيني صنن عديل كدا .. وعرفت انو من وراها قصد .. وعرفت طوالي ح تجر من وراها شنـو.. وطبعا دي الحركات البعملوها الناس الما عندهم اي علاقة بي معرفة الناس .. يعني زي عبد الصمد دا مثلا ..
نجح ل درجة كبيرة جدا إنو يخلق ليهو فجوة ما بين الناس البتعرف بعض وما بين قناعات الناس الجميلة في بورداب الخرطوم .. والمن ضمنهم خضر حسين الزعلان دا .. وتبلدينا الكتب الكلام دا ..

Quote: لقد سبق ان واجهنا انتقاد مشابه بان بورداب الخرطوم مقضها حفلات ولمات وونسه وكلام فارغ .. الخ

وديل الاتنين كنموذج .. ولو رجعتي لي مداخلة داليا .. ح تلقى واحد زايد واحد يساوي اتنين يعني القائمة بتاعتو الجايبة دي.. طلعوها ليهو شمار في مرقـة ..
يا تنقـا .. الاقتباس حقك الفوق جبتو ليك دا .. نحن هنا في الرياض سمعنا كتير جدا .. عن اننا قاعدين نرقص .. وملمومين من أجل الفارغة .. بالاضافة لي إنو في نوعية كدا قاعده هنا .. الواحد شكلو ما شفناهو .. تلقاهو شايل حالك في حتات تانية .. ويتلبد من الناس وعامل فيها مناضل .. بالمقابل .. أجمل حاجة إنك تعمله هنا دا .. تتلم ليك يف لمة بتاعت ناس كلها بتحب بعض وقلبها ابيض مفتوح للناس .. شفع بتلعب وبتاخد في راحته .. ناس بتتواصل مع بعض وبتعمل في حاجة كويسة عشان ناس تانيين .. إلخ ..
زي عبد الصمد دا .. صدقني كتار جدا .. الحاجة الكويسة ما بتعجبم .. ولا عندهم المقدرة لي انهم يعملو حاجة كويسة ..
لكن أميرة ادتك النجيضة .. وقالت ليك ولا على كيفك .. واكرر ولا على كيف بورداب الخرطوم .. اي زول جاي هم الملاذ .. وهم الناس البتكرم الضيف وهم الناس البحتملو البتجي من السما .. ويتلقوهـا ..

Quote: يا شول شايفك بقيت ملكي أكتر من الملك . ألهم أجعله خير .آمين منو الكتب قاشمة شرقاء انت بتقرأ بعيونك ولا بقلبك أنا كتبت آخرين . هل آخرين معناها شرفاء . ما قلت ليك انت بتقرأ بقلبك ما بعيونك وكتبت إنه تسيدت الآن النشاط البوردابي عناصر موالية للنطام بصورة أو أخري .. تعرف يعني شنو بصورة أو أخري , وتسيدت النشاط يعني غلبت علي تسيير الأمور وليس معناها كل البورداب أو الحضور . ما قلت كيزان ولا قلت خيانة . ما قلت ليك انت بتقرا بقلبك . وكتبت إنه صبري كلامه كان موجه أساسا ضد عبدالرحيم وليس ضد الحضور. ما قلت ليك انت بتقرا بقلبك.

بالنسبة لي قولك إني بقيت ملكي أكتر من الملك وأتبعته بدعاء فبقول ليك:
حصل لينا الشرف والله وشكراً إنك وريتني مكاني الطبيعي والطبيعي جداً.

أما بالنسبة للعربي الكتير الكاتبو بعد زحيتني طرف وبالذات اللونتهم بالاحمر فبقول:
ما عارف أودي وشي وين من أستاذي عمر ميرغني أستاذ اللغة العربية وأبو الفصل في مدرستي المتوسطة بعد طلعت ما ناقش ابو النوم من العربي الحايم هنا ده.

الكلام البالاحمر التخين ده بالذات وحكاية إنو كلام صبري كان موجه لعبد الرحيم وليس ضد الحضور:
بطالبك بررراحة تمشي لبوست عبد الرحيم وشوف اول زول رد لصبري الشريف منو بخصوص كلامو ده وقال ليهو شنو؟ (بس عليك الله ما يطلع برضو عدم فهم مني يا طويل العمر).

عموما شكرا يا عبد الصمد والعاقبة في المسرات.


تعظيم سلام يا طويل العمر.

Quote: تبلديكم يا عمكـ .. أفرز!!! وأنا اعيييييييط!

ماتتضايق ياعمك ..

تبلدينا دى شايت بنمرة سبعة اكتر من صبرى الشريف زاتو

اميرة الشيخ/بورداب الخرطوم

..
.

Quote: ماتتضايق ياعمك .. تبلدينا دى شايت بنمرة سبعة اكتر من صبرى الشريف زاتو اميرة الشيخ/بورداب الخرطوم

ود الصايم دا عارف انى فاز الكيمان وحقيقة يعلم واعلم معزته لدينا جميعا
وبالامارة اسالى السيديهات الفى عربيتو ...

---------------

بالله فى ذمتك الكلام الفوق بتاع المذكورين اياهم ما بكتلك مغص
ويخليك مش تشوت بنمرة سبعة كمان معاها ترس طين وترس رمله ..

قدونا الله يقدهم؛

الخيل تجقلب زي الشرا في القندول ..

..
.

Quote: لخيل تجقلب زي الشرا في القندول ..

كدا غلط ..
خليها كما هى : الحسنة فى الملعون زى الشرا فى القندول
وكدا صاح
والخيل تجلقب والشكر للمؤتمر الوطنى وجهاز الامن ..

------------

غايتو صبرى الشريف خرب على الوفود القادمة
دا كلو بسبب تأخيركم فى العودة

Quote: وبالامارة اسالى السيديهات الفى عربيتو ...

دي على وزن أسأل العنبة الرامية فوق بيتنا؟
إنا لله .. الواحد ما يزوغ ليهو بحاجة من البلد ديكـ!!

Quote: اميرة الشيخ/بورداب الخرطوم

جناح النظـام المستبـد .. فرع الموالين للنظام وكدا..
بالله يا عبدالصمد اميره دي اكتبها في اللسته الجاي .. واكتبني معاها .. لانو نحن صحبات ورفيقات وكدا


----------
تجي الخرطوم تتشالي على العين والراس,
انت واي ضيف يجينا من بره .. حباب اي زول ..

Quote: وبالامارة اسالى السيديهات الفى عربيتو ...

.. يعني بقيت تسردب بالحاجات مش كدا ..؟
كدي اشوفك حايم جمب بيت الفنون ساي بالغلط ..


اهـ يا مستبد ..

..
.

Quote: تجي الخرطوم تتشالي على العين والراس, انت واي ضيف يجينا من بره .. حباب اي زول ..

اى ضيف .. لسه انت فى الوهمه دى
ما اظن والله ؛
الا لو الجمعية العمومية فشلت ..تانى لازم تكون فى لائحة
تضبط الفوضى الاسمها استقبال كل من هب ودب

----------

او تشيليهم براااك انت وباقى الامنجية ومن ميزانية المؤتمر الوطنى
وفى دار الجبهة .. و لمن رقبت تتكسر
ودى برضو صعبة لانو تمبس بدق جرس

خدوري ياجميل
الفائده في العتاقي ياخدوري

روشتات الحكمه دي خلي لي منها لما نتلاقي



ــــــــ
لكل سن احكامه والشباب مابعرف الحكمهياعمك

Quote: الا لو الجمعية العمومية فشلت ..تانى لازم تكون فى لائحة تضبط الفوضى الاسمها استقبال كل من هب ودب

يلا هب ودب دا حا تحددها اللائحه كيف؟
مافي كلام زي دا يا تبلدينا ..
انت زاتك بينك وبن نفسك ما مقتنع , ودا كلام زعل ساي منك ,
انت زول كريم ومجامل , وانا واحده من الناس اتعلمتا البشاشه في استقبال الناس دي منك انت ..

يا تبلدينا , الله لا جاب يوم نقصر فيهو مع زول ,
ولو حصلت حاجه من زول , ما معناها انو الناس الباقين كعبين ,
نحن نعمل العلينا , والقبول من عند ربنا ..

عامل بت اختك الظريفه دي

..
.

Quote: يلا هب ودب دا حا تحددها اللائحه كيف؟ مافي كلام زي دا يا تبلدينا ..

لو بقت على دى بسيطة >>!!
اى زول شايفنوا نحن - الامنجية وناس النظام حسب رؤيتنا_ انه زول عميل يمارس نشاط ضد البلد والوطن
ويدعم اوكامبو .. يطالب بدخول امريكا للسودان .. وينادى بسيطرة
اسرائيل على جنوب السودان .. ويقف ضد افغانستان والعراق وغزة .. ويسئ لشول واحبائنا كامنجية من بورداب نيويورك وفرجينيا ..
دا بخش فى قائمة هب ودب ..
اهاالصياغة دى اخوك ملك الصياغة .. بلا منازع ..
يا تصيغوا البند دا يا بجيبوا ليكم جاهز .. ( زول جادى جدا )

ما ناحية زعلااان والله داير اطرشق وانت شايفه براك.... والله العوض كن جاء قال لى تانى
صبرى ولا ما صبرى .. بعمل عليهو انقلاب ومعارضة ..

شئ اخير عارفه مافى شئ مضيعنا غير كرمنا ومجاملتنا دى والله هنا وبره تلقينا مقضينها ارحاكم البر ( ناس السعودية )
ونطلع رحلة فى حدايق فرجينيا ( فرجينيا ) ورحلة البيتش( الامارات ) ونمشى ستى استار ( مصر) وحفلة فى بيت الفنون ولا عوضية للاسماك
بالعدم قعده فى قندهار ( السودان ) .. الخ
وتلقى الواحد التحتح ما عندو يلا يلا تم الشيرنغ وبالمقابل المغترب المصرى يجى الغربة 3 سنة بعربية وشقة وعرس
غايتو البشاشة دى مجانية ما بقرووش .. الواحد حيجدعها ساااى .. ليكم

-----------------

بت اختى قالت لى ياهو تتجاروا قندهار ما تسوقونا
ياهو واحد طلعكم بتاعين فارغة ومستبدين ..

تصدقى هو ورتنى البوست ..

Quote: ارحاكم البر ( ناس السعودية )

غايتو دجانقو الليلة ما فارز كلو كلو!
بقينا نمشي مجمع مطاعم التلتين يا عمكـ!

Quote: تصدقى هو ورتنى البوست ..

..
.

Quote: ايتو دجانقو الليلة ما فارز كلو كلو! بقينا نمشي مجمع مطاعم التلتين يا عمكـ

والله يا فردة دجانقو الليلة مطلع مدفع 42 .. من التابوت .. رش تقيل
ياخى انتو يا بورداب الخارج .. ما منكم فايدة .. لا لقينا منكم موبايلات
ولا اى فون ولا اى بوت .. خوتكم زاتها بالخسارة وفيها شتم كمااان

-------------------

غايتو ما بتحلكم الا الرشوة .. اساسا نحن مفسدون فى الارض
وماكلين حق الشعب نتم الناقصة ..

هى .. هى بت يا عمكـ معليش عربي زعل

نجلاء العزيزة
ازيك يازولة
والشوق الواحد

Quote: الفائده في العتاقي ياخدوري

طبعاً انا برضو مقتنع زيك انو الخبرة في العتاقي والله انا من امس
ماعارف اسوي شنو زاتو اضحك ولا ابكي ـ ولا اعمل شنو زاتو



يازولة لححدما نتلاقي خليكي طيبة

التحية لصاحب البوست ،،،
ونعلن كامل تضامننا مع بورداب الداخل الذين مستهم سهام المدعو صبرى الشريف ...

وجاينكم بى رواقة ،،،

اخي تبلدينا قبل ان تعلن معارضتك
صبري ده زول علي نياته زي ما يقول اخواننا المصريين ويكفيه فخرا انه ظل في حملة عرمان من ندوة لمحاضرة لرحلة حتي تفاجا مع الجميع
بانسحاب عرمان يعني زول ما بقرا الواقع جيدا زي زي ناس كتيرين وكمان زول ما بزعل وبارد لمن كره التلج زاتوووو ..
اها يا تبلدينا ابواق النظام والامنجية ديل قعد معاهم واتونس وناقشهم وعمرهم لا اساءوا ليه ولا لاي زول ...
وبورداب الخرطوم ديل ربنا يحفظهم عندما يرحبوا باخوانهم واخواتهم فانهم يكونون سعداء بهذه اللمة والتي يعلم صبري قبل غيره انها خاصة
بالاجتماعيات ولا علاقة لها بساس يسوس ...وكلامه في حق بورداب الخرطوم ظلم العارف بالناس كنت اتمني منه الا يقع لهذا المستوي ..

عليك الله يا تبلدينــا قول للعوض دهـ ( قـوم لـف )

..
.
والله يا العوض انت داير تجيب لى الضغط
ياخى نعينك محل مصطفى عثمان ولا كيف ؟؟!!؟؟
انت دبلوماسي ولا مثالى ..؟؟
يجاوبوا هم نيابه عنكــ.. والله يطلعوك بطريقتك دى غواصة ..

Quote: صبري ده زول علي نياته زي ما يقول اخواننا المصريين ويكفيه فخرا انه ظل في حملة عرمان من ندوة لمحاضرة لرحلة حتي تفاجا مع الجميع بانسحاب عرمان يعني زول ما بقرا الواقع جيدا

ما بقرا الواقع دى حقيقة .. على نياته دى خطا ...


----------------

قووم لف .. ياااخ
او كما طلب بدالدين اسحاق .. الامنجى المعروف

Quote: بقينا نمشي مجمع مطاعم التلتين يا عمكـ!

غلط .. غلط كبير .. مـا تقول ليهو .. زي دا بيرشك بيها في اقرب لمة لي بورداب الخرطوم يطلع ليهم فيها كبسور زي صبري الشريف دا ..
يعني عادي جدا يجيك في بوست زي دا
يقوليك إنتو فاضيين لي من مجمع المطاعم ..
الله يرضى عليك ما تدخل حتة وضهرك مكشوف .. إنت عايز تجيب لينا اللوم كبورداب رياض ..؟

..
.

Quote: يعني عادي جدا يجيك في بوست زي دا يقوليك إنتو فاضيين لي من مجمع المطاعم

وانا اقول ما قادرين ترجعواالسودان ليه .. اتارى لسبببين :
الاول : مقضنها لى فى مجمع مطاعم التلاتين .. وقعدات شيشة فى المزرعة
الثانى : اصابتكم بالتخمه من الكبسة والمندى والمظبي

-------------------

غايتو تمبس عندو زول بغطى ليهو هنا
انت البغطى ليك ضهرك الكشفتو دا شنو ..

مودة يا صحاب؛
بس خلونى ارش الباقى

Quote: وانا اقول ما قادرين ترجعواالسودان ليه .. اتارى لسبببين : الاول : مقضنها لى فى مجمع مطاعم التلاتين .. وقعدات شيشة فى المزرعة الثانى : اصابتكم بالتخمه من الكبسة والمندى والمظبي

.. والله يا تنقا من ناحية السب الأولاني يعني .. نص نص كدا .. التاني دا (تك)
..
عاين يازول رش من طرف انا معاك .. رش بي حيلك كلووو .. اصلو في نوعية كدا لو ما اترشت .. ما بتقدر تفهم الحاصل شنـو..

..
.

Quote: اين يازول رش من طرف انا معاك .. رش بي حيلك كلووو ..

قرقر قرقر قرقر
والله بحيلك كلووو دى ضحكتنى وطيرت الزعله زاتها ..
ياخى بحيلى كلو دى ما بتكفى ..
عليك الله يدك معاى عشان المنبر دا يتشنغل بغااادى ..


------------------

بالله استراحات الشيشة الفى الدائرى الشمالى ديك اسمها شنو ؟؟
رااحت على ياخى ..خرمه ساااى اتذكرتها

Quote: بالله استراحات الشيشة الفى الدائرى الشمالى ديك اسمها شنو ؟؟

تبلديكم يا عمكـ
لا يوجد استراحات شيشة في الدائري الشمالي!
في امتداد طريق القصيم: جار القمر، أبو هيثم .. الكون .. إلخ!
في الدائري الجنوبي: أبو هيثم بس! متجدع براهو!
الدائري الشرقي .. ماف!
الدائري الغربي .. ماف!

Quote: قرقر قرقر قرقر والله بحيلك كلووو دى ضحكتنى وطيرت الزعله زاتها .. ياخى بحيلى كلو دى ما بتكفى .. عليك الله يدك معاى عشان المنبر دا يتشنغل بغااادى .. ------------------ بالله استراحات الشيشة الفى الدائرى الشمالى ديك اسمها شنو ؟؟ رااحت على ياخى ..خرمه ساااى اتذكرتها

يا تنقـا ما تفصل بسرعة كدا .. رش بس وخلي الباقي علي .. بطل الحنية البتعمل فيها دي عارفك حنين ..
اقوليك حاجة .. صبري الشريف دا وعبد الصمد ديل خلاص ارخيهم .. ما منهم نكهـة .. تاني كان جو هنا قابلني ..
كان برنامجك مخستك .. استلم لي محمد البشرى .. وأميرة الشيخ .. وود الصايم .. عليك الله رشهم في (مذكرة) واحدة لانو بيني وبينك أنا ذاتو الأيامات دي عايز أعمل انفصال .. ومن غير اي استفتاء .. والتلاتة ديل بي صراحة ما نافعين معاي .. في الحتة بتاعت التعايش السلمي دي
واحــد كل اسبوعين موقفنو ..
واحــده تشجع ليك البرازيل .. توديها في خبر كان
واحــد يدخل ليك ضهرو مكشوف .. وتقعد تقابض فوقو الربع الأولاني كلوو ..
..
يا عمك إنت من زمن استراحات الشيشة ..؟
ياخ حسع ودالصايم يجيك بي شيشتو دي .. تضرب ليك نفسين كرعينك تتعقل .. والله إلا تسند ليك في بمبر يا كرسي شان تقوم .. وبعد دا بتقوم مغبي .. واللا الواحد مكنتو خفت ما عارف ؟؟! .. دخان عربية كان شماهو في الشارع يقوم بيهو
اييييه يا حليلك يا عوض ود النقاديه ..

Quote: عاين يا طلحة السيد ما تزعل .. لكن كان الواحد يتمنى يكون يقدر يقرا ليك الكتير .. لكن للاسف الواحد ما بقدر يصمد .. عليك الله مفهومك شنو للشرفاء دي .. والمطلوب شنو بالضبط علشان الواحد يتصنف شرفاء خالص .. واللا دي اكلشيهات بوردية الواحد لازم يجي شايله في جيبو معاهو .. عشان يكتبو ليهو مناضل ..؟

الكل شرفاء

ما شفت غير دى من كل المداخله ؟

المداخله دون اختزالها فيما اوردت تدعو للتعايش والتسامح والبعد عن الاقصاء

فما رايك فى هذه الدعوة لاعلاء هذه القيم ؟

Quote: الكل شرفاء ما شفت غير دى من كل المداخله ؟

والله للاسف الشديد ما شفت غيره .. دا كبعا بعدما رجعت لي مداخلاتك بعد كتابتي للرد .. اها لقيت شرفاء دي ذاته هينة ..

Quote: المداخله دون اختزالها فيما اوردت تدعو للتعايش والتسامح والبعد عن الاقصاء فما رايك فى هذه الدعوة لاعلاء هذه القيم ؟

.. والله الشي البعرفو .. إعلاء القيم .. والتعايش .. ما ليها علاقة بالشرفاء وغير الشرفاء .. لانو الاكليشي بتاع الشرفاء دا .. معروف البقولو منو هنا في البورد دا .. والماسك خطو منو وبيصنف بيهو منو من منو ..

Quote: يلا هب ودب دا حا تحددها اللائحه كيف؟

بسيطة جدا...
صبري هبّ و عبد الصمد دبّ

Quote: اها لقيت شرفاء دي ذاته هينة ..

اها وشن لقيت ؟؟

دعوة للتصالح الاجتماعى والانسانى يعيدآ عن خلافات السياسه ارجو ان لا تحيلها الى غير ذلك

دونما سبب

Quote: اها وشن لقيت ؟؟ دعوة للتصالح الاجتماعى والانسانى يعيدآ عن خلافات السياسه ارجو ان لا تحيلها الى غير ذلك دونما سبب

أنا لا أحيل دون سبب يا طلحـة .. اختلافي معاك كان في المعول بتاع النضال الجيت خاشي بيهو دا .. زي ما اختلفت في غيرك .. كلمة شرفاء دي لما تتلقى في حتة بالنسبة لي .. لو الكيبورد حقك دا دخلتو في عسل نحل وكتبت بيهو .. ما بتقنعني بي مداخلتك .. لانو لحظة ما دخلت مفردة شرفاء معناته تم التصميف النضالي على مقياس منبر سودانيزاونلاين .. ودا الشئ المرفوض ..
يعني بي صورة أوضح ..
العايز يعمل فيها مناضل وعندو بعد سياسي .. ياخ بس يبعد للناس البهمها في المقام الأول التعامل مع الناس بي شكل انساني أخوى بدون اي اضافات أخري ..

Quote: إنت عايز تجيب لينا اللوم كبورداب رياض

انا غايتو كـ (بورداب خرطوم) بشوف انو ننقل اللمات كلها الرياض ,
ونقطع تذاكر سفر على حساب (زميل البورض) ونمشي نعمل اللمه في (الفخــار) .. قش سـااااي


----------
لو سمحتو يا زملاء انضبطتو .. البوست دا دايرنو يمشي موضوعي ياخ !

Quote: قش سـااااي

أخير الواحد يكون ضهروا مكشوف!!


غايتو خضر دا لو ما جاتو ملاريا
من البوست دا تعالوا أسألوني!!

Quote: يا شول شايفك بقيت ملكي أكتر من الملك . ألهم أجعله خير .آمين منو الكتب قاشمة شرقاء انت بتقرأ بعيونك ولا بقلبك أنا كتبت آخرين . هل آخرين معناها شرفاء . ما قلت ليك انت بتقرأ بقلبك ما بعيونك وكتبت إنه تسيدت الآن النشاط البوردابي عناصر موالية للنطام بصورة أو أخري .. تعرف يعني شنو بصورة أو أخري , وتسيدت النشاط يعني غلبت علي تسيير الأمور وليس معناها كل البورداب أو الحضور . ما قلت كيزان ولا قلت خيانة . ما قلت ليك انت بتقرا بقلبك . وكتبت إنه صبري كلامه كان موجه أساسا ضد عبدالرحيم وليس ضد الحضور. ما قلت ليك انت بتقرا بقلبك.

طيب يا طويل العمر ممكن تدينا قائمة الملوك وقائمة المملوكين الفاكينها في روحهم ودايرين يبقو ملكيين اكتر من الملوك!
طبعاً ده طلب بس لانو طويل العمر ما ممكن يأخد أوامر من واحد فارة زي كده




المرة الجاية ممكن تجيب معاك فهامات وبالذات لما تقول كلام ممكن بشكل من الاشكال اكون طرف فيها ... أوكي؟

ياجماعة صورى..









_______

ياجماعة والله صبرى الشريف ده كان أديتوه شوية مساحة أفضل..شنو بس من مداخلة تيفك تيفك بوستات رد..صبرى دا زول جميل وعندو ضحكة حفية وممتلئة بالمودة فتقلوا شوية أنتو قايلين المراجعة والأعتذار حاجة صعبة..

وبعدين تمبس وودالصائم ديل مالهم ومالنا انشاء الله بكره يجيهم (لوترى) ونشوفهم فى (بل..سن ..فانية) ماقاعد أعرف أنطقها كويس ..ورادمننا ليك نضال.. وتباً لهم..والويل لهم..

ابوساندرا....يعنى أنا ماعاجبك ههههههه محمر لينا كدا

داليا..صورى ياخ

Quote: داليا..صورى ياخ

عايني ما تجيبي ا صور للزول دا .. خلي صبري الشريف يجيب ليهو صورو

غايتو كشفنا حال اخونا صبري ساي
كدي تعالوا شوفوا اخوكم الرفاعي حجر قال شنو قبل سنوات ضوئية:

Quote: يابورداب السودان أعزلوا امنجية النظام بالمنبر فهم جزء من المعركةفأبناء السفلة كالحرباء متلونون لكنا نعرفهم بسيماءهم الخصية أخصياء النظام من باعوا اهليهم وشرفهم وقضيتهم وركنوا للسحت والحرام قاطعوهم ولا تفسدوا مسيرة النصر ولا تستجيبوا لهم فيصرفوكم عن الزحف المقدس ...........وثورة حتى النصر

أخصياء النظام يولولوا بالمنبر لصرفكم ويتبسموا زيفآ...

Quote: ياجماعة صورى..

صورك شنو احمدالله الماظهرت ياخ

ازيك ياحاتم

ما صاح منك الكلام دا يا صبري الشريف ..

نحن في بورداب الخرطوم ما بنصنف الناس عشان نحتفل بيهم ..


الاخوة والعلاقات الانسانية هي الاساس ..



التحية لعبد الرحيم منصور (الودود) ..

Quote: أخير الواحد يكون ضهروا مكشوف!! غايتو خضر دا لو ما جاتو ملاريا من البوست دا تعالوا أسألوني!!

.. ح يحردو ليكم .. لانو حسع البوست دا زاتو مكشوف

Quote: ح يحردو ليكم .. لانو حسع البوست دا زاتو مكشوف

هي إيه قصة الكشف الدايرة في البورض اليومين دول!
الواحد ضهرو مكشوف
والبوست مكشوف
والأمنجية دورهم مكشوف!

الكشف دا القاعد يشيلوا منو؟

يا امنجية انتو عندكم خيار وفقوس بين الناس ..

ليه ما وديتو هارون دياب قندهار عشان ياكل تبش ؟؟
















بالشطة ...

بالمناسبة يا جماعة .. الفراكشن دا شنو؟
وهل ليهو علاقة بحت الدقيق العاملو تبلديكم دا؟

الحاجات لازم تكون مكشوفة ياودالصايم

Quote: انا غايتو كـ (بورداب خرطوم) بشوف انو ننقل اللمات كلها الرياض , ونقطع تذاكر سفر على حساب (زميل البورض) ونمشي نعمل اللمه في (الفخــار) .. قش سـااااي ---------- لو سمحتو يا زملاء انضبطتو .. البوست دا دايرنو يمشي موضوعي ياخ !

.. والله فكرة جيدة .. من عدة زوايا ..
الزاوية الأولى .. تكونو ضمنتو إنو صبري الشريف ما بجي بلد الاسلام دي وبالتالي .. ما ح يلقى ليهو فرصة يرشكم في بوست الصبحية حقت اللمـة ..
الزاوية التانية .. مسالة تذاكر السفر ويبدو أنه سجــم خشمك كان اتأجرت ليك شقة بالطريقة دي .. عليك الله عاين زي دي .. دا النوع زاتو البقولو ليك مرتو اكلت قروشو ..
الحاجة المهمة .. إنو عزومة الفخار بتكون ما مكلفة شديد .. تمشي سوق عتيقة تجيب ليك كرتونة بتاعت جزر على كرتونة بتاع خس .. على كرتونة جرجير .. وشوية توم .. وزيت حبة البركة .. لانو كويسة مع السلطة .. وبتودر النفاخ

دلوش ألف ألف مبروكـ .. تم رشّكـ بنجاح!
خصوصا في الزاوية التانية من الموضوع!

Quote: كان برنامجك مخستك .. استلم لي محمد البشرى .. وأميرة الشيخ .. وود الصايم .. عليك الله رشهم في (مذكرة) واحدة لانو بيني وبينك أنا ذاتو الأيامات دي عايز أعمل انفصال .. ومن غير اي استفتاء .. والتلاتة ديل بي صراحة ما نافعين معاي .. في الحتة بتاعت التعايش السلمي دي

تحديد معايير الرش ياعمك,,,اولا


البوست شامة فيهو ريحة معايير تسير,,

Quote: لقد سبق ان واجهنا انتقاد مشابه بان بورداب الخرطوم مقضها حفلات ولمات وونسه وكلام فارغ .. الخ وحقيقة لست خبير فى الارشيف ولا جلب اللينكات .. ولا اتكتب فى جريدة الخرطوم .. حتى اثبت صحة كلامى

اختك الوكت داك كانت بورداب الخرطوم على ما اظن واذكر ذات مرة زميل البورد دا شال وش القباحة نيابة عنى,,,,

اها مابقدر اتم الباقى ياتبلدينا لاسباب امنية وكدا..

Quote: والله يا أميرة ما طالباني حليفة .. شفت المداخلة لمن اضنيني صنن عديل كدا .. وعرفت انو من وراها قصد .. وعرفت طوالي ح تجر من وراها شنـو.. وطبعا دي الحركات البعملوها الناس الما عندهم اي علاقة بي معرفة الناس .. يعني زي عبد الصمد دا مثلا

والله ياتمبس انازاتى المداخلة دى وجعت قلبى لانو الانسانى دا بلمنى مع اى زول بغض النظر عن انتمائه السياسي...الدينى...العرقى,,,الفكرى
وبقربنى من الناس انسايتهم ومحبتهم واحتراهم للناس,,
لكن كلام صبرى الشريف وعبدالصمد دا ماعنده علاقة باى شئ اتخيل مجرد كلام وبس,,ا
و المفترض يقفلو روحهم فى حتة ويعلنو موقف من التواصل مع الناس اذا كانو جادين فى قضية نضالهم دى,,

Quote: بالله فى ذمتك الكلام الفوق بتاع المذكورين اياهم ما بكتلك مغص ويخليك مش تشوت بنمرة سبعة كمان معاها ترس طين وترس رمله ..

ياتبلدينا...

والله العظيم زعلنى وخلعنى لانو انا ذاتى كنت بورداب الخرطوم لحدوووت وقت قريب
وهنا عندى نفس النشاط الاجتماعى وبستقبل الناس وبشارك فى اللمات يوم مافكرت الزول دا هو شنو ولا انتمائه السياسي شنو,,,...
ولابهمنى اصلا..
حتى اسال هجو الاقرع ومعتزالقريش(مالاقية وش اخدر)

اها ياصبرى حتعتذر ولاعندك راى تانى,,,,???
___________________________________
الواحد يجى بس يلبد لحدوووت مايخلص اجازة

ولابهمنى اصلا..
حتى اسال هجو الاقرع ومعتزالقريش(مالاقية وش اخدر)

الابنة اميرة الشيخ اشهد بانك بنت جدعه و بتعرفى الواجب ، و بتصلى الناس كمان فى بيوتها حتى دخان ، عليك الله ما تنسى فى العيد الجاى روضه الحاج جاية تجيبها و تجى معاك .

الاخوة والاخوات بالداخل او سودانيي\ات الداخل او ( بورداب الخرطوم )

ان تحسس الاخوة وفهمو غير ما اقصده فاعتذر لمن اصابه سوء فهم

ما قصدته هو ذلك الانتهازي بوق السفارة بالسودان وان كان لي راي في ما يفعله الاخوة والاخوات بالداخل لما حضرت اليهم \اليهن
في حفلة راس السنة وباركنا وفرحنا مع انعام حيموره وقابلت الكثير وهنا ما كتبته تحديدا في بوست ذلك الانتهازي وبيني وبينه ما صنعه الحداد



علي العموم هنا اعتذر ان كان قد فهم اي من الحديث موجه له فهذا ما لم اقصده

وحقيقه انني افضح في عملاء النظام الذين اعرفهم\ن ومن لا اعرفه لا استطيع الحديث عنه


فالعذر للجميع

Quote: لعايز يعمل فيها مناضل وعندو بعد سياسي .. ياخ بس يبعد للناس البهمها في المقام الأول التعامل مع الناس بي شكل انساني أخوى بدون اي اضافات أخري ..

لا انا مناضل ولا اود ذلك اما البعد السياسى فكل شيئ وكل موقف له بعد سياسى واتا لم اتساءل عن بعدك السياسى

وانا طرحت ان مداخلتى دعوه لاعلاء قيم نبيله فلماذا تترك الخير الذى بها وتبحث عن الشر ؟؟

مكرر

Quote: لا انا مناضل ولا اود ذلك اما البعد السياسى فكل شيئ وكل موقف له بعد سياسى واتا لم اتساءل عن بعدك السياسى وانا طرحت ان مداخلتى دعوه لاعلاء قيم نبيله فلماذا تترك الخير الذى بها وتبحث عن الشر ؟؟

والله لكن انا غلطان .. في طرحك الجاي .. ح ابحث في مداخلتك العميقة في الخير واترك ليك الشر .. اتفقنـا .. يا شرفــاء ..؟

تباً لك ياصبرى ... مسخت علينا البوست .!

Quote: ما قصدته هو ذلك الانتهازي بوق السفارة بالسودان وان كان لي راي في ما يفعله الاخوة والاخوات بالداخل لما حضرت اليهم \اليهن في حفلة راس السنة وباركنا وفرحنا مع انعام حيموره وقابلت الكثير وهنا ما كتبته تحديدا في بوست ذلك الانتهازي وبيني وبينه ما صنعه الحداد

وهل هذا اعتذار في نظرك ؟
وهب انه بوقا للنظام هل كونه يحتفي مع الاخوة من بورداب الداخل يستدعي الهجوم عليه؟
وهل تعتقد انك ليس بوقا للنظام ؟
بل انت اسوا منه بوقا, الم تكن مشاركا فعالا في حملة عرمان التي تمت بها المباركة لفوز البشير بانسحابه ؟
يا صبري المفروض اعتذارك يكون دخولك هذا البوست بكتابة من الاصل لا داعي لها وليس هذا مكانها
ولم يفتح هذا البوست لتصفية حساباتك الشخصية من الضيف علي بورداب الخرطوم
الملاحظ في الامر ان الغيرة تأكلتك حتي العظم وانت تري الكرام بورداب الخرطوم يحتفون بعبد الرحيم مثلما تم الاحتفاء بك
هل تعتقد انك الوحيد الذي يشكل بحضوره حدثا ضخما يجب الاقتصار علي الاحتفاء به ومنعه عن الاخرين ؟
وهل تعتقد انك الوحيد المبرأ من الشبهات وهي حق حصريا عليك تمنحه للاخرين متي ما تراي لك هذا ؟
بل ان الاخ عبد الرحيم وبورداب الخرطوم جميهعم لهم الحق باعتذارك هنا حينما اقحمت امورا لا علاقة لها بما حدث من احتفائية يقدرونها وحدهم ويقدر اي شخص المشاركة فيها منه عدمه

Quote: اخي تبلدينا قبل ان تعلن معارضتك صبري ده زول علي نياته زي ما يقول اخواننا المصريين ويكفيه فخرا انه ظل في حملة عرمان من ندوة لمحاضرة لرحلة حتي تفاجا مع الجميع بانسحاب عرمان يعني زول ما بقرا الواقع جيدا زي زي ناس كتيرين وكمان زول ما بزعل وبارد لمن كره التلج زاتوووو .. اها يا تبلدينا ابواق النظام والامنجية ديل قعد معاهم واتونس وناقشهم وعمرهم لا اساءوا ليه ولا لاي زول ... وبورداب الخرطوم ديل ربنا يحفظهم عندما يرحبوا باخوانهم واخواتهم فانهم يكونون سعداء بهذه اللمة والتي يعلم صبري قبل غيره انها خاصة بالاجتماعيات ولا علاقة لها بساس يسوس ...وكلامه في حق بورداب الخرطوم ظلم العارف بالناس كنت اتمني منه الا يقع لهذا المستوي ..

شيخ العوض

امير امراء بورداب الخرطوم

تحياتي وسعدت بلقياك الفاضله والله يديم المعرفة


احد لك هنا الحديث انني لم اقصد بورداب الخرطوم ولم ادخل لاي بوست احتفلوا فيه باي من الزوار رجال او نساء

ودونكم البوستات المفتوحه استقبالا او وداعا

ما قصدته تحديدا ذلك الارزقي بوق النظام عبد الرحيم منصور يتابط كاميرته التي تتجاوز عن تصوير القتل او الاهانة او الاساءة لشعبنا


فيا سيدي العوض والله الحديث لا من قريب او بعيد يخص بورداب اي جهة

وانا حضرت وشاركت وقابلت اناس سعدت بمعرفتهم\ن

الاخ صبري الشريف شاكر لك ردك هذا وما بيننا اكبر من كلمات تقال بلا قصد او انتباه ..
سعيد بلقياك ومعرفتك عن قرب وسعيد بان سمعت منك هذا الحديث والاعتذار الذي ارضانا رغم انه لم يكمل رضانا بتحميلك علي زميل وعضو
بالمنبر ووصفه بان بينك وبينه ما صنع الحداد ..

الاخ خضر حسين

تحية واجلال

سوف اذهب متمتعا لمشاهدة مباراة اسبانيا وهولندا وانا مبسوط لان كاس العالم دخلته دول لاول مرة غير المعتاد عليها

لذا استاذن الجميع واعتذر لمن لم استطع الرد له لها من الزوار

والي ان اعود لك التحية

والله يا المسلمي انا ما قبلت منك الموقف دا ابدا , وما بشبهك , كونك تنتصر لبورداب الخرطوم وتغفل جانب ضيوف بورداب الخرطوم , كونه الاخ صبري يعتدي علي ضيفكم يعتبر اعتدي عليكم يا شيخ العرب , الواحد الان اتحسس جدا انه يجي يلاقي بورداب الخرطوم يقوم واحد مهووس موتور زي صبري دا ويتعدي علينا وانحنا في معيتكم ويسمعنا فارغة ونلقاك بتلقي ليهو المبررات زي ما لقيت لي الموتور صبري مبررات مثل التي يحتفي بها صبري (((اخي تبلدينا قبل ان تعلن معارضتك صبري ده زول علي نياته زي ما يقول اخوانا المصريين)))
اعرفك شهما كريما اخو اخوان وزول حارة والاخ عبد الرحيم ظلم وتم التعدي عليه وهو في ضيافتك ووجدت العذر يا مسلمي للمتعدي وهو موقفا لا احب ان اراك تقفه

Quote: والاعتذار الذي ارضانا رغم انه لم يكمل رضانا بتحميلك علي زميل وعضو بالمنبر ووصفه بان بينك وبينه ما صنع الحداد ..

ده ردي علي اعتذار صبري الشريف ,, ونحن يا صاحب نقبل الاهانة في نفسنا لكن بنحارب لو اهين ضيفنا ,,
ويا اساسي صبري قال كلام خطير ولم نقبله ولن نقبله في حق اي عضو ضيف علينا او كاتب معنا هنا سيان ...
اتمني ان الا اكون قد خيبت ظنك فينا ,,

والله يا صبري حيرتنا ..

انت بتعتذر لي منو وعلى شنو ؟
صبري .. انت قلتا : البوق في ضيافه النظام المستبد .. صـح ؟
طيب من باب اولى تعتذر لينا كووولنا .. باسم بورداب الخرطوم .. ولي انا داليا شخصيا .. لانو الحفل النبذتو دا انا اللي نظمتو,
وتعتذر لي طارق الامين .. ممثلا في بيت الفنون .. لانو دا المكان اللي استضافنا واستضاف الضيوف ديل ..
الحاجه التانيه .. تعتذر لي اخوانك اللي اتهمتهم انهم يركضون الى (احضان) ( النظام المستبد) دا..

انا شخصيا داليا .. بعد كلام الريس العوض المسلمي .. ما عندي ولا كلمه .. ولا بقدر اقول اي شي ..
لانو كلمتو بتمشي علي زي السيف .. ,ومادام هو قبل الاعتذار .. انا قبلتو وعلى عيني وراسي ..

انا ما دايره اعتذار يا صبري , وعفيتو ليك ,
بس اعتذر لي اخوانك الذين طالهم رشاش مداخلتك من المعارضين وممن ليس لهم لون سياسي اصلا
واعتذر لي طارق الامين الراجل الملك .. اللي استضافنا بدون ما يتذمر دا ..

داليا يا نحلة بورداب الخرطوم وتاج راسهم ,,اختي او ابنتي مافارق عزيزتي الغالية انا منكم ولا اقبل الا بما تقبلونه انتم جميعا بورداب الخرطوم
واذا انا غلطت او قبلت شئ وراي غيري فيه تنازل او عدم توفيق فانني اقف معكم في الخندق ذاته ولا اقبل اذا رائيتم الا بالاعتذار للضيوف اولا
ومن بعد ذلك لصاحب الدار واخيرا لبورداب الخرطوم ,, وان لم يحصل ذلك سافتح بوست نعلن فيه هذا الامر ,,
وتصور كيف يكون الحال لو ما كنت من ناس ديل واهل الشهامة والكرم ناس بورداب العالم ديل ما اهلي ..

Quote: ولا اقبل اذا رائيتم الا بالاعتذار للضيوف اولا ومن بعد ذلك لصاحب الدار واخيرا لبورداب الخرطوم

يسلم فمك يا ريس ,
الاعتذار يجب ان يكون للناس اللي ما كانو بيجوا عشان الكلام الزي كلام صبري وعبدالصمد دا,
نحن نرفض ان نصنف او يصنف ضيوفنا على حسب انتمائاتهم السياسيه ..
نحن نحترم الجميع ياريس , ونرفض ان يهان اي ضيف (بورادب خارج او داخل) في بوست اجتماعي خاص بالمناسبات ..
ونرفض ايضا ان يتناول بكلامه صاحب الدار .. بيت الفنون .. والتي احتضنت هذه المناسبه ..

ياريس والله انت على العين والراس .. وانا لا اعصي لك امرا .. وانت امرت بان اتوقف عن الكتابه هنا فساتوقف راضيه ,
بس ارجوك .. صبري يعتذر لزملائه .. الضيوف من بورداب الداخل , والضيوف من بورداب الخارج ايضا ..
ويعتذر لي بيت الفنون .. ممثلا في طارق الامين .. الاستاذ الفاضل..
وان كان له اختلاف (سياسي) مع احدهم فليناقشه بعيدا عن بوستات المناسبات الاجتماعيه خاصتنا ..

كما ننتظر الاعتذار من الزميل عبدالصمد ايضا .. عن مداخلته التصنيفيه بحقنا !

---------------
بعدين ابنتك دي شنو ياخ ؟ انت قايل روحك قدر (امي) ؟
مع الاعتذار لي وهبه وكدا ..

Quote: داليا يا نحلة بورداب الخرطوم وتاج راسهم ,,اختي او ابنتي مافارق عزيزتي الغالية انا منكم ولا اقبل الا بما تقبلونه انتم جميعا بورداب الخرطوم واذا انا غلطت او قبلت شئ وراي غيري فيه تنازل او عدم توفيق فانني اقف معكم في الخندق ذاته ولا اقبل اذا رائيتم الا بالاعتذار للضيوف اولا ومن بعد ذلك لصاحب الدار واخيرا لبورداب الخرطوم ,, وان لم يحصل ذلك سافتح بوست نعلن فيه هذا الامر ,, وتصور كيف يكون الحال لو ما كنت من ناس ديل واهل الشهامة والكرم ناس بورداب العالم ديل ما اهلي ..

العوض المسلمي
ازيك ياخي

أنا طبعاً لسع ما وصلت الصفحة التانية دي لكن قريت ردك الأخير ده وقلنا نلحقك ـ ياعوض البوست ده أنا أساساً ما فتحتوا عشان يتحول لمحرقة لأخونا صبري كما قال أحد الإخوة الكرام ومافتحتوا عشان الموضوع ده بخصني أنا خضر ده بس ـ لا يا العوض أنا فتحتوا لمناقشة ظاهرة كان من الإخوة في المعارضة ولا من الإخوة في الحكومة ـ القضية اصلاً ما قضية اعتذار صبري الشريف وبالمناسبة أنا إعتذار صبري الفوق ده زاتوا عندي فوقوا رأي ـ وصبري زاتوا القال ليكم إعتذر منو من أساسوا ؟
اتصلحوا معانا شوية ووسع مراقدكم ـ أنا لسع مغرود في صبري ده وعايز اناضموا في كلاموا القالو ده وقال اعتذر عنوا ـ صبري البعرفوا لا تنقصه الدراية وهو رجل كامل الأهلية وأعرف عنه أنه حريص كل الحرص علي ادارة أي حوار يفضي في خواتيمه لنتائج .
وكدي ننتظر صبري ونشوف كلاموا بعد الكورة .


ــــــــ

اعتذر للناس الماردينا ليهم لي هسي الصفحة دي جيناها لوتري وراجعين للصفحة الاولي .

Quote: تحديد معايير الرش ياعمك,,,اولا البوست شامة فيهو ريحة معايير تسير,,

.. المعايير مفتوحـة ياعمتو ..
بي صورة أوضح:
لو مفكرة تجي الخرطوم .. تجيبي معاك ساندوتشاتك من دوحتك .. ما اشوفك بتتضهبي في حليوة .. ما اشوفك في بيت الفنون .. ما اشوفك في الكرين .. لو شفتك مع اي (زول/ة) من بورداب الخرطوم .. سيتم تسليمك لي مكتب حصر وتسجيل الأجانب ..

أبونا ساندرا
ازيك ياخ

Quote: غايتو الناس المؤشرين بالأحمر ديل انا مشتاق ليهم عديل وأفتقد وجودهم الجميل وآرائهم الصائبة هنا

والله لو للشوق ترانا كلنا مشتاقين لكن يا صديقي ماقلت لينا رأيك في الجغمسة الحاصلة دي ؟

Quote: جناح النظـام المستبـد .. فرع الموالين للنظام وكدا.. بالله يا عبدالصمد اميره دي اكتبها في اللسته الجاي .. واكتبني معاها .. لانو نحن صحبات ورفيقات وكدا

دلوووووووش يارفيغة

اسى تروحى لى نضالى دا سااااااااى شمار فى مرقة ؟؟؟
غايتو كان انا جناح النظام خضر حسين بالبوست العملو دا يبقى قلب النظام المستبد
زااااااااااااااااتو وبكرة بطلع موالى وعميل وبتاع امن ....
كلام ماجايب حقو ياصديغة ومابقلل من مجهود الناس ولا باثر
فى زول شان ياخد موقف ولا يقرر مايجى لمات ...

يعنى اسى الزول يعمل لستة للقاء الناس منفصلة ولا كيف ؟

مزعلنى زعل تبلدينا وشول اشوانق
اعتذارى بنفع ياشباب ؟؟

Quote: الابنة اميرة الشيخ اشهد بانك بنت جدعه و بتعرفى الواجب ، و بتصلى الناس كمان فى بيوتها حتى دخان ، عليك الله ما تنسى فى العيد الجاى روضه الحاج جاية تجيبها و تجى معاك .

اسى سويتنى ابنة ياهجو ..
يعنى اناديك ياعمو هجو ولاكيف ؟

غايتو نحن هنا بناكل مع الكيزان والامنجية فى صحن واحد والعجب فى رمضان
والزيارات متبادلة ...
ياهجو عليك الله روضة الحاج دى شوف اخوات نسيبة يستقبلوها .انا مابقدر لكن كان لاقيتها
بسلم عليها وبطايبها كسودانية

اسى بكرة يقولو اميرة قابلت روضة الحاج وودتها بيتهم وعزمتها ويجيبو صورة مدبلجة
بس على اساس كلامك دا ..

تحياتى ياهجو واحترامى

..
.

أها يا بورداب الخرطوم رأيكم شنو فى اللينك دا ؟؟
والتعليق والدعم دا ..
تعليقاً على لمة البورداب الأخيرة...هل آن أوان تغيير شكل اللمة؟

-----------------

تانى عشان تبطلوا الفارغة وتشوفوا ليكم شغل فيهو فايدة
ان شاء الله لو تكنسوا الشةوارع ما بطال زيكم وزى ناس هوندا وتايوتا

او كما ذكر ..

دي عملية تعملها فيني يا صبري
ياخي انا قربت اجي
هسي بعد كلام تبلدينا دة انا امشي اهجج وين
ولا امشي لي منو ذاته

يا بت الشيخ الغي الاجازة وانا ذاتي حا الغيها



مقطوع الطاري كيفنك*










* دة خضر

الأخ خضر والأخوة والأخوات بورداب الخرطوم وكل المتتداخلين/ات

سلامات

كتب الأخ عبدالصمد عله مدافعاً عن الأخ صبرى قائلاً

Quote: يا خضر أولا كان واضح جداً أن الأخ صبري يوجه مداخلته حول صاحب البوست عبدالرحيم ودوره في إمريكا وفي نيويورك في الإلتصاق بالنظام وتمييع أي دور نضالي لمن كان وجودهم في معظمهم في الإغتراب بسبب النظام وسياساته

وحقيقةً كل الهجوم الذى أورده الأخ صبرى ضد الأخ عبدالرحيم وضد بورداب الخرطوم مبنى على باطل وافتراء وكذب فاضح ويبدو أن الأخ صبرى قد بنى كل مقدماته وهجومة الغير لائق ضد الأخ عبدالرحيم وهو

يستند على بضع صور وسماع من الآخرين الذين دوماً ما يسعون فى وصم الأخ الكريم عبدالرحيم بما لا يليق وشخصه الفذ. وللحقيقة فأن الأخ صبرى لا يعرف الكثير عن نشاط الرابطة السودانية الأمريكية

بنيويورك وهو ليس بعضو فيها ولم أحظى بمقابلته فى عمل قامت به الرابطة طوال العامين السابقين. واذا لم يجانبنى الصواب فأن الأخ صبرى يسكن فى ولاية نيوجرسى وقليلاً ما يشارك الاخوة بنيويورك

فى أى مناسبة . وأنا بحسب موقعى فى الرابطة السودانية الأمريكية قد تعرفت على الأخ عبدالرحيم المنصور عن قرب ولم أرى فيه هذه الاوصاف الزائفة التى يحاول الأخ صبرى أن يصبغه بها

ولا ادرى ماذا يعنى الأخ عبدالصمد بأن عبدالرحيم المنصور له دور فى الالتصاق بالنظام وكيف يعمل على تمييع أى دور نضالى لمن كان وجودهم بالاغتراب بسبب النظام. وكيف واين يقوم الأخ المنصور بهذا

الدور المزعوم. ومعرفتى بالأخ المنصور تؤكد لى بأنه لن يأتى لهذا البوست أو أى بوست آخر للرد على افتراءات أو أكاذيب أو الدخول فى مهاترات ونتابذ بالالغاب. فقد فتحت عليه النيران جزافاً أكثر من مرة

على صفحات هذا المنبر ولم يعيرها أى اهتمام. ولو أن الأخ صبرى يملك من المصداقية ما يدعى فليأتى لنا بما يؤكد بأن المنصور بوق من أبواق النظام ويعمل على تمييع دور المناضلين فى نيويورك. وأنا فى

انتظار أن اسمع من هم هؤلاء المناضلين الوطنيين فى نيويورك وكيف يناطحون النظام حتى يقوم المنصور بتمييع أدوارهم. ( غايتو جنس أوهام عمرنا ما سمعنا زيها) . يبدو أن الأخ صبرى فقط يحكم على

المنصور من خلال بعض الصور التى قد لا تروق له حسب هواه السياسى ولذلك يصب جام غضبه على المنصور دون معرفة حقيقية بالرجل. ووصف المنصور بالارزقى فعلاً يؤكد بأن الأخ صبرى

لا يعرف حتى القليل عن المنصور ( علها المعارضة العمياء والتى لا تبحث الا عن كل ما يقلل من شأن الآخرين ووصمهم بمالا يليق بهم وخاصة عندما لا يوافقونها فيما ترى)

Quote: اى زول شايفنوا نحن - الامنجية وناس النظام حسب رؤيتنا_ انه زول عميل يمارس نشاط ضد البلد والوطن ويدعم اوكامبو .. يطالب بدخول امريكا للسودان .. وينادى بسيطرة اسرائيل على جنوب السودان .. ويقف ضد افغانستان والعراق وغزة .. ويسئ لشول واحبائنا كامنجية من بورداب نيويورك وفرجينيا .. دا بخش فى قائمة هب ودب ..

لكن يا تبلدينا على الرقم من تأييد المعايير أعلاها لكن والله زعلتنا عديل كده ونحن نمنى النفس بأن نرجع السودان ونشوف كل الوجوه الطيبة دى اللى اصبحت جزء من حياتنا

غايتو الله يطمنك يا دكتورة داليا أمسكى أخوك ده شوية مزود العيار حبتين

المسلمى تحياتى

ورسالة للأستاذ أنور التكينة (عليك الله يا أنور أعملوا لينا انت وعبدالرحيم بوست بالصور عن الخرطوم وما تم فيها من عمران عشان الواحد تشيلو الهاشمية يقوم يخم العيال ويجى متلب)

المسلمى وبقية العقد الفريد ليكم ألف تحية

..
.

Quote: لكن يا تبلدينا على الرقم من تأييد المعايير أعلاها لكن والله زعلتنا عديل كده ونحن نمنى النفس بأن نرجع السودان ونشوف كل الوجوه الطيبة دى اللى اصبحت جزء من حياتنا غايتو الله يطمنك يا دكتورة داليا أمسكى أخوك ده شوية مزود العيار حبتين

معليش يا حسن حماد لكن بورداب الخارج ديل بقى عندهم شبه اجماع
باننا بنضيع زمنا فى الفارغة .. وما عندنا شغل بس قاعدين تجاههم

-------------

الخير يخص والشر يعم .. اتحملونا
عسي ان تكرهوا شيئا وهو خير لكم
وبكره مساهماتنا احتمال تكون احسن ونتطور ونكنس الشوارع بابرول خاص
مكتوب عليهو سودانيز اون لاين ..

أنا مع أساسي ..!!!

وتبلدينا !!!

Quote: بورداب الخارج ديل بقى عندهم شبه اجماع باننا بنضيع زمنا فى الفارغة .. وما عندنا شغل بس قاعدين تجاههم

وما أظن في داعي نجيب كوت لي أساسي ..!!

لانو أظن فكرتو وضحت تماما يا شباب ..!!


ولا شنو ؟!!!!

..
.
غايتو اللمه الاخيرة مرت بسلام
واخرجت مافى جوفها وبانت تداعيات حديث صبرى

انا شخصيا .. صالح تبلدينا لو تانى قريت فى المنبر دا بوست
بقول رحبوا معانا يا بورداب الخرطوم * ببورداب الخارج ولا يلاكم قندهار عشان خاطر وووصول فلان للسودان ..
غايتو صاحب/ة البوست ببلعو من غير مووويه .. وبتخنق بيهو..

يستثنى من الامر ان كانت اللمه فقط لبورداب الداخل .. المتواجدين ككيان
متواصل بالداخل .. فى افراحهم واتراحهم ومناسباتهم فهم على الرأس والخاطر ...


-------------------

* لى هذا الحق بالتعبير بالرفض باى وسيلة بما اننى احد من بورداب الخرطوم
** هذا التصريح ينتفى فقط ان كانت هناكـ منظمة او جمعية
تقيد خطواتى ..

تبلدينا ...

Quote: ** هذا التصريح ينتفى فقط ان كانت هناكـ منظمة او جمعية تقيد خطواتى ..

منظمة شنو وجمعية شنو البتلم أكتر من ألف عضو ما بين ظلامي ومستنير وخاتف لونين ؟؟!!!

والمنظمة في شنو ولي شنو ؟؟؟!!!

Quote: والله يا صبري حيرتنا .. انت بتعتذر لي منو وعلى شنو ؟ صبري .. انت قلتا : البوق في ضيافه النظام المستبد .. صـح ؟ طيب من باب اولى تعتذر لينا كووولنا .. باسم بورداب الخرطوم .. ولي انا داليا شخصيا .. لانو الحفل النبذتو دا انا اللي نظمتو, وتعتذر لي طارق الامين .. ممثلا في بيت الفنون .. لانو دا المكان اللي استضافنا واستضاف الضيوف ديل .. الحاجه التانيه .. تعتذر لي اخوانك اللي اتهمتهم انهم يركضون الى (احضان) ( النظام المستبد) دا.. انا شخصيا داليا .. بعد كلام الريس العوض المسلمي .. ما عندي ولا كلمه .. ولا بقدر اقول اي شي .. لانو كلمتو بتمشي علي زي السيف .. ,ومادام هو قبل الاعتذار .. انا قبلتو وعلى عيني وراسي .. انا ما دايره اعتذار يا صبري , وعفيتو ليك , بس اعتذر لي اخوانك الذين طالهم رشاش مداخلتك من المعارضين وممن ليس لهم لون سياسي اصلا واعتذر لي طارق الامين الراجل الملك .. اللي استضافنا بدون ما يتذمر دا ..

الاخت داليا

تحية طيبة

هنا المقصود النظام المستبد نظام الجبهة الاسلامية الحاكم
وليس النظام المستبد البورداب ولم ادخل في اي دعوة نظمها اهل الداخل لاي ضيف وحتي البوست الذي دخلته فاتحه هذا الانتهازي داعم

نظام الذل والاهانة وكاميرته مصوبه تجاه السفير الارزقي الكبير عبد المحمود


وهنا لم اقول ولم اعتبر ان دعوة هذا الانتهازي من قبلكم صاح او غلط انما افضح في داعمي نظام الذل والاهانة ولكي يعرف القراء والقارئات من هو عبد الرحيم منصور


اوضح لك مرة اخري انني لا تدخل فيمن تقومون بدعوته او دعوتها
وقد حضرت لك وللاخرين وليس بيني وبينك او بين الاخرين عداوة

اتمني ان اكون قد اوضحت لك هنا النظام المستبد الحكومة السمها فاير حكومة الغيهب ونظام التيه

وعبد الرحيم احد ركائز هذه الحيكومة بنيويورك

Quote: وعبد الرحيم احد ركائز هذه الحيكومة بنيويورك

ركائز عديل كده

والله يا صبرى صحيح اللى اختشوا ماتوا ياراجل قول بسم الله وأستقفر

دى حيكومة شنو الركيزتها كاميرة عبدالرحيم دى؟

كان زمان هديتوها وريحتونا وارتحتوا .

ياخى قول كلام غير كده

أنا كنت فعلاً عارفك بتتكلم عن الصور

يا لها من معارضة ضئيلة ضيقة الأفق

ونحن نقول الناس ديل شادننا 21 سنة كيف

تراهو نوع تفكير المعارضة الهزيل الجنس اللعندك ده يا صبرى ياخوى

هسع مقوم نفسك وخام الناس ديل كللللللهم معاك عشان كاميرة عبدالرحيم

أها امهل يالحبيب - أصبر شوية لى قدام وكاميرة عبدالرحيم ماشية عليك

Quote: على الاقل كنا بتاع العجور والشية دا اشترينا بيهو بطاطين ولا شوالين قمح ..

هههههه ..صدقت والله يا تبلدينا

صبري الشريف يا اخوي موقفك ده شين .. كان عندك كلام و نضال رايحيين ليك .. ما مكانم بوست احتفال البورداب .. ممكن كان تفرد ليك بوست خاص و

تكتب العايز تكتبه .. وللا انت بتتلذذ بتخريب البوستات و عكننة الناس ؟الأمر المحزن انه ديل هم ذات الناس الاستقبلوك و احتفوا بيك و لا ما كت

عارف انهم امنجية؟؟ .. نصيحتي ليك ما تخلط الحابل بالنابل و اكتب آرائك في المكان الصحيح و بالطريقة الصحيحة عشان الناس تقدر تحترما ليك

تحياتي لبورداب الخرطوم بمختلف اطيافهم السياسية و الوانهم العرقية و لصاحب البوست

يا جماعـة .. يا ناس الخرطوم ..
بلاي افصلو لينـا تبلدينـا دا .. تبلدينا دا بيجهجه لينا بورداب الخارج ..
كان ما فصلتو تبلدينا انا ما بجي السودان

يا تنقـا ..
عليك الله حسع فرقك شنو من (جوك بيونق) جوك بيونق قال عايز يرحلكم الحبشة .. وإنت عايز ترحل بورداب الخارج الحبشة برضو ..

..
.

Quote: بلاي افصلو لينـا تبلدينـا دا .. تبلدينا دا بيجهجه لينا بورداب الخارج .. كان ما فصلتو تبلدينا انا ما بجي السودان

والله تجى .. وتفطر معانا عند عوضية سمكـ .. واخدك فى امسية على بحردار ..
ومن ثم لاوم كافيه وتشرب قهوة فى باريستا ونغشى نادية استايل تاخد ليك هدية للجماعة..
واسوقك رحلة فى البوووت ( بس ما تقول لى البوووت دا بتاع منو )
ورحلة فى جناين الكدرور ولا مسائية فى مزرعة اللواء .. نختمها بحفلة ممكن تقول قعدة شعرية مع ود المامور
وكن عايز جلسة للاوبن مايك نايت ممكن او ناس سودانيز باند او حتى قعدة .. ممكن مع من تختار من الفنانات والفنانين ..

------------

يا تامبا اخوك ما برحل زوول الحبشة زيز اذ فيرررى كونترى ..
بس عايز اوصل مفهوم ونظرة الاخريين من الخارج
لاحتفالياتنا لهم التى ننشرها يعنى تانى كل شئ ( لا توجد صور )

يا تبلدينا ياخي لمن اجي اتذكر لي الفول الاكلناهو سوا انا وانت واسامة خضر عند مصطفى درش











تليشة:
صبري الشريف الله لا ياكلك شية تاني في قندهار

العزيز خضر تحياتي

حقيقة دة بوست غريب و فيه تناقضات عجيبة

و أحسن تكون البداية بيك باعتبارك سيد البوست مع احترامي الشديد ليك

تحدثت عن عدم خلط العام بالخاص؟؟ خلال هذا البوست و هذا حديث جيد و له تقديرة


لكن انت بديت البوست بالخاص و عاوز تعرج أو تمشي للعام
(يعني صبري لو عايز يتابعك الا يَعرِج)

لانك خلط بين العام و الخاص

و دي ملاحظة أولي

ملاحظة تانية

Quote: البوست ده بالمناسبة أنا عايز أتكلم فيهو براحتي في كثير تصاوير سالبة في هذا المنبر فعفواً ان ابتدرت بك ياصبري .

منطق غلط و معكوس تكلم أولاً عن التصاوير السالبة وجيب صبري مثال ولكن ما تتكلم عن صبري تكون عاوز تتكلم عن شيء تاني
المنطق العلمي انو الناس بتتحدث عن الظاهرة و بتجيب الامثلة انت بديت بالامثلة و عاوز تتحدث عن الظاهرة عشان كدة قُلْت
منطق معكوس

حسن نيتك واضحة من الكلام ال تحته خط و بالاخضر لكن البوست مشي في الخاص أكتر من العام و دي مسئوليتك

احترامي لك و لكل ضيوفك الكِرام و اتمني أن أجد الوقت للمُتابعة و التعليق

لكم الود

Quote: يا جماعـة .. يا ناس الخرطوم .. بلاي افصلو لينـا تبلدينـا دا .. تبلدينا دا بيجهجه لينا بورداب الخارج .. كان ما فصلتو تبلدينا انا ما بجي السودان يا تنقـا .. عليك الله حسع فرقك شنو من (جوك بيونق) جوك بيونق قال عايز يرحلكم الحبشة .. وإنت عايز ترحل بورداب الخارج الحبشة برضو ..

عفيت منــك ياتمبس ,,,

رشو يرشو البلا وماتراعى لحنكو بتاع انا يتيم وشنو وشنو داك,ياخ دا مش جهجهنا دا حردنااااا عديل

الزول دا قبل كدا انا فيس تو فيس قلت ليهو بطل تسرع وحماقة مابتجيك عوجة

باين عليهو طول من البورد وجاى يخلص قديم وجديد...,

والله ياتبلدينا نحن حنجى وحنعمل حفلتنا براانا ونهجج وماحنعزمك
وكدى اشوفك انت ولا ناذر الخليفة تجو متحاومين,,,,

..
.

Quote: عفيت منــك ياتمبس ,,, رشو يرشو البلا وماتراعى لحنكو بتاع انا يتيم وشنو وشنو داك,ياخ دا مش جهجهنا دا حردنااااا عديل الزول دا قبل كدا انا فيس تو فيس قلت ليهو بطل تسرع وحماقة مابتجيك عوجة باين عليهو طول من البورد وجاى يخلص قديم وجديد...,

يا جماعة انا بحرشوا فينى وبرشونى وما جايب خبر ؟؟
انا ما جهجهتكم والله صبرى وامبدة وسناء وآخرون . يرون اننا بتاعين لمه وونسه وحلات وهجيج
بل انظمة مستبدة ومجموعة من العطاله والفارغين ما عندهم والى ولا تالى ..
بلا تفكير ولا مبادئ ولا اهداف .. خلقنا كالاتعام ..
وصراحة ليهم حق لانو الزمن الضيعناهو فى الفارغة والجرى والشلاقة
والله كنا استفدنا منه نوما وعافية وعلماً وعملا خيريا ..

-------------

بالمناسبة اساسا معظم بورداب الخرطوم ناس فقراء لله مساكين مقطعين لا يملكون قوت يومهم
للعمل الطوعى فما بالكم لتنظيم حفلات الهيصة والزمبريطة ..
لذا تانى لمن بتاعين الخارج يجوا فى زياراتهم لهذا البلد الفقير .. لازم يجيبوا معاهم الفنان والساوند والاحتياجات الخيرية
والمكانس والمقاشيش ويدعوننا للحضور للتعاون ونشتغل معاهم باجر محدد القيمة ..
ونطبق نظرية يا ضيفنا ان زرتنا لوجدتنا نحن الضيوف وانت صاحب الدار ..

وقرقر قرقرقرقر

عزيزي الهادي الصاوي
تحية واحترام

Quote: لكن انت بديت البوست بالخاص و عاوز تعرج أو تمشي للعام (يعني صبري لو عايز يتابعك الا يَعرِج)

والله شاكر لك كثيراً وانت بتحاول تأسيس منهج لهذا الحوار
عارف يا الهادي أنا بتفق معاك في حتة محددة جداً في كلامك وأثبت خطئي في تناول المثال قبل الاستفاضة في تناول الظاهرة وتحليلها .
طيب ده فيما يخص المنهج لكن

Quote: لانك خلط بين العام و الخاص

وين الخلط بين العام والخاص ياالهادي ؟ ياخ الكلام الانت بتقولو ده ياهو مأخذي علي صبري الشريف فياريت تنورني يا الهادي الكلام ده كان وين بالضبط ؟ حتي تناولي لصبري كان عبارة عن مدخل لتناول الظاهرة بل استدليت بمداخلة اخري لهباني ومواقف اخري مررت بها سوي هنا ولا في الحياة الطلابية .

Quote: لكن البوست مشي في الخاص أكتر من العام و دي مسئوليتك

طبعاً ده برضوا كلام غريب اخي الهادي ـ أنا ماعارف حقيقة المطلوب مني شنو بالضبط عشان أفرض سيطرتي علي البوست ـ ياخ أنا كتبت في مداخلاتي الاولي الآتي نصه :

Quote: وليس من أجندة البوست علي الاطلاق كشف الأمنجية أو المعارضين أو حتي الاساءة لاي عضو هنا ـ فياريت أي زول عندوا مساهمة في الاتجاه ده يلموا عليهو . عايزين نقاش موضوعي يا اهل الله .

تفتكر يا الهادي الزول ممكن يسوي شنو عشان يمنع الاساءة وحرف مسار البوست أكثر من الطلب أعلاه ـ الاقتباس الفوق ده بالمناسبة بعد مداخلة الاخ بشير وتلميحاته التي رأيت أنها لا تخدم فكرة البوست في شئ ـ حتي الاخ بشير رددت عليه في الجزئية التي اعترضت عليها ـ

ده جانب لكن الجانب الاهم يا الهادي انت رأيك شنو في موضوع البوست نفسوا ؟ بالجد يهمني ان اسمع منك وكن بخير وتقبل احترامي

خضر

Quote: والله لكن انا غلطان .. في طرحك الجاي .. ح ابحث في مداخلتك العميقة في الخير واترك ليك الشر .. اتفقنـا .. يا شرفــاء ..؟

الاخ \ خضر

تحية طيبة


التعليق الاخير انت قاصد به حامد الصاوي ذلك الصديق المقيم بكندا

وليس الهادي



اذا رجعت للبوست الذي علقت انت عليه ليس لبورداب الخرطوم وهو من تدبير الانتهازي بوق النظام عبد الرحيم

وانا قصدت ان اكتب في بوسته مثلما احارب في الوهابية في بوستاتهم من غير تجريح لهم

اعتقد ان كتابتي اتضحت لك انا قاصد هذا الانتهازي لفضحه وكشفه وهذا عملي الذي افعله منذ 85 ضد الجبهة وارزقيتها


وبيني وبينه حديث في بوستاته التي يفتحها حتي انه منع من التصوير عندنا في ولاية نيوجيرسي

وانت كتبت غاضبا وانا لم اكتب عنك او عن من اكل في تجمع بورداب الخرطوم وانا واحد ممن حضر تجمع واريد ان اكتب عنه

وقد تعرفت فيه باناس افاضل واخص هنا اماني الامين نختلف فكريا لكن احترمها واقدرها واقدر من قام بالعمل لتجميع الناس

واقول لك حاجه في العمل السياسي ما يقوم به العوض المسلمي هو برنامج احزاب ونقابات لوحده فهو هنا لو تراس هذه المجموعه بعمله وسعيه في ان يضع اسس لتجمع سوداني


حوار البوست لا يقود لفكرة قد نحصد ثمارها لان يوجد استغلال للبوست لحسابات لا اتضايق منها بحكم حرية التعبير لي ولسواي

لكن هدفنا هو الاساسي فضح ذهنية الجبهة الخربه التي تريد استغلال وجودنا في المنابر التي شيدت باقلام شرفاء وشريفات المنبر بعد ان ضيقت السلطة علي الجميع حرية الكتابة والنشر والتعبير والفكر

يوجد اناس هنا يريدون استغلال المنبر لنشر الافكار الضاله لتاييد هذه السلطة الفاسده


وعبد الرحيم منصور احد وجوه هذه العناصر


والحرب ضد هذا النظام اللعين وضد مناصريه ومناصراته مستمرة



اعتقد لو سمحت لي اريد ان اقود حملة تاييد لوضع البشير تحت اتهامه بالابادة وهو ما كنا نذكره

فلو نجحنا في التوحد خلف الضغط علي الدول والمنظمات والحكومات لكي تساعد في اعتقاله يكون افضل

ولو اردت ان اتواجد معك برضو انت صاحب البوست ولك ما تريد

عموما لك الحب والسلام وتعرف الوهابية بقولو لعضو البوست النصراني يا زميل
وللمسلم حفظه الله يا الاخ ويربطون معه تحية الاسلام الخالدة

هسي انت اخي وزميل ولك التحايا والاحترام

الأخ العزيز صبري الشريف
تحياتي الحارة
وعدتك منذ يومين تقريباً بالعودة للرد علي ماتفضلت به ـ ويادوب ربك رب الخير رفع قدم العودة ياصبري
موضوع البوست ياصبري واضح ومحدد ولايحتاج لكثير تأويل ـ فاهم تماماً انو بعض الناس لديهم حسابات معك
وتجدني رافضاً لذلك ـ أنا شخصياً هنا لمناقشتك في كتابة محددة قمت بكتابتها ـ هذه الكتابة أعتقد أنها اضافة لأنها لم تكن في محلها فهي تفتقد للدقة والموضوعية التي لطالما عرفتك بها ـ كلامك داك شين ياصبري ومخل ـ حقك في الخلاف مع عبدالرحيم لا ينكره لك فرد كان . لكن أن يكون ذلك في بوست إجتماعي بحت هذا هو ما ارفضه ياصبري وهو بالضبط ما دعاني لافتراع هذا البوست عشان نعرف علي الاقل الكلام ده انت قاصد بيهو شنو ومنو ؟


وهذا كل مافي الامر

خضر ( سلام )


بوســت بيناقــش ظاهرة كما قلت ... وكما اعتقــد انــا ..


ضيقــت الظاهرة ( كما فعلت انا من قبل فى بوست اخر ) بالمثال او المدخل كما قلت

فكانت النتيجــة ان اخذ الناس المثال ( المدخل ) وتركو الظاهرة

عشان كدا قلت لك ( ضيقــت واسعا ) كنت اود القول فيـه ...


لكن برضـو فى كل ( العجاجــة دى اقول ..)


* المنبــر اصبح اطار ( سياسي سوداني ) يتمدد فى مساحات اوسع فى دنيا السودانيين .

* كثير من الاعضاء ( منتمين الى احزاب سياسية ) لهم اجندة سياسية يعملون على تحقيقها .

* كثير من الاعضاء ( لا انتماء سياسي لهم ) يتحركون فى مساحات كبيرة من قندهار الى الانسانية كلها .

* الحضورالفاعـل والمؤثر لبعض الشخوص بيثير سؤال عن كيفية توظيف هذا الحضور لصالح السياسي .

* الاقصاء للاخــر من صفات وسمات السياسي فى السودان ( تفكير البعض فى الممارسة داخل هذا الاطار ) .

* صعوبــة خلــع جلباب الالتزام الحزبــى خاصــة وســط ( الناشطين ) بمثاليتهم .

* التواصــل الاجتماعــى يستدعــى التواضــع على قبول الاخر مهما كان الاخــر ( المخالف السياسي /

الدينى / الفكرى / المستوى التعليمى / مستوى الوعــى / ...) .

* لماذا يريد البعض ان يجعل الاطار الاجتماعى هــو ( الحـــى / العائلــة / ..) ويقفــل مساحات

كبيرة فى المجتمـع للتواصــل اجتماعيا او فكريا / ثقافيا او حتى سياسيا ..

* زول لا بتريدو ولا بتحبو ولا يمكن تريدو ولا تحبو ( ولا يمنع كل ذلك من التواصــل مــعــه )فى اكثر

من اطار اجتماعى او حتى سياسي ( نقد جضر معانا المؤتمر العام للمؤتمر الوطنى وخاطب المؤتمر و

قدمــه الرئيس عمر البشير .. وصفقنــا لنقــد على خطابــه الذى يحمل رؤيــة مغايرة لحزبنا تماما

وكمان نافع حضر المؤتمر الخامـس للحزب الشيوعــى ( طردو / فلقو / نبذو / ...) ابدا لم ولن يحدث)

* ........................... ( لســـه ما انتهيت ) ادندن حول الفكرة .







خضر ..

* دى خربشــة قاعده ليــه فى يدي بفكها ليـك .. ولم تكتمــل فكرتــى حول تواصــل البورداب

فى اكثر من اطار ..




ترمــة دا ( كتابة انصاص الليالـى )

الاخ بدرالدين اسحق
تحياتي واحترامي

Quote: المنبــر اصبح اطار ( سياسي سوداني ) يتمدد فى مساحات اوسع فى دنيا السودانيين

أهادي برضها واحدة من الوهمات الفي حوجة ماسة للنقاش
ياتو سودانيين ديل يابدرالدين الانت بتتكلم عنهم ديل
السودانيين البورداب ولا السودانيين الالكترونيين ولا ياتو
سودانيين بالضبط ؟
المنبر ده حدو هنا يابدر وانا علي قناعة بذلك
لأنو الواحد قاعد في الشارع العريض ده ومافي اي
وجود للقصة دي نهائي .

أما دي مافهمتها يابدر

Quote: كثير من الاعضاء ( لا انتماء سياسي لهم ) يتحركون فى مساحات كبيرة من قندهار الى الانسانية كلها .

اما دي اتفق معاك فيها تماماً

Quote: التواصــل الاجتماعــى يستدعــى التواضــع على قبول الاخر مهما كان الاخــر ( المخالف السياسي / الدينى / الفكرى / المستوى التعليمى / مستوى الوعــى / ...) .

بعدين حكاية انو نقد حضر المؤتمر بتاعكم ونافع حضر الخامس اعتقد انو دي عندها علاقة بالعمل
السياسي بشكل عام وبالتالي الواحد ممكن يتخيل فيهو اي حاجة .

مودتي يازول

الأخ خضر سلامات

كتب الأخ صبرى

Quote: وبيني وبينه حديث في بوستاته التي يفتحها حتي انه منع من التصوير عندنا في ولاية نيوجيرسي

الكلام ده وين ومتين يا صبرى ؟

عشان الحكاية ما تكون تلفيق اتهامات على الماشى ورينا دليلك على الكلام ده شنو؟

أى مناسبة فى أى مكان تم ذلك؟

وهل هناك رابطة فى ولاية نيوجرسى ؟

فوق قلتو عبدالرحيم يعمل على تمييع عمل المناضلين فى نيويورك وهو ركيزة من ركائز النظام فى نيويورك

قلنا ليكم كيف قام المنصور بذلك ومن هم هؤلاء المناضلون؟

وهل هناك اصلاً أى نشاط سياسى تقوم به أى جهة لدعم النظام فى نيويورك؟

هل هناك مؤتمر وطنى وله غيرو فى نيويورك؟

لكن يبدو انك بتنجر من راسك ساى وما عندك أى دليل

ياخى لما تتهم أى شخص بالعمالة والارتزاق وخيانة الوطن والوطنيين عليك بالتوضيح حتى يعلم القراء

كيف ومتى قام هذا الشخص بهذه الادعاءات

ولكن أن تأتى وتصب جام غضبك على أخ لنا فى هذا البورد وتعمل على الترويج لأكاذيب دى حاجة فعلاً غير مفهومة

..
.

Quote: ياخى لما تتهم أى شخص بالعمالة والارتزاق وخيانة الوطن والوطنيين عليك بالتوضيح حتى يعلم القراء كيف ومتى قام هذا الشخص بهذه الادعاءات ولكن أن تأتى وتصب جام غضبك على أخ لنا فى هذا البورد وتعمل على الترويج لأكاذيب دى حاجة فعلاً غير مفهومة

اها حسي ردكـ شنو ؟؟ ولا حتجى تقول شنو ؟؟

---------------------

والله يا صبري انت مش تغطس العلاقات بين البورداب
ان حتغطس العلاقات الانسانية كلها ..

قووووووووم اقرم ليك عجورة .. هداكـ الله

اعتذاري للاخوين الهادي وحامد
للخلط الذي حدث هنا

احترامي المعلوم لكما


ــــــــ
عزيزي صبري
سأعود اليك بكل تأكيد
اخوك مزحوم وقدامي مشوار بمشي وبجيك بعدين


كن بخير

العزيز خضر
تحياتي

Quote: ده جانب لكن الجانب الاهم يا الهادي انت رأيك شنو في موضوع البوست نفسوا ؟ بالجد يهمني ان اسمع منك وكن بخير وتقبل احترامي خضر

صدقني يا خضر انا هادي بي طبعي و كثير من الناس بقولوا لي الهادي الظاهر انو فيك شي لله

شكراً صبري للتوضيح و نحن حقيقة محتاجين لمثل هذه النقاشات عشان نضع كرعينا في الطريق الصحيح.

الطفل لمن يطلع من بطن امو محتاج اي حاجة يعملوها ليهو و بعد فترة بتعلم الكلام, المشي, و يعتمد

علي نفسو لمن يبقي رب اسرة. و نحن (أمة الأمجاد) لسة محتاجين ال يغير لينا ال بامبرز (الحفاظاط)

حقو نخجل؟..... لا و ألف لا نواجة نفسنا بالحقيقة و نصلحها.

كيف ده سؤال تاني ح يحرف البوست ... لكن موضوع البوست مهم اذا مشي في العام

ثقافة احترام الرأي الاخر و التعامل معه بشكل ايجابي لم نصل اليها بعد و بيننا وبينها

طريق وعِر و شاق نحن كنا دولة و ماشين في طريق انو نبقي دولات ؟؟؟ انتهي الجد و اسمح لي يا خضر
أشاغل ضيفك بدر الدين ب كلمتين

Quote: ترمــة دا ( كتابة انصاص الليالـى )

كتابة انصاص الليالي بتجيب لك الهوا خاصة من ناحية ال دندنة

Quote: ........................... ( لســـه ما انتهيت ) ادندن حول الفكرة

ياريت لو تدند لينا في بوست منفصل عشان نغني معك يا بدر الدين

للجميع الود و لي عودة

حامد الصاوي

Quote: الكلام ده وين ومتين يا صبرى ؟ عشان الحكاية ما تكون تلفيق اتهامات على الماشى ورينا دليلك على الكلام ده شنو؟ أى مناسبة فى أى مكان تم ذلك؟ وهل هناك رابطة فى ولاية نيوجرسى ؟ فوق قلتو عبدالرحيم يعمل على تمييع عمل المناضلين فى نيويورك وهو ركيزة من ركائز النظام فى نيويورك قلنا ليكم كيف قام المنصور بذلك ومن هم هؤلاء المناضلون؟ وهل هناك اصلاً أى نشاط سياسى تقوم به أى جهة لدعم النظام فى نيويورك؟ هل هناك مؤتمر وطنى وله غيرو فى نيويورك؟ لكن يبدو انك بتنجر من راسك ساى وما عندك أى دليل ياخى لما تتهم أى شخص بالعمالة والارتزاق وخيانة الوطن والوطنيين عليك بالتوضيح حتى يعلم القراء كيف ومتى قام هذا الشخص بهذه الادعاءات ولكن أن تأتى وتصب جام غضبك على أخ لنا فى هذا البورد وتعمل على الترويج لأكاذيب دى حاجة فعلاً غير مفهومة

الاخ حسن انا لم اتداخل معك ولم اتشرف بعضوية الرابطة وان كان الاخوان الهناك اصدقاء لي فيها طلبوا مننا ان نكون معكم فيها وكويس انني لم اكون معاك فيها
لان رابطة بها زي عبد الرحيم او احسان عبد المتعال التي كرست صوتها وعملها الاعلامي لهذا السفير الجهلول عبد المحمود



الواقعه عندنا في نيو جيرسي بل الزول القام بمنعه هو المناضل يوسف الشيخ الهدية ذلك الرجل الذي لم يمد يده متدهنسا او مقبلا يد السفير او الوزير لكي ينفحه قطعة ارض او شيك من نهب الدولة لاهلنا


الواقعه ان هذا الشخص يحمل كاميرته ويحوم لا فكر ولا موقف له
مثلما حمل المجرم البشير عصاته وعرض فقط للانتخابات لم يجلس في كرسي لسؤال ولم يقدم برنامج عمل


الواقعه ليست مروية من قبل البخاري او الترمزي انا من ذكرتها وقائلها موجود اذا داير تعرف انا علي بعد فرسخ منك

وشيخ يوسف الهدية حفظه الله موجود

تحياتي الطيبه

الاخ العزيز خضر حسين لك التحايا
مع احترامي لك اراك تأذن في مالطا كيف يكون حوار مع امثال المعتوه صبري الشريف
وهو معروف بوقاحته في هذا المنبر وبالمناسبه اعتزاره المائع لبورداب الخرطوم وصب
الموضوع ان له مشكله مع عبدالرحيم منصور ويريد كشفه ماهي الا زر الرماد في العيون
لانه له مداخلات بلهاء كثيره جدا وفي غير موضعها ولا علاقه لها بعبدالرحيم منصور !!!!

Quote: ذلك الرجل الذي لم يمد يده متدهنسا او مقبلا يد السفير او الوزير لكي ينفحه قطعة ارض او شيك من نهب الدولة لاهلنا

غايتوا ياناس نيويورك الله يعينكم على العبيطين والدلاهات الابتليتوا بهم !!!!!!!

الاخ الكريم
حمزة بابكر الكوبي

Quote: مع احترامي لك اراك تأذن في مالطا كيف يكون حوار مع امثال المعتوه صبري الشريف وهو معروف بوقاحته في هذا المنبر وبالمناسبه اعتزاره المائع لبورداب الخرطوم وصب الموضوع ان له مشكله مع عبدالرحيم منصور ويريد كشفه ماهي الا زر الرماد في العيون لانه له مداخلات بلهاء كثيره جدا وفي غير موضعها ولا علاقه لها بعبدالرحيم منصور !!!!

ومع احترامي لك ايضاً اراك تثبت لي فعلياً انني أأذن في مالطا والا كيف تفسر لي هذه
المفردات الغير كريمة التي وصفت بها صبري هنا ـ أنا أظن أن مثل هذه المداخلات لا تخدمنا
علي الاطلاق ان كنا حقاً نبحث عن نقاش مفيد وارضية تصلح للحوار .
أرجوا صادقاً ان تراجع نفسك ولئن كان لديك شئ مع صبري أرجوا شاكراً أن يتم ذلك بعيداً
عن هذا البوست فالبوست مخصص كما تري لمناقشة هذه الظواهر وليس علي الاطلاق للهجوم علي
صبري ونعته بأسوأ ما جاد به قاموس الاساءات .

لك شكري وتقدير

الأخ خضر والجميع سلامات وعساكم بخير

كتب الأخ صبرى

Quote: الاخ حسن انا لم اتداخل معك ولم اتشرف بعضوية الرابطة وان كان الاخوان الهناك اصدقاء لي فيها طلبوا مننا ان نكون معكم فيها وكويس انني لم اكون معاك فيها لان رابطة بها زي عبد الرحيم او احسان عبد المتعال التي كرست صوتها وعملها الاعلامي لهذا السفير الجهلول عبد المحمود

نعم يا أخ صبرى أنت لم تتداخل معى ولو كنت أعلم بأن الأخ المنصور سيرد عليك لكفيت نفسى عن الرد وتضييع الوقت

ولكنك أتيت أفتراءاً تتحدث عن دور الأخ عبدالرحيم المنصور فى الرابطة السودانية الأمريكية وكيف أنه يطوع أعمالها لخدمة النظام

وهذا بالاضافة لتسويقك لأكاذيب أنا قريباً منها وأملك ما يمكن أن ارد عليك بخصوصها

اراك الآن ذهبت بعيداً باقحامك لاسم الأخت الكريمة احسان عبدالمتعال فى هذا البوست وهذا لعمرى شئ مؤسف ومدعاة للحيرة والعجب.

مع العلم الأخت الكريمة ليست عضو فى لحنة الرابطة السودانية الأمريكية وليت أصدقائك فى الرابطة أوضحوا لك الحقائق مع العلم بأننا فى الرابطة السودانية

ليس لدينا أى علم بطلبك للعمل معنا وعلى كل حال أعضاء لجنتنا كلهم من ولاية نيويورك ولسنا بحوجة لمن هو خارج الولاية للعمل فى لجنتنا

يا أخى اراك تحبك فى الأكاذيب والادعاءات والافتراءات وتلوى عنق الحقيقة لتتماشى مع غرض فى نفسك . وحقيقة الزمن عندى أغلى من أن يبدد فى الرد على افتراءاتك وأوهامك.

ولكن لا ضير من النظر فى بعض ما ذهبت اليه

وأراك فى ردك على تساؤلاتى قد ذهبت أبعد فى تعمد الكذب والافتراء على الأخ المنصور.

وحديثك واستشهادك بالأخ الكريم يوسف الهدية يثبت مدى تعمدك الكذب والتلفيق والافتراء. ومعرفتى بالأخ الهدية تفوق أكثر من عقدين من الزمان. وهو وبالطبع أخ كريم عفيف اليد واللسان وأستميحه عذراً

أن أتحدث عنه غياباً هنا. والحق لا أعلم للأخ الهدية أى نضال سياسى أو أى موقف ضد أى شخص. والحادثة التى ذكرتها يا أخ صبرى وأنت تعمدت الكذب فيها ليس لها أى علاقة بأى موقف سياسى

ضد عبدالرحيم ولا غيره ولم تحدث فى نيوجرسى على اللاطلاق وهى كالأتى:

تزوج الأخ حيدر ياسين من بنت أخت الأخ يوسف الهدية . والأخ حيدر صديق شخصى للأخ عبدالرحيم ويعمل معه فى وزارة التربية بولاية نيويورك وقد كان الأخ عبدالرحيم حضوراً وبطبيعة الحال

كانت عدسة الأخ عبدالرحيم السحرية هناك. وكان الأخ عبدالرحيم قد فتح بوست هنا لتهنئة الأخ حيدر بالزواج. وفعلاً الأخ الهدية لم تروق له مسألة التصوير للحفلة وإظهارها على صفحات سودانيو أزن لاين حسب قناعاته الشخصية فتحدث مع الأخ

عبدالرحيم وطلب منه عدم أخذ الصور للحفل. الموقف هذا ليس لديه أى علاقة بالاخوة فى نيوجرسى والذين على ما أعتقد ليس لديهم رابطة رسمية حتى لا يسمحوا للأخ المنصور بتصوير فعالياتها

لم أكن أود أن اتحدث بهذا التفصيل فى هذا الأمر ولكنك والله يعلم يا صبرى بافتراءتك وأكاذيبك دفعنتى لذلك. وأود هنا أن أشير للأخوة القراء بأن كل من يملك

باسويرد وكيبورد يمكنه أن يملأ البورد ضجيجاً ويلفق ما يراه ضد الآخرين دون مراعاة لمصداقية وأمانة. ولولا ايراد هذا الأخ للحادثة أعلاها فى حديثه لما أمكننا فضح هذا الكذب البواح والأفتراء الظاهر


عن أبي بكر – رضي الله عنه – قال : قال النبي صلى الله عليه و سلم : " ألا أنبئكم بأكبر الكبائر ( ثلاثاً ) ؟ قالوا : بلى يا رسول الله ، قال : الإشراك بالله و عقوق الوالدين و جلس وكان متكئاً فقال : ألا و قول الزور " قال : فما زال يكررها حتى قلنا : ليته سكت ". رواه البخاري و مسلم.



يعنى الواحد يقعد قدام الكى بورد يفكر فى الكلام و يكتبوا حرف حرف، و يقراه قبل النشر للتأكد من عدم وجود اخطأ و التأكد من التجانس.





قالوا مناضلين، ربنا يهدينا

وان عدتم عدنا

الاخ \ حسن حماد

تحية طيبة

اشكرك ان ذكرت ان الواقعه صحيحه .

كمان احب ان اوضح لك ان ما تم وذكره يوسف الهدية متعه الله بالصحة والعافية وعلي فكرة سوف اجعله يتحدث معك لكي تعرف منه هو شخصيا ..


انت ذكرت زواج حيدر من ريم ابنة اخت يوسف الهدية والمكان كان بروكلين نيويورك وليس نيوجيرسي هذا للتوضيح لك ؟؟


وتاني مرة في نيو جيرسي وهذه الحفلة حضر الشيخ العظيم يوسف الهدية مجاملا وهو ديدنه فقد احضر من قبل سيد خليفة وابراهيم عوض وزيدان وشجع محمد خليفة وقد شاركنا الاحتفاء بابو عركي


وهو رجل يهتم بالسياسة والثقافة ووصفك له انه غير مهتم به تجني اتمني الا تضع شيخ يوسف الهديه حفظه اللع في هذا المكان وهو الان


قد قاطع الدورة الرياضية للكيزان او بتوع السفارة وهي علي بعد اميال قريبه لمدينته شيري هيل وقد حرض علي عدم الحضور لاصدقائه وانا منهم


وحديثك عن الصور غير صحيح فانا قد صورت الشيخ يوسف في الحفلات وهو يرقص ويغني ويبتهج مع الصحاب ونزلت الصور وحتي بنته النجيبه الذكيه لها صور في احد الحفلات ولاهله صور ويوسف تربي علي ان الصور ليست حرام

لكنه منع عبد الرحيم الانتهازي بوق السفارة وراصد حركات سفيرها عبد المحمود منعه يوسف من التصوير في نيو جيرسي

هنا يبقي ان الحدث حدثان في زواج ابنة اخته وفي حفل اخر بنيو جيرسي

وللعلم كلنا صورنا في زواج ريم وحيدر ومعي اخرون اذكر لك منهم عماد خليفة والدكتور يس طراهما الله بالخير

هنا انا اكرس نفسي لفضيحة الهتيفة للجبهة الغير اخلاقية

معلومة لحظة التاسيس وزعت اوراق لنا بخصوص الرابطة ولم اقدم طلب والاوراق قد قدمها لنا ابراهيم عدلان وعثمان ابو جنه
وممكن اعرف من من عضوية جيرسي بالرابطه

لكن تجمعنا صداقات مع عضوية الرابطة

لكن لا نصالح من جلد شعبنا وقتله وشرده وعذبه
وعبد الرحيم بوق لهذا النظام

لك التحية والاحترام

الأخ صبرى سلامات

Quote: والحق لا أعلم للأخ الهدية أى نضال سياسى أو أى موقف ضد أى شخص.

اعلاه ما كتب شخصى الضعيف

وهذا ما كتبت أنت

Quote: وهو رجل يهتم بالسياسة والثقافة ووصفك له انه غير مهتم به تجني اتمني الا تضع شيخ يوسف الهديه حفظه اللع في هذا المكان وهو الان

أنا لم اقل بأنه ليس لديه اهتمام بالسياسة أو الثقافة وانما قلت لا أعلم له أى نضال سياسى معارض أو أى موقف ضد أى شخص وأظن الفرق واضح بين ما كتبت أنا

وما تحاول أن تنسبه لى هنا. وللتوضيح حتى ولو كانت له مواقف معارضة ربما لا أعلم بها أنا ولكنى طيلة الفترة التى عرفته فيها لم أعرف له فجور فى خصومة

أو افراط فى معارضة النظام أو غيره. والمعارضة التى أعنيها تحديداً هى المعارضة الهدامة والتى تسعى لأغتيال شخصية الأفراد بأكاذيب وادعاءات مغلوطة

مثل ما تمارسه هنا بأسم المعارضة ضد الأخ المنصور

وها أنت أيضاً تحاول تطويع الحقائق لتتماشى مع ما تريد

وقلت أنت

Quote: اشكرك ان ذكرت ان الواقعه صحيحه .

نعم الواقعة صحيحة ولكن لا علاقة لها بالسياسة والحدث لم يكن حدث سياسى وانما اجتماعى وهو زواج بنت أخت الأخ يوسف الهدية وهنا يحق له السماح بالتصوير أم لا

ولكنك أوحيت للقراء بغير ذلك وحاولت الاشارة الى أن الأخ عبدالرحيم قد منع من التصوير بواسطة الأخوة فى نيوجرسى لمآلات سياسية ومسانتده للنظام

وهذا حديثك يا أخ صبرى

Quote: وبيني وبينه حديث في بوستاته التي يفتحها حتي انه منع من التصوير عندنا في ولاية نيوجيرسي

لو أى شخص قرأ هذا الكلام من دون التوضيح أعلاه سوف يظن بأن الاخوة فى نيوجرسى قد منعوا الأخ المنصور من التصوير فى مناسبة لها علاقة بالجالية

وليست عرس خاص لأهل العريس أو العروس مطلق الحرية فى السماح لزيد أو عبيد بالتصوير أو عدمه. وكل هذا حدث يوم العرس وهو فى قاعة بخارا فى نيويورك

وكثيراً ما يرفض أهل العرس التصوير حفاظاً على خصوصية المناسبة ولقناعتهم الشخصية بعدم التصوير ولكن الأمر لم يكن فيه أى اشارة الى أن الأخ المنصور

بوق من أبواق النظام وما الى ذلك

محاولة الزج بهذه الحادثة الخاصة هنا فيه الكثير من التجنى ومجافاة الحقيقة ومحاولة اقناع البورداب بعمالة الأخ المنصور

حتى فى تصويره فى مناسبة اجتماعية وهذا ما فعلته هنا مع بورداب الخرطوم ولكنك ردمت ردم غرائب الابل من فطاحلة بورداب الخرطوم ولكن نحمدلله بأنك تعطينا الزخائر هنا بالمجان ولن نتوانى فى ردمك يا أخى صبرى حتى تنأى عن التلفيق والكذب فى أخونا المنصور

Quote: لك التحية والاحترام

ولك أيضاً الود والاحترام وأشكر فيك روحك الرياضية ونحن هنا لنتعلم

..
.
والله ي صبري لو طلعت لينا احسان وريم ديل من الحوار
تكون ما قصرت ..
ما ليهم لزوم هنا .. ذكر الاحتفالية يكفى للتوضيح ..!!

------------

بعد داك لو تتصارعو فى حلبة اسبانية
ما عندنا قضية معاكم لمن الدم يسيل ..

Quote:
على الاقل تانى عشان بورداب الخرطوم ديل يرقو فى علبهم
ويبطلوا الجرى لاستقبال فلان والاحتفال بعلان .. اقلو نتجه اتجاه نضالى
وكما قال صبرى الشريف قروش الشية والشيرنغ دا .. نعمل بيهو حاجة لاهلنا التعبانين
اقله نتبنى .. لينا شافعين تلاته من اطفال المايقوما ..



ياتبلدينا وبقية بورداب الخرطوم الكرماء سمعتو ببيت الشعر البقول:

انك اذا اكرمت الكريم ملكتة واذا اكرمت اللئيم تمردا.

اها الكلام دا انطبق على زولكم دا!!!!!!!

[

الاخ العزيز و الصديق حسن حماد و كل بورداب الخرطوم الكرماء و الاخوة المتداخلين في هذا البوست

اولا الشكر كل الشكر للاخ خضر لفتح هذا البوست المهم و الهام لانه قي هذه الايام قد ظهر اناس لا يفرقون ما بين العمل الاجتماعي و السياسي و كل من يختلف معهم في الراي يعتبرونه مواليا للنظام و ضد توجهاتهم.............

و بعدين عايز انا عايز اسئل الاخ صبري متى تم منع الاخ الخلوق عبدالرحيم من التصوير في نيوجرسي و من الذي منعه فعبدالرحيم شخص قل ما تجد مثله هذه الايام فبالله عليك يا صبري لا تفتري اشياء لم تحدث كما يفعل مناضلي النت...... فعذرا عبد الرحيم و حسن حماد و جميع اعضاء الجمعية السودانية بنيويورك على هذا الافتراء ولكم العتبى حتى ترضوا...................

و بعدين وين العزائم دي يا المسلمي نحن برضو جاين السودان..... لكن المرة العزومة علئ انا و يا تبلدينا ما تقول حاجة عشان نرد ليكم الجميل يا بورداب الخرطوم يا اهل الجود و الكرم.

ابراهيم كعوك
نيوجرسي

الأخ خضر سلامات



الحبيب الغالى ابراهيم ما بيننا وبين اخوتنا بنيوجرسى أقوى وأكبر من أن يتأثر بمثل هذه الافتراءات

Quote: فعذرا عبد الرحيم و حسن حماد و جميع اعضاء الجمعية السودانية بنيويورك على هذا الافتراء ولكم العتبى حتى ترضوا...................

ونرجو أن نرى رابطة السودانيين بنيوجرسى قريباً وهم بلا شك سند حقيقى للأخوة بنيويورك وندعو لمزيد من التنسيق بين الجاليتين

Quote: ومع احترامي لك ايضاً اراك تثبت لي فعلياً انني أأذن في مالطا والا كيف تفسر لي هذه المفردات الغير كريمة التي وصفت بها صبري هنا ـ أنا أظن أن مثل هذه المداخلات لا تخدمنا علي الاطلاق ان كنا حقاً نبحث عن نقاش مفيد وارضية تصلح للحوار . أرجوا صادقاً ان تراجع نفسك ولئن كان لديك شئ مع صبري أرجوا شاكراً أن يتم ذلك بعيداً عن هذا البوست فالبوست مخصص كما تري لمناقشة هذه الظواهر وليس علي الاطلاق للهجوم علي صبري ونعته بأسوأ ما جاد به قاموس الاساءات . لك شكري وتقدير

الاخ \ خضر

تحية صباحية بطعم القرنفل


تصدق هذا الشخص لا اعرفه ولم اقرا اسمه الا في تعليقه وقد قرات ما قاله

وتعرف انني غافر له وهذه الاساءة ليست منه وانما المنهج الذي علمه ذلك لا يعرف ان الخلاف يمكن ان يدار باخلاق


لكن سوء الحال وسيطرة ثقافة الشر ونشر تعاليم تكرس للكراهية مثل ابغض في الله تجدها في المنهج السعودي

ومناهج دول اخري ايضا لا تعلم المحبة ولا تعرف التعدد والتحاور


لا عليك لقد اتي قبله من كفر واهدر الدماء لمخالفيه

لكن مهمتنا كبيرة للخروج من الافق الضيق الي اوسع

ومن ظلام الي نور

تحت تحت سلام ل ياسر قول ليه الشوق بحر

Quote: تصدق هذا الشخص لا اعرفه ولم اقرا اسمه الا في تعليقه وقد قرات ما قاله وتعرف انني غافر له

تعرف ياصبري
دي ميزة كبيرة لاتتوفر عندالكثيرين ياصبري ـ ولما اعرفه عنك من رغبة في الحوار
كان هذا البوست الذي بكل أمانة لم أخرج فيه بربع ما تمنيت من حوار .
لك أن تعلم ياصديقي إن القصد كان إدارة حوار نستطيع من خلاله التعرف علي اشكالات
حقيقية موجوده في هذا المنبر لكن ربما لم يحن الوقت الذي يفصل فيه الناس بين
الخاص والعام بين الحوار والنبذ. ولكل ذلك تجدني إلتمس العذر منك شخصياً لأي مفردة
نابية لحقت بك جراء هذا البوست وكلي ثقة في تفهمك ما اردته من هذا البوست .
بهذه المداخلة أعلن قفل هذا البوست علي الأقل من طرفي .


لك شكر الطريق ياصبري

الشكر كله لكل الذين اسهموا هنا رغبة في اصلاح الحال
الشكر كله للقراء وزوار البوست



احترامي لكم