Post: #1
Title: منشور يقضي بمساهمة التلاميذ لإعمار دارفور !!!!!!!!
Author: Ahmed musa
Date: 07-08-2010, 09:13 PM
Parent: #0
معقول بس ؟؟؟؟
المنشور تم توزيعه على المدارس
ويقضي بأن يساهم كل تلميذ بمبلغ (واحد جنيه) لإعمار دارفور !!!!
يعني النواب يشيلوا مليارات والتلاميذ يعمروا دارفور ؟؟؟؟؟
|
Post: #2
Title: Re: منشور يقضي بمساهمة التلاميذ لإعمار دارفور !!!!!!!!
Author: cantona_1
Date: 07-08-2010, 09:17 PM
Parent: #1
مالو يا أخي كلو بثوابو
ولا ما دايرين دار فور تعمر تاني؟ حيرتونا والله
النواب خليهم رزق ساقه الله إليهم
|
Post: #3
Title: Re: منشور يقضي بمساهمة التلاميذ لإعمار دارفور !!!!!!!!
Author: Ahmed musa
Date: 07-08-2010, 09:22 PM
والله يا cantona_1
الغايظني (النواب) ديل اغلبهم كانو في البرلمان الفات
وبرضك شالوا قروش وعربات
يعني نائب تديه عربية
يلف يجيك تاني وبرضو تديه عربية ؟؟؟؟
ياخ اديه على راحتك بس ما تدفع التلاميذ المساكين ديل
ياخ ديل في واحدين ماقادرين يفطروا
معقول بس ؟؟؟؟؟
|
Post: #4
Title: Re: منشور يقضي بمساهمة التلاميذ لإعمار دارفور !!!!!!!!
Author: مجدى محمد مصطفى
Date: 07-08-2010, 09:28 PM
Parent: #3
اقترح ان يتم تعميم فكره زاد المجاهد وجبل الدهب و دمغه جريح و و و من بدع المشروع الحضاري للمساهمه في محو أثار المشروع الحضاري المتمثله في تشريد ملايين السودانيين من مساكنهم .
عاش المشروع الحضاري مدمر ومعمر السودان
|
Post: #5
Title: Re: منشور يقضي بمساهمة التلاميذ لإعمار دارفور !!!!!!!!
Author: Ahmed musa
Date: 07-08-2010, 09:35 PM
Parent: #4
في حي من الاحياء واحد داير من واحد تاني زي ميتين جنيه
ده في أول الحلة
داك في آخرها
أها الطالب بيساكك يمشي ويجي
في واحد في النص لاحظ القصة دي سأله مالك
ده حكى ليه ...
أها الفي الوسط قال ليه يازول انا أقرب بطلع ليك القروش ووبشيل منها عشرين جنيه (10%)
سيد الحق وافق ...
الوسطاني عذّب المطلبو
المطلوب ساله يازول مصلحتك شنو
ده قال ليه عندي فيها عشرين جنيه
المطلوب اداها ليه زولنا وقف زولنا التاني لاحظ وقوفه مشى ليه مستفسراً
الوسطاني قال ليه (يازول زولك ده صعب خلاص أنا (حقّي) طلعته من بالتعب) !!!!
أها يبدوا إنو النواب حاسين إنو الحكومة دي صعبة خلاص
وهم يادوب حقهم بطلعوه بالتعب !!!!!
|
Post: #6
Title: Re: منشور يقضي بمساهمة التلاميذ لإعمار دارفور !!!!!!!!
Author: ذواليد سليمان مصطفى
Date: 07-08-2010, 09:39 PM
Parent: #4
نقبل بالاعمار والتنمية من اي اتجاه
فانا مع السلام والتنمية
ونشكرا تلاميذنا على يد العون والخير
وان شاء الله في ميزان حسناتهم
|
Post: #7
Title: Re: منشور يقضي بمساهمة التلاميذ لإعمار دارفور !!!!!!!!
Author: Ahmed musa
Date: 07-08-2010, 09:45 PM
Parent: #6
| Quote: ونشكرا تلاميذنا على يد العون والخير |
هم تلاميذك ديل المدوا ليك يد العون ؟؟؟
ياسيدي بقول ليك (منشور)
تقول لي مدوا ليك ؟؟؟
|
|