Post: #1
Title: ادخل لترى السودان بعد 45 عاما قطعا لا توجد صور
Author: رهف
Date: 07-08-2010, 07:14 PM
سنة 2055
اليابان تحتفل بإنجاز أضخم صفقة لشراء أجهزة كمبيوتر من السودان بعد جدل حاد في البرلمان السوداني دام ثلاثة أشهر
سنة 2056
أزمة دبلوماسية تنشب بين السودان وفرنسا بسبب سيجارة ألقاها سائح فرنسي في منتجع الحاج يوسف السياحي السوداني وفرنسا تعرض تعويضات مالية ضخمة لاحتواء الأزمة
سنة 2057
السودان يهدّد بطرد الطلبة الكنديين الدارسين في الجامعات السودانية بسبب قيام طالب كندي في مرحلة الدكتوراه بسرقة بحث علمي من أحد طلبة البكالوريوس السودانيين
سنة 2058
السودان يحرز المركز الثاني في بطولة كأس العالم لكرة القدم والتي أقيمت في الخرطوم بعد خسارته بصعوبة، وبضربات الجزاء الترجيحية أمام المنتخب البرازيلي الذي يدربه السوداني الشهير "علي نونو كوكو" المدرب السابق لنادي إنتر ميلانو الإيطالي وهو من مواليد الحاج يوسف مربع 6
السودان ينتهي من بناء أضخم مركز تسوق (مول) في العالم وذلك في محافظة الكلاكلة ، حيث أنشئ المركز على أرض بمساحة 1057 دونم
و باركينغ يتسع لــ (36,000) سيارة من الحجم الكبير
مسيرات عارمة تجوب مختلف المدن السودانيه احتجاجاً على فرض رسوم للكهرباء تقدّر بـ 10 جنيهات شهرياً وانقطاع التيار الكهربى لاكثر من 20 دقيقة فى ولاية الخرطوم وولاية شمال دارفور
سنة 2061
فيلم أميركي يفوز لأول مرة بجائزة مهرجان النيلين السينمائي الدولي بعد أن كانت الجائزة حكراً على الأفلام السودانيه وتم عرض الفلم فى قاعة الوحدة بحى كوبر
سنة 2062
السودان يستخـدم حق الفيتـو في مجلس الأمن الدولي ضد قرار يسمح للصين بكسر احتكار السودان لتجارة السيارات في العالم
سنة 2063
السودانيه ( علويه بانقا ) من ولاية كردفان تفوز بلقـب ملكة جمال الكون بعد فوز ست النفر عبد الله من ولاية الجزيرة بلقب ملكة جمال افريقيا العام السابق
سنة 2064
العالِم السوداني ( مُختار ادروب) يفوز بجائزة نوبل في الفيزياء عن اختراعه لـ (شيشة) تعمل بالطاقتين الشمسية والقمرية
وأخـــيـــراً:
طوابير من الشبان الكنديين والأمريكان أمام السفارات والقنصليات السودانية لتقديم طلبات الهجرة بعد صدور قرارت جديدة من وزارة الداخلية تحد من هجرة الاجانب خاصة ان هذا العام تدفق عدد كبير من الشبان الاوربين على طلبات الهجرة
|
Post: #2
Title: Re: ادخل لترى السودان بعد 45 عاما قطعا لا توجد صور
Author: معاوية عبيد الصائم
Date: 07-08-2010, 07:26 PM
Parent: #1
الله يلعن ابليس؟؟؟
رهف ؟؟ يجازى محنك ؟؟؟
|
Post: #3
Title: Re: ادخل لترى السودان بعد 45 عاما قطعا لا توجد صور
Author: ود الباوقة
Date: 07-08-2010, 07:52 PM
Parent: #2
بوست متزمزغ
وبه استهتار واضح بالوطن ومقدراته ..
|
Post: #4
Title: Re: ادخل لترى السودان بعد 45 عاما قطعا لا توجد صور
Author: رهف
Date: 07-08-2010, 09:13 PM
Parent: #3
يا ود الباوقة
فى شنو اها الحلم دا كمان ما نحلم بغد مشرق
ام نحلم بسودان ممزق ومقسم الى جمهورية جنوب السودان الاشتراكية
ودولة دارفور الديمقراطية ومملكة البحر الاحمرالمتحدة
ودولة المناصير ومملكة الشايقية وجمهورية اولاد جعل ومملكة النوبة فضل منه ناس الجزيرة جمهورية الجزيرة المتحدة
ياهو دا الاستهتار بمقدرات البلد
ام هذا هو المستقبل الموعدين به فى عهد حكم حزبكم الرائد والذى سوف يكون واقع معاش كان الله اداكم العافية وامد الله فى ايامكم والله لا سواها
والله يكضب الشينة
تحياتى وشكرا على المرور
|
Post: #5
Title: Re: ادخل لترى السودان بعد 45 عاما قطعا لا توجد صور
Author: رهف
Date: 07-08-2010, 09:33 PM
Parent: #2
الاخ معاوية لك التحية
لكن نسوى شنو فى الجو النحن عايشنه غير نحلم ونشطح وحتى الحلم محظور
|
|