Post: #17 Title: Re: مع اسـبانيـا وضــــد هولـنـدا ! Author: Adil Osman Date: 07-08-2010, 10:17 AM Parent: #1
الاستاذة دينا خالد بعد التحية
الهولنديين حيعملوها. البنقو راقد هبطرش وقانوني في هولنده. والبنقو بساعد على تفتيح الخيال، وعلى احداث المفاجآت. انا بشجع اسبانيا. مع ذلك اتوقع انه الهولنديين يفوزوا بكاس/سجارة العالم.
Post: #18 Title: Re: مع اسـبانيـا وضــــد هولـنـدا ! Author: احمد التجانى احمد Date: 07-08-2010, 11:02 AM Parent: #17
دينا خالد ازيك الجيد فى كاس العالم 2010 انه ح يكون فى بطل جديد لم يسبق له الفوز بدلا عن التكرار السابق - البرازيل - المانيا - ايطاليا - فرنسا - الارجنتين يسعدنى فوز اى من الفريقين وان كنت اميل اكثر جهة الخالة دوما ووليد الشفت نحو الهولنديين والاسباب كثيرة اهمها عندنا جالية كبيرة هناك وثانيا الفريق الاسبانى معظمه من برشلونة (قرشلونة)
Post: #19 Title: Re: مع اسـبانيـا وضــــد هولـنـدا ! Author: دينا خالد Date: 07-08-2010, 11:08 AM Parent: #17
لوووووووووووب يا عادل غثمان انت جبت الديب من ديلو
ماما دومة شاربه الفورموست والنيدو الحقارين ببيعوا لينا نحن بس ،،، فى هولندا قعدت شهرين ما شفت لى بودره طايرة قالوا ممنوع ولااااا بتباع عندهم برضعوا من البقرة طوالى .... ماما دومة محروووووقه يا وليد من الاسبان عملوا فيهم عملية ،، هسه دا كلو بقوموا يتفشو فيهم سبوبتهم ح تكون طارق بن زياد لوووووب دوومة زياد ؟؟ اليومين دى اخدى ساتر من الجيرمان ديل اعصابهم بااايظة ..
Post: #20 Title: Re: مع اسـبانيـا وضــــد هولـنـدا ! Author: دينا خالد Date: 07-08-2010, 11:20 AM Parent: #17
عمران !! قول بالواااااضح كدا مشجع منو ؟؟ باقة ورد لكل المناصرين لاسبانيا كان خسرنا برضو فايزين .. القصة دى مش فيها كاس فضى ؟؟ عبد المجيد الكونت خالد درق طارق ميرغنى هشام امين وشهاب الفاتح
ياسلام عليكم راقيين والله ...
وليد الشفت يا زول احسن ليك ح تقعد كل يوم مغلوب ؟؟؟ انت بعد صدمة المانيا دى اقعد ما تشجع فى النهائى الا بعد ما تتاكد البحر ماشى وين ..
طه الملك اووووووووع تكون انت قاعد فى هولندا ؟؟ على كدا ح يكون عندنا كلام تانى .. لووووووووووب
Post: #21 Title: Re: مع اسـبانيـا وضــــد هولـنـدا ! Author: وليد محمد المبارك Date: 07-08-2010, 11:52 AM Parent: #20
Quote: وليد الشفت يا زول احسن ليك ح تقعد كل يوم مغلوب ؟؟؟ انت بعد صدمة المانيا دى اقعد ما تشجع فى النهائى الا بعد ما تتاكد البحر ماشى وين ..
والله يا دينا المانيا دي انا ولا بدورها
لانها بتلعب كورتها بالكتلوج زي ما كاتبنها في كتلوج الكورة
مافي اي فنيات الا السنة دي فنياتهم اتطورت شوية ياخ ديل بقوا يلعبوا الكورة بالكعب
Post: #22 Title: Re: مع اسـبانيـا وضــــد هولـنـدا ! Author: GamarBoBa Date: 07-08-2010, 11:54 AM Parent: #20
احمد التيجاني سلام
Quote: وثانيا الفريق الاسبانى معظمه من برشلونة (قرشلونة)
شكلك مدريدي أنا من قبل يبدا كاس العالم قلت ليهم انا بشجع الانجليز وما مالي يدي منهم ومتعاطف تماما مع الاسبان عشان برشلونة فريق اسبانيا الحالي عدا الحارس وراموس والفجاخ الونسو كله برشلونة تقريبا بالذات تشكيلة امس الاساسية ...يعني مدريد تلاتة لعيبة اتنين كويسين والتالت ماسورة برشلونة صعدت للاسبان من الفريق التاني كل النجوم دي ولها التحية هذه المؤسسة العملاقة بينما ريال مدريد تقدم مثل راموس المشترنه من اشبيليه.
لو اسبانيا شالت الكاس حنضطر نسجل كاس العالم كانجاز غير مسبوق لفريق برشلونة...وتحيا كتلونيا
يا احمد ملاحظة تانية شايف ولدك ماشاء الله عليه لابس شعار برشلونة ياخي...ياخي ده جيل بفهم في الحاجات كما انزل
دينا نسينا نسلم ده نمرة واحد نمرة 2
Quote: لانو البابا كرهنا
ساكنين الفاتيكان ولا حاجة
Post: #24 Title: Re: مع اسـبانيـا وضــــد هولـنـدا ! Author: دينا خالد Date: 07-08-2010, 07:11 PM Parent: #23
قمر بوبا سلامات نمرة 2 ونمرة واحد ولا فاتيكان ولا حاجة دا بمناسبة الهجمة على الشوام كافة سوريين على لبنانيين ،، وتاديبهم بارسال زبدة اولادنا الخلص ليهم عشان يشوفوا العروبة الصاح ..
Post: #25 Title: Re: مع اسـبانيـا وضــــد هولـنـدا ! Author: ياسر عبدالكريم محمد Date: 07-08-2010, 11:11 PM Parent: #24
اسبانيا للطييييييييييييييييييييييييييش
Post: #26 Title: Re: مع اسـبانيـا وضــــد هولـنـدا ! Author: وليد محمد المبارك Date: 07-09-2010, 10:31 AM Parent: #24
يا دينا هي الكورة لو بلعبوها بالكاتلوج كان ردونا سموه الملك
متعة الكورة في ما هو غير متوقع فيها
يعني زي حركة هيقتا وكت طلع الكورة بي كرعينو وزي حركة ميلا ورقصته الغيرت شكل الاحتفال بالاهداف وزي قون ماردونا المن دايرة السنت وزي قونو في انجلترا الجار فيه انجلترا كلها بي الملكة زاتها
Post: #27 Title: Re: مع اسـبانيـا وضــــد هولـنـدا ! Author: Abdlaziz Eisa Date: 07-09-2010, 11:53 AM Parent: #26
سلامات دينا
اسبانيا رغم تعثرها في بداية التصفيات لكن وكأنها كانت عثرة البطل.. الفريق الجاهز في كل خطوطه.. الفريق القوي بخططه..
وحياتك عشان لون الفنايل الجميل ده.... بنشجع اسبانيا!!
تحياتي
Post: #28 Title: Re: مع اسـبانيـا وضــــد هولـنـدا ! Author: احمد التجانى احمد Date: 07-09-2010, 12:49 PM Parent: #27
Quote: يا احمد ملاحظة تانية شايف ولدك ماشاء الله عليه لابس شعار برشلونة ياخي...ياخي ده جيل بفهم في الحاجات كما انزل
ياقمر سلامات قلنا ياخ نمارس الديمقراطية المفقودة دى فى البيت المشكلة ياخ انا شايف الناس بتشجع برشلونة بمفهوم القطيع عمرى كله بشجع الارجنتين لكن المرة دى كجنتهم عشان ميسى
Post: #29 Title: Re: مع اسـبانيـا وضــــد هولـنـدا ! Author: محمد البشرى الخضر Date: 07-09-2010, 01:20 PM Parent: #28
Quote: ونوموا ود البشرى زعلان دى هينة ؟
دندنة وحاتك ما مزعلاني لا المانيا لا عندي بيها صالح (بعد طارت البرازيل خلاص تاني ما فارقة معاي) الواجع قلبي طلحة تنظير ح يستلمنا سنتين لقدام
____________________________ ها جاية دبي متين ؟
Post: #30 Title: Re: مع اسـبانيـا وضــــد هولـنـدا ! Author: دينا خالد Date: 07-09-2010, 02:47 PM Parent: #29
ود البشرى قديم قدم انت من زمن الناس بشجعوا البرازيل ؟؟؟
Post: #31 Title: Re: مع اسـبانيـا وضــــد هولـنـدا ! Author: محمد البشرى الخضر Date: 07-09-2010, 03:50 PM Parent: #30
شفتك يومتها في المول
__
Post: #32 Title: Re: مع اسـبانيـا وضــــد هولـنـدا ! Author: Adil Osman Date: 07-09-2010, 04:03 PM Parent: #1
Quote: ولانو فى واحد كدا فتح لينا وباعنا الضحى الاعلى عشان المانيا !
ده منو يا دندون؟ حنمشي ندقو ليك.
Post: #33 Title: Re: مع اسـبانيـا وضــــد هولـنـدا ! Author: دينا خالد Date: 07-10-2010, 08:27 AM Parent: #32
تايسون تايسون يا عادل لوووووووب دق ما معانا حقوق الانسان وكدا ( وش غامز )
Post: #34 Title: Re: مع اسـبانيـا وضــــد هولـنـدا ! Author: khaleel Date: 07-10-2010, 09:13 AM Parent: #33
تعرفي يا بت يا دندون
القصة ليست في اسبانيا او هولندا
القصة انو كاس العالم بكرة حا ينتهي وننتظر تاني اربعة سنوات
وانا فكرت في الكاس القادم
من منا يحضره من يترجل
هل نكون كلنا في كامل صحتنا ونشاهد الكاس بدون نضارات او بروستات
انا شخصيا كلما ينتهي كاس عالم او شهر رمضان
افكر في الموت
Post: #35 Title: Re: مع اسـبانيـا وضــــد هولـنـدا ! Author: معتصم دفع الله Date: 07-10-2010, 09:18 AM Parent: #33
غايتو يا دينا كان كجيتي الإسبان ديل .. بجوا الناس الشجعوا معاك يشنو مقيلك أجمل ما في النهائي دا إنو إسباني هولندي .. بعيداً عن دول الإستكبار والإمبريالية على قول أخونا صلاح شتات ..
Post: #36 Title: Re: مع اسـبانيـا وضــــد هولـنـدا ! Author: إبراهيم عبد الحليم Date: 07-10-2010, 09:23 AM Parent: #35
عزيزتى دينا
تحياتى وانا عكسك تماما. الالمان الانا عايش معاهم عنصريتهم اقل بكتير من الشفتو فى اسبانيا