كوستاوي لم يخابرني بالماسينجر

أطالب نصر هجام المعروف هنا بكستاوي
ان يكشف عن أسماء كل الذين خابرهم وأخبرهم بالدس
ان يرعو بقيدهم
وذلك عندما ضبطهم يقوقلون
و ( بخفة اليد الثورية )

أي عضو هنا متهم
مالم يعلن بان كوستاوي لم يحذره بالماسينجر

انا ماحصل تلقيت أي ماسينجر من الأخ كوستاوي
ولم يحذرني بأي وسيلة كانت

بتعجبني كتابات كثيرة
وتمنيت ان اكون كاتب بعضها ، لكن ما ( بضابنتها )
قد تعجبني الفكرة اكثر ، ومرات التناول واللغة
لكن مابيكون عندي إحساس عجز بانني غير قادر على كتابة تضاهيها
إن لم تكن تفوقها

ما حصل ولا مرة ان قمت بعمل مسودة للموضوع قبل نشره في المنبر
طوالي الفكرة والكتابة والنقر والإرسال مباشرة

عشان كده مرات بجوط الحكاية نسبة لإنفعالي بشأن الموضوع
او بشان من كتبت عنه الموضوع

الولد محسن خالد
علمني بملاحظاته وكتاباته بشان إصلاح الكتابة في المنبر
وإستفدت منها جدآ
كنت قبل الإستفادة المذكورة أكتب . ( إنشاء الله )
محسن خالد صححها ب ( إن شاء الله )
وأدركت خطائي الجسيم او الفظيع
لأن المعنى ان الله ينشأ ويكون
ولم أقصد هذا المعنى والعياذ بالله

كتر خير الولد محسن خالد
ومن علمني حرفآ وبتاع

يا عمك ... انتا ويييين ما حدّش بشوفك؟


نعلك طيب و شديد!

اعترف
بأن نفسي الأمارة بالسوء
قد راودتني ذات يوم لألطش كتابة عجبتني
وأهم ما عجبني فيها إنها ، أي الكتابة تلك ، قد عجبت بعض حسناوات المنبر
ورأيتهن من يومها متحلقات حول الكاتب ، الذي لن أفصح عن إسمه
حتى لايتضخم راسه وشاربه أكبر و اكثر

وسبب الرغبة تلك ، أن احدهم أقنعني ان أكتب في موقع ما
وجدت الموقع وكأنه داخلية الإحتلال *
فقلت : لأجربن طريقة صاحبي في إستخدام الكتابة في الغواية وإندلق
ثم طورت الفكرة من كونها إستخدام الطريقة إلى اللفح
وشرعت في تجهيز المطلوب من أفضل مراودة كتبها صاحبنا
ولمت فيه النمل والنحل والفراشات ، بل ، وحتى ( البقرات ) لم يتأخرن

عدلت في ذات اللحظة التي فكرت فيها : وماذا لو عرفن بناتي الأمر ؟
أي فضيحة سأواجه في عقر داري

كانت تلك المرة الأولى والأخيرة


------------------
* داخلية الإحتلال : داخلية بنات الفرع وكانت تعج الحسناوات والمناضلات

بكري علوم :

Quote: يا عمك ... انتا ويييين ما حدّش بشوفك؟ نعلك طيب و شديد!

كتر خيرك يا بكور ، انا متوفر بكثرة وفي أحسن حال
ولا أشكو شيئ سوى قلة الفئران في دارنا
شهر مسغبة

Quote: كنت قبل الإستفادة المذكورة أكتب . ( إنشاء الله ) محسن خالد صححها ب ( إن شاء الله ) وأدركت خطائي الجسيم او الفظيع لأن المعنى ان الله ينشأ ويكون ولم أقصد هذا المعنى والعياذ بالله

هذه الايام تقرا لعضوية الحزب الشيوعي السوداني في المنبر مثل ما ورد اعلاه , وتنظر الي صور البروفايل فيخامرك شكا عظيما : هل آن اوان تغير اسم الحزب الشيوعي السوداني الي الحزب الشيوعي الاسلامي السوداني !!
اظن ان وقت التفكير الجدي في اعادة تغير شعارات الحزب الشيوعي التاريخية مثل اللون الاحمر الي الاخضر ..
ومثل هذا



الي هذا

غايتو يا اساسي
يقع فيك العدو ، ملك الترصد رسمي
لووووووووول

يا ابو ساندرا

اشهد الله ( وعدلين من عدول المنبر ، وبنشر كل الانبوكس حقي هنا ان استدعى الامر ذلك )
ان كستاوي دا لا رسل لي بخير ولا بشر

لطش ما لطشنا
لكن ضنيبي مأمرني علي قول عثمان تراث (ضميري مأنبي ) من موضوع التنميط لاني اعتمدت فيه علي مرجع اكثر من المراجع الاخرى ، فبدأ الامر لي كانه اقرب للطش

هوووووي اوعى تعبروا / ن انو دا اعتراف باللطش ، دا كلام اقرب للحساسية العلمية حول استخدام المراجع

سلام
و

Quote: سبب الرغبة تلك ، أن احدهم أقنعني ان أكتب في موقع ما وجدت الموقع وكأنه داخلية الإحتلال * فقلت : لأجربن طريقة صاحبي في إستخدام الكتابة في الغواية وإندلق ثم طورت الفكرة من كونها إستخدام الطريقة إلى اللفح وشرعت في تجهيز المطلوب من أفضل مراودة كتبها صاحبنا ولمت فيه النمل والنحل والفراشات ، بل ، وحتى ( البقرات ) لم يتأخرن

It' too offal.
Why do people wrote here or there?????
Is it just to ......................

I was too optimistic, but the reality says I was wrong.

Hopefully this is not the truth, but just a joke.
Regards
Safia

تنبيه ، قبل ما تصحى لي دكتورة صفية
بشأن :

Quote: * داخلية الإحتلال : داخلية بنات الفرع وكانت تعج بالحسناوات والمناضلات

أرجو أن لايفهم أحد ما إنني فصلت بين ( الحسناوات ) و ( المناضلات )
بما يفهم منه أن المناضلات لسن بحسناوت
ففي الحسناوات مناضلات
وبين المناضلات ، حسناوات ، إن لم يكن جميعهن من تلك الفئة
حيث ان النضال براهو بيضفي جمال

Quote: أرجو أن لايفهم أحد ما إنني فصلت بين ( الحسناوات ) و ( المناضلات ) بما يفهم منه أن المناضلات لسن بحسناوت ففي الحسناوات مناضلات وبين المناضلات ، حسناوات ، إن لم يكن جميعهن من تلك الفئة حيث ان النضال براهو بيضفي جمال

This was not my point. I meant the main issue of writing itself,

Is it just to recruit female supporters
regardless Hasnawant, Munadlat or both..

حذف للتكرار

المتحين اساسي :

Quote: هذه الايام تقرا لعضوية الحزب الشيوعي السوداني في المنبر مثل ما ورد اعلاه وتنظر الي صور البروفايل فيخامرك شكا عظيما : هل آن اوان تغير اسم الحزب الشيوعي السوداني الي الحزب الشيوعي الاسلامي السوداني !! اظن ان وقت التفكير الجدي في اعادة تغير شعارات الحزب الشيوعي التاريخية مثل اللون الاحمر الي الاخضر .. ومثل هذا

هلا أساس ، اراك تتحين الفرص
لترشق المنبر بالألوان الزاهية ، أحمر ، أخضر .. زي شفق المغارب

الحزب الشيوعي السوداني لم تكن الشيوعية/ الماركسية دين له
ولم أر في ممارسات ولم أسمع في أقوال قادته مايشي بذلك
بل عرفت العكس ، حيث ان جميع القادة ومن أعرفهم من الزملاء
تزوجوا وعقد قرانهم مأذون بنفس الطريقة التي تزوجت بها إنت
تمامآ مثل مافي الحياة هناك عضو حزب شيوعي مسلم وفيه المسيحي وفيه الملحد
ولكنهم جميعآ علمانيين
عشان كده ماتتوقع ان يضيف كلمة ( الإسلامي ) على إسمه
ولو فعل ، سأكون أنا أول مستقيل
و تمامآ زي ماقال محجوب شريف ( كلو عندو دين ، كلو عندو رأي )

أوعك تكون متداخلك فوق رأي

كتبت الجندرية :

Quote: يا ابو ساندرا اشهد الله ( وعدلين من عدول المنبر ، وبنشر كل الانبوكس حقي هنا ان استدعى الامر ذلك ) ان كستاوي دا لا رسل لي بخير ولا بشر لطش ما لطشنا لكن ضنيبي مأمرني علي قول عثمان تراث (ضميري مأنبي ) من موضوع التنميط لاني اعتمدت فيه علي مرجع اكثر من المراجع الاخرى ، فبدأ الامر لي كانه اقرب للطش هوووووي اوعى تعبروا / ن انو دا اعتراف باللطش ، دا كلام اقرب للحساسية العلمية حول استخدام المراجع

أهلآ يا أماني
قد لايكتمل لك نصاب الشهود العدول هنا
لكن ( أشهد الله ) هذه تكفي
وانا مستعد ان أشهد لك سنبهار كده بأنك ما بتعمليها
ومقدر جدآ حساسيتك العلمية المشهودة
وما أظن في عاقل في البورد و لا مجنون يمكنه أن يتهمك باللطش
انت تبري ياخ

كتبت صفية محمد :

Quote: It' too offal. Why do people wrote here or there????? Is it just to ...................... I was too optimistic, but the reality says I was wrong. Hopefully this is not the truth, but just a joke. Regards Safia

لا يا دكتورة
إنها نصف الحقيقة
معظمنا، إن لم يكن جميعنا، يكتب هنا بهدف جذب إنتباه الأخرين
بعضنا بقصد وضع الموضوع امام دائرة الإهتمام
والبعض الأخر ، وهم قلة ، بهدف وضع ذواتهم امام الأخر

الحسناوات ، وأعني بهن جميع الزميلات هنا بدون فرز
بتجذبهن الموضوعية في الأعم
وبعضهن بتجذبهن الكلمة الحلوة والعبارة الرشيقة والمعنى الجميل
وانا بالمناسبة مع هذا البعض ومعي أخرين ، بالطبع
إنجذابهن هذا ماعنده علاقة بشخصية الكاتب
وقد تسهم كتابات الكاتب الجاذبة
في ان تجعله هو أيضآ جاذب
زي الوحدة كده

والأمر لايخلو من مشاكسة

وأرجو ان يسهم ردي هذا في إعادة وتعزيز التفاؤل لديك

Quote: حتى لايتضخم راسه وشاربه أكبر و اكثر

ما يكون ... داك؟

Quote: أي عضو هنا متهم مالم يعلن بان كوستاوي لم يحذره بالماسينجر انا ماحصل تلقيت أي ماسينجر من الأخ كوستاوي ولم يحذرني بأي وسيلة كانت

لووووووول يا بركه دا ابدا لن يعتبر تبرئه لك
لانه الكرمبا قال حذرتهم
عدا واحدا
اها يمكن تكون انت الواحد دا

اشرف تاها:

Quote: ما يكون ... داك؟

داك بيرغر ؟

داك وتا*

ياخ



---------------------
* داكوتا : طائرات كانت تزعج سكان الديم الأقرب للمطار
زي ناس أشرف طه ديل ومن جاورهم ، بطلعاتها المزعجة

الخالة دوما :

Quote: لووووووول يا بركه دا ابدا لن يعتبر تبرئه لك لانه الكرمبا قال حذرتهم عدا واحدا اها يمكن تكون انت الواحد دا

ماتطمأني للكرمبا
قد يقول واحد ويقصد واحدة
فما تنومي بإعتبارك مبرأة
لازم نشوف إعلان البرآءة هنا
فعلى الكرمبا النشر والفضح
الآن وليس غدآ

لو تابعتي بوست خدر العلق فيهو صورة زوجة كابتن المانيا
ماهيتاب برضو قالت لي : ماكان تشجع المانيا عشان خاطر زينب الفحل

Quote: * داكوتا : طائرات كانت تزعج سكان الديم الأقرب للمطار زي ناس أشرف طه ديل ومن جاورهم ، بطلعاتها المزعجة

دي بالغت فيها لأنو نحن كنا موازين تماما لي البرج البنزل الطيارة بدليل انو كنا بنسمع بربر وهو بيكورك لبتاع اليمنية: يمن آير .. يمن آير بركينغ شمالك

اما ناس شارع الخور ديل موازين بالضبط لي الحتة البدتق فيها لساتك الطيارة الزلط حتى اتذكر لحدت هسع كل ما اجي حلتكم بتكون ريحتا لساتك طيارة لساتك طيارة

سلام

Quote: ا يا دكتورة إنها نصف الحقيقة معظمنا، إن لم يكن جميعنا، يكتب هنا بهدف جذب إنتباه الأخرين بعضنا بقصد وضع الموضوع امام دائرة الإهتمام والبعض الأخر ، وهم قلة ، بهدف وضع ذواتهم امام الأخر الحسناوات ، وأعني بهن جميع الزميلات هنا بدون فرز بتجذبهن الموضوعية في الأعم وبعضهن بتجذبهن الكلمة الحلوة والعبارة الرشيقة والمعنى الجميل وانا بالمناسبة مع هذا البعض ومعي أخرين ، بالطبع إنجذابهن هذا ماعنده علاقة بشخصية الكاتب وقد تسهم كتابات الكاتب الجاذبة في ان تجعله هو أيضآ جاذب زي الوحدة كده والأمر لايخلو من مشاكسة وأرجو ان يسهم ردي هذا في إعادة وتعزيز التفاؤل لديك

نرجع للعربي
حواري اتبنى علىخلفية اخرى اضافة الى ما خطته يداكم
عموما هذا ليس بموضوع البوست فلنواصل في ملف آخر
تحياتي

Quote: لو تابعتي بوست خدر العلق فيهو صورة زوجة كابتن المانيا

كابتن هولندا , هولندااااااااااااااااااااااااااااا









___
وين سيف اليزل يا ناس

Quote: فعلى الكرمبا النشر

نشر يا تو?
الحسناوات المناضلات
ولا المناضلات الحسناوات


أفرز يا شيخنا

و بعدين أناجنيت أرسل لي ماسنجر لزول ما بقدر يقرا

نوعك دا بنرشو طوالي
شيوعي و حرامي نت.....دي ما الجنة زاتا

Lol

غايتو الواحد بعد دا يلاوز من مسنجرات الخردة!
لو جاني مسنجر بمسحو من سكات ساي!






النجيضة: المسنجر قلبو خفيف!
كاااااااااااااااااااااااااكـ!

طيب .. كويس

Quote: دي بالغت فيها لأنو نحن كنا موازين تماما لي البرج البنزل الطيارة بدليل انو كنا بنسمع بربر وهو بيكورك لبتاع اليمنية: يمن آير .. يمن آير بركينغ شمالك

غايتو كواريك بربر دي ح نسأل عنها إبراهيم عدلان
شريكه ورفيقه
في مركز المراقبة الجوية بمطار الخرطوم

Quote: غايتو الواحد بعد دا يلاوز من مسنجرات الخردة! لو جاني مسنجر بمسحو من سكات ساي!

يا ود الصايم

ما تخاف, علا لو عايزني أقلقل ليك
كلمة كااااك السارقا من سجيمان

أو ياعمك السارقا من كيكي

تاني مافي حاجة

يا خردة .. هو سجيمان فاضي من عوضية وحنتا؟
كيكي دا مقدور عليهو .. كدي خليهو يجي يفتح خشمو!

قريت البوست كله
ماعرفت المسنجر ده حاجة كعبة ولا كويسة ؟؟؟؟

صفية محمد :

Quote: حواري اتبنى على خلفية اخرى اضافة الى ما خطته يداكم عموما هذا ليس بموضوع البوست فلنواصل في ملف آخر

ماعندي خلفية عن الخلفية الأخرى
ولكني على الدوام أرحب وأسعد بحوارك ، بخلفيات او بغيرها
لأنه دائمآ حوار مفيد ، ومتعوب عليه