يا غايب وليك إسبوع
دا اليـــوم علينا كتيــر
قول لينا الحاصل ليك
طمِنا ياخي عليــــك
إن شاء الله المانِع خير
*** *** ***
عارفين غيابك يــوم
لا بد وراهُ ظــــــروف
لكن كمان إسبوع
بالجد بزيد الخوف
بنلوم عيونك ليه
في حالنا ما بتشوف؟
*** *** ***
عارفنا ليك نشتاق
لو إنت يوم ما تمُـر
نرجاك بالترحــــاب
و اللهفة والأشــواق
يالباقي لينا عُمــر
*** *** ***
في أصعب الأحـــوال
تلقانا ليك نقــــــــول
قدِّر غنانا تعــــــــــال
ورينا كيف الحــــــال
يا غالي وأجمـل زول