اســــمـو آدم

فى الاصل يا اخوانا طبعا اى بنت حرة فى انها ترفض من يتقدم لها..للزواج..
لكن بعد مرات فى اسباب بتخليك تضحك..لحد البكاء..أو تكتشف حاجات غريبة خالص فى مستوى.. تفكير بعضهن..يعنى الواحدة ممكن تقول ليك ما عاوزهو..لانو اسمو آدم..أتخيلو بالله..؟

طبعا لو رجعنا شوية لأسم عائلتها الكريمة لوجدنا افظع اسم فى الكون..
ولو قتلنا المعاجم بحثا لن نجد معنى واحدا له

كلو عرفناهو..عندو صلعة وعندو كرش..وكراعو واحدة لفت..وشيين..
بس الحكاية تصل للأسماء..تبقى جديدة كرت..
عموما.. اصبحت المواصفات التى تطلبها قليل من الفتيات السودانيات..خيالية نوعا..ما..وربما تجعل الحمار نفسه يرفس من الضحك..يعنى لازم يكون رشيق خالص..و وسيم..ما اقل من ليونارد دي كابرو وضرورى
يكون عندو عربية..لو بقت موديل 2007 ما \مشكلة يعنى

العنوسة واقع وربما كثير من البيوت السودانية الان توجد بها من تخطت الثلاثين عاما..ولازالت تنتظر..مشكلةبعضهن فى ان النصيب لم يأت فقط لا اكثر..يعنى من الله خلقا..مافى زول ساكت قال عاوزا..ديل ماعندهن مشكلةأهو راضيات بقسمة ربهن..والواحدة فيهن لازمة مصلايتا..لحدى ما ربك يعدلا..عليها وعلى اهلها..ولو زول نقر الباب ساكت وشايل حيلو ما اظن تقولو ..لا..
المشكلة فى النصف الاخر.النوع البتقول ليك...والله الراجل دا مهنتو ما بتتناسب مع وضعى الأجتماعى..والله دا ح يسكنى دار السلام..وأمو قالوا لديحة خالص..ودا اصلهم..من زنجبار..الى اخر
الأسباب الواهية..التى لا تقنع احدا

الأخ محمد عوض

ســـلامي يااااخ
تصــدق بوستاتك تحفة عديييل كدا
وقاعدة تعجبني شديد خااالس خالس من أول بوست بتاع " الوالدة بتتوحم"
المهم يا أخـــونا
قصتك دي ذكرتني واحد صاحبنا وزميلنا لو سمحت لي احكيها ليك:
المهم زولنا جاي من أحد الأقاليم القريبة جدا من الخرطوم وأبوه محاصرو ليك إلا اتزوج بت عمو وهو ما عايزها
أهـــا الموضوع دا كان مضايقو شديد ويوم قعدته اتناقش معاهو
يا فلآن انت رافض بت عمك دي ليه؟
فلان: والله يااااخ البت ما فيها أي كلام ومهذبة ومحترمة وخريجة كمان
أنــا : طيب يبقى ما عندك مبرر قوي للرفض لأنو اخوانها برضو متزوجين أخواتك ولو رفضتها بدون سبب ممكن تسبب ازمة
فلان: يا اللمين ياااخ هي لونها اسمر وأنــا لوني اسمر يعني لو جبنا ولد بعدين نسميهو روبرت موغابي ولا شنو!!
يا اللمين أنــا عايز لي واحدة لونها فاتح شوية عشان بعدين لو جاني ولد اسميهو هيثم

مرات مبررات الرفض مرات كدا ما بتكون مقنعة من الطرفين سواء الشاب أو الفتاة


ودي الذي تعرف

تسلم يااخونا البشارى..ومشكورجدا على التشجيع والأشادة..
قصة صاحبك ده بتذكرنى بـ وجعة اللون الابيض الأصلو اهلنا ما عاوزين ينسوها..
ولو الواحد فيهم شايف اى حاجة لونا ابيض بطنو تفور و يفكر يعضيها مباشرة..
الناس حقو تركز على الاسس الشرعية للزواج فقط..
اللون ده بيهد..والابيض بعد مرات..قلبو بكون اسود..والاخدر بعد مرات يفتح براهو باضاءة طبيعية لمن تحير الزول

Quote: الأخ محمد عوض ســـلامي يااااخ تصــدق بوستاتك تحفة عديييل كدا وقاعدة تعجبني شديد خااالس خالس من أول بوست بتاع " الوالدة بتتوحم" المهم يا أخـــونا قصتك دي ذكرتني واحد صاحبنا وزميلنا لو سمحت لي احكيها ليك: المهم زولنا جاي من أحد الأقاليم القريبة جدا من الخرطوم وأبوه محاصرو ليك إلا اتزوج بت عمو وهو ما عايزها أهـــا الموضوع دا كان مضايقو شديد ويوم قعدته اتناقش معاهو يا فلآن انت رافض بت عمك دي ليه؟ فلان: والله يااااخ البت ما فيها أي كلام ومهذبة ومحترمة وخريجة كمان أنــا : طيب يبقى ما عندك مبرر قوي للرفض لأنو اخوانها برضو متزوجين أخواتك ولو رفضتها بدون سبب ممكن تسبب ازمة فلان: يا اللمين ياااخ هي لونها اسمر وأنــا لوني اسمر يعني لو جبنا ولد بعدين نسميهو روبرت موغابي ولا شنو!!يا اللمين أنــا عايز لي واحدة لونها فاتح شوية عشان بعدين لو جاني ولد اسميهو هيثم مرات مبررات الرفض مرات كدا ما بتكون مقنعة من الطرفين سواء الشاب أو الفتاة

أكيييييييد انت قاصد سوزان كيغل (suzan cagle)

سوزى دى على قول عمك جبارة

لون الخدار خانس لبد
شوية ترطيبة على حبة مرطب نبقناده يبقى زيو مافى