هل يكْتُب معنا هُنا نائب مُمثِّل حكومة الجّنوب بمِصر و الشّرق الأوْسط و جامعة الدُّول العربِيّة

مريال بنجامين روبن

و بإسم مُسْتعار!؟

و ما الذي بجُعْبتِه ليقوله لنا نحن معشر الجلاّبة بإسمه المُسْتعار هذا

و هل يجْرؤ على التّداخُل بإسمه الحقيقي و كتابة ما يكتُب بالمُسْتعار!!!؟

Quote: مسؤول جنوبي سوداني: انفصالنا عن الشمال سيقوي علاقتنا بمصر القاهرة: أكد نائب ممثل حكومة جنوب السودان بمصر والشرق الأوسط وجامعة الدول العربية روبن مريال بنجامين، أن جنوب السودان لايمكنه إقامة علاقة مع أي نظام ظالم في العالم ، في إشارة إلى ما يردده البعض عن علاقات بين جنوب السودان بإسرائيل. ونقلت صحيفة "الشرق الأوسط" اللندنية عن بنجامين قوله في ندوة اقيمت بالقاهرة أمس الثلاثاء حول المسارات المحتملة للاستفتاء حول تقرير مصير جنوب السودان: "إن جنوب السودان الذي حارب 50 عاما النظام الظالم في الخرطوم لا يمكنه من الناحية الأخلاقية أن يقيم علاقات مع النظام الإسرائيلي الذي يظلم الفلسطينيين أو مع أي نظام آخر ظالم في العالم، نافيا بشدة أي وجود إسرائيلي في الجنوب، متهما الخرطوم بترديد وجود تلك العلاقة مع إسرائيل لمنع العرب من الاستثمار في الجنوب". وحمل بنجامين حزب المؤتمر الوطني مسؤولية انفصال جنوب السودان، وقال "إن حزب البشير بممارساته غير المشجعة على الوحدة يدفع أهل الجنوب دفعا نحو التصويت للانفصال". وأشار إلى أنه كان بالإمكان تحقيق وحدة جاذبة كما دعت لها "نيفاشا" من خلال إنفاذ برامج تنموية حقيقية في جنوب السودان لولا تجاهل الحكومة المركزية لتنمية الجنوب طيلة السنوات الخمس الماضية التي أعقبت التوقيع على اتفاقية السلام. وأضاف أن في الشمال السياسي انفصاليين لهم سيطرة على الجيش والأمن والاقتصاد ويسعون للتخلص من الجنوب، مؤكدا احترام أهل الجنوب لرسالة الإسلام ورفضهم استخدام الإسلام لقتل الأبرياء في جنوب السودان باسم الدين. وتابع قائلا: "هؤلاء الانفصاليون يتباكون الآن ويهرولون إلى مصر والدول العربية لينذروا بخطورة انفصال الجنوب على مياه النيل والأمن القومي العربي، وهم يعلمون أن الجنوب ليس في حاجة إلى مياه النيل حتى يشكل انفصاله خطورة على حصة مصر". وأوضح "كمية المياه المستخدمة في رش شوارع القاهرة أكثر بكثير من كمية المياه التي يحتاجها جنوب السودان"، وشدد على أن العلاقة بين جنوب السودان ومصر في حال الانفصال ستكون أقوى من علاقات مصر مع شمال السودان. وكان عبدالله الأشعل مساعد وزير الخارجية المصري الأسبق حذر من انفصال الجنوب عن الشمال، قائلا: "مصر غائبة تماما عن الجنوب السوداني ودارفور ، فحصة مياه النيل التي تصل إلى مصر تقدر بـ55.5 مليار متر مكعب ، حوالي 8 مليار منهم هي حصة جنوب السودان التي تتنازل عنها الحكومة السودانية لصالح القاهرة"، موضحا " السودان الذى يتضامن معنا اليوم لن يكن هو بعد انفصال الجنوب عنه مما سوف يدخل مصر فى دوامة، خاصة وأن شعب دارفور لا يعطي أهمية قيمة لمصر". ومن المقرر ان يشهد جنوب السودان في يناير/كانون الثاني 2011 استفتاء بشأن حق تقرير المصير، قد يؤدي الى انفصاله وقيام دولة مستقلة في الجنوب. وكان المبعوث الامريكي الخاص الى السودان سكوت جريشن قد حذر من ضيق الوقت للعمل على تنظيم هذا الاستفتاء ، كما دعا الى توفير المزيد من المساعدات الدولية لضمان الامن والمصداقية في هذا الاستفتاء. وقال ان قضايا رئيسية مثل ترسيم الحدود وكيفية توزيع الثروة النفطية لم يبت بشأنها حتى الان، وان الولايات المتحدة لن تستطيع اصلاح تلك الامور بمفردها. وكانت اتفاقية السلام الشامل التي وقعتها الحكومة السودانية والحركة الشعبية لتحرير السودان عام 2005 قد وضعت حدا لعشرين عاما من الحرب الاهلية في السودان واقرت حكما شبه ذاتي للجنوب حتى الاستفتاء المقبل.

Quote: مسئول بجنوب السودان يطالب نائب البشير بالاعتذار للجنوبيين القاهرة(الشاهد+اليوم السابع) – وصف نائب رئيس بعثة حكومة جنوب السودان لدى القاهرة روبن مريال بنجامين زيارة نائب الرئيس السودانى على عثمان طه لجوبا بأنها غير مجدية بل تسببت فى استفزاز مشاعر شعب جنوب السودان. وطالب بنجامين على عثمان طه بأن يعتذر عن الجرائم المرتكبة فى حق الشعب الجنوبى وإن لم يفعل وكرر ذلك سيكون إنسانا ميتاً أخلاقياً وإنسانيا -على حد قوله. جاء ذلك أمام حشد من الطلاب وممثلى الروابط والاتحادات والقيادات السياسية والشعبية الجنوبية فى مصر بمناسبة ورشة العمل التى أعدتها اللجنة العليا لاستفتاء شعب جنوب السودان بمصر خصيصاً لتقرير مصيره. أضاف بنجامين أن كل من يتحدث عن الوحدة فى هذه الوقت سيكون ضائعا وسيلاقى مواجهة عارمة من قبل شعب جنوب السودان حتى ولو سلفا كير نفسه. وأشار إلى أن مشروع الكونفدرالية يمكن ان تناقش بعد استقلال جنوب السودان وليس الآن ولا يوجد دولة واحدة تناقش خيار الكونفدرالية، ووجه نصائح لشعب جنوب السودان بأنه لابد من احترام القوانين الموجودة لمصر وهذا يعتبر شىء مهم طالما لدينا دولة فهذا يعتبر مهم للغاية. وأوضح المسؤل الجنوبى أنه إذا وافقت الحركة الشعبية وحكومة جنوب السودان اللتان أنتمى إليهما على أطروحات الحركة الإسلامية ستكونان أولى الضحايا لشعب الجنوب السودانى وسيقوم الشعب بذبحهما. ولفت بنجامين إلى أن كل الجنوبيين الذين يحركون من قبل ماكينة المؤتمر الوطنى حسب وصفه بأنهم فى نهاية المطاف سيصوتون للانفصال على رأسهم الدكتور لام أكول والدكتور رياك قاى. المصدر: شبكة الشاهد

غايتو يا علاء الدين أخوي
زي ما قلت ليك قبل كدة يوم بتكتل ليك مناضل
وربك بسألك منه يوم النشور وملاقاة الرسول
آآآآدي أعدة على قول أخواننا المصريين

بس كان ما جونا القعدة مااااااااااا بِتتصلّح

هلا يا أُسْتاذ أحمد موسى

سلام يا المليونير علاء ولا الكلام طلع كلام اسافير ساكت
نعم يكتب الاخ و الصديق العزيز روبن مريال بنجامين فى المنبر و نفتخر بانه معنا فقد عرفناه مناضلا شرسا منذ ان كان طالبا فى جامعة الخرطوم و نتشرف بعضويته فى المنبر

بعدين حكاية اسم مستعار دى بقت ما نافعة فى المنبر لانو اى زول عارف دينق اسمو جورج و كابتن مريال اسم روبن مريال بنجامين شفو البوست ادناه

بوردابى يقول:لا يمكن أن نقيم علاقات مع أي نظام ظالم في العالم

هلا يا بكري
طيِّب لمن شتم لينا نائب الرّئيس اللي إسْتقبلو رئيس حكومتو اللي هو نائب مُمثِّلها
مُش كان يكتِب لينا إسمو الحقيقي
(الدبلوماسي) بإعتبار من يتحدث عنه على الأقل
ولاّ شِنو؟

Thanks Bakri,
I was about to tell the gentleman to ask you, since most of us here know, that you and Captain Marial are friends and colleagues since the university days.

لا يهُم الجنتلمان كثيراً من يصادق الرّجُل
بقدرما يهمني هو فقط

فوق !

حامل الجّواز الدبلوماسي يكْتُب ما حوله اللّون الأحْمر باسمه المُسْتعار
ياريت لو قال لينا الكلام دة علناً باسمو التاني زي ما مالي لينا الدنيا بيانات و تصريحات صحفية كما هو مُرفق أعلاه
وبالمناسبة لا تجد له مداخلتان بالمنبر إلا و إحداهُنّ فيها قولته المشهورة
Da isthbal jalaba skit

Quote: لا يهُم الجنتلمان كثيراً من يصادق الرّجُل بقدرما يهمني هو فقط

و لما السؤال إذن:

Quote: هل يكْتُب معنا هُنا نائب مُمثِّل حكومة الجّنوب بمِصر و الشّرق الأوْسط و جامعة الدُّول العرب

و ما علاقة سُؤالي الذي إقتبسته
بقولي الذي استنكرته قبل السّؤال
شان أبسِّط ليك المسألة
إيه علاقة سؤالي عنوان البوست ؟ بقولي أنُّّ علاقة مريال ببكري لا تهمني
مُمْكِن تشرح لي يا فهلوي!؟

علاء الدين عليك الله أسأله
هل ده رأي رسمي ؟؟؟؟
ولا طق حنك ؟؟؟؟؟

كدي هو اليجيني بس ييا أُستاذ أحمد

Quote: إيه علاقة سؤالي عنوان البوست ؟ بقولي أنُّّ علاقة مريال ببكري لا تهمني مُمْكِن تشرح لي يا فهلوي!؟

لان بكرى صاحبو و هو اللادو الباسورت. يعنى, يا علاء, شنو الحكاية? لو هو بينو و بينك, ما كان تمشى للغدة العزمك عليها فى جوبا قبل يومين و تسالو سوالك, عين-عين. اوكى, خلينى ابسط الحكاية, انت عايز تقول انك اكتشفت حاجة و بكرى قال لك لا.
قول شئ لبكرى يا اخى!!!!!

معليش يا علاء الدين
سؤال تاني (لو جه) ....
وكت عزمك في جوبا وكان هو يقيناً لحظتها في جوبا
هل كان في إستقبال القاتل علي عثمان ؟؟؟
وهل قابله ؟؟؟؟ أوحتى إعترض على حضوره ؟؟؟؟

Quote: سؤال تاني (لو جه) .... وكت عزمك في جوبا وكان هو يقيناً لحظتها في جوبا هل كان في إستقبال القاتل علي عثمان ؟؟؟ وهل قابله ؟؟؟؟ أوحتى إعترض على حضوره ؟؟؟؟

أووووووووعى يا أبو الزيك تقول إنك إنت المُتلِّم دة السألت السُّؤال دة
شان ما تخذلني فيك
لأنو الزول الفاهم لبيب بالإشارة يفهم
و مفروض يكون فاهم إنو أنا عارف من الرّجُل قبل فتح البوست

أمّا مسألة عدم تلبيتي للدّعوة
فلم أكن في جوبا وقتها لكني موجود حالياً بالخرطوم
ياريت لو يجي هو يلبي دعوتي ليهو

أخونا علاء وأحمد موسي:

Quote: هل ده رأي رسمي ؟؟.. ولا طق حنك؟؟..

[/B]



الناس ما قادرة تفرق أو تفرز ما هو سياسي وما هو تنفيذي حكومي ـ روبن مريال (الصغير) هو شقيق وزير الاعلام لحكومة الجنوب د. مريال (الكبير) .. مين نسمع له؟! .. الكبير ولا الصغير؟!...........
المهم التوقيت غير مناسب والافادة يجب التحقق في نصها؟! هل روبن قال هذا أم لا؟!..

ويا زكرياء جوزيف الامانة العامة رايها شنو في التصريح؟!.. وبأيه لقب .. الحركة ولا دبلوماس جنوبي ولا حكومة الجنوب حتي نرد علي تعليقات الجماعة ونعرف بوعنا من كوعنا؟!..

يا مستر كابتن مريال.. رايك شنو في الحكاية؟!.. ولماذا لقبوك بالكابتن؟! جيش ولا كفر؟!.. وسواقة طيارة؟!

نكتة..÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷

Quote: معليش يا علاء الدين سؤال تاني (لو جه) .... وكت عزمك في جوبا وكان هو يقيناً لحظتها في جوبا هل كان في إستقبال القاتل علي عثمان ؟؟؟ وهل قابله ؟؟؟؟ أوحتى إعترض على حضوره ؟؟؟؟

جنابو المحامى احمد موسى,
على عثمان قاتل و رئيسه قاتل و هو الذى ورط بشير فى حديث شهير مع واشطن بوست. الحكاية ليست شخصية و إلا لما رقص بشير فى الجنوب ايام الانتخابات. على عثمان و غيره يحتمون بالجيش الشعبى عند الزيارة الى الجنوب لانو فى إتفاقبة بين الشريكين للسلام. الناس العايزة تخلص غبنها الشخصى مع فئة معينة فى السودان و تجد هذا المنبر لاستعراض رجولتهم فيه, عليهم حل ذلك التحدى دون طولة اللسان علشان المنبر ما يفتكر انو الحكاية كات ماعيو.

Quote: الحكاية ليست شخصية و إلا لما رقص بشير فى الجنوب ايام الانتخابات. على عثمان و غيره يحتمون بالجيش الشعبى عند الزيارة الى الجنوب لانو فى إتفاقبة بين الشريكين للسلام.

كدي عيد لينا الكلام دة بالرّاحة برّاحة

Quote: جنابو المحامى احمد موسى, على عثمان قاتل و رئيسه قاتل و هو الذى ورط بشير فى حديث شهير مع واشطن بوست. الحكاية ليست شخصية و إلا لما رقص بشير فى الجنوب ايام الانتخابات. على عثمان و غيره يحتمون بالجيش الشعبى عند الزيارة الى الجنوب لانو فى إتفاقبة بين الشريكين للسلام. الناس العايزة تخلص غبنها الشخصى مع فئة معينة فى السودان و تجد هذا المنبر لاستعراض رجولتهم فيه, عليهم حل ذلك التحدى دون طولة اللسان علشان المنبر ما يفتكر انو الحكاية كات ماعيو.

يا دكتور
عمنا ده طلع زول مسئول
وبتعامل مع زول مسئول
يقابله
يستقبله
جايز ياخده بالاحضان
يأمن ليه وجوده مع آخرين
ويجي هنا بإسم تاني ويقول الزول المسئول ده قاتل
طيب وكت هو قاتل ودي مسئولية ليه ما بقول كدة بإسمه ؟؟؟؟؟

Quote: ويا زكرياء جوزيف الامانة العامة رايها شنو في التصريح؟!.. وبأيه لقب .. الحركة ولا دبلوماس جنوبي ولا حكومة الجنوب حتي نرد علي تعليقات الجماعة ونعرف بوعنا من كوعنا؟!..

ياى جوزيف,
اعتقد ان التصريح يعبر عن وجهه نظر حكومة الجنوب و ليس عبثى كما يظن البعض, بل الهدف منه فى رائى, هو رش شوية موية باردة للخطاب الاعلامى الذى يقوده المؤتمر اليومين ديلة "in spinning" زيارة الشيخ على لجوبا.
This is a professional work.
طبعا سيتم نفى التصريح او وصفه بانه رائ خاص بالكابت,
but the job of sucking the air out of Shiekh Osman's mission would have been accomplished.

Quote: اعتقد ان التصريح يعبر عن وجهه نظر حكومة الجنوب و ليس عبثى كما يظن البعض

يا أبو الزِّيك
أها و الحول شيخ علي ديل
و بيضحكوا معاهو
ناس حكومة بوركينا فاسو ولاّ شِنو

يا مريال إنت ما عايز تجيني مالك؟
مُش كنت عازمني؟
من هسي عايز تزوغ!؟

يا مريال شِنو الحكاية ياخ
ماااااااااااااااااااااا في إنتظار عزومتك و كدة

Quote: طبعا سيتم نفى التصريح او وصفه بانه رائ خاص بالكابت,

والله أخير كان تسكت يا دكتور
يعني كلامك ده زي معناه حكومة الجنوب دي بتقول لواحد منهم أمشي أتكلم
وتجي وتقول ده رأيه
إنت متاكد دي حكومة الجنوب ؟؟؟؟
يعني ما محلية أم طرقاً عراض ؟؟؟؟

يا زكريا
لو سمحت أنده لينا مريال دة

الأخ علاء الدين
سلامات وتحيات وأشواق

الأستاذ مريال بنجامين أفتكر يا حبيب لما إشترك في البورد ليس بصفتو ممثل لحكومة الجنوب بمصر والشرق الأوسط وجامعة الدول العربية.
اعتقد في مداخلاتو ما بيوقع بصفتو الرسمية.
ممكن جداً كدبلوماسي يستقبل أي زول هو سلفاً كشخص عندو رأي فيهو بس البرتكول بجبرو علي كده ولكن كفرد له كامل الحرية في قول ما يريده.
بعدين ياخ الحركة الشعبية عندها ناطق رسمي ... أي رأي رسمي بتسمع منو مباشر.

أنا بعتقد ده شجاعة إنو كابتن مريال يكون حاضر بيننا هنا.

كابتن مريال بالرغم من إنو مايل للإنفصال وأنا وحدوي بس بعتبرو من الناس الممكن تساهم في البلد كان وحدة كان إنفصال.


خالص التقدير للجميع.

_____________________
مولانا أحمد موسي .... دجانقو أفرز

Quote: مولانا أحمد موسي .... دجانقو أفرز

والله فارز يا (ريّس)
انا كلامي ماضد حكومة الجنوب حاشا لله
أنا ضد فكرة زكريا جوزيف عنها
وبصورها زي الحكومة العندها نفاق معاذ الله

Quote: أخونا علاء وأحمد موسي: Quote: هل ده رأي رسمي ؟؟.. ولا طق حنك؟؟.. الناس ما قادرة تفرق أو تفرز ما هو سياسي وما هو تنفيذي حكومي ـ روبن مريال (الصغير) هو شقيق وزير الاعلام لحكومة الجنوب د. مريال (الكبير) .. مين نسمع له؟! .. الكبير ولا الصغير؟!........... المهم التوقيت غير مناسب والافادة يجب التحقق في نصها؟! هل روبن قال هذا أم لا؟!.. ويا زكرياء جوزيف الامانة العامة رايها شنو في التصريح؟!.. وبأيه لقب .. الحركة ولا دبلوماس جنوبي ولا حكومة الجنوب حتي نرد علي تعليقات الجماعة ونعرف بوعنا من كوعنا؟!.. يا مستر كابتن مريال.. رايك شنو في الحكاية؟!.. ولماذا لقبوك بالكابتن؟! جيش ولا كفر؟!.. وسواقة طيارة؟! نكتة..÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷

يا ياي ... لونق كن أشي طونق كي يين اكوماديد.

كدوال بنج

Quote: يا ياي ... لونق كن أشي طونق كي يين اكوماديد. كدوال بنج

كلام في منتهى الوضوح

ـــــــ
ترجم على الشريط شول اخوي

طبعاً يا شول كلامك دة نوع من أنواع التبرير بغض النّظر عن قبوله أو رفضه
لكن عايز أسمعو من مريال ذااااااااااااااتو
أنا راجيهو
مشكور يا حبيبنا



يلا يا مريال كفاية غياب تعال لينا

Quote: يا ياي ... لونق كن أشي طونق كي يين اكوماديد. كدوال بنج

الترجمة : الزول ده قال ليك ياعلاء إنت ياياتك دى مابردت
لحدى أسى مالك عكليت كده ياخ

وليد الرّشيد
عليك الله شيل ترجمتك و إتخارج
أنا راجي مريال دة ياخ
قال عازمني و كبّ الزوغة

طيب الفرق شنو بالنسبة لك انت لو مريال بكتب بصفتو الشخصية او الرسمية؟
كلوا في النهاية بالنسبة لك ولنظامك المجرم واحد.

الفرق إنُّو مريال ما يقدر يقول كلامو دة بإسمو الحقيقي
كدي أسألو لو قال غير كدة
بديك سفرة للعراق

غايتو يا شيخ الردامين ذي ما قال ليك أخوي أحمد بتكتل ليك مناضل عديييييييييييييل كدا بي طريقتك دي