Post: #1
Title: أحبتي .. رجاءً .. أكرموا الـ(حبشيات)
Author: محمد فرح
Date: 07-04-2010, 12:26 PM
Parent: #0
أعداد هائله وضخمه جداً من الأحباش ولجوا لبلادنا في الفتره الأخيره فكانت ملاذاً آمنا لهم وجدوا بها العمل والسكن والأمن والأمان فأصبح السودان وطناً لهم كما وجدوا السودانيين أيضاً إخوةً لهم .
هجروا بلادهم بحثاً عن لقمة عيش وهرباً من الفقر والعوز والحاجه..
منذ الأزل هم بيننا لكن في السنوات الأخيره إزدادت أعدادهم بشكل ملحوظ حتى وأصبح الساري يراهم بكل مكان في الأحياء والأسواق والمنازل وبكل مكان وكثرت نسبة السودانيين الذين يستخدمون الحبشيات كعاملات بالمنازل حتى يخيل للمرء أن الحكومة أطلقت مشروع (عامله حبشيه لكل أسره سودانيه) ..
وبالرغم من أن البعض يرى ضرورة تقليص أعداد اللاجئين الإثيوبيين إلا أنني لاأجد شراً في الأمر فخير السودان يكفي السودانيين ويزيد ونحن نرحب بأي زائر مسالم يبتغي العمل فقط لالسوء أتى .
ماأود ذكره هو أن البعض وهم والحمد لله قله يتعاملون مع الحبشيات يتصنيف مسبق وهو أنهن جميعاً داعرات ماجنات فاسقات يستطيع أن يفعل بهن مايشاء أنى يشاء وهو تصنيف غريب وغير سليم وكثيرات تعرضن لتحرشات ومضايقات بالمنازل التي يعملن بها وهذا أمر غير مقبول إطلاقاً وأرجو من الجميع إكرامهن وحسن ضيافتهن فما أخرجهن من ديارهن إلا الحاجة والفقر المدقع ومن العار إستغلال ظروف فتيات كهؤلاء .. يكفيهن جور الزمان .
أكرموهن كما أكرم النجاشي أصحاب رسول الله صلى الله عليه وسلم
|
Post: #2
Title: Re: أحبتي .. رجاءً .. أكرموا الـ(حبشيات)
Author: GamarBoBa
Date: 07-04-2010, 12:45 PM
Parent: #1
والله بالطريقة دي يا محمد فرح الزول حيشيد بيك تاني
اداءك بقي في العمق...انت ودوك وظيفه تانية ولا شنو؟؟
من بوست الكماسرة داك شايفك بقيت تجيب النجيضة شوية شوية
بوست العواطلية داك راجيك فيه...مجهز كلام كتير بس نتفق في النقطة ديك ونمش قدام...ده اذا بتريد
_
أطلي عويد حبرنجو...يعني تقريبا معناها وعليكم السلام ورحمه الله وبركاته
|
Post: #4
Title: Re: أحبتي .. رجاءً .. أكرموا الـ(حبشيات)
Author: محمد فرح
Date: 07-04-2010, 01:17 PM
Parent: #2
الحبيب قمر بوبا
Quote: والله بالطريقة دي يا محمد فرح الزول حيشيد بيك تاني
اداءك بقي في العمق...انت ودوك وظيفه تانية ولا شنو؟؟ |
ماقصرت ياغالي
بعيداً عن مايفرقنا عايز أقول إنو بالجد البنات الحبشيات وتحديداً البتلقاهم شغالات في البيوت مرات يقطعو قلبك .
فتيات مسالمات وصبورات لدرجه لايتخيلها عقل
يمكنهن إنجاز أصعب المهمات المنزليه من تنظيف وغسيل ومكوه بل وطهي وتجهيز للمشروبات الساخنه وجلب البقاله والخصروات وكل هذا بدون أي تذمر أو حتى (ململه) .
ده كمان بالإضافه لأمانتهن العاليه جداً
بالجد مؤسف جداً أن نعاملهن بسوء أو نسيء إليهن
جاييك في البوست التاني بي رواقه
مؤونة عام من الود
|
Post: #3
Title: Re: أحبتي .. رجاءً .. أكرموا الـ(حبشيات)
Author: willeim andrea
Date: 07-04-2010, 12:45 PM
Parent: #1
جزاك الله الف خير يا شيخ فرح .....
اكرام الجائع والغريب و الملهوف والضيف
وامان الخايف
ونصرة الضعيف
واجب علي الكل
ضع نفسك اوقريبك في نفس الموقف وفكر .....
اللهم اهدينا الي ما تحب وترضي
ونحن في رجب وفي اعتاب رمضان
اللهم اعناعلي ما تحب وترضي
امين
....
|
Post: #5
Title: Re: أحبتي .. رجاءً .. أكرموا الـ(حبشيات)
Author: Hisham Ibrahim
Date: 07-04-2010, 01:38 PM
| Quote: أكرموا الـ(حبشيات) |
العندهــن إقامة
والا الجـايات تهــريب ؟؟
وقُعادن الزمان داكـ ما تجيب سيرتو ...
هشام
|
Post: #6
Title: Re: أحبتي .. رجاءً .. أكرموا الـ(حبشيات)
Author: محمد فرح
Date: 07-04-2010, 01:53 PM
| Quote: جزاك الله الف خير يا شيخ فرح ..... |
الحبيب وليم
تحيه طيبه
أسأل الله ان يعيننا لكل مافيه الخير
بورك فيك يارجل
مؤونة عشرة أعوام من الود
|
Post: #7
Title: Re: أحبتي .. رجاءً .. أكرموا الـ(حبشيات)
Author: أيمن دياب
Date: 07-04-2010, 04:47 PM
Parent: #6
والله ياود فرح بوستاتك بقت في الصميم..
مؤونة أعوام وأعوام من الود..
|
Post: #8
Title: Re: أحبتي .. رجاءً .. أكرموا الـ(حبشيات)
Author: khaleel
Date: 07-04-2010, 05:02 PM
Parent: #7
شكرا يا محمدفرح علي هذه الروح
ولكنها فقط قاصرة علي المترفين الذين لهم عاملات منازل
ولكن السواد الاعظم من السودانيين ظروفهم لا تسمح لهم بالاعانة
اذا استطاعو توفير لقمة العيش لمن يعولون يكونو ما قصرو
|
Post: #9
Title: Re: أحبتي .. رجاءً .. أكرموا الـ(حبشيات)
Author: نادر النور آدم
Date: 07-04-2010, 05:47 PM
Parent: #8
جزاك الله خير يا محمد فرح
كلام في الصميم حقيقة
وكرم الضيف هو علامة سودانية فارقة
وكذلك طيب التعامل
مؤونة أعوام كتيرة من الود
|
|