Post: #1
Title: عاوزه لي قطعة ارض وقروشي حبه
Author: هويدا شرف الدين
Date: 07-04-2010, 08:22 AM
Parent: #0
حلم بإمتلاك قطعة ارض ، في الاندلس ولا الفتيح ولا أم عشر ولا الشقيلاب بالله مساعده والعاوز حق السمسره ما عندي مانع والبساعد لي الله ، الله يخليهو ناس الطيب شيقوق وطارق وابو سنينه والبشير دفع الله والمقرشين لوعندهم رغبه يزيدوا لي قروشي واشتري في اركويت ولا المعموره ولا الرياض برضو ما عندي مانع
|
Post: #2
Title: Re: عاوزه لي قطعة ارض وقروشي حبه
Author: نادر النور آدم
Date: 07-04-2010, 08:27 AM
Parent: #1
التحية أستاذتنا هويدا
يا ريت لو نقدر نقدم المساعدة
لكن ..
أضعف الإيمان .. دعوة طيبة بس
ربنا يوفقكم ويسهل ليكم الأمر إن شاء الله
ولو تصبري لما بعد الاستفتاء أتوقع أفضل
لأنو اتجاه السوق ما واضح في الفترة دي
دا حسب معرفتي البسيطة
والتحية تاني
|
Post: #3
Title: Re: عاوزه لي قطعة ارض وقروشي حبه
Author: naeem ali
Date: 07-04-2010, 08:31 AM
Parent: #2
سلامات اختي العزيزه انا عندي بيت في الكدرو 700 متر ومؤجر حاليا (بيتين) بقريب 900 جنيه في الشهر.. يعني بنفع مع مغترب ماداير يجيه اسا ويستسمر فيه.. ينفع.؟
|
Post: #5
Title: Re: عاوزه لي قطعة ارض وقروشي حبه
Author: معتصم محمد صالح
Date: 07-04-2010, 08:36 AM
Parent: #3
|
Post: #6
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-04-2010, 08:37 AM
Parent: #3
الاخ نادر النور
مشكور علي الدعوات الجميله والمرور الرائع وما عدمناك
|
Post: #4
Title: Re: عاوزه لي قطعة ارض وقروشي حبه
Author: عاطف عمر
Date: 07-04-2010, 08:35 AM
Parent: #1
يطرشنا فيها ما سمعنا بيها يا ربي تكون بت عم الرياض ؟؟
_____________________
سلامات هويدا
|
Post: #7
Title: Re: عاوزه لي قطعة ارض وقروشي حبه
Author: نادر النور آدم
Date: 07-04-2010, 08:40 AM
Parent: #4
Quote: سلامات اختي العزيزه انا عندي بيت في الكدرو 700 متر ومؤجر حاليا (بيتين) بقريب 900 جنيه في الشهر.. يعني بنفع مع مغترب ماداير يجيه اسا ويستسمر فيه.. ينفع.؟ |
يا عمك
شوت السعر والمواصفات في الماسنجر
ربما .. يكون هناك نصيب
تحيات
|
Post: #8
Title: Re: عاوزه لي قطعة ارض وقروشي حبه
Author: نادر النور آدم
Date: 07-04-2010, 08:41 AM
Parent: #7
ودا طبعاً بعد إذن صاحبة البوست
وعدم رغبتها في الشراء
|
Post: #13
Title: Re: عاوزه لي قطعة ارض وقروشي حبه
Author: الطيب شيقوق
Date: 07-04-2010, 08:45 AM
Parent: #8
Quote: والمقرشين لوعندهم رغبه يزيدوا لي قروشي واشتري في اركويت ولا المعموره ولا الرياش برضو ما عندي مانع |
المسنوحة والدهب الشفناهو زمان هنا وتالي ايدك نامن ماشة متكجة بالجنبة وديتيهو وين ؟
|
Post: #9
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-04-2010, 08:42 AM
Parent: #7
الاخ نعيم
مشكور رسل لي السعر والمواصفات في الماسنجر قبلي ما ترسلها لي نادر
|
Post: #11
Title: Re: عاوزه لي قطعة ارض وقروشي حبه
Author: معتصم محمد صالح
Date: 07-04-2010, 08:44 AM
Parent: #9
Quote: الاخ نعيم
مشكور رسل لي السعر والمواصفات في الماسنجر قبلي ما ترسلها لي نادر |
اطمئني .. انا من ناس بحري
|
Post: #15
Title: Re: عاوزه لي قطعة ارض وقروشي حبه
Author: Asim Fageary
Date: 07-04-2010, 08:46 AM
Parent: #9
يا naeem ali
سلامات
أرسل لي برضو السعر والمواصفات في المسنجر
مع تحياتي وإحترامي
عاصم فقيري
|
Post: #20
Title: Re: عاوزه لي قطعة ارض وقروشي حبه
Author: naeem ali
Date: 07-04-2010, 08:57 AM
Parent: #9
Quote: الاخ نعيم
مشكور رسل لي السعر والمواصفات في الماسنجر قبلي ما ترسلها لي نادر |
الاستاذه هويدا تامري يا ستي..
|
Post: #10
Title: Re: عاوزه لي قطعة ارض وقروشي حبه
Author: naeem ali
Date: 07-04-2010, 08:43 AM
Parent: #7
Quote: يا عمك
شوت السعر والمواصفات في الماسنجر
ربما .. يكون هناك نصيب |
يا عمك راجع المسنجر بعد دقيقه ونص..
|
Post: #12
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-04-2010, 08:44 AM
Parent: #10
مع الناس المقرشين العندهم رغبه للمساعده نسيت اضيف معتصم صالح
|
Post: #14
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-04-2010, 08:46 AM
Parent: #12
الاخ عاطف عمر
مشكور علي المرور وين ليك فتره ما ظاهر
|
Post: #16
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-04-2010, 08:49 AM
Parent: #14
الطيب شيقوق
أفو يا اخوي ما كانت المحريه فيك ابيع دهبي وانت قاعد
|
Post: #17
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-04-2010, 08:52 AM
Parent: #16
يا معتصم صلحناها الرياااااااااض ، غايتو بس واقفين لينا علي الحبه ، يا خي نسيت اضيفك مع المقرشين
|
Post: #18
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-04-2010, 08:55 AM
Parent: #17
الأخ عاصم فقيري
طيب سلم أول بعدين اطلب من نعيم ، يا نعيم غايتو لو قطعتك دي اتابعت تديني حق السمسره ازيد بيهو قريشاتي شويه
|
Post: #21
Title: Re: عاوزه لي قطعة ارض وقروشي حبه
Author: الطيب شيقوق
Date: 07-04-2010, 09:00 AM
Parent: #17
Quote: أفو يا اخوي ما كانت المحريه فيك ابيع دهبي وانت قاعد |
(والذين يكنزون الذهب والفضة ولا ينفقونها في سبيل الله فبشرهم بعذاب أليم، يوم يحمى عليها في نار جهنم فتكوى بها جباههم وجنوبهم وظهورهم هذا ماكنزتم لأنفسكم فذوقوا ما كنتم تكنزون )
مسنوحة مكدسة الدهب عندك وعايز تأكلي راسنا عديل
والله يوم القيامة تشوفي الويل .
|
Post: #19
Title: Re: عاوزه لي قطعة ارض وقروشي حبه
Author: نادر النور آدم
Date: 07-04-2010, 08:57 AM
Parent: #16
Quote: المسنوحة والدهب الشفناهو زمان هنا وتالي ايدك نامن ماشة متكجة بالجنبة وديتيهو وين ؟ |
يا قريبي
زمان اشتريت لي قطعة أرض
عندي بت خالة كدي قالت لي ياخ انتو بتلمو القروش كيف
نحن لينا سنين دايرين نشتري وما قدرنا
قلت ليها بسيطة.. بعنا الدهب
أكان قالت لي (بري ياخوي الواطاة دي خليناها تب)
شنو ليك !!
|
Post: #22
Title: Re: عاوزه لي قطعة ارض وقروشي حبه
Author: Asim Fageary
Date: 07-04-2010, 09:01 AM
Parent: #19
Quote: الأخ عاصم فقيري
طيب سلم أول بعدين اطلب من نعيم ، يا نعيم غايتو لو قطعتك دي اتابعت تديني حق السمسره ازيد بيهو قريشاتي شويه |
سلام يا أخت هويدا
أخوك لا يملك شبر في بلد المليون ميل !!
لكن لو إشترينا ما بنقصر معاك
مع تحياتي وإحترامي
عاصم فقيري
|
Post: #23
Title: Re: عاوزه لي قطعة ارض وقروشي حبه
Author: نادر النور آدم
Date: 07-04-2010, 09:01 AM
Parent: #19
Quote: يا نعيم غايتو لو قطعتك دي اتابعت تديني حق السمسره ازيد بيهو قريشاتي شويه |
شوفي يا عمتكـ
لو تم الاتفاق مع نعيم دا
أنا عندي قطعة في أحد المواقع الانتي طالباها دي
وموقعها استراتيجي 200%
ممكن أبيعها ليك عشان أتم ليه قروشو
عشان كدة أقنعي لي الزول دا يديني سعر حلو
اتفقنا ؟؟
|
Post: #24
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-04-2010, 09:05 AM
Parent: #23
طيب يا نادر شنو في البدايه شابكني لا نملك الا الدعوات ، ما اهو انت بتملك اكتر ، وما عندك مشكله نعيم دا زول قلبو ابيض وكبير وإن شاء الله يبيع ليك بسعر كويس ، لو فيها خير إن شاء الله تكون من نصيبك
|
Post: #25
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-04-2010, 09:08 AM
Parent: #24
الأخ عاصم والله فعلا مشكلة الاراضي مشكله حلم من الاحلام غايتو ربنا يهون
|
Post: #26
Title: Re: عاوزه لي قطعة ارض وقروشي حبه
Author: نادر النور آدم
Date: 07-04-2010, 09:09 AM
Parent: #25
Quote: شنو في البدايه شابكني لا نملك الا الدعوات |
قلت ليك لا نملك إلا الدعوات لأننا حالياً بعيدين عن البلد
وبث!!
|
Post: #31
Title: Re: عاوزه لي قطعة ارض وقروشي حبه
Author: A.Razek Althalib
Date: 07-04-2010, 09:12 AM
Parent: #25
بت شرف الدين طلاتك بالدنيا..
كده خوشي صندوق وأبعدي من أسواق المواسير وما شاكلهاوتعالينا في نيالا..
والجاور السعيد بيسعد..
على الله يمكن ربنا يفرجها..
|
Post: #27
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-04-2010, 09:09 AM
Parent: #24
ود شيقوق صدقني ما عندك خوه تب
بالله كون ليك لجنه تنبثق منها عدة لجان لمناقشة مشكلتي دي وحلها زي سوقك الخيري داك ضع صندوق ولم لي فيهو مبلغ من المال اتم بيهو مشروعي دا ، انا حتي الدهب ببيعو مافي مشكله
|
Post: #29
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-04-2010, 09:11 AM
Parent: #27
نادر
الله يسهلها علينا وعليك ، بما انك انت مغترب فأنا حا اضيفك للأسماء الفوق دي الممكن يساهمو في دفع مال واقترح عليك الاتصال برئيس اللجنه ود شيقوق
لكن بي صراحه والله برضو ما قصرت لي بالدعاء وربك يهون
|
Post: #28
Title: Re: عاوزه لي قطعة ارض وقروشي حبه
Author: naeem ali
Date: 07-04-2010, 09:10 AM
Parent: #23
طبعا مبدئيا ده بيت ابوي المواصفات :- سلامات الحبيب نادر الكدرو ام القري جنوب محطة الاميه تاني ناصيه من شارع الظلط البيت 700 متر مقسم لبيتين البيت الاول فيه غرفه مع صاله مقفولات مع بعض ومطبخ خارجي مع صاله كبيره وحمام (بلدي) وحوشين + باب قراش وقراش كبير البيت التاني فيه غرفه بحمام داخلي (منفصله) + غرفه وصاله وحمام خارجي ومطبخ.. البيت مبني طوب احمر ومونه حره ومسقوف زنقي والعرش ملقم تلقيمه جديده (لزوم يذيد سعر الاجار وكده)..
____________________ اختنا هويدا والله لو مابقي من نصيبك (سمسرتك وسمسرة بكري برررره).. _____________ الحليفه اعلاه صادقه
|
Post: #30
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-04-2010, 09:12 AM
يا نعيم اهما حاجه ما اضفتها السعر في حدود كم
|
Post: #32
Title: Re: عاوزه لي قطعة ارض وقروشي حبه
Author: naeem ali
Date: 07-04-2010, 09:15 AM
Parent: #30
Quote: يا نعيم اهما حاجه ما اضفتها السعر في حدود كم |
السعر في المسنجر والاتفاق في التلفون (مثل تايلندي)..
|
Post: #33
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-04-2010, 09:15 AM
Parent: #30
عبد الرازق
كيفك تمام ، يا اخوي هي نيالا الهينه ما برضو عندكم العقارات طارت السماء ، وبيني وبينك نيالا احسن من الخرطوم مليون مره
|
Post: #45
Title: Re: عاوزه لي قطعة ارض وقروشي حبه
Author: حمزاوي
Date: 07-04-2010, 10:17 AM
Parent: #33
اختي الكبيرة هويدا مسكاقمي والله انت بت حلال ومحظوظة كمان امبارح اخوي صديق الموج قال لي شوف لي زبون لي بيتو قال لي عايز يبيع بس عنده شرط قال يتم بيع البيت بما حوا يعني بكل ما بداخل البيت محتويات البيت حوش وراكوبة وابريق للوضوء والمرا وشوية عيال وبث أها يا بت القبايل شن قولك
الوسطاء يمتنعون امثال ودشيقوق
|
Post: #34
Title: Re: عاوزه لي قطعة ارض وقروشي حبه
Author: عاطف عمر
Date: 07-04-2010, 09:54 AM
Parent: #1
غايتو يا هويدا يا بت أمي لقيت روحك رياضية بشكل !!!! إتنازلتي ليهم بالساهل كدا ؟؟ حتى لو ما عاوزة تشتري أو لقيتي السعر أكبر من توقعاتك ( إتعكلتي ) عشان ترفعي السعر واقسمي الزيادة مع نعيم شوفتي شغل السوق كيف ؟؟؟
إنت قايلة أغنى الناس في الخرطوم هم ( السماسرة ) ليه؟؟
_________________
بعدين ما تنسيني لمن تنفذي الخطة
|
Post: #35
Title: Re: عاوزه لي قطعة ارض وقروشي حبه
Author: طارق جبريل
Date: 07-04-2010, 10:00 AM
Parent: #34
Quote: الله يخليهو ناس الطيب شيقوق وطارق وابو سنينه والبشير دفع الله والمقرشين لوعندهم رغبه يزيدوا لي قروشي واشتري في اركويت ولا المعموره ولا الرياض برضو ما عندي مانع |
انت كلك تكشكشي بالدهب وعايزانا نحن الكحيانين ديل نكع اسمعي دي القطعة رقم كم
|
Post: #37
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-04-2010, 10:04 AM
Parent: #35
عاطف عمر الله يديك العافيه ، ما اتنازلت لكن نحن ناس الخرطوم لا بنحب بحري ولا امدرمان عشان كدا طلبي في الخرطوم ، لكن حركتك حلوه شديد النتفق مع نعيم ، نعيم ما شفتو نطه بقي يقول بيت ابوي وما بيتي
|
Post: #36
Title: Re: عاوزه لي قطعة ارض وقروشي حبه
Author: naeem ali
Date: 07-04-2010, 10:03 AM
Parent: #34
كلما يا عاطف يا اخوي ياخ.. كلما..
|
Post: #38
Title: Re: عاوزه لي قطعة ارض وقروشي حبه
Author: طارق جبريل
Date: 07-04-2010, 10:06 AM
Parent: #36
يا جماعة انا عندي درابزين ناس ابوي عايز ابيعه كمان فيهو مزيرة وعدد شجرتين نيم وعنقريب منسوج بالنايلون ومخزن بتاح حلل سماية وصاجين لحمة وثلاثة كُمش كبيرة ومقصوصة
|
Post: #40
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-04-2010, 10:09 AM
Parent: #38
طارق الله يجازي محنك انت والطيب
ما فيكم فائده تب ، علي العموم انا من عواسة الأبري المعاك إن شاء الله بطلع حق السمسره وحق باقي قطعة الارض انت بس شد حيلك معاي شويه كدا
|
Post: #43
Title: Re: عاوزه لي قطعة ارض وقروشي حبه
Author: naeem ali
Date: 07-04-2010, 10:15 AM
Parent: #38
Quote: ا جماعة انا عندي درابزين ناس ابوي عايز ابيعه |
ود جبريل الدرابزين لو لونه (حرجلي) اعتبرني اشتريت..
|
Post: #46
Title: Re: عاوزه لي قطعة ارض وقروشي حبه
Author: طارق جبريل
Date: 07-04-2010, 10:17 AM
Parent: #43
Quote: ود جبريل الدرابزين لو لونه (حرجلي) اعتبرني اشتريت.. |
فوشيا يا نعيم ياخي خليك مواكب
|
Post: #47
Title: Re: عاوزه لي قطعة ارض وقروشي حبه
Author: naeem ali
Date: 07-04-2010, 10:23 AM
Parent: #46
Quote: فوشيا يا نعيم ياخي خليك مواكب |
الحرجلي كنت حا ازرع فيه ريحانتين وصباح الخير.. الفوشي ده داير ليه (عباد الشمس) عديل..
__________________ خلاس شوف لينا المزيره لكن تدونا ليها بالزير (سالم) يكون
|
Post: #48
Title: Re: عاوزه لي قطعة ارض وقروشي حبه
Author: طارق جبريل
Date: 07-04-2010, 10:27 AM
Parent: #47
Quote: الحرجلي كنت حا ازرع فيه ريحانتين وصباح الخير.. الفوشي ده داير ليه (عباد الشمس) عديل..
__________________ خلاس شوف لينا المزيره لكن تدونا ليها بالزير (سالم) يكون |
صباح الخير ذاته في يا الحبيب مزروع في علبة ((نيدو)) نسيت اقوليك فيهو ترباس بيفتح من جوة
|
Post: #50
Title: Re: عاوزه لي قطعة ارض وقروشي حبه
Author: naeem ali
Date: 07-04-2010, 10:35 AM
Parent: #48
Quote: نسيت اقوليك فيهو ترباس بيفتح من جوة |
ده عيبه...
_______________________ مسطول رجع بيتم نص الليل , فتحت ليه بته الصغيره (طاااااااااااااخ) اداها كف.. وقال ليها (كنتي حايمه وين نصاصي الليل ده)..!؟
|
Post: #51
Title: Re: عاوزه لي قطعة ارض وقروشي حبه
Author: طارق جبريل
Date: 07-04-2010, 10:37 AM
Parent: #50
ياخي دة ميزته ترباس اسود وأثري كمان
|
Post: #52
Title: Re: عاوزه لي قطعة ارض وقروشي حبه
Author: naeem ali
Date: 07-04-2010, 10:38 AM
Parent: #48
Quote: مزروع في علبة ((نيدو)) |
بدسوا وراه (البتاعات)..؟ يعني العلبه (النوع الصغار داك) ولا المتوسطه.؟؟
_________________________ عارف لو كانت علبة (فورموست) كان اشتريتا مغمض
|
Post: #53
Title: Re: عاوزه لي قطعة ارض وقروشي حبه
Author: طارق جبريل
Date: 07-04-2010, 10:40 AM
Parent: #52
Quote: عارف لو كانت علبة (فورموست) كان اشتريتا مغمض
|
دي فيها لبلاب والبتاعات عندهم لستك قديم في الركن ممكن تدسهم هناك
|
Post: #55
Title: Re: عاوزه لي قطعة ارض وقروشي حبه
Author: naeem ali
Date: 07-04-2010, 10:45 AM
Parent: #53
معناها (الحصيره المركوه) في الحيطه خاشه في البيعه يا عمك.. واحتمال الراكوبه زااااتا..
_______________________ اللستك بشتغلوا بيه (غسيل) مابنفع يا عمك (الاصول الثابته) مهمه
|
Post: #39
Title: Re: عاوزه لي قطعة ارض وقروشي حبه
Author: معاذ حسن
Date: 07-04-2010, 10:08 AM
Parent: #36
هويدا انتظري الانفصال ودار ابونا كان خربت اخير ناخد لنا شلية
|
Post: #41
Title: Re: عاوزه لي قطعة ارض وقروشي حبه
Author: abuguta
Date: 07-04-2010, 10:10 AM
Parent: #36
Quote: حلم بإمتلاك قطعة ارض ، في الاندلس ولا الفتيح ولا أم عشر ولا الشقيلاب بالله مساعده والعاوز حق السمسره ما عندي مانع والبساعد لي الله ، الله يخليهو ناس الطيب شيقوق وطارق وابو سنينه والبشير دفع الله والمقرشين لوعندهم رغبه يزيدوا لي قروشي واشتري في اركويت ولا المعموره ولا الرياض برضو ما عندي مانع |
الاخت هويدا
لو عاوزة بيت فى المناطق دى انا بساعدك لان اخوى عندو مكتب عقار,,,بس اغلب الاراضى حيازه لكن البيوت المبنية عندها شهادات بحث
اضفى عليه الزهراب,,والسلمانية ,,دى مناطق منتعشة بصورة خياليه
|
Post: #42
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-04-2010, 10:13 AM
Parent: #41
معاذ
طبعا دا راي اغلبية الناس ، عشام كدا الزول ما عارف يعمل شنو الاراضي ماشه في ارتفاع
|
Post: #44
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-04-2010, 10:15 AM
Parent: #42
اب قوته
يا ريت والله تمدني بي تلفون منو وتوصيهو بس اهم حاجه بي شهادة بحث
|
Post: #49
Title: Re: عاوزه لي قطعة ارض وقروشي حبه
Author: احمد التجانى احمد
Date: 07-04-2010, 10:30 AM
Parent: #41
Quote: شنو في البدايه شابكني لا نملك الا الدعوات ، ما اهو انت بتملك اكتر |
والله ياست البوست (والقروش الحبة) بالغتى لكن السواى ماحداث المنبر دة شفتى ليك فيه زول باع واشترى؟ البيع والشراء فى سوق الله اكبر العديل حق السماسرة الطماعيين وكضابين مع صادق دعواتى لك بتحقيق مقصدك
|
Post: #54
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-04-2010, 10:44 AM
Parent: #49
احمد التجاني شكرا علي المرور
والله اهو قلنا يكون زول عندو قطعة ارض يساعدنا ، السماسره جننوني يضرب لي واحد يقول لي لقيت ليك قطعة ارض جيبي العربون بدون ما اشوفها بدون اي شئ خلينا طريقهم
|
Post: #56
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-04-2010, 10:51 AM
Parent: #54
يا طارق
حق السمسره بعدين محفوظ بالله
|
Post: #57
Title: Re: عاوزه لي قطعة ارض وقروشي حبه
Author: الطيب شيقوق
Date: 07-04-2010, 11:03 AM
Parent: #56
Quote: ود شيقوق صدقني ما عندك خوه تب |
انا كان قبلت عليك بالمطرق دي بوريك النجم بالنهار يا مسنوحة
انت الناس ديل مسوية ليهم موية سكر هسع من فتحتي البوست دا بطلوا السياسة والكورة والمعايير جوا كاسرين بجاى .
|
Post: #58
Title: Re: عاوزه لي قطعة ارض وقروشي حبه
Author: Hisham Ibrahim
Date: 07-04-2010, 11:09 AM
Parent: #57
Quote: عاوزه لي قطعة ارض وقروشي حبه |
أقعي الحيازة ،،
هشام
|
Post: #59
Title: Re: عاوزه لي قطعة ارض وقروشي حبه
Author: الطيب شيقوق
Date: 07-04-2010, 11:11 AM
Parent: #58
حمزاوي
Quote: الوسطاء يمتنعون امثال ودشيقوق |
اهااااااااا جاتك حسادة البرابرة ؟
|
Post: #60
Title: Re: عاوزه لي قطعة ارض وقروشي حبه
Author: abdelgadir mustafa
Date: 07-04-2010, 11:15 AM
Parent: #59
الاخت هويدا البوسست شكلو مسخن شديد عندى اقتراح اى متداخل فى البوست بمليون جنيه مساهمه فى شراء القطعه بدل ما تشترى الاندلس تدخلى الازهرى وجبره مولانا شيقوق حتى الان عليهو خمسه مليون واحسبى الباقى انتى
|
Post: #62
Title: Re: عاوزه لي قطعة ارض وقروشي حبه
Author: وليد شريف
Date: 07-04-2010, 11:21 AM
Parent: #59
رايك شنو في الف متر وبي اربعة مليون بس وقريبة في خرطوم الله البارد ده وبدون سمسرة
|
Post: #65
Title: Re: عاوزه لي قطعة ارض وقروشي حبه
Author: A.Razek Althalib
Date: 07-04-2010, 11:28 AM
Parent: #59
Quote: وبيني وبينك نيالا احسن من الخرطوم مليون مره |
محمد معانا سيف مساعد ما يغشانا.. تعرفي يا الغالية.. سمسارة الأراضي علشان يرفعو من قيمة أسعار الأراض كانو بيقولو لرأسمالية السودان "الما عندو بيت في نيالا بيعدم التحتح.. علشان كده ما تستغربي وجود ناس نهار وناس كمبال والشيخ مصطفى الأمين.. وما إلى ذلك.. والزيعلي..
يمين زمان جهة المطار والسكة حديد كنا بنمسيها أم زعيفة وبنسرح بالغنم هناك كان الواحد بيمسك عشوائي وفي اليوم التاني الحكومة بتدفعو رسوم المساح والفارغة كان بيملاها الله.. لا خطة إسكانية ولا يحزنون..
والبلد حالها ميسور..
لغاية ما جات الإنقاذ بكل علاتها..
غنو ليها جلالة قدر دا..
أنا ماشي نيالا..
والحال بقى من بعضو لا بسر حبيب ولا غريب..
|
Post: #61
Title: Re: عاوزه لي قطعة ارض وقروشي حبه
Author: عبدالحفيظ حسن
Date: 07-04-2010, 11:18 AM
Parent: #58
.
هويدا.....
لمن تحلى مشكلتك دى......
حلى لى مشكلتى الزمان ديك....
.
|
Post: #63
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-04-2010, 11:22 AM
Parent: #61
الطيب خليك مركز في كلام عبد القادر دا شفتو سمح كيفن يلا احسب
عبد القادر انت كان قلت خير موضوعنا بتحل تب
|
Post: #64
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-04-2010, 11:25 AM
Parent: #63
عبد الحفيظ كيفك مشتاقين يا خ
انت مشكلتك لسه ما اتحلت ما براك زغت ، علي العموم نحن جاهزين
|
Post: #66
Title: Re: عاوزه لي قطعة ارض وقروشي حبه
Author: الطيب شيقوق
Date: 07-04-2010, 11:29 AM
Parent: #64
عبد القادر
Quote: مولانا شيقوق حتى الان عليهو خمسه مليون واحسبى الباقى انتى |
وحاة الله دي خمسة نبقات ما تستاهلها
دي تستاهل الواحد يربطهابحبل في ميدان ابو جنزير
|
Post: #67
Title: Re: عاوزه لي قطعة ارض وقروشي حبه
Author: abdelgadir mustafa
Date: 07-04-2010, 11:33 AM
Parent: #66
مولانا انا عارفك زول بطان وسوط بتدفع بدون جرسه هيع هيع هيع
|
Post: #68
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-04-2010, 11:35 AM
Parent: #66
الطيب انا لو اترفدت من شغلي السبب انت
|
Post: #69
Title: Re: عاوزه لي قطعة ارض وقروشي حبه
Author: الطيب شيقوق
Date: 07-04-2010, 11:39 AM
Parent: #68
قدورة
Quote: انا عارفك زول بطان وسوط بتدفع بدون جرسه |
بس حقارة بنات البندر ديل بنلحق حدها سريع
هويدا
انا كان مديرك كان دفرتك من الطابق الخامس
|
Post: #70
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-04-2010, 11:47 AM
Parent: #69
يا الطيب خليك في كلام عبد القادر احسن ليك ن عبد القادر دا زول عاقل
|
Post: #71
Title: Re: عاوزه لي قطعة ارض وقروشي حبه
Author: الطيب شيقوق
Date: 07-04-2010, 11:51 AM
Parent: #70
Quote: يا الطيب خليك في كلام عبد القادر احسن ليك ن عبد القادر دا زول عاقل |
وكان بقى هكر؟
|
Post: #72
Title: Re: عاوزه لي قطعة ارض وقروشي حبه
Author: abdelgadir mustafa
Date: 07-04-2010, 12:04 PM
Parent: #71
ود شيقوق والله نحنا الهكر فى الجزيره الا فى اللوارى لك الشكر عبدالقادر
|
Post: #76
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-04-2010, 12:19 PM
Parent: #71
لا انا متاكده انو ما هكر الهكر ما بقول كلام سمح كدي
|
Post: #73
Title: Re: عاوزه لي قطعة ارض وقروشي حبه
Author: معاوية عوض الكريم
Date: 07-04-2010, 12:09 PM
Parent: #69
اها يا هويدا ما بقيتى على ام القرى جنوب ؟ لو بقيتي عليها .. اسالينى من التوثيق - ملح ساي ! لانكم حتكونوا جيراننا بالحيطة
|
Post: #75
Title: Re: عاوزه لي قطعة ارض وقروشي حبه
Author: abdelgadir mustafa
Date: 07-04-2010, 12:12 PM
Parent: #73
هويدا نصيحه ليك اياك والاراضى المجلسيه اشترى فى حته بس لازم شهاده بحث من تسجيلات الاراضى
|
Post: #74
Title: Re: عاوزه لي قطعة ارض وقروشي حبه
Author: إدريس محمد إبراهيم
Date: 07-04-2010, 12:10 PM
Parent: #63
أختنا العزيزة / هويدا شرف الدين
سلامات يا زوله وإن شاء الله تب بعد ده ما عندك مشكله ...
Quote: الاخت هويدا البوسست شكلو مسخن شديد عندى اقتراح اى متداخل فى البوست بمليون جنيه مساهمه فى شراء القطعه بدل ما تشترى الاندلس تدخلى الازهرى وجبره مولانا شيقوق حتى الان عليهو خمسه مليون واحسبى الباقى انتى |
غايتو يا هويدا لو طبقتي كلام أخونا عبد القادر ده .. الشافك سكنت جاردن سيتي ما كدب ..
|
Post: #77
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-04-2010, 12:26 PM
Parent: #74
معاويه
اها معاك شوف لي في ام القري بس ما تكون غاليه وشهادة بحث اهم حاجه
|
Post: #78
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-04-2010, 12:29 PM
Parent: #77
الأخ عبد القادر مشكور علي النصيحه بس لازم الشراء بي شهادة بحث لانو الحيازات بتعمل مشاكل وانا لقيت اراضي كتيره ورخيصه بس كلها حيازات
|
Post: #79
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-04-2010, 12:32 PM
Parent: #78
الأخ ادريس انا مقتنعه بي فكرة عبد القادر وعجبتني شديد وممكن اخفض لي نص المبلغ لكن البقنع المسانيح ديل منو ما شايف الطيب المسنوح دا رافض الفكره بتاتا
|
Post: #81
Title: Re: عاوزه لي قطعة ارض وقروشي حبه
Author: عفاف الصادق بابكر
Date: 07-04-2010, 12:49 PM
Parent: #79
هويدا يا بت امي الله يتم ليك مقاصدك ..
Quote: الزهراب,,والسلمانية ,,دى مناطق منتعشة بصورة خياليه |
لكن تعالى النسعلك الزهراب .. والسلمانية ديل وين ؟؟؟
غايتو انا واقفه بعييييييييييد ومستفيده ..
|
Post: #80
Title: Re: عاوزه لي قطعة ارض وقروشي حبه
Author: صلاح حمد
Date: 07-04-2010, 12:47 PM
Parent: #1
Quote: حلم بإمتلاك قطعة ارض ، في الاندلس ولا الفتيح ولا أم عشر ولا الشقيلاب بالله مساعده والعاوز حق السمسره ما عندي مانع والبساعد لي الله ، الله يخليهو ناس الطيب شيقوق وطارق وابو سنينه والبشير دفع الله والمقرشين لوعندهم رغبه يزيدوا لي قروشي واشتري في اركويت ولا المعموره ولا الرياض برضو ما عندي مانع |
الأخت هويدا شرف الدين ســـلام
الأندلس أحسن ، أو أشتري في أطراف العاصمة مع النازحين والمساكين وأنسي القطعة سعرها حايزيد ويمكن بعد كم سنة كده تشتري ليك بيت في المنشية أو كافوري - أو تعالي لينا في ولاية الجزيرة شيخ الحلة يمكن يديكم قطعة (خطة إسكانية) بس قبل بيع مشروع الجزيرة ( بعد داك يمكن ما تلقينا).
ربنا يحقق حلمك وتمتلكي ليك قطعة أرض في أرض المليون ميل مربع، وكلنا حلمانين زيك ما براكي.
سؤال: عليكم الله أسعار الأراضي في البقعة (أم درمان) بي كم ؟
صلاح حمد
|
Post: #82
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-04-2010, 12:58 PM
Parent: #80
صلاح حمد
مشكور والله علي المرور فعلا كلامك صاح كنت عاوزه في الكلاكله ، لكن بعد كدا لقيتها اكبر من طموحاتي شغاله في وظيفه كبيره وراجلي شغال وما قادرين نلم في قطعة ارض شكلي كدي حا اقع السكن الشعبي
|
Post: #83
Title: Re: عاوزه لي قطعة ارض وقروشي حبه
Author: abuguta
Date: 07-04-2010, 01:04 PM
Parent: #80
Quote: لكن تعالى النسعلك الزهراب .. والسلمانية ديل وين ؟؟؟
غايتو انا واقفه بعييييييييييد ومستفيده .. |
عفاف
بعد الاحطياطى المركزى جنوبا شرق زلط جبل اوليا بتقع السلمانية والزهراب
لكن لو عاوزة بزودك بالتفون تحياتى
|
Post: #84
Title: Re: عاوزه لي قطعة ارض وقروشي حبه
Author: الطيب شيقوق
Date: 07-04-2010, 01:40 PM
Parent: #83
قدورة
Quote: والله نحنا الهكر فى الجزيره الا فى اللوارى |
طيب اتبرع ليها بشحنة عنكوليب او برسيم احسن ليها من كواستها من ناس طارق جبرل المايل وعواس الابري
|
Post: #85
Title: Re: عاوزه لي قطعة ارض وقروشي حبه
Author: abdelgadir mustafa
Date: 07-04-2010, 01:57 PM
Parent: #84
مولانا اها يمين مليونك ومليونى على ضهرى دا ومحل هويدا ما عاوزه القروش تصلا هيع هيع
|
Post: #86
Title: Re: عاوزه لي قطعة ارض وقروشي حبه
Author: الطيب شيقوق
Date: 07-04-2010, 02:03 PM
Parent: #85
Quote: اها يمين مليونك ومليونى على ضهرى دا ومحل هويدا ما عاوزه القروش تصلا |
كويس هي ذاتها محتاجة ليها لطاحونة دقيق - الكيلة بتدققها بجنيهين وتسلمها سيدها ثلاثة ارباع عشان ربع بتقصد تحتو في الواطة وتجي اخر اليوم تخم المحتوت وتبيعو عليقة لناس البقر .
|
Post: #87
Title: Re: عاوزه لي قطعة ارض وقروشي حبه
Author: الطيب شيقوق
Date: 07-05-2010, 05:34 AM
Parent: #86
العاجبة دي ما جات البنك العقاري لسه ؟ باقي لي ما بتدخل النت الا يكون ملح دي تكون عندها مطمورة متروسة فلوس وبتستهبلنا ساى قت ليكم
|
Post: #88
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-05-2010, 06:13 AM
Parent: #87
الأخت عفاف الصادق
اشكر الاخ ابوقته الوصف ليك المكان وفعلا هي اماكن جميله وواسعه بعد الإحتياطي المركزي في شارع جبل أولياء
|
Post: #89
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-05-2010, 06:17 AM
Parent: #88
الطيب صباحاتك خير
إنت مالك شيال حال كدي شكيت محنك لي الله القروش بوفر فيها عشان قطعة الارض
|
Post: #90
Title: Re: عاوزه لي قطعة ارض وقروشي حبه
Author: الطيب شيقوق
Date: 07-05-2010, 06:32 AM
Parent: #89
Quote: إنت مالك شيال حال كدي شكيت محنك لي الله القروش بوفر فيها عشان قطعة الارض |
خلاص قدورة ود مصطفى اتبرع ليك بشحنتين قصب سكر بيعي الشحنتين وشوفي الرقعة وين
|
Post: #91
Title: Re: عاوزه لي قطعة ارض وقروشي حبه
Author: abdelgadir mustafa
Date: 07-05-2010, 06:43 AM
Parent: #90
مولاى ود شيقوق متين اصبحت البت شغلا ما وصلتو انت ناطى ليها فى حلقا غايتو حركات ولاد عرب تتكل فى الشعب لى قوله فلان كعب الله يعينك يا هويدا
|
Post: #92
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-05-2010, 06:44 AM
Parent: #90
انت بس لو مسكت في كلام قدوره دا يا الطيب ما في عوجه تب الزول بحب الخير والمساعده ورجل بر امشي معاهو في كلامو دا وهو بتم الباقي
|
Post: #93
Title: Re: عاوزه لي قطعة ارض وقروشي حبه
Author: الطيب شيقوق
Date: 07-05-2010, 06:53 AM
Parent: #92
قدورة
Quote: ود شيقوق متين اصبحت البت شغلا ما وصلتو انت ناطى ليها فى حلقا غايتو حركات ولاد عرب تتكل فى الشعب لى قوله فلان كعب |
كدى راجع البوست دا فوق شوف انا البديت ولا هي مقطوعة الطاري البدت
انت خليك على كلامك هي ما بتهظر انت بس وريها انك وين و بكرة من الصباح تلقى مرسالها قدامك جاييك بشنطتو فيشان يتحصل منك ال 3 مليون دي .
|
Post: #94
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-05-2010, 07:40 AM
Parent: #93
يا زول أنا من أمبارح عرفت ليك مكان عبد القادر بصبر لليله والله طلع جاري شديد بعد شويه ماشه ليهو انت بس اطلع منها
|
Post: #95
Title: Re: عاوزه لي قطعة ارض وقروشي حبه
Author: مزمل خيرى
Date: 07-05-2010, 11:22 AM
Parent: #94
هويدا ... ازيك .. انا اشتريت فى الاندلـس مربع 8 فى شهـر 4 الفات بـ 32 الف جنية جابت هسع 40 الف ، لكن قلبى اتقطع لمن اشتريتو .. ابعدى بقدر الامكان من السماسرة لانهم بيرفعوا ليك الاسعار ولو لقيتى فى الاندلس فى مربع 8 اوعك من الناحية الشرقية زى ماقلت ايك فى الايميل .. الاندلس موعودة انها تكون حتة جميلة خاصة المربعات البعيدة من مناطق مايو ومانديلا .. تابعى بوست اخونا منصور وختى ايميلك لعل وعسى .. انشاء الله نسمع انك اتوفقتى فى الموضوع دا قرييب .... تحياتى ...
|
Post: #96
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-05-2010, 11:31 AM
Parent: #95
الاندلس قالو لي احسن مكان مربع تسعه وسته
والله فعلا السماسره موضوعهم طويل وغايتو الفيهو الخير ربنا يعملو ، ومشكور كتير علي التوجيه ما عدمناك إن شاء الله
|
Post: #97
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-06-2010, 06:15 AM
Parent: #96
بشكر كثير من الأخوه الذين مدوا يد المساعده سواء بالراي أو المشوره أو ببعض ارقام الهواتف لكن بالحاله دي ظاهر قطعة ارض الا قبر بس والله يستر بعد ظاهرة إمتلاء المقابر ما ظن نلقي لي القبر ذاتو
|
Post: #98
Title: Re: عاوزه لي قطعة ارض وقروشي حبه
Author: abubakr
Date: 07-06-2010, 06:27 AM
Parent: #1
يابتي
زمااان كنت مهندس في الاسكان والاراضي واها فنشنا ابوعاج وفكينا الزوغة لي هسع ..بس بعد كام سنة طلبت لمعاينة في الخطة الاسكانية علشان يحددو هل انا بستحق واطة والا لا وانا كات مقدم من قبل كدة كم طاشر سنة ...وقامو اصرو علي اني احلف يمين علي المصحف انو ما عندي واطة وانا ما كان عندي واطة ....وبعدين سنيين طاشر قالو ادوني واطة ..بس وين ما عارف ....وانتي هسع قلتي اسامي كتيرة في اول كلامك وانا ما عرفت ولا واحدة اصلو طلعونا والخرطوم كانت حدها العماراتوالصحافة وكيلو خمسة كدة الواحد بس ضهبان عشان يصلو او بجمع سنة مكة يبيعو .... يعني هسع واطتي دي بتكون وين ؟؟؟
|
Post: #99
Title: Re: عاوزه لي قطعة ارض وقروشي حبه
Author: Hisham Ibrahim
Date: 07-06-2010, 07:14 AM
Parent: #98
Quote: يعني هسع واطتي دي بتكون وين ؟؟؟ |
كان قالوا ليكـ وين ، أكيد حا تزعــل يا أبوبكر !
لأنو زمن تقديمك كان عشمك في الأزهري والا المعمورة !!
هسع أقنع وسلم رايتكـ للبعـدك (ورقكـ) وخليهم هم بعد كم سنه كدا
يفتشوا ليها براهـم ..
غاتو يتوارى لي إسـمك دا في الوادي الأخـضـر مربع 47 ..
ــــــــــــ
في واحد فوق قال نيالا أحسن من الخرطوم .
وهو الفرق بقى شنو بين نيالا والخرطوم ؟
الشوارع تتشابه في الناس و الدواب ، والتراب
نفس اللقطه في شوارع نيالا ياها في الخرطوم وكادقلي وسواكن
في الخرطوم بقى الشارع في الرياض والا المعموره زي
شارع الدروشاب وزي المليون غـبي في القضارف والا الدمازين ما عارف ،
وزي شارع العناقريب في أمدر ..
البلد كلها بقت درجة 643 ما زي زمان كان زمان في درجه اولي وتانية وتالته .
هشام
|
Post: #100
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-06-2010, 07:18 AM
Parent: #98
الأخ أبوبكر
مشكور علي المرور غايتو يا ريت توريني اسمها وانا بوريك ليها وين اذا كنت انت من زمن ابو عاج يا دوب لقيت قطعة ارض نحن نقع ساي
|
Post: #101
Title: Re: عاوزه لي قطعة ارض وقروشي حبه
Author: الطيب شيقوق
Date: 07-06-2010, 07:27 AM
Parent: #100
خربت المنبر دا بسناحتك
هسع ما اقوم اتناول الطوبة دي الفخك بيها
|
Post: #102
Title: Re: عاوزه لي قطعة ارض وقروشي حبه
Author: abubakr
Date: 07-06-2010, 07:34 AM
Parent: #100
تحياتي هشام
Quote: غاتو يتوارى لي إسـمك دا في الوادي الأخـضـر مربع 47 .. |
الوادي دة وين ؟؟ تبع فيلم افاتر ؟؟ وليه 47 ؟؟ يعني عند ناس الفلك والحاجات دييك يعني 2 ( 4 زايد سبع 11 واحد زائد واحد اتنين ) ودي ما بتجيب ايتها حاجة .. شوف لينا سبعة او تسعة ...
|
Post: #103
Title: Re: عاوزه لي قطعة ارض وقروشي حبه
Author: فيصل عثمان الحسن
Date: 07-06-2010, 07:40 AM
Parent: #102
|
Post: #104
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-06-2010, 07:40 AM
Parent: #102
المسنوح مالك علي ما لاقيه قطعة ارض وقلت انتو المرطبين تدعموني لا دعمتني ولا خليت رحمة الله تنزل عالم حاسد بشكل عجيب
|
Post: #105
Title: Re: عاوزه لي قطعة ارض وقروشي حبه
Author: abubakr
Date: 07-06-2010, 07:42 AM
Parent: #102
معليش ياهشام ..باين بتعرف الواطات .. اها "الازهري" دي وين ؟؟ واطة سمحة ؟؟
|
Post: #106
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-06-2010, 08:37 AM
Parent: #105
ابو بكر
الازهري حلوه شديد وراقيه وغاليه لكن الوادي الاخضر في سقط لقط
|
Post: #107
Title: Re: عاوزه لي قطعة ارض وقروشي حبه
Author: abubakr
Date: 07-06-2010, 08:56 AM
Parent: #106
شكرا هويدا
Quote: الازهري حلوه شديد وراقيه وغاليه لكن الوادي الاخضر في سقط لقط |
يعني لو ادوني في الازهري حاكون من اصحاب الاملاك "صدج (كما يقول الاعراب) " واها بعد كام وتلاتيين سنة ابني واعمر لخلق الله ممكن يعني اشغل مهندسيين زي ما مشغلني عشان يطورو لي ملكي .... سقط لقط دي فيها مطار ؟؟ اصلو انا مغترب مهجر ....؟؟
|
Post: #108
Title: Re: عاوزه لي قطعة ارض وقروشي حبه
Author: نادر النور آدم
Date: 07-06-2010, 09:01 AM
Parent: #107
Quote: المسنوح مالك علي ما لاقيه قطعة ارض وقلت انتو المرطبين تدعموني لا دعمتني ولا خليت رحمة الله تنزل عالم حاسد بشكل عجيب |
والله لا لقيتي قطعة الواطاة ولا اتكفيتي شر النِّقّة
يا كافي البلا ويا حايد المحن
هع هع هع
|
Post: #109
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-06-2010, 09:28 AM
Parent: #108
ابو بكر
لو عندك قطعة ارض في الازهري انت مرطب عديل كدا ، وسقط لقط دي عباره عن البعد لا فيها مطار ولا في سماها زاتو ما بتجي طياره
|
Post: #110
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-06-2010, 09:32 AM
Parent: #109
الأخ نادر النور
والله كلامك صحيح لا لقيت الواطه ولا انسترت ولا لقيت مساعده بالكاش حتي فكرةعبد القادر بتاعت كلو زول يخض مداخله لألف جنيه ما شايفاها مشت
|
Post: #111
Title: Re: عاوزه لي قطعة ارض وقروشي حبه
Author: الطيب شيقوق
Date: 07-06-2010, 09:48 AM
Parent: #110
Quote: اها "الازهري" دي وين ؟؟ |
هههههههههههههههههههههههههههههههههها
|
Post: #112
Title: Re: عاوزه لي قطعة ارض وقروشي حبه
Author: عزام حسن فرح
Date: 07-06-2010, 10:21 AM
Parent: #111
ناس تكوس لِلرَِض المعنى فوقا تبني بِيوت ... وناس تهِدْ في بِيوت ومِنا تمشي غادي تفوت ... وناس لا ليها أرَِض ولا عشمانا حتو تموت ... وناس شيقوق "سرْمكو" تب وزرعو فوقو التوت ... وناس بِت شرف سكنو ساي عاملين فوقا شفوت ...
ــــــــــ سرمكو : مِن السراميك (وكِده)
|
Post: #113
Title: Re: عاوزه لي قطعة ارض وقروشي حبه
Author: الطيب شيقوق
Date: 07-06-2010, 10:29 AM
Parent: #112
Quote: وناس شيقوق "سرْمكو" تب وزرعو فوقو التوت ... وناس بِت شرف سكنو ساي عاملين فوقا شفوت ... |
ات آآآآآآآ جنا الكلام السمح دا بتجيبو من وين؟ عندك ...............لي ؟؟؟؟؟؟ ولا نجاضة سااااااى؟
|
Post: #116
Title: Re: عاوزه لي قطعة ارض وقروشي حبه
Author: محمد عبدالقادر سبيل
Date: 07-06-2010, 11:33 AM
Parent: #113
Quote: الشقيلاب بالله مساعده |
والله عندي في الشقيلاب الضاربة بيها مثل دي قطعة ارض وعارضا للبيع الليلة دي تصدقي يا هويدا؟ ويمين ما اشيل منك اكتر من سبعة مليون بما فيها حق المحامي لكنها بس ارض عشوائية 500 متر مستقبلها واعد وتمت ازالتها قبل كدا ثم اعيدت الى عشوائيتها مجددا ______________ والله المستعان وعليه التكلان
|
Post: #114
Title: Re: عاوزه لي قطعة ارض وقروشي حبه
Author: abubakr
Date: 07-06-2010, 11:15 AM
Parent: #109
يا هويدا
Quote: لو عندك قطعة ارض في الازهري انت مرطب عديل كدا ، وسقط لقط دي عباره عن البعد لا فيها مطار ولا في سماها زاتو ما بتجي طياره |
اكان حترطبنا يانا الراجعيين نتاجر فيها سنتي سنتي .....
اها قريت انو رئيس تحرير لصحيفة انتقل الي السكن في الوادي الاخضر الفي سقط لقط ..طيب دة كيف حيسافر للجريدة بتاعتو ؟؟؟
|
Post: #115
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-06-2010, 11:26 AM
Parent: #114
الأخ عزام فرح
مشكور علي المرور الجميل ، كلامط سمح بالحيل كلامك فوق الطيب صحي لكن فوقني مو صاح نحن تاني قطعة ارض بالشايفاهو دا الا القبر
|
Post: #118
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-06-2010, 11:43 AM
Parent: #115
الأخ ابوبكر
لو عندك قطعه في الازهري بالجد مرتاح ، فعلا الوادي الاخضر جنبها مدينه اسمها مدينة الصحفيين
|
Post: #117
Title: Re: عاوزه لي قطعة ارض وقروشي حبه
Author: abubakr
Date: 07-06-2010, 11:38 AM
Parent: #100
يا هويدا
Quote: مشكور علي المرور غايتو يا ريت توريني اسمها وانا بوريك ليها وين اذا كنت انت من زمن ابو عاج يا دوب لقيت قطعة ارض نحن نقع ساي |
ما انتي قلتي الازهري ؟؟ يبدو لي انها الازهري ؟؟ بس هي وين ؟؟ ما عارف ؟؟ اخر مرة مشيت الخرطوم قبل كدة 15 سنة ما طلعت من البيت لاني ما كنت عارف انا وين ؟؟؟ الخرطوم دييك الانا برضو كنت بخطط فيها مع المخططيين راحت ؟؟ ضاعت وسط بيوت كتيييييييرة .. زماااانك كاان محطة سبعة حدنا وبعدين الصحافة وبس مسافة كدة والحزام الاخدر وبعدين السلمة ..وبعد كيلو خمسة(اكان وصلتها!!) عينك في سوبا لانو الواطة خلا ساااااي ...والجريف كانت بعيدة ...وانا كنت عامل كماين طوب للحيكومة محل معرض الخرتوم .. اها المقرن والكهربا والغابة والمنطقة الصناعية والحلة الجديدة والمدبغة والشجرة والمدرعات ونرجع للسجانة ونمرة تلات ونمرة اتنين ونمرة واحد والعمارات .... اها وريني الازهري وين في الكوم دة كلو عشان نرطب جد ؟؟ ما تقولي لي جنب نمرة اتنين ؟؟؟
|
Post: #119
Title: Re: عاوزه لي قطعة ارض وقروشي حبه
Author: احمد محمد احمد عتيق
Date: 07-06-2010, 04:58 PM
Parent: #100
دخلنا ومرقنا ..وما لقينا سعر مكتوب... ولا سعر تعرف بيهو سعر البيوت ..
دي زي نسوان العزوزاب ...
|
Post: #120
Title: Re: عاوزه لي قطعة ارض وقروشي حبه
Author: عطية المحسي
Date: 07-06-2010, 05:03 PM
Parent: #119
Quote: دي زي نسوان العزوزاب ... |
ههههههايا ..كااااااكـ,,
هويدا الله يعينكـ..
|
Post: #121
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-07-2010, 07:05 AM
Parent: #120
محمد عبد القادر
مشكور علي المرور والله الشقيلاب الايامات دي حصلت اربعينات وخمسينات قطعة ارضك دي وين بالضبط وشهادة بحث ولا حيازه انا بتابعه ليك في الحالتين
|
Post: #122
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-07-2010, 07:12 AM
Parent: #121
الأخ محمد أحمد
مشكور علي المرور لكن يا ريت توضح لينا وجه الشبه في الحاجه دي ونسوان العزوزاب
|
Post: #123
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-07-2010, 07:16 AM
Parent: #122
الأخ عطيه المحسي
شكرا علي المرور
|
Post: #124
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-07-2010, 07:21 AM
Parent: #123
ابو بكر بجيب ليك موقعها بالتفصيل
بس هي فعلا حته اسعار الاراضي فيها طارت السماء
|
Post: #125
Title: Re: عاوزه لي قطعة ارض وقروشي حبه
Author: Yousif A Abusinina
Date: 07-07-2010, 07:36 AM
Parent: #124
بسم الله الرحمن الرحيم
الشى الواحد عينو ماتمض كويس ويفط يومين من المنبر الاى الدنيا خرباااااااااانة
المسنوح مالك ما كنت كويسة وصحة زى الحديد شوية وردة ( اكسروا الواو) ومعها سهراجة تعمل فيك كل دة
وآت المسنوووح الماك مستور بنية البندر طلبت من فزعة تمشى تفتش فى سحراتها وديهباتة كان اديتها مملينات الله بحسابك .
عملت لينا فبها الشيخ كشك الله يرحمة ومشيت تفتش للذين يكذنون الذهب والفضة
انا غايتو ان جاتنى فى ابوسنينه بديها قطعة ارض مجان ومعاها تبعات كثيرة شى ........ كيتن عليك اها المسنوح
وصاحبك ود الصائم كب الزوقة
ومعتصم بقول ليها ماشى الامارات وتانى مارجع
ونسى زولك واااااا معتصماه
والله المسنوح اخوك ليك يومين زانقنوا المراجعين جنس زنقة كلها من حساتك المضر
ومبسوط المسنوع اجدعت فى البوست وصاحبك عزام ماقصر معاك سوا فيك قصيدة
Quote: ناس تكوس لِلرَِض المعنى فوقا تبني بِيوت ... وناس تهِدْ في بِيوت ومِنا تمشي غادي تفوت ... وناس لا ليها أرَِض ولا عشمانا حتو تموت ... وناس شيقوق "سرْمكو" تب وزرعو فوقو التوت ... وناس بِت شرف سكنو ساي عاملين فوقا شفوت ... |
|
Post: #126
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-07-2010, 07:50 AM
Parent: #125
أبو سنينه
والله كلامك دا بالدنيا كلها ، كأني كدي اشتريت قطعة ارض ، مش ذي صاحبك الطلع ######## ساي ، ما بتقصر وما عدمناك
|
Post: #127
Title: Re: عاوزه لي قطعة ارض وقروشي حبه
Author: د.محمد حسن
Date: 07-07-2010, 07:52 AM
Parent: #125
يا هويدا اديك النجيضة
قريشاتك العندك اعملي زي الكيزان
اشتري شقة في القاهرة والباقي سافري بيه ماليزيا هناك السكن رخيص قروش الايجار بتاعة شقة القاهرة عيشي بيها في ماليزيا وقري اولادك واتعالجي ومالك مال التلتلة الليل الطوب سعره ارتفع بكرة المقاول حبوبة مرتو ماتت وبعد بكرة الموية قاطعة وووالخ
وبعد 8 سنين تكوني يادووب وصلتي العتب ونظرك بقى طشاش والراجل زهج منك لانك بقيتي جارية ورا المقاول والعمال والاسمنت ونسيتي روحك واتبهدلتي وعجزتي والراجل زهج من اسطوانة البيت الرملة الطوب الاسمنت الموية الخ
الحقي روحك واعملي بي كلامي وعيشي ليك ايامن حلوة مع الراجل والعيال
|
Post: #128
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-07-2010, 08:05 AM
Parent: #127
د. محمد حسن
والله كلامك صاح
غايتو حلم وانا صرفت عنو نظر في سقط لقط القطعه بي خمسن الف جنيه خلينا من ايجار لي ايجار
|
Post: #129
Title: Re: عاوزه لي قطعة ارض وقروشي حبه
Author: الطيب شيقوق
Date: 07-07-2010, 09:21 AM
Parent: #128
Quote: وآت المسنوووح الماك مستور بنية البندر طلبت من فزعة تمشى تفتش فى سحراتها وديهباتة كان اديتها مملينات الله بحسابك . |
فلوسنا محاتجين ليها نشتري بيها علف للبقيرات ودي عايز فلوسنا تبرطع بيها في الحدائق والفنادق
|
Post: #130
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-07-2010, 09:31 AM
Parent: #129
لا القروش ما عاوزه ابرطع بيها عاوزه بيها قطعة ارض ترحمني من الإيجارات انت امشي مع كلام ابو سنينه وعبد القادر داك ابدا الدفع خلي الناس الباقيين تشيلهم الهاشميه ، هسع لو كل زول دفع فيكم اتنين الف جنيه بس قروشي دي ما كان تمت
|
Post: #131
Title: Re: عاوزه لي قطعة ارض وقروشي حبه
Author: الطيب شيقوق
Date: 07-07-2010, 09:56 AM
Parent: #130
Quote: لا القروش ما عاوزه ابرطع بيها عاوزه بيها قطعة ارض |
اكون فارغ كان اديك فلوسي تسكسكي بيها يا مسنوحة
|
Post: #132
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-07-2010, 10:04 AM
Parent: #131
علي قول عبد القادر لا لقينا قطعة الارض ولا حفظنا ماء وجهنا مالك علي يا الطيب
|
Post: #133
Title: Re: عاوزه لي قطعة ارض وقروشي حبه
Author: abdelgadir mustafa
Date: 07-07-2010, 10:47 AM
Parent: #132
هويدا شفتى مولانا لا اداك قروش ولا خلاك فى حالك دا نسمهيو شنو دا عموما انا جاهز ليك
|
Post: #134
Title: Re: عاوزه لي قطعة ارض وقروشي حبه
Author: الطيب شيقوق
Date: 07-07-2010, 11:07 AM
Parent: #133
Quote: علي قول عبد القادر لا لقينا قطعة الارض ولا حفظنا ماء وجهنا مالك علي يا الطيب |
بكلم بكري هسع يودى البوست دا الذبالة
دا بوست همبتة ساااااااااى
|
Post: #135
Title: Re: عاوزه لي قطعة ارض وقروشي حبه
Author: محمد عبدالقادر سبيل
Date: 07-07-2010, 11:19 AM
Parent: #134
Quote: والله الشقيلاب الايامات دي حصلت اربعينات وخمسينات قطعة ارضك دي وين بالضبط وشهادة بحث ولا حيازه انا بتابعه ليك في الحالتين |
بتتكلمي جد ؟ خمسين ؟ وبعدين هل في ناس في الشقيلاب دي عندهم شهادة بحث يا هويدا؟ انت صحافية مرموقة واكيد عارفة خبايا نحن ما عارفنها ________________ رب اشرح لي صدري
|
Post: #136
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-07-2010, 11:31 AM
Parent: #135
الأخ محمد عبد القادر
في مناطق كثيره في الشقيلاب طلعت ليها شهادات بحث بس انت وريني اسم المنطقه والمربع والرقم
بعدين انا ما هويدا الصحافيه أنا مدير مكتب تنفيذي
|
Post: #137
Title: Re: عاوزه لي قطعة ارض وقروشي حبه
Author: Tabaldina
Date: 07-07-2010, 11:39 AM
Parent: #136
.. . عايز لى سلفية ( مرابحة ) بناء بضمان الارض وشخصين وخطاب عمل وشيكات مستقطعة فى حدود 400 الف مع مقدم 100 الف الاجراءات شنو ؟؟
--------
السؤال دا طرحتو عليك فى المكتب وما لقيت اجابة .. اها نرجع لموضوعك.. ما قريت من الاول بس عشان تبقى عملية الموقع ووين والمبلغ كم؟؟ والموقع _ كثيرا - ما يحدده المبلغ بارك الله فمن نفع واستنفع
|
Post: #138
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-07-2010, 12:19 PM
Parent: #137
تبلدينا كيفك
الإجراءات تجي تفتح حساب اولا عندنا ويكون عندك تصديق مباني وجداول كميات وتبدا نشتغل ليك طوالي شايفه مقدمك جاهز
اما بالنسبه لي الاندلس او فتيح العقليين او الشقيلاب
|
Post: #139
Title: Re: عاوزه لي قطعة ارض وقروشي حبه
Author: Tabaldina
Date: 07-07-2010, 12:37 PM
Parent: #138
.. . عايز تسكنى حسي ولا حتبنى بعد سنتين : الخيارات كالاتى :
1- تشترى فى مدينة النسيم مخطط جاهز للسكن يقع بين اخر محطة للحاج يوسف الصهريج ومخطط نبته .. سعر الارض كاش 35 الف .. اقساط تدفعى مقدم 5 الف والباقى اقساط على سنتين .. تقريبا 500 جنيه شهريا او المعاك كلو مقدم وتكملى بعد داك
3- مدينة النخيل 2 شارع العيلفون - او مدينة مدينة اخرى غ سوق ليبيا دى مخططات جاهزة ( نفس الشروط السابقة ) مخطط نبته ممكن تلقى برضو بسعر معقول مخطط رائع بس غير مرغوب حاليا بسبب ( الصرف الصحى) الامر لرفع لرئاسة الجمهورية لاغلاقه هذا للعلم ..
2- الاندلس الاسعار معقولة برضو وعن طريق صديق لنا
4- سوبا شرق (حيازة) بس مضمونه مساحة 500 فى حدود 20- 30 الف عن طريق اللجنة الشعبية ومكتب عقار اعرف صاحبه
5- صالحة امدرمان ايضا لا بأس بها
6- الشقيلاب دى اصبرى نسال ليك مصدرنا هنا سافر الدهب برجع بعد شهر بس زول مضمون وعلى مسؤوليتى
---------
كفاية ولا نزيد لو قلت المبلغ عديل او فى الماسنجر ممكن نفيدك اكتر
|
Post: #140
Title: Re: عاوزه لي قطعة ارض وقروشي حبه
Author: Yousif A Abusinina
Date: 07-07-2010, 02:43 PM
Parent: #139
Quote: فلوسنا محاتجين ليها نشتري بيها علف للبقيرات ودي عايز فلوسنا تبرطع بيها في الحدائق والفنادق |
اديها حق العجلات بسويلها شى بطل مسخة وسناحة ههههههه
غايتو جنس نشافة عليك
دا شن نفروا دا ولا الداهى البسموا الدراى ود كلين .........فيك عروق من حضر#######الموت
|
Post: #141
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-08-2010, 07:47 AM
Parent: #100
تبلدينا ما عدمنك إن شاء الله وعملت بي نصيحتك
|
Post: #142
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-08-2010, 07:58 AM
Parent: #141
أبو سنينه
لقد ناديت إذ اسمعت حيا ولكن لا حياة لمن تنادي
|
Post: #143
Title: Re: عاوزه لي قطعة ارض وقروشي حبه
Author: Yousif A Abusinina
Date: 07-08-2010, 09:04 AM
Parent: #142
Quote: لقد ناديت إذ اسمعت حيا ولكن لا حياة لمن تنادي |
قولتى لى كب الزوقة لحق ناس ود الصائم و معتصم
ياها المحريه فيهم ناس الصعيد
|
Post: #144
Title: Re: عاوزه لي قطعة ارض وقروشي حبه
Author: الطيب شيقوق
Date: 07-08-2010, 09:23 AM
Parent: #143
ابو سنينة
Quote: قولتى لى كب الزوقة لحق ناس ود الصائم و معتصم
ياها المحريه فيهم ناس الصعيد |
انت مصدق هسع؟
اما البوست دا عاملو ولد واسمو المستعار هويدا او هكر قاصد يخرط نوعك ونوع ناس قدورة ود مصطفى
ناس الصعيد نجاااااااااااض فلوسهم اكان يشتروها امباز ما بشتتوها لسجم الرماد دي
|
Post: #145
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-08-2010, 11:05 AM
Parent: #144
شفت صاحبك طلعني هكر اخر النهايه
ود شيقوق منك لله انا زول مسكين حق المسكين ما برجي متين سبحان القال يظهر في الحين
|
Post: #146
Title: Re: عاوزه لي قطعة ارض وقروشي حبه
Author: الطيب شيقوق
Date: 07-08-2010, 11:51 AM
Parent: #145
Quote: ود شيقوق منك لله انا زول مسكين حق المسكين ما برجي متين سبحان القال يظهر في الحين |
خلاص عشان كلامك دا اتبرعت ليك بخروفين ناعمين اقرنين ابيضين
|
Post: #147
Title: Re: عاوزه لي قطعة ارض وقروشي حبه
Author: سيف الدولة كامل
Date: 07-09-2010, 03:36 AM
Parent: #146
هويدا سلام..
بيت 1000متر شرق شارع الستين طابقين
الاول 320 متر الثاني 255 متر.. تشتري؟
بين المعمورة والطايف والفردوس.
ممنوع دخول المسنوح راعي العنكوليب.
|
Post: #148
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-11-2010, 09:12 AM
Parent: #147
سيف الدوله كامل
مشكور علي المرور
يا الطيب عليك الله كان ما دخلت شاكلت لي الزول دا اقول ليهو الكلاكله يقول لي الطائف
|
Post: #149
Title: Re: عاوزه لي قطعة ارض وقروشي حبه
Author: الطيب شيقوق
Date: 07-11-2010, 09:56 AM
Parent: #148
Quote: يا الطيب عليك الله كان ما دخلت شاكلت لي الزول دا اقول ليهو الكلاكله يقول لي الطائف |
هوي يا مسنوحة اوع تشبكيني مع المسنوح دا اتى ما شايفه دقنو دي كيف ؟ دا والله فكي كارب اكان نفخ اوفففففف هسع بلحقك وبلحقني امات طه .
|
Post: #150
Title: Re: عاوزه لي قطعة ارض وقروشي حبه
Author: نادر النور آدم
Date: 07-11-2010, 10:01 AM
Parent: #149
Quote: يا الطيب عليك الله كان ما دخلت شاكلت لي الزول دا اقول ليهو الكلاكله يقول لي الطائف |
الشي يا كافي البلا .. ياقريبي بقيت مختوت لي جنس دا ؟؟
والله قالو التسوّي بي إيدك ذااااااااااااااااتو
________________ تحياتي أستاذ سيف الدولة
|
Post: #151
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-11-2010, 10:11 AM
Parent: #150
الاخ نادر
مشكور علي المرور ، الطيب دا لسانو طويل بيساعدني
|
Post: #152
Title: Re: عاوزه لي قطعة ارض وقروشي حبه
Author: حمزة سيف الشريف
Date: 07-11-2010, 10:12 AM
Parent: #149
يا جماعة مساعدة انا اشتريت قطعة ارض 1000متر حيازة من اللجنة الشعبية للضريساب بشرق النيل قبل حوالي 7سنة تقريبا ومن الفترة ديك ما عرفت حاجة عنها ارجوافادتي كم سعرها الآن وهل هذه المنطقة اتعمرت ولا لسة
|
Post: #153
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-11-2010, 10:21 AM
Parent: #152
الاخ حمزه
اول مره أول مره اسمع بالحته دي بس لو حيازه حقك راح
|
Post: #154
Title: Re: عاوزه لي قطعة ارض وقروشي حبه
Author: فايزودالقاضي
Date: 07-11-2010, 10:46 AM
Parent: #153
الاخت هويدا ...ٍسلامات ..
ماعندي ليك قطعة ارض لكن عايزة كم من القروش ؟!!!
|
Post: #155
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-11-2010, 10:54 AM
Parent: #154
الأخ فايز ود القاضي
دا الكلام البسر بس شوف انت مستعد تدفع كم من ألف إلي خمسن ألف
لقيت عروس ولا لسه؟؟؟؟؟؟؟؟؟؟؟؟؟؟؟
|
Post: #156
Title: Re: عاوزه لي قطعة ارض وقروشي حبه
Author: فايزودالقاضي
Date: 07-11-2010, 11:46 AM
Parent: #155
الاخت هويدا ..سلامات ...مارديتي سلامي الفات ..
Quote: الأخ فايز ود القاضي
دا الكلام البسر بس شوف انت مستعد تدفع كم من ألف إلي خمسن ألف |
انت الطالبة ياهويدا لذلك محتاجة كم تحديداً ؟!!!
Quote: لقيت عروس ولا لسه؟؟؟؟؟؟؟؟؟؟؟؟؟؟؟ |
لسه ...اتصالاتك معانا ..بتلقي اجر ويمكن قطعة ارض ..
|
Post: #158
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-11-2010, 12:34 PM
Parent: #156
الأخ فايز
سلااااااااااامات
مالك غيرت عاوزه عريس ولا قطعة ارض؟؟؟
عاوزه عشرين الف جنيه بس
لو عاوز عروس حدد المواصفات ما عندك مشكله
|
Post: #157
Title: Re: عاوزه لي قطعة ارض وقروشي حبه
Author: محمد عبدالقادر سبيل
Date: 07-11-2010, 12:02 PM
Parent: #155
Quote: في مناطق كثيره في الشقيلاب طلعت ليها شهادات بحث بس انت وريني اسم المنطقه والمربع والرقم |
هويدا السلام عليكم ورحمة الله وبركاته مشيت اجيب ليك المعلومات قالوا لي ياخ انت واطاتك دي في الشبيلاب مش الشقيلاب !!!!!!!!!! شفتي الكلام دا كيف ؟ ومضى المصدر قائلا يا سيدي اللمنتي ليك : الشقيلاب ديك واقعة شرق واما الشبيلاب فواقعة جاي غرب ، قريب خالص من ( جادين) !!!!!! شفت جادين؟ قلت له بصوت مبلوع : لا لأ قال مشكورا : شوف تركب من الشقلة وتقول ليهم مواصلات جادين أها وبعدين؟ بعدين تتم الباقي بالكرعين !!! لاكين قريبة بتمشي ما تخاف ساي !! هكذا يا هويدا قال الراوي بفصيح العبارة اها شن قولك انتي ؟ تشتري بالسبعة ( حيازة)؟ دي والله اخير منها ارض الزول الادوها ليهو بين الترى والتريا !!! _____________ رب اجعل هذا البلد آمنا وارزق اهله من الثمرات
|
Post: #159
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-11-2010, 12:42 PM
Parent: #157
محمد عبد القادر
الشقله دي يعني علي امدرمان
ونحن امدرمان ما ناسها بعدين الحيازات دي ما مضمونه هسع امبارح دي مكسرين حته مائة بيت في صالحه غايتو ما عاوزه اقول ليك يعوضك الله لكن بالحيازه ما بنشتري الا شهادة بحث
|
Post: #160
Title: Re: عاوزه لي قطعة ارض وقروشي حبه
Author: محمد عبدالقادر سبيل
Date: 07-11-2010, 12:48 PM
Parent: #159
Quote: غايتو ما عاوزه اقول ليك يعوضك الله |
عوض الله ما باباهو والله ادعي لي بس
_______________ لا اله الا انت سبحانك اني كنت من الظالمين
|
Post: #161
Title: Re: عاوزه لي قطعة ارض وقروشي حبه
Author: فايزودالقاضي
Date: 07-11-2010, 02:25 PM
Parent: #160
Quote: عاوزه عشرين الف جنيه بس |
عايزاها من منو ؟!!!
|
Post: #162
Title: Re: عاوزه لي قطعة ارض وقروشي حبه
Author: Yousif A Abusinina
Date: 07-11-2010, 04:22 PM
Parent: #161
Quote: خلاص عشان كلامك دا اتبرعت ليك بخروفين ناعمين اقرنين ابيضين |
غايتو آآآآ المسنوح ما فيك فائدة خروفين الشى مو ضحية ، الشى بيت أأأأأ الملقوف
بدل الخروفين بعجيلتين او عجلين بياكلو الدرت وبجين شيتن فيه فائدة .
بدل ما العجلات نائمات جنب عناقريبكم وانت ضاربين السهلة فى الصعيد والهوى يضرى ويقول وآآآآآ هبمبريبى ويقوم العجيل ياكل حبل السعف هيل كراب العنقري وأت تصحى ذى المجنون وتصيح عليكم الله شوفوووا العجل المهود دة امة حنبووووووا ما عجبوا الا الكراب دة.
وأت اآآآآآا المسنوحة الكاشف اخوى ما بقصر معاك عارفوووا بس بدرلووووا طولة بال .
|
Post: #163
Title: Re: عاوزه لي قطعة ارض وقروشي حبه
Author: سيف الدولة كامل
Date: 07-12-2010, 02:21 AM
Parent: #162
هويدا ,, سلامات
والله كان راجيا المسنوح يشاكلني واطاتك اصبحت.
الله يسلمك يا نادر’’ المسنوح زولي وانا خابره كويس.
|
Post: #164
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-12-2010, 06:07 AM
Parent: #163
يا ابو سنينه اياكا زولي من ما الله خلقك وما بتقول الا الكلام الصاح والفيهو الفائده ، وانا تحت خدمتك في اي طلب صاحبك دا انا مصدقاهو من هين ما عارفاهو راقد لو في كوم ورثه هسع لو باع ليهو شيتا كدي ذي ما انت نصحتو يوم الجمعه الجايه ما كنت بشتري بيتي في امانة الله
|
Post: #165
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-12-2010, 06:08 AM
Parent: #164
سيف الدوله الله يسلمك من كل بلاء
المسنوح دا ما عندو عزيز اسالني انا زي ضل الضحي
|
Post: #166
Title: Re: عاوزه لي قطعة ارض وقروشي حبه
Author: الطيب شيقوق
Date: 07-12-2010, 07:19 AM
Parent: #165
نادر
سيف الدولة
سلام
Quote: الشي يا كافي البلا .. ياقريبي بقيت مختوت لي جنس دا ؟؟
والله قالو التسوّي بي إيدك ذااااااااااااااااتو |
يا زوى هو المسنوحة دي عارفاني سريع نهمة مش زي ناس ابو سنينة وود الكامل الواحد يقولوا ليهو تعال سوي يقنب يحك في رويسو ويمد رقبتو ويتلفت زى الحشرة الالمانية ديك البتجيب خبر مباريات كاس العالم
|
Post: #167
Title: Re: عاوزه لي قطعة ارض وقروشي حبه
Author: Yousif A Abusinina
Date: 07-12-2010, 08:56 AM
Parent: #166
Quote: يا زوى هو المسنوحة دي عارفاني سريع نهمة مش زي ناس ابو سنينة وود الكامل الواحد يقولوا ليهو تعال سوي يقنب يحك في رويسو ويمد رقبتو ويتلفت زى الحشرة الالمانية ديك البتجيب خبر مباريات كاس العالم |
هههههههههههههههههههههههه
اهاااااا ابقى عشرة على نفسك ما نجيب خبرك انت
اخوى سيف الله ناس الصعيد عارفهم كويس اطول شى فيهم لسانهم - اهااااا كمان اخونا المسنوح وراث طولة اللسان وزيد علىة اكل عيشوا فى لسانو ......
اها امرق لى برة وفك الصورريرة الداسنها فى كيس وحافرين ليها غرق ساس البيت وادى المسنوحة الفيها النصيب بدل بهدلتك البسوى فيها دى .
|
Post: #175
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-13-2010, 06:55 AM
Parent: #167
يا ابو سنينه الزول دا سادي دي من كينه ودي من عجينه خليهو انا زاتي عفيتو
|
Post: #170
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-13-2010, 06:09 AM
Parent: #166
أنا عشان كدي اخترتك لكنك وديتني البحر وجبتني عطشانه لا ساعدت ولا خليت خلق الله يساعدو
|
Post: #168
Title: Re: عاوزه لي قطعة ارض وقروشي حبه
Author: احمد محمد احمد عتيق
Date: 07-12-2010, 05:06 PM
Parent: #165
يا جماعة عملتو لينا شنو في الموضوع دة ...
عشان نحن واقفين في الصف وكدة ...
شدو حيلكم شوية وسيبكم من..؟؟؟
|
Post: #169
Title: Re: عاوزه لي قطعة ارض وقروشي حبه
Author: سيف الدولة كامل
Date: 07-13-2010, 02:23 AM
Parent: #168
العزيز\ يوسف أبوسنينة ,,, سلا مات
والله صدقت المسنوح رزقة في لسانه,,, عشان كده
المسنوح حلو لسان وقليل احسان ,, جيبه فيهو عقرب.
ايامنا الفي عمان زارني مرة مع اخونا دكتور ابو طالب
الحسين واتوهط وشرب القهوة والشاي , بعد فترة اتقابلنا
في مناسبة قال لي يا الاخوة انا شايفك وين , قلت ليهو
القهوة والشاي نسيتهم؟ أها يا المسنوح مرتب شهر ماهو
خساره في اختنا هويدا بتم ليها الناقصة.
|
Post: #171
Title: Re: عاوزه لي قطعة ارض وقروشي حبه
Author: الطيب شيقوق
Date: 07-13-2010, 06:19 AM
Parent: #169
Quote: اخوى سيف الله ناس الصعيد عارفهم كويس اطول شى فيهم لسانهم - اهااااا كمان اخونا المسنوح وراث طولة اللسان وزيد علىة اكل عيشوا فى لسانو ......
اها امرق لى برة وفك الصورريرة الداسنها فى كيس وحافرين ليها غرق ساس البيت وادى المسنوحة الفيها النصيب بدل بهدلتك البسوى فيها دى . |
المسنوح حلو لسان وقليل احسان ,, جيبه فيهو عقرب.
ايامنا الفي عمان زارني مرة مع اخونا دكتور ابو طالب
الحسين واتوهط وشرب القهوة والشاي , بعد فترة اتقابلنا
في مناسبة قال لي يا الاخوة انا شايفك وين , قلت ليهو
القهوة والشاي نسيتهم؟ أها يا المسنوح مرتب شهر ماهو
خساره في اختنا هويدا بتم ليها الناقصة.
تقطعوا ساى يا اولاد البندر وتجدعوا الفلوس ساى يا اولاد البندر وما عندكم دخري لا قدام يا اولاد البندر ولسان حالكم يقول اليوم امر وغدا خمر ساى يا اولاد البندر حديثهن عندكن بشاشة وقتيلكم عندهن شهيد ساى يا اولاد البندر ابقوا في مصعتكم دي ساى يا اولاد البندر
تعرفوا المصعة آآآآآآآآآآ ابو سنينة وود الكامل ؟ راجعوا كتاب شيقا في شرح مفردات التواصل الانساني !!! بين الابل والنوق
|
Post: #174
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-13-2010, 06:52 AM
Parent: #171
المسنوح
مشكور علي المرور الجميل لكن انا خلاص قنعت من خيرا فيك النمسك في ود الدوله وابو سنينه نشوف اخرتهم
|
Post: #173
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-13-2010, 06:47 AM
Parent: #169
سيف الدوله دا ياهو الكلام البسر النفس هسع الناس الردت في البوست دا لو كلو زول دفع 500 جنيه انا ما كان اشتريت وهي ما بتاثر معاهم
|
Post: #172
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-13-2010, 06:42 AM
Parent: #168
أحمد محمد سلامات
لا لمينا في قطعة الارض ولا حاجه ، الأراضي اسعارها مبالغه شديد تلقي واحد في سقط لقط وداير في قطعتو خمسين الف لكن ابشرك في مخطط جديد اسمو ماوينا تدفع الف جنيه وتاني 200 جنيه لمدة 35 شهر
|
Post: #176
Title: Re: عاوزه لي قطعة ارض وقروشي حبه
Author: Yousif A Abusinina
Date: 07-13-2010, 08:36 AM
Parent: #172
Quote: يا ابو سنينه الزول دا سادي دي من كينه ودي من عجينه خليهو انا زاتي عفيتو |
والله ان قلع اطلع ليك حقك منووووووو المسنوح
الشغلة مو صعبة كلمتين عند اهلنا ناس الصعيد تخليه يقول الروووووووب واجى جارى جرى وجزالانة فى يدووو.
الجنس دة عارفين طريقتو ومتخصصين فيهم ارقدى قفااااااااا آآآآآآآ المسنوحة وحقك اجيك لاقيت عندك
|
Post: #177
Title: Re: عاوزه لي قطعة ارض وقروشي حبه
Author: الطيب شيقوق
Date: 07-13-2010, 08:46 AM
Parent: #176
Quote: والله ان قلع اطلع ليك حقك منووووووو المسنوح
الشغلة مو صعبة كلمتين عند اهلنا ناس الصعيد تخليه يقول الروووووووب واجى جارى جرى وجزالانة فى يدووو.
الجنس دة عارفين طريقتو ومتخصصين فيهم ارقدى قفااااااااا آآآآآآآ المسنوحة وحقك اجيك لاقيت عندك |
ههههههههههههههههههههههههههههههههههها وحاة النبي زى الكاتح ليك عبار دقة يا ابا سنينة
|
Post: #178
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-13-2010, 09:36 AM
Parent: #176
تراني منتظره يا يوسف ما يبقي كلام ساي دا اديهو الكلام الكتير بس
|
Post: #179
Title: Re: عاوزه لي قطعة ارض وقروشي حبه
Author: الطيب شيقوق
Date: 07-13-2010, 09:57 AM
Parent: #178
Quote: تراني منتظره يا يوسف ما يبقي كلام ساي دا اديهو الكلام الكتير بس |
حظك لقيت ليك قطعة ارض وراء امبدة جنب فريق العرب بهناك
شدي حيلك بس اذربيها بشوك كتر كويس وابني فيها قطية - بس اوعاك تولعي نيران جنب القطية المساحة واسعة ممكن تسوي ليك ذريبة ضان وبقر وتربي ليك ###### من الحرامية
انا بتبرع ليك بجمل قش وجرة شوك كتر
|
Post: #180
Title: Re: عاوزه لي قطعة ارض وقروشي حبه
Author: هويدا شرف الدين
Date: 07-13-2010, 10:36 AM
Parent: #179
خلاص اتفقنا ودي انت دفعت قروشها
|
|