فى هجاء صلاح ادريس

امجاد الهلال من بدرىظاهرة وباينه
لكن الظروف فى المال صعيبة وخاينة
امجاد الهلال باين عليك ما هاينة
معروف الهلال ومواقفك انت الشاينه



لازم تستقيل تذهب تروح تختانا
فى مجد الهلال ماليك انت مكانه
حبينا الهلال وهلالنا هو الحبانا
ارحل يا ثقيل من غيرو ما احلانا





تملالنا الجرايد ارباب وما ارباب
معروفة المكارم الا الزمن كضاب
احلامك تلاشت ووعودك انت سراب
خليهو الهلال تتبارى فيهو اقطاب




دافعلو المغيرة شمتان علينا مخستك
عامل راسو كيف كركاسة ليها اللستك
غسلى يا قوافى الليلة واسع طشتك
ان عاد المغيرة والله ليهو ابستك


ما برجعلو تانى مريخ خلاص خليتو
ما شوفتو الاهلة يا اهلنا طلعوا زيتو
ما باقيلو شى يا اخوانا راجين موتو
مريخابناالرماد بى سرعة قنطروا شوتو



استاد من زمان ما ختو فيك ولا طوبه
وكرعين اللعيبه سوالها يا اخى رطوبه
داير للسياسه وخلا الهلال سبوبه
فى المطرة الشديدة ما تضلنا الراكوبه
رد المغيره

(شكرا يابلسانا طويل ومربا

كرهتا العباد ياخ اف عليك ياحبه

وعامل تمام ياخى كيسك مامعبا )
عمار يرد؛
يا الاصلك جدادى كيفن تقولنا حبه
جنك ما كبير وفقيرنا ليك ما طبً
لا بدلك عديل واديك بالمرزبه
اسكت يا عميل ورك تاكلو مربه


نفخر بالهلال لكن ادارتو اشاعه
والجمهور غفير واقفين عديل شماعه
اعطوا الفرصة أخر الا النفوس طماعة
تجار الهلال جالبينو يااخ بضاعه

دافع لى صلاح مسخوط واسمو الشامى
تترتع تقول بس ما تقول طشامى
كسار للتلج وظاهرعليك حرامى
لى مجد الهلال كيف تبقى انت محامى

عمار مهكور.. ولا الحاصل شنو؟؟

أرباب التقيله الما بتجلب الشينه
ولا بتشرب عرق لا بتسرقك كشتينه
ياالساقى الهلال من الوريد قنينه
أبشر يا اللصم من جيتنا نحن روينا



يا مك دار جعل إت للهلال شفخانه
وإن عدم الزخيره تجيب قطار جبخانه
قناص التجيبو قذايفو زى الدانه
وأعرض ناس فلان ترقص حداهو فلانه



أرباب يا المأصل من نسل أرباب
ويا الباب المتاكى بلا سعال وحساب
الباشا القديم ساعى الجداد ليك جاب
وقول كر فر يطير إت للرجال زى ناب



لو شمت المغيره بشماتو ما بنمسكك
ويا الدهب المحرق ديمه فايح مسكك
كان عمار هدر شن جابو لى زى سكك
وشن سوى المحال ما بطلعن زى دكك




إرجع واللا لا مالك متابع خيتو
ومالك ديمه قاسى وخط صفر خشيتو
إن قلنا الهلال خليهو كم غشيتو
إنت البعتو داك من غير سعر تشيتو



درجت الهلال يا مك صنعت اعجوبه
وقندل بالكباتن والمرسيدس قجوبه
إن قلنا السياسه شبعان مكملو روبا
ويا ضل اللبخ كضب البقول راكوبه



ود آدم رطن جرالنا سيفو وحربه
وشايل الشر سلاح ساويلو كمين ضبه
الحوت فى البحر بالصير بسوى مربه
والمك بالقروش بنكيهو ديمه معبا



القيم القبيل صانا الدرير ما باعه
والبحر الغريق جابلو السفن بى شراعا
كاتال البفوت نار الكرم ولاعا
نحن نقولو دود وإنت بتقولو إشاعه




منصور

والله دى قصه عجيبه.

شعرك يا عمار < ركيك >
شِعرك يا منصور < عجيب >







عزام الحلبي المقطع

عزام الحلبى المقطع حفيان وجالب قردو
فى دق الصفايح اخوانو سخنوا بردوا
من الصح عديل يا اخوانا ليه بتشردوا
ومنصور ان ختا حالف اوصلو حدو

عزام مو قرد شيخا مجود وردو
ومو لعاب ورق لا شافو زول بى نردو
وقت الصاح يبين لو كان محيط بنوردو
ويبقى حساب ولد وقتين تدور بنجردو



منصور

منصور انت مالك مع الكوتشينة يا خوي؟

عمار

Quote: عزام الحلبى المقطع حفيان وجالب قردو فى دق الصفايح اخوانو سخنوا بردوا من الصح عديل يا اخوانا ليه بتشردوا ومنصور ان ختا حالف اوصلو حدو

ركاكة شِعْرك مِن عِدة جِهات :

Quote: عزام الحلبي المقطع

ده ما شِعر ... أكان تقول كَدي لو مغروض شديد :

الحلبي المقطع حفيان وجالِب قِرْدو
ـــــــــــ

Quote: فى دق الصفايح اخوانو سخنوا بردوا

والبيت ده ما < مسجوع > مع أخوانو ... يعني بفْتقِد < لِلموسيقى > أكان أحسن تقولو كَدي :

في دق الصفايِح أخوانو عِرْقو وبِرْدو

بِرْدو : إغْتسلوا
ـــــــــــ

Quote: من الصح عديل يا اخوانا ليه بتشردوا

< صح > في عينك ياخ ... ده لِزوم ما لا يلزم ... والقاعِدة دي ما مُسْتحبه في الدوبيت والمرابيع والمسادير
ـــــــــــ

Quote: ومنصور ان ختا حالف اوصلو حدو

< حَدو > بِفتح الحاء ... القافِية كَدي مو لاتقا مع باقي القوافي البِتقول : < قِرْدو > و< بِرْدو > و< بِتْشِردو > المَكْسورات كُلهُم جميعًا

أكان تجبُرا بِكَدي :
ومنصور إنْ خِتا حالف أوصلو وِرْدو

الوِرْد : الوظيفة والمُعْتاد والوِرْد : المنبع وأصل الشئ والوِرد : الحُمى
ـــــــــــ
وبعدين في < المرابيع > وِكْتين تدور تجمع كلِمة ما بِتْضيف مع الواو < ألِف الجماعة >
بردوا
بتشردوا
ــــــــــ
يعني تبقى كَدي :

الحلبي المَقطَـعْ حفْيان وجالِِْب قِِرْْدو
في دَقْ الصفايِح أخوانو عِِرْْقو وبِرْدو
مِن العديل ياخْـوانا ليه بِتْشِرْدو؟
ومنصور إنْ خِِتا حالِف أوصِلو وِِرْْدو

بلاي الإتنين يوم ناس الصدى في الإيجار!
ههههه

يبدو انك قد اخترت ضحيتك بعناية هذه المرة لتمارس عليه ابتزازك الرخيص ايها المتسول الحقـــــــــــــير

munswor almophtah

Quote: عزام مو قرد شيخا مجود وردو ومو لعاب ورق لا شافو زول بى نردو وقت الصاح يبين لو كان محيط بنوردو ويبقى حساب ولد وقتين تدور بنجردو

تَوْصل لِلشفيع وتِتْوهط تمام في وِرْدو ...
إسْمك شبيه حظك ومِتْيقِنْ وظيفا ووِرْدو ...
الغِيَبْ فيها اللسد وفيها بِنطِط قِرْدو ...
لا يِهِمك .. كَمْ كُتار حِرْدو بِقفايا ومِرْضو ...

عبدالمنعم سليمان

Quote: يبدو انك قد اخترت ضحيتك بعناية هذه المرة لتمارس عليه ابتزازك الرخيص ايها المتسول الحقـــــــــــــير

هسِع المُداخله المِتْل الطاقِية دي ، يِلبسا منو عمار ولا أيمن ولا منصور ولا د. محمد بابكر ولا عزام ولا سيف ولا أشرف ... معقول كِده ياخ ... ما تعنْوِن مُداخلتك يا زول ، لأن الإبْتِزاز أكان رخيص ولا غالي والتسوُل أكان حقير وود ناس ، دي حاجات نسبِية ... يعني بِكون حسب وضعك وخلفيات إسْفيرية (في الغالب) أو واقعِية ... كدي أفرُز لينا مُداخلتك بِالله



ـــــــــــ
حسب ما أنا عرفتو ، إنت ما عضو المنبر < منعم سليمان > مُش كِده؟