Post: #1
Title: شلعوها الجيرمناب
Author: نصار
Date: 07-03-2010, 09:46 PM
ياخي دا رعب ما اعتيادي باللهي اسبانيا تحس بيها
دايرة تتغلب من البرغواي عشان ما تقابل المانيا
ام اربعة و اربعين,, تمانية اهداف ضد انجلترا
و الارجنتين مبالغة.. و يبدو كلام لينيكر ح يتحقق
السنة دي قال المانيا لو ما لعبت كويس بتصل النهائي
و اذا لعبت كويس تشيل اي كاس... في النهاية اسبانيا
اتهورت و قدمت طلب بعدد اربعة اهداف على الاقل
في نص النهائي..يشلعوها الجيرمناب زي ما شلعوا
البريطاناب و الارجنتيناب
|
Post: #2
Title: Re: شلعوها الجيرمناب
Author: ابراهيم عدلان
Date: 07-03-2010, 09:55 PM
Parent: #1
اوعي من ناس برشلونة الخوالده يا نصار
|
Post: #3
Title: Re: شلعوها الجيرمناب
Author: نصار
Date: 07-03-2010, 10:11 PM
Parent: #2
ههههههههههههههههههه يا ابراهيم اخوي
اصله دي لا حكت و بقت
انا كان في محل الاسبان اعقد صلح سريع
مع الجيرمان بباقي الليل دا انهم
يكتفوا بالانتصار عليهم بدون حقارة
قون قونين كفياة
خلدوها البراشنة
لوووول
|
Post: #4
Title: Re: شلعوها الجيرمناب
Author: almulaomar
Date: 07-04-2010, 11:34 AM
Parent: #3
لا تاريخ لا جغرافيا ما وقفت مع المرشحين والحكاية يبدو أنها في طور ولادة بطل جديد قد يكون الأروغوي مثلاً فقد سبق الجيرمناب إلى تشليع الأرجنتيناب ما فعله الهولنداب في جلد البرازيلاب.
|
Post: #5
Title: Re: شلعوها الجيرمناب
Author: doma
Date: 07-04-2010, 11:58 AM
Parent: #4
نصار سلامات
الجيرمناب ديل اسع بشلعهم ليك المتداور الاسباني
بس انت انتظر الماتش الجاي
النتيجه مع الرافه بتكون 2 صفر لصالح اسبانيا
واسبانيا ح تقابل هولندا
|
Post: #7
Title: Re: شلعوها الجيرمناب
Author: نصار
Date: 07-04-2010, 05:01 PM
Parent: #5
يا دومة العزيزة
لحد الان قلبلنا منك حكاية عصاية قايمة و عصايةنايمة
لكن احذري و انت تعلمي انه مصطلح الطابور الخامس
اصله نابع من اسبانية
يعني مافي مساحة مناورة مع الاسباناب
|
Post: #6
Title: Re: شلعوها الجيرمناب
Author: نصار
Date: 07-04-2010, 04:55 PM
Parent: #4
اوه الملا عمر شخصيا
الجماعة اتهمزلوا يا الملا اخوي
المانيا تشيل و تودي خور اربعات
عطشوا بورتسودان عديل كدا
اقترح علي ايلا (بواسطة احمد موسى)
انهم يطالبوا الالمان بتحلية مياه
البحر كتعويض
خاصة انه ملوحة الموية ح تزيد
البحر المتوسط بفعل دموع الطلياناب
التي كانت و دموع الاسباناب الحتكون
الالمان ديل لما يلقوا عدتلتهم
بحكوها لمان تجيب الدم
الاسبان شعب مريض بالكورة ما فضل
ليهم مجد غيرها
فمن باب اولى و حفاظ على ارواح
مشجعيهم و صحتهم النفسية يشوف طريقة
تخليهم ما يمشوا خور اربعات و لا نهر
_ستيت_ مضارفة المومن علي نفسه حسنة
|
Post: #8
Title: Re: شلعوها الجيرمناب
Author: saif massad ali
Date: 07-04-2010, 05:59 PM
Parent: #6
والله يانصار
الناس ديل حكايتهم تحير
اللاعيبة زي العساكر ينفذوا الاوامر بي حزافيرها
يعني زمان في عسكري في السودان الظابط قال ليهو فور اللستك جاب
الطشت وولع تحتو النار عشان يفورو
اسع ديل قال ليهم فورو الانجليز فوروهم فورو الارجتين حرقوهم
كمان جابت اسامي قرنا في السودان اربعة واربعين وثلاثة صفر
وشلعوها الالمان
|
Post: #9
Title: Re: شلعوها الجيرمناب
Author: نصار
Date: 07-04-2010, 11:09 PM
Parent: #8
و الله يا سيف كتبت ليك كلام كتير طفش مأسوف عليه
اسامي القري هين ما يقبلوا علي الحواشات
ناس اب ستة و ابو عشرين
لووول
|
|