(المانشافت) يبرد البطن !!

صديقي السعودي حين انتهت مباراة ألمانيا والأرجنتين برباعية نظيفة، وكنت أقفز فرحا مع كل هدف، قال لي: الحمد لله أننا لعبنا ضدهم (المنتخب السعودي) قبل ثمانية أعوام، لأننا لو واجهناهم الآن، لهزمونا 20 !!
المانشافت ضرب بقوة وزلزل الأرض تحت أقدام الكبار، إنكلترا والأرجنتين بالنتيجة ذاتها، وهما نتيجتان كبيرتان بالمقاييس كلها في الأدوار النهائية.
منتخبٌ (يبرد البطن) فعلا، حتى لو خرج من اللقاء مهزوما، فالمانشافت له شخصية في منتهى القوة على أرض الملعب، ولاعبو ألمانيا يمتلكون تصميما هائلا وارادة تقهر المستحيل، إضافة طبعا إلى سرعة الأداء والجدية التامة والالتزام الصارم بالجانب التكتيكي.
منتخب مرعب للغاية، وقادر على الوصول إلى الشباك بسرعة البرق، والقتال على نحو رائع لمنع الوصول إلى شباكه.
تهانينا لكل مشجعي ألمانيا ومعا إلى الحصول على الكأس.

المانشافت مو مانشافت نصاح


طرد الانجليز ومردونا طق الصياح

يا سيف مبروك..عفيت منهم..غايتو منتخب أبدا ما يخذلك..حتى لو اتغلب يتغلب بي شق الأنفس..غايتو تصميمهم ده وارادتهم دي بتعجبني بشكل ما عادي..والله بردوا بطنا حتى لو ما شالوا الكاس ما مشكلة..لكن متمني يشيلوا الكأس ويشارك مايكل بالاك في النهائي إن شاء الله يشيلوهو بي نقالة

امسخ كاس عالم حضرته للان

والله يا خالد ممغوس من الناس ديل (مغسه) شديده خلاص
وللحقيقه يا خالد ما عندهم (فنيات) للكوره باص هنا وباص هناك وقووون مافي اي فنيات حتي جرجرتهم (عتاله)

يعني معاهم ما عندها طعم ممكن يغلبوا (اربعين) لكن اصلو ما تتمتع بالكوره








مبروك عليهم الكاس غايتو عتاله وخلو فنيات


كورتهم اقوان بس



مع كامل الود

الاخ خالد عويس

يعلم الله ... فشوا ليا ضيم غانا الما كنتا قايلو بتفشي ... ماريدونا دا ما مدرب .. مدلب ساي

يللي خلي يتلب من كبري بيونس وانشاء الله ما يلقي ليو اريس .

محمد الفاتح خالد

( الكورة غُلب والعافية باصات )

الاخ عويس

انت عارف انا شجعت المانشافت دا عشان تصريحات المعتوه مارادونا