Post: #1
Title: أدعموا ترشيح الرئيس عمر البشير ..لجائزة الحكم الرشيد !؟
Author: طه جعفر
Date: 07-03-2010, 12:08 PM
Parent: #0
اذا تغاضينا عن الامور الاتية سيكون الرئيس البشير هو المرشح الوحيد و الفريد لجائزة الحكم الرشيد، سيفوز بها بالتزكية لانعدام المنافسين و الامور واجبة التناسي هي:
موضوع دارفور و محكمة الجنايات الدولية.
قوائم الفصل و التشريد عن الخدمة المدنية او الجيش او القوات النظامية.
انتهاكات حقوق الانسان منذ 1989 الي يومنا هذا.
توسيع دائرة الحرب في الجنوب.
افتتاح ساحات قتال جديدة شرقا و غربا.
ترهل جهاز الدولة و انهيار قطاعات الخدمات من تعليم ، صحة ، مياه نظيفة و كهرباء.
موضوعات السجل الانتخابي، الاحصاء السكاني و الانتخابات.
احتمال المسئولية عن تقسيم البلاد الي دولتين علي الاقل.
اذا تناسينا هذه النقائص غير المؤثرة!!
أليس البشير هو من كرام الجعليين؟ و مشهود له بالفرسنة و الضكرنة الزايدة و له حس فني عظيم يتجلي في جمال عرضاته مع قيقم و الاخرين امثال شنان. اذا تناسينا هذه الامور فهو المرشح الوحيد لجائزة الحكم الرشيد
هذا الاقتراح يذكرني بقصة احد ابناء الحوازمة اسمه (النو) ذهب والده و اعمامه لخطبة امرأة ليتزوجها ابنهم و كان (النو) مفتقرا لاي من اسباب الشكرة و الشرف، فلتفت العم و قال " ننحنا جينا نخطب فلانة لولدنا (النو)" و طارت بقية الكلمات و (النو) جالس ببلادة مفجعة و انكشاف حال كبير فلم يجد عمه الا ان يقول " ولدنا النو ... النو .. اب بيض !"
طه جعفر
|
Post: #2
Title: Re: أدعموا ترشيح الرئيس عمر البشير ..لجائزة الحكم الرشيد !؟
Author: ود الباوقة
Date: 07-03-2010, 12:12 PM
Parent: #1
البوست متزمزغ في عنوانه وفي مضمونه
|
Post: #3
Title: Re: أدعموا ترشيح الرئيس عمر البشير ..لجائزة الحكم الرشيد !؟
Author: MOHAMMED ELSHEIKH
Date: 07-03-2010, 12:15 PM
Parent: #2
غايتو اللخيرة دي زاغت من المعيار بشووووية
تحياتي لكما
|
Post: #4
Title: Re: أدعموا ترشيح الرئيس عمر البشير ..لجائزة الحكم الرشيد !؟
Author: Elawad Eltayeb
Date: 07-03-2010, 02:27 PM
Parent: #3
الطريقة الوحيدة لفوز البشير بجائزة الحكم الرشيد هي أن
يستقيل و
يحل حزب المؤتمر الوطني
|
Post: #5
Title: Re: أدعموا ترشيح الرئيس عمر البشير ..لجائزة الحكم الرشيد !؟
Author: ibrahim alnimma
Date: 07-03-2010, 04:35 PM
Parent: #4
زول كان خلوق طيب وابن ناس يمشي يمين وشمال باشارة من الترابي (هذا اعترافه) هل يقوي ياسيد
العوض علي تنفيذ هذا المطلب؟Quote: الطريقة الوحيدة لفوز البشير بجائزة الحكم الرشيد هي أن
يستقيل و
يحل حزب المؤتمر الوطني |
هو الحكم الرشيد ده شنو ياجعفر؟ مش شهادة من ناس الهتيفة والمنتفعية اياهم؟ خلاص هو قدها وقدود
|
Post: #6
Title: Re: أدعموا ترشيح الرئيس عمر البشير ..لجائزة الحكم الرشيد !؟
Author: طه جعفر
Date: 07-03-2010, 06:54 PM
Parent: #5
ود الباوقة
العوض
ود الشيخ
ابراهيم النعمة
شكرا علي المرور و الاهثمام
يا ود الشيخ قصة (النو) حقيقية تماما و العهدة علي الراوي
هنالك اناس يفتقرون للمجد لهذه الدرجة...
طه جعفر
|
Post: #7
Title: Re: أدعموا ترشيح الرئيس عمر البشير ..لجائزة الحكم الرشيد !؟
Author: Shiraz Abdelhai
Date: 07-03-2010, 06:58 PM
Parent: #5
يخوانا حاولوا اتناسوا عن كل ما سبق ذكره واتذكروا إنو البشير يستاهل جائزة الحكم الرشيد لأنو نبهنا بشدة لضرورة الديمقراطية التى لا يمكن الحياة بدونها...
ونبهنا لمساوئ الإسلام السياسي والدولة الدينية....
ونبهنا لما يمكن ان يفجره التعصب الدينى والجهوى من هوائل
بل ويستحق فعلا جائزة الحكم الرشيد لأنو الانقاذ قد كتبت شهادة وفاة للحركة الاسلاموية فى السودان مضمخة بدماء آلاف المعذبين والشهداء فى بيوت الشباح.....
وآلاف من ابناء الشعب الذين فقدوا الأرواح فى حرب دينية ابتدعها الاسلامويون
ودبجوا لها الأناشيد وغسلوا أمخاخ الشباب عن مآثر الجهاد .......
يا جماعه كدى قولوا بسم الله ....الزول ما قصر.....!!!!!!!!!
|
Post: #8
Title: Re: أدعموا ترشيح الرئيس عمر البشير ..لجائزة الحكم الرشيد !؟
Author: طه جعفر
Date: 07-03-2010, 10:06 PM
Parent: #7
Quote: يخوانا حاولوا اتناسوا عن كل ما سبق ذكره واتذكروا إنو البشير يستاهل جائزة الحكم الرشيد لأنو نبهنا بشدة لضرورة الديمقراطية التى لا يمكن الحياة بدونها...
ونبهنا لمساوئ الإسلام السياسي والدولة الدينية....
ونبهنا لما يمكن ان يفجره التعصب الدينى والجهوى من هوائل
بل ويستحق فعلا جائزة الحكم الرشيد لأنو الانقاذ قد كتبت شهادة وفاة للحركة الاسلاموية فى السودان مضمخة بدماء آلاف المعذبين والشهداء فى بيوت الشباح.....
وآلاف من ابناء الشعب الذين فقدوا الأرواح فى حرب دينية ابتدعها الاسلامويون
ودبجوا لها الأناشيد وغسلوا أمخاخ الشباب عن مآثر الجهاد .......
يا جماعه كدى قولوا بسم الله ....الزول ما قصر.....!!!!!!!!! |
شكرا شيراز عبد الحي
عموما النظام الاسلامي (قبل الشراكة المباركة) فعل الانجازات الاتية
تدشين المشروع الحضاري. و اعادة صياغة الشخصية السودانية
ابعاد الدولة عن الدوائر الجهنمية الموصوفة بدول الاستكبار.
اعلان الجهاد علي المارقين من الدين من اعداء الوطن و العقيدة السمحاء.
تعظيم شعيرة الصلاة ببناء المساجد في مؤسسات الدولة.
الانتصار علي الواقع المعيشي المؤسف بالدعاء و الابتهال.
تنشيط الذاكرين و تكوين مفوضية لهم اسمها شنو كدا الذكر و الذاكرين.
انشاء مراكز متخصصة لابحاث الايمان.
تسخير الجن المسلم لخدمة الامة.
تنزيل الجان لمراكمة الثروة خاصة الدولار الكافر.
و هي انجازات يجب ان تسطر باحرف من نور في سجل امجاد الامم
طه جعفر
|
Post: #9
Title: Re: أدعموا ترشيح الرئيس عمر البشير ..لجائزة الحكم الرشيد !؟
Author: معاوية عبيد الصائم
Date: 07-03-2010, 10:13 PM
Parent: #8
1
2
3
4
5
مساء الخير ؟
نؤيد ونبارك ونهتف ؟؟ تانى شنو وعاش عمر الرشيد شخصيا ؟؟
|
Post: #12
Title: Re: أدعموا ترشيح الرئيس عمر البشير ..لجائزة الحكم الرشيد !؟
Author: طه جعفر
Date: 07-04-2010, 07:24 AM
Parent: #9
شكرا يا معاوية يا جميل
تحياتي للاسرة
طه جعفر
|
Post: #10
Title: Re: أدعموا ترشيح الرئيس عمر البشير ..لجائزة الحكم الرشيد !؟
Author: نصار
Date: 07-03-2010, 10:21 PM
Parent: #8
يا طه جعفر نقترح الجايزة يدوها النو
و هو مخير لو داير يتنازل عنها للبشير
|
Post: #11
Title: Re: أدعموا ترشيح الرئيس عمر البشير ..لجائزة الحكم الرشيد !؟
Author: طه جعفر
Date: 07-04-2010, 07:22 AM
Quote: يا طه جعفر نقترح الجايزة يدوها النو
و هو مخير لو داير يتنازل عنها للبشير |
شكر جزيلا يا نصار
اتفق معك علي هذا الاقتراح النبيل و هو من كرم اخلاقك
بما انني اعرف (النو) و ادرك ان ما عند (النو) من جميل الخصال سيجعله يوافق علي فكرة التنازل من الجائزة
تطبيقا للحديث النبوي الشريف " من كان له فضل ظهر فليعد به علي من لا ظهر له"
طه جعفر
|
Post: #13
Title: Re: أدعموا ترشيح الرئيس عمر البشير ..لجائزة الحكم الرشيد !؟
Author: د.محمد بابكر
Date: 07-04-2010, 08:17 PM
Parent: #11
الاخ طه سؤال جادى النو ده وعرفناهو عمر الرشيد ده منو؟؟؟؟؟؟؟؟؟؟؟؟
|
Post: #14
Title: Re: أدعموا ترشيح الرئيس عمر البشير ..لجائزة الحكم الرشيد !؟
Author: طه جعفر
Date: 07-04-2010, 09:37 PM
Parent: #13
| Quote: الاخ طه سؤال جادى النو ده وعرفناهو عمر الرشيد ده منو؟؟؟؟؟؟؟؟؟؟؟؟ |
الاخ الكريم د. محمد بابكر شكر علي المرور و الاهتمام
معرفة (النو) بالدنيا لان معرفة الرجال كنز، اما عمر الرشيد فهو غالبا الرئيس البشير بعد حوزه علي جائزة الحكم الرشيد
بدلا عن عمر البشير يصير الاسم الجديد عمر الرشيد
طه جعفر
|
Post: #15
Title: Re: أدعموا ترشيح الرئيس عمر البشير ..لجائزة الحكم الرشيد !؟
Author: طه جعفر
Date: 07-13-2010, 11:10 PM
Parent: #14
الراجل مرشح لجائزة الحكم الرشيد
انتو اوكامبو دا مجنون و لا شنو؟؟؟..
شنو الجاب فكرة الاتهام بالابادة الجماعية للحكم الرشيد.
و الله محن يا زمان !!!
طه جعفر
|
Post: #16
Title: Re: أدعموا ترشيح الرئيس عمر البشير ..لجائزة الحكم الرشيد !؟
Author: طه جعفر
Date: 07-16-2010, 02:36 PM
Parent: #15
مساهمات الرئيس البشير الفكرية العميقة المتمثلة في خطاباته عن التنمية و بناء السدود لحبس الماء، مجاهداته ضد الفساد، سعيه للسلم بعد ان انتهي الجهاد في الجنوب، جنوب النيل الازرق، الشرق و جبال النوبة باسلام كل الجنوبين ، الانقسنا، النوبا و البجا و دخولهم في دين الله افواجا، لم يتبقي له غير رد اهل دارفور عن الفتنة و التوقف عن الحرابة و تسليم انفسهم للحاكم العادل ليقيم عليهم حد الحرابة بالقطع من خلاف و جلد الزانيات منهن لن يكون هنالك رئيس اكثر تأهيلا من البشير لهذه الجائزة. لو سمحتم يا اهل الخير من رواد المنبر ادعموا هذا الترشيخ بالغالي و النفيس
طه جعفر
|
|