Post: #1 Title: احمد الجابري كلما اعتقدت اني اعرفك اراك بعيدا Author: khaleel Date: 07-03-2010, 11:25 AM Parent: #0
Post: #2 Title: Re: احمد الجابري كلما اعتقدت اني اعرفك اراك بعيدا Author: khaleel Date: 07-03-2010, 11:27 AM Parent: #1
تلك الاغنية جعلتني افكر مليا في اعادة اكتشاف احمد الجابري
اعتقدت ان هوج الرياح هي اجمل اغنيات الجابري
ولكن تولي العام
اغنية من زمن اخر
Post: #3 Title: Re: احمد الجابري كلما اعتقدت اني اعرفك اراك بعيدا Author: khaleel Date: 07-03-2010, 11:36 AM Parent: #2
تولي العام يا دنياي لم تعطف ولم تسال
ولم تدري كيف حال الحال منذ لقائنا الاول
وما زودتنا حتي القليل لعامنا المقبل
لكنك لم تكن تدري بما قد جد من امري
Post: #4 Title: Re: احمد الجابري كلما اعتقدت اني اعرفك اراك بعيدا Author: khaleel Date: 07-03-2010, 11:55 AM
وان هواك اضحي غاية المامل
تولي العام والايام تعصف بالمني عصفا
واصبح قربنا بعدا وامسي امننا خوفا
كتمت هواك لكن حال يمن يهواك لا يخفي
وما هم الذي يهواك ومن لا يعرف الشدوي
ومن ما زال رغم الجور يرجو اللين والعطفا
Post: #5 Title: Re: احمد الجابري كلما اعتقدت اني اعرفك اراك بعيدا Author: khaleel Date: 07-03-2010, 12:01 PM Parent: #4
تولي العام لم ار وجهك الزاهي اناجيه
وقلبي يا لهذا القلب مشغول بما فيه
وعندي من حديث الحب ما رقت حواشيه
ومن تشجيه انغامي ومن يضغي لالهامي
وانت بكل ما تحتويه من دل وفي تيه
Post: #6 Title: Re: احمد الجابري كلما اعتقدت اني اعرفك اراك بعيدا Author: khaleel Date: 07-03-2010, 12:03 PM Parent: #5
كلمات رائعات
لم اعرف من شاعرها وسنستعين بالخبير احمد الامين
لمدنا بتفاصيل عن شاعر تلك الاغنية
Post: #7 Title: Re: احمد الجابري كلما اعتقدت اني اعرفك اراك بعيدا Author: Emad Ahmed Date: 07-03-2010, 01:47 PM Parent: #6
سلام ياخليل
نزين البوست الرائع بصور الكروان احمد الجابري
طيب الله ثراه ,, شاعر الأغنية معروف لشخصي وبجيك
راجع في حالة عدم الوصول لأسمه ..
Post: #8 Title: Re: احمد الجابري كلما اعتقدت اني اعرفك اراك بعيدا Author: Emad Ahmed Date: 07-03-2010, 01:50 PM Parent: #7
Post: #9 Title: Re: احمد الجابري كلما اعتقدت اني اعرفك اراك بعيدا Author: Dr. Abdalla Siddig Date: 07-03-2010, 02:04 PM Parent: #8
خلي
رجعت عمك لأيام مضت
هذا هو الطرب الجميل
الآهي يفتحها عليك دنيا وآخره
ورحم الله الفنان الجابري
Post: #10 Title: Re: احمد الجابري كلما اعتقدت اني اعرفك اراك بعيدا Author: khaleel Date: 07-03-2010, 02:05 PM Parent: #7
Quote: نزين البوست الرائع بصور الكروان احمد الجابري
يا سلام عليك يا عمدة ويا سلام علي الجابري
Post: #11 Title: Re: احمد الجابري كلما اعتقدت اني اعرفك اراك بعيدا Author: khaleel Date: 07-03-2010, 02:10 PM Parent: #10
Quote: خلي
رجعت عمك لأيام مضت
هذا هو الطرب الجميل
هلا يا دكتور تعرف والله مع الاغنية دي بدون مناسبة اتذكرت اعظم الراحلين من امواتنا
العطا ود خلف الله وحاج الصديق وابراهيم الخدرة وام نخلا طوال وناس السودنة
وكل ازقتنا الجميلة
Post: #12 Title: Re: احمد الجابري كلما اعتقدت اني اعرفك اراك بعيدا Author: احمد الامين احمد Date: 07-03-2010, 10:16 PM Parent: #11
Quote: كلمات رائعات
لم اعرف من شاعرها وسنستعين بالخبير احمد الامين
لمدنا بتفاصيل عن شاعر تلك الاغنية
تحية باشمهندس ولو ماخايف الكضب شاعر الاعنية هو مبارك المغربى واحتاج لتأكيد اكثر رغم ترجيحى لذلك ومبارك المغربى ميال لكتابة الاغنية بلغة رفيعة تقارب الفصحى إن لم تساويها " حسب مصطلح المعرى" يشهد بذلك نيل الحياة لبرعى وعبدالعزيز و"حب الاديم " للصوت الراقى ابن البادية ومطلعها : ماعشقتك لجمالك انت اية من الجمال او لروحك لخصالك انت اسمى الناس خصال الفؤاد دايما بنادى فى إقتر ابى وفى إبتعادى ليك ليك لانك من بلادى الخ... ورائعة الرائع مضان زايد : ياليتنى زهر فى خدك النادى والكروان الشفيع التى جارى بها رائعه المساح والكاشف "الشال منام عينى " اغنية "الباسم الفتان احييت خيالى " مع ملاحظة ان كلمات المغربى هنا ارفع من كلمات المساح / او عبيد الذى له فضل الريادة كما ان غنا وصوت واداء الشفيع ارقى بكثير من صوت وداء الكاشف اذا قارنا الاغنتين شعرا واداء رغم ان اللحن هو اللحن ... من فصيح المغربى ما تغنى به الراحل عبدالدافع عثمان "لحن الكروان " وفى حبك ياخليلى عيونى ساهرة مالها سهران باكى ليلى " ومرت الايام .. الجابرى ياخليل فنان مرعب جدا والحديث عنه عاوز مزاج وحضور وفرح لمايمتاز به من صوت وتطريب ومقدرة مذهله فى العبث باوتار المزهر وحضور فى الاداء يجعله يرتجل لزمات وطلعات على العود دون موعد مسبق اثناء الغناء مع الاوركسترا ولعل من اسعد لحظاتى حضورى لبروفه بمنزله برفقه الصديق وزميل الدراسه عبدالله مصطفى أثناء ذهابنا لمنزله بالثورة لدعوته لإحياء حفل بالجامعة وهو فى البروفات ومزهره مشدود يغنى بدرجه تجعلك توشك ان تطير ...
Post: #13 Title: Re: احمد الجابري كلما اعتقدت اني اعرفك اراك بعيدا Author: khaleel Date: 07-03-2010, 10:21 PM Parent: #12
Quote: الجابرى ياخليل فنان مرعب جدا والحديث عنه عاوز مزاج وحضور وفرح لمايمتاز به من صوت وتطريب ومقدرة مذهله فى العبث باوتار المزهر وحضور فى الاداء يجعله يترجل لزمات وطلعات على العود دون موعد مسبق اثناء الغناء مع الاوركسترا ولعل من اسعد لحظاتى حضورى لبروفه بمنزله برفقه الصديق وزميل الدراسه عبدالله مصطفى أثناء ذهابنا لمنزله بالثورة لدعوته لإحياء حفل بالجامعة وهو فى البروفات ومزهره مشدود يغنى بدرجه تجعلك توشك ان تطير ...
يا سلام يا احمد الامين يا سيد الكلام
وفعلا احمد الجابري احد الفلتات الفنية التي لن تتكرر في بلادنا بعد ذلك
Post: #14 Title: Re: احمد الجابري كلما اعتقدت اني اعرفك اراك بعيدا Author: انس العاقب Date: 07-04-2010, 04:48 AM Parent: #5
يا خليل يا خليل يا خليل من وين نكت الأغنيه دى ؟ مع أنى من المغرمين العاشقين للجابرى رحمه الله ومن الوسط الفنى ...فى هذه الأغنية الجابرى لم يكن يغنى غناء عاديا ...أن حسيت بيهو فى حالة وجد وانجذاب صوفى وهو أصلا من بيت صوفى ... أنا يا خليل الآن ما بعرف مزيكه ولا يحزنون ولا دكتور ... الجابرى فى هذه اغنية سحرنى وحلق بى فى عالم نغمى شفيف ورفيف وهفيف ... أنا سكران عديل ...أنا قلت وكتبت إنو الجابرى هو أحد العظماء المبدعين المجددين يرحمه الله ويحسن إليه وما عندى ليك يا خليل سوى ثلاث كلمات من القلب (بارك الله فيك )وتقبلنى صديقا....
Post: #15 Title: Re: احمد الجابري كلما اعتقدت اني اعرفك اراك بعيدا Author: Emad Ahmed Date: 07-04-2010, 05:57 AM Parent: #14
Quote: شاعر الاعنية هو مبارك المغربى واحتاج لتأكيد اكثر رغم ترجيحى لذلك
بالفعل شاعر الأغنية هو الراحل مبارك المغربي والأغنية
اسمها ( بعد عام ) ..
Post: #16 Title: Re: احمد الجابري كلما اعتقدت اني اعرفك اراك بعيدا Author: Emad Abdulla Date: 07-04-2010, 06:05 AM Parent: #14
الله عليك ياخي .. الله عليك يا وليد ياخ و علي اختياراتك و ذوقك يا ود يا فنان إنت . الجابري ده كوم براهو .. سئيلي الله يا خليل أخوك كل ما تزيد عليهو الغلغلة يجري على إتنين : سيدي ابو داوود .. و هذا الجميل الجابري : ( تنسونا .. نطراكم ) ( الزهور بسمت لينا ) ( مظلوم في حبي مالي ) ( أهون عليك ) .. و غيرها و غيرها و غيرها .. تسمع كده لما ربنا يغفر ليك .. ما سمع ، إنصات و خشوع . نضافة يا خلي .. تنضف أضانك و روحك بصوت هذا الزول و هذه الألحان العجيبات و كمية الطرب و الجمال و الشجن الفيها .. تمرق من تحت هدهدته ليك دي زول كويس و مظبوط و .. مية المية .
ياخي الله يريحك بركة جاه النبي .. و يرحم الجايري و يغفر ليهو .
Post: #17 Title: Re: احمد الجابري كلما اعتقدت اني اعرفك اراك بعيدا Author: هاشم محمد الحسن عبدالله Date: 07-04-2010, 06:30 AM Parent: #1
خليل ، كيف حالك ، ياأخى الجابرى دا فلتة من فلتات الزمن ، قل ان يجود بمثله، كنت أعشق أغانيه وشريطه لايفارقنى فى صحوى ومنامى كما يقال، وكانت وفاته فجيعة كبيرة لعشاق فنه الرفيع ، وصدقنى ياخليل كلما استمع لأحد أغنياته أجد فيه جمال جديد و أكتشف ابداع وألق رائع ، مطرب يدخل القلب ويعشعش فى الوجدان ، رحمه الله فلقد أمتعنا حيا وميتا ، مودتى .
Post: #18 Title: Re: احمد الجابري كلما اعتقدت اني اعرفك اراك بعيدا Author: maia Date: 07-04-2010, 09:01 AM Parent: #17
لك الشكر الاخ خليل على ابداع الجابري
رحم الله الفنان المبدع احمد الجابري كان فنان جميل بحق اثرى الفن السوداني باغانيه الرائعة اعتبر نفسي من الذين يعشقون اغانيه وفنه
رحمك الله احمد الجابري
Post: #19 Title: Re: احمد الجابري كلما اعتقدت اني اعرفك اراك بعيدا Author: khaleel Date: 07-04-2010, 10:56 AM Parent: #18
Quote: كان فنان جميل بحق اثرى الفن السوداني باغانيه الرائعة اعتبر نفسي من الذين يعشقون اغانيه وفنه
من لا يعشق الجابري عليه مراجعة الطبيب النفسي
Post: #20 Title: Re: احمد الجابري كلما اعتقدت اني اعرفك اراك بعيدا Author: khaleel Date: 07-04-2010, 11:00 AM Parent: #19
Quote: بالفعل شاعر الأغنية هو الراحل مبارك المغربي والأغنية
اسمها ( بعد عام ) ..
شكرا عمدتنا
وكاني اشتم رائحة مبارك المغربي ونفسه والذي قال ايه بحر الشمال انتي النيل حداك
موكد يستطيع ان ينظم تلك التحفة واللوحة
Post: #21 Title: Re: احمد الجابري كلما اعتقدت اني اعرفك اراك بعيدا Author: khaleel Date: 07-04-2010, 11:04 AM Parent: #20
Quote: تسمع كده لما ربنا يغفر ليك .. ما سمع ، إنصات و خشوع . نضافة يا خلي .. تنضف أضانك و روحك بصوت هذا الزول و هذه الألحان العجيبات و كمية الطرب و الجمال و الشجن الفيها ..
عماد عبدالله سلام سرمدي لروح العبقري الجابري
وسلام له لانه احضرك الي هنا
وانت يا عمدة لن يحضرك الا الشديد القوي واخاله هو الجابري
واصبح قربنا بعدا وامسي امننا خوفا
بالغ ياخ
Post: #22 Title: Re: احمد الجابري كلما اعتقدت اني اعرفك اراك بعيدا Author: khaleel Date: 07-04-2010, 11:06 AM Parent: #21
Quote: خليل ، كيف حالك ، ياأخى الجابرى دا فلتة من فلتات الزمن ، قل ان يجود بمثله، كنت أعشق أغانيه وشريطه لايفارقنى فى صحوى ومنامى كما يقال،
يا هاشم من تغني
يا عصيفير المحنة
يا متلي وحداني واحن
اتوسد الشوق واستريح
ما كفاية كتير رحلنا
لن يموت ابدا
Post: #23 Title: Re: احمد الجابري كلما اعتقدت اني اعرفك اراك بعيدا Author: khaleel Date: 07-04-2010, 11:11 AM Parent: #22
Quote: ليك يا خليل سوى ثلاث كلمات من القلب (بارك الله فيك )وتقبلنى صديقا....
استاذنا انس العاقب شخصيا
لا اصدق والليلة في بوستنا رجلا
انتم يا استاذي من جمل وجداننا
انتم من خلق لنا الفرح
ومعظم الناس تقول ان احسن حاجة في السودان اغنياته
لا سياسته ولا رياضته ولا صناعته ولا زراعته
وانا مع هذا الراي
حبابك استاذي ولك في القلوب منازل
Post: #24 Title: Re: احمد الجابري كلما اعتقدت اني اعرفك اراك بعيدا Author: Azhari Nurelhuda Date: 07-04-2010, 11:16 AM Parent: #18
يا خلي وصديقي وخلي العيش حرام تحياتي إعجابك بالأغنية إلى الآن لم يخرج من صدمة الإعجاب بالنص الشعري الإبتدائية ولم تصل إلى أحمد الجابري ولم تغوص في عوالمه الساحرة بعد، لذلك أتى عنوان هذا البوست إعترافا صادقا منك ومقدر جدا.
أحمد الجابري يا خلي كان قد نقل الأغنية من مرحلة الإلقاء الشعري المنغم إلى مرحلة الغناء الحقيقي، الغناء داخل الحرف الواحد، غناء الكلمة، الغناء في، والتعبير عن المقطع الشعري بصورة تصل في قوتها أو تتفوق على الشعر واللغة المستخدمة وتصلك بشكل أصدق من النظم. وفي حالة غناء أحمد الجابري فإنك تسطيع ان تحور في البيت الشعري الشهير وتقول: إن غناء أحمد الجابري أصدق إنباءا من الشعر..
و عليك الله يا خلي تأمل غناء الرجل في حرف الراء من كلمة (قـربنا) في (وأصبح قربنا بعدا) ثم رأيك شنو في فكرة غناء (لأنك لم تكن تدري) ونوع الصوت ده وفكرة اللحن هنا شكلها شنو؟؟ ثم أسكر في كلمة (يهواك) في (حال الذي يهواك) وأصبر ساكت ما تتلجلج.. وتأمل كلمة (هم) في غناءه (فوا هم الذي يهواك) ثم أقيف على طولك واسمع ترديد وقلبي...في (وقلبي.. يالهذا القلب مشغول بما فيه) وحرك جسمك لتغير في كيمياءه وكهربته(القوة الإلكتروكيميائية) وأذكر إسم الله اللطيف عله يلطف بك من هذا الشئ....
لكن إحذر يجب دخول هذا المقام الرفيع وأنت على طهارة كاملة ولازم تقرأ أورادك كاملة وإلا أنا بعدين ما بكون مسئول عن البحصل بعدين أقعد براك ما تخلي لا الاولاد ولا أمهم معاك... وخت ليك أربع مصاحف كل مصحف في جهة من الجهات الأربع بعد ده كله الله يستر عليك من الإنجذاب والصعود لتلك الأماكن لأن العودة منها صعبة جدا لهذا العالم الرتيب الكئيب...المضجر.
وتسلم يا خلي العيش الحرام
Post: #25 Title: Re: احمد الجابري كلما اعتقدت اني اعرفك اراك بعيدا Author: khaleel Date: 07-04-2010, 11:37 AM Parent: #24
Quote: إعجابك بالأغنية إلى الآن لم يخرج من صدمة الإعجاب بالنص الشعري الإبتدائية ولم تصل إلى أحمد الجابري ولم تغوص في عوالمه الساحرة بعد، لذلك أتى عنوان هذا البوست إعترافا صادقا منك ومقدر جدا.
ابو الزهور ملك الشعور
والله انا من امس في مرحلة ذهول من ادا الجابري ومن العبقرية ومن الصوت
هذا الجابري من كوكب اخر
Quote: و عليك الله يا خلي تأمل غناء الرجل في حرف الراء من كلمة (قـربنا) في (وأصبح قربنا بعدا) ثم رأيك شنو في فكرة غناء (لأنك لم تكن تدري) ونوع الصوت ده وفكرة اللحن هنا شكلها شنو؟؟ ثم أسكر في كلمة (يهواك) في (حال الذي يهواك) وأصبر ساكت ما تتلجلج.. وتأمل كلمة (هم) في غناءه (فوا هم الذي يهواك)
تعرف يا ازهري لما وردي يقول في اغنية مرحبا يا شوق
يغمرني شجوننا والتياعا كنت احس ان وردي فعلا (غمر) داخل
دا شهبندر تجار تجزئة التون عندنا يا خليل كدي يا مان جازف لينا (سيد الاسم) ولا (هات يا زمن) وشوف التون لما ينباع في محل قدر ظروفك ببقى جن مسلط كيف
Post: #27 Title: Re: احمد الجابري كلما اعتقدت اني اعرفك اراك بعيدا Author: محمد الشيخ أرباب Date: 07-04-2010, 12:45 PM Parent: #26
Post: #28 Title: Re: احمد الجابري كلما اعتقدت اني اعرفك اراك بعيدا Author: محمد الشيخ أرباب Date: 07-04-2010, 12:48 PM Parent: #27
Post: #35 Title: Re: احمد الجابري كلما اعتقدت اني اعرفك اراك بعيدا Author: khaleel Date: 07-04-2010, 02:10 PM Parent: #28
الارباب الصادق الما كضب
كتر خيرك
Post: #29 Title: Re: احمد الجابري كلما اعتقدت اني اعرفك اراك بعيدا Author: Dr. Abdalla Siddig Date: 07-04-2010, 12:51 PM Parent: #26
خلي
سلام
من امس وعمك في عالم تاني
و كلما اسمع هذا الطرب اهيم بين جرف تيقوا و مترة خلف الله وتلك النخلات الباسقات
الآ رعاها الله
أأأأأأأأأأأأأأأأأمين
Post: #30 Title: Re: احمد الجابري كلما اعتقدت اني اعرفك اراك بعيدا Author: عبدالكريم الامين احمد Date: 07-04-2010, 01:24 PM Parent: #29
هلا يا خلي ويبدو يا رجل انك اليومين دي ماسك خالك ابو الكيك ده مقاولة وممتعني بالدهشة والاندياح وقبل ان افيق من الكابليات التي نثرتها هبطرش وفعلت بنا الافاعيل ..فهاهو انت يا رجل تمارس شنقلة ريكة وجداننا علي قارعة الاسافير وتجعلنا في سكرا واعجبو كيف بي سكرا.. فالجابري فنان كلامو تاني والحانه تكفي الحنيةوالدعاش الموجودات في توناتها تطريب عالم كامل تطريب وتجويد وحنية وموسيقي كما الاجراسسسسسسسسسس... ويا سسسلام يا الجابري ياخي واتمني وفي حضور الدكتور الموسيقي الكبير انس العاقب والاخوان احمد الامين وعماد ان نقراء عن الجابري وسنجلس القرفصاء طويلا في ابواب هذا البوست الذي يكفي انه بوست الجابري ذلك الكروان العجيب
Post: #31 Title: Re: احمد الجابري كلما اعتقدت اني اعرفك اراك بعيدا Author: محمد عبدالرحمن Date: 07-04-2010, 01:46 PM Parent: #30
Quote: واتمني وفي حضور الدكتور الموسيقي الكبير الماحي سليمان والاخوان احمد الامين وعماد ان نقراء عن الجابري
الكبر دخل الله يسالنى ..اسى وين الماحى سليمان هنا ..
***
ياسلااام ياخليل على الجابرى ...
حنين الدنيا كلها فى صوت الجابرى ...وشخصيا الجريف واللوبيا اعتبرها من العشرة الاوائل فى الاغنية السودانية ..يمين نازلة بالمقاس على اربجى وجروف اربجى وناس اربجى ...
Post: #32 Title: Re: احمد الجابري كلما اعتقدت اني اعرفك اراك بعيدا Author: khaleel Date: 07-04-2010, 01:51 PM Parent: #31
Quote: نين الدنيا كلها فى صوت الجابرى ...وشخصيا الجريف واللوبيا اعتبرها من العشرة الاوائل فى الاغنية السودانية ..يمين نازلة بالمقاس على اربجى وجروف اربجى وناس اربجى ...
يا محمد الجابري
اغنيات الجابري كالنجوم باي اقتديت انهديت
Post: #59 Title: Re: احمد الجابري كلما اعتقدت اني اعرفك اراك بعيدا Author: انس العاقب Date: 07-05-2010, 04:30 AM Parent: #31
يا أخى محمد عبد الرحمن دكتور الماحى سليمان هوصديق العمرمنذ أن إلتقينا فى صباح السبت الموافق يوم 6 أكتوبر 1969 وكنا مجموعة من الطلاب المقبولين فى الدفعة الأولى لدراسة الموسيقى فى معهد الموسيقى والمسرح والفنون الشعبية بعد أن إفتتحه الزعيم الراحل إسماعيل الأزهرى فى أبريل 1969 وقد شرف الإفتتاح الفنانه صباح والمغنى السورى فهد بلان ومنذ ذلك اليوم لم نفترق ...رحلة شاقة ومتعبه ومشرقه هى عمر بحاله 42 سنه وأذكر جيدا بعد أن إنتظمت الدراسة كانت تجمع الدفعة جلسة يومية بين المحاضرات نتسامر ونحكى ونغنى وكان الماحى متخصص فى الغناء للجابرى يقلده فى كل شئ بشكل مدهش يثير فينا الطرب والمرح فى وقت واحد وكانت أغنسة هوج الرياح من المفضلات عندنا وكان زميلنا الماحى سليمان مبهرا فى عزف العود وكنا نعجب وهو يغنى للجابرى كيف يحرص أن يقلده بشكل كامل وكان أكثر ما يثيرنا متعة وإبهارا هوإجادته التامة لطريقة الجابرى فى نطق حرف (الراء) خاصة عندما يقول ( جرعنى كاس ..جرعنى كاس) يارعى الله تلك الأيام النضرات ... أنت لم تخطئ وليس هو عامل الكبر لأن الماحى دكتور موسيقى كبيرفعلا وصديق عزيز أعتز به وسأجرجره للمشاركه ..بارك الله فيك يا عزيزى محمدعبد الرحمن
Post: #33 Title: Re: احمد الجابري كلما اعتقدت اني اعرفك اراك بعيدا Author: khaleel Date: 07-04-2010, 02:01 PM Parent: #30
Quote: فالجابري فنان كلامو تاني والحانه تكفي الحنيةوالدعاش الموجودات في توناتها تطريب عالم كامل تطريب وتجويد وحنية وموسيقي كما الاجراسسسسسسسسسس... ويا سسسلام يا الجابري ياخي
ميزة الجابري يا ممراح
ممكن تسمع اغنياته في كل الاوقات
الصباح ممكن تسمع
اشرقت شمس الاصباح تنثر الورد علينا
ضهرية كدة
ممكن تسمع انت يا قلبي المتيم
ليلا تسمع
الليل يهود بي ويبقي تلت اخير
Post: #34 Title: Re: احمد الجابري كلما اعتقدت اني اعرفك اراك بعيدا Author: khaleel Date: 07-04-2010, 02:06 PM Parent: #33
Quote: و كلما اسمع هذا الطرب اهيم بين جرف تيقوا و مترة خلف الله وتلك النخلات الباسقات
الآ رعاها الله
دكتور عبدالله
فعلا الجابري يعيد ذاكرة المكان والزمان
Post: #36 Title: Re: احمد الجابري كلما اعتقدت اني اعرفك اراك بعيدا Author: عبدالكريم الامين احمد Date: 07-04-2010, 02:12 PM Parent: #33
Quote: الكبر دخل الله يسالنى ..اسى وين الماحى سليمان هنا ..
لوووووووووووووووول الله الله ياخي وكل الاعتذار للدكتور انس العاقب والامر ليس بكبر يا محمد عبدالرحمن بل هي الاغنية الجابرية التي اسكرتني وطرطشت التركيز بتاعي وسرحت وحلقت في عوالم اساطين وجداننا الغناني الذي شكله الموسيقار انس العاقب والماحي سليمان (طوالي قاعد اسمع الاسامي دي سووووووه فهم موسقين بقامة عالية وكبيرة) ونعل الله الرهافة والخفة واللفة وتقدير كبير واحترام واعتذار مستحق لاستاذي انس العاقب
Post: #37 Title: Re: احمد الجابري كلما اعتقدت اني اعرفك اراك بعيدا Author: عماد الدين عبدالله Date: 07-04-2010, 03:15 PM Parent: #36
شكرا اخي خليل
عيشتنا في قمة الابداع بالله واصل مع المبدع الراحل المقيم احمد الجابري
تحياتي واحترامي
Post: #38 Title: Re: احمد الجابري كلما اعتقدت اني اعرفك اراك بعيدا Author: محمد على طه الملك Date: 07-04-2010, 03:42 PM Parent: #37
يا سلام يا خليل.. عارف بعد قريت كلام الاستاذ انس العاقب اطمانيت على سلامة طبلة الاضان والذائقة .. سته هم يا خليل ماسكتيرز الصوت الشجي.. كدى شغل المعادلات الهندسية بتاعتك وطلع القاسم المسترك بينهم.. احمد المصطفى . احمد الجابري . ابو داؤد . صلاح محمد عيسي . خوجلي عثمان . رحمهم الله ومحمد مرغني متعه الله بالعافية.. يا ترى دا شيء عام واللا مرتبط بذائقة جيل بعينه ؟ شكرا ليك وللمعاك على خط البوست.
Post: #39 Title: Re: احمد الجابري كلما اعتقدت اني اعرفك اراك بعيدا Author: أمين يحيى Date: 07-04-2010, 04:28 PM Parent: #38
Quote: وقلبي يا لهذا القلب مشغول بما فيه وعندي من حديث الحب ما رقت حواشيه ومن تشجيه انغامي ومن يضغي لالهامي وانت بكل ما تحتويه من دل وفي تيه .
أبو القووووووق ياااااااااخ ... (رعى الرحمن أهلك ما أقاموا وما رحلوا وحيّاك الغمام) إنت يا زول ما نصيح !!! قسطا قَلَب مغنى ولا شنو ؟
إنت بدري وكيف ***** الخدر ظلالك أنت كوكب نور ***** تشتهي الأفلاك فيكم كوم آيات ***** يالحياك جلالك منظر الساحرات ***** ومنظر الأفلاك ياجميل النور ***** ماسه من عيناك بنظر الأنوار ***** طالعة من مغناك والشباب يترنم ***** بي معاني غناك والجمال الفيك ***** عن مديح أغناك ______________________ رحم الله شاعرنا الكبير مبارك المغربي وقامتنا الفنية أحمد الجابري
Post: #40 Title: Re: احمد الجابري كلما اعتقدت اني اعرفك اراك بعيدا Author: khaleel Date: 07-04-2010, 04:33 PM Parent: #38
Quote: احمد المصطفى . احمد الجابري . ابو داؤد . صلاح محمد عيسي . خوجلي عثمان . رحمهم الله ومحمد مرغني متعه الله بالعافية.. يا ترى دا شيء عام واللا مرتبط بذائقة جيل بعينه ؟
حباب محمد ود المك عريس
انت تفتح لنا ملف عرش الفن السوداني
وتدخلنا في علم اصوات وجمال وطلاوة
هذا جيل خلقه الله فقط ليبهجنا ويطربنا لانه قد علم في الازل
بان هولاء اخر افذاذ السودان
وما تنسي الخير عثمان صوت من الماس والتاج مصطفي صوت ذهبي
كتاااار ياخي هم
Post: #41 Title: Re: احمد الجابري كلما اعتقدت اني اعرفك اراك بعيدا Author: khaleel Date: 07-04-2010, 04:35 PM Parent: #40
Quote: عيشتنا في قمة الابداع بالله واصل مع المبدع الراحل المقيم احمد الجابري
العمدة نحاول التنقيب في رحلة العبقري احمد الجابري
والشاهد انه ولد في قرية الشرفة ريفي رفاعة ونشا في حي العرب امدرمان
واول اغنية سجلها للاذاعة سنة 1958
Post: #42 Title: Re: احمد الجابري كلما اعتقدت اني اعرفك اراك بعيدا Author: khaleel Date: 07-04-2010, 04:38 PM Parent: #41
Quote: إنت يا زول ما نصيح !!! قسطا قَلَب مغنى ولا شنو ؟
Post: #47 Title: Re: احمد الجابري كلما اعتقدت اني اعرفك اراك بعيدا Author: khaleel Date: 07-04-2010, 07:07 PM Parent: #46
Quote: يا خلي... ياخي عذبتنا كدة انا دخلتني في الحم الحي عديييييييل كدة حا اتجدع معاك هنا
ود جبريل والله
الجابري قرب يشيل شكرتي
Post: #48 Title: Re: احمد الجابري كلما اعتقدت اني اعرفك اراك بعيدا Author: احمد الامين احمد Date: 07-04-2010, 07:41 PM Parent: #47
* * دخلت عاتى يا باشمهندس .... الجابرى هذا البلبل الصيدح الكنار المغرد الذى تمنى عبد العزيز داؤد على علو كعبه ونقاء وصفاء حسه ان يسجل معه شريطا ثنائيا.. اغنيه " عصيفير المحنه" التى ذكرتها فى مداخلة سابقة كلمات الهدندوى المبدع ابو امنه حامد رحمه الله وهى تلخيص لحياه الجابرى الذى عاش وحيدا وغنى وحيدا ومات وحيدا بداره المزدانه بالحاره الخامسه بالثوره بام درمان يوم الثلاثاء ولم يفتضح امره الا يوم الجمعه حيث تم الصلاه عليه بعد صلاتها بالمسجد بحضور جمع كبير من المسلمين وهذه نعمه وخاتمه حسنه وقد كان رحمه الله بارا بامه التى يحمل اسم " الجابرى" والدهاوهو شيخ حافظ جليل كان له خلوة شهيرةلحفظ الكتاب قلت كان بار امه التى كانت تبيع البيض والفسيخ وبعض المشغولات اليدويه بسوق النسوان جوار زنك اللح والخضار ام درمان شأن الشريفات من امهاتنا فربته ورعته حتى صار مغنيا لا يشق له غبار على المك وهو بصير بالفن والجمال عموما ذكر ان لجان النصوص كانت تجتمع كثيرا ولاتقول شيئا والمحزن بل المضحك أن حدكبار اعضاء لجنه الاصوات قد عطل مرور "حس" الجابرى الذى يجرح القلوب لاكثر من ثلاث مرات لولا التشجيع الذى لاقاه من ود الريح ليعطر اذاننا ووجداننا ويرقق احساسنا بالجمال والسمو والفرح لاكثر من 40 عاما .....علما انه إذا سمع الجلمود -حسب مصطلح امروء القيس - " لحس وعزف الجابرى الشجى على المزهر يتفتت ويذوب ويتحول الى " قطرات من الندى رقراقه" او كما قال التجانى يوسف بشير وهذا مقام عالى !!! ثم يجيز صوته.. " عصيفير المحنه" انت مثلى وحدانى ياخليل كلمات ابوا منه حامد الذى اعطى الجابرى احدى اجمل الاغنيات السودانيه " ما نسيناك جاى تعمل تانى ايه؟" علما ان ابو امنه حامد كان من خلصائه وجلسائه بداره المزدانه بالثورة..
غنى الجابرى لاكثر من شاعر كمالايخفى اولهم ود الريح الذى استهل التجربه معه ب " فى شاطى الغرام كانت ليالينا" " الزهور بسمت لينا " " ليه كده الظلم ده مكتوب على بس على انا" التى يخاطب بها ود الريح ملهمته منى " انا يا منى لى كم سنه " والكثير مثل " نافر مالو ايه امالو ..جننى مرتاح بالو
فى جمالو تتوه انظار الناس
مسحوره بنور يسبى الاحساس مظلوم لو كان بالبدر يقاس ............" لاحظ ياخليل توظيف ودالريح لحرف السين وتذكر البحترى..."
لفت الانظار لاستقبالو..
واغنيه " محروم فى حبى مالو ايه ذنبى الجنيتو " التى كتبها ود الريح انتصارا للحب فى مواجهه ثوره اسماعيل حسن العنيفه ضده فى النصف الاول من الستينات عبر " الصوت الراقى" وردى " غلطه كانت غرامى ليك" وغيرها ثم الصادق الياس ود الجريف" " من طرف الحبيب" التى استهل بها تجربته مع الجابرىبعد ان التقاه اول وهله صدفة فى شارع الشنقيطى ام درمان وهى الاغنيه التى خلبت لب المغنى الكبير ابراهيم موسى ابا فى بدايه تجربته وبها تاثر ويؤديها بصوره لا تصدق بطريقته الكردفانيه تلك ثم ان ود الجريف هذا هو الذى اعاد الجابرى مره اخرى الى حديقه الغناء بعد اكتئابه المبدع واعتزاله الفن والمجتمع عقب رحيل امه المفجع وهو يصدح فى حفل غنائى فكتب له اغنيه " حكايه ملام " التى لحنها الجابرى على مقام الحزن والشجى والشجن!!!" حكايتى مع الملام طالت" فراق محبوب مكتوب متين ياغيمة تروى الظل و......النسمة زى الكل لكن يا khaleel أجمل الحانه وكلماتها " سيد الاسم" للشاعر المبدع المقل كامل عبد الماجد الذى كتب عنه الاستاذ الكبير معاويه حسن يس قديما معترفا انه اى كامل وفضيلى جماع والتجانى سعيد لولا القهر النفسى الذى تجرعوه عهد مايو لساروا بالاغنيه السودانيه الى مسار اخر ودروب جديده وهذه حكايه اخرى يا خليل مع ودى ولوتكرمت سمعنى الجابرى على العود فقد فى رائعة ابوصلاح "يارشا ياكحيل غثنى الهوى سبانى " ورائعةسيد عبدالعزيز "ياحليف الصون"سلام على الجابرى فى جنان النعيم ..
*
Post: #49 Title: Re: احمد الجابري كلما اعتقدت اني اعرفك اراك بعيدا Author: محمد عبدالرحمن Date: 07-04-2010, 07:52 PM Parent: #48
ياسلاممممممممممممممممممم يااحمد الامين ياخ ..ماعرفنا ايها اجمل غناء الجابرى ام حديث احمد الامين عن الجابرى ..نفس براعه الجابرى فى تحريك الريشة كانت براعه احمد فى النقر على الكيبورد ...
مليون ياسلام يااحمد الامين ياخ ...
Post: #50 Title: Re: احمد الجابري كلما اعتقدت اني اعرفك اراك بعيدا Author: khaleel Date: 07-04-2010, 09:04 PM Parent: #48
Quote: لكن يا khaleel أجمل الحانه وكلماتها " سيد الاسم" للشاعر المبدع المقل كامل عبد الماجد الذى كتب عنه الاستاذ الكبير معاويه حسن يس قديما معترفا انه اى كامل وفضيلى جماع والتجانى سعيد لولا القهر النفسى الذى تجرعوه عهد مايو لساروا بالاغنيه السودانيه الى مسار اخر ودروب جديده وهذه حكايه اخرى يا خليل مع ودى ولوتكرمت سمعنى الجابرى على العود فقد فى رائعة ابوصلاح "يارشا ياكحيل غثنى الهوى سبانى " ورائعةسيد عبدالعزيز "ياحليف الصون"سلام على الجابرى فى جنان النعيم ..
Post: #51 Title: Re: احمد الجابري كلما اعتقدت اني اعرفك اراك بعيدا Author: khaleel Date: 07-04-2010, 09:10 PM Parent: #50
Quote: ياسلاممممممممممممممممممم يااحمد الامين ياخ ..ماعرفنا ايها اجمل غناء الجابرى ام حديث احمد الامين عن الجابرى ..نفس براعه الجابرى فى تحريك الريشة كانت براعه احمد فى النقر على الكيبورد ...
Post: #52 Title: Re: احمد الجابري كلما اعتقدت اني اعرفك اراك بعيدا Author: عبدالكريم الامين احمد Date: 07-04-2010, 09:31 PM Parent: #51
ابو خليل انا كيكي صحبك ياخي ما تجدع لينا هدية كدة بتاعة اخوان.. والله ياجماعة احمد الامين ده زول اخوي وشهادتي فيهو مجروحة وموغلة في الجرح لكن بصراحة الزول ده مصيبة كتابة وعارف حاجات ماعارفو بيجيبها من وين شنو يا احمد ياخي احنا ما دافننها سوووووي يا زول لووووووووول
Post: #55 Title: Re: احمد الجابري كلما اعتقدت اني اعرفك اراك بعيدا Author: عبدالكريم الامين احمد Date: 07-04-2010, 10:00 PM Parent: #54
Quote: ما نسيناك
ياسسسسسسسلام يا ابو خليل وياخلي انا بعد ده مفروض اصدر قراري سياسي وابعد منك رسمي وشعبي لانو بالطريقة دي يوم بلقوني مصلوب ومشنقل علي قارعة هذا الاسفير من اثر الاندياح والدهشة والايغال في امتصاص رحيق الحاجات القاعد تجيبها من بيت الكلاوي دي.. وياجماعة انا اعمل شنووووووو مع خليل ده..؟؟
Post: #56 Title: Re: احمد الجابري كلما اعتقدت اني اعرفك اراك بعيدا Author: khaleel Date: 07-04-2010, 10:05 PM Parent: #55
Quote: رحيق الحاجات القاعد تجيبها من بيت الكلاوي دي.. وياجماعة انا اعمل شنووووووو مع خليل ده..؟؟
لنا ذكري جميلة مع الجابري والعازفين والكيزان
ايام الجامعة
اقييييف هنا يا زول
Post: #57 Title: Re: احمد الجابري كلما اعتقدت اني اعرفك اراك بعيدا Author: عبدالكريم الامين احمد Date: 07-04-2010, 10:09 PM Parent: #56
Quote: اقييييف هنا يا زول
ثم هرب الفتي ولم يتوقف الا عند الداخلية لووووووول الكيزان ديل من زمان اعداء فنون ودهشة
Post: #58 Title: Re: احمد الجابري كلما اعتقدت اني اعرفك اراك بعيدا Author: khaleel Date: 07-04-2010, 10:15 PM Parent: #56
Quote: بعد عام هذه من ابدع روائع الشاعر الكبير مبارك المغربي
ولحنها وغناها الجابري حوالي العام 1980 م
شكرا يا طارق
بعد عام اعتقد لحنها الجن او احدشياطين وادي عبقر
بها تموجات وانحدرات وتاني طلعات
شي عجيب ياخ
الجابري كائن خرافي
Post: #60 Title: Re: احمد الجابري كلما اعتقدت اني اعرفك اراك بعيدا Author: Emad Ahmed Date: 07-05-2010, 06:16 AM Parent: #58
مجذوب أونسة , أحمد الجابري ,عثمان مصطفى
أبوعركي , يوسف الموصلي , إبراهيم حسين
صورة نستشف من خلالها الألفة والمودة التي
تجمع بين هؤلا المبدعين ..
Post: #61 Title: Re: احمد الجابري كلما اعتقدت اني اعرفك اراك بعيدا Author: khaleel Date: 07-05-2010, 06:19 AM Parent: #60
Quote: مجذوب أونسة , أحمد الجابري ,عثمان مصطفى
أبوعركي , يوسف الموصلي , إبراهيم حسين
صورة نستشف من خلالها الألفة والمودة التي
تجمع بين هؤلا المبدعين ..
يا سلام يا عمدة
وكان التعاون والمحبة من سمات ذلك العصر
وتنافس شريف وتباري في اخراج الكنوز
Post: #62 Title: Re: احمد الجابري كلما اعتقدت اني اعرفك اراك بعيدا Author: طارق جبريل Date: 07-05-2010, 10:24 AM Parent: #61
وفى صف واقفين ومنتظرين يا قسطنطين > هدية انشاء الله بمناسبة زعمطت الارجنتين > ياريت حاجة من جووووووووووه بيت الكلاوى > ترجعنا لايام البركس و الجهة الخلفية لكافتريا هندسة و البعيو معانا يا جمالا
Post: #66 Title: Re: احمد الجابري كلما اعتقدت اني اعرفك اراك بعيدا Author: khaleel Date: 07-05-2010, 05:07 PM Parent: #65
Quote: وفى صف واقفين ومنتظرين يا قسطنطين > هدية انشاء الله بمناسبة زعمطت الارجنتين > ياريت حاجة من جووووووووووه بيت الكلاوى > ترجعنا لايام البركس و الجهة الخلفية لكافتريا هندسة و البعيو معانا يا جمالا
Post: #72 Title: Re: احمد الجابري كلما اعتقدت اني اعرفك اراك بعيدا Author: عبدالكريم الامين احمد Date: 07-05-2010, 10:01 PM Parent: #71
هلا يا عبدالمجيد وابو خليل اليومين دي ممتع الجماهير وقمة المتعة ظهرت الان في اغنية الجريف واللوبيا وده كلام عجيب خلاس يا عبدالمجيد وشكرا يا ممدوح ابارو علي جعل تلك اللمسة والباص الخليلي ممكنا
Post: #73 Title: Re: احمد الجابري كلما اعتقدت اني اعرفك اراك بعيدا Author: khaleel Date: 07-05-2010, 10:15 PM Parent: #71
حبيبو ابو نورة
احمد الجابري من مخلوقات الله الجميلة
Post: #74 Title: Re: احمد الجابري كلما اعتقدت اني اعرفك اراك بعيدا Author: Anwar Ahmed Date: 07-05-2010, 10:33 PM Parent: #73
سيد الأسم خليل .. قلبنا رهيف خالص ما بتحمل العملاق الجابري .. حب لا محدود للجابري
أنور
Post: #75 Title: Re: احمد الجابري كلما اعتقدت اني اعرفك اراك بعيدا Author: khaleel Date: 07-06-2010, 06:46 AM Parent: #74
Quote: سيد الأسم خليل .. قلبنا رهيف خالص ما بتحمل العملاق الجابري .. حب لا محدود للجابري
حباب انور
الجابري قال
صرت بعدك يا حبيبي
ذرة في بحر الزمن
Post: #76 Title: Re: احمد الجابري كلما اعتقدت اني اعرفك اراك بعيدا Author: خالد العبيد Date: 07-06-2010, 07:03 AM Parent: #75
خلو سلام بكرة جايييك بي مزاج راااايق
Post: #77 Title: Re: احمد الجابري كلما اعتقدت اني اعرفك اراك بعيدا Author: الفاتح ميرغني Date: 07-06-2010, 08:24 AM Parent: #76
سلام يا خلي واحد صاحبي كان بيقول إنه" نصف الشباب في السودان تعلموا الحب على وقع كلمات اغاني الجابري، والنصف الأخر تعلم زرف الدموع الصادقة على اغاني زيدان والراحل هاشم ميرغني، عليه الرحمة.
Quote: تولي العام يا دنياي لم تعطف ولم تسال
ولم تدري كيف حال الحال منذ لقائنا الاول
وما زودتنا حتي القليل لعامنا المقبل
لكنك لم تكن تدري بما قد جد من امري
الكلام ده زي السحر والطلسم كده مش؟
محبتي
Post: #78 Title: Re: احمد الجابري كلما اعتقدت اني اعرفك اراك بعيدا Author: khaleel Date: 07-06-2010, 10:56 AM Parent: #77
Quote: واحد صاحبي كان بيقول إنه" نصف الشباب في السودان تعلموا الحب على وقع كلمات اغاني الجابري، والنصف الأخر تعلم زرف الدموع الصادقة على اغاني زيدان والراحل هاشم ميرغني، عليه الرحمة.
وماتنسي يا الفاتح
سلطان العشاق
الطيب عبد الله
Post: #79 Title: Re: احمد الجابري كلما اعتقدت اني اعرفك اراك بعيدا Author: khaleel Date: 07-06-2010, 10:58 AM Parent: #78
Quote: بكرة جايييك بي مزاج راااايق
هلا ابو الخلد
انتو بكرة عندكم تعادل الليلة عندنا
في انتظارك يا طائر
Post: #80 Title: Re: احمد الجابري كلما اعتقدت اني اعرفك اراك بعيدا Author: khaleel Date: 07-06-2010, 05:41 PM Parent: #79
وفي السلم السباعي
احمد الجابري مبالغة
Post: #81 Title: Re: احمد الجابري كلما اعتقدت اني اعرفك اراك بعيدا Author: احمد الامين احمد Date: 07-06-2010, 06:37 PM Parent: #80
Quote: وفي السلم السباعي احمد الجابري مبالغة
الشاعر والملحن عبدالرحمن الريح مكتشف الجابرى وشاعره الأول برر ولع الجابرى بالسلم السباعى الى إدمان الجابرى الشديد وولعه بأفلام فريد الاطرش الذى لايكاد يخلو فيلم منها من أغنية جديدة وكان الجابرى بحكم التنشئة فى حى العرب وسط ام درمان يرتاد السينما بامدرمان بصورة شبه يومية ويلاحظ مقدرة العزف عند الجابرى على العود بصورة أشبه بالإعجاز عند كليهما الجابرى وفريد الاطرش علما ان إسماعيل عبدالمعين فى كتاب الفن مع محمود أبوالعزائم ذكر ان فريد الطرش هو أفضل ضارب عودبالعالم العربى يليه السودانى العالمى الراحل حمزه علاء الدين " ملاحظة يوجد عازف كمنجه وملحن اسمه علاء الدين حمزه... إذن تأثرا بفريد الأطرش ولونيته عشق الجابرى العود وبرع فى الضرب عليه بريشة النسر كإسماعيل عبدالمعين او بقودم النسر كزرياب قديما ببغداد والاندلس ولقد ذكر الكاتب الكبير والعاشق للفن السودانى معاوية يس فى مقال عن الجابرى بمجلة الدستور اللندنية 1987 تقريبا أن سكان حى العرب كانوا يذهلون وهم يمرون عند ألاصيل-حسب مصطلح ود الريح -بشارع بيت ناس الجابرى بفتى وسيم جدا جدا يعزف مزهرا امام دارهم فى الشارع ذلك الفتى هو الجابرى ولبراعة عزفة الشجى أنصتوا لدخلاته ولزماته على العود فى اغنية هوج الرياح للشاعر مصطفى عبدالرحيم وده ياخليل تربطه صله قوية بفداسى الحليماب مش بعيد منكم فى ام دقرسى لكنه أقرب لناس صحبك محمد عبدالرحمن فى أربجى وتفصل بينهما ود بلال والعيكورة تقريبا على شارع مدنى وكتب مصطفى عبدالرحيم مثل قرشى محمد حسن ست أغنيات منها جرحى الاليم لابوخليل ابراهيم عوض يا khaleel وفى هوج الرياح ومطلعها : هات يازمن هات يازمن جرعنى كأس مزج الجابرى ببراعة شديدة بين سلمين خماسى وسباعى ببراعة نادرة والاغنية الاخرى التى يتجلى قها عبثه بأوتار المزهر اغنية ود الريح "حكمة" حين يتحاور فى منتصفها بمزهره مع بقية الوتريات والنفخ والايقاعات يفعل ذلك ثلاث مرات حين تصمت تلك الالات دهشة لروعة عزفه الشفيف الذى يحاكى همس الجفون اوكما وصف الريفى عزف عبدالمعين.... إعترف الجابرى فى اكثر من حوار بسيطرة الحس الشرقى على مزاجه لكنه صرح أن سماعه لأغنية ود الريح الزهور صاحية وانت نايم داعبت شعرك النسايم أيقظت صوتك الحمائم الجمال فيك تجلى ...الخ التى غناها مغنى مدنى الكبير رمضان حسن هى أول أغنية سودانية لفتت إنتباهه وجعلت يلتفت الى السلم الخماسى الذى يتم هدهدة كل طفل سودانى عليه كما اعترف حسن عطية فى حوار قديم: النوم النوم النوم تعال سكت الجهال أبوى فات لبيت مكة خلى لى حتة كعكة الكعكة جو المخزن والمخزن عاوزر مفتاح والمفتاح عند الجمال والجمال عاوز عروسالخ ومااجمل هذه الهدهدة حين غناهاهاحسن عطية على مزهره أكثر من مرة ... * أخيرا خلافا للجابرى والتاج مصطفى لم يعترف ود الريح كملحن وشاعر ومكتشف بتلحين اى فنان تعامل معه لأغنيته علما ان ود الريح شهد للجابرى بجمال الصوت وحتى وردى كمنجم الحان وفنان مخيف وبحر زاخر من النغمات لم يدعى انه ملحن "اسعد الايام" التى كتبها له ود الريح معترفا با لميلودى لود الريح رغم وردى حسب تعبيره قد "ركب لها مزيكا"فقال له ود الريح سوى لها اى شى انت عايزوياوردى !!!وبالفعل قد سوى لها وردى الكثير بصوته الراقى .
Post: #82 Title: Re: احمد الجابري كلما اعتقدت اني اعرفك اراك بعيدا Author: khaleel Date: 07-07-2010, 00:39 AM Parent: #81
Quote: هات يازمن هات يازمن
نعم هوج الرياح يا احمد الامين هي ملهمة العشاق ومظاليم الهوي برغم صعوبة كلماتها
هذه الاغنية يحفظها حتي العوام من الناس لخلودها ولجمالها ولرقة معانيها
Post: #83 Title: Re: احمد الجابري كلما اعتقدت اني اعرفك اراك بعيدا Author: خالد العبيد Date: 07-07-2010, 02:42 AM Parent: #82
سلام يا خليل في زيارتي الاخيرة للسودان شهر اتناشر استمعت في سيارة شقيقي الى شريط للجابري اشد ما حيرني ان جميع ما يحويه الشريط اغاني قديمة جدا لم اسمع اي منها من قبل كترت التحانيس لشقيقي ان يهديني الشريط مانفعت معاهو اي تحانيس نوع انا مجدوع في صقط لقط ! وعندنا صقط .. وشنو وشنو !! قال لي الشريط ده انا لقيتو بالصدفة في مكتبة قديمة وما في زول منتبه ليه فتشت لي نسخة منو لكن كل المحاولات باءت بالفشل نقبت في محلات الشرائط في الشهداء محل محل ولم انجح الشريط يحمل اسم غريب لاغنية ما مسموعة
Post: #84 Title: Re: احمد الجابري كلما اعتقدت اني اعرفك اراك بعيدا Author: خالد العبيد Date: 07-07-2010, 02:45 AM Parent: #83
عذرا محاولة لرفع اغنية
Post: #85 Title: Re: احمد الجابري كلما اعتقدت اني اعرفك اراك بعيدا Author: khaleel Date: 07-07-2010, 02:46 AM Parent: #83
Quote: قال لي الشريط ده انا لقيتو بالصدفة في مكتبة قديمة وما في زول منتبه ليه فتشت لي نسخة منو لكن كل المحاولات باءت بالفشل نقبت في محلات الشرائط في الشهداء محل محل
ابو الخلد
بالقرب من سعد قشرة في محلات كاسيت اسمها يامن
بها اشرطة كاسيت نادرة ممكن توصي الجماعة في السودان
يجيب ليك منها
Post: #86 Title: Re: احمد الجابري كلما اعتقدت اني اعرفك اراك بعيدا Author: خالد العبيد Date: 07-07-2010, 03:20 AM Parent: #85
من السيرة الذاتية للفنان احمد الجابري وردت هذه المعلومات ـ ولد الفنان أحمد الجابري بقرية الشرفة ـ أسمه الحقيقي هو أحمد محمد عبدالله الشهير بـ(الجابري) ـ إستقر في حي العرب بأم درمان.. ـ يوجد بهذا الحي الفنانون عبدالرحمن الريح – الطاهر إبراهيم – إبراهيم عوض والفنان التاج مصطفى والشاعر سيف الدين الدسوقي الخ.. ـ الجابري لم يتعلم كثيراً بالمدرسة ولكنه ثقف نفسه بنفسه ـ فاطمة محمد الجابري هي والدته التي كانت تعيش معه بحي العرب وقد جاء لقب الجابري من جده لأمه ـ وبعد وفاتها عاش ظروفاً قاسية وصعبة جداً وأعتزل الغناء فترة من الزمن وتدهورت صحته وعاش فترة إكتئاب وتعاسة ـ أهتم به اللواء جعفر فضل المولى قائد سلاح الموسيقى في ذلك الوقت وأبقاه بمستشفى السلاح الطبي ـ غنى الجابري أغنية الطاؤوس (ملك الطيور) والتي صاغها عبدالرحمن الريح في حديقة الحيوان بالخرطوم حيث كان يتردد كثيراً على الحديقة كل يوم جمعة وأحد . ـ يعتبر من أميز وأمهر عازفي العود في السودان وهو صاحب أجمل ريشة ولا يختلف أهل الوسط الفني في ذلك.. ـ قالت الفنانة الكبيرة أم كلثوم أن أجمل الأصوات في السودان الجابري ورمضان حسن ـ ظهر الجابري مع عدد من العمالقة في منتصف الخمسينيات والفترة الذهبية للإذاعة السودانية ـ من زملائه الذين ظهروا في نفس العام 1957م محمد وردي – صلاح مصطفى – زيدان إبراهيم – وفي بداية الخمسينيات 1953م ظهر سيد خليفة – إبراهيم عوض – صلاح محمد . ـ الجابري فنان متعدد المواهب فكان بجانب الغناء يحب الرسم وكان يستخدم جميع الالوان (في رسم لوحاته) وكان يشغل الأناتيك ولكن عبقريته تتمثل في الالحان.. ـ عاش الجابري وحيداً بعد وفاة والدته ومات وحيداً بتاريخ 24 أكتوبر 1997م
Post: #87 Title: Re: احمد الجابري كلما اعتقدت اني اعرفك اراك بعيدا Author: احمد الامين احمد Date: 07-07-2010, 04:14 AM Parent: #86
Quote: غنى الجابري أغنية الطاؤوس (ملك الطيور) والتي صاغها عبدالرحمن الريح في حديقة الحيوان بالخرطوم حيث كان يتردد كثيراً على الحديقة كل يوم جمعة وأحد .
.إشتهر الجابرى بترديد هذه الأغنية "ملك الطيور" التى هى أصلا من مخلفات الفنان عمر أحمد " من ابناء ودمدنى " وقد كتب ود الريح الاغنية من وحى زيارات متعددة لجنينية النزهة كمايقولون وهى حديقة الحيوانات القديمة "برج الفاتح حاليا" بعد وفاه عمر أحمد فى ريعان شبابه او ميعةصباه كايقولون بفعل إخشوشان صوته السوبرانو الجميل بفعل البلوغ أصابه الإكتئاب فحدق فى الموت فقام ود الريح لاحقا بالسماح للجابرى بغناء "ملك الطيور" وللصوت الكاستراتو الجميل إسماعيل خليل بغناء: فى بعدك لقيت قربى وعزف لحن السرور قلبى. أما: كان بدرى عليك تودعنى وانا مشتاق ليك نشيد عمر أحمد الأثير فغناه أكثر من صوت منهم أبوعركى البخيت " برضو من مدنى" لكنها أجمل عند شرحبيل احمد عندما يغنيها بالعود فقط رغم إنه نادر مايفعل تحية لود الريح وعمر احمد والجابرى. ياخليل ود الريح قال أول مرة عزف لعمر أحمد عشان يختبر صوته باغنية القطار المرا للشفيع واغنية انا المعذب بالجمال للتاج مصطفى لم يستطع ان يعزف وتلخبط أكثر من مرة لان صوت عمر أحمد أصابه بمايشبه المس الكهربائى من روعه جماله وسحر بيانه فتامل.
Post: #88 Title: Re: احمد الجابري كلما اعتقدت اني اعرفك اراك بعيدا Author: khaleel Date: 07-07-2010, 04:46 AM Parent: #87
Quote: ياخليل ود الريح قال أول مرة عزف لعمر أحمد عشان يختبر صوته باغنية القطار المرا للشفيع واغنية انا المعذب بالجمال للتاج مصطفى لم يستطع ان يعزف وتلخبط أكثر من مرة لان صوت عمر أحمد أصابه بمايشبه المس الكهربائى من روعه جماله وسحر بيانه فتامل.
لم نجد اي تسجيلات لفتلة الزمان عمر احمد ولكن ما زلت اذكر