Post: #1 Title: هل يكفي طرد اللاعب سواريز ؟؟؟؟؟؟؟؟؟؟؟ Author: عمران حسن صالح Date: 07-03-2010, 07:55 AM Parent: #0
هو الآن بطل في بلده يعني شنو ينطرد بس ؟؟ مفروض يتغير القانون في هذه الحالة عشان الكورة أصلاً خلاص جوة الجكـ والله حررررررررررررررام عادت إليه الحياة بعد أن خرج مطروداً معتقد بأن الهزيمة والعار خلاص سايرين معاهو باقي عمرو
Post: #2 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: محمد عبد الماجد الصايم Date: 07-03-2010, 07:57 AM Parent: #1
غايتو ما عارف يا عمكـ .. ورغم إني انتظرت كتير يجيبو الكورة دي مع اللاين، عندي إحساس كبير إنو سواريز دا أصلا طلّع الكورة من جوه القون!! يعني مفروض تتحسب قون وينطرد اللاعب!!
Post: #3 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: عمران حسن صالح Date: 07-03-2010, 08:05 AM Parent: #2
Quote: يعني مفروض تتحسب قون وينطرد اللاعب!!
عندي نفس الإحساس يا محمد بس برضو يظل السؤال استفادت شنو غانا من طرد السجم ده ؟؟ سيكرر ما فعل طالما القانون سيطرده فقط وطالما هنالكـ لاعب شفقان حا يضيع ضربة الجزاء !!!!
Post: #4 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: عمران حسن صالح Date: 07-03-2010, 08:17 AM Parent: #3
معقولة بس نموت بي حسرتنا وهذا يحتفل الآن وبكره بانجازه الرخيص ؟؟؟
Post: #5 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: ناصر النعمان البدوي Date: 07-03-2010, 08:21 AM Parent: #4
بس ده يا عمران يا خوي لا يعفي أبدا من دروشة الأفارقة
اللي دايما متعودين عليها...
Post: #6 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: عمران حسن صالح Date: 07-03-2010, 08:28 AM Parent: #5
Quote: بس ده يا عمران يا خوي لا يعفي أبدا من دروشة الأفارقة
كنا عاوزين نفرح ونفخر يا ناصر
Post: #7 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: أيمن دياب Date: 07-03-2010, 08:33 AM Parent: #6
يابومحمد سلاماتنا.. الغريبة اللاعب التاني الجنبو برضو كان بحاول يطلعو الكورة بي يدو.. كأنهم لاعبين كورة طائرة..
Post: #22 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: عمران حسن صالح Date: 07-03-2010, 05:29 PM Parent: #7
Quote: كأنهم لاعبين كورة طائرة..
عشان كده يا أيمن ولأنو المغصة بتكون قاتلة لازم يتم تعديل القانون إلى عقوبة أقوى حتى لا يدفع ثمن الأخطاء القاتلة الفريق الآخر المجتهد أكتر بضربة جزاء ( تعويضاً ) تعتمد على تماسكـ ( لن يجده اللاعب) المنتهية لياقته بسبب الإرهاق والجري المتواصل لأكثر من ساعتين
Post: #8 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: طارق عبد اللطيف نقد Date: 07-03-2010, 08:34 AM Parent: #6
دي حلاوة الكورة يا عمران
لازم تنفعل وتسب وتلعن
وشوف المفارقات العجيبه دي غانا من انجاز تاريخي ليها ولي افريقيا ودعت من الباب الواسع
والاورغواي دخلت من قد الابره
و جيان اساموا من بطل قومي اي اكتر فرد مكروه في غانا وامسى وكل افريقيا تلعنهة وتسب ليه
قانون كرة القدم عادل جدا طرد وضربة جزاء وايقاف مباراة كفايه جدا ولا تنسى ان ضربة الجزاء 99% قون
وشوف المغسه في الزمن بدل الضائع للزمن بدل الضائع
Post: #9 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: حافظ كنجال Date: 07-03-2010, 08:53 AM Parent: #8
تعرف انا لو في مكان الحكم كان ساموه جيان ده اديتو عشرين كرت احمر ده افريقيا كلها كانت راجياهو ده الطريق كان ممهد لفريقيا عشان تشيل ليها كاس عالم
الاورجوانين مبسوطين لانو الغانيين كانو بستهترو بي ضربات الجزاء شوف الكابتن نمرة خمسة شات البنلتي ده كيف درديقة في يد الحارس
سواريز عارف القانون ومابعيد بي عباطتهم دي تلقاهم في المبارة النهائية وومكن يشيلوا الكاس
Post: #10 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: Hisham Ibrahim Date: 07-03-2010, 09:19 AM Parent: #9
غـانا خلتنا نمنا بي الحسرة والمغسة المُره
الغريبة لمن شات جيان في ضربات الجزاء - جابها قون !!!
نمره عشرة كان احق زول بي البلنتي دا - وجيان كان
عاوز ينافس في الهداف عشان كدا شاتها ..
وسواريز حا يعملوا ليهو تمثال في بلدو ،،،
هشام
Post: #11 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: محمد عمر الفكي Date: 07-03-2010, 10:03 AM Parent: #10
انتوا في دا ولا ابو جسيم قال الكورة أصلاً تسلل قبل ما تنلعب في القون!!!!! وقال ما بني على باطل فهو باطل!!! هل هي حكمة إالهية؟
Post: #12 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: عبدالله احيمر Date: 07-03-2010, 10:39 AM Parent: #11
Quote: غـانا خلتنا نمنا بي الحسرة والمغسة المُره
غانا أصـلا ما خلتنا نقدر ننـوم
الكورة تجاوزت خـط المرمى ( شـوف راس اللاعب الأول ونزل منـو خط عمودي تلقى راس اللاعب داخل الخط مع ملاحظة أن الكورة فاتتـو أصـلا , يعني سواريز طلعها من القـون ) المفروض أن يطرد الحكم من المونديال ( رغم أنو كان حازم وحاسـم طوال المباراة وقرارته صحيحة بنســبة 99.9999999 % )
Post: #13 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: احمد التجانى احمد Date: 07-03-2010, 10:55 AM Parent: #12
قدر الله وما شاء فعل يعنى ياعمران اكثر من الطرد والبنلتى تانى شنو الحكم مامسئول من رواشة اساموا قايان ولا استهتار كابتن غانا فى تسديد ضربتى الجزاء وهاردلك افريكا
Post: #14 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: وليد محمد المبارك Date: 07-03-2010, 11:04 AM Parent: #13
نعم يكفي ...
وهو لاعب بطل بحق وحقيقة ..
لماذا ترمي اللوم على سواريز ؟
لوم اللاعب الذي هدف المرة الاولى بضعف تحت اقدام سواريز فاخرجها سواريز البطل بقدمه
لوم اللاعب الاخر الذي هدف براسه بكل رعونه في المنطقة التي يقف فيها سواريز في مرمى مساحته سبعة امتار ليمكن سواريز البطل من اخراجها بيديه
لوم الاعب الذي يعطوه ضربة من نقطة الجزاء في الدقيقة 120 ليلعبها في عارضة مقاسها 15 سنتمتر عرضا وسبعة امتار طولا لتشكل مساحة اقل من متر مربع
ويترك مساحة خالية من المرومي تقدر بـ 21 متر مربع
سواريز بطل وغانا اخرجت نفسها بضعف التركيز
المهم الخلاصة غانا متعتنا وفعلت اكثر من ما هو مرجو منها في ظل غيابات 1) ايسان 2) ابن عبيد بيليه
اما الاورقواي
100%
Post: #15 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: الأمين لعوتة Date: 07-03-2010, 11:26 AM Parent: #14
Quote: جيان اساموا من بطل قومي اي اكتر فرد مكروه في غانا وامسى وكل افريقيا تلعنهة وتسب ليه
صاحب البوست و الاخوان المتداخلون
تحياتي
ما اجبرني علي الرد هنا مستوي الاحباط الحاسبي بيه في البوست ده يا شباب دي كورة يعني الموضوع غالب و مغلوب و لو سمعتو كل الناس البشجعو غانا بعد المباراة قالو انو بحسو بالفخر من مستو الاداء بتاعها و اي زول كان بيقول انو خرج من الاستاد و راسم مرفوع
و عشان تعرفو انها مدورة صحي هسي الجماعة الفرحانيين (ارغواي) ديل اول ناس فازو بكاس دلوقتي يفتشو فيها بالحظ مع غانا
و اخونا سواريز ده (بالرغم من اني معجب بيهو) ح يتعاقب ب اكتر من الطرد و اخير ليهو يقنع من الكورة بعد ده ولو مغالطني يسأل تيري هنري
فريق غانا رفع راس اي افريقي و ح يستقبل في بلدو كبطل
.
Post: #29 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: عمران حسن صالح Date: 07-04-2010, 10:43 AM Parent: #14
Quote: لماذا ترمي اللوم على سواريز ؟
القصد يا وليد أن يتم تقليل نسبة الأخطاء ما أمكن عندما يكون اللاعب عارف انو شيلتو للكورة من المرمى بي يدو لن تؤدي لإلغاء الهدف فلن يفعل فعلته وسيحاول ما أمكن التصرف بطريقة أخرى وده كمان لو عارف إنو حا ينطرد ما الفائدة إذن من استخدام يده طالما سيتم إحتساب الهدف وسيطرد ؟؟؟
Post: #28 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: عمران حسن صالح Date: 07-04-2010, 10:39 AM Parent: #9
Quote: سواريز عارف القانون ومابعيد بي عباطتهم دي تلقاهم في المبارة النهائية
إذن يا حافظ تغيير أو تعديل القانون ضرورة
Post: #27 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: عمران حسن صالح Date: 07-04-2010, 10:38 AM Parent: #8
Quote: دي حلاوة الكورة يا عمران
وما المانع يا طارق أن تكون أحلى بعدم ضياع مزيد من الحق ؟؟ كوره قووون بنسبة 100% ليش ننتظر نسبة أقل في حال تنفيذ ضربة الجزاء ؟؟
Post: #16 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: almulaomar Date: 07-03-2010, 12:57 PM Parent: #1
عمران تحياتي هي حاره حرارة نص نهارنا بس الراجل إستفاد من القانون والغانيون لم يستفيدوا من الفرص التي أتيحت لهم. اللاعب بصراحة ذكي بما فيه الكفاية فقد إستخدم روح القانون لآخر درجة ووضع كل الحسابات الممكنة في أقل من طرفة عين ، إذا الكورة دخلت قون حا يطير منتخب بلاده وليس هناك وقت للتعويض إذا أخرج الكرة بيده سوف يتم طرده لكن على الأقل سوف يمنع هدف محقق وبالتالي يبقي إحتمال إحارز الهدف من ضربة الجزاء يساوي ضياع الهدف من ضربة الجزاء وهذا ما حصل.
Post: #17 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: محمد عمر الفكي Date: 07-03-2010, 01:07 PM Parent: #16
والله بتفق مع وليد المبارك، سواريز دا حقو اورجواي تعمل ليهو تمثال، بعدين يا ريت لعيبتنا ديل يعاينوا لكاس العالم دا ويتفرجوا ويتعلموا عشان ما يشيلوا الستات تاني في ارضهم. حاجة في ذمتكم سواريز دا لو ما لعاب زول رأس حربة الموقفه في خط المرمي حقو شنو؟
Post: #18 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: Mahjob Abdalla Date: 07-03-2010, 01:16 PM Parent: #16
الغريبة نفس المشهد ده مكرر من مباراة غانا و استراليا... كان في هدف محقق و اخرجه المدافع الاسترالي بيده واخد كرت احمر و بعدها نفذ جيان ضربة الجزاء و احرزها الا ان هذه المرة فشل فيها...
Post: #19 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: Mohamad Shamseldin Date: 07-03-2010, 01:39 PM Parent: #18
عمران الكورة شفتها ديشليون مره ... و قفتها.... الكوره تجاوزت خط المرمي... التحكيم الدولي يضحك علي الافارقه كده الواحد قفل من ناس الاورغواي ... و المكسيك ذاتها لانهم كلهم "سي هبلا إسبانيول"... محتالين و مستهبلين... و ممثلين كلهم شحدت ربي هولندا تديهم نص دسته... و أسبانيا ترصع التانيه ديك.. ... كاس العالم بقي تمثيل و حيل ...المفروض أفريقيا تمثلها مصر و لا تونس.. لانهم بتاعين حركات ياخي ده ما عرفناه كاس كوره و لا كاس تمثيل أسامواه جيان أثبت انو شخصيتو قويه ..استطاع تسجيل الضربه الثانية و تقدم لها .. بعدين ضربات الجزاء كثيرين ضيعوها... أنا شخصيا بلوم مدرب غانا .. مفروض كان يكون جاهز...
Post: #20 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: غباشي Date: 07-03-2010, 02:21 PM Parent: #19
Quote: و جيان اساموا من بطل قومي اي اكتر فرد مكروه في غانا وامسى وكل افريقيا تلعنهة وتسب ليه
اخونا طارق نقد و لم لا تقول ان جيان لاعب شجاع , بعد كل ماحدث تقدم بكل رباطة جأش و احرز ضربة الترجيح ... فريق غانا لم يكن مستهتراً و بذل لاعبوه كل ما في وسعهم لكنه الحظ و على الفيفا حسم مثل هذه الحالات بالذات و الرجوع للكاميرات لتحديد ما اذا كانت الكرة عبرت ام لم تعبر , بل في رأي المتواضع يجب ان يتم احتساب اي كرة مبعدة من خط المرمي بواسطة اليد من اي لاعب غير حارس المرمى لأن هذا لا يندرج تحت ما يدعو اليه الفيا من اللعب النظيف فالفيفا عدل الكثير من القوانين من اجل تطوير اللعبة
ولي يا شفت .... مشتاقين ياخ لا اعتقد ان تصرف سواريز عمل بطولي غير انه شكل من اشكال الـ Dirt Play و هذا شئ لا يفرح و لا يدعو للاعجاب
Post: #21 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: وليد محمد المبارك Date: 07-03-2010, 03:30 PM Parent: #20
Quote: ولي يا شفت .... مشتاقين ياخ لا اعتقد ان تصرف سواريز عمل بطولي غير انه شكل من اشكال الـ Dirt Play و هذا شئ لا يفرح و لا يدعو للاعجاب
غباشي يا حبه ازيك ياخ
والله انا متكيف من الزول جنس كيف الزول ده ما مسك الكورة ساكت مسكها عن قصد مستصحب في فكره انها الدقيقة 119 شفت الزول ده مركز لي ياتو درجة وواعي بي نفسو لي ياتو درجة
Post: #23 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: Mohamad Shamseldin Date: 07-03-2010, 05:47 PM Parent: #21
Quote: الزول ده ما مسك الكورة ساكت مسكها عن قصد مستصحب في فكره انها الدقيقة 119 شفت الزول ده مركز لي ياتو درجة وواعي بي نفسو لي ياتو درجة
لا يا وليد... بالطريقة دي اللعيبه يعلموهم فنون الاستهبال و لا شنو..؟ و بالمناسبة الراجل حا يتعاقب و غالبا ما يصدر قرار باقافه بقيه مباريات كاس العالم....
Post: #24 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: Elsanosi Badr Date: 07-03-2010, 05:56 PM Parent: #21
الكوره ممغسه فعلا
لكن لو كنت في محل لاعب الارغواي كنت عملت نفس الشئ عشان فريقي يدخل
تحياتي للجميع
______________________________________________________ ويبقي ديجو ماردونا اكثر شخصيه مثيره للاعجاب لاعبا ومدربا
Post: #25 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: عمران حسن صالح Date: 07-04-2010, 08:47 AM Parent: #24
.
Post: #26 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: Ammir Mohamed Date: 07-04-2010, 10:30 AM Parent: #25
يكفي تماما وتعرف ما مفروض يوقفوه أصلا!! زفت الشفقة على جيان شنو!! ما ينتظر هو قايل الحكم حينهي المباراة قبل ما يلعب ضربة الجزاء!! ينتظر يشرب موية ويجي بعد داك الحارس بكون أكل هوى!! ياخي تعرف الفرق الأفريقية مفروض يعملوا ليهم كأس بتاع أكتر فريق بصيبك بي إحباط!!
مبروك لي سواريز البطل القومي وغانا إلى سخانة أفريقيا ..باي
تحياتي
أمير
Post: #30 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: صبري طه Date: 07-04-2010, 10:44 AM Parent: #26
ود الصايم كتب:
Quote: غايتو ما عارف يا عمكـ .. ورغم إني انتظرت كتير يجيبو الكورة دي مع اللاين، عندي إحساس كبير إنو سواريز دا أصلا طلّع الكورة من جوه القون!! يعني مفروض تتحسب قون وينطرد اللاعب!!
يا عمّك أتاري لقيتك في الكورة قاعد ساي ...
كيف يُطرد اللاعب وقد أصبحت الكورة خارج عن إطار اللعب بعد عبورها خط المرمى ...
دي زي لمّا الكورة تطلع آوت وتمشي تجيبها بإيديك ...
وغايتو يا ود الصايم دي دقسة عمرك !!!!!!!
ــــــــــ سبب التعديل: تصغير الخط
Post: #36 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: محمد عبد الماجد الصايم Date: 07-04-2010, 11:02 AM Parent: #30
Quote: وغايتو يا ود الصايم دي دقسة عمرك
والله يا عمكـ ما دقسة .. لكن مغسة ساي بس!! ياخ أنا لو لميت في أساموا دا كان سمعتو ليكـ كمية فارغة .. تلاقي المارق من خشمي كلو ############## أقل كلمة بقولا ليهو #####!
Post: #33 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: عمران حسن صالح Date: 07-04-2010, 10:48 AM Parent: #19
Quote: أسامواه جيان أثبت انو شخصيتو قويه ..
متخيل يا محمد شمس الدين نفسية الراجل عاملة كيف الآن ؟؟ يعني قوة الشخصية راحت شمار في مرقة
Post: #31 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: عمران حسن صالح Date: 07-04-2010, 10:45 AM Parent: #16
Quote: بس الراجل إستفاد من القانون
الملا معنى الكلام ده إنو القانون فيهو ثغرة وجب قفلها !! ولا شنو ؟؟
Post: #32 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: لؤى Date: 07-04-2010, 10:47 AM Parent: #1
Quote: يعني شنو ينطرد بس ؟؟ مفروض يتغير القانون في هذه الحالة عشان الكورة أصلاً خلاص جوة الجكـ
يا صديقي سلامات
والله العظيم كأنّك بتقرأ أفكاري من لحظة الكورة وقبل ما قيان يشوت ضربة الجّزاء حتّى كنت بقول القانون دا مفروض يتشاف ليهو حل وأفرض هسّع ضرب الجّزاء دي ضاعت لأيّ سبب كيف تبقى تعويض لهدف مؤكّد 100% ما ممكن كورة داخلة القون بنسبة 100% بلا أدنى شك تتعوّض بطرد وضربة جزاء ممكن تضيع أو تـُحرَز بنسبة أيّاً كانت فهي اقلّ من الـ 100% مفروض يكون في قانون في نوع الكوَر الدّاخلة القون 100% دي تتحسب هدف طوّالي
حاجة تغيظ ياخي وفشفاشي مفقوع من لحظتها وبفتّش في رقم موبايل بلاتر
تحاياي للوجيه محمّد وأُمّ محمّد
Post: #34 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: عمران حسن صالح Date: 07-04-2010, 10:52 AM Parent: #32
Quote: مفقوع من لحظتها وبفتّش في رقم موبايل بلاتر
لؤي الحبيب طالما نحن كمشاهدين عادين مقتنعين بضرورة النقاش حول المسألة فتأكد أن خبراء الفيفا ( تيم بلاتر ) ما حا يقصروا الحمد لله الشغلة حقت خواجات ما حقت ناس قريعتي غرقت ديل
Post: #35 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: عمران حسن صالح Date: 07-04-2010, 10:56 AM Parent: #34
Quote: مفروض يكون في قانون في نوع الكوَر الدّاخلة القون 100% دي تتحسب هدف طوّالي
ودي النجيضة
Post: #37 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: عمران حسن صالح Date: 07-04-2010, 11:06 AM Parent: #35
رابط الفيديو الفي بداية البوست كان عليهو كود يمنع إستخدام داخل مواقع أخرى ، يعني رابط الإمباد لا يعمل الآن ظهرت هذه الرسالة ولا أعرف لماذا ؟؟؟
متوفر الآن من مواقع أخرى :
Post: #38 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: Mahjob Abdalla Date: 07-04-2010, 11:33 AM
Post: #39 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: Mahjob Abdalla Date: 07-04-2010, 11:35 AM Parent: #38
Quote: When you've just suffered one of the cruelest exits in World Cup history, as Ghana did on Friday, it takes something pretty big to lift your spirits less than 24 hours later. Maybe something as big as an invite to meet a living legend. Luckily, Ghana got just that on Saturday, when the whole team was invited to visit Nelson Mandela at the great man's home in Johannesburg.
That's Asamoah Gyan above, who failed to make Ghana the first African team in the World Cup semifinal when his last minute penalty kick hit the crossbar after Luis Suarez was red-carded for using his hands on the ball on the line. Gyan had looked incapable of ever smiling again after that moment, but a handshake from the 91-year-old Mandela seemed to do the trick.
Post: #41 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: عمران حسن صالح Date: 07-04-2010, 12:02 PM Parent: #39
عندما تعاني مراراة الخروج من كأس العالم ، كما فعلت غانا يوم الجمعة ، فإنه يلزمكـ الكثير لترفع من معنوياتك بعد أقل من 24 ساعة . ربما شيء جيد مثل دعوة للقاء أسطورة حية ، وهذا ما حصلت عليه غانا أن يوم السبت ، عندما دعي الفريق بأكمله لزيارة نيلسون مانديلا في منزل رجل عظيم في جوهانسبرغ. هذا اسامواه جيان أعلاه ، الذي فشل في جعل غانا أول فريق أفريقي يصل للدور قبل النهائي لكأس العالم عندما أضاع ضربة الجزاء في الدقيقة الاخيرة والتي صدتها العارضة بعد أن حصل لويس سواريز كان على البطاقة الحمراء لاستخدام يديه على الكرة على خط المرمى وكان غيان قد بدأ وكأنه غير قادر على الابتسام من أي وقت مضى بعد تلك اللحظة ، ولكن من مصافحة مانديلا 91 عاما) يمكن أن تخدع نفسكـ محاولاً الإبتسامة
______________ شكراً محجوب عبد الله
Post: #40 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: walid taha Date: 07-04-2010, 11:54 AM Parent: #32
عمران تحياتي،،،
كتب أبو اللول
Quote: مفروض يكون في قانون في نوع الكوَر الدّاخلة القون 100% دي تتحسب هدف طوّالي
تصدق يا لؤي مرة نحن لاعبين مباراة واحد من مهاجمينا شات كورة فى القون (ياها ديك ماااشة القون) لدرجة انو لو بتصدق الحكم حسبها قون واللاعب الشاتاقلب هوبة و قام جارى والجمهور كورك والله شوف عيون الكل الكورة طلعت آوت علما بإنوأرضية الملعب متساوية وخالية من الحفر. والله لليلة أنا ماعارف الشئ ده حصل كيف. عشان كده مالم تعبر الكرة او تهتز الشباك ماافى ضمان بان الكورة هدف.
لا يفوتنى ان أشير بأن المباراة المعنية كانت فى (الهند) :)!
Post: #42 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: Mahjob Abdalla Date: 07-04-2010, 12:25 PM Parent: #40
شكرا عمران علي الترجمه و برضو احتلينا البوست بتاعكم و كده...
Post: #43 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: عمران حسن صالح Date: 07-04-2010, 01:06 PM Parent: #42
Quote: برضو احتلينا البوست بتاعكم و كده...
وهذا أجمل فهم للموضوع ، من يريد أن ( يقدل ) لوحده فليعمل مدونة خاصة ( يجدَع ) فيها بي راحتو يا صديقي
Post: #44 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: سيف اليزل جعفر عبد الرحمن Date: 07-04-2010, 01:17 PM Parent: #42
Quote: قانون كرة القدم عادل جدا طرد وضربة جزاء وايقاف مباراة
اطالب الفيفا باضافة عقوبة ( ام كف ) بعد البطاقة الحمراء
المفروض يكون فيه 40 ام كف من اكبر المشاهدين حجماً في الملعب .
Post: #45 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: عمران حسن صالح Date: 07-04-2010, 01:37 PM Parent: #44
Quote: المفروض يكون فيه 40 ام كف من اكبر المشاهدين حجماً في الملعب .
يا سيف الكف هين المهم النتيجة بيحسبوا لينا الهدف ولا لا ؟؟؟ لكـ التحية
Post: #46 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: سيف اليزل جعفر عبد الرحمن Date: 07-04-2010, 02:13 PM Parent: #45
Quote: [يا سيف الكف هين المهم النتيجة بيحسبوا لينا الهدف ولا لا
اكيد يحسبوا لينا هدف
لك مليون تحية
Post: #47 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: هيثم درار Date: 07-04-2010, 02:40 PM Parent: #46
Quote: لا يفوتنى ان أشير بأن المباراة المعنية كانت فى (الهند) :)!
فى الهند يا هندى انت؟؟؟ طيب ما براك يدا عارف السبب شنو فى إنها ما دخلت القون وطيب ليه الفيفا حرمت الهند من اللعب فى كاس العالم؟؟؟
يا هندى
Post: #48 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: عمران حسن صالح Date: 07-04-2010, 03:54 PM Parent: #47
Quote: أشير بأن المباراة المعنية كانت فى (الهند)
تحياتي يا وليد الجميل
Post: #49 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: أيمن دياب Date: 07-04-2010, 04:05 PM Parent: #48
بدر الدين قلق عمل نفس الحركة دي في تونس..
Post: #50 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: Mohamad Shamseldin Date: 07-04-2010, 06:21 PM Parent: #49
و المحمدي بتاع مصر برضو عملها ضد البرازيل في كأس القارات... عشان كده لو مصر كانت في كاس العالم... كان إستهبال و لولوه عملت حاجه
Post: #51 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: عمران حسن صالح Date: 07-04-2010, 07:32 PM Parent: #50
Quote: بدر الدين قلق عمل نفس الحركة دي في تونس..
Quote: و المحمدي بتاع مصر برضو عملها ضد البرازيل في كأس القارات... عشان كده لو مصر كانت في كاس العالم... كان إستهبال و لولوه عملت حاجه
عاد يا أيمن وشمس الدين لقيتكم حافظين ياخي أنا غبينتي في غانا الله يفشها لي
Post: #52 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: طارق الكوتش Date: 07-04-2010, 07:41 PM Parent: #51
Post: #54 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: عمران حسن صالح Date: 07-04-2010, 08:16 PM Parent: #52
شكراً طارق وبرضو الغبينة في يا طارق لأنو الحصل ده ممكن يتكرر بدون تسلل وبطريقة صحيحة مية في المية ولكن !!؟؟ يجي واحد يطلعه من جوه القون ويطردوهو والمتضرر يشوت التعويض بره الشبكة ؟؟ دي المشكلة
Post: #53 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: محمد علي شقدي Date: 07-04-2010, 07:46 PM Parent: #51
عمران تحياتي بوست خفف كثير من الم وفشه شئ من غبينه
لكـ التقدير لسؤالك منطقي في لعبه لا تعرف للمنطق غير الطريق الملتوي بالحظ احيانا كثيره
Post: #55 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: لؤى Date: 07-05-2010, 08:19 AM Parent: #40
Quote: تصدق يا لؤي مرة نحن لاعبين مباراة واحد من مهاجمينا شات كورة فى القون (ياها ديك ماااشة القون) لدرجة انو لو بتصدق الحكم حسبها قون واللاعب الشاتاقلب هوبة و قام جارى والجمهور كورك والله شوف عيون الكل الكورة طلعت آوت علما بإنوأرضية الملعب متساوية وخالية من الحفر. والله لليلة أنا ماعارف الشئ ده حصل كيف. عشان كده مالم تعبر الكرة او تهتز الشباك ماافى ضمان بان الكورة هدف.
لا يفوتنى ان أشير بأن المباراة المعنية كانت فى (الهند) :)!
وليد العزيز صباح الخير
أها دا ذاااااااااتو مفروض يتحسب قون وخلاص القانون يتعمل وتُستثنَى الهند
عمران إزّيّك
Post: #56 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: مازن فيصل هلال Date: 07-05-2010, 08:43 AM Parent: #55
Quote: انتوا في دا ولا ابو جسيم قال الكورة أصلاً تسلل قبل ما تنلعب في القون!!!!! وقال ما بني على باطل فهو باطل!!! هل هي حكمة إالهية؟
ياخ دا من كورة الهلال و الزمالك دييييييييك(بتاعة صاروخ صبحي) و توادده م ابتساماته مع اللعيبة المصريين و انا ما معتبرو عندو علاقة بالكورة زاتو -خلي يكون خبير كروي
Post: #57 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: ABDELMAGID ABDELMAGID Date: 07-05-2010, 09:13 AM Parent: #56
Quote: هل يكفي طرد اللاعب سواريز ؟؟؟؟؟؟؟؟؟؟؟
أستاذ عمران .. سلامات ... طرد اللاعب أو بقائه فى الملعب لا يقدم أو يؤخر فى المحصلة النهائية لنتيجة المباراة .. و يجب على الفيفا أن يطور قوانينه و لوائحه حتى تقضى مثل هذه الظاهرة و ذلك باحتساب الكرة فى هذه الحالة هدفا ! فالاعب ( سواريز ! ) كان تدخله قانونى و ضحى بالكرت الأحمر مع ضربة الجزاء على أسوأ الإحتمالات 20% ! بأن لا ينتج من الضربة هدفا و هذا ما نجح فيه بالضبط .. و بالتالى أعتبر اللاعب فى بلاده بطلا !!! و لقد كان ذكيا و مثل هذه الحيل القانونية معروفة فى رياضات أخرى مثل ال NBA ... علة كرة القدم اليوم فى جهاز الفيفا برئاسة بلاتر و ميشيل بلاتينى فيجب ان يخرجوا و يحرروا اللعبة من قوقعة القرون الوسطى و التعامل بتكنلوجيا و منطق القرن الحادى و العشرين ... عبدالماجد
Post: #58 Title: Re: هل يكفي طرد اللاعب سواريز ؟؟؟؟؟؟؟؟؟؟؟ Author: عمران حسن صالح Date: 07-05-2010, 10:24 AM Parent: #57
Quote: طرد اللاعب أو بقائه فى الملعب لا يقدم أو يؤخر فى المحصلة النهائية لنتيجة المباراة .. و يجب على الفيفا أن يطور قوانينه و لوائحه حتى تقضى مثل هذه الظاهرة و ذلك باحتساب الكرة فى هذه الحالة هدفا ! فالاعب ( سواريز ! ) كان تدخله قانونى و ضحى بالكرت الأحمر مع ضربة الجزاء على أسوأ الإحتمالات 20% ! بأن لا ينتج من الضربة هدفا و هذا ما نجح فيه بالضبط .. و بالتالى أعتبر اللاعب فى بلاده بطلا !!! و لقد كان ذكيا و مثل هذه الحيل القانونية معروفة فى رياضات أخرى مثل ال NBA ... علة كرة القدم اليوم فى جهاز الفيفا برئاسة بلاتر و ميشيل بلاتينى فيجب ان يخرجوا و يحرروا اللعبة من قوقعة القرون الوسطى و التعامل بتكنلوجيا و منطق القرن الحادى و العشرين ...
أخونا ع الماجد وده يا سيدي بيت القصيد والرأي العاقل
